مع هيكل
الجزيرة ٨ مساء الخميس و٢ ظهر الجمعة ومش عادف كام فجر السبت.

العاشرة مساء
مع منى على دريم ٢ كل يوم ١٠ مساء.

أخبار الجزيرة
على مدار اليوم

وثائقيات الجزيرة والبي بي سي
كلما سنحت الفرصة

فيه تاني باين ..

مش
عارف ليه الكارتون بيجبلى العصبى
مع احترامى لمحبيه
طبعا مكانش على أيامنا زمان
يمكن عدم تعود عليه
كان
على أيامنا الأراجوز والبيانولا وخيال الضل والنحلة والدبور والطائرة الورقية
حيث ولدت ونشأت فى حى شعبى

يا بروف ، المواعيد دي بتوقيت مصر والا جرينتش ؟؟؟

شكرا لكل من تفضل بالمشاركة في الموضوع

يا ترى حد يعرف أي برامج وثائقية عن عالم الحيوان ؟؟؟ كان فيه برنامج بييجي على الشارقة الفضائية اسمه (غريزة القتل) كان جميل بس تقريبا بطل ييجي أو غيرو معاده ،،، حد كان بيشوفه ؟؟ أو أي برنامج تاني عن عالم الحيوان ؟؟

طب في برنامج كنت بحبه جدا وأنا صغير أسمه العلم والايمان لمصطفى محمود دورولنا عليه بيتعرض فين


مون في قناة إسمها دسكفري كلها حيونات

في برنامج كان بيجي على تلفزيون لبنان TL الساعة 15.00 بتوقيت بيروت إسمه < مشوار >

ألاحظ منذ أسابيع إختفاء هذا البرنامج .... مش عارف إتلغي وللا إتغيّر ميعاده

بودي مشاركتكم بس للاسف غير متابعه للتلفزيون فيما عدا...

برنامج( الكلمة واخواتها) يوم الجمعه الساعه 7 ونص المغرب...على قناة دبي الفضائية..

والبرنامج التالي من ماما

مع اسامه اطيب...(برنامج للطبخ)

بيعرض الساعه 12 ظهرا كل يوم ماعدا الجمعه ..في حلقات تستحق التسجيل يا منى.

انا اقترح عليكم مناقشة برامج التليفزيون المصرى وقنواته العادية فقط الاولى والثانية فقط ومن الممكن ان نناقش القنوات الاقليمية الاخرى
وذلك لسبب بسيط ان معظم الشعب المصرى لا يوجد لديه ما يطلق عليه دش وبالتالى لا يتمكن من مشاهدة القنوات الفضائية وبالتالى فهو لا يعرف حتى اسمائها
ما رايكم فى هذا الكلام
على ان نتناول برامج التليفزيون المصرى بالنقد والتحليل عسى ان يكون السيد انس الفقى من زوار هذا المنتدى فيشترك معنا فى هذا النقد وربما يقتنع بفكرة او موضوع جديد

والله اخى العزيز اعتقد ان التلفزيون المصرى وقنواته حرام يتصؤف عليهم المبالغ دى كلها وهما والله مالهم لازمة لابرامج مفيده فى اى مجال ولا ليهم لازمة نهائى وبالتالى لا يقبل اى شخص على مشاهدته غير المجبور على ذلك يعنى تلفزيون المصرى اعتبر ان التلفزيون عطلان ومش لازم تفتحوا
وصدقنى مش هتلائى برنامج واحد فيه يحتاج منك مجهود انك تتكلم عليه لانه بجد كله عيوب

يا اخ هرم
انت تفترى على التليفزيون المصرى
امال يا راجل الريادة الاعلامية اللى كان قارفنا وفالقنا بيها صفوت الشريف ايام ما كان فى الاعلام بتنكرها ليه
حرام عليك يا هرم
تليفزيون مصر له السبق والريادة فى العالم العربى بدليل ان اخر استفتاء فى قناة ال cnn الامريكية عن نسبة مشاهدة القنوات العربية كان نصيب قناة الجزيرة 77% ثم العربية 7% يليها قنوات لبنان وحصلت القنوات المصرية على صفر% وكان هذا بعد صفر مونديال كاس العالم

والله يا اخى العزيز انا كنت حاسس ان التلفزيون ده اتعمل لصفوت مخصوص يعنى خلاص هو مشى يبقى يمشى معاه وبلاش الفلوس دى كلها حرام عليهم الناس مش لائيين الاكل ربنا ينتقم من كل واحد سرق مليم من مالنا

النهاردة بالصدفة كنت بظبط قناة في التليفزيون
المهم الظبطة وقفت يا علي القناة التانية يا التالتة
لقيت مذيعة وحواليها اطفال حلوين بتسال واحد عن القطة
بتقوله وانت يا حبيبي بتلعب مع القط في البيت وشوية اسئلة بجد
غير طبيعية يعني معقول الطفل اللي بيتعامل مع اجهزة الكمبيوتر
وبقي لهلوبة فيها لسة بيتسال بالسذاجة دي

ماااااا عليناااااااااااا انا بحب توم اند جيري

بصراحة بتفرج قليل الا لو فيه احداث تسرعنا كده في الاخبار
او ماتش للزمالك

ماااااا عليناااااااااااا انا بحب توم اند جيري

بصراحة بتفرج قليل الا لو فيه احداث تسرعنا كده في الاخبار
او ماتش للزمالك [quote]

ايه يافيرى ده حرام عليكى يعنى من بعد توم اند جيرى تتفرجى على الزمالك بعدما تنبسطى تتنكدى حرام عليكى

عموما هنشوف قرب متشكم معانا وهنشوف

أنا ما بأشوفش .. ينفع أشارك فى الموضوع؟


حتى الأخبار .. كانت هى الوحيدة التى أواظب عليها مساءً .. خلاص .. بطلتها.


لكن ...

لما كنت فى الإمارات .. كنت أجد التليفزيون فى كل مقهى أدخله مع زعلان والبنا وتصحيح .. وكل المعروض كان عبارة عن كليبات رقص "ايروتيك" تحت اسم أغانى للأسف.

واكثر ما لفت نظرى، كانت رسائل الإس إم إس المتبادلة بين المشاهدين على الشاشة.
بأمانة ربنا .. كانت حاجة تثير الغثيان بالنسبة لى.

ولما رجعت مصر .. وبسبب الحر والتراب والزحام والزهق من التعامل مع الناس .. كنت فاتح التليفزيون طوال اليوم، أغير فى محطاته طول الوقت .. كأنى بأكتشفه .. ووجدت بعض البرامج الجيدة فعلاً .. (لكن لا أعرف اسم معظم القنوات).
من هذه البرامج .. كان حديث هيكل على الجزيرة ـ وبعض اللقاءات والمناقشات على الجزيرة والعربية ودريم2 والمصرية .. وبرنامج اسمه بلغوا عنى ولو آية فى دريم 2 (لتعليم القراءة الصحيحة للقرآن) .. غير هذا .. كان فيه قناة مش فاكر اسمها بتعرض أفلام مصرية قديمة معظمها أبيض وأسود وكذلك أغانى قديمة استمتعت بهم فعلاً

هيهيهيهيهيهييهيهيهي مرة اتصلت بفريدة علشان أسألها قناة الأفلام القديمة على رقم كام الأول استغربت وبعدين ضحكت على تأخرى الشديد قالتلى كل تليفزيون أرقام قنواته مختلفة .. حسب جهاز إستقبالك وبقت مش متأكده إنى صحيح عايش فى دولة من دول العالم المتقدم وأنا بقيت قاعد مش فاهم هى تقصد إيه وفاتح بقى وملبوخ حتة لبخة

بس خلاص فهمت السر وبقيت مثقف .. شكراً يا فريدة

قناة "محمد السادس للقرآن الكريم" بتجيب مسلسل "محمد رسول الله" الجزء الرابع الساعة 8:30 مساء بتوقيت مصر ، 10:30 مساء بتوقيت الإمارات ، 9:30 مساء بتوقيت السعودية ، 6:30 مساء بتوقيت جرينتش

يعني ممكن تتفرجو على المسلسل 4 مرات في اليوم

للأسف فاتني الـ 3 أجزاء الأولى

بصى يا ام يوسف
انا عادة قناة الجزيرة تأخذ اغلب وقتى...
الى جانب ذلك طبعا هناك بعض البرامج التى لا استطيع الاستغناء عنها ومن هذة البرامج برنامج قلم رصاص للاستاذ حمدى قنديل وهو برنامج يذاع على قناة دبى الفضائية يوم الجمعة الساعة الثامنة والنصف مساء بتوقيت القاهرة



هناك برنامج آخر احب مشاهدته وهو برنامج قبل ان تحاسبوا على قناة اقرأ الفضائية كل يوم خميس الساعة الثامنة مساء بتوقيت القاهرة...
مولع جدا جدا بعالم الحيوان ولحبى لها استعمل قناة قناة خاصة على القمر الصناعى هوت بيرد (مجموعة سكاى)...بس

....