المساعدة - البحث - قائمة الأعضاء - التقويم
أعضاء منتدي محاورات المصرين
منتديات شئون مصرية > موضوعات متنوعة > منوعات
ناصر الملك و الملكية الأول
بسم الله الرحمن الرحيم

هذا الموضوع خاص و مميز جداً cool.gif

من أجل المهاجرين من منتدي محاورات المصريين smile.gif

و المشاركة هنا إجبارية مش أخياري tongue.gif

أرجو من كل أعضاء منتدي محاورات المصريين المشاركين في هذا المنتدي أن يقومو بتعريف أنفسهم

و يكتبو الإسم السابق في منتدي محاورات المصريين ........ يلا بقي عشان يتلم شملنا

تحياتي
hamo90
أنا hamo90
في المحاورات والشئون

ويلا عشان بقية المهاجرين يقولوا اللي عندهم


حمو
ناصر الملك و الملكية الأول
اقتباس (hamo90 @ Dec 26 2004, 04:40 PM)
أنا hamo90
في المحاورات والشئون

ويلا عشان بقية المهاجرين يقولوا اللي عندهم


حمو

أهلاً يا أبو حمو .......

نورت المكان ...............

و أنا ناصر الملك و الملكية .. بينادوني ناصر للأختصار

مع أني مش بحب الإسم ده mad.gif

يلا في أنتظار الباقي

-----------------------------------

مش عارف ليه عندي إحساس أن الأفوكاتو هو الجاي في السكة blink.gif
Alavocato
الأخ ناصر الملك,

ليس كل الأعضاء المشاركين هنا و كانوا فى منتدى المحاورات, قد هاجروا من هناك , بل أن منهم من شارك فى منتدى شئون مصرية منذ إنشاء المنتدى, و مازالوا أعضاءا فى المنتديين.

و دعوتك لتكوين مجموعة من المهاجرين من منتدى المحاورات هى فى إعتقادى هى دعوة تفريقية تحزبية, و لا داعى لها.

لقد ذكرت فى مكان آخر هنا أن علينا أن نحل مشاكلنا الفردية مع المنتديات الأخرى بدون زج المنتديات نفسها فى خلافات لا دخل لها فيها.

نحن جميعا, سواء فى المحاورات, أو هنا أخوة و أخوات, نكتب عشقا فى مصر, و ليس لتصفية حسابات.

مرة أخرى, دعونا من التفرقة و التحزب, فنحن كلنا إبناء مصر.

صميم
الأخوة ألأعزاء من أى منتدى كنت ، أنت هنا فى منتدى الشئون المصرية ، وكلنا لم نشعر بالغربة من أول يوم إشتركنا ، وكلنا أعضاء فى منتديات عديدة ومن ضمنها منتدى المحاورات ، فنرجوألا تفصلون أنفسكم عنا بدون أى داعى . وأنا أؤكد لكم أنه إذا حدثت مشاكل بين الأعضاء وبعضهم أو بين الأعضاء والمشرفين ، قإنها تحل بحرفنه إدارية حقيقية من المشرفين . وعندما إشتركت فى هذا المنتدى لاحظت أن الأستاذ هشام ( المشرف العام ) ناصرى جدا ، وأنا غير ناصرى جدا ، ولذلك تعمدت أن أظهر توجهاتى ( الغير ناصرية ) بطريقة فاقعة شوية ، حتى أرى كيف سيتصرف ، وقد إحترمته جدا لأنه تصرف كأى عضو ، لم يعجبه الموضوع الذى أكتب فيه لم يدخل ويشترك فيه ، وتصورت أنه عاجلا أو آجلا سوف يرسل أحد الأعضاء للإحتكاك بى كما يحدث فى بعض المنتديات الأخرى ، ولم يحدث ، لقد جعل هذا المنتدى فعلا صالون ثقافى دون أن يقول ذلك ودون أن يضع من نفسه ناظر مدرسة .

قأرجوكم أن تدخلون وتشاركون دون حرج .
حشيش
أضم صوتى لصوت الأخ والأستاذ العزيز الأفوكاتو والأخ العزيز صميم...... أنا عضو فى محاورات المصريين وفى شئون مصرية وأفخر بكلا المنتديين وبإنتمائى لهما وليس هناك أى داعى لمثل هذا النوع من المداخلات الذى يهدم ولا يبنى ...... تحياتى للجميع (إن ما وريتك يا هامو tongue.gif )
Oli
أسعد الله أوقاتكم جميعا

أنا أيضا كنت في محاورات المصريين و عندما قررت التسجيل في هذا المنتدى فضلت أن أقوم بالتسجيل باسم جديد و ذلك لنفس الأسباب التي ذكرها أستاذنا الفاضل الافوكاتو و الأخ صميم

آتيت إلى هنا لأسباب معينة و ليس من ضمن أسبابي تصفية حسابات أو نقد أي منتدى سابق

تحياتي
violinking
عزيزى ناصر .........

للمرة المليون أنصحك بشيئ فلا تفعله ..... rolleyes.gif

و أنا فى الحقيقى بنصحك لأنى عارف و متأكد من نتيجة اللى انت ناوى تعمله .....

يا ناصر ........

انت افتعلت مشكلة هناك و الناس كان عندها حق 100% و محدش عملك حاجة عشان تعمل كل ده .....

فبلاش تنقل المشكلة لمكان تانى .......

أرجو منك انك تتقبل نصيحتى المرة دى ..... علماً بأنى و الله العظيم مش بلعب دور الناظر و لا حاجة ....... بس أهى نصيحة ......و خلاص ............

عزيزى الافوكاتو ..............

ليييييييييييييييييييييييييييييييييييييييييييييه أول لما أنا سجلت فى المحاورات ....... حضرتك مشيت ؟؟؟؟؟؟ unsure.gif

هل ده له علاقة بمقولة ( إذا جائت الشياطين .... ذهبت الملائكة ) blink.gif
Alavocato
عزيزى فيولين,

حاشا الله أن أكون قد تركت المنتدى فور وصولك, كما أنى لم أترك المنتدى كما تلاحظ, فأنا ما زلت هناك, و لكنى لا أشارك حاليا , و لكن العودة لممارسة الكتابة هناك تتوقف على صفاء النفس, و اقتناعى بأن الوقت مناسب.

هذه فرصة لكى أقول لأخوتى أن المنتديات المصرية هى بيوت مفتوحة, و من العيب أن نعيب و نطعن فى كل بيت نغادره, أو كلما لجأنا لبيت آخر.

أكرر مرة أخرى, أنا عضو فى عدة منتديات, و مثلكم, ليس لى غرض سوى خدمة إخوتى المصريين, و هذا بلا شك هدفكم أيضا.

فهنيئا لنا ما نفعل, ولتكن مصر فى قلوبنا دائما, و تقبلوا تحياتى

ناصر الملك و الملكية الأول
اقتباس (Alavocato @ Dec 26 2004, 04:54 PM)
الأخ ناصر الملك,

ليس كل الأعضاء المشاركين هنا و كانوا فى منتدى المحاورات, قد هاجروا من هناك , بل أن منهم من شارك فى منتدى شئون مصرية منذ إنشاء المنتدى, و مازالوا أعضاءا فى المنتديين.

و دعوتك لتكوين مجموعة من المهاجرين من منتدى المحاورات هى فى إعتقادى هى دعوة تفريقية تحزبية, و لا داعى لها.

لقد ذكرت فى مكان آخر هنا أن علينا أن نحل مشاكلنا الفردية مع المنتديات الأخرى بدون زج المنتديات نفسها فى خلافات لا دخل لها فيها.

نحن جميعا, سواء فى المحاورات, أو هنا أخوة و أخوات, نكتب عشقا فى مصر, و ليس لتصفية حسابات.

مرة أخرى, دعونا من التفرقة و التحزب, فنحن كلنا إبناء مصر.

بسم الله الرحمن الرحيم

الأخ الأفوكاتو أولاً رسالتك فعلاً سيئة الذكر mad.gif

و لن تصدقني لو قلت لك أنني قمت بكتابة رسالة كبيرة ثم محوتها كلها و بدأت أكتب في هذه

أولاً : أنت بنيت أتهماتك لي علي أساس التخمين فكف تكتبها في رسالتك علي أساس أنها واقع بنسبة 100%

علي الأقل كان يجب أن تذكر أنك تقوم بإستنتاج مثلاً

علي سبيل المثال تقول " ليس كل الأعضاء المشاركين هنا و كانوا فى منتدى المحاورات, قد هاجروا من هناك , بل أن منهم من شارك فى منتدى شئون مصرية منذ إنشاء المنتدى, و مازالوا أعضاءا فى المنتديين "

طيب و أيه المشكلة يعني ؟ هو نظام تعدلي علي الواحدة ؟ علي العموم التعبير خانني و كان قصدي الأعضاء الكانو مشاركين في المحاورات أو مازالو مشاركين .. خلاص ...

ننقل لنقطة ثانية

"
و دعوتك لتكوين مجموعة من المهاجرين من منتدى المحاورات هى فى إعتقادى هى دعوة تفريقية تحزبية, و لا داعى لها. "

أنا لم أدعو إلي تكوين مجموعة أو حزب كما تدعي كل ما في الأمر أن فيه بعض الأعضاء كانو مشاركين في المحاورات و شاركو هنا بأسامي جديدة فأنا عامل الموضوع ده عشان نتعرف علي بعض علي سبيل المثال العضو أو العضوة Oli

يقول أنه كان مشارك في المحاورات و أنه عند التسجيل هنا قام بأختيار أسم جديد , أرجو تكون فهمت الأن

" و ليس لتصفية حسابات. "

هذه أهم نقطة هل رأيت في موضوعي أي أنتقاد لمندي محاورات المصرين حت تدعي أني قمت بكتابة هذا الموضوع لتصفية حساباتي معهم mad.gif

" فنحن كلنا إبناء مصر " عفواً أنا لست إنسان قومي و أفضل أن أقول كلنا مسلمين

يقول الرسول صلي الله عليه و سلم لا فرق بين عربي و اعجمي إلا بالتقوي
ناصر الملك و الملكية الأول
اقتباس (Oli @ Dec 26 2004, 11:18 PM)
ليس من ضمن أسبابي تصفية حسابات أو نقد أي منتدى سابق

تحياتي

ممكن تقراء رسالتي إلي الأخ الأفوكاتو !
ناصر الملك و الملكية الأول
اقتباس (violinking @ Dec 27 2004, 03:25 AM)
عزيزى ناصر .........

للمرة المليون أنصحك بشيئ فلا تفعله ..... rolleyes.gif

و أنا فى الحقيقى بنصحك لأنى عارف و متأكد من نتيجة اللى انت ناوى تعمله .....

يا ناصر ........

انت افتعلت مشكلة هناك و الناس كان عندها حق 100% و محدش عملك حاجة عشان تعمل كل ده .....

فبلاش تنقل المشكلة لمكان تانى .......

أرجو منك انك تتقبل نصيحتى المرة دى ..... علماً بأنى و الله العظيم مش بلعب دور الناظر و لا حاجة ....... بس أهى نصيحة ......و خلاص ............

عزيزى الافوكاتو ..............

ليييييييييييييييييييييييييييييييييييييييييييييه أول لما أنا سجلت فى المحاورات ....... حضرتك مشيت ؟؟؟؟؟؟ unsure.gif

هل ده له علاقة بمقولة ( إذا جائت الشياطين .... ذهبت الملائكة ) blink.gif

نفس الإتهام الباطل ! أقراء رسالتي إلي الأفوكاتو
مخبر
انا بقى مش جاي من اي قسم بوليس wink.gif
بس حبيت امسي ع الناس الحلوة

cool.gif
ragab
جميع
المنتديات مكسب ودعم لمصر والمصريين
منذ ستة سنوات تقريبا كنت أكتب فى منتديات غير مصرية
ولم يكن للمصريين وقتها منتديات
وكنت أشعر بالغربة فيها
الى أن اهتديت لمنتدى مصرى وفرحت كثيرا بذلك
ولما افتتح منتدى شؤون اعتبرته مكسب لمصر أيضا واشتركت به وكتبت
فيه وتمنيت انشاء عشرات المنتديات المصرية
الى أن وقعت شيكته ومسحت الداتا ثم اشتركت فيه مرة ثانية
ولم يكن لدى أى حزازية تجاه أى منتدى مصرى
لأنى قاسيت الغربة فى المنتديات الأجنبية
وأتمنى افتتاح عشرات المنتديات المصرية
تناقش شؤون مصر والعرب
ناصر الملك و الملكية الأول
اقتباس (مخبر @ Dec 27 2004, 08:56 AM)
انا بقى مش جاي من اي قسم بوليس  wink.gif
بس حبيت امسي ع الناس الحلوة

cool.gif

أنت فاكر يا جناب المخبر أنك لما تقولي أنك مش جاي من أي قسم أني هصدق ؟

هو أنا عبيط rolleyes.gif

علي العموم الموضوع أودامك فتش زي ما أنت عايز مش هتلاقي أي حاجا cool.gif
violinking
ناصر ........

كلامك الحاد رداً على الاستاذ الكبير الافوكاتو لا يليق أبداً .......

و انا شايف انك واخد الدنيا قفش ........ و عايز تثبت وجة نظرك بأسلوب مش شيك ....... و ده غلط .... انت مسيرك بكرة تشتغل و تعرف ان طريقة الكلام بتفرق كتييييير أوى معاك ......

ثانياً : اى عضو فى الدنيا حيفهم من موضوعك ده انك ناوى تعمل شلة ........... و كل الاعضاء قالوا نفس الكلام ,.......فمتحاولش انك تنكر حاجة بديهية بالشكل ده ........

ثالثاً : بلاش تستعمل النغمة الحادة دى ,.... و بسط كلام شوية و خليك فريش ,..... احنا كلنا هنا عايزين نقضى وقت مفيد و ظريف ...... مش داخلين خناقة .....

سلام ,...
Akrum
مهاجرين تاني ....... يا ناصر smile.gif .. هي السيرة دي كل فترة تتفتح ...
الأفوكاتو يا ناصر عميد عيلتنا هنا ونفتخر بوجوده معنا رغم انه مقل في كتاباته .. ونقدر ظروفه وظروف الجميع بالطبع .. وما اشار له الأفوكاتو .. ليس لتوجيه لوم او ماشابه علي ما اعتقد .. ولكن لتكرار تلك المسألة اكثر من مرة بالسابق .. ومن خلال تجربتنا .. ادركنا بان تنقل الناس من هنا لهناك والعكس بالعكس .. يكون لأعتبارات خاصة بالمشاركين .. وكما يقول اخونا اسامة .. المنتديات المصرية اصبحت كالواحات التي قد يستريح فيها الانسان من عناء السفر ... وان كانت تلك الواحات ملئ بالمشاكل والمنغصات .. بطبيعة الأخبار واحوالنا .. ولكنها تبقي متنفس للجميع .. وصالونات للحوار بين خيار الناس ..
وبالأخير كلنا مسلمين ومصريين وعرب .. وبيننا من هم غير مسلمين وشركاء بالوطن .. والرسول عايد اليهودي ... ايضا ..
hamo90
كده برده يا ناصر توقعني في المقلب ده
وأقع فيه لوحدي ohmy.gif
بس بجد يا أخوانا أنا كان قصدي زي ما قال ناصر بالضبط أن في ناس أشتركت هنا من المحاورات بأسماء تانية يعني علي سبيل المثال أن قلت لعضو كلنا بنحبه ونحترمه وطبعا كلكوا عارفيينه وهو كفاية وبالفعل دخل شاف المنتدي هنا وعجبه ووعدني أنه هايشترك معنا بس مش عارف هيشترك بأسمه ولا بأسم جديد وكذلك دعيت فيروز ولايت هاوس وأمير
يعني هوده كان قصدي أننا نتجمع مع أخواتنا الجدد هنا في الشئون مش ننطوي علي نفسنا ونعمل حزب مع نفسنا
وهوده اللي جاء في دماغي user posted image


اقتباس
(إن ما وريتك يا هامو  )

يعني دي برده أخرتها يا شيشو ...... ماشي user posted image

حمو
Alavocato
حصل خير, و دعونا نستأنف ما جئنا هنا من أجله, أى المشاركة البناءة, و الإفادة, و الإستفادة.

تحياتى لكم جميعا, تمنياتى بوقت طيب.
ناصر الملك و الملكية الأول
بسم الله الرحمن الرحيم

الأخ الأفوكاتو أود أن أبشرك بنتيجة تخمينك و أفتراذ سوء الظن في موضوعي

أنت أعطيت إحياء للجميع أن هذا الموضوع للهجوم علي إدارة منتدي المحاورات , و لا عرف علي أي أساس بنيت تخمينك هذا علي الموم سوف أنقل لكم رسالة وصلتني من الإدارة المفروض أن لا أنقلها و لكن أنا عايز اوريك نتيجة تخمينك و أفتراض سوء الظن

-----------------------------------------------------------------------------------------------------------------------------
أستاذ ناصر ..

السلام عليكم ..

حضرتك مصر إن فيه مشكلة مع إدارة المحاورات .. وحاولت تثيرها أكثر من مرة .. لكن فى النهاية بيتضح إن مافيش مشكلة من الأساس ..

ثم قررت حضرتك نقل مشكلتك إلى أرض أخرى (منتدى آخر) .. ونحن لن نسمح بإثارة مشاكل من هذا النوع سواء هنا أو فى أى مكان آخر ..

ببساطة .. حضرتك إن تجد ما تنشده فى المحاورات .. فإنه يمكنك - على الأقل - البحث عما تراه فى مكان آخر .. وإن لم يكن بالإمكان .. فإنه أيضا على الأقل يمكنك ألا تثير مشاكلك مع إدارة المحاورات فى مكان آخر ..

علما بأنه كان هناك أكثر من موضوع الفترة الماضية كان بإمكانك كتابة ما تريد بأحدها .. وحاليا يوجد موضوع إسمه "تساؤلات الأعضاء" أيضا يمكنك المشاركة فيه بما ترى ..

لكن وبما أن حضرتك فضلت إثارة مشاكلك مع الإدارة فى مكان آخر .. فإن الإدارة أصبحت لا تثق فيما تكتب .. وبالتالى رأت وضع مداخلاتك تحت الرقابة مدة 30 يوم أو حتى تنتهى تلك المشكلة ويستقر الحال ..

عزيزى .. لا أحد هنا يبحث عن المشاكل ..

تحياتى .. وصباح الخير

--------------------------------------------------------------------------------------------------------------------------------
ناصر الملك و الملكية الأول
بجد يعني يا أفوكاتو مش عارف أشكرك إزاي

حقيقي جمايلك مغرقاني

ناصر الملك و الملكية الأول
اقتباس (hamo90 @ Dec 27 2004, 04:02 PM)
كده برده يا ناصر توقعني في المقلب ده
وأقع فيه لوحدي ohmy.gif
بس بجد يا أخوانا أنا كان قصدي زي ما قال ناصر بالضبط أن في ناس أشتركت هنا من المحاورات بأسماء تانية يعني علي سبيل المثال أن قلت لعضو كلنا بنحبه ونحترمه وطبعا كلكوا عارفيينه وهو كفاية وبالفعل دخل شاف المنتدي هنا وعجبه ووعدني أنه هايشترك معنا بس مش عارف هيشترك بأسمه ولا بأسم جديد وكذلك دعيت فيروز ولايت هاوس وأمير
يعني هوده كان قصدي أننا نتجمع مع أخواتنا الجدد هنا في الشئون مش ننطوي علي نفسنا ونعمل حزب مع نفسنا
وهوده اللي جاء في دماغي user posted image


اقتباس
(إن ما وريتك يا هامو  )

يعني دي برده أخرتها يا شيشو ...... ماشي user posted image

حمو

بسم الله الرحمن الرحيم

صدقني يا حمو أنا أكبر بكثير من أن أفعل ما أدعي علي الأفوكاتو و لم يكن غرض الموضوع إلا ما شرحته في رسالتي السابقة

و لو عندي أي لوم أو عتاب أو انتقاد لإدارة منتدي المحاورات لوجهته لهم في منتداه و ليس هناك أي داعي يدفعني

إلي إنتقادهم في منتدي أخر لأن هذا لن يفيدني في شئ

تحياتي لك و للجميع

و للأفوكاتو

violinking
و تحياتك للافوكاتو !!

يا بنى ماتتكلم بهدوء شوية ؟؟؟

ده ايه ده يا ربى ؟؟؟

حقيقى ....و يخلق ما لا تعلمون !
..........


( انا على الماسنجر لو انت ناوى تكلمنى يعنى )
Alavocato
عزيزى الأخ ناصر,

بعد هجومك على شخصى, كتبت أنه حصل خير, و لم أستعمل أسلوب غير ما تعودت عليه.

كان تعليقى على ما كتبنه بداية هو تعليق على ماكان مكتوبا بوضوح, و تعليقى كان تعليقا متفقا مع السياق, و بلغة مهذبة.

لم تكن لدى نوايا خبيثة, و لم يكن لدى تخميمينات, بل أن من شاركوا فى الموضوع توصلوا الى نفس النتيجة, كما أنك ذكرت فى أحد ردودك أن ما كتبته كنت" تقصد به أمر آخر"ز

وواضح أن ما كنت تقصده, لم يكن تمما ما كان واضحا للجميع من رسالتك, لهذا حدث اللبس.

الخلاصة, أنى لا أكن لك أيه عداوة, و لم أستعمل لغة عنيفة, أو غير مهذبة, كما أنى تحاشيت التعليق, و قلت حصل خير.

إذا كان تعليقى المتفق مع سياق الأمورقد سبب لك مشاكل مع المحاورات, فأنا آسف لذلك و أعتذر, و لكن يجدر بالذكر أن مشاكلك مع إدارة المحاورات كانت سابقة لهذا الموضوع.

فى النهاية, تقبل إعتذارى مرة أخرى, فخير لنا أن أكون أنا المخطئ, بدلا من إشعال حرب كلامية لا داعى لها.

و السلام عليكم و رحمة الله.
ناصر الملك و الملكية الأول
اقتباس (violinking @ Dec 28 2004, 01:21 PM)
و تحياتك للافوكاتو !!

يا بنى ماتتكلم بهدوء شوية ؟؟؟

ده ايه ده يا ربى ؟؟؟

حقيقى ....و يخلق ما لا تعلمون !
..........


( انا على الماسنجر لو انت ناوى تكلمنى يعنى )

هي التحيات بئت جريمة كمان
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ناصر الملك و الملكية الأول
اقتباس (violinking @ Dec 27 2004, 12:23 PM)
ناصر ........

كلامك الحاد رداً على الاستاذ الكبير الافوكاتو لا يليق أبداً .......

و انا شايف انك واخد الدنيا قفش ........ و عايز تثبت وجة نظرك بأسلوب مش شيك ....... و ده غلط .... انت مسيرك بكرة تشتغل و تعرف ان طريقة الكلام بتفرق كتييييير أوى معاك ......

ثانياً : اى عضو فى الدنيا حيفهم من موضوعك ده انك ناوى تعمل شلة ........... و كل الاعضاء قالوا نفس الكلام ,.......فمتحاولش انك تنكر حاجة بديهية بالشكل ده ........

ثالثاً : بلاش تستعمل النغمة الحادة دى ,.... و بسط كلام شوية و خليك فريش ,..... احنا كلنا هنا عايزين نقضى وقت مفيد و ظريف ...... مش داخلين خناقة .....

سلام ,...

بسم الله الرحمن الرحيم

يا فيولو كينج ......

يا ملك الكمان ............

و نبي بلاش تلعب دور زعيم الأمة هنا و مش كفاية منتدي مصراوي ؟ حرام عليك أعتقني لوجه الله mad.gif

و كمان بطل تعاملني علي أني عيل أيه مسيك تكبر ديه ؟ شايفني أعد في مصاصة في إيدي tongue.gif

كل الأعضاء قالو كدا بعد رسالة الأفاكتو الإيحائية

و حتي لو أنتو فهمتوني غلط مثلاً هل ده معناه أنك تقولي " متحاولش تنكر " يعني أنا كذاب ولا أيه sad.gif

ناصر الملك و الملكية الأول
اقتباس (Alavocato @ Dec 28 2004, 02:47 PM)
عزيزى الأخ ناصر,

بعد هجومك على شخصى, كتبت أنه حصل خير, و لم أستعمل أسلوب غير ما تعودت عليه.

كان تعليقى على ما كتبنه بداية هو تعليق على ماكان مكتوبا بوضوح, و تعليقى كان تعليقا متفقا مع السياق, و بلغة مهذبة.

لم تكن لدى نوايا خبيثة, و لم يكن لدى تخميمينات, بل أن من شاركوا فى الموضوع توصلوا الى نفس النتيجة, كما أنك ذكرت فى أحد ردودك أن ما كتبته كنت" تقصد به أمر آخر"ز

وواضح أن ما كنت تقصده, لم يكن تمما ما كان واضحا للجميع من رسالتك, لهذا حدث اللبس.

الخلاصة, أنى لا أكن لك أيه عداوة, و لم أستعمل لغة عنيفة, أو غير مهذبة, كما أنى تحاشيت التعليق, و قلت حصل خير.

إذا كان تعليقى المتفق مع سياق الأمورقد سبب لك مشاكل مع المحاورات, فأنا آسف لذلك و أعتذر, و لكن يجدر بالذكر أن مشاكلك مع إدارة المحاورات كانت سابقة لهذا الموضوع.

فى النهاية, تقبل إعتذارى مرة أخرى, فخير لنا أن أكون أنا المخطئ, بدلا من إشعال حرب كلامية لا داعى لها.

و السلام عليكم و رحمة الله.

بسم الله الرحمن الرحيم

أولاً : يا أستاذ الأفوكاتو أنا لم أهاجمك لشخصك لأن ليس هناك ثأر بيني و بينك حتي أهاجمك و لكن أنا أهاجم رسالئلك

ثانياً : الجميع حصل عندهم لبس بعد رسالتك الإيحائية و لو تلاحظ كل هذه الرسائل جت بعد رسالتك ليس قبلها

و لا حظ رسال حمو فهم الموضوع صح منغير أي لبس لأنها طبعاً قبل رسالتك

ثالثاً : إذا غير قائم علي التخمين ممكن توضحلي أنهي جزء في موضوعي الأنتقدت فيه إدارة المحاورات السميته أنت " تصفية حسابات "

رابعاً : أعتذارات مقبولات

خامساً : مشاكلي مع الإدارة كانت منتهية ( علي الأقل من طرف الإدارة )

سادساً : عندي طلب و يا ريت تقبله






ممكن ......





بعد أذنك .............





تقبل إعتذاري ؟











أنا أسف
Alavocato
عزيزى ناصر الملكية,

لا داعى للإعتذار, فقد أنهيت أنا الموضوع من ناحيتى بالإعتذار لك, و أنت لست مدين بإعتذار لى.

نحن هنا أخوة قلم, و كثيرا ما يحدث سوء تفاهم بين أفراد الأسرة الواحدة, فلننسى ما حدث, و نركز على مهمتنا هنا, وهى دراسة و مناقشة مشاكل الوطن.

تقبل تحياتى
صميم
اقتباس
فإن الإدارة أصبحت لا تثق فيما تكتب .. وبالتالى رأت وضع مداخلاتك تحت الرقابة مدة 30 يوم أو حتى تنتهى تلك المشكلة ويستقر الحال ..


السيد ناصر الملك و الملكية من جواب إدارة المحاورات ، ألاحظ أنهم يشكون من تصرف ما منك ، وقد إتخذوا القرار السليم وهو مراقبتك للتأكد ، وهذا حقهم على ما أظن . فقط إكتب عادى وهم يراقبون عادى . وسوف يروا أن ما يظنون غير صحيح . وصافية لبن ولن يحدث مشاكل .

METALLICA
الأخوة الأعزاء . . .
تحية طيبة . . وبعد . . ؛
يؤسفني بشدة قرائتي لهذا الموضوع بصفتي عضو بكل من المنتديين . . .
وأرى ان فكرة وعنوان هذا الموضوع تعد تجريح مباشر للمنتدى الآخر . . .
اطرح سؤالاً :
هل إذا ما أثير موضوع مثل هذا في منتدى محاورات المصريين ؛ سيثير ذلك حفيظة أعضاء هذا المندى أم لا !!!

أرجو تعديل أسم هذا الموضوع . . . كما أرجو من الزملاء تعديل المشاركات التي بها اشارة تجرح كوني عضواً في المنتدى محل النقاش . . .

وشكراً. . .
ناصر الملك و الملكية الأول
اقتباس (Alavocato @ Dec 28 2004, 05:09 PM)
عزيزى ناصر الملكية,

لا داعى للإعتذار, فقد أنهيت أنا الموضوع من ناحيتى بالإعتذار لك, و أنت لست مدين بإعتذار لى.

نحن هنا أخوة قلم, و كثيرا ما يحدث سوء تفاهم بين أفراد الأسرة الواحدة, فلننسى ما حدث, و نركز على مهمتنا هنا, وهى دراسة و مناقشة مشاكل الوطن.

تقبل تحياتى

بسم الله الرحمن الرحيم

أستاذ الأفوكاتو

هذه نهاية الطريق بيني و بينك excl.gif

فلا تحاول توجيه أي رسائل لي !























إلا بعد أن تقبل أعتذاري biggrin.gif لأني فعلاً أخطئت في حقك أكثر من مرة و أنت قلتها بنفسك في الرسالة السابقة " هجومك علي شخصي "



و لو مقبلتش أعتذاري أنا هقدم فيك شكوي tongue.gif
ناصر الملك و الملكية الأول
اقتباس (violinking @ Dec 27 2004, 03:25 AM)


انت افتعلت مشكلة هناك و الناس كان عندها حق 100% و محدش عملك حاجة عشان تعمل كل ده .....

الإخوة الكرام

لأثبت لكم أنني لم أفتح هذا الموضوع لأنتقاد أو الهجوم علي المحاورات

يقول ملك الكمان في رسالته "
انت افتعلت مشكلة هناك و الناس كان عندها حق 100% و محدش عملك حاجة عشان تعمل كل ده ..... "

كان أبسط شئ أرد عليه و أقول له " لاء أنا معملتش مشكلة ده الحصل إن الإدارة عملة كذا و كذا إلخ .......... "

و هذا حقي أن ادافع عن نفسي

إلا أنني كما قلت من قبل لم أفتح هذا الموضوع لأنتقاد أي إدارة أو أي شئ من هذا القبيل

تحياتي
Alavocato
عزيزى الأخ ناصر "الملك فاروق",

حفاظا على إستتباب الهدوء و السكينة فى المنتدى, رأيت أن أقبل إعتذارك ,و أجعلك سعيدا.

و تقبل تحياتى.
violinking
أتلم يا ناصر و لِم تعابينك و بلاش تلقيح كلام user posted imageuser posted image

إإإإإإإإإإإفففففففففففففففف !

مليتوا البلد user posted image
ناصر الملك و الملكية الأول
اقتباس (violinking @ Dec 30 2004, 10:11 AM)
أتلم يا ناصر و لِم تعابينك و بلاش تلقيح كلام user posted imageuser posted image

إإإإإإإإإإإفففففففففففففففف !

مليتوا البلد user posted image

فيه أيه يا ملك الكمان ؟ blink.gif wacko.gif

أنا مش فاهم حاجا wacko.gif blink.gif unsure.gif rolleyes.gif
abotmam
هدوء شوية يا جماعة انا يمكن عضوة هنا و في منتدى المحاورات من سنين ومش باشارك كتير لكن باعتز بالمنتديين وبالناس اللى فيهم انا عايشة في غربة و بالاقى اهلى و صحابى فى رواد منتدى المحاورات تقدروا تقولوا عشرة من سنين و بتقابل كل يوم و مضايقنى جدا خلافات الاخوات مع بعض هناك لكن في الاخر همه اخوات والاخوات ما يستغنوش عن بعض و بكرة تشوفوا و ربنا يجعل المنتديين دايما عمار و مليانيين بالاهل والاحب
أسامة الكباريتي
ناصر يا لمض ph34r.gif

أنا من الناس اللي فهموا قصدك زي ما قصدت biggrin.gif

ومش زي ما فهم أستاذنا الفوكاتو
مع انه استاذ في القانون ..
بس هو توسع في تحليل القضية وجابلك جنحة tongue.gif

فعلا حيكون جميل لو تم التعارف بين مختلف الأعضاء من مختلف المنتديات خاصة في حالة اختلاف الأسماء الكودية ..
الأفوكاتو فين ما يروح بيفضل الأستاذ غصب عن اللي يرضى واللي ...
أسامة الكباريتي (اسم مستعار) في كلا المنتديين .. وزي الأفوكاتو ود. رجب وسي فوود محافظين على الاسم والعنوان علشان منغلبش المخبرين .. يجعل كلامنا عليهم خفيف wub.gif

تاخدوا لبان إكسترا بدون سكّر blush.gif
El-Masri
هوه فيه ميزة للناس اللى مغيرتش أسمائها.
أنا مرة جيت أدخل المنتدى ده ومعرفتش، وكنت حاسس إنى تائه، ومش عارف إذا كان الجهاز عندى وللا المنتدى نفسه هوه اللى بايظ.

فرحت متسحب بهدوء وعلى طراطيف صوابعى على المنتدى التانى، ولقيت أحد الأخوة هناك، رحت باعتله رسالة فى البرايفت وسألته إيه المشوار. فجرب المنتدى من عنده مشتغلش، رحت باعت إميل على الويب ماستر وقلتله المنتدى مش شغال.

يعنى المشوار ده نفعنى برضه فى وقت زنقة، فمفيش داعى نعقد الأمور ونفترض سوء النية.
على
وانا كمان هنا....و...هناك
"على" هنا ودة كان اسمى من ايام منتدى الاخبار اللى إتلغى
و "حسن" هناك فى المحاورات..
الاخ هشام ان بدور على مداخلاتى القديمة مش لاقيها و لا حتى فى اراشيف 2003
هى راحت فين؟ biggrin.gif
Hesham
وحشنا المقاتل، رجل الدفاع الجوى أبو علوة wub.gif

فى هذه الوصلة .. ستجد مداخلاتك الحديثة (نسبياً):

http://www.masreyat.org/ib/index.php?act=S...sult_type=posts

وأيضاً .. فى وصلة المنتدى القديم .. ستجد لك مداخلات أخرى قديمة (نسبياً):

http://www.masreyat.org/old


أما المداخلات التى بين الفترتين .. فللأسف الشديد .. غير موجودة حالياً على الموقع، لأنه بعد التعديل الآخير لسوفت وير المنتدى .. حدث خطأ بشرى، تسبب فى حذف كل مداخلات الأعضاء للفترة مابين تاريخ آخر مداخلة فى وصلة المنتدى القديم أعلاه، وبين شهر سبتمبر 2003 sad.gif ... لكن .. لاتزال تلك المداخلات موجودة، ومحتفظين بها على اسطوانة CD ونريد إعادة تركيبها على المنتدى .. لكن الأكواد والشفرات المستخدمة حالياً فى السوفت وير الحالى، تختلف عن السابقة، فتحول دون ذلك بكل أسف sad.gif



وكل سنة وانت طيب .. بمناسبة العام الجديد wub.gif
مع تمنياتى بعام أفضل حالاً من سابقيه، لك ولنا وللأمة كلها إن شاء الله.

تحياتى wub.gif
على
شكرا يا عزيزى هشام على الاهتمام و على الترحيب الحار انا قلت برضة ان مداخلاتى موجودة فى مكان ما smile.gif
و كل سنة و انت طيب و جميع الاخوة
تحياتى
على فكرة اللينك old مش شغال
RedSeaShark
السلام عليكم ورحمة الله وبركاته،،

الاخوه والاخوات الكرام انا عضو فى المنتديين واسمى بمحاورات المصريين فالكون ايجيبت
Falcon Egypt
وعلاقتى حسنه بكلا المنتديين سواء مع الاعضاء او مع المشرفين ولاتوجد ادنى مشاكل مع احد وجميع الاخوه والاخوات سواء كانوا من المشرفيين او الاعضاء فى كلا البيتين هم ناس افاضل واعزاء.
وانا شخصيا ارى منتدى المحاورات ومنتدى شئون مصريه كبيتان اثنان لاسره واحده وهى الاسره المصريه
وبطبيعه الحال عندما ارتفعت درجه الحراره بعد الشئ فى بيت المحاورات وجد اعضاء الاسره انهم
بحاجه الى الاستجمام واضطروا الى الذهاب الى البيت الصيفى شئون المصريين لحين ما تنخفض
درجات الحراره قليلا اما كلا البيتين فلاغنى عنهما لهذه الاسره ..تحياتى لكم جميعا
Alavocato
هذا هو كلام العقلاء.

شكرا على تعقيبك يا قرش البحر الأحم.

و خلص الكلام كما يقول أخونا شريف عبد الوهاب.
Hesham
مرة أخرى .. ولإستمرار تدفق الأعضاء الجدد، وصعوبة ملاحقة كل الأسماء، وخشية من سقوط أحدهم سهواً ... أرحب بكل الأعضاء الجدد .. وأعزمهم جميعاً على أراونة عدس أصفر معتبرة .. وفحلين بصل لكل مواطن.

ragab
كل المنتديات المصرية
قوة ودعم لمصر والمصريين
والاختلاف مع عضو أو مشرف أو حتى الإدارة فى منتدى ما
لا يعنى أن المنتدى سيئ أو غير مرغوب فيه
ونحمد الله أنه يوجد الآن أكثر من منتدى للمصريين
وكلها متنفسات لابداء الرأى والتوصل لحلول شافية لإصلاح مصر
والمنتديات المصرية تكمل بعضها بعضا
والمواضيع الغير منشورة فى أحدها تجدها فى الآخر
ولذا اشتركت فى منتدى شؤون من أول بدايته
وكنت وقتها أكتب فى المحاورات
لولا النكسة والهجمة الشرسة التى تعرض لها
وكانت سببا فى مسح كل الداتا به
وأعدت الاشتراك فيه بعدما تم اصلاحه وبدون أية حساسية
لأن المنتدى ليس هدفا بحد ذاته
ولكنه وسيلة لتوصيل أصواتنا وسماع صراخنا
ولذا يجب أن لا نختلف على المنتديات أو أن نحفز أو نشجع روح التنافس بينهم
لأن الهدف الأساسى هو توصيل أصواتنا وآراءنا وبأى طريقة
سواء عن طريق شؤون أو عن طريق المحاورات أو منتدى هايدبارك الجديد أو أى منتدى آخر
وكل منتدى ينطفئ نوره هو حجبا لنور الحقيقة وخسارة لمصر والمصريين
ويجب أن نفرح ونسعد بكل منتدى جديد ناشئ أو بكل منتدى قائم ونشط ومازال يعطى وينشر آراء المصريين فكلها فائدة لمصر والمصريين
لذا فأنى أختلف مع أى عضو يهاجم أى منتدى مصرى أو يتمنى فشله واغلاقه ولا بأس من النقد البناء الذى يهدف للاصلاح
على شرط أن تتحلى الادارة بهذه المنتديات دائما بالصبر وطول البال والتحلى بالقواعد الديموقراطية التى نطالب بها الحكومة والحاكم فأولا أن نطبقها على أنفسنا أولا
وأن لا يعتبر المشرف نفسه من طبقة أخرى غير طبقة الأعضاء أو أن يحمل قلمه الأحمر على صوان أذنه متجولا فى المنتدى ليتصيد الأخطاء والهفوات للأعضاء وكتابة عرائض الإنذارات بالصفحات فى استعراض مقيت فكا لعقد معينة لديه نابعة من حبه للسيطرة والتحكم
الأعضاء ليسوا تلاميذ والمشرفون ليسوا الأساتذة فكل يساهم فى نجاح المنتدى بقدر طاقته واستطاعته ومشاركاته وكل مطلوب دوره لتسيير السفينة والوصول للهدف المنشود
ومنتدى بدون أعضاء وكتاب فاعلين يشبه حوار الطرشان وكذلك منتدى بمشرفين واعين وخالين من العقد النفسية والتصرفات الصبيانية هو منتدى ناجح بمعنى الكلمة ومجمع للأعضاء والكتاب المتميزين
والله أعلم
صافى
الاخوة الاعزاء اين محاورات المصريين الان هل تم غلقها بالفعل ارجو الرد علية فى اقرب فرصة ولكو جزيلا الشكر
أسامة الكباريتي
كما ترين .. منتديات شئون مصرية قد هجرها روادها ..
منهم من انتقل إلى مواقع جديدة ..
ومنهم من اعتزل ..

قاعدة بيانات ضخمة ..
تحوى نفائس من عمل من نعتبرهم روادا وعمالقة -ذكورا وإناثا بالطبع ..
نخشى عليها الضياع في غياهب الجب ..
لذا نترك الموقع عائما ..
عل .. وعسى ....
.
Invision Power Board © 2001-2014 Invision Power Services, Inc.