المساعدة - البحث - قائمة الأعضاء - التقويم
نـقــدر نـعـمــل ايــــه ؟ دعـوة جــادة لـلـمـشـاركــة ...
منتديات شئون مصرية > موضوعات متنوعة > منوعات
mona moon
عندي فكرة جديدة ، فكرة مشروع جديد يتم تنفيذه بالتعاون بين أعضاء المنتدى وتوزيع المهام فيما بينهم .

بصراحة أنا استوحيت فكرة المشروع من الثورة اللي عملناها ، لقيت إن فكرة بسيطة أنتجت عمل رائع في فترة زمنية بسيطة بفضل التعاون والتنسيق بين الأعضاء …

طيب احنا استغلينا شوية مواهب صغيرة عند كل واحد فينا :

قمر الليالي : التصميم
جاتيتا : التصميم واللغة الأسبانية
هلا عمي : فن الخطابة
منى موون : التنسيق والاشراف والمتابعة
باقي الأعضاء كلهم استغلوا مواهبهم في التأليف

كانت النتيجة بصراحة أنا ما توقعتهاش


عشان كدة فكرت : لما شوية مواهب بسيطة طلعت نتيجة ؟ وعملنا ثورة ضد العدس ( ونجحت الثورة


أكيد نقدر ……


[b]فكرة المشروع :

على كل عضو التقدم بفكرة جادة قابلة للتنفيذ ( محدش يقول نروح نقتل الزعماء العرب ) ، يقوم العضو بشرح فكرته وكيفية تنفيذها على أرض الواقع ، وعلى الأعضاء المستعدون للمساعدة الجادة : تطوير الفكرة والتعاون على تنفيذها بدقة وفي أقصر مدة زمنية ممكنة ………


ح يكون تحدي بين الأعضاء : مين ح يقدم أحسن فكرة ، ومين ح يقدر يحول فكرته لواقع ( بمساعدة من الأعضاء ) ………


ح أكمل كلام بعد أن يتم طرح الأفكار وأعدكم بتقديم المساعدة – في حدود إمكانياتي – وبالتعاون ، وسيقوم المشرفين بتقديم المساعدات والتسهيلات .
gatita
ازاي و اعطيلى مثل انشاء الله ساساعد لكن بعد ما تفهميني كويس

اسفة لكن فهمي على قدي

يعني ايه؟؟

نصلح المجتمع؟؟؟

نوقف الحرب؟؟؟؟

ازاي؟؟؟
mona moon
[quote]
نصلح المجتمع؟؟؟
[/quote]
ممكن ليه لأ ؟؟؟ :roll: :roll:

[quote]
نوقف الحرب؟؟؟؟
[/quote]
على الأقل نواجه بشجاعة :roll:



حاليا معنديش أفكار محددة ،،، أنا مستنية الأفكار منكو انتو .... :idea: :idea:

أهداف المشروع دة تتلخص في الآتي :

1- الإيمان بقدراتنا وبعدالة قضيتنا ( أو قضايانا دول كتير أوي ) ، ودة أهم حاجة لأننا لما نآمن بفكرة معينة ونسعى بجد لتحقيقها ح نقدر فعلا نحققها وفي زمن قياسي .

2- تحقيق الحلم إلى حقيقة وواقع جميل نحياه أو نبدؤه ليكمل المسيرة غيرنا .


بمعنى أخر يا جاتي : احنا كان عندنا مشكلة في المنتدى ( ألا وهي العدس ) ، تكاتفنا جميعا ووحدنا الصفوف وفكرنا واشتغلنا عشان هدف معين كان أمامنا وهوه التخلص من العدس 8)

طيب لو بصينا حوالينا وبجد بأه المرة دي ، ح نلاقي كوارث مش مجرد مشاكل :idea: : فلسطين ، العراق ، الفساد ، الرشوة ، الأمية ، البطالة ، التبعية الاقتصادية ، ........ الى آخره يا جاتي ( انا لو قعدت اقول من هنا للسنة الجاية مش ح اخلص ) ....... القصد : عاوزين نعمل حاجة ، [b][size=18]خطوة للإصلاح ..... :arrow: :arrow:
سكر أخضر
بصوا يا جماعة
أنا كان عندي فكرة من زمان
صحيح الفكرة بسيطة جداً و بشوفها في أماكن كتير
بس أنا كنت عايزة أعملها بشكل حضاري أكتر
لكن للأسف لو يسعفني الوقت و تاهت الفكرة في عقلي
فكرة عمل مجموعة شعارات دينية على هيئة كروت شخصية
زي ما بنشوف ملصقات على الحوائط

أنا فكرت في حاجة معينة على طريقة الإعلان التلفزيوني
أقم صلاتك تنعم بحياتك
هتقولولي فكرة قديمة أو ان الوعي الديني زاد
و إن الصلاة من أبسط الأشياء هقول برضه
متتخيلوش فيه ناس كتيرة و ساعات تكون كبيرة و مش بتصلي
و فيه ناس بتصلي صحيح لكن لا يصيبها من صلاتها الا التعب ومضيعة الوقت و يمكن كمان بتشيل ذنوب من صلاتها
الدفاع عن فكرتي بإن الصلاة عماد الدين
و حالنا لن ينصلح إلا بصلاح ديننا

الفكرة كانت عن الصلاة لما فكرت أعملها لوحدي
لكن دلوقتي الفكرة ممكن تكبر و تشمل شعارات دينية مختلفة
زي مثلاً........

و عمل الشعارات دي على شكل كروت صغيرة
ممكن كل واحد من مكانه يطبع الكروت دي و يوزعها بطريقته
و تكون عبارة عن إشارة تنبيه في شكل ظريف و بسيط


بس خلاص :oops:
Akrum
هايل يا مني موون وشكرا لكل من شجع الاقتراح..

شوفوا القصد من تجمعنا هنا هو التقريب والتوحد بين افراد المجتمع ليكونوا اسرة واحده او اي شكل جماعي يساعد في تفعيل المشاركة الجماعية ... هدفنا هو احياء وتفعيل الوحده بمفهومها الأوسع وهو حلم كبير .. لم تفلح في تحقيقه الدول .. كما نشهد من خلال تاريخنا المعاصر .. ده الهدف وعشان نحققه ونسعي له يجب ان نبدأ في العمل والكلام والتنفيذ حتي ولو كانت افكار بسيطة زي تجربتكم علي التمرد علي العدس مثلا ..

افكار سكر اخضر حلوة واري مثلها هنا في الكويت .. تحت شعار إلا صلاتي .. واعتقد انها لها تأثير .. وتوضع اعلاناتها هنا علي كامل الباصات ولوح العلانات لتكون ظاهرة للجميع .. وايضا نراها في بعض المحطات الفضائية ...

يمكن لو متابعين برنامج المجتهد عمرو خالد "صناع الحياه " تقدروا تفهموا الهدف من برنامجه وهو ما لمستموه من تجربة صغيرة قمتوا بها بصورة عفوية ومجرد كلام ... ولكن اكيد العمل الجماعي يحقق اهداف كبيرة لا يستطع الفرد بمفرده ان يحققها ... عشان كده لازم نتبني افكار ونروج لها خلال المنتدي وخارجه ..بالإنترنت ... وبعدها ممكن نتواصل مع افراد مجتمعنا من حولنا ممن ليس لهم اتصال بالإنترنت..

هناك افكار كثيرة .. لن افرض عليكم فكرة محدده .. بل اترك لكم التنافس فيما بينكم لإقناع الأخر بفكرته ومحاولة حث الأخرين للمساهمة في تنفيذها ..
فكروا في مشروع ممكن تنفذوه يفيدكم ويفيد الأخرين .. فيه انكار للذات ولو لفترة .. ونتذكر بالفعل كلمة ما ستحق ان يولد من عاش لنفسه فقط ... هناك ناس كثيرين يحتاجوا للمساعدة من حولنا ..
وبالنسبة للموقع هنا ومؤسسيه سيدعموا اي فكرة او مشروع تتفق عليه اغلب الأعضاء وسنشارككم بالطبع التنفيذ والتمويل ان امكن كل بقدر استطاعته .. وصاحب الفكرة سيكون هو مدير المشروع ويحدد مساعديه ...

في انتظار افكار تخدم اهداف تحقق غاية هامة وهي دفع الناس للتعود علي العمل الجماعي لتحقيق غاية لا يستطع فرد ان يحققها ..

اشكرك يا مني علي طرح الموضوع .. ولنتابع ونري طروحاتكم !!!؟
farida
عارفة يا مني وانتي بتشرحي لgatita ممكن الاصلاح في المجتمع ومحاربة الفساد والرشوة
انا فعلا حصل معايا موقف من يومين ومش هتتخيلوا ازي مضايقني جدا من نفسي عندما جاء مهندس الحي وطلب مني مبلغ من المال علشان يقول ان مفيش مخالفات في البلكونة ( وطبعا وسعت البلكونة من سنين بموافقة صاحب الملك) واكتشفت بعد كده ان مفيش مخالفات بس مش هي دي المشكلة
للاسف نتيجة خجلي وعدم حبي للمشاكل وعدم درايتي واحتكاكي بهؤلاء الناس اعطيته المبلغ لاضطرابي من وجوده واحيانا عقلنا بيقف عن التفكير السليم :twisted:
عارفين ايه اللي وجعني قوي انه طول ماهو قاعد كان بيحلف ببنته ده معناه اني شجعته يربيها من الرشوة
وللاسف دي كانت سلبية مني بس فعلا مخي ساعتها اتشل عن التفكير sad.gif
ففعلا لابد من القدرة علي مواجهة الفساد في اي صورة كان
Hala3ami
وانا كمان بضم صوتي لصوتكم وحمشي معاكم
حاليا ما عندي افكار لكن لو لقيت فكرة كويسه رح اطرحها على طول
برافوا عليكِ يا مون :wink:
ebn_elbalad
موضوع رائع

وطبعا نقدر نعمل حاجات كتيره جدا جدا بشرط أن العمل يكون منظم وجماعى

المهم ما نسكتش ..نعمل اى حاجه حتى لو مجرد الكلام

والنسبه للأفكار فهى كتيره والمنتدى عامر بالكفاءات

كل واحد يقعد يفكر شويه وبعدين يعرض تصوراته وافكاره وبأذن الله نوصل لحاجه كويسه
ebn_elbalad
افكر دائما فى حل لوضعنا المتردى يعنى كيفيه النهوض بمصر فى جميع المجالات

وكنت دائما ابحث عن السبب الرئيسى والأساسى لما نحن فيه

وايمانا بفكره ان غسيل الهرم يجب ان يبدأ من اعلى الى أسفل

وان النظام الحاكم وحاشيته ان صلحوا فستنصلح الأحوال فى مصر

وانه اذا انصلحت الأحوال فى مصر ستنصلح الأحوال فى كافه بلدان العالم العربى

المهم وصلت الى ان السبب الرئيسي لما نحن فيه هو النظام الحاكم وسياساته العقيمه

وعليه يجب تغيير هذا النظام ( بالطرق السلميه طبعا )

وسنبدأ بالفرد الذى هو اساس المجتمع

هذا المجتمع المغيب والمضلل عمدا من قبل النظام والذى يسوده قلة وانعدام الوعى لمعظم الناس

سنحاول نشر الوعى بين طبقات المجتمع وتعريفهم واطلاعهم على حقائق الأمور

بفضح أكاذيب النظام وحاشيته وازالته الرتوش ومساحيق التجميل التى تضعها له آلته الأعلاميه والتى يصدقها الكثير من الناس فى بلدنا

سنعمل على نشر الحقائق واطلاع الناس على الوجه الحقيقى للنظام وحاشيته الفاسده

كيف سيتم ذلك

أقترح عمل مجله أو نشره للموقع تكون مثلا اسبوعيه يتم فيها تجميع كل الأخبار والمواضيع الخاصه بمصر وأصلاحها

على ان يتم نشر هذه المجله

طبعا لأكبر عدد من القراء على النت

ولكن أهم مافى الموضوع هو نقل هذه المجله الى الشارع المصرى

ومبدئيا محاوله نشرها فى الجامعات أولا

ولا اعرف هل هناك امكانيه ان تصدر مثل هذه المجله بصفه رسميه فى الجامعات

هل يسمحون بذلك بأن تكون المجله صادره عن احدى الجماعات الطلابيه

المهم ملخص الفكره هو التواصل مع الناس واطلاعهم على الحقائق بهدف توعيتهم واعدادهم لرفض اى شيىء من شأنه المساس بحقوقهم

طبعا الموضوع ليس بهذه البساطه ولكنه يحتاج جهد وتنظيم وعمل جماعى وان اعجبكم يمكن مناقشة التفاصيل

______________________

فكره اخرى للتواصل مع المجتمع وتوعيته

وجائتنى بمناسبه موضوع الأصلاح الذى يتكلمون عنه فى مصر حاليا

قلت لماذا لا نركب هذه الموجه ونحاول انشاء مؤسسة للعمل المدنى

تهدف الى توعيه الناس والدفاع عن حقوقهم

هل تسمح الحكومه بمثل ذلك

واذا سمحت هل يمكن ان نجد متطوعين يقوموا بهذا العمل

------------------------

ايه لرأيكم عايزين نفكر مع بعض ونحاول نعمل اى حاجه

لا يصح ان نقف متفرجين لازم يكون لنا دور ايجابى

لا يصح ان تكون كل تصرفاتنا مجرد ردود افعال على كل كارثه ومصيبه تحصل لنا

الوضع دايما فى النازل ... :?

ح نستنى لحد امتى ...

:?
mona moon
انا فكرت برضة في موضوع حملة صحفية لكن بالنسبة لموضوع او مشكلة اتكلمت عنها زهرة برية في الموضوع دة :

http://www.masreyat.org/r2/html/modules.ph...iewtopic&t=3435

حملة صحفية بجد للضغط على الحكومة لحل مشاكل الناس دول
Akrum
[quote]
للاسف نتيجة خجلي وعدم حبي للمشاكل وعدم درايتي واحتكاكي بهؤلاء الناس اعطيته المبلغ لاضطرابي من وجوده واحيانا عقلنا بيقف عن التفكير السليم
عارفين ايه اللي وجعني قوي انه طول ماهو قاعد كان بيحلف ببنته ده معناه اني شجعته يربيها من الرشوة
[/quote]

الأخت فريدة ...
انا عندي اقتراح ممكن يفيد في حالتك او ما قد يحدث مستقبلا من امور مشابه قد نستحي او نرتبك في مواجهتها ...
اولا بالنسبة لهذا الموظف المرتشي !! يمكنك ان تريحي ضميرك وترسلي له رسالة تخبريه عن ندمك علي اعطاءه هذا المبلغ كرشوة.. وانه يجب ان يتدارك المسألة وان يربي ابنته من مال حلال .. وان تعذر عليه كسب دخل محترم من وظيفته فيجب ان يطرق سبل اخري شريفة لتحقق له دخل افضل تعفيه من الذلل والرضي بالدنية ومد اليد ليأخذ رشوة مستغلا وظيفته ومستغل ظروف الناس او جهلهم ..
بالفعل قد يكون تلك الرسالة لها تأثير طيب باذن الله ..

اما ثانيا وهذا الأهم .. فعند التعامل بعض الناس والتي تستغل حياء الناس وتعمل بمبدأ لا تأكل الذئب إلا الشاه الشاردة ... ولكون من يطلب رشوة يخشي عواقبها .. فلو حدث ان تكرر حادث مشابه في التعامل مع مثل تلك النوعية من ضعاف النفوس .. فحاولي ان يحضر معك شخص اخر .. يدعم موقفك .. فتواجد فرد اخر .. يعيق ويخيف المرتشي من ان كونه يصبح شاهد عليه .. او بأقل تقدير سيخلصك من الإرتباك ومواجهه المرتشي لأكثر من فرد يضعف اساليبه .. وتحايله خاصة لو بادر الشخص الأخر بمواجهته بأسئلة حول تلك المعاملة التي يهدد بها صاحب المصلحة ...

يعني لو كان هناك جارة لك حضرت الموقف وشاكسته وهددته مثلا بان ما يفعله غير سليم وخاصة انها ليست صاحبة مصلحة - عملا بمقولة اللي ع البر عوام - واللي ايده في المية مش زي اللي في النار .. ولذلك بيكون موقفه وحجته اقوي في دفع الضرر عن الذي يواجه موقف محرج او موقف مشابه لما حدث لك ..
طبعا تخير الشخص الذي يقف بجانبك له اعتبارات .. وبالبلدي كده الكثرة تغلب الشجاعة او الجرأة او الوقاحة ايضا ...
Akrum
شاهد اليوم حلقة اكثر من رائعة للمجتهد عمرو خالد .. ما شاء الله ربنا يحميه ويكثر من امثاله ..
موضوع الحلقة كان عن الموارد !!!!.. رغم غرابة ووقع الأسم علي الناس إلا انها شملت جوانب عدة ..
انا شايف والكلام هنا لمني ولباقي الأعضاء اننا نشوف ونعمل زيارة لموقع عمرو خالد ... ونحاول نكون فكرة عن مشروع صناع الحياة المتبنيه عمرو خالد ... وبعدين ممكن نجمع افكارنا هنا ونبدأ في تنفيذها ..
علي سبيل المثال .. هناك مشروع ذكره يقوم به شباب مصري لجمع الملابس المستعمله والجيدة لتوزيعها علي المحتاجين في القري والنجوع بكافة بلداننا العربية ... لتحقيق توازن وتكافل اجتماعي ... فكرة جميلة واستثمار جيد لملابس اصبحت مخزنة بدولايبنا ولا تستخدم في حين قد تفيد وتنفع اخرين في امس الحاجة لتوفير ملابس وتوفير اموالهم لشراء امور اخري .. مما يحقق العدالة الإجتماعية في مجتمعاتنا .. هذا غير الثواب الذي يثاب به المرء من جراء فعل الخير ونشره ...

كما تحدث ايضا عن حملة حماة لمستقبل لمحاربة المكيفات الخمس ... في مجتمعاتنا والحد من تلك الظواهر التي تهدد مجتمعاتنا وشبابنا .. مثل مكافحة التدخين والمخدرات والقات والخمور والشيشة ..اهداف سهلة وممكن تحقيقها عبر السبل المتاحة ...

الهدف الأخر الذي يتدرب الناس عيله هو المشاركة الجمعية كما ذكرت من قبل لتحقيق اهداف لا يستطيع فرد واحد ان يقوم بها .. وهو عندي من اقوي الأهداف التي تخدم مجتمعاتنا وتمهد لمستقبل مشرق بإذن الله ...

عمرو خالد راجل مجتهد وصادق مع نفسه فصدقه الناس .. وقوي العزيمة .. وذو همة لا تلين امام الصعاب ولكنه يلتف من حولها ولديه قدرة علي البقاء والإصرار علي ما يقوم به ... انظروا كيف كانت بداية عمرو خالد وكيف اصبح !!! خلاصة القول مجتهد .. 99 في المية اجتهاد و1 في المية عبقرية .. اللهم ما اكثر من امثاله بين شبابنا..

مرة اخري .. انوه ان دور المرأة هام جدا خاصة في لانواحي الاجتماعية والترابط الإجتماعي ولذلك ياريت اخواتنا هنا من العسلات والفاتنات .. يفكروا ممكن نعمل ايه نساعد به انفسنا ونساعد الأخرين .. ولو عايزين نسترشد بأي وسيلة .. ارشح لكم موقع عمرو خالد وبرامجه عن صناع الحياه ... او حتي لنتواصل معه حتي نحقق اكبر فائدة من ناحية الترويج لآفكارنا ونشرها بصورة اوسع ...

منتظر منكن ردود واقتراحات ..
Akrum
كان في فكرة مشروع كنا سبق وفكرنا بها هنا ممكن تفيد في عمل خيري وهو عمل قاعدة بيانات بكافة مراكز الجهات الخيرية والتي ترعي اليتامي والمساكين والفقراء ببلداننا .. مع سيرة شخصية كاملة عن كل طفل واحتياجاته من اكل ولبس وتعليم .. وبكده يكون البضاعة عندنا هي هذا الطفل .. ويبقي المشتري وهو نحن ممكن يستطيع بالتبرع بأي شيئ لتحقيق احتياجات هذا الطفل ..والمشترين لتلك البطاعة سوف نعمل لهم حساب بموقعنا .. نسجل فيه اسهاماته المادية والعينية المرسلة .. ومقابل ذلك يستطع المساهم ان يخصص اسهاماته لحق طفل معين او يتركها لإدارة المشروع لتوزيعها حسب كل طفل ..
المهم ان كل مساهم بصدقة او زكاة او اي مساهمة عينية يستطع في اي وقت ان يعلم مصاريف اسهاماته اين ذهبت ولمن .. كما انه يستطع ان يراسل او يتواصل مع اي من هؤلاء الأطفال ..
مشروع محتاج جهد ليس باليسير من حيث جمع المعلومات وفرزها وتوزيع انصبة وحصص علي المستفيدين .. حلم .. سيكون في ميزان حسناتنا لو بدأنا نفكر ازاي ممكن نبدأه ..

تفتكروا ممكن ... :idea: :?: :!:

هنا تلاقوا وصلة لفكرة الموضوع...
http://www.masreyat.org/r2/html/modules.ph...viewtopic&t=646
وهنا مدخل للمشروع اللي لسه فكرة ...
dolphinsmile
سكر كتبت [quote]أقم صلاتك تنعم بحياتك
هتقولولي فكرة قديمة أو ان الوعي الديني زاد
و إن الصلاة من أبسط الأشياء هقول برضه
متتخيلوش فيه ناس كتيرة و ساعات تكون كبيرة و مش بتصلي [/quote]

الحاجات دي صحيح بسيطة يا سكر بس مهمة جدا

وعندك حق بالنسبة للصلاه

مش كل من يصلي فهو متدين علي حق

وبالتالي فكرتك رائعة بالرغم من بساطتها

وعلي فكرة بالنسبة لموضوع

[quote]ان الله لا يغير ما بقوم حتى يغيروا ما بانفسهم [/quote]

فلنبدا بانفسنا فعلا بالاضافة الي محاولة تغيير ما بحولنا واليكم افكار قمت بها بنفسي وبالرغم من بساطتها وارتباطها بالدين اكثر من الحياه والمجتمع لكن فعلا ليها اثر كبير ويا رب تعملوا منها ولو شىء

الفكرة الاولي
-----------
ودي انا باتبعها مع اصحابي وجابت نتايج جميلة

اي برنامج او موضوع اعرف عنة او معلومات جديدة في الدين بروح الشغل من هنا واجتمع مع صديقاتي (اللي هما اتنين بس) ونتناقش فيها وكل من عندة جديد بيقولة

بمعني اخر عاملين منتدي بس علي صغير

ودة علشان هما معندهمش القدرة علي دخول الانترنت مثلا فكل من عندة مصدر بيدور فية ويحاول يجيب معلومات اكبر يعني واحدة منهم عندها مصادر من كتب فقة وسنة والتانية قراءاتها متعددة

الخلاصة من الفكرة دي هيا انكم تحاولوا تنشروا اي معلومات مهمة بتقروها في المنتدي في اطار الاصدقاء ايضا كي تعم الفائدة

الفكرة التانية
--------------
مساعدة وتشجيع من حولي علي الالتزام بالصلاه

وهذا عن طريق ان نبدا بالاهل والاقارب بمعني عند تواجدي في اي مكان واذن للصلاه احاول ان اعمل المستحيل كي اصلي فاكون قدوة حسنة لاي من كان ... ودة لان موضوع ان الواحد يصلي برة بيتة كانت مشكلة بتارق كل من يحاول الالتزام في ظروف الحياة السريعة والعمل

ومن ضمن صور هذا التشجيع في صلاة الفجر فمن منا يصلي الفجر حاضر ؟؟؟؟ وبالتالي اتفقنا انا وبضعة من صديقاتي ان نستخدم اداه المحمول التي اتيحت لنا - في مثل عصرنا هذا - في تنبية بعضنا البعض بموعد صلاة الفجر فمن تستيقظ اولا ترن للباقي وهكذا حتي تمكنا جميعا من صلاة الفجر في موعدة وصارت جزء لا يتجزا من يومنا

علي فكرة الموضوع دة بدا معانا من ايام رمضان عشان نقوم نصلي صلاة القيام ثم نتسحر ونصلي الفجر فكنا بنتفق علي مواعيد لتنبية بعضنا البعض واستمر الامر حتي وصلنا لهذا

الفكرة الثالثة
--------------
وهو انضمامي لمجموعة بتحاول تصلح المجتمع واللي اعلن عنها في منتدانا هنا في منتدي الاعلانات والمناسبات في موضوع "مشروع اسلامي ضخم" وهما كانوا فقط بيبتدوا وعايزين الصراحة انا كنت داخلة لمجرد الفضول ولكن بدات اهدافهم تتكشف وابتدوا يفكروا في اشياء عملية فعلا
وانا بصراحة معجبة بالافكار وبدعوكم معايا لتتعرفوا علي اهدافهم يمكن تساعدكم:
1- التفقة في الدين
2-نشر الوعي الديني
3-مساعدة الايتام وذوي الحاجة بمساعدات روحية ونفسية وتعليمية
4-عمل مساعدات لمختلف المراحل التعليمية لمساعدة المجتمع في منع تفشي الدروس الخصوصية
5-نشر الوعي الثقافي والتكنولوجي

--------------------------------------------

ودي مجرد بداية يامني موون

وانا فعلا متفائلة ان فية ناس بتفكر كدة

وبشكرك يا مني مووون علي انك فتحتي موضوع زي دة

الفكرة اكثر من رائعة

ويا رب فعلا نقدر نعمل حاجة علي الاقل يوم القيامة لما نقف امام العزيز الجبار تشهد علينا اعمالنا وتخفف من ذنوبنا
مؤمنة
موضوعك فكرته ممتازة يامنى [A5]


وهى فكرة شبيهة بصناع الحياه لعمرو خالد كما ذكر اكرم من قبل


الافكار كثيرة


وسوف اذكر فكرة حينما انقحها من باقى الافكار ان شاء الله


تحية اعجاب ومتابعة للموضوع


مؤمنة
tytuuuuu
انا شايف انه الموضوع معقد جدا
لكن برضه السبب في تعقيده هوه انا وانته وانتي
يعني لوو كل واحد بدا بنفسه باصلاح نفسه ومن حوله والالتزام بقواعد دينه هيحل نص المشكله
الدين فيه من القواعد ما يجعل المخلوق البشري اقرب للانسانيه منه للغوغاء

قصدي انه الاصلاح ممكن لكن مننا من نفسنا ((ابدا بنفسك ))
انته لي بتدي رشوه او ما تديش
وانته لي بتدي لعسكري المرور خمسه جنيه عشان المخالفه ما تكتبش
وانته الي بتسيب طابور العيش وعاوز ما تقفش عشان خاطر مستعجل ومعتبر انه مصلحتك اهم من كل الناس الي واقفه دي .. دول ناس فضيين لكن انا لا
يعني البدايه منك ومني الالتزام بقواعد دينك هيه لي هتخليك انسان تقدر تواجه الصح والغلط
والمجتمع ببساطه جدا مكونن مننا جميعا يعني مش من مخلوقات لا نعلم عنها شيء فلوكل واحد فينا التزم اعتقد انه ده اول طرق الاصلاح
(( ان الله لا يغير ما بقوم حتي يغيروا ما بانفسهم))
لو ان هذه الخطوه تحققت ..ممكن بعد كده نبدا ندور ازاي الجهود الفرديه دي كلها تقدر تصلح مجتمع كاملا لكن كل واحد فينا يكون له سلبياته سواء بعلاقته بغيره من المجتمع او بعلاقته بربنا وعاوزين نصلح مجتمع كامل .. ما عتقدش .. سيظل الوضع علي ما هوه عليه لحين اشعار اخر

واهم صور افساد الاصلاح الفردي هيه جمله واحده متفشيه في النفوس :: بتقول :: وانا مالي ما كل الناس بتعمل كده جت عليه انا ::
:| :| :| :|
اسيرالشجن
فكرة رائعة يا مون وعجبتنى اوى

وان شاء الله اشارك معكم فى الموضوع لكن الان لا يوجد شىء فى دماغى

وبرغم انشغالى الايام دى وعدم تواجدى على النت الا نادرا الا اننى سوف اشارك بإذن الله

[A5] [A5] [A5] [A5] [A5] [A5]
mona moon
انا آسفة اذا كنت اتأخرت في الرد بس بصراحة كنت مستنية أشوف الأفكار اللي سيتم طرحها للمناقشة .....


طيب مؤقتا وبما ان مافيش أفكار كتير ، انا عندي اقتراحين :

1- على الأعضاء الذين قاموا بطرح أفكار ، ان يقوموا بشرح كيفية تنفيذها ونوع المساعدة التي يحتاجون إليها ليتم التعاون والتنسيق بين الأعضاء على كيفية التنفيذ :idea: :idea:

2- تبرع أحد الأعضاء بنقل الأفكار التي يقوم الأستاذ عمرو خالد في برنامجه "صناع الحياة" في هذا الموضوع ، لنقوم ( وكأضعف الإيمان ) بالمشاركة معهم :idea: :idea:
سكر أخضر
بالنسبة لمشروعي الصغير سأقوم بالتنسيق مع قمر بعد موافقتها طبعا
و بعد تصميم الشعارات ننزلها في المنتدي و أي حد ممكن يطبعها و يوزعها بمعرفته
فين قمر بقى
:mrgreen:
قمر الليالي
[quote]
بالنسبة لمشروعي الصغير سأقوم بالتنسيق مع قمر بعد موافقتها طبعا
و بعد تصميم الشعارات ننزلها في المنتدي و أي حد ممكن يطبعها و يوزعها بمعرفته
فين قمر بقى
[/quote]

انا هنا....بس تهت في ابواب المنتدى..

طبعا معاكي يا سكر يا اخضر....انا موجوده وانا موافقه طبعا [A5] [A5]

توكلنا على الله biggrin.gif
mona moon
احنا وصلنا لحد فين يا جماعة ؟؟؟؟؟ :roll:
Hesham
http://www.masreyat.org/r2/html/modules.ph...iewtopic&t=3639

الوصلة فيها موضوع مهم جداً .. وتنفيذه سهل جداً ولن يكلفكم سوى إرسال e-mail إلى كل من تعرفون، وإرسال رسالة بالموبيل لكل من تعرفون أيضاً.

تابعوا الموضوع .. وابدأوا منه .. تجربة مش حتخسروا منها أى شئ ولا حتكلفكم أى شئ، ولو نجحت، فنتيجتها أكثر من ممتازة وفيه خدمة عامة لكل الناس.
mona moon
الرسالة دي وصلتني على الايميل :

[quote]

بسم الله الرحمن الرحيم

((كنتم خير أمة أخرجت للناس تأمرون بالمعروف وتنهون عن المنكر))

شاركنا فى حملة لا لاستغلال وامتهان المرأة

عبر عن رايك وكن من صناع الحياة وراسلهم ,,,, اخبرهم انك يمكنك التغيير

لا تقلل من شأن مشاركتك فمشاركة الجميع مطلوبة...فبداية الالف ميل خطوة

وزع عنوان هذه الصفحة على اصدقائك و دعهم يشاركونك و يشاركوننا

و كن خير الناس تأمر بالمعروف و تنهى عن المنكر

هذا موقع يقوم بإرسال الرسالة لبريد القنوات الفضائية و المجلات التى تعرض الإعلانات الخليعة

http://www.steptoislam.com/no_for_female_abuse.asp

فقط يقوم الزائر بكتابة اسمه و بريده ليرسل باسمه الرسالة إلى كل هذه القنوات مرة واحدة

أرجو من الجميع المشاركة و نشر هذا الرابط

تقبل الله من الجميع ، و أعاننا على التصدى للمفاسد

[/quote]
سكر أخضر
فكرة جميلة جداً و عملية
[A5] [A5] [A5]
و لكن نصيحة لكل من يرسل الإيميل أن يؤمن بالفكرة أولاً
و الا سيكون مجرد كلمة تتوه وسط الزحام لإنها غير نابعة من القلب

بالمناسبة أضع تحت تصرفكم إشارات التنبيه كما أسميتها
قامت بالتنفيذ ....قمر الليالي
قامت بتنسيق الكلمات....قمر الليالي
أنا معملتش حاجة....و إن كنت جبتهم على هنا بس
:oops:

[img]http://albums.masrawy.com/Photos/I99265R19225326U38880.jpg[/img]

[img]http://albums.masrawy.com/Photos/I99266R43971626U38880.jpg[/img]

[img]http://albums.masrawy.com/Photos/I99263R89594565U38880.jpg[/img]
و على فكرة إن شاء الله يكون فيه إشارات تنبيه جديدة
و ربنا يكون في عون قمر :oops: :oops:
أقترح للطباعة روق فبريانو فواصل( موجود بالمكتبات)
لكن مش عارفة الوزن بالظبط
:oops:
DALYA
فيه فكره في دماغي من حوالي 5 اشهر بس مش عارفه انفذها او ابدأ منين
الفكره دي جتلي في اخر زياره لمصر كان اخي عمل حدثه اضطررت للنزول من المطار علي مستشفي ولان الحدثه كانت علي طريق زراعي نقل الي اقرب مستشفي عام ولحالته الخطيره كان لايمكن نقله لمستشفي خاص لانه كان علي تنفس صناعي ده مش المهم انا حبيت اكتبه كمدخل للموضوع

في هذه الزياره شفت العجب
مستشفي بلا دم (مش معندهمش دم) لا مفيش دم موجود لنقله للمريض وينقل الدم عن طريق اهل المريض
مفيش كراسي لاهل المريض ينظروا عليها ولان المستشفي العام معندهاش الدواء لازم اهل المريض ينتظروا في الخارج عشان لما يحتاجوا دواء يجري اقاربه يحضروا الدواء ولو مفيش يبقي حيموت اشياء كثيره لاحظتها ومش مقارنه بالدول خارج مصر لا صعوبات الناس بتتكلم عنها يمكن عمري مفكرت فيها لكن وسمعتها في صالات الانتظار وعلي سلالم المستشفي

طب ليه منعملش حاجه زي تبرع بالوقت والجهد والمال للطوع لحاجه زي دي لاهل المريض او حتي للمرضي نفسهم
هل هذ ممكن؟؟؟؟؟؟؟
المشكله ان انا مش عايشه في مصر وكل مااسأل حد في الموضوع ده محدش بيديني اجابه مقنعه

في الخارج فيه نظام التطوع بالوقت ساعه او يوم كل شهر او اي وقت ممكن في المستشفيات والمدارس وجميع الخدمات العامه
هل في مصر حاجه زي كده ؟؟؟؟؟؟؟؟؟؟
قمر الليالي
[quote]
بالمناسبة أضع تحت تصرفكم إشارات التنبيه كما أسميتها
قامت بالتنفيذ ....قمر الليالي
قامت بتنسيق الكلمات....قمر الليالي
أنا معملتش حاجة....و إن كنت جبتهم على هنا بس
[/quote]

انتي صاحبت الفكره الاساسيه وانا بس نفذت...

على العموم مع التكبير احس ان الخط بقى مش واضح قوي...

فا دي التصاميم بحجمها الاساسي..

[img]http://calloflove.jeeran.com/advice3.gif[/img]
[img]http://calloflove.jeeran.com/advice2.gif[/img]
[img]http://calloflove.jeeran.com/advice1.gif[/img]
[img]http://calloflove.jeeran.com/advice5.jpg[/img]
mona moon
[quote]
في الخارج فيه نظام التطوع بالوقت ساعه او يوم كل شهر او اي وقت ممكن في المستشفيات والمدارس وجميع الخدمات العامه
[/quote]
معلش يا ريت شرح أكتر للفكرة :roll:
DALYA
[quote]
معلش يا ريت شرح أكتر للفكرة
[/quote]

يعني ممكن اي واحد عاوز يتطوع بيروح المكان اللي عاوز يطوع فيه وليكن المستشفي مثلا ويروح مكتب الاداره ويقولهم انا عندي وقت معين عاوز اقضيه في المستشفي من غير مرتب ادارة المستشفي تاخد معلومات عنه كأنه حيشتغل لضمان انه انسان كويس وموثوق به
ويبدأ يروح عادي كأنها شغله بس الحلو انه هو الشخص نفسه اللي بيحدد المنطقه اللي هو عاوزه والوقت بس علي علم من المكان قبلها علي الاقل اسبوع بيكون نازل جدول المتطوعين يعني مش بالمزاج

ملحوظه: التطوع لا يكون في الشغل اللي عاوز مهاره (يعني مش حتطوع تكون ممرضه ولا دكتور )
قمر الليالي
معتقدش في حاجه زي دي يا داليا في مصر...او في الوطن العربي بشكل عام ...

هو في فكره شبيه عن عمل متطوعين في مهرجان دبي..بيكونوا زي المرشدين السياحين ودول بيكون شغلهم تطوع...بس اما بالنسبه لاماكن زي مستشفيات معتقدش..ولو في حد عنده فكره يمكن يساعدنا
gatita
تصاميم جميلة

و مؤثرة يا قمر برافو عليكي

انا حنشرها
قمر الليالي
[quote]
تصاميم جميلة

و مؤثرة يا قمر برافو عليكي

انا حنشرها
[/quote]


[A5] [A5] [A5] [A5] [A5]
tytuuuuu
للاسف داليا فكرتك مش موجوده فعلا في الوطن العربي

وفكره زي دي محتاجه جمعيه تنظمها حتي يتم التواصل ويتم تفعيلها بحق
mona moon
ممكن شوية جد ؟؟؟؟ والا عشان احنا عرب ما ينفعش نعمل حاجة ونكملها لآخرها إلا إذا كانت تهريج ؟؟؟؟

هوه دة اللي طلعنا بيه من الموضوع ؟ فكرة سكر أخضر ؟؟؟؟؟ بس ؟؟؟؟؟؟؟؟؟
Mahmoud
1-ارجو ان تشركونى فى هذا العمل الوطنى
2-عندى الفكرة التى ستمكنكم من نشر هذه المجلة وهى عمل حزب معارض يمول نفسه ذاتيا بعيدا عن الحكومة,الذهاب فى مشاريع الحكومة لتعليم الأميين وبهذا نكون إصطدنا عصفورين بحجر
1-النقود التى تعطيها لنا الحكومة نمول بها خذينة الحزب
2-نوعى الغير متعلميين عيوب الحكومة والنظام الحاكم
وللخطة بقية إذا أردتم وهى سلمية كما ترون
.M.T
mona moon
[quote]
وللخطة بقية إذا أردتم وهى سلمية كما ترون
[/quote]
طيب اشرح تفاصيل الفكرة كاملة :idea:
Mahmoud
الفكرة لا تستحضرنى الأن ولكن من الممكن اى شخص اخر ان يعدل فيها والذى يميزنا عن الدولة هو اخذنا بالرأى وليس الرأى الواحد.
sika
أنا يمكن فكرتي قديمة شوية ولكن ممكن نطورها.
الفكرة هي :-
حملة قومية بتدعوا لتطوير المناطق العشوائية والحضرية والراقية.
كانت الدنيا والحكومة الأول بنتكلم عن العشوائيات لكن بالبشوفة اليومين دوول خلاني حسيت بإرهاق نفسي كبير حسسني إن البلد مش هتتصلح من فساد وعدم إدراك لمشاعر الغير البصق في الطرق النظافة الحالة التي وصل إليها المواطن المصري من تبلد وعدم إهتمام صوت عالي ألفاظ غريبة أغاني هابطة وإستغلال للظرف السيئة.
من غير توضيح طبعاً أنتو فهمني.
المهم هدف الحملة هو مواجهة هذه السلبيات لي عدة مراحل كل مرحلة شنلة تحقيق الهدف الخاص بها موازي للأهداف السابقة كمثال:-
1- محاربة الرشوة بالأمتناع عنها فوراً : فمثلاً تصوروا معايا لو كل الناس اللي بتقضي مصالح في الجهات الحكومية مثل الشهر العقاري أو أي جهة اخري امتنعت عن تقديم الرشوة مرة واحدة مع بعض أعتقد إن الموظفين أتحطو امام الامر الواقع وإذا حد عمل مشكلة يهدد باللجؤ للمسئول الاعلي فالأعلي.
2- محاربة إلقاء القمامة في الشارع تصورة معجزة حصلت ولقيتو المصريين مبيرموش ( زبالة ) في الشارع طبعاً المنظر ده انا متخيل انه ممكن يكون سنة 3005 لكن صدقوني لو قدرنا نعمل حملة للنظافة منظمة ومقنعة ممكن تعمل نتيجة بس حملة نظمة وموجهة بالإشتراك مع جهات حكومية(ربنا يستر).
3- البصق علي ارضيات الطرق ممكن نعمل حملة لمنعها حملة مقنعة إن ده حرام دينياً وفنفس الوقت نشر لكثير من الأمراض.
-
-
-
-
-
-
-
-
-
-
-
-
-
وهكذا
ربنا يستر
أناعارف أن الكلام إتقال كتير لكن ده لو إتحقق فعلاً يبقي عملنا ثورة
الإعتماد علي الحكومة المصرية لايجدي
.
Invision Power Board © 2001-2014 Invision Power Services, Inc.