المساعدة - البحث - قائمة الأعضاء - التقويم
مطبخنا يا مطبخنا ....
منتديات شئون مصرية > المنتديات الإجتماعية > شئون الأســــــــــرة
1, 2, 3, 4, 5, 6, 7
Hesham
سيداتى أنساتى سادتى
معكم الشيف اللى مفيش منه اثنين H العجيب :lol: :lol:

وحيث أنى أحسن ذويق عرفته البشرية :lol: لكن يا خسارة، ماليش فى المطبخ wink.gif فياريت تتحفونى بوصفاتكم اللى هيه، وأكون ليكم شاكر :lol:
أخوكم جعان .. إلحقونــــــــى 8) 8) 8) :cry: :cry: :cry:
Hesham
[size=18]ragab2



شاركت: 15 Jan 2002
ردود: 108

ارسل: 1st February 2002 10:28 PM موضوع الرسالة:
سمك بلدنا

--------------------------------------------------------------------------------

العبد الفقير
ليس له تقل على السمك وأتناوله كل شهر أو اسبوعين
ولكن فيه أنواع حرمت منها أثناء وجودنا وعملنا بالخليج وغير متوفرة عندهم
وكان فيه أنواع أخرى مثل الهامور وسمك اسمه بياح بالاضافة الى الزحلفة البحرية العملاقة والتى تزن حوالى عشرين كيلو ويفضلوا أكل لحمها ولكنى لم أتذوقها
والأنواع التى حرمت منها هى الثعابين السمك والبلطى والقراميط وهى غير متوفرة بالخليج
وكنا نحمل كميات كبيرة منها من مصر وبالذات الثعابين ومع ذلك شعرنا بالحرمان منها لشعورنا أنها غير متوفرة
وعندما حضرنا مصر وجدنا الثعابين أصبحت عملة نادرة مثلها مثل الجنبرى
وشطح سعرها الى خمسين وسبعين جنيها
بعد ماكانت تباع بسعر البلطى والبورى
ما سبب شح ثعابين السمك
هل هو وقف تدفق مياه الفيضان أو يوجد أسباب أخرى .. ؟

الرجوع الى المقدمة


[size=18]um_taj



شاركت: 31 Jan 2002
ردود: 33

ارسل: 2nd February 2002 12:57 AM موضوع الرسالة:

--------------------------------------------------------------------------------

ما شاء الله....تعدد انواع الاسماك وكانك خبير بحرى..
بتعرف يا اخ رجب 2 ان شعب سوريا هو اقل شعب فى العالم يتناول الاسماك مع ان سوريا تقع على البحر وفيها بحيرات تعيش فيها الاسماك ومع ذلك فان متوسط استهلاك الفرد لا يتعدى الكيلو الواحد سنويا....
ومن جهتى .....لااعرف كيف يحضر ...

فهلا اعطيتنى وصفة طهى سريعة ولا تحتاج وقت ....:P :P بما انك خبير ...
_________________
الفتنة اشد من القتل

الرجوع الى المقدمة


[size=18]ragab2



شاركت: 15 Jan 2002
ردود: 108

ارسل: 2nd February 2002 01:49 AM موضوع الرسالة:

--------------------------------------------------------------------------------

الأخت أم تاج
أشكرك على ثقتك بنا فى طهى السمك
ولكن لسوء حظى ليس لى خبرة فى الطهى بقدر خبرتى الضئيلة فى الشراء والأنواع والأكل
وسأستعين بصديق أو بكتاب أبلة نظيرة وان لم أجد سأسأل زوجتى
ولكن على العموم يقال أن أكل السمك مشوى أفضل من المقلى بالنسبة للصحة العامة
حيث أن غليان الزيت والمقليات تزيد من تكوين الكوليسترول فى الدم
وأهل سوريا الحبيبة اذا كانوا مقلين فى أكل السمك مثل الصعايدة فى مصر وأنا منهم ولكن توجد أنواع مثل ثعابين السمك والكابوريا الطازة لا تقاوم
وسوريا الشقيقة لها معزة خاصة لدى
حيث لى فيها صديق الدراسة عزيز على قلبى
الدكتور الشاعر استاذى ..... السفاف من حماه
والذى كان يدرس فى مصر
واعذرينى فى اخفاء اسمه الأول حيث لا أعلم عنه شيئا هل هو حى يرزق أو قتل فى أحداث حماة
لكى شكرى وتقديرى

عدل سابقا من قبل ragab2 في 2nd February 2002 02:17 AM, عدل 1 مرة

الرجوع الى المقدمة


[size=18]elbana



شاركت: 12 Jan 2002
ردود: 64

ارسل: 3rd February 2002 02:25 PM موضوع الرسالة:
بس كده؟

--------------------------------------------------------------------------------

الأخت أم تاج

أعلم أن الأخوة السوريون رغم حلاوة مأكولاتهم وشهرة مطاعمهم إلا أنهم لا يميلون لأكل الأسماك ، علماً بأن المأكولات البحرية مفيدة جدا وخفيفة .

لذا اسمحي لي أن أجيب لك طلبك الخاص بوصفة للسمك ، وهي عبارة عن صينية الجمبري وهذه الوصفة يمكن أن تطبق على الجمبري وعلى أنواع السمك الفيليه ذات اللحوم البيضاء :

المقادير :
- كيلو جمبري كبير .
- فلفل أخضر وأصفر وأحمر (إذا أمكن) .
- طماطم .
- بصل .
- ليمون .
- ثوم .
- زنجبيل أخضر (أو بودرة) وبهارات وملح وفلفل .
- عصير ليمون .
- زيت زيتون .

1 - يغسل الجمبري ويقشر ويترك الذيل فقط ، جمبري حجم محترم طبعاً .
2- يتم هرس الثوم مع الزنجبيل الأخضر والبهارات والملح والفلفل والكمون ، يمكن أن يضاف فلفل حار ، مع إضافة عصير الليمون وزيت الزيتون لنحصل على مقدار ملء طبق لتتبيل الجمبري .
3- يتم فصل حوالي نصف أو ثلث كمية التتبيلة على جنب .
4- يوضع الجمبري في التتبيلة لمدة حوالي ساعة .
5- يتم تقطيع البصل والفلفل بألوانه والطماطم والليمون الطازج إلى حلقات .
6- نشعل الفرن .
7- نأتي بالصينية وندهنها بقليل من زيت الزيتون .
8- نقوم برفع الجمبري من التتبيلة ونرصه في أرضية الصينية بشكل متناسق .
9- نقوم بترتيب حلقات البصل والطماطم والفلفل والليمون حسب الألوان فوق الجمبري .
10- نأتي بكمية التتبيلة التي تركناها جانباً ونقوم بتوزيعها بعناية فوق الصينية بحيث تصل لكل المكونات .
11- تغطى الصينية بورق الألومنيوم وتوضع في الفرن لمدة حوالي 40 دقيقة .

يقدم مع أرز بالبصل (بني اللون) وسلاطة الفتوش وسلاطة الطحينة .

أي خدمة

الرجوع الى المقدمة


[size=18]ragab2



شاركت: 15 Jan 2002
ردود: 108

ارسل: 3rd February 2002 05:36 PM موضوع الرسالة:

--------------------------------------------------------------------------------

الأخ الفاضل البنا
الله ينور
أكيد انت درست سياحة وفادق
ماشاء الله
ولكن هل ممكن استبدال الجنبرى بالبساريا
حتى تناسب جميع الدخول لأن الجنبرى محتاج سلفة م البنك أو جمعية

الرجوع الى المقدمة


[size=18]um_taj



شاركت: 31 Jan 2002
ردود: 33

ارسل: 3rd February 2002 08:00 PM موضوع الرسالة:

--------------------------------------------------------------------------------

مشكورة يا اخت elbana

تبدو الوصفة شهية فعلا...
ولكن للاسف الجمبرى لا اثر له فى سوريا...

_________________
الفتنة اشد من القتل

الرجوع الى المقدمة


[size=18]abla



شاركت: 12 Jan 2002
ردود: 710

ارسل: 3rd February 2002 08:16 PM موضوع الرسالة: اوباااااااااااااا

--------------------------------------------------------------------------------

البنا هو أخ وليس اخت
الحقي بسرعة ياام تاج
_________________
Hesham
[size=18]elbana




شاركت: 12 Jan 2002
ردود: 64

ارسل: 4th February 2002 06:55 AM موضوع الرسالة:

--------------------------------------------------------------------------------

الأخت أم تاج

الجمبري يمكن استبداله بأي نوع من الأسماك الفيليه ، يعني مثلاً هامور فيليه ، أو شعري ، أو غيره . المهم أنصحك بالإكثار من أكل البحر لأنه مفيد خصوصاً للصغار ، يعني لو عند حضرتك أولاد حاولي تعملي لهم مرة واحدة في الأسبوع على الأقل أكل بحر لأنه بينشط الذهن نتيجة الفوسفور .

الأخ رجب2 : الوصفة دي لو استبدلت فيها الجمبري بالبساريا يبقى لازم تستبدل معاها الفلفل الملون وزيت الزيتون وتلات تربع المكونات ، وأنا مش خريج سياحة وفنادق ولا حاجة ، أنا بس هاوي الحكاية دي . وعلى فكرة ممكن تحط فيها البلطي النيلي بتاع أسوان الفيليه ح يعجبك جداً .

الأخت عبلة : شكراً على التوضيح .

الرجوع الى المقدمة


[size=18]ragab2



شاركت: 15 Jan 2002
ردود: 108

ارسل: 13th February 2002 08:14 PM موضوع الرسالة:

--------------------------------------------------------------------------------

يمتاز السمك بأنه غنى بالأملاح والمعادن المفيدة وخاصة الفوسفور
وبصورة خاصة الكابوريا والجمبرى واللوبسترا والتى يطلق عليها صراصير البحر
وهو قليل جدا فى الكلسترول الضار
والفوسفور فاتح للشهية ويدخل فى العمليات الحيوية بالجسم

ولكن الشيئ المحير أنه تبين أن حشيشة البحر التى تتراكم على شواطئنا
ويقوم غطاسين البحر بجمعها والقائها ونعتبرها قمامة يقال أنها مفيدة وتؤكل فى بعض البلاد
هل هى نفس حشيشتنا التى تضايق المصيفين الذين يسبحون فى البحر


وشكرا لكم أخى البنا على أكلاتكم الشهية

[color=#444444][/color]
Hesham
elnadim2000



شاركت: 03 Feb 2002
ردود: 110

ارسل: 18th February 2002 02:46 AM موضوع الرسالة:
شوربة...الحريره.....لذيذه ومغذيه جــــــــــدا

--------------------------------------------------------------------------------

من أشهر أنواع الشوربة ،،، لا تستغربي كثرة مكوناتها فهذا ما يجعلها لذيذة الطعم وذات قيمة غذائية عالية. تشتهر بها بلاد المغرب وهناك العديد من الوصفات لإعدادها، فهي من الوصفات القديمة التي طرأ عليها الكثير من التعديلات.

المقـــــــــــــــــــقادير:
300
جرام
لحم مكعبات صغيرة

4
ملعقة كبيرة
سمن او زبدة

2/1
ملعقة صغيرة
فلفل اسود

4/3
ملعقة صغيرة
كمون

4/1
ملعقة صغيرة
زنجبيل مطحون

1
ملعقة صغيرة
كزبرة جافة

1
ملعقة صغيرة
قرفة

2
ملعقة صغيرة
ملح

2
حبة كبيرة
بصل مفروم

4
فص كبير
ثوم مهروس

1
عود كبير
كرفس ، مكعبات

4/3
كوب تقريبا
بقدونس مفروم

4/3
كوب تقريبا
كزبرة مفرومة

1
حبة كبيرة
بطاطس مكعبات صغيرة

1
حبة كبيرة
جزر، مكعبات صغيرة

3 – 4
حبة كبيرة
طماطم، مفرومة ناعم

2
كوب
عصير طماطم

4/1
كوب
معجون طماطم

2
كوب
مرق

2/1
كوب
عدس أحمر

2/1
كوب
شعيرية

4/3
كوب
حمص مسلوق

3
ملعقة كبيرة
دقيق

2/1
كوب
ماء

3/1
كوب
عصير ليمون

2
حبة كبيرة
صفار بيض


الطـــــــــــــــــــــريقه:


1- ضعي السمن واللحم في قدر كبير الحجم ، سميك القاعدة وقلبي اللحم لعدة دقائق الى ان يجف.

2- أضيفي الفلفل، الكمون، الزنجبيل، الكزبرة الجافة، القرفة، الملح، البصل، الثوم، الكرفس، البقدونس، الكزبرة، وقلبي الى ان تذبل الخضراوات 2 – 3 دقيقة.

3- أضيفي البطاطس والجزر، وقلبي الى ان تختلط مع بقية مكونات الشوربة.

4- أضيفي الطماطم، دعي الشوربة على نار متوسطة لحوالي 10 دقيقة الى ان تذبل الطماطم .

5- أضيفي عصير الطماطم، المعجون، العدس و المرق، دعي الشوربة تغلي، ثم غطي القدر واتركيها على نار هادئة حوالي 30 دقيقة الى ان ينضج اللحم والعدس، أضيفي بعض الماء اذا أصبحت الشوربة سميكة.

6- أضيفي الحمص و الشعيرية، واتركي الشوربة تغلي عدة دقائق الى ان تنضج الشعيرية.

7- امزجي الطحين والماء الى ان يصبح الخليط ناعما ثم أضيفيه بالتدريج الى الشوربة، واتركيها تغلي لحوالي عدة دقائق الى ان يصبح القوام سميكا.

8- امزجي صفار البيض مع عصير الليمون و أضيفيه الى الشوربة، دعي الشوربة تغلي لمدة دقيقة ثم قدميها بجانب كمية وفيرة من شرائح من الليمون الطازج، او عصير ليمون . وتسلم ايدك.

· الكمية تكفي : 6 – 8 أشخاص

الحريرة يجب ان تكون متوسطة القوام ليست سائلة وليست سميكة، يمكنك إضافة الماء حسب الحاجة.

الرجوع الى المقدمة


elnadim2000
عضو


شاركت: 03 Feb 2002
ردود: 110

ارسل: 18th February 2002 02:52 AM موضوع الرسالة:
و دي كمان فوق البيعة

--------------------------------------------------------------------------------

لحم بعجين العراقي الراقي
المقادير:
6 اكواب طحين
1 ونصف كوب زيت نباتي
بيضه
ملعقه كوب سكر
خميره افرنحيه
نصف كوب ماء دافئ
ملعقه صغيره ملح
ملعقه صغيره بيكم باودر
ماء دافئ

مقادير الحشوه:
كوبين لحم غنم مفروم
كوب طماطم مفروم
كوب فلفل اخضر مفروم
بصله كبيره مفرومه
كوب بقدونس او كزبره مفرومه او كلاهما
القليل من معجون الطماطم
عصير ليمونه

البهارات:
كمون وزعتروملح وخليط بهارات مشكله وفلفل اسود مطحون

الطريقة:
1-نضع الخميره وسكر في نصف كوب ماء دافئ ونخلطهم لحد ماتذوب الخميره ثم نغطي الكوب بغطاء اكبر منه ونضعه في مكان دافئ حتى تظهر رغوه
2-نضع الطحين في كاسه كبيره ونخلط معه الملح و البيكم باودر ثم نحفر حفره بالوسط ونضع بها الزيت والخميره ثم نفتل الطحين مع الزيت باليد ونضع الماء الدافئ تدريجيا ونستمر بالعجن لحد ما تصير عندنا عجينه متماسكه طريه وبعد ذلك نغطيها بصينيه ونضعها في مكان دافئ ونغطيها ببعض امتعه البيت لحد ما يتضاعف حجم العجينه
3-نخلط محتويات الحشوه مع بعضها
4-نقطع قطعه صغيره من العجين نغمسها بالدهن ونضعها على صينيه مرشوشه بقليل من الطحين
ونفتحها بالشوبك نقصها على شكل دائره وثم نضعها في صينيه فرن مدهونه ونستمر هكذا الى ان يخلص العجين
5-على كل قرص عجين موجود بالصينيه اضيفي في وسطه ملعقه كبيره من الحشوه ثم ابسطيها عليه وعند الانتهاء ضعي الصينيه في فرن ساخن على درجه 350
6- ثم حمريه من الاعلى قليلا عند الاستواء

و أدعولي......ملاحظة : الأكلة دي لازم تتاكل سخنة و الا 3/4 طعمها يروح
ده رأيي الشخصي و لا يلزم أحدا

[size=12]
[color=#444444][/color]
Hesham
[size=18]elbana



شاركت: 12 Jan 2002
ردود: 64

ارسل: 17th February 2002 07:41 AM موضوع الرسالة:
[size=18]فتة بالخل والتوم

--------------------------------------------------------------------------------

نظراً للظروف العالمية الراهنة ، والأجواء التي تحيط بالعملية السلمية المهددة بالانهيار ، وما آلت إليه أوضاع المنطقة من تردٍ لا يخفى على أحد . وانطلاقاً من رغبتنا الأكيدة في توحيد الصف العربي وجمع كلمة الأمة على أمر واحد .
قررنا عمل فتة بالخل والتوم وإهداء وصفتها لكل من يرغب في تنفيذها ، وإليكم الوصفة :
- يتم انتقاء قطع من لحم الغنم (عيد بقى) وتسلق مع إضافة البهارات والذي منه .
- نقوم بإعداد كمية من التوم ودقها مع الكزبرة الناشفة وبعض الملح والفلفل .
- نقوم بتشويح (حلوة تشويح دي) الخبز المقطع في قليل من الزيت أو السمن ، طبعاً يستحسن سمن بلدي خالص ، وملعون أبو الكولسترول .
- نقوم بضرب بعض حبات الطماطم الطازجة في الخلاط .
- نحمر التوم في السمن البلدي الخالص (وملعون أبو الكولسترول ) إلى أن يصفر التوم .
- نقوم بإضافة بعض الخل إلى التوم .
- نضيف عصير الطماطم ومعاه قرن فلفل حراق (حار) مقطع إلى قطع صغيرة ونضع قليلاً من الملح .
- نترك الصلصة بالخل والتوم تتسبك على النار .
- بعد أن تنضج الصلصة نقوم بفصل جزء منها (الثلث تقريباً) ونضيفه إلى الخبز المحمص في السمن البلدي الخالص (وملعون أبو الكولسترول) ونقوم بتقليب الخبز وفرشه في صينية الفتة حتى يتشرب الصلصة بهدوء .
- نقوم بإضافة الشوربة قليلاً قليلاً إلى الخبز المشرب بالصلصة ، ولا نزيد كمية الشوربة عن حاجة الخبز .، وبحيث لا تظهر الشوربة في الصينية وإلا أصبح الوضع خطيراً ، وقد نصنف وقتها ضمن مثلث الشر .
- نغطي الخبز بالأرز الأبيض المعمول بالسمن البلدي الخالص ، وملعون أبو الكولسترول .
- نقوم بإضافة باقي الصلصة على وش الأرز بحيث تغطيه تماماً .
- توضع قطع اللحم فوق كل هذا بعد أن يتم تحميرها تحير خفيف في سمن بلدي خالص ، وملعون أبو الكولسترول .
- تقدم الفتة .

وبعد أيها الأخوة ، فهذا ما دعتنا إليه الظروف الراهنة ، وما دفعتنا إليه الأحداث الجسام التي تمر بها المنطقة ، آملين أن تفلح صينية الفتة في رأب الصدع ، وجمع الشمل ، وملعون أبو الكولسترول .

الرجوع الى المقدمة


[size=18]monalisa



شاركت: 12 Jan 2002
ردود: 293

ارسل: 17th February 2002 10:12 AM موضوع الرسالة:
فين الطرشى

--------------------------------------------------------------------------------

يا اخ احمد فين طبق الطرشى حبيب الملايين :P :P :P
_________________
يا مصر يا حافظه قرآنك و أناجيلك
ولو تنادينى فى الغربه أنا اجيلك

الرجوع الى المقدمة


[size=18]elbana



شاركت: 12 Jan 2002
ردود: 64

ارسل: 17th February 2002 10:41 AM موضوع الرسالة:

--------------------------------------------------------------------------------

نظراً لما تقتضيه مصلحة أمتنا العزيزة ، ونزولاً على رغبة جماهيرنا الأبية ، واستقراءً لواقعنا المزدهر ، واستشرافاً للآفاق المستقبلية لتوجهاتنا القومية ، قررنا إضافة طبق طرشي إلى أكلة الفتة بالخل والتوم .

الرجوع الى المقدمة


[size=18]only_user



شاركت: 29 Jan 2002
ردود: 353

ارسل: 17th February 2002 12:01 PM موضوع الرسالة:

--------------------------------------------------------------------------------

و يا ريت شويت شطة تباسكو معتبرة ...... و يا ريتك يا أخي تقلل من كمية اللحمة فأنا لا أحبها
_________________


الرجوع الى المقدمة


[size=18]rifampin



شاركت: 15 Jan 2002
ردود: 278

ارسل: 17th February 2002 04:48 PM موضوع الرسالة:
قفشتك يا اونلي يوز

--------------------------------------------------------------------------------

انت مش ممنوع من الاكل الدسم ده يا عمنا ..الراجل بيقولك سمنه بلدي و كوليسترول و انت عاوز عليهم شطه حاره الله ينور:D
الاخوه المشرفين انا اطالب بحذف هذا الموضوع او علي الاقل استخدام زيت عباد الشمس فيه بدل السمنه البلدي حفاظا علي الصحه العامه:p :P
_________________
صباح الخير علي الورد اللي فتح في جناين مصر
صباح العندليب يشدي بألحان السبوع يا مصر
صباح الدايه واللفه ورش الملح في الزفه
صباح يطلع بأعلامنا من القلعه لباب النصر

الرجوع الى المقدمة


[size=18]only_user



شاركت: 29 Jan 2002
ردود: 353

ارسل: 17th February 2002 06:17 PM موضوع الرسالة:

--------------------------------------------------------------------------------

ما تدوقش يا حكيم .... و عديها.... مشاني معليش بس ها المرة .... و حياة عيونك عا الغالي إني بدأت ريجيم.. و العياذ بالله من الشيطان الرجيم.... و شوف يا سيدي.... الصبح إفطار كونتي نينتك ( كونتينيتال) شوية عصير برتقال مع شوية خبز توست محمص مع شوية مربى ... كويس كدا.... ندخل عل المفيد إديني شوية فول ... مع شوية خبز تميس ( إسأل الأخ راسم عن التميس:) ) ...بعدين هاتلك كام حبة سنيكرز مع شوية برينجلز ...... 3 أو 4 بيبسي .... ,... صار وقت الغدا..... علبة تونا من غير زيت .... شوية سلطة من غير ملح.... بعدين خش علي بالمحاشي و الكبب..... الوقت طويل حتى العشاء..... فأقوم بتناول 2 او 3 بروستد معتبر مع التوم ( أهو برضو مفيد للضغط... مش كدا;) ) .. ثم يأتي وقت العشاء .... و أتناول فيه فقط تفاحة واحدة...... بعدين أشوفلي معلم شاورما و أقعد أشارطو على سيخ الشاورما بحالو


أمزح يا دكتور فأنا عازب و أكره الطبخ لذا كل أكلي الآن في المطاعم او معلبات
_________________


الرجوع الى المقدمة


[size=18]elnadim2000



شاركت: 03 Feb 2002
ردود: 110

ارسل: 17th February 2002 07:50 PM موضوع الرسالة:
أيوه كده......مواضيع تفتح النفس بصحيح!

--------------------------------------------------------------------------------

باقترح أضافة باب لوجبات الأكل بمناسبة العيد و أهو نستفيد من خبرات العضوات معانا.......يا خوفي يطلعوا من نوعية (ما بعرفش أسلق بيضة)
و بكده عقبال ما يجي رمضان اللي جاي يبقى عندنا حصيلة محترمة من الأكلات خصوصا للعزاب........
مين بيجيب سيرة شطة تباسكوا....
أونلي يوسر...... معقول...... انت ما شفتش الدعاية اللي بيتطاولوا فيها عليه سبحانه و تعالى ....أكيد لأ.......ممكن تتفاجأ بالكلام ده...لذلك اهديك الرابط بس ما تتفرج قبل ما تاخد حبة ضغط كبيرة ....أوكي

مقطع فيديو

الرجوع الى المقدمة


[size=18]SPHINX



شاركت: 14 Jan 2002
ردود: 627

ارسل: 17th February 2002 07:51 PM موضوع الرسالة:

--------------------------------------------------------------------------------

يانهار ابيض .. تميس ..

هوة لسه موجود ان كنت فاكر انه انتهى بانتهاء الطلبان ..

وكمان 3 بروست من بتوع البيك .. هممممممممممم .. المقرمش من برة وطرى ولذيذ من جوة مع شويه الشطه التمام ..

جوعتنى يازلمه

على فكرة انا من احباب عم حمزة .. وطبق الجمبرى المقلى المعتبر .. تكولهم بالهنا والشفا مع شويه حمرة عجب .. وتدعى لى ..

وطز فى الكوليسترول ..

عمنا البنا ..

انا كييف فته ..

جرب الفته الشامى.. بحمص الشام ..

وجرب فته كتف الخروف المبخرة ( مطهييه بالبخار والاعشاب )

يخرب شيطانكم .. جوعتنونى .. وحتخلونى انزل بكرة الى لندن من الفجر ( سفر ساعتين بالقطار ) اشترى لحم حلال واعمل هذة الفته

وكل عام وانتم جمعيا بخير وسعادة
_________________
ياعينى عليك يامصر
Hesham
elbana



شاركت: 12 Jan 2002
ردود: 64

ارسل: 18th February 2002 06:47 AM موضوع الرسالة:
ملعون أبو الكولسترول

--------------------------------------------------------------------------------

سفنكس

أنا أحد عشاق الفتة الشامي (فتة الحمص) وباحبها بالسمن العربي (وملعون أبو الكولسترول) مع اللحمة المفرومة على الوش . وعموماً أنا سوف أتحفكم كل فترة بوصفة .



[size=12]
[color=#444444][/color]
elbana
شوف يا عم هشام ، بما إن مافيش حد من سيدات الموقع لبى دعوتك للكتابة في قسم المطبخ ، فيشرفني أن أقوم بتلك المهمة وأن أضيف لك وصفة أو أكثر للمكرونة التي ربما قد تقيدك حيث تعيش في إسبانيا وأعتقد هناك بيحبوا المكرونة .

1) مكرونة بالتونة :
المطلوب :
- مكرونة من نوع الفرن .
- علبة تونا من النوع المحفوظ في زيت الزيتون .
- زيتون اسود كالاماتا مخلي .
- بقدونس .
- جبن رومي مبشور .
- زيت زيتون .
- ليمون .
- فلفل أخضر بارد أو حار حسب الرغبة .
- ثوم .
- بصل .
- ملح .

الطريقة :
- نسلق المكرونة ، ثم نصفيها ، مع الحرص على ألا تكون قد أصبحت ناضجة تماماً .
- نفرغ علبة التونة بعد تصفيتها من الزيت المحفوظ ، ثم نضيف عليها البصل المقطع لمكعبات صغيرة ، والثوم المقطع لقطع صغيرة ، والفلفل الأخضر (قطع صغيرة أيضاً) والبقدونس المفروم .
يتم عمل صوص تتبيل من زيت الزيتون والليمون والملح والفلفل ، ثم يضاف إلى التونة المخلوطة مع المكونات أعلاه .
تقلب التونة جيداً .
توضع المكرونة في السرفيس ، ثم توضع عليها التونة بكل المكونات أعلاه بشكل منسق .
توضع الجبنة الرومي المبشورة على وش السرفيس .
ثم توضع قطع الزيتون المخلي فوق الجبن في شكل جمالي .

أي خدمة
elbana
المطلوب :
- مكرونة على شكل قواقع .
- زيت زيتون .
- جمبري مقشر ومنظف .
- ثمار بحر (اختياري) .
- ثوم .
- زنجبيل طازج مفروم ، أو جاف على شكل بودرة .
- فلفل أخضر .
- حبة طماطم واحدة .
- جبنة بارميزان ، أو موتزاريلا .
- ليمون .
- خل .
- ملح .
- فلفل .
- نصف ملعقة صغيرة سكر .
- بقدونس مفروم .

الطريقة :
- يتم نقع الجمبري في خليط مكون من الملح والفلفل والثوم وزيت الزيتون والليمون والخل لمدة حوالي نصف ساعة .
- بعد سلق المكرونة ترفع لتصفى .
- توضع مقلاة على النار ، وبعد أن تسخن قليلاً ، يوضع زيت الزيتون .
- يوضع الثوم ليصفر .
- ثم الزنجبيل .
- نضع الجمبري بعد نشله من التتبيلة ، ويقلب لمدة حوالي دقيقتين .
- ثم الفلفل الأخضر .
- ثم الطماطم مقطعة إلى مكعبات صغيرة .
- رشة سكر .
- ثم الملح والفلفل .
- بعد حوالي خمس دقائق ، أي بعد نضوج الجمبري نرفع الخليط من على النار ، ونضع المكرونة في السرفيس ، ثم فوقها الجمبري بالصوص ، ثم نضع فوقه الجبنة البارميزان أو الموتزاريلا . ويجمل بالبقدونس .
Dima
المكونات:
بقدونس 3 باقات
طماطم 3 حبات متوسطة
بصل 2 حبة متوسطة
نعنع نصف باقة
برغل ناعم 4/3 الكوب
عصير حامض ربع كوب
زيت زيتون نصف كوب
ملح ملعقة و نصف صغيرة
بهار ملعقة صغيرة

طريقة التحضير:
1- يفرم البقدونس و النعنع فرما ناعما مع الحرص على عدم وجود عروق أو أوراق صفراء.
2- تنزع ألعين الخضراء من كل حبة طماطم وتقطع ألحبات الى شرائح رفيعة بالطول ثم الى مكعبات صغيرة الحجم.
3- يفرم البصل فرما صغيرا, ثم تخلط كل المواد التي تم تحضيرها في وعاء.
4- يغسل البرغل الناعم مرتين, ثم يصفى من الماء جيدا و يوضع على المواد المحضرة مع الملح والبهار والحامض والزيت و تقلّب جميعها.
mandy
المكونات

خيار وبندورة 3 حبات من كل صنف
فجل مقطع الى دوائر 5 حبات
نعنع,بقلة,زعتر 2/1 باقة من كل صنف
بصل يابس 1 حبة
بصل أخضر 3 عروق
خبز محمص 4/1 رغيف
زيت زيتون 2/1 كوب
ثوم 2/1 1 ملعقة صغيرة
عصير حامض 4/1 كوب
سماق 2 ملعقة كبيرة

1.يقطع الخيار والبندورة الى مكعبات صغيرة , ويضاف اليها الفجل ولا يقشر الخيار والفجل وذلك للاحتفاظ بلونها
2.تنقى أوراق النعنع والبقلة والزعتر وتغسل وتضاف الى باقي المواد كما يفرم البصل اليابس بشكل جوانح والبصل الاخضر الى قطع صغيرة ونضيفها الى باقي المواد.
3.يكسر الخبز المحمص الى قطع صغيرة ويوضع قسم منها مع بقية المواد وتخلط جيدا" مع الحامض وزيت الزيتون والملح وقسم من السماق.
4.يزين سطح الفتوش بباقي الخبز المحمص والفجل المقطع.
elbana
يا أخت ماندي ، أنا باشوف بعض الأماكن بتضيف الزيتون الأسود (بدون بذر طبعاً )إلى الفتوش ، فهل هذا موجود بالفعل في الشام ، أم أنه دسيسة مغرضة؟.
والحقيقة إنه بيخلي الفتوش طعمه كويس ، وأظن إنه مسروق من السلاطة اليونانية التي يضاف إليها الجبن والزيتون المخلي .
itsme
الله الله ..إيه الحلاوة ده .. wink.gif فتحتوا نفسنا يا جماعة بداية من السلطات لغاية الجمبرى و المكرونات .....رجاء رجاء يا جماعة إتوصوا بالحلو لانى مش قد كده فيه شويتين ...إتعودت اعمل حلو طعمه جناننننننننننن بس الشكل بقة يطلع مشقلب شوية
ياريت يا اخ بنا يا اخت ديما يا اخت ماندى يا اخونا و اخواتنا جميعا ..عاوزين شوية حلو ..بلح الشام مثلا لانة بيطلع معايا لقمة قاضى :roll: او لقمة القاضى لانها بتطلع معايا ام على ...او ام على لانها بتطلع معايا بسبوسة او بسبوسة لانها بتطلع معايا مهلبية :D :D :D :D :D :D :D :D
يعنى الشكل بيتوه منى بس الطعم بقه إيهههههه جنانننننننن ختى اسألوا هريدى كده
wink.gif wink.gif wink.gif :twisted:
شكرا مقدما
mandy
أخويا العزيز elbana ...يمكن أضافة أي نوع من الخضار الى الفتوش والزيتون طبعا".....وعلى فكرة أنا لبنانية!!!!!! wink.gif
؛بيبة قلبي أتس مي....ز الحلو ما بدو حلو.......بس على راسي!!!!!!! :P :P
itsme
كلك ذوق اخت ماندى وفى إنتظار الحلو الشامى يا حلوووووو :D
إنما قوليلى بمناسبة الحلو انتى راجعة احلى و احلى من بعد غياب كده ليه؟؟؟انتى كنت بتاكلى حلو كتير و الا حاجة ؟؟؟؟ wink.gif يا ستى إنشاء الله دايما كدة رايقة والمزاج عال العال :)
elbana
هنا بقى ح أحط وصفة مكرونة بالجبن والزعتر ، أيوه بالجبن والزعتر ، وأقصد الزعتر أبو سمسم وزيت زيتون مش الزعتر الأخضر ولا المجفف لوحده ، لأ الزعتر أبوخلطة اللي بيتعمل معجنات ، إتفقنا؟ والجبن هنا هي الجبن العكاوي ، أو المشلشلة ، ويمكن استخدام الموتزاريلا .

المطلوب :
- مكرونة (فرن) .
- طماطم .
- زيت زيتون .
- ثوم .
- قليل من الزعتر موضوع في قليل من زيت الزيتون .
- جبن عكاوي أو مشلشلة أو موتزاريلا .
- ملح وفلفل .
- زيتون أسود مخلي .


الطريقة :
- بعد سلق المكرونة توضع لتصفى .
- نضع قليل من زيت الزيتون في مقلاة على النار .
- نضع الثوم المقطع صغيراً أو المفروم .
- يليه الطماطام المقطعة لمكعبات صغيرة .
- نضيف الملح والفلفل .
- نقوم بتقطيع الجبن إلى قطع صغيرة (مبشورة) .
- نضيف الجبن إلى الزعتر أبو زيت زيتون في طبق على جنب .
- بعد نضوح الطماطم قليلاً ، يعني نخليها تبقى واضحة شوية في الطبق .
- نحط المكرونة على الصلصة (في المقلاة) .
- ومباشرة نرمي خليط الجبن والزعتر ونتركه لمدة نصف دقيقة حتى تسيح الجبن .
- نرفع من على النار ، ونضع في الطبق مباشرة .
- نضع الزيتون المخلي فوق الطبق .
- يمكن التجميل بالبقدونس .

ملاحظة : يجب عدم الإكثار من الزعتر حتى لا يعطي طعماً مراً . فتكفي ملعقة صغيرة أو أكثر قليلاً للطبق .
itsme
ولا يهمك اخ البنا ..الحادق الى حضرتك بتقدمه واضح انه لذيذ جدا ..انا كنت هأنفذ طبق المكرونة بالزعتر ده بكره بس انا ما اعرفش اجيب الزعتر ابو سمسم ده منين فى مصر هو مش ممكن نستبدله بحاجة تانية؟؟؟ :cry:
الاخت ماندى يا لبنانية يا حلوة ...مرسيه كتير ليكى على الحلو الى انتى كتبتية بس ما قلتليش اسمه إيه ..لقمة قاضى والا بلح الشام ؟؟؟؟ :roll: هو صحيح الشكل ما بيظبطش معايا وعلشان كده دايما اقدمه فى جو رومانسى على الاضواء الخافتة جدا جدا علشان ما حدش يركز هو بياكل إيه ..لكن الطعم بيكون جنان زى ما قلتلك ...لكن لازم اعرف الاسم إيه على الاقل :)
ولو سمحتى طريقة عمل الكنافة الناجحة جدا الى بتكون ماسكة بعضها لما تييجى تقطعيها وتنقليها فى اطباق :P يعنى عاوزين السر فى نجاحها
مرسيه مقدما
Hesham
الله الله الله .. الله ينور عليكم كلكم والله.

لعلمكم أنا ماشى على وصفاتكم بالمللى، كل يوم وصفة.

بس بعض المكونات ما بلاقيهاش، وساعات ما باعرفش أدور عليها من أصله، يعنى مثلاً:

فكرت أعمل الفتوش بتاع ماندى، وقف معايا [الفجل]، هنا مفيش فجل يا أخواننا، والنبى حد يتبرع ويبعتلى حزمتين ينوبكم ثواب؟

وكمان وقف معايا [السماق]، مين السماق ده ؟؟ شكله إيه يعنى ؟؟ وأترجمه إزاى والا منين وأنا بأدور عليه ؟؟ :roll:

مــــــــــــــش تكتبولنا حاجات سهلة :roll: مأ أخدناهوش السماق ده فى المدرسة، أجيبه منين أنا بقى ؟؟ :roll:

إنما والحق يقال، البنا واكل الجو خالص هنا، حتى فى الطبيخ، الرجالة أجدع :P

وخلينا منتظرينك يا إتس يو، أما نشوف وصافاتك حتطلع إزاى، هههههه أنا خلاص إشتريت السحاحة علشان أضبط مقاديرك :lol:


ملحوظة على جنب:

يا ماندى، تاريخياً وجغرافياً، يطلق إسم الشام على كل الأرض المحصورة (تقريباً) بين شمال الحدود الكردية أى شمال سوريا، وحتى وسط فلسطين (المناطق المحيطة بالقدس تقريباً). وبالتالى فإتس مى عندها حق فى وصفك بالشامية، وزمان، لو تشوفى الأفلام القديمة الأبيض وأسود، كان وصف كل من يأتى من تلك المناطق، هو (شامى أو شامية).
أما ما جرت عليه العادة (مؤخراً) بإطلاق هذا النعت على أهالى دمشق فقط، فلا أدرى من أين أتى، ولا ما سببه. وياريت ديما تنورنا. 8)

والخلاصة، أنت شامية غصبن عنك :lol: :lol: :lol:
itsme
ها ها ها هااااااا ..يا ست سها ..يا مدام سها ..يا اخت سها ..
عرفتى منين حضرتك ان إحنا مستنيين هشام علشان وصفة الكحك السرية؟؟؟ :twisted: انا الى كتبت و قلت كده و ماحدش تانى .., و ما قلتش الموضوع ده لاى حد الا فى باب المشرفين ...
يبقى سيادتك عرفتى منين ..هى العصفورة بتاعتك واحدة من المشرفين علشان تدخل تقرأ الى إحنا كاتبينه ؟؟و الا تكونى إنتى ..........
عموما سلميلى على العصفورة :twisted:
itsme
ها ها ها هاها هاها ها :D
لا تعليق عندى بصراحة....والاستاذ هريدى عرف المعلومة ده إزاى يا ترى والى موجودة فى باب المشرفين فقط :?:
و لما حضرتك سجلتى فى المنتدى يا اخت سها ما ضفتيش ليه معلومة انك بنت خالة هريدى ..يا شيخة كنا قمنا بالواجب و زيادة :?
حاجة ظريفة خالص و الهى
itsme
طيب حيث ان الاخت ماندى ما ردتش عليا فى موضوع الكنافة :x انا لاقيتها اهه وإنشالله تطلع حلوة معاكم wink.gif

من فلسطين كنافة نابلسية:
----------------------------

المقادير:

نصف كيلو كنافة، نصف كيلو جبن نابلسية وفي عدم توافرها تستخدم جبن بدون ملح ناعم، 3 ملاعق كبيرة سمنًا، شراب سكري مكون من 2 كوب سكر، كوب ونصف ماء، عصير نصف ليمونة، ربع ملعقة صغيرة ماء زهر مركز.

للتجميل: فستق مجروش ، لوز مقشر.

الطريقة: يجهز الشراب السكري، يوضع السكر مع الماء على النار ويقلب المقدار حتى يذوب السكر تمامًا، يضاف عصير الليمون ويترك المقدار على النار حتى يعقد السكر، ينزع الريم، يضاف الماء الزهر ويرفع من فوق النار ويترك حتى يبرد، ثم تفكك الكنافة وتعرض للهواء حتى تجف نوعًا، ثم يوضع نصف مقدار السمن في الصينية ويُوضع على النار حتى يسيح، يضاف نصف مقدار الكنافة وتفرك باليد وتقلب على نار هادئة بحيث تتشرب السمن جيدًا مع مراعاة ألا يتغير لون الكنافة، ثم تُكرر العملية في النصف الآخر من الكنافة، ثم تُدهن صينية مستديرة بالسمن جيدًا، ويفتت فيها نصف مقدار الكنافة، تغطى الكنافة بشرائح الجبن مع ترك 2 سم من الحواف بدون حشو، ثم يُفرد فوق الجبن باقي الكنافة، ثم تدخل الصينية فرنًا متوسط الحرارة حتى يصير لونها ذهبيًا محمرًا، ثم تُسقى الكنافة بالشراب السكري البارد وهي ساخنة وتقلب في طبق التقديم وتجمل بالمكسرات
itsme
اما الكعك او الكحك بقة المرة الجاية wink.gif wink.gif
elbana
هنا ، أضع بين أيديكم وصفة طاجن العكاوي بالبصل ، والعكاوي دي بقى ولا (عكاوي القهاوي) وأكيد فيه بعضنا ما يعرفش إيه هي العكاوي ، والعكاوي في الزمخشري هي ذيل الذبيحة ، وهي عبارة عن فقرات عظمية محاطة بفصوص من اللحم الأحمر الطري الملمس ، وهو أفضل من باقي اللحم في الذبيحة لكونه لا يحتوي على الألياف الخشنة (النساير) الموجودة في باقي لحم الذبيحة ، وهذا أمر لا يعرفه إلا الخبراء أمثالي .

طريقة العمل :
نقوم بغسيل العكاوي جيداً ، ثم نرش عليها بعض الملح والفلفل ونتركها لبعض الوقت .
نقوم بتقطيع عدد حوالي 5 إلى 6 بصلات متوسطة الحجم ويكون التقطيع على شكل أقواس أو (جوانح) كما يقول أخواننا اللبنانيون ونقوم بدعكه بالملح والفلفل .
نقوم بدق عدة فصوص ثوم مع الملح والفلفل .
نحضر طاجن فخار وندهنه بالسمن البلدي (ملعون أبو الكولسترول) ثم نقوم بوضع البصل والعكاوي (بعد غسلها من الملح والفلفل) والثوم وخلطهم جيداً في الطاجن ، وضيف إليه الحبهان ونبشر عليه بعض جوزة الطيب ونضع المستكة وورق للورو .
نقوم بتغطية الطاجن بورق الألمونيوم ونضعه في فرن متوسط الحرارة ويترك لمدة حوالي 45 دقيقة ثم نرفع عنه ورق الألومنيوم ليحمر الوجه قليلاً .

ثم يقدم مع الأزر بالشعرية ، وبعض المخلل المحترم .
وملعون أبو الكولسترول .
itsme
الله الله الله يا اخ بنا على طريقة العكاوى ..و على رأى هشام ملعون ابو الكلسترول :evil:
بس يا اخ بنا هو هشام مستعجل قوى على الكحك تقوم تكتب له العكاوى برده ؟؟ :roll:
لأ و إيه ده طالب الوصفة منى انا شخصيا ..والطريف فى الموضوع ان الحاجة ام إتس مى لسه يا دوبها وفى نفس اللحظة الى انا ب اتصفح فيها باب مبخنا يا مبخنا بتقوللى شوفيلنا و صفة جديدة للكحك ل أحسن بتاعت العيد الى فات كانت منشفة الكحك شويتين :roll: و مفرفتة البتيفور شويات :roll:
انا قلتلها بقه احلى طريقة للكحك هو ان احنا نركب العربية قبل العيد بيومين و نمشى طوالى و بعدين نحود شمال و نطلع الكوبرى و ننزل من عليه ..نلف الميدان . وبعدين نشوف ركنة فى اى جراش قريب من عبد الهادى الحلوانى او حلوانى العبد او تسيباس و نعافر فى الزحمة و نجيب احلى 2 كيلو كحك فى الدنيا :twisted: :D
يا سلام ..اظن الوصفة سهلة
طبعا هى بصيتلى بصة انا لسة بأفكر فى معناها لغاية دلوقتى :roll: :roll: :roll: :roll:

إيه هو فيه إيه !!!!!!هو انا غلطت والا إيه :roll: :roll: :roll:
itsme
امممممم انا بأقول الطيب احسن :roll: :roll: و الموضوع ما يستاهلش ازعل الحاجة منى :roll: هو انا ليا بركه الا هيه :D :D :D :D وبعدين الولاد برده بيستنوا العيد علشان يقعدوا يعجنوا و ينقشوا و يرصوا الكحك مع ستهم :roll: :)
شوفوا يا جماعة اليكم طريقة عمل الكحك و مش اى كحك ده كحك العجمية الشهير بتاع اتس مى
................
كحك اتس مى الشهير :twisted: :twisted: :twisted: :twisted: :twisted:
-----------------------------
المقادير

5 ونصف كوب دقيق – 2 كوب من السمن – ملعقة كبيرة رائحة الكعك – ملعقة كبيرة خميرة جافة – 2 ملعقة سمسم محمص – ربع ملعقة صغيرة من الملح – ملعقة كبيرة سكر .

مقادير العجمية : 3 ملعقة سمن – 2 ملعقة كبيرة دقيق – ملعقة سمسم محمص – كوب عسل أبيض – نصف ملعقة صغيرة رائحة الكعك – 2 ملعقة كبيرة جوز مغربى .

طريقة عمل العجمية

اقدح السمن يا هشام ثم ضيف له الدقيق ورائحة الكعك يا هشام وقلب حتى يصفر لون الدقيق ثم ارفع الاناء من على النار وأضيف العسل بالتدريج مع التقليب الجيد قوى رجع الاناء على النار مع الاستمرار فى التقليب حتى يغلظ قوام العجمية وتنضج " لاختيار نضجها خذ قطعة منها وضعها فى إناء فاذا تكورت ولم تلتصق بالأصابع فهى ناضجة " ارفع الاناء من على النار :evil: بس حاسب من النار :twisted: واتركه حتى يبرد ثم احتفظ بالعجينة للحشو .
ما تاكلهاش دلوقتى :twisted:

طريقة عمل الكعك بقه
------------------------
ينخل الدقيق مع رائحة الكعك والملح ويضاف السمسم ويقلب يقدح السمن جيدا ثم يصب فوق الدقيق قلبه بملعقة خشبية حتى تهدأ حرارة السمن ثم افرك العجين جيدا بإيدك حتى ينعم أضف الخميرة والسكر والماء والدافئ واعجن كويس يا هشام :x بعدين قطع العجينة على شكل كرات متساوية واحشى كل منها بمقدار من العجمية وبطط كويس الكرات بإيدك يا هشام وانقشيها بالمنقاش نقشة حلوة تفتح النفس يا هشام ..رص الكحك رصة حلوة على صاج الفرن وإذا كنت هتدخله فرن البيت فلازم يكون الفرن متوسط الحرارة وعند التقديم يوضع فوقه السكر البودرة طبعا زى ما كلنا عارفين wink.gif

ماليش دعوة بقة بالى هيحصل بعد كده .. :twisted: :evil: :evil: .
Hesham
يا شيفنا يا بنا يا عظيم، الواحد مش عارف يعمل إيه من غيرك. تسلم وصفاتك.
عكاوى يا إتس، عكــــــاوى، شايفة الكلام، إصحى معانا.

يا بنا، على فكرة هنا العكاوى برضه ليها ناسها، بس بيأكلوا عكاوى الثور مش حاجة تانية، وإسم الأكلة (علشان لما مرة تيجى هنا وتحب تجرب) "رابو دِ تورو" Rabo de Toro
وأى خدمة 8)
elbana
سبحان الله نفس اسم العكاوي في الحسين :lol: :lol: :lol:
Helwa
كل سنه و انتم جميعا بخير 0000بعد ما أكلنا جميع الوصفات الشهية اللي وصفتوها ابتداءا من كنافة نابلسية 000 و عكاوي بالبصل الي الكحك و البتي فور 000 أعتقد أنه لابد و حتما أن نبدأ الصيـــــــــــــــــــــام من جديد wink.gif :lol: :lol: :lol:
Hesham
لا لا لا
صيام إيه دلوقت يا سندريللا؟ ده كلام؟ إحنا لسنا بنفطر يا شيخة :roll:
خلى الصيام بعد الوصفة الجاية والنبى، لحسن محتاس فيها wink.gif

مطلوب وصفة عمل المخلل بأنواعه يا أساتذتنا (مذكرين ومؤنثين)
الزيتون، الخيار، الجذر، البتنجان (الباذنجان لحسن حد يعترض على اللغة) ...... إلى آخره
ممكن؟
شكراً
8)
Helwa
يا هشام باشا 000 أكل تاني 000 حرام 00 كفاية 000 واضح انك نسيت تشتري كتاب أبلة نظيرة 000 لأ دا راح عليه خلاص عليك و علي
wasfasahla.com
nestle-laziz.com

و بالهنا و الشفا 00000 wink.gif
Hesham
:cry:
يارب ليه دايماً تحط فى سكتى ناس يقفلوا عليا؟

فيه إيه يا سندريلا بس؟

هو أنا طلبت حاجة عويصة؟ ده طرشى يا سندريلا، هو عيب؟
وبعدين لعلمك طريقة عمله مش طالعة فى أى كتاب.
وكمان الوصلات بتاعتك ما بتفتحش

وحأفضل أزن لحد ما أعرف بيتعمل إزاى :P
Hesham
يا نــــــــــــــاس

فين الطرشـــــى
:roll:
itsme
سندريللا ضرسها واجعها و بتعمل علاج جذور و مش قادرة تاكل حاجة خالص و لا حتى بسبوسة :(
علشان كده ماردتش على موضوع الطورشى ده ..امرك لله بقه يا هشام اشترى برطمانين تصبيرة كده على بال لما ترجع سندريللا :roll:
Helwa
آه يا ضرسي 000 يا أخواني ماحدش يجيب سيرة الاكل خالــــــــــــــــص 000 :evil: :twisted:

هو احنا لازم ناكل 000 ماينفعش ناخد أجازة من الاكل 000 آه الحل ان احنا نصـــــــــــــــــــوم 0000 :) :) :)
Hesham
والطرشى ..........؟؟؟؟؟؟؟ :cry: :cry: :cry: :cry: :cry:
elbana
شوف يا هشام

بالنسبة للبنتجان (الباذنجان) بالعربية :
تسلقه من غير ما تهريه ، ويكون من نوع العرايس اللي هو صوابع يعني .
وتطلعه من الميه وتصفيه .
وتكون سعادتك يا افندم داقق كام فص توم معتبرين (حسب كمية البنتجان) مع حبة ملح وكمون وشطة حمرة (أو فلفل أخضر حامي أحمر اللون) وتحط معاهم شوية خل وليمون ، وممكن تضيف ورقتين نعناع أخضر مقطعين صغنن .

إعمل شق طولي في(المتشنجان) أو (الباذنجان) بالعربية بواسطة سكين ، ثم قم بحشو كل متشنجاناية بالخليط ورصها في وعاء بمكن غلقة ، ثم قم برش ما يزيد من الخليط على وش المتشنجان اللي رصيته جنب بعضه . وممكن تضيف برضه شوية زيت زيتون للخليط قبل رشه على الباذنجان المرصوص علشان يحفظه وما يتهريش .

كل بالهنا والشفا ، ويستحسن ما تقابلش إلا بعدها بشهر .
itsme
واللهى يا اخ بنا إنت بتحرج الجنس اللطيف فى المنتدى بذوقك وبتثبت لنا دايما قد أيه احنا شاطرين فى شغل المطبخ بس إيه :D مدكنين :twisted:
طريقة بقية المخلل بقة و النبى :D
elbana
أوعدك أحط وصفة باقي المخلل قريب إن شاء الله .

بس عايز أحط هنا وصفة لحاجة اسمها الحباش ، وهو عبارة عن نوع من سلطة الطحينة (المطورة) ، نخش في الموضوع :
ندق توم مع ملح وشطة خضراء حراقة وكمون ، وبعدين نحطهم في طبق غويط ونحط عليهم كام ملعقة طحينة حسب الكمية ، ونحط شوية خل ، ونقلب المزيج كويس لحد ما يبدأ يجمد ، نضيف ميه دافية شوية بشوية ونقلب لحد ما نوصل لقوام سلطة الطحينة المناسب .

كويس ؟ :o

وبعدين نبشر قلب طماطماية أو اتنين (حسب كمية سلطة الطحينة) ، ونفرم شوية بقدونس (مش قليلين) فرم ناعم ، نضيف الطماطم المبشورة والبقدونس على سلطة الطحينة ونقلب كويس ، وندوق ، ونقدر نعدل الطعم بحيث تبقى حراقة شوية ، بإضافة الشطة ، وممكن إضافة الخل أيضاً لو حسينا إنه قليل ونرجع نقلب ، المهم نظبط الطعم .

في الآخر نضيف شوية زيت زيتون على الوش .

دي بقى بتبقى رائعة مع السمك والجمبري ، وكمان مع المشاوي ، ومع الفول والطعمية ، يعني ما بتقولش لأ ، جربوها وادعوا لي .
elbana
مخلل الزيتون

نجيب زيتون أخضر تفاحي أو عزيزي ، وده في مصر ، أما في أي مكان تاني فنجيب زيتون أخضر كبير ، حوالي كيلو ، ومعاه عصير كيلو ليمون ، أيوه كيلو بحاله ليمون ناخد عصيره ، وبعدين نجيب شوية شطة خضراء لونها أحمر حراقة وندقها كويس ، ونجيب شوية ملح .

ندق على الزيتون بحيث يتفتح أو نشرطه بسكين واحدة واحدة ، وننقعه في مياه لمدة يوم ونرمي ميته بعد كده علشان نسحب مرارته ، وبعدين نغسله تاني ونضيف له عصير الليمون ، ونضيف الشطة المدقوقة والملح (مش كتير) ، ونضيف شوية زيت زيتون علشان يحفظه .

وممكن على فكرة نحط معاه شطة خضراء سليمة للتخليل أو جزر مقطع .
itsme
الله و اكبر تسلم افكارك يا شيف منى :D أثبتى فعلا ان إحنا عارفين كل حاجة بس مدكنيين wink.gif wink.gif wink.gif wink.gif المطبخ ده لعبتنا و الاهم من الوصفات و الذى منه النفسسسسسسسس .نفس الجنس الناعم الى بيخللى الاكل عسل و سكر و الصوابع تتاكل اكل معاه ... :twisted: :twisted: :twisted:
نسمه
اسمحو لى أتضامن مع الجنس الناعم وأشارك معاكم بالوصفه دى بمناسبه قرب حلول العيد وكل سنه وأنتم طيبين


الفخذ المحمر
طبق فخد غنم محمر


المقادير :
فخذه ضأنى صحيحه بعظمها
أو فخذه ضأنى مقطعه قطعًا كبيرة.
زعفران .
ملعقة صغيرة من كل من : ملح، فلفل أسود مطحون، بهار ، هيل.
4 بصلات مفرومة فرمًا ناعمًا.
4 حبات طماطم مفرومة ناعمًا.
سمن للتحمير.




الطريقة :
- يغسل اللحم بالماء وينشف جيدًا.
- يتبل اللحم بالعصفر ويفرك به من جميع الجهات ثم يتبل بالملح والفلفل الأسود والبهار والهيل.
- يحمر اللحم بالسمن الحامى على جميع الجهات، ثم يرفع من السمن.
- تترك كمية قليلة من السمن فى القدر ويحمر بها البصل إلى أن يذبل. تضاف الطماطم وتقلب مع البصل وتترك على نار متوسطة إلى أن تذوب.
- يعاد اللحم إلى القدر ويضاف إليه كوبان من الماء ويترك على نار متوسطة إلى أن ينضج. يراعى إضافة قليل من الماء كلما نقص المرق.
- يصفى المرق ويترك منه القليل فى القدر لتسخين اللحم عند التقديم.

وبالهنا والشفا
Loli
السلام عليكم

انا الحقيقه حبيت اشارك بوصفه الفته الشامي لاني لاحظت انكمم جبتوا سيرتها وهي غايبه وده يعتبر نميمه :twisted: حبيت اجيبها وابقوا تكلموا بقى بحضورها

المقادير
رغيفين عيش شامي
علبه زبادي نصف كيلو تقريبا
علبه حمص حب مش مطحون (ده اسهل بدل السلق والذي منه)
ملعقتين كبار زبده
ملعقتين كبار طحينية السمسم
ملعقه عصير لمون
فص ثوم مدشوش
رشه ملح وفلفل حسب الرغبه
ملعقتين صنوبر
لحمه معصجة بالبصل والفلفل ( ده اختياري للي بيحب اللحمه وانا مش من هوات اكل اللحمه :cry: )
طريقه عمل صوص الفته:
الزبادي والطحينيه والثوم واللمون والملح يضربوا مع بعض في طبق غويط لوحدهم وياريت لو يتحط بالثلاجه لمده نص ساعه قبل التقديم
يقلي العيش الشامي بالزيت (زي مابتقلي بطاطس بس ده مش بيطول يعني لما يحمى الزيت مابياخدش دقيقه)
بعد تصفيته يوضع فوق الحمص بعد تكسيره لحتت متوسطه يدوب تبقى على قد المعلقه الي بتاكل بيها

تحضير الفته وده قبل الاكل بدقايق بس
يوضع الحمص بصينيه متوسطه بعد نزع القشر وغسله
يوضع العيش بالصينيه فوق الحمص
ويوضع الصوص فوقيهم
يقلي الصنوبر بملعقتين الزبده لحد التحمير وياريت معاهم ملعقه زيت قلي عشان الزبده ماتتحرقش
يرش الصنوبر بالزبده فوق الصوص
واللحمه للي عايز طبعا بس دي قبل الزبده والصنوبر
وبالهنا والشفا
ودي بتتاكل بارده مش بتتحط بالفرن
ودي وصفه مجربه wink.gif


Loli
مقادير حله متوسطه :
4 كيلو سلق ورق كبير ( عشان يسهل حشوه)
ينظف جيدا ويرص فوق بعضه زي الورق
نسخن حله ميه ونزل فيها الورق بالترتيب بتاعه من غير مانثنيه في مغرفه مفتوحه لاقل من دقيقه عشان مايتهريش
وبعدين نصفيه بمصفاة (اهم حاجه مانبوظش ترتيبه عشان لما بيطرا لو حاولنا نفتحه تاني بيتهري)
نقطع الورقه لقطعتين من العرق التخين اللي في المنتصف ونشيله مع الجذور (ومانرميهاش لان ليها وصفه تانيه سهله جدا وشهيه زي البابا غنوج بالظبط ).
ولو الورقه صغيره شويه نبقى نضرب العرق ده لحد مايبقى طري ويتلف بسهوله .
مقادير الحشو:
3 اكواب رز مصري مغسول ومصفى
حزمة بقدونس - مفروم
ربع حزمه نعناع - مفروم
5 حبات طماطم - مفرومه ناعم
2 راس بصل ناشف او اخضر - مفروم ناعم
عصير لمون حسب الرغبه ( ممكن 2 او 3 حبات متوسطين)
زيت زيتون
ملح - فلفل
ثوم - اختياري
لحمه مفرومه - اختياري ( انا شخصيا ماحبهاش)
نرش الحله الي حانسوي فيها المحشي ب شويه زيت زيتون ونحط عليها ترانشات طماطم وفوقيها ترانشات بطاطس ( بتديها طعم حلو جدا وهي بتشرب اي ميه زايده في الحله )
نفرد الورق ونحشيه وممكن لو لقيناه بقى طري نحط ورقتين فوق بعض عشان مايفتحش بالحله
نرص كل كام ورقه مع بعض ونرصه من غير مانسيب فراغات عشان مايفتحش لحد مايكمل الدائرة ونقفلها صح ولما نخلص كل الحشو نرص عليه طبق تقيل شويه عشان مايفتحش برضو :twisted: :twisted: :twisted: :twisted: :twisted:
مش محتاج شوربه او ميه كتير عشان هو بينزل ميته وتوقيت السوى بتاعه بالظبط زي مابتسوي رز مفلفل .
وبالهنا والشفا .
ممكن يتاكل بارد او سخن حسب الطلب . يلالا ياعم بنا وريني حاتعرف تعمله ولا ....... :evil: :evil: :evil: :evil: :evil: :evil: :evil: :evil:
:lol: :lol: :lol: :lol: :lol: :lol:
Hesham
يوميات كرشة

هشام:

[quote]صباح الخير يابو على

إيه النظام؟

محتاجك فى موضوع عاجل جداً جداً جداً  :(  [/quote]


البنا:

[quote]صباح الفل

أؤمرنى[/quote]


هشام:

[quote]بأسلق كرشة علشان الغذا  :D 

ومحتاس

بص .. عارف الجلد بتاع الكرشة المنغبش ولونه اسود شوية .. اللى عامل زى سنان فرشة الشعر؟؟؟؟

أرميه والا أخليه؟؟ يعنى بيتاكل والا لأ ؟؟ (مش فاكر)  :( 

والنبى ترد عليا علطول علشان انا سايبه على النار ولايص  wacko.gif [/quote]



البنا:

[quote]يا نهار اسود
كرشة ، وف أسبانيا
أستر يارب
سؤال ما كنتش أتوقعه أبداً ..
إستنى
تحطها في المية السخنة وتيجي رافعها ، وتجرد الناحية الخشنة بسكينة جامد لحد ما تبيض تماماً ، ودي مهمة صعبة .
وبعدين الناحية التانية اللي لونها أبيض يجردها بسكين أو معلقة برضه لحد ما تنضف .
وبعدين تغسلها كويس بميه وملح ودقيق .
وبعدين تقطعها حتت صغيرة وتسقلها ومعاها بصل وفلفل إسود وملح وورق غار ومستكة وحبهان والذي منه يعني ، وياريت شوية روز ماري أو إكليل الجبل علشان السوا .
وبعين تاكلها بشوربة وعليها ليمون ، أو تعملها كمونية ، ودي بتبقى عبارة عن تخديعة صلصة عليها كمون كتير تحط فيها الكرشة بعد ما تسلقها ، وعليها قرن شطة أخضر ، وشوية رز أبيض جنبها ، وقول لي عملت إيه .[/quote]

هشام:

[quote]طب بص

أنا أول ما حأشوفك .. تأكد إنى حأخنقك     

عشان انت يا إما بتغيظنى .. يا إما بتغظينى  angry.gif   

أجيب منين أنا منين ورق غار واكليل الجبل وروز مارى هنا يا جدع انت؟؟؟؟  angry.gif   

إحنا حنتنطط على بعض؟؟ بتغظينى يا بنا؟؟؟؟  angry.gif    ماشى .. بس أما أشوفك  angry.gif

المهم بص ..  :) 

أنا إشتريت حمص وناقعه فى الميه من أول إمبارح علشان أعملها بالحمص.

أنا فاكر أمى الله يرحمها كانت بتعملهالنا مطبوخة بالصلصة وفيها حمص .. بس مش عارف إزاى.

أنا وصلت لمرحلة السلق ,, يعنى سلقتها فى المية ونضفتها بالسكينة وبس

الخطوات اللى جاية بعد كده إيه؟؟

وواحدة واحدة على أخوك .. وبلاش إفترا ........... إكليل الجبل؟  wacko.gif    طيب[/quote]


بعد مرور 15 دقيقة

هشام:

[quote]واحد من الجيران إشتكى من الريحة  ph34r.gif  [/quote]


البنا:

[quote]معلش كنت بأصلي الظهر

يا هشام بعد ما تتسلق الكرشة كويس (المفروض إنها اتنظفت) تقوم ناشلها من الشوربة (أنا مش مصدق إن الحوار ده بيدور من الجيل الصاعد  :D  ) ، وبعدين في حلة تانية تروح حاطط شوية بصل مفروم في الزبدة أو الزيت ، وشية توم مدقوق (ده الجار ح يقتلك) وممكن قرن فلفل حراق لو حبيت ،وأول ما البصل يصفر هوب تيجي نازل بالطماطم المعصورة وعليها معلقة صلصة ، وتديها ملح وفلفل وكمون زيادة شوية ، وتحط الحمص وتحط الكرشة وتسيبها تكمل سوا .

شوف كده وقول لي .[/quote]

هشام:

[quote]بص يا سيدى
أنا حأقولك اللى حصل بالضبط

صلى على النبى

من الجزار المغربى .. اشتريتها وخليته يقطعهالى حتت صغيرة
الحمص ناقع فى الميه من أول إمبارح
حلو؟

حطيت الكرشة (زى ماهى) فى مية مغلية علشان تتسلق وتتنضف
بعد ما غليت .. شيلتها من الميه، وشيلت الجلد الأسود لحد ما ابيضت

حطيتها تانى فى حلة مع ميه وملح وفلفل اسود وكمون وبصلاية متخرطة

فى حلة تانية
حطيت زيت زيتون (ماعندناش سمنة)  :(  وبصلاية كبيرة مفرومة وفص توم كبير مدقوق وملح وفلفل اسود وكمون
لما البصلة إصفرت .. حطيت صلصة وبعدين حطيت الحمص

بس

الخطوة الجاية إيه سعادتك؟[/quote]


البنا:

[quote]جميل شيل الكرشة بعد ما تبقى نص سوا وحطها مع الصلصة والحمص وسيبها تستوي معاهم لحد الآخر ، واعمل شوية رز أبيض جنبهم .
الريحة طلعت على فكرة[/quote]

وبعد قليل

هشام:

[quote]بركاتك يا شيخنا

تسلم إيدك .. إتفضل معانا يالله  :D   

تصدق .. أول مرة حأكل كرشة من أكثر من 10 أو 12 سنة  :D   

ورب العزة إنت كده يابنى  B) 



هههههههههههه

اسمع

جاتلى فكرة لذيذة 

إيه رأيك ننشر مذكراتنا ؟؟؟

هههههههه  :D 

تيجى ننقل مراسلات الكرشة بيننا وبين بعض للمنتدى؟ ونعمل منها موضوع؟ 

يالله .. إنقلهم على ما أخلص طبيخ 

وسمى الموضوع: "مذكرات كرشة" هههههههه  :D  [/quote]




البنا:

[quote]ألف هنا وشفا ..
أنا بس صبعان على مريم اللي عمال تجرب فيها كل المواهب دي
على الله تكون الأكلة ظبطت بجد
ممكن نحط الموضوع في المنتدى بس أنا خايف من الفضيحة
أكد لي ع النتيجة الأول بعد ما تأكل وبعدين ننزلها في المنتدى
بالهنا والشفا وأنصحك تعمل جنبها مية دقة ودي عبارة عن مية مع شوية خل وملح وشطة وكمون وطماطم مقطعة (أو مدقوقة أحسن) وشوية بقدونس مفروم ، وتبقى جنب الأكلة وبيسموها عند الحاتي أو عند المسمط بيسموها (ويسكي) وبتتاكل مع الأكلات الدسمة زي الكرشة .[/quote]

هشام:

[quote]أيوة الويسكى .. عارفه  :D   
أنا مدمن ويسكى من بتاع الحاتى
وفيه ويسكى تانى عند واحد بتاع فول فى ميدان الجيش/ مية سلطة بس إيه .. نار .. وإسمها ويسكى برضو.

بس تعال هنا ... ليه يا بنا كده؟ ليه بتعاملنى المعاملة دى؟  :(    إنت فاكرنى أبيض خالص؟ كل ده عشان ماأعرفش السلوم؟  :(   

ولا يعنى علشان ماليش فى الطبيخ يبقى ماأعرفش آكل؟؟
طب اسأل بروف  :P  [/quote]


البنا:

[quote] :D  :D 
لأ ده انت طلعت ابن حنت بصحيح في الأكل يا عم هشام
ما دام عرفت مية السلطة بتاعة الحاتي تبقى أوكي
على فكرة أنا ماجربتش الراجل بتاع الفول في شارع الجيش
بس بأحب حاتي الجيش اللي في أول الميدان
أكله جميل جداً
واضح إنك انتقمت من بروف في موضوع الأكل أثناء الأجازة
بس لما نتقابل أنا وانت في أجازة حأروقك ترويقة مية مية في الأكل
وح ننزل دسوق نأكل فسيخ
ونروح لأم محمد كفر الزيات
وبعدين نحود على بلبع في اسكندرية
ونرجع نديها كشري عند أبوطارق في شمبليون
ونختمها بالفيشاوي
حرام عليكيا هش جريت ريقي[/quote]


إتفضلوا معانا
rolleyes.gif
Loli
:lol: :lol: :lol: :lol: :lol: :lol: :lol: :lol: :lol: :lol: :lol:

يا نهار يا نهار

كرشه .................................وفي اسبانيا؟؟


صدق الي قال يا ولاد

عيش كتير تشوف كتير

بص شوف ( هشام وهو بيعمل الكرشه)

الا قولي اجيبلك شويه عيش وحلاوه في السجن طبعا بعد ماجارك طربق الحلة على دماغك؟؟؟؟؟ بذمتك مش قال عليك ارهابي بتاكل حاجات غريبه؟

بركاتك يا ام هاشم :lol: :lol: :lol: :lol: :lol: :lol:
Loli
وصفه الاكل بالطريقه القططية
:lol: :lol: :lol: :lol: :lol: :lol: :lol: :lol:




قطة بفيونكه بمبي

elbana
ده انت عملتها بجد يا هشام ، الله يسامحك .

يا جماعة أنا لحد دلوقتي مش متصور إن الحوار ده دار بين اتنين من شباب مصر اللي زي الورد (إحم إحم) ، يعني بدل ما نتكلم عن بيل جيتس وأخبار ميكروسوفت ، ولا عن أي حاجة تانية ، قاعدين ع الماسنجر نعمل كرشة ، لأ وهشام ابر بوعده ونشرها على الملأ ، عموماً المسألة كانت عبارة عن ندوة سريعة لمناقشة أمور خطيرة ، واستخدمنا فيها رموز سرية زي (الكرشة ، الحلة ، الكمون) كده يعني .
الهم إني لا أسألك رد القضاء .
عمر بيك
فكرتوني لما كنت بتعلم أعمل رز :D هشام والبنا ألذ ما قرأت في المنتدي ، بعد حوار الكرشه كل تفكيري اني اشوف الكي بورد بتاع هشام :lol:

انتم مدفعتوش مهر ولا أيه ياشباب :? ؟

عمر بيك
(أسم مستعار)
mona moon
إقتباس
انتم مدفعتوش مهر ولا أيه ياشباب :? ؟


:lol: :lol: :lol: :lol: :lol:

اكيد :lol: :lol:
masreya
البيكاتا ممكن تعملها باللحم البيتلو او بصور الفراخ الفيليه

مقاديرها:

كليو لحم بتلو مقطع قطع رفيعه
او كليو صدور فيليه مقطعه صغيره على شكل مستطيلات رفيعه

ملعقتتين دقيق

سمن او زبد از زيت زيتون على حسب الرغبه

ملح وفلفل قليل من القرفه

مشرووم او عش غراب مقطع قطع صغيره


الطريقه سرعه جدا

1-يحمر قطع اللحم او الفراخ فى الماده الدهنيه تحمير بسيط حتى يصير لونه ذهبى

2-يضاف الملح والفلفل حسب الرغبه وينشل اللحم من وعاء التحمير

3-يحمر الماشروم ايضا فى نفس الناده الدهنيه المتخلقه وينشل

4-توضع ملعقتيين من الدقيق وتحمر حتى يصفر لونها ويوضع كوب ماء كبير مع التحريك السريع حتى تتكون صوص سميكه نوعا

5-توضع اللحلم او الصدور المقطعه فى الصوص وتترك حتى تنضج فى الصوص
6- فى النهايه نضع الماشروم على اللحم ويترك الكل على نار هادئه حتى ينضج

7-يقدم مع الارز الابيض


وبالف هنا وشفا


الوصفه سهله !!!!!
masreya
ذكرنى الاخ حيزووم بالكوسه وبما ان المصريه ست بيت والحمد لله

ففلا طرق كثيره لطهى الكوسه يمكن يغير رأيه فيها بس بعد التجربه الفعيله

هنا افضل مكان للكلام عن الكوسه اخى حيزووم فى ركن مطبخنا

يعنى الانسان المناسب فى المكان المناسب :lol: :lol: :lol: :lol: :lol:

طبعا غير المحشى والكوسه بالبيشامل معروفه للجميع والسوتيه بالويت والليمون مع اضافة قليل من الثوم

كوسه ابلاما:

كيلو كوسه مقوره

نص كيلو لحم مفروم معصج
ملح وفلفل

صلصة طماطم

الطريقه :

تحشى الكوسه وهى نيئه باللحم المعصج وترص فى صنيه وتحمر تحمير خفيف فى زيت حتى يتغير اللون والرائحه

ثم يوضع عليها صوص الطماطم الطازج وقليل من الجبن المبشور وتزج فى فرن متوسط الحراره و!!!!!!!!!!!!بالهنا


كوسه بالطريقه السورى :

نفس المقادير السابقه وبعد التحمير ويضاف لها قليل من الماء حتى يتم نضجها

ثم يخفق مقدار 2كوب ذبادى مع بياض بيضه جيدامع ملىء ملعقه دقيق
تخفق الخليط جيدا

يوضع على الكوسه بعد النضج ويترك على نار هادئه حوالى 5 دقائق

ثم يضاف لها فى النهايه قليل من الثوم المفروم والمحمر فى سمن

(تقليه يعنى)

وبالف هنا

جربوها جميله جدا وبالف هنا


وهكذا يمكن ان نصنع من الكوسه انواع لذيذه

(مش كل الكوسه سيئه المهم الطباخ)


:lol: :lol: :lol: :lol: :lol: :lol: :lol: :lol: :lol: :lol:
.
Invision Power Board © 2001-2014 Invision Power Services, Inc.