المساعدة - البحث - قائمة الأعضاء - التقويم
تلعب تانى .. أفلام وأغانى؟
منتديات شئون مصرية > موضوعات متنوعة > الترفيـه والفكاهـه
1, 2, 3, 4, 5, 6, 7, 8, 9, 10
Prof
وابات اصالح فى روحى
عشان ما ترضى عليك
وانسى سهادى ونوحى
ولوعتى بين إيديك

أغنية .. أبيض واسود .. wink.gif
dolphinsmile
استني وسع كدة يا حاج

الاغنية دي سمعتها قبل كدة

بس فييين


فين


فين


فين يا دولفين

فين


اه


اكيد الراديو


هوا الراديو

اه

طب مين


مين


مين


مين يا دولفين مين


لا دي بقة مش عارفة

طب اروح اغش واجيلكوا؟؟؟


ثواني!!!
Prof
شاااااااااااااايفك ... تعالى هنا وسيبى الشريط ده ....
Hesham
يا سلام يا ست ... عظمة على عظمة على عظمة

وتلحين قصب


امسك يا شاطر سيف أبويا بإيدك
تستاهل الترقية ........ الله يزيدك


اسم العمل ... واسم الملحن ... مين حيرفع إيده؟؟
masreya
اوبريت شهرذاد خالد الذكر سيد دروويش


اللى كان بيلحن الجريده نفسها فى اثناء انتقاله من بلد لبلد بالقطار



بالسلامه وفى رعاية ربنا

اهزم الاعداء وحرر ارضنا

تحيا الاميره شهرذاد

لا ماتقولوش كده ماتهتفوش غير للبلاد اليوم ده يوم فدا


فالتحيا بلادنا


بلادنا نعيمنا ان فدائها
Prof
طب اللى بعده يا مصرية .. خشى باللى بعده .. :roll:
masreya
قول لى الى اين المسير فى ظلمة الليل العسير

طالت لياله بنا والعمر لو تدرى قصير :lol:


قصيده غناها ؟؟؟؟؟؟؟


مين المغنى وكلمات القصيده لمن؟؟؟؟؟؟؟؟؟؟؟؟



يالا فكروا سهله اوى اوى :roll:
tytuuuuu
الله عليكي يا مصريه الواحد بيحس انك ذواقه في كل حاجه

عبد الحليم طبعا

من اغانيه الجميل ومن القصائد الي فعلا انا بحبها
tytuuuuu
اااااه معلش اعتقد ان الكلمات
لنذار
masreya
هيه فعلا قصيدة يا مالم قلبى غناها عبد الحليم حافظ

واذا لم تخنى الذاكره :roll: فكلماتها لامير سعودى وشاعر اسمه خالد الفيصل


والله اعلم
Prof
اللى يجاوب يقدم سؤال الحلقة الجديدة .. 8) 8)
tytuuuuu
ان لم يكن ادبي فخلقك كان اولي ان يصدك
اغضاضه يا روض ان انا شاقني فممت وردك

ياتري مين هيجاوب
كويس انا موووووون مش هنا كانت قالت اننا مطهدنها وبينجيب اغاني عشرتاشر جيل فاتم
ياله يا جماعه مين يعرف
masreya
الكبمات مش غريبه

فى شبه من قصيدة عش انت انى مت بعدك؟؟؟غناها فريد الاطرش


مش عارفه بصراحه !!!!
tytuuuuu
كنت عارف انك انتي الي هتجوبيها يا مصريه

صح هيه عش انت لفريد الاطرش :lol: :P
masreya
بمناسبة عزووف الشباب عن منتدى العواجيز :lol: :roll:


مرة وعدت تاخذنى قد ذبلت من بعادى---- وارمى بى على ضفاف من طفولتى

نهرها ككف من احببت طيب وصافى--- لم تزل على وفاء ما الى الوفاء اذا بىردنى هناك !!!!



اغنيه لمطربه اسم المطربه واسم الاغنيه !!!!!
tytuuuuu
انا بقول فيروز
وبخمن انها يا جاره الوادي
او ردني الي دياري

ياتري ايه صح
masreya
فعلا فيروز

والاغنيه :


ردنى الى بلادى مع نسائم غواد ---مع شعاعة تهادت عند شاطىء ووادى


ردنى الى بلادى
tytuuuuu
اشمعني انا قلبك صنته ورعيت ودك والعمر داب حواليه
لكن الي بيحبك ملوش امل عندك والغالي يرخص ليه
masreya
لا مش انا اللى اشكى محمد عبد الوهاب او البرنس


وبعتنا مع الطير المسافر جواب---وعتاب ونراب من ارض اجدادى وزهره من الوادى
يمكن يفتكر اللى هاجر ان له فى بلاده احباب



؟؟؟؟؟ :lol:
Hesham
ديه بقى أغنيتى .. رفيقتى فى السفر :oops:

نجاة الصغيرة .. وتلحين بلغ حمدى الرومانسى الأوحد فى موسيقينا .. وكلمات محمد حمزة wink.gif وأى خدمة


جدى نشاها بإيده بناها
لكن راح فى ترابها ماجاش
فاتها لأبويا بحالها ومالها
لكن أبويا ما ورثهاش


مطلوب: اسم الأغنية .. اسم المغنى .. اسم الشاعر .. اسم الملحن

واللى يعرف سنة كام .. يبقى بصحيح جامد :lol:
masreya
انا باقول علشان علشا حضرتك :roll: تسهلها شويه ياريت كمان اساماء كل الناس اللى سمعوها كده تبقى معقوله شويه

بصارحه سهله اوى
masreya
انا باقول علشان حضرتك :roll: تسهلها شويه ياريت كمان اسماء كل الناس اللى سمعوها كده تبقى معقوله شويه

بصراحه سهله اوى كده لازم تصعبها شويه :cry: :cry:
morgana
اعتقد ان الأغنيه دى كانت قبلى ب 3 اجيال يعنى من ايام حرب المعيز تقريبا علشان كده مش قادره افتكرها
Hesham
:? :? :?
ماحدش عارفها
:cry: :cry: :cry:

حتى أنت يا مصرية؟؟ :cry:

أسهلها شوية

هى سنة 63 .. والشاعر هو مرسى جميل عزيز .. والملحن هو الموجى وإسمها: الفوازير .. والمغنى عبد الحليم .. واللى سمعوها كثير ,, منهم على سبيل المثال:
سعاد وفاطمة ومحمد وأشرف وإيهاب وزكريا وياسر وعبد الباسط ونادية وجيهان ومرسى ويحى وعبد الباسط (ده غير الأولانى) 8)
masreya
بجد بجد اغنيه رائعه


:cry: :cry:

دى اكيد قبل ماحضرتك تسيب مصر اكيد

طيب فى انتظار العقده اللى بعدها




كريم يارب
masreya
ايه حرب المعيز دى؟؟؟؟؟؟؟

اول مره اسمعها يا ريت نسئل استاذنا الطفشان عن هذه الحرب ومن هم الصناضيد الذين قاموا بها
wink.gif
morgana
على فكره ياهشام ياريت تضيف للأسامى اسم جدى وجدتى برضو اكيد سمعوها
مع انى مش متأكده وياخساره مش هقدر اتأكد طبعا
عموما مش مشكله المهم انك انت نفسك عارف الأغنيه والا غناها الحمد لله
Prof
طب هدنة عشان الشباب الورور ... wink.gif

يا طاطا يا نننا
ياننا ياطاطا

فيلم ألوان حديث
masreya
ده فيلم للاستاذ الموهبه الفذه الرائع النبدع معلم الاجيال



((( هنيدى ))))


فى الفيلم السياسى الكوميدى الاجتماعى الهادف التراجيدى الفارس



((( صعيدى فى الجامعه الامريكيه )))


وعلى فكره بقى بنتى الصغيره هيه اللى عرفت الحل :cry:
زهرة برية
صحيح فعلا يا مصرية الاغنية للمبدع العبقري هنيدي

ولكن في فيلمه الساحق الماحق "همام في امستردام". :idea:

اتفضلوا دي

يا ترى يا وحشني بتفكر في مين
عامل ايه الشوق معاك عامل ايه فيك الحنين

المطلوب اسم الاغنية والمطرب والملحن بس
masreya
نورتى يا زهرة

طبعا دى سيدة الشرق والغرب وكل العصور


ام كلثوم

يا ترى يا وحشنى بتفكر فى مين عامل ايه الشوق معاك عامل ايه فيك الحنين


طيب بمناسبة رجوع الزهره الرقيقه:


واناكالطفلة فى يده كالريشة تحملها النسمات

يهدينى شمسا يهدينى صيفا !!!!

يخبرنى انى تحفته واساوى الاف النجمات

واعود اعود لطاولتى لا شيىء معى الا!!!!!!!!!!!!!!!!!


يالا لمحبى الشعر اسم القصيده ومؤلفها ومين غناها؟؟؟؟؟؟
زهرة برية
العزيزة جدا مصرية............

انت الرقيقة حقا ......

والأغنية أيضا رائعة

"كلمات"

ماجدة الرومي...........نزار قباني ...........جمال سلامة .....
Prof
يا جارحنى بشوك وردك
ورامينى فـ نار حبى
أنا هافضـــل على بعدك
لو يطـاوعنى قلبى

قديم
زهرة برية
[size=18]آه منك يا جارحني

عبد الوهاب
:idea: :idea:


[size=24]اللي حبوا قدروا ينسوا ازاي وليه
دة انت غايب بس حبك ليل نهار بتغنى بيه
Prof
سعد عبد الوهاب؟
زهرة برية
[size=24]غلط شنيع
tytuuuuu
فايزه احمد طبعا
لا اكيد

اغنيه وقدرت تهجر يا بختتتتتتتتتتتتتك
زهرة برية
صح

[size=24]يا شارع الضباب

مشيتك انا مرة بالعذاب ومرة بالهنا
Prof
ضى القناديل

...
...
قولوا لعين الشمس ماتحماشى
لحسن حبيبى القلب صابح ماشى

المؤلف لو سمحتوا .. مش المغنى
زهرة برية
الأغنية قولوا لعين الشمس
شادية
الأبنودي
elbana
كويس إنكو فتحتوا موضوع تاني للعبة ، أصل أخوكو زهقان وحران وعايز يقضيها .

طيب خدوا دي :

ليه وانت قايل لي ان غبت يغيب م الدنيا أحلي مكان
ليه وانت تحس الشوق أكتر مني وقلبك عطشان
جوني ..
سألوني ..
جاويتهم عني دموع عيني
زهرة برية
[size=18]أهلا يا بنا ...فعلا الجو في الموضوع دة احسن من برة

الأغنية .....آه يا اسمراني اللون

شادية
elbana
صح يا زهرة

طيب على ما حد يسأل حاجة تانية خدوا دي :
رد الفلايكي بصوت ملايكي
قال مرحبا بكم مرحبتين
دي ستنا وانت سيدنا
هيلا هب هيلا
زهرة برية
دي بقى
الجندول
عبد الوهاب
Prof
خدوا دى .. بس باللهجة اللبنانى

قللى فهمنى شو بدك
بابعد عنك
بابقى حدك
باسكت باحكى باضحك بابكى
بوقف جنبك
بوقف ضدك
خللينى نفهم
شو بدك

لبنانى حديث .. أواخر التسعينات
elbana
هووووووووووووووب .. استنى عندك يا عم بروف
طبعاً مش الجندول يا زهرة

دققي شوية

دي (النيل نجاشي)

نخش على أغنية بروف (اللي قالب على لبناني wink.gif )
زهرة برية
صح فعلا يا بنا دي النيل نجاشي :oops:
اما الاغنية بتاعة بروف مش عارفاها
سهلها شوية يا بروف :twisted: :twisted: :twisted:
Prof
أول حرف من إسمها "J"
elbana
شكلها كده نجوى كرم

بس مش عارف الأغنية
Hesham
قيدوا شمعة يا أحبة ونورولى
رمشتين من رمش عين وبيندهولى
من هنا سكة ملامة
ومن هنا سكة ندامة
أمشى فين يا ناس قولولى


أغنية :!:
.
Invision Power Board © 2001-2014 Invision Power Services, Inc.