انا حبيت اكتب فى الموضوع دة بالذات كاول بداية ليا فى المنتدى لانه سؤال مش كتير مننا ساله لنفسه

وهو ايه فايدة النت بالنسبة ليا ؟
ولو سالنى حد ايه فايدته ياترى هعرف اجاوب؟
وكمان ايه رايى فى الدردشة على النت ونفسى بقا من كل ولد يقول ايه رايى فى البنت اللى بتعمل دردشة ومن كل بنت برضه رايها فى الولد ؟
عايزين مواجهة بين الطرفين بس ياجماعة محدش يزعل حتى لو الاراء صريحة جدا لاننا فى منتدى وممكن نتناقش مع صاحب الراى لنغيرله رايه يا العكس.

اتمنى مشاركتكم معاي

سأجيب على هذه الجزئية من منظورى الشخصى للنت ... النت أصبحت تعنى بالنسبة لى الكثير بل والكثير جداً ... لن أكون مبالغاً إن قلت أن النت أصبحت تستحوذ على معظم وقت فراغى داخل البيت ... أصبحت وسائل الإتصال والإعلام الأخرى مهمشة نسبياً ... وفرت لى النت بديل رائع للصحف والمجلات والراديو والتليفزيون والمسجل ... أصبحت وسيلة مثالية بالنسبة لى لشراء ما يلزمنى مثل تذاكر طيران وحجز فنادق او رحلات فى اجازتى الصيفية ... وسيلة مريحة وسهلة لدفع فواتير لخدمات متنوعة ... النت باختصار اصبحت ضرورة وليست رفاهية

لسلام عليكم
معلش انا اتاخرت فى الرد شوية بس انا لما قريت ردك حسيت انك عندك خبرة فى مجال النت والتعاملات من خلاله وعندى سؤال
دلوقت النت بقا فعلا وسيلة مفيدة اوى فى التعامل بس بقا برضو وسيلة للحوادث النصب كتير اوى ازاى الواحد بقا يقدر يفرق بين الحاجتين يعنى يعرف ان اللى قدامه دة هينصب عليه ولا هو فعلا جاد فى التعامل معاه

تقصدى ايه بالنصب علاقات ولا تعاملات بنكية ولا مشاريع ...الخ حددى نوع النصب اللى ممكن تتعرضي له ؟

عموما طبعا النت يعتبر سلاح ذو حدين الحد الاول الجانب الايجابي زى ما قال الفاضل حشيش والجانب السلبي هو النت طبعا فرصة النصب والخداع والسرقة عالية جدا.
يعنى لو هنقول علاقات يبقي لازم تعرفي كويس انتى بتكلمى مين ومدى العلاقة هتوصل لفين لان نسبة الكذب عالية جدا ع النت يمكن اكثر من الواقع نظرا للخيال الخصب وطبعا محدش شايف حد.
التعاملات البنكية والكريديت كارد لازم تكونى حذرة جدا جدا اى ويب سايت بتشترى منه وانا لا احبذ استخدام الكريديت كارد ع النت غير للضرورة يعنى انا مثلا ممكن ادفع فواتير التليفون وطبعا الويب سايتات دى بتكون أمنه ومعروفة كويس وثقة , شرا تذاكر طيران ودى بردوا صعب النصب فيها انا جربت قبل كدا اشترى برامج وبصراحة بردوا كنت مقلقة لكن الحمدلله محصلش حاجة الوحش بقي هو التليفون ع النت جربته على اسكايبي وياهو فاشل جدا بس محصلش نصب ولا حاجة بس مش مطمئن اوى.
عموما انتى خليكي حذرة فى كل الحالات واعتبري كل الناس مذنبين الا ان يثبت العكس والتعاملات البنكية او المادية لازم تكونى حذرة جدا اما التشات او العلاقات ع النت بصراحة لا احبذها الا اذا كان اشخاص معروفين لكى يعنى زى المنتدى هنا من السهل انك تتعرفي على شخصية الناس وتحققى منها قبل قبول التحاور معهم اما بقي غرف التشات او التعارف مجهول المصدر نصيحة لا تضيعى وقتك فى هذا النوع من العلاقات لانها كلها سواء حريمى او رجالى مضيعة للوقت وتعب وجهد وفى الاخر تلاقى نفسك بتكلمى ابو الخير على انه نانسي ونانسي على انها ابو محمد.
والله يسترك طريقنا وطريقك ان شاء الله

يعنى انا كتيير بيبعتلى مسابقات غريبة جدا وبرضو انى فزت فى مسابقات انا مش دخلتها والاغرب انها بتكون من شركات مشهورة عالميا فا انا مش عارفة ازاى ممكن شركة تستغل اسمها وتغامر بسمعتها عشان تنصب على الناس لانى انا فى مرة فضلت مع مسابقة من اللى اتبعتت ليا وكانت من شركة مايكروسوفت وراسلتهم وكانوا بيبتعوا عشان يستفسروا عن معلومات وفى الاخر طلبوا منى رقم حسابى فى البنك فخوفت طبعا لانهم ممكن باى حيلة يتصرفوا فيه وبعتلهم ايميل بانهم مزيفين وان كل دة نصب ومن ساعتها اتاكدت انهم نصابين فعلا

بالنسبة للشات انا مختلفة معاكى فيه هو فعلا النت فيه كدب كتير لكن الشات فيه ميزة وهى ان اللى قدامك مش عارفك يعنى انتى بتتعرفى على ناس جديدة وتشوفى طبائع جديدة وغريبة وفى ايديك انك تنهى اى حوار لاى ضايقك وانا شايفة ان دى حاجة كويسة

فعلا عندك حق فى موضوع المسابقات دا كان لى صديقة بردوا اشتغلوها شوية وقالولها معرفش كسبتى كام مليون وكانت المراسلات بينهم بتوحى بجدية ومصداقية اكيدة فى الاول كلنا احبطناها وقولنلها يا شيخة انتى بتصدقى لكن لما شوفنا الاميلات والشهادات المصورة اللى كانوا بيبعتوها باسمها ع الاميل خليتنا صدقنا وطلبوا منها البنك اكونت وعنوانها وبيانتها الشخصية وهى طبعا نفذت كلامهم لانها كنت مقتنعة جدا ولكن فى النهاية بتخلصي من حاجة يطلبوا حاجة وبعد تقريبا شهرين اكتشفت هنا كانت بتجرى ورى سراب والحاجات دى خدى منها كتير ع الاميل وانا بصراحة مش عرفه ايه الغرض من العروض والمسابقات الكاذبة دى انا بريح دماغى اى حاجة فيها كدا باعمل ليها ديليت وانهى المشكلة .
بخصوص جزئية الشات طبعا وجهة نظرك تحترم واكيد كل منا ليه طرقه الخاصة فى حكمه على الامور ونظرته البنيوية لها .
تحياتى
بدرورة

بسم الله الرحمن الرحيم
خير ما ابدأ به مشاركاتى فى هذا المنتدى المحترم
والذى تعرفت عليه للامانة من الاخت الفاضلة بدرية مكاوى حيث قرات له قصة قصيرة فى احد المنتديات وذكرت اسم هذا المنتدى الجميل
اما بخصوص موضوع الانترنت فالبنسبة لى هو
1-من اكثر الوسائل تاثيرا فى الدعوة الى ديننا الاسلامى ووسطيته
2-اصبح مصدر رزق لكثير من التخصصات مثل مهندسى الكمبيوتر والاتصالات
3-مصدر للثقافة والفكر
4-اكبر مركز تجارى فى العالم
5-اما بالنسبة لموضوع الشات فهو بالنسبة لاى علاقة بين ولد وبنت بتكون مبنية على النصب ومضيعة للوقت غير حرمانيتها شرعا
6-اهم مصدر للاخبار فى العالم
7-التجارة الالكترونية حاجة فوق التخيل
بس خلاص

كل حاجه فى الدنيا ليها مميزات و عيوب بمعنى ان زى ما فى ناس بتستخدم النت بسطحه و كمان استخدامات غلط خالص فى ناس تانى بتستخدم النت فى حاجات مفيده دراسه , معلومات, منتديات, صله رحم و غيرها كتير.... انا واحد من الناس مش بقوم من على الكمبيوتر الا لما ظهرى بيوجعنى لكن غير كده انا قاعد لدرجه انى نسيت شكل التليفزيون و الشارع و الخروج

نستنتج ان كل واحد بيستخدم الانترنت على حسب شخصيته (يعنى بيشكله على مزاجه)