السلام عليكم

حبيت بس اعرف

هل هذا المنتدى يروج لاعلانات التعارف ام انها اعلانات مفروضه عليه

لا يمر يوم الا و اجد اعلانات مثل هذا الاعلان



و هو نفس ما يحدث فى منتدى محاورات المصريين



فرجاء الله يرضى عليكم تتوقفوا عن هذا اذا كان المنتدى بيروج لهذه الاعلانات اما اذا كانت الاعلانات دى مفروضه عليه من الجهة اللى بتعلن فبناقص لانه عيب جدا الادارة ترضى بحاجه زى كده و تسكت علشان خاطر عيون عوائد الاعلانات اللى بالتاكيد ماتزيدش عن ملاليم

اللهم قد بلغت اللهم فاشهد

خير ان شاء الله
مش حاجة خطيرة
دى اعلانات جوجل وهى المسئولة عنها و عن محتواها و اعتقد هى بتتغير بتغير المستخدم
بمعنى انه الاعلاانات عندك مختلفة عن اللى عندى
و المفروض انه فيه سكربتات لفلترتها كان بيفلتروها فى منتدى الفريق العربى للبرمجة بس مش عارفة هنا ايه نظامهم شكله الفريق التقنى واخد اجازة

ياريت لو تقدر الادارة تعمل حاجة بخصوص الاعلانات دى بلاش تتأخر
ده بيضر بسمعه المنتدى اولا و اخيرا

لا بالعكس

الأعلانات متغيره لشخص و آخر حسب المنطقة و أهتمامات الشخص

و الدليل أن نفس الأعلان في شئون و المحاورات بيظهروا ل " فاعل خير " لوحده

و الناس التانيه بيطلع لهم أعلانات أخرى في المحتوى و المضمون

انا مبيطلعليش حاجه خالص...برغم اني مش عامله فلترة على الصفحات....

بالعكس ازاى.....بتفيد المنتدى يعنى؟؟؟!!!!

طيب متغيره حسب المنطقة ماشى
انما ازاى حسب اهتمامات الشخص؟؟!!!
هما كشفوا عليه و عملوا له تحليل شخصية و عرفوا اهتماماته

على فكرة بقى نفس الاعلان اللى ظهر لفاعل خير ظهرلى فى المحاورات

المنتدى المفروض يقوم باللى عليه و يفلترها او يعطى لنك للتبليغ عن اى اعلان مسيئ
من لا يعرف شئ عن اعلانات جوجل ممكن ببساطة يسيئ الظن فى ادارة المنتدى

متعرفيش أن مفيش حاجه ببلاش

و جوجول موش فاتحاها سبيل للبحث المجاني

بالعكس هي أكبر شركة تحقق أرباح في العالم

و هي عندها قاعدة معلومات ضخمة عن أي باحث في جوجول

و ذلك عن طريق تجميع الكلمات المفتاحية لكل ما قام به

و بذلك يتم وضع تصور لأهتمامات الشخص

و يتم توجيه الأعلانات بحيث تلبي هذه الأهتمامات

حاليا .... الحكومة الأمريكية أستصدرت حكما لصالحها ضد جوجول

تستطيع بموجبه أن تتعرف على أهتمامات الأشخاص حول العالم بحجة منع الأرهاب و الأمن القومي

يعني العيب فينا يا في يا حبايبنا اما شئون ياروحي عليه و الواحد هو اللي طلع هلاس وفلاتي و شمام و داير يبحث فى جوجل عن التعارف

افادكم الله يا سيدي و مادام شايف ان العيب مني يبقى انت ادرى و ياريت الاخت اللي بيطلع لها نفس الاعلان تستعيذ و تبخر جهازها او تعمل حجاب للمودم علشان تصرف الاعلانات دي

انا اعرف انه صحيح ما من شر الا فمن انفسكم بس مش بالطريقه دي ابدا

وبمناسبة الاهتمامات ماكنتش اعرف اني انا مهتم بالتبرع لمشردي زلزال الصين الا لما الاعلان بتاعه طلع لي مع اني ماكنتش اعرف من اساسه انه فيه زلزال هناك

حصل خير صحيح

إعلانات التعارف موجودة فى كثير من المجلات و كثير من الفضائيات ... محلة ميكى بها صفحة للتعارف.

و الإعلاتات أمامى الآن لجمع التبرعات ... www.grameenfoundation.org و يقول إشترك معنا لنمكن أفقر الفقراء من تحسين حالتهم.

هل الإعتراض على وجود ستات فى الإعلان هل حد شاف محتوى الإعلان ؟

التعارف بحد ذاته ليس به مشكلة

مش فاهم قين المشكلة هل المشكلة فى كلمة dating ؟ جايز أصبحت كلمة سي...ئة السمعة ..... طيب لو كانت تعارف هل برضه فيها مشكلة ؟

لا محدش قال أنها مشكلة

لكن عنوان الموضوع يوحي أن المنتدى بيشجع على شئ موش تمام

كمان لو لاحظت في أول مداخلة قلت ممكن بسبب المنطقة

يعني في أوروبا و أمريكا ده أهتمام شبه مشترك لأي باحث في محركات البحث

و لذلك فهم يضعونه كموضوع مشترك لكل الأهتمامات زي حكاية التبرع لمنكوبي الصين