كثيراً ما أرى بعض الأخوة الأعضاء متواجدون فى المنتدى بصفة شبه يومية (دون أى مشاركات تذكر) ودائماً ما أرى عبارة (يقوم بعملية البحث) كلما اطلعت على قائمة المتواجدين حالياً !!! ... الشئ العجيب أنهم تقريباً هم نفس الأعضاء ! ... بلا شك كلنا يقوم بعملية البحث فى المنتدى عن موضوع قديم من حين لأخر بمعنى أنه يحدث (أحياناً) وليس كل يوم ! ... هل من تفسير لهذه الظاهرة ؟!

الموضوع فعلا مريب لقد وضعت يدك على شيء هام جدا يا حشيش والله انا بقالي فترة ملاحظ الشيء ده

هما بيقفشوا الاعضاء الي بيتصفحوا بس ولاايه الحق ابلغ فرار مع اني لا اقوم بعمليه البحث ومش عارفه عمليه البحث دي بتتعرف ازاي حتى لو.. فين المشكله يعني

حدوتشة

انتى ما شاء الله مشاركاتك فى المنتدى كثيرة حتى وإن كنتى مقلة الأن ... أنا اتحدث عن أعضاء مسجلين فى شئون منذ سنوات ومشاركاتهم لا تكاد تذكر وكلما نظرتى إلى قائمة المتواجدين تجدى بجوار أسمائهم (يقوم بعملية البحث) ! ... والسؤال هنا ما سبب طول بحثهم وهل لم يعثروا بعد على ما يبحثون عنه ؟! ... بالنسبة لأنك تبلغى فرار أو لا فهذا شأنك بالطبع ولا أدرى ما علاقته بهذا الموضوع !

الكلام ده ملوش علاقة بيكي خالص يا حدوته

حشيش بيقصد ناس تانيه خالص

تشيب ياحشيش خضتني وبعدين ملونلي ابلغ فراربالاحمر ليه متهيالي واضحه لو بيبلغوا عن المتصفحين بس يبقى اهرب قبل مااتقفش صعبه دي

ماشي يالهو بس هما مين دول

حدوته .... و هو فيه عندنا ألا حدوته و بس

اما دول بقى ناس قاعده طول النهار في حالة بحث فقط لا غير

أو يقوم بطباعة موضوع و لا يشارك أبدا

تقريبا بياخدوا المواضيع و ينسبوها لتفسهم في منتديات تانية

أو من النوع الصامت ألذي يقرأ و لا يكتب ..... مبيقولش رأيه

فيه كذا مكان في صفحات المنتدى لو دعست عليه هايديلك "يقوم بعملية البحث"..
مثلا لو بتعمل بحث مباشرة على كلمة معينة..
أو شخص.. تتصفح ضفحته الشخصية أو ردوده أو موضوعاته..
أو بتتصفح المداخلات الجديدة من تاريخ آخر زيارة لك.. كذا حاجة تانية يسميها المنتدى "يقوم بعملية البحث"..
أو تتصفح "المساعد الخاص"..

ده للعلم يعني.. لأنها برضه وبالرغم من كده كتيرة.. كمية بحث كتير يقوم بها ناس كتير..
بحث يبحث مباحث..


أهلاً حدوتشة

اهلا يابروف كيف الحال

البتشاع الي بتشقولوا عليه ده....البحث ...بتجيبوه منين عدم اللامؤاخذة يعني..


اهلا حدوتشة

اهلا ياتشوتشا ياختشي نورتي بيتك ومطرحك

فعلا اخر دراسة عملتها ان النسبة الكبيرة متفرجون لا مواطنون .

فبقول يا ريت نعمل شعار كالاتى

( تعالى اقرا وخد فكرة ويمكن ربنا يسهل وتشارك بكرة وهنيالك يا فاعل الخير والثواب )

انا بقى بلاحظ دايما ناس بتتصفح الصفحة الرئيسية
طب يا عم دش هنا فى الاوضة دى
طب الصالون الحشيشاوى او واسع و برح و رغم الزحمة لكن حشيش مأجر كراسى كتير للطوارئ
و كمان استوديو الموالد بتاع بدرية و قنوات فضائية و شغلات كمان
لا هما فى الصفحة الرئيسية و بس و بيك قلبى حس

امتى بقى تدخلوا و تشاركوا و تنورونا يا جماعه يا ع الباب

>>

أنا غالبا استعمل خاصية البحث في المواضيع توفيرا للوقت ..

كثير من الأحيان بارجع للمنتدى وأنا ناسي آخر رد كتبته فين !!

طبعا ده بسبب كترة أبواب المنتدى ... فالحل بيكون أني أعمل بحث عن طريق اسمي وأشوف المشاركات اللي سبق كتبت فيها وإذا كان في ردود او لأ ...

طبعا ميزة توفير في الوقت لأني بطبعي حركي ولا أجلس فترات طويلة أمام الجهاز ...

لكن عيب هذه الطريقة أنك قد لا تتابع مواضيع جديدة نشرت بعد آخر رد لي ...

لأن المواضيع الجديدة لإكتشافها تحتاح ألى من يفتح كل باب في المنتدى ليجد أي جديد يمكن أن يكون فاته ولم يقرأه ...

هذا طبعا عدا عن البحث العادي لو لزم الأمر على المواضيع القديمة بإستخدام كلمة معينة ... او البحث عن مشاركات عضو معين في المنتدى تكون مهتم بقراءة كل ما يكتب ولأنه مفيش وقت تقعد تدور عليه في كل أنحاء المنتدى ...

بيكون اسهل حاجة أنك تعمل بحث عن طريق "اسمه" ... بالضغط عليه ستخرج لك صفحة بياناته ومأيضا رابط يقودك الى مشاركاته كلها في المنتدى وبهذا تستطيع أن تقرا كل ما كتب وتعرف تاريخ آخر تواجد له في المنتدى ...


الا بالحق .... وعلى سيرة البحث ...

فين الناس ؟

د. رجب ... مدام فريدة ... هوبسان ... أنارشيست ... وكثير من الناس اللي كانت صحبتهم والقراءة لهم والمناكفة معاهم متعة هنا في المنتدى ..




<<

حمد لله على السلامة يا عزيزي النديم

بحسبهم كانوا معاك في فسحة تونس

رجعت وحدك ؟؟؟؟

>>

إقتباس(اللهو الخفي @ 16 Jul 2008, 11:23 PM)

حمد لله على السلامة يا عزيزي النديم

بحسبهم كانوا معاك في فسحة تونس

رجعت وحدك ؟؟؟؟

فين فسحة تونس من غيابنا عن المنتدى كان في فاصل أقل حاجة تسع شهور



بس لو أضمن ييجوا معايا ... مستعد أعملها تاني ...


لاحظت وجود عدد من الأسماء الجديدة ... وواضح طبعا خفة الظل والروح والذكاء يطل من بين الحروف ...
بس الأسماء القديمة كانت أعطت للمكان نكهة ومذاق خاص يصعب ان يعوض ..


لهذا وذاك وحيثما كمان ...

نرجع ونقول : فين الناس ؟ :(

<<