المساعدة - البحث - قائمة الأعضاء - التقويم
مصر 2008
منتديات شئون مصرية > بوابة المنتديات > إستفسارات ـ إقتراحات ـ شكاوى
El-Masri
حنزل مصر قريب بس بقالى ست سنوات منزلتش ، حتى أخر زيارة كانت لمدة إسبوعين ومش فاكر النظام كان إزاى.

بالنسبة للإلكترونيات، زى اللابتوب وكده اللى للإستعمال الشخصى، هل المفروض أسجلهم وأنا داخل علشان مدفعش عليهم جمارك وأنا خارج؟

بالنسبة للحلاوة اللى بتدفعها فى المطار عشان تخلص من البهدلة، ولو نزلت بباسبور كندى ممكن أصر إنى مدفعش رشوة وأخرج سليم وبإحترامى؟

لسه فيه سوق سودا للعملات؟ أنا آخر مرة كانت أيام الجنزورى وكان الراجل معوم الجنيه ومفيش سوق سودا.

وأخيرا، هل فيه سوبرجيت بيطلع على مرسى مطروح على طول من القاهرة ؟

برضه للإخوة بتوع الخليج، أنا مضطر أطلع من لندن على دبى على القاهرة لإنى ملقتش مباشر من لندن، إيه نظام مطارات الخليج ومواعيد طياراتهم، بيوصلوا فى وقتهم وبيخلصوا بسرعة؟ لإن وانا راجع الفرق بين ميعاد وصول الطيارة من مصر وميعاد خروج الطيارة للندن ساعتين ونص بس.

ياريت لو حد يعرف يا جماعة، ربنا يكرمكم أنا نسيت المشواير دى كلها.
Badroora
الاخ المصرى ...........ان شاء الله توصل بالسلامة وتقضي اجازة سعيدة .

بخصوص الباسبور الكندى عادى ممكن تدخل به بس لازم يكون معاك اى شيء يثبت انك مصري

يعنى بطاقة شخصية اورخصة عربية مثلا عشان تعفى من اى مصاريف فى المطار.

وبما انك هتروح مرسي مطروح ........ليه مش تحجز على اسكندرية وتاخد اى حاجة من اسكندرية

بس لمرسي مطروح وهتكون فقط 3 ساعات

لان السوبر جت من القاهر لمطروح فوق ال7 ساعات وغير سفرك من كندا لدبي فيها بتاع 20 ساعة تانية

هيبقي كتير اوى عليك .

بخصوص طيران الخليج كويسين بس على حسب الظروف هى اللى بتتحكم فى مواقيت الطيارة .تتاخر

ولا لاء لكن فى العادي مواعيدهم كويسة وترانزيت ساعيتن مش مشكلة ممكن تتمشي فى السوق

الحرة او تقضيهم ع النت

بخصوص الاكراميات فى المطار ........دى انت وزوئك مش مجبر عليها.


اللاب توب .........مش محتاج لا تسجيل ولا حاجة انا باعدى باللاب توب وكذا موبايل وكاميرا ومافيش اى مشاكل .

دا استعمال شخصي محدش بيدق ولا حتى بيسالك عليه .

بخصوص العملة .......انا بتعامل مع مكاتب الصرافة سوق السودة دا ماليش فيها بصراحة ......


يلا ان شاء الله توصل بالسلامة وتقضي اجازة سعيدة
El-Masri
ألف شكر يا أخت بدرية

عندك حق، حتى لو إن السوبرجيت من إسكندرية لمرسى مطروح حياخد أربع ساعات ده غير إن مش شرط ألاقى واحد طالع على طول، بس فعلا بعد الطيران أنا ممكن أقضى ليلة أريح فى إسكندرية والصبح أروح مطروح.

أنا أحب أدفع إكرامية بمزاجى مش لوى دراع، بلوى الدراع بتبقى رشوة مش إكرامية، وعادة الدافع بيبقى مسؤل زى المدفوع له لإنه بيشجعه عليها.ولإن عادة اللى فعلا بيستحق المساعدة مش بيطلبها .
أحمد باشــا
أجازة سعيدة يا مصري _5.gif
Prof
طب نسق نفسك بأة في موضوع لقاء جديد في مصر..
El-Masri
إقتباس(Prof @ 24 Jun 2008, 03:35 PM) *
طب نسق نفسك بأة في موضوع لقاء جديد في مصر..


بروف، بقدر ما أريد أن أقطع رقبة محللى الخمر الكافرين بآيات الله بقدر ما هم يريدون ومعهم وزارة الداخية، فلم أجعل رقبتى سهلة لهم، وأنت تعلم أن أولياء الشيطان يحكمون مصر.


سأنسق فى الخفاء للأسف وعلى كل حكيم أن يفعل. وسيأتى يوما لا خونة فيه من بين أبناء جلدتا ونستطيع عندها أن ننسق فى العلن.
finetouch
ان شاء الله اجازة سعيدة
والسوبر جيت المباشر لمطروح من القاهرة افضل من مرحلتين
وبالنسبه للفنادق فيمكنك الحجز فى بوسيت حيث له شاطى خاص وامان
اوسان جيوفانى كليوباترة
وحذار من السباحه فى الشواطئ مثل الابيض او عجيبه اوالشواطئ المفتوحه الغير معروفه بالنسبه لك حيث ان مناطق كثيرة مفتوحه يكون بها تيار سحب لاتحس به الا وانت بعيد عن الشاطئ. او بها دوامات .
وبالسلامه ان شاء الله
أخت
توصل بالسلامه بإذن الله

انا مع فاين في ان الطريق من القاهره لمرسي مطروح مباشرة افضل

ولو قدرت خللى حجز السفر بالليل بحيث تقضي اغلب الطريق في النوم

توصل اول النهار وتاخد اليوم من اوله بإذن الله

في مكان اسمه (مينا حشيش) ومالوش دعوه بحشيش شئون

المكان مش معروف بين المصطافين

اسأل عنه اي واحد من اهل البلد هيصوفهولك

حلو اوي ومناسب للأطفال جداً
.
Invision Power Board © 2001-2014 Invision Power Services, Inc.