نمت حاولى ساعة كدا قمت من النوم مفزوعة بسبب حلم فظيع .!!!

حلمت خير اللهم ماجعله خير انى فى مدرسة اطفال حضانة وابتدائي .وبنت اختى الصغير مودوموزيل ندى 4 سنين كانت فى الحضانة والبت كانت امورة وبتجري تلعب وتتنطط وكانت محجبة استغربت انها محجبة من وهى صغيرة بس فى الحلم مدقتش .

واحنا ماشين ماسكة فى اديها وبنتمشي فى المدرسة عديت على واحد هندي بيذاكر لبنته ومسكلها العصاية

عشان عاوزها تكون من الاوائل .

ندى قالتلى يا خلتو انا بليدة انجليزي وانا زعلت عشان مدرستها ولا حضانتها فى الحلم كانت لغات وهى مش شاطرة فيها.
روحت البيت لاقيت بيتنا زى جزيرة وبين كل غرفه وغرفه مساااااااااااحة كبيرة مش سهل التنقل بين الغرف زي زمان .

وكأن كل غرفه عبارة عن جزيرة منفصله .

وفجأءة الجو قلب بقي شتوى والمطر نزل وندي وشها انطفي ومش بقت سعيدة

والهندي شايل بنته اللى كان بيذاكر لها على دراعة وجاى بتنزف دم من شريان ايديها وصوته والله فزعنى من النو م كأنه حقيقي

والصوت كان ممزوج بدموع وبكاء بحرقة وهو شايل بنته والمقص اللى قتلت نفسها به ولما سألته قالى .

"I killed my daughter "

هِى كيد هيز دوتر دى قالهالى بالانجليزي بنبرة صوت فزعتنى وقومت من النوم ضربات قلبي سريعه جدا

وبقول ازاى بنته كان لسه بيلعب معاها وبيذاكرها تنتحر قالولى انه من النوع المثالى وضغط على بنته

فى المذاكرة وخلاها تنتحر .

معلومة ممكن تكون ذات صلة .

المفروض اروح استلم عربيتى من الكراج بعد نص ساعة ........اروح ولا مروحش.!!!:13:

والله خايفة اروح الحلم دا قلقنى وقلبي مش مرتاح .!!!

يمكن المقصود من القصة إن لو ندى قلعت الحجاب حتبقى شاطرة فى الإنجليزى، وإن الهندى لو ساب بنته تدور على حل شعرها حتعيش سعيده، ده أكيد وسوسه من الشيطان.

ندى 4 سنوات والحجاب مش فرض عليها .!!!

عارف والله. بس الحجاب رمز والإنجليزى رمز و بنت الهندى اللى هيه أسرة مثالية وإنتحرت رمز. المقصود من القصة هوه المهم.

خير اللهم اجعله خير يا بدرية


الحلم يخص بيت اختك وبنتها....والله اعلم

الحجاب سترة حتى في سنها الصغير...ممكن يكون والدها متشدد شوية...وضاغط عليهم في البيت من الناحية الدينيه حبة

المسافات الشاسعه بين كل اوضة واوضة في بيتهم...تعني التباعد... وكل واحد عايش مع نفسه ...يعني مفيش حميمية كتير او تقارب...والله اعلم

اما الهندي الي بنته ماتت من التشديد عليها عشان المذاكرة.. ف دي اضغاث احلام...متقلقيش ....

شكرا يا خ مصري ..........

العزيزة اخت الحمدلله استلمت السيارة ورجعت البيت مافيش حاجة احمد الرب شكرا حبيبتى واسفة على وجع القلب اللى بسببي وبسبب حوادثي وكمان احلامي


الغالية مدام توتا .........اللهى يطمن قلبك يا رب شكرا يا قومر .

حمد الله على السلامه

وبعد كده لا قدر الله لو شفتي كابوس فانفثي على جنبك الأيسر واستعيذي بالله من الشيطان الرجيم وما تحكيش الكابوس لحد

وبإذن الله الخير ديماً ليكي

الله يسلمك يا اخت يا رب .

بس هل فعلا لو حكيتى الكابوس لحد بيتحقق؟

http://www.islamonline.net/Arabic/Multimed...008/06/03.shtml

ميرسي كتير على الويب سايت بجد فادنى كتير وصححلى حاجات كتير كنت باعتقد فيها

جزاك الله كل خير

اللهم علمنا ما ينفعنا وانفعنا بما علمتنا