المساعدة - البحث - قائمة الأعضاء - التقويم
استفسار هو المنتدى دا تجريبي !
منتديات شئون مصرية > بوابة المنتديات > إستفسارات ـ إقتراحات ـ شكاوى
Badroora
سلام عليكم

انا مسجلة امبارح هنا بالصدقة ومش عارفه حسة ان المنتدى فى اعضاء تتعد على الاصابع .فكنت بتسائل هل هو تجريبي ولا لسه مفتتح جديد ولا الناس فى اجازة .

او منتدى متخصص مثلا وانا دخلت غلط .

شكرا
موحد
إقتباس(الكتعة @ 13 Jun 2008, 09:08 AM) *
سلام عليكم

انا مسجلة امبارح هنا بالصدقة ومش عارفه حسة ان المنتدى فى اعضاء تتعد على الاصابع .فكنت بتسائل هل هو تجريبي ولا لسه مفتتح جديد ولا الناس فى اجازة .

او منتدى متخصص مثلا وانا دخلت غلط .

شكرا


ليه .............. أهوه أنا موجود وأكرم واللهوة حبيبي وبروف وفاين توتش وأسامه حبيبي و راحلة وبنبوطي وميزو وشينكو وكتير ناس حلوين بس استني شوية حايطلوا عليكي ربنا يخليكي يا الكتعه ............ وبعدين بيكفي معاكي حاج مناكف..

أنا بيسموني القنِّيع ما فيش حد بيقعد معايا أكتر من غلوه واحده وبخليه يوحد بالله

تصوري خليت دانيماركيين (ملحدين) مسلمين .. والله يستر يخش عليهم السلفيين يرجعوهم للإلحاد بعد ما يعقدوهم

زي حبيبي آدم (أمركاني أبيض طويل وعليه وشم على إيده) أسلم .. وقرر يتجوز من مصر.. جه .......... والله يعينه مراته طلعت سلفية .. أول حاجة عملتها حرمته من السجاير.. وخلته يربي لحيته ..

قابلته في القاهرة بيشكيلي.. قلت له إنت ما عليك منها بس حاول تقرأ قرآن وتعرف ربنا من هناك وإنسى العقد ... وخليك على راحتك والحاجة اللي بتقتنع فيها إنها مش كويسه سيبها

وشربته سيجارة ووديته حفله في الهرم .. الراجل انبسط ,, قلت له الإسلام فيه سعادة برضه مش معقد ووديته عالجوامع وانبسط جداً

لما رجع لمراته .. طلعت روحه تاني... عرفت إنه الراجل مؤخراً للأسف ساب مراته ورجع لبلده (تصوري كان إمام مسجد) في بالم سبرنج .. دلوقت والله أعلم رجع للي كان فيه معبأ من المسلمين وعقدهم..

يعني بدل ما نستوعبه .. منلعن أبو أنفاسه ونذله ونقرفه ونخيه يسيب الدين كله بسبب اللحية والسجاير وصلي كده وماتصليش كده.. لا بيعرفوا الدين ولا بيعرفوا ربنا

صبرك شوية حا تنبسطي
Akrum
فعلا شكله زي المنتدي التجريبي بنجربه من 7 او 8 سنيين

هي تجريبي دي زي المدارس التجريبي ولا الفن التجريبي يا بروف .. ما انت السبب يظهر بفنونك التجريبية دي !!! اثرت علي المنتدي 1.gif
Badroora
شكرا استاذ موحد

استاذ اكرم حضرتك بتتريق على يعنى ازعل ولا متقصدش !!!
أسامة الكباريتي
فرق كبير بين انه يهزر معك وبين أن يتتريق
اكرم لا يتتريق ..
ولم يتتريق

عايز يوصل لك المعلومة بلطافة

وبس

فعلا المنتدى قديم
من أوائل المنتديات المصرية
بس الأعضاء بعضهم هاجر
والبعض منعوس في الصيف
والبعض مناكف ............

المهم
حضرتك شرفت الموقع وأتمنى أن تجدي فيه ضالتك
وتنفعي وتنتفعي ..


Akrum
لا يا كتعة .. لا اهزر او اتريق .. وانما اقر واقع .. واتفق معك ولكن اصحح معلومة بان المنتدي عمره 7 سنوات واكثر .. وممكن تقولي ان هناك من الاعضاء يتخارجوا منه ويثروا منتديات اخري عديدة .. انبثقت من هنا فكرة انشاء منتديات اخري يمكن ان تعرفيها من خلال المنتدي نفسه ..

هذا للايضاح واهلا بكي ..
Badroora
شكرا استاذ اسامة واستاذ اكرم

وان شاء الله نعمر المنتدى هنا ويكون فى القمة طالما الكتعة جت يبقي خير ان شاء الله

شكرا على اهتمامكم
حشيش
توضيح بسيط للأخت الفاضلة الكتعة ... أولاً مرحباً بك فى شئون مصرية ... ثانياً منتدى شئون مصرية من المنتديات المصرية القديمة والمعروفة على الساحة ويعتبر الثانى فى الترتيب بعد منتدى محاورات المصريين من حيث تاريخ الإنشاء ... شئون مصرية شأنه شأن المنتديات الأخرى تمر عليه فترات إنتعاش وفترات ركود ولكنه يختلف عنها فى أن فترات ركوده تطول أحياناً ... السبب فى هذا تحدثنا عنه كثيراً هنا وحملنا الإدارة (وكنت واحداً منها) مسئولية ما حدث ويحدث وكان حوارنا ديموقراطياً ومفتوحاً وقال كل واحد منا ما شاء دون أن يحجر على فكر أو يقصف قلم ... تستطيعى قراءة الكثير عن المكان ونشأته وأعضائه الذين أتشرف بأنى واحداً منهم ... المسئولية فى رأيى المتواضع مشتركة تتحمل الإدارة جزءاً كبيراً منها ويتحمل الأعضاء الجزء الأخر ... أخيراً كلمة حق أقولها: لو تضافرت الجهود سيحتل شئون مصرية الصدارة لأن الحرية لا تعنى إهانة الآخر والتطاول على المقدسات والمعتقدات الدينية كما هو الحال فى منتديات أخرى وبالرغم من أن تدخل المشرفين محدود ولكنه حين يحدث يكون قاسياً فى بعض الأحيان وهذا خطأ بلا شك كما أن المنتدى ليس له ألية واحدة يحكم بها جميع المشرفين على الأشياء بنفس المعيار (لا يوجد دستور واضح المعالم يلتزم به الجميع) ولذلك تصدر القرارات متباينة ... عن نفسى مستعد لمناقشة أى أفكار أو مقترحات من شأنها إنهاء فترة الركود الحالية ولا أعفى نفسى من المسئولية فكما ذكرت كنت واحداً من أعضاء ومشرفى المنتدى ... ختاماً للإجابة عن تساؤلك شئون مصرية منتدى عريق وغنى بأعضائه وليس منتدى تجريبى كما إعتقدتى ... شكراً لفتحك هذا الموضوع دون أن تشعرى أنه يمس وتراً حساساً فى قلوب القائمين عليه ... تحياتى لشخصك الكريم vjiysx.gif
Badroora
يا جماعة براحة على شوية شوية smiley_rit_pleur_ani.gif انا اتخضيت انا مجرد سؤال سألته دخلت حسيت ان المكان فاضي قلقت بس ليكون بتجربوه ولا متخصص وانا دخلت غلط .

عموما اشكر حضرتك استاذ حشيش سبحان الله كنت لسه بقرأ قصص حضرتك وكنت بابكي من شدة الضحك على ولاد الغسالة دي وفجأءة لاقيت حضرتك قدامى

عموما حصل خير واسفة لو سؤال ضايق حد بدون ماشعر .

شكرا لك وللجميع
.
Invision Power Board © 2001-2014 Invision Power Services, Inc.