كنت زمان بستغرب ناس لما تقولي رجلي تقلت مش قادرة تخطي لمكان معين

للاسف فهمت معني الاحساس ده لما دخلت اقرا رسائل تهنئة بالعيد وصلتني علي الايميل من اعضاء اعزاء

واسفة اقول اني كنت منتظرة تهنئة من عشرة سنين ومنهم اسامة واكرم وبروف ..

كنت متوقعة رسايل منهم هم بالذات ..معلش انا مصرة اكون في منتهي الصراحة ومن غير لف ودوران

كنت متحاشية المنتدي والدخول والردود ..في موضوع هو فيه ايه ...خصوصا مع الردود الاخيرة ..

قلت مفيش داعي الله يسامحنا كلنا ...

وتجنبت المكان لاني كل ما بدخل بتالم وكل واحد فيه اللي مكفيه ...واكتفيت بمحبة حاوطتني بصراحة في الواحة
وهفضل ممتنة حقيقي لمحبة لمستني وساندتني ..ومشاركاتي ستظل في الواحة لاستفيد واتعلم كما تعلمت في شئون مصرية

لكن للاسف شئون كما علمتني وكنت دائما وما زلت ادين لها..لكن نادمة اشد الندم انني لم ارحل عنها عندما اتخذت هذا القرار منذ عام او اكثر

ولكن بسبب سيسامي واصلت برغم المي وتكررت رغبتي ولكن استمريت مرة اخري بسبب قمر وجاتي

واعتقد اسامة يشهد كم مرة كنت انوي الرحيل منذ فترة طويلة قبل كل المشاكل الاخيرة
ومكثت احتراما لمكانته ..
ياريتني فعلا مشيت كنت هتفادي كل القيل والقال العجيب المؤلم علي النفس...

اسفة يا اكرم انا كنت عايزة امشي من فترة ومداخلاتي كانت ابتدت تقل فعلا
بلاش نخلط الاوراق ونقول مشيوا علشان زيد او عبيد مليش في الطريقة دي خالص

للاسف انا حمولة جدا لكن جرحي لما بيكون في الصميم بداويه من سكات لكن بعيد..

مش عايزة اقول اني ليلة العيد كنت داخلة اقول الله يسامحكم انكم كسرتوا فرحة كنت بقلبي بعملها
وهي اني اتشارك معاكم ليلة العيد ..بس زي ما كتبت قبل كده انتوا حسستوني اني ضيفة
وضيفة مش مرغوب فيها ..وده بالفعل مش تهيؤات ..

لما جاتي ادتني لينك المنتدي حسيت بفرحة اني هجتمع بطفولة جوايا في مكان بسيط هيضمني تاني بقلب بسيط
مع اعضاء عشرة مش قلقانة وانا برد او اني هتفهم بمليون طريقة ..

مفكرتش في مسميات مفكرتش في الشكل اتعاملت باحساسي مع الناس

لكن للاسف تجربتي هنا خلتني مش قادرة اتعامل غير بحذر في كل مكان

يعني مش ناوية اعيد تجربة جرحتني ..لكن الحياة تواصل وبنتعلم طول ما احنا عايشين فيها ...


اخي العزيز اسامة ..كنت فعلا داخلة اهني بعيد الهجرة لكن للاسف لما دخلت اهني بعيد الاضحي
وبعيد شئون وبالعام الجديد في يوميات ولقيت مفيش ردود عليا حسيت اني غريبة
وقلت مفيش داعي اضايقكم تاني ...

اما بالنسبة لحادثة بنت اخويا 15 سنة امبارح ربنا وحده اللي انقذها
هي اتصابت من عربية ماشية بسرعةخبطتها وهي بتعدي
لكن ربنا ايده خففت الاصابة ومنع عننا كارثة كانت هتدمرنا كلنا

وربنا يكمل لها الشفا ...

لكن وانا بكتب دلوقت فكرت ازاي اننا في ثانية ممكن نموت او نصاب ..يبقي خلينا نذكر بعض دايما بالخير
مهما افترقنا ..

وفي النهاية مش هقول غير ان ربنا يوفق الكل ومحدش بياخد اكتر من اللي ربنا بيريده ...

في الواقع يا فندم انا أرسلت لحضرتك تهنئة على المسنجر وآدي نصها وتاريخها حسب بيانات تسجيل ميكروسوفت:

إقتباس

09-Jan-2008 7:49:09 PM Prof Mona كل سنة وحضرتك طيبة

وبأمارة ما كنتي حاطه صورتك انتي وبنت أخوكي في المطبخ تقريباً.. ومازلتي حاطاها.

ده يعني اذا افترضنا ان هو ده موضوعنا هنا اللي بنتكلم فيه وان حضرتك ما دخلتيش حاجات مالهاش علاقة ببعضها في بعضها!

بداية ..كل عام وانتي بالف خير فريدة باشا .. دخلت مخصوص امبارح علي الماسينجر للإطمئنان علي احوال بنت اخيك .. ولكن لم يحالفني الحظ في ان اجدك ع الخط .. وتعلمي اني مقل او شحيح الإستخدام للماسينجر . حتي اسألي بروف والكباريتي ..

ألف سلامة علي مصابكم .. ونتمني ان تكون بسيطة ان شاء الله ..

حقيقة .. انا اعتدز امام الجميع اني كنت وعدت فريدة باشا للإستماع لمشكلة تواجهها هنا بالمنتدي .. وقد اكون محيط ببعض ابعادها .. وكنت اتفقت معها علي ان لنا حديث فيما بعد بهذا الخصوص ، وذلك بسبب انشغالنا حقيقة في ترتيب التحديثاث في المنتدي هنا .. وهي كانت صراحة تتابع معنا ولا ترغب في ان تكون سبب في عطلتي او عرقلة دفع المنتدي للخروج بالتحديثات الاخيرة .. وبدوري اعتذر مجددا ان كنت اخفقت في ان نتواصل لنتفهم ما تأذت منه فريدة باشا .. وخاصة انها ليست عضوة عادية هنا في المنتدي ..


ثاني هام انا فصلت المداخلة الخاصة بفريدة ورد بروف عليها لكونها تستحق منا المداولة والرد حتي نتفهم ما احزنها وماالم بها .. لدرجة ان لاتجد راحتها في مكان اعطته من وقتها وعلي حساب وقت مستقطع من اسرتها ..

عزيزتي ام كريم .. المصارحة ولمكاشفة امر يجب ان نعامل به مشاكلنا ان كنا نسعي لحلها .. وقد يفوت احدنا امر قد يجرح احدهم ، ولكن لايجب ان نترك الامر هكذا ..

سيدتي كلنا اذان صاغية .. لحل لإزالة اي ضرر قد يكون احد ما تسبب فيه لشخصكم الكريم .. حتي ان ظللت في منتدي شئون مصرية تكوني متواجدة عن طيب خاطر .. وان قررت الرحيل .. فلا يكون بيننا إلا كل الود والإحترام .. الذي كان يجمعنا في هذا المكان ..



وكل سنة وانتي طيبة .

مالا تعلمه السيدة فريدة هو أنني قد بت قليل الدخول على النت عموما
وعندما فتحت بريدي منذ أيام وجدت مئات الرسائل محشورة فيه
مسحتها جميعا دون قراءة

طوال الأسبوعين المنصرمين ونحن مشغولون بالوالد
بين المستشفى (مكث أسبوعا) والبيت
ثاني يوم بعد خروجه طلبنا له الإسعاف طوارئ
وبقي في العناية الخاصة والملاحظة حوالى 24 ساعة
الآن انا طالع من عنده وهو بيتألم
طلبت منه ننقله المستشفى فرفض
حطيناله قربة ماء ساخن على موضع المل لعله يخف

لما قلتيلي ان ابنة اخيك اصيبت بحادث
دخلت البيت هنا
بيتك يا فريدة الذي تلفظينه اليوم
لأبلغ إخوانك واخواتك الذين بت لا تطيقين رؤيتهم
لأنني شعرت بما تحسين به يا فريدة هانم
أحببت أن يشاركك اهلك هنا ما تكابدينه

عموما أشكرك من قلبي

مين له نفس بعيد أو اعياد يا أختنا
العيد أمضيته جريحا في البيت
ورغم ذلك وجدتني اجرجر قدمي الجريحة وأذهب إلى العمل واداوم من يوم السبت
ربما لا تعرفين بما يشغل المدير المالي آخر السنة وحتى صدور الميزانية


ربنا يسامحك
كنت تتفقدينني من حين إلى آخر ولو بتحية عابرة
بت تتجنبينني في كل الأحيان

ربنا يسامحنا كلنا

وكأن جراحك أنت وحدها التي لا تندمل!!!!!!!!!!!!

مش سعيدة اني اكون تحت الاضواء بموضوع وحدي حقيقي..

بروف الحقيقية انا فعلا حطة صورة بنت اخويا معايا بس موصلنيش اي تهنئة
احتمال الماسنجر كان فيه مشكل
وعلي العموم وانت طيب بس اعتقد اني هنيت برسالة خاصة في المنتدي
وعلي الموبايل ليك وللمدام ..علشان اتاكد ان التهنئةو وصلت
يعني اللي بيحب يهني بيهتم ان التهنئة توصل من القلب ..

اكرم صدقني مش طفلة كل شوية هزعل ومحتاجة اتحايل او اخد الموضوع بشكل شخصي وحساس

كل الكلام او الرسايل الخاصة دليل انه اتفهم اني بقصد حزني انا وبس
ياريت مراجعة لكل كلمة قلتها قبل كده في اكتر من مناسبة في حزني علي ناس كتير رحلت
حزني الشخصي حاجة تانية خاصة بيا ده شيء خارج عن ارادتي ..خصوصا انها مش طبيعتي ..
لكن احتراما للود ..افضل ليا تجنب المنتدي ..وده رجاء...
ومن فترة طويلة
وكل كلمة بتتحمل ليا بمعاني بقف مذهولة قدام ترجمة معانيها بصورة تختلف عن مضمونها ..انا بسيطة في اسلوبي
ومش هتغير ..فيه تغيير من فترة هنا في المنتدي ومطلوب اني لازم اكون محددة في طريقة كتابتي..
مش بعرف ومش هعرف ..التلقائية من عيوبي ..

بكرر طبيعة مش هغيرها مهما كان

اسامة فعلا ربنا يسامحنا كلنا وعلي فكرة انا ببعتلك علي طول اوفلاين ماسيج بسال فيها عن صحتك
مش عارفة احتمال مش بتوصل ..

المعايدة اوفلاين ماسيج حاجة وبرسالة اتعودت عليها شيء اخر
عتابي مش ان حد عيد او لا ..لاني مش بحب العتاب ...لكن كان تاكيد لاحساس جوايا ..

وعموما هناك اسلوب تحاور اختلف ..لن استطيع التمشي معه فياريت بلاش تقولي العيلة
العيلة هنا عرفت ازاي توجعني ..مع اني كنت حريصة عليها اكتر من اي حد

وربنا عالم بخبايا القلوب ..فارجوكم بلاش تتهموني اتهام اخر واحدة ممكن تتهم بيه
وهي التخلي عن مكان كان بيسعدني ويبكيني...
التجنب لان كان فيه شعرة معاوية ..بس للاسف
هناك قشة قسمت شعر البعير..

احترامي للجميع مهما كانت اختلافاتنا ..

واشكركم علي مشاعركم في اصابة بنت اخويا

لو حاببة نغييره او نعدله .. انا جاهز ، لكن القشة التي قصمت ظهر البعير لم تكن تخص احد من الاعضاء هنا بما فيهم انت ولكنها كانت تعبير يصف موقف المؤسسين من هشام كاحد المساهمين في استمرار هذا المنتدي .. حتي وصلنا لما نحن الآن ويعلمه الجميع بتوجيه شكر لمجهوده واعفاءه من مسئوليات كانت علي عاتقه .. لكونها تتأثر بحياته الخاصة ..

واعتقد ان تلك المشكلة كانت تخص هشام فقط .. ولم يكن لفريدة صلة بالموضوع .. كما لم يكن لجاتيتا اي صلة بالموضوع اللهم إلا انها من تعرف علينا من خلال هشام .. وكذلك قمر الليالي ويمكن مصرية ...إلخ .. من اعضاء ولازالوا اعضاء بالمنتدي ..

مشكلة فريدة .. كما اراها قد تنحصر اساسا في مسألتيتن ..
اولها هي احساسها بالضيق من نقاش مسائل تخص المسيحية .. او طريقة نقاشها .. و الثانية قد تكون بسبب حده بروف في الحديث وهو ما اشتكت منه عضوات آخريات .. وياريت تصححي لي ان كنت نسيت او سهوت عن امور آخري ..

بس اعتقد ان دول اهم محورين ممكن يكونوا ساهموا في جرح فريدة باشا ..؟ فهل سيتسع المقام لنقاشها معك يا فريدة باشا .. او نقاش اي امور آخري .. قد تساهم في تحسين العلاقات والمودة .. التي تشتكي بانها قد لاتكون كالسابق ..

هناك اعضاء آخرين منهم من حجب عن شئون مصرية ومنهم من منعه كبرياءه من العودة للتواصل .. ولنفهم مشكلته تحديدا .. وان كنت اري ان مسألة الكبرياء تلك ليس محلها منتدي حواري .. ولايجوز ان تقحم في اي خلاف في موضوعات تثار علي النت .. لكون الاشخاص لايعرفوا بعضهم قدر المعرفة .. وقد يساء الفهم احيانا كثيرة لبعض التصرفات ..

بالإختصار .. كرامة كل فرد محفوظة ولم ينالها احد بضرر ، ونحاول قدر الإمكان المحافظة علي تلك الامور ... فلايجب ان نحمل المسالة أكثر مما تستحق .. ومن جانب آخر يجب ان يتفهم العضو ان يحسن الظن بمحاورييه وان يستوضح ما يعني لكون الكتابة في المنتديات لها طابع خاص وقد لا تكون معبرة بصورة واضحة عما يريد العضو ان يعبر عنه ..

اما عن محاولاتنا لتفهم مشكلة عضوة او عضو نعتز بمكانته في المنتدي ، فنعتقد ان اقل واجب من تجاهه ان يبادلنا نفس الإحترام والتقدير .. وان الإنقطاع والترفع وعدم المناقشة لن تحل مشكلة ولكنها تجمد موقف .. يتصاعد عن كل طرف وتشتد الخصومة بين الجانبين ..بلا مبرر منطقي ، خاصة لا سمح الله ان احد ما تتداخل ليزيد الخصومة دون ان يدري او يدري ..

يبقي الموضوع هنا قد يخص فريدة في ظاهرة ولكنه يمكن ان يوجه لآخرين مثل مصرية .. او قمر.. او جاتيتا .. او غيرهم .. وعذرا ان سقط اسماء البعض.

قشة قصمت ظهر البعير يا افندم

رسائل الأوف مشعل
قصدي أوفلاين كلها كانت بتوصل
وكنت ارد عليه أوف مشعلاني

وكم من رسالة اوفلاين بعتت بها
بس الظاهر ان ماسنجرك انتقائي
بيدي مابياخدش

وباقي الكلام
لا تعقيب لي عليه
زي ماحضرتك عارفة

أنا تعجبنى النقطة دى فى الكنديين كتير، عندهم تفهم أكتر لإختلاف العادات والمعتقدات.

أنا طول عمرى بسمع من حضرتك إزاى إننا بنجرح أحاسيسك الرهيفه بكلامنا وتصرفاتنا، لاكن هل تحترمين أنت أيضا مشاعرنا وأحساسينا؟

نعم نحن لدينا أحساسيس ومشاعر وليس أنتى فقط.

انا عاوز اقولك حاجة يا مصري افندي

القاعدة مع الناس هي التصالح و غير كده هوا الاستثناء
اسلوبك و افكارك مش بيتغيروا ابدا ,
انت اسلوب تحاورك فعلا محتاج شوية رجلشة و تضبيط عند واحد .......

المصري .. رجاء مخاطبة الناس بما تحب ان يخاطبوك .. نحن نريد ان نحل مشكلة لا ان ندخل في مشكلات تنفجر بشكل عنقودي .. مش خالصين .. رجاء الإلتزام بحد ادني من الحوار .. خاصة وان فريدة قد يكون اسلوب حوارك احد مشاكلها ..فلا نريد ان نزيد الطين بله ..

بنبوطي نفس الشيئ .. رجاء التشبيهات تلك المحذوفة .. تسهم في تأزييم الامور .. خلينا محضر خير.. حتي المراكب تسير ..

المصري على صواب في جوهر كلامه
وإن كان النص بصيغته علامة مسجلة للمصري
بنبوطي وأكرم مع مسيرة المصالحة منذ البداية

وهل هناك ما هو أجمل من التصافي والتصالح
تصالح متوازن فيه احترام للذات وللآخرين
وإعطاء كل ذي حق حقه

وما اعنيه هنا ان كل من تدخل في الموضوع قد بذل الجهد الذي يطيقه
فهل وصلوا إلى ما يهدفون إليه



أسأل الله أن يكلل هذه المساعي بالنجاح

عن رسول الله صلى الله عليه وسلم : التمس لاخيك بضع وسبعون عذرا.
وفى مفهومى المتواضع انه ينطبق على جميع من يعيش تحت سقف واحد ولا يقول شخصا ما ان هذا الكلام موجه للمسلمين فقط . فليذهب ليعيش فى بلد ليس بها الا مسلمين. كلنا نحتاج لبعض وكلنا نعيش مع بعض . هبا نعذر بعضنا بعضاونعبش فى هدوء.

الله يرضى عليك يا استاذ حسن....ويرضى الله عن والديك ...

الاخ العزيز اكرم
على فكرة بوكييه الورد اللى انت اهديته لمدام فريدة
هو اصلا بوكييه اهدته لنا مدام فريدة ولف ولف ولف وعاد اليها مرة اخرى...

مدام فريدة
منوارنا يافندم....وكل سنة وانت طيبة لا اعرف ان كنت هنئتك بها سابقا ام لا لم اعد اتذكر الاشياء لكثرة الحوادث...

ياعم حسن .. هو قول حسن لكن ما مصدره ياترى؟
توثق مما تنقل قبل أن تقع في فخ التقول على رسول الله بمالم يقله .. وهذا خطير جدا:

التمس لأخيك 70 عذرا هل هذا حديث؟ وإذا كان حديثا أريد التكملة والسند وشكرا

الحمد لله والصلاة والسلام على رسول الله وعلى آله وصحبه، أما بعـد:

فليس هذا حديثا، بل هو قول لجعفر بن محمد، أخرج الإمام البيهقي بسنده في شُعَب الإيمان إلى جعفر بن محمد قال: إذا بلغك عن أخيك الشيء تنكره فالتمس له عذرا واحدا إلى سبعين عذرا، فإن أصبته، وإلا، قل لعل له عذرا لا أعرفه.
وأخرجه ابن عساكر بسنده إلى محمد بن سيرين من قوله أي من قول ابن سيرين، ولفظه: قال ابن سيرين: إذا بلغك عن أخيك شيء فالتمس له عذرا، فإن لم تجد له عذرا فقل لعل له عذرا
والله أعلم.

[color=#008000][b]المفتـــي: مركز الفتوى بإشراف د.عبدالله الفقيه

والله أعلى وأعلم
[size=3]http://www.amalislam.com/vb/showthread.php?t=14114

جزاك الله خيرا على ما تفضلت به من حسن المقصد ..

يمكن الفكرة ماكنتش واضحة كويس بس هوه فيه مثال حى عشته يوضح الفكرة.
لى صديق من فيتنام إسمه تران أعرفه من فترة، تدور الأيام وينتقل للمدينه اللى أعيش فيها وجاه يقعد عندى كام يوم لغاية ما يظبط أموره، المهم هوه قرر يعمل واجب معايا وقاللى الفطار عليه. أنا عارف إن أكلهم ممكن يكون فيه مفاجئات غير سعيده بس متوقعتش إنى أقشر البيضه وألاقى جواها شبه كتكوت، وبعدين دى مش غلطه هما بياكلوه كده والكرتونه كلها كده.

لما ظهر عليا الإشمئزاز عن غير قصد ورفضت آكل لقيت إنه إتغير وزعل، بس شرحتله على هداوه إن عندنا أصول للأكل، وبدأ هو يستفسر منى أكتر عن الأصول وإتغير وبدأ عليه الإرتياح، ومن ساعتها كل ما يفكر يطبخلنا حاجه، بيطلع على النت ويكتب Halal وبعدين يورينى.

فأنا مش قرفان من تران، ده حتى أنا لما بكون قريب من السوبر ماركت الصينى بأتصل بيه أشوفه عايز بيض بكتاكيته وللا من غير.، وتران مش زعلان منى والعلاقة مية مية ولغايه دلوقتى بنتزاور وبنسأل عن بعض. فطالما هوه فهم إن دى عاداتنا وأصولنا وأن فهمت عاداته وأصوله وإحترم كل منا عادات وأصول الأخر فلن يكون هناك زعل أو مشاكل. فأنا لم أطلب منه أن يغير هويته، فلم سيحزن هوه إن لم أغير هويتى لتناسبه، يعنى الإحترام المفروض يكون متبادل ،فلن يفرط أحدنا فيما يعتقد.


وده ما قصدته بأن الجماعة هنا معندهمش عقد وغيره بقدر ما عندهم تفهم وإحترام للإختلافات الثقافية والعقائدية.

الله ينور عليك يا مصري..
لقد ضربت مثل نموذجي..

الموضوع ببساطة كده يا عم مصري و من غير فيتنام و لا كتاكيت

اننا عايشين وسط مجتمع مصري صميم يتميز بدفء المشاعر و العواطف و احترام الغير المتبادل مش في بلاد العواصف و الجليد و المشاعر المتجمدة

و خد عندك بقى المثال النموذجي ده على راي بروف
خلى واحدة كده تصّوت في الشارع تلاقى امة لا اله الا الله ملمومة حواليها كل واحد بيسألها في ايه و حصل ايه

لهذا احنا كشعب طيب و حونين مولودين كده بالفطرة و مهما دقت على الراس طبول و مهما عشنا في الغم و البؤس هتلاقى ان القطاع العريض من المصريين ما زالت الشهامة و المروءة بداخل كيانهم و مزروع فيه , تقولش فقر يا اخى , الله اعلم

انما موجود و بيحصل و الرسول قال عليه الصلاة و السلام ان الخير في امتى الى يوم الدين .

لهذا لما الاقى حد متضايق من كلمتين قولتهم ليه ,
مقعدش اضغط عليه و اطلع روحه و اطفشه ,
ليه طيب

بسيبه يروح لحاله لان الموضوع هنا اذا استمر هيتحول الى عداوة و كره و بغض ... طب انت نابك ايه من القصة دي , ما الطيب احسن و كل واحد يقصر و يبقى في حاله
و عيش و سيب غيرك يعيش
و كما قال البشمهندس برنارد شو ان حريتك تقف عند طرف انفى !

كتاكيت المصري وفقر بمبوطي لا يختلفان

الكنها الشهامة اللي موديانا ف داهية
ولو على رقبتي زي ما بيقولوا

المشكلة في جرح فريدة النفسي
ولأنها فريدة
فقد ادمنت الجرح
وبات ملازما لها كجرحي الذي تقرح وفشلت فيه كل العلاجات

علشان كده
انا -اعوذ بالله ون ال أنا- اقشعر عندما يأتي من يرش على الجرح ملحا
مع أن من علاجات الجرح غسله بمحلول ملح
بس محلول خفيف
مش ييجي يعمل منه فسيخ والا طرشي

فريدة خانوم
كرامتك مصانة .. ولك مالنا .. وعليك ما علينا
أنت تعلمين تمام العلم بأن لك ما لم يكن لغيرك ..
وأن مكانتك بيننا -رغم صغر سنك- في مقام الأخت الكبرى برجاحة عقلك وكريم خلقك ..
ولقد زهدت في قهوة زهيدة لأنها أصبحت ماصخة .. وكأنها بتحط عليها علقم بدلا من حب الهال ..

بس خلاص

ياعم حسن .. هو قول حسن لكن ما مصدره ياترى؟
توثق مما تنقل قبل أن تقع في فخ التقول على رسول الله بمالم يقله .. وهذا خطير جدا
>>>>>>>>>>>>>>>>>>>>>>>>>>>>>>
اذا كان كذلك فانى استغفر الله واعتذر لرسوله عليه الصلاة والسلام.