المساعدة - البحث - قائمة الأعضاء - التقويم
نحو حزب مصري جديد
منتديات شئون مصرية > منتديات السياسة والإقتصاد > شئون مصريـــــة
أحمد باشــا
تسود في أوساط السواد الأعظم من الشعب المصري حالة عزوف تامة عن الأشتراك في أي حزب سياسي

فأراء معظم أفراد الطبقة المثقفة أنه لا يوجد حزب موجود على الساحة يلبي مطالب الشعب الحقيقية

و الطبقات الكادحة ألتي تلجأ في كل الأمم للأحزاب و النقابات لتلبية طموحاتها نجدها في مصر عازفة تماما عن ذلك

فلو تخيلنا أننا قررنا أنشاء حزب جديد يلبي معظم أراء و طموحات هذه الطبقة الغائبة عن مسرح النشاط السياسي في مصر
  • فما هي أسس و مبادئ هذا الحزب المقترح
  • و ما هو لونه السياسي ....محافظ ....تقدمي ....ليبرالي .....أيدولوجي
  • و ما هو برنامجه الأنتخابي ألذي يرضيك و يجعلك تخرج من حالة التقوقع و تشارك في الأنتخابات لتختاره
  • و ما هي الطموحات المستقبلية ألتي تتمنى أن يتبناها مثل هذا الحزب الجديد
  • و ما شكل نوعية الحكم ألتي ترى أنها الأصلح لمصر و يعمل هذا الحزب من أجل تحقيقها


شارك برأيك يا صديقي و أحلم و تخيل ما تتمناه من مستقبل .......فربما تتحقق أحلامنا
Prof
طيب ممكن اتقدم باقتراح.. بس عشان ما نبدأش من الصفر في موضوع سبق وان تناولناه وتناولنا أطراف عديدة منه منه من قبل.. وقطعنا فيه شوط..
أقترح الاطلاع على هذين الرابطين قبل استكمال النقاش..او ضم هذا الموضوع إلى أيهما لو وجد ان الضم مناسب..
الموضوعين هنا:

اسلامستان

نحو اصلاح سياسي بمصر
ragab
نعمل
حزب البعث الوطنى الديموقراطى
أحمد باشــا
ممكن ضم الموضوعين يا بروف

حتى على الأقل كخلفية لأفكار جديرة بالأهتمام لم ترى النور

لكنني فعلا في شوق لمعرفة ما يريده السواد الأعظم من الشعب الغائب ....الغائب

و ماذا يمكن أن يحفزه على أن يعلوا صوته و ينتبه
farida
من الشعب الغائب ....الغائب

ياريت عزيزي الخفي توضيح عن معني الشعب الغائب

وياتري علشان مايكنش غائب منتظرين منه ايه .. يحارب بعضه الاول
علشان يصحصح ويعرف يختار ..

بامانة احب افهم جدا منك عزيزي المقصود بالغااائب ..لاني شايفة ان الحاضر بيحتضر unsure.gif

هشارك اكيد تاني برايي عن مفهوم حزب في خيالي ومحدش عارف يمكن يتحقق
في يوم الحلم اللي في بالي smile.gif
El-Masri
اقتباس (اللهو الخفي @ Sep 26 2007, 05:23 PM)
[*] و ما هو لونه السياسي ....محافظ ....تقدمي ....ليبرالي .....أيدولوجي

أمريكا على إستعداد لدعم أى حزب على ألا يكون إسلامى، فالبحث عن بديل للإخوان لا يكل. biggrin.gif
أحمد باشــا
اقتباس
ياريت عزيزي الخفي توضيح عن معني الشعب الغائب

وياتري علشان مايكنش غائب منتظرين منه ايه .. يحارب بعضه الاول
علشان يصحصح ويعرف يختار ..


كان ممكن تتوقفي عند مرحلة الأستفهام فقط

بدلا من أفتراض أجابات خيالية مريضة بالشك و التحفز

شعب غائب عن السياسة و عن المشاركة السياسية لا بيشترك في أحزاب و لا بيشارك في أنتخابات.....و لا بيقول رأيه .....و لا حد من صناع القرار يهمه رأيه

أيه بقى أللي جاب حرب المعيز

أحمد باشــا
اقتباس (El-Masri @ Sep 27 2007, 11:51 AM)
اقتباس (اللهو الخفي @ Sep 26 2007, 05:23 PM)
[*] و ما هو لونه السياسي ....محافظ ....تقدمي ....ليبرالي .....أيدولوجي

أمريكا على إستعداد لدعم أى حزب على ألا يكون إسلامى، فالبحث عن بديل للإخوان لا يكل. biggrin.gif

و لو كانت أمريكا دعمت الأخوان ....هل يعتبر ذلك مقبولا
El-Masri
هل ننشأ أحزاب ونفكر فى المستقبل بناء على إفتراضات خيالية؟

لاحظ أن هناك موضوع نشط أيضا فى صفحة اليوم "الإخوان أم الوطنى".

هوه فى إنتخابات قريبا وللا الريس بيودع خلاص؟
أحمد باشــا
اقتباس
هل ننشأ أحزاب ونفكر فى المستقبل بناء على إفتراضات خيالية؟


لا هي أحلام لكن نتمنى أن تتحقق
farida
أيه بقى أللي جاب حرب المعيز

يافندم الحرب اللي اقصدها هي بين الشعب بينا وبين بعض ..وانامش نعامة هخفي راسي واقول
اه العلاقة بينا فلة ...لا العلاقة بتسوء واحنا بنساعد في ده
حرب خفية اكتر من ايد بتساعد في شعللتها

عموما الحزب اللي متخيلاه يا مصري مش هيتحقق لانه خيالي
حزب اعترف بمصداقية الكلمة والتزامه بيها
حزب ثابت علي مبدا وغير متناقض في افعاله ..

للاسف عزيزي الخفي هكمل مداخلتي يوم السبت مضطرة انزل ..

بس المعيز دي شدتني ارد بسرعة wacko.gif
أحمد باشــا
اقتباس
يافندم الحرب اللي اقصدها هي بين الشعب بينا وبين بعض


حرب أهليـــــة .....و محدش واخد بالــــه fi&h.gif




بس باين كده من أولها أن الشعب حتى معندهوش أحلام للمستقبل
1(()).gif
فكره
انا اقول راى

نفسى فى حزب مصرى لكل المصرين العقلاء ( من وجه نظرى طبعاً)
نفسى فى حزب يحس بهموم الغلابه ( ال هو انا )
نفسى بحزب مرجعيته هى ممكن تصلح كل حاجه ( المرجعيه الاسلاميه طبعا )
نفسى فى حزب اغلبيته من الشباب الطموح ( مش الشباب بتاع مامى وبابى )
نفسى الناس ال فى الحزب 15 ولا 20 واحد منهم يتجنوا من كتر التفكير ( دليل على مصداقيه الفكره والتضحيه من اجل الصالح العام )
نفسى فى حزب مش بيخاف ( يعنى يقول رايه مش مهم الناس المستسقسفقين دول حيقولوا ايه )
لان انا واصحابه فى العزبه لو عجبنا الحزب حنشترك فيه حتى لو باب ..... وماما ..... مش موافقين وكمان الناس المستسفقسنقفين
واعزرونى لما ننجح حنفز برنامج الحزب حتى لو كان فى الجزب قطع رجول وايادى وكمان نجلد الزانى
لان هى دى الديموقراطيه
وانا راجل ديموقراطى وبحب الديموقراطيه
يا امه تعملوا حزب تانى وتسقطونا فى البرلمانيه
وسعتها حنحترمكم بس برده حنقوى نفسنا علشان نغلبكم فى الدوره الجايه

-----------------------
اخوكم فكره
ياويله ال حيقع تحت درسه
قريبا فى كل حته فى المنتدى
حشيش
اقتباس (اللهو الخفي @ Sep 27 2007, 02:23 AM)
فما هي أسس و مبادئ هذا الحزب المقترح

و ما هو لونه السياسي ....محافظ ....تقدمي ....ليبرالي .....أيدولوجي


طب ممكن الأول نبذة مختصرة للناس اللى مكملوش تعليمهم عن معنى هذه الكلمات
( محافظ ....تقدمي ....ليبرالي .....أيدولوجي ) nerddd.gif
gavara
انا بستغرب اوي ان الناس كلها اجتمعت علي ان اشعب سالبي ومش بيعمل حاجه هو مش الشعب برده اللي تحدا الوطني بجبروته ودخل الاخوان المجلس ومش برده الشعب هو اللي بيعمل اضراب ومظاهرات وتحدي واضح للحكومه
هو مش احنا برده الشعب الساخط واللي بيتكلم عن عيوب ومساؤي الحكومه وبيشتم كمان في الحكومه ما كل ده ايجابيات بقت موجوده فينا
الشعب بيحفر اهو في الصخر علشان ينتزع حقه وهيوصل ليه لا اكيد هيوصل
يا ريت نتفأل شويه ونعطي الشعب حقه علشان النجاح لما يجي ميجيش لفرد بعينه يجي للناس كلها
في حرب اكتوبر الشعب هو اللي حارب والنجاح اتنسب لناس كانو قاعدين في التكيفات وهما اللي بقو ابطال وهما اللي جنو ثمار العبور اما الشعب هو اللي لسه بيدور علي حقه
فكره
بص يا عم حشيش وربنا يسترها علينا منك علشان البوكس فى كل حته

لو عاوز تعرف يعنى ايه اجولك

محافظ يعنى محافظ على نفسه
تقدمى دى بجا يعنى بيتجدم لادام
اما ليبرالى دى بجى معرفه ال هم الناس ال بتنحبس زى عمك ايمن نور
اما ايدلوجى دى يعنى كان علمى فى الثانويه العامه
شفتوا بقى اجوكم فكره

قريبا شرح مفصل ان شاء الله بعد العيد لانى مشغول جدا علشان بنجمع الغله

------
اخوكم فكره
يا ويله ال خيقع تحت درسه
قريبا فى كل حته فى المنتدى
El-Masri
اقتباس (اللهو الخفي @ Sep 26 2007, 05:23 PM)
[*] و ما هو لونه السياسي ....محافظ ....تقدمي ....ليبرالي .....أيدولوجي

الشعب فى إنتظار الحزب الأيدلوجي المعجزه الذى لا يأتيه الباطل من بين يديه. biggrin.gif
farida
حرب أهليـــــة .....و محدش واخد بالــــه

ياااااااااااااااااا للهول الم تلاحظ يا عزيزي الخفي اننا بقي عندنا صداع سرطاني مزمن
علي وشك يدمرنا لولا شوية مسكنات ومهدئات لسرطان بيتشعب ويتوغل
مش هتاثر فيه لا مسكنان ولا جلسات كيمايوية ...واعتقد حتي الاستئصال
هيموت خلايا كانت في يوم حية ...

ما علينا يا فندم احلامي فعلا تلاشت مع صدمات وكارثة اسمها الاعلام

خنقت كل احلامي بحزب مثالي ..الجو الاعلامي كله بقي فيه خروم اوزون كتير
كذب ورياء ..معاكم معاكم وعليكم عليكم ..دعايات وشعارات مليش فيها

فين الناس وفين الكلمة الامينة اللي تحفزني احلم بحزب يحميني كمواطنة لها حقوق
وعليها واجبات ...لكن الكلمة الصادقة بتوه وسط فضائيات وصحف وانترنت بيتوهوا العقول .

فيه انقسام مفيش احزاب تصنع دولة قوية ..

معلش يمكن خذلتك يا خفي بس مش هقدر اضحك علي نفسي shishi.gif



أحمد باشــا
اقتباس
معلش يمكن خذلتك يا خفي بس مش هقدر اضحك علي نفسي


لو علي تبقى المشكلة بسيطة ......لكن المشكلة في البلد

ده معناه أن الشعب كله بقى متواكل و منتظر حد من فوق يعمل له عمله

دستوريا لا طريق لحكم الشعب لنفسه ألا عن طريق الأحزاب

و محدش مقتنع بالأحزاب الموجودة على الساحة ......ولا حتى بفكرة تكوين حزب عالمزاج

الظاهر أن مفيش مزاج أصلا
farida
الظاهر أن مفيش مزاج أصلا

لا مش المزاج الحكومة ممكن يجي غيرها لكن الشعب ممكن يتغير ازاي

يبقي الموضوع متعلق في انعدام الامل ..بقينا هوبلس كيس يا عزيزي

صدقني حزينة اني بكتب كده بس ده احساس متملكني الفترة الاخيرة ..

اتمني اكون الوحيدة اللي فاقدة الامل ..مع اني كنت مفعمة بالامااااااااال smile.gif
invisible
اقتباس
الحكومة ممكن يجي غيرها لكن الشعب ممكن يتغير ازاي

صـــح thumb.gif
فكره
السلام عليكم
الاستاذ اللهو الخفى

بعد اذنك حضرتك قولت


الشعب فى إنتظار الحزب الأيدلوجي المعجزه الذى لا يأتيه الباطل من بين يديه.


انا عاوز اعرف حضرتك شىئ واحد واذكر بيه الاعضاء واذكر نفسى طبعا
الحزب الايدلوجى ( العقائدى) مش شرط يكون حزب ساماوى يعنى مبادئ الحزب ساماويه

الحزب الايدلوجى ابسط من كده بكتير
بختصار الاحزاب الايدلوجيه احزب مختلفة فيما بينها من حيث البرامج والاهداف والوسائل والدين قد يكون سبب ولكنه ليس الوحيد
وان شاء الله زى ما قلت لى عوه لشرح انواع الاحزاب بالتفصيل زى ما بعض الاعضاء طلبت
أحمد باشــا
اقتباس (فكره @ Sep 30 2007, 03:08 PM)
السلام عليكم
الاستاذ اللهو الخفى

بعد اذنك حضرتك قولت


الشعب فى إنتظار الحزب الأيدلوجي المعجزه الذى لا يأتيه الباطل من بين يديه.


انا عاوز اعرف حضرتك شىئ واحد واذكر بيه الاعضاء واذكر نفسى طبعا
الحزب الايدلوجى ( العقائدى) مش شرط يكون حزب ساماوى  يعنى مبادئ الحزب ساماويه

الحزب الايدلوجى ابسط من كده بكتير
بختصار الاحزاب الايدلوجيه احزب مختلفة فيما بينها من حيث البرامج والاهداف والوسائل والدين قد يكون سبب ولكنه ليس الوحيد
وان شاء الله زى ما قلت لى عوه لشرح انواع الاحزاب بالتفصيل زى ما بعض الاعضاء طلبت

موش أنا أللي قلت الكلام ده ......واحد تاني أسمه المصري

على فكرة نحن الآن نعيش أيدولوجيا الفساد .......و الفساد موش جاي من السما .....لا من البلاعة 8LLL.gif
فكره
اشكرك على التوضيح

مع اختلافى مع كلامك من الناجيه الكاديميه فى ايدلوجيا الفاسد

المهم نشوفكم بعد الفطار
مصرية
اقتباس (gavara @ Sep 28 2007, 03:09 AM)
انا بستغرب اوي ان الناس كلها اجتمعت علي ان اشعب سالبي ومش بيعمل حاجه هو مش الشعب برده اللي تحدا الوطني بجبروته ودخل الاخوان المجلس ومش برده الشعب هو اللي بيعمل اضراب ومظاهرات وتحدي واضح للحكومه
هو مش احنا برده الشعب الساخط واللي بيتكلم عن عيوب ومساؤي الحكومه وبيشتم كمان في الحكومه ما كل ده ايجابيات بقت موجوده فينا
الشعب بيحفر اهو في الصخر علشان ينتزع حقه وهيوصل ليه لا اكيد هيوصل
يا ريت نتفأل شويه ونعطي الشعب حقه علشان النجاح لما يجي ميجيش لفرد بعينه يجي للناس كلها
في حرب اكتوبر الشعب هو اللي حارب والنجاح اتنسب لناس كانو قاعدين في التكيفات وهما اللي بقو ابطال وهما اللي جنو ثمار العبور اما الشعب هو اللي لسه بيدور علي حقه

معلش يا جفارا عايزة أرد من ساعتها لكن مفيش فرصة.

المهم

حضرتك عايز تسيب البلد وتسافر ومش لوحدك دي الحقيقة بقت ظاهرة في الشباب المصري؛ يبقى فين الإيجابية في الموضوع؟
farida
مصرية ازيك عاملة ايه wub.gif

اعتقد جيفارا برغم يمكن رغبته انه يسافر نتيجة اي ضغوط هو شاعر بيها

لكن في النهاية بيتكلم وبيقول رايه مش سلبي ..غيره للاسف
بيقرا ويقول انا مالي ...
يبقي السلبية مش معممة والانسان المصري مش مغيب

مش لازم مظاهرات وتخريب و صوت عالي علشان يكون ايجابي smile.gif
عموما الايجابية اكيد بشاركك فيها بان كل واحد يعمل اللي عليه الاول
قبل ما يطالب بمليون حق وهو مقصر في واجباته reye--.gif

الهروب مش الحل اكيد
لكن مواجهة النفس وبدايةالنظر للانا ومحاسبتها اولا علي تقصيرها وتخاذ لها smile.gif


أحمد باشــا
اقتباس
عموما الايجابية اكيد بشاركك فيها بان كل واحد يعمل اللي عليه الاول
قبل ما يطالب بمليون حق وهو مقصر في واجباته


بس قبل ما نطالبه بالأيجابية و عدم المطالبة بالحقوق

يجب أن نوفر له حتى الحد الأدنى من متطلبات العيش الآدمي و الكرامة و أحترام آدميته

و بعدين نعلمه الأدب و نقول له وطي صوتك

لكن الجوعى لا يملكون سوى الصريخ

عمال المحلة على سبيل المثال ماهيتهم تتراوح ما بين 150 ألى 450 جنيه شهريا

يعني ثمن وجبة عشاء متوسطة أو فاخرة لشخص واحد من أللي بيقولوا لهم و طي صوتكم بلاش دوشة
مصرية
اقتباس (farida @ Oct 2 2007, 03:19 AM)
مصرية ازيك عاملة ايه wub.gif

اعتقد جيفارا برغم يمكن رغبته انه يسافر نتيجة اي ضغوط هو شاعر بيها

لكن في النهاية بيتكلم وبيقول رايه مش سلبي ..غيره للاسف
بيقرا ويقول انا مالي ...
يبقي السلبية مش معممة والانسان المصري مش مغيب

مش لازم مظاهرات وتخريب و صوت عالي علشان يكون ايجابي smile.gif
عموما الايجابية اكيد بشاركك فيها بان كل واحد يعمل اللي عليه الاول
قبل ما يطالب بمليون حق وهو مقصر في واجباته reye--.gif

الهروب مش الحل اكيد
لكن مواجهة النفس وبدايةالنظر للانا ومحاسبتها اولا علي تقصيرها وتخاذ لها smile.gif

إزيك إنت يا فري أخبارك إيه؟

أنا مش بتهم حد بأي حاجة لكن بقول إن قرار الهروب من البلد لإن الظروف وحشة فعلا قرار مش إيجابي؛ لكن المشكلة الكبيرة إن البقاء فيها كمان بقى صعب ومش قرار سليم.

يعني البيضة قبل الفرخة ولا الفرخة قبل البيضة.

ولي عودة a-o--0.gif
invisible
اقتباس

بس قبل ما نطالبه بالأيجابية و عدم المطالبة بالحقوق

يجب أن نوفر له حتى الحد الأدنى من متطلبات العيش الآدمي و الكرامة و أحترام آدميته

و بعدين نعلمه الأدب و نقول له وطي صوتك

لكن الجوعى لا يملكون سوى الصريخ


صــح يا باشمهندس 1(()).gif
Akrum
الحمد لله .. كنت قلقان بشكل مريع ان الحزب الوطني مينتخبش حسني مبارك رئيسا له ، عيشونا في قلق لشهور !!!. طبعا مش انا بس .. لآ كافة طوائف الشعب الحاضر والغايب .. المهم حد عنده فكرة في حكاية مؤتمرات الحزب دي ، ومدي تأثيرها في الشارع !! لحسن جاي لي هاجس مخيف بان مفيش حد متابعه smile.gif
تصحيح
http://www.egyptiantalks.org/invb/index.ph...wtopic=6820st=0
Prof
اقتباس
    *  فما هي أسس و مبادئ هذا الحزب المقترح
    * و ما هو لونه السياسي ....محافظ ....تقدمي ....ليبرالي .....أيدولوجي
    * و ما هو برنامجه الأنتخابي ألذي يرضيك و يجعلك تخرج من حالة التقوقع و تشارك في الأنتخابات لتختاره
    * و ما هي الطموحات المستقبلية ألتي تتمنى أن يتبناها مثل هذا الحزب الجديد
    * و ما شكل نوعية الحكم ألتي ترى أنها الأصلح لمصر و يعمل هذا الحزب من أجل تحقيقها


أنا أعتقد ان التصنيفات ممكن تتوه.. خصوصاً لما يكون الواحد بيطلقها على نفسه أو على مسيرته..
عموماً عشان ما اطولش في المقدمات..
أنا عايز حزب اسلامي.. منهج ومرجعية وتوجه عام.. مش الإخوان.. بس ما فيش مانع لو فيه من الإخوان أو لو كان في برامجه ومناهجه إعادة صياغة للطيب من فكر الإخوان.. او لو كان فيه نبذ وإعادة نظر لما لم يستطع الإخوان تسويقه..

حزب يستوعب كل تجارب الآخرين ويقدم مشروع جديد قادر على اختراق تراكمات سميكة لقرن أسود من قرن الخروب..

thinkkkkk.gif
يظهر سرحت شوية.. هو المطلوب نسرح والا تكلم في الواقع المريض.. قصدي المرير؟
El-Masri
هوه ليه محافظ وتقدمى تم ترجمتهم للعربية، وليبرالى وإيدولوجى سابوهم زى ماهم؟ يمكن عشان ليبرالى مثلا يعنى متحرر والكلمة مش حتجيب زباين فى المنطقة، أنا شايف إن الإسماء دى كلها مجرد علامات تجاريه مستورده لا معنى لها فى مجتمعاتنا ومشاكله.
Prof
ربما لا معنى لها.. أياً كان ما تقصده..
ولكن من ناحية الوجود فهي لها وجود.. على الأقل الوجود المتمثل في الغرس الثقافي للغرب.. ممن يتبنون مواقف وفكر الغرب أكثر من أي شئ آخر.. ومنهم من مر بغسيل للمخ.. ومنهم من نشأ وتشكل مخه بالأساس على فكر وغذاء غربي.. وقبله لم يمتلك أي حس تجاه زخم الشرق..

يبدو أن التوسع في تفصيل هذا سيجرنا لإجراء عملية مسح للواقع قبل تكملة الحديث..
تصحيح

عام 2003 و من خلال محاورات المصريين و منتدي شئزن مصرية قمت و مجموعة متميزة من الزملاء ببحث هذا الموضوع ليس فقط من خلا[code] المنتديات بل استخدمنا غرفة بالبال توك كل خميس اسبوعيا للتحاور

في البداية كانت المناقشات تدور حول حزب افتراضي علي النت

السؤال الاول كان و ما يزال ............. لماذا حزب جديد ؟


أرجو الرجوع الي رابط الموضوع بمحاورات المصريين حيث تم حذفه من منتديات شئون مصرية فهناك جهد من مجموعة متميزة للغاية يمكن الاستفادة مما ورد به من أفكار بل ايضا يمكننا فتح غرفة البال توك لمعاودة النقاش حول نفس الموضوع


http://www.egyptiantalks.org/invb/index.ph...wtopic=6820st=0

و شكرا
تصحيح
اقتباس

إذا كنا نهتم بالعمل السياسي لماذا لم ننضم إلي حزب من الأحزاب القائمة؟

قد تكون الإجابة :

برنامج الحزب لا يفي بالحد الأدنى  لما أطمح أن تكون عليه مصر
و في الحقيقة هذه إجابة متسرعة فأنا شخصيا لم تتوفر لي الفرصة لقراءة 17 برنامج حزبي للأحزاب القائمة


و قد تكون الإجابة الثانية :

أسلوب عمل الأحزاب القائمة لا أقبله .. فكيف أعمل علي تحقيق دولة الديموقراطية الحقيقية من خلال حزب ذا قيادة ديكتاتورية
إيماني بوجوب التغيير و تداول السلطة علي مستوي رئاسة الجمهورية يصطدم بوجود قيادة للأحزاب القائمة لا تتغير إلا بوفاة زعيم الحزب .


و قد تكون الإجابة الثالثة:

القيادات الحزبية الموجودة ليس من بينها ما أعتبره قدوة في العمل السياسي .. بحثت كثيرا عن الإخلاص لله و العمل المتجرد في سبيل رفعة الوطن و لم أجده .. الفساد و السعي وراء المصالح الضيقة طال كثيرا من قيادات و أعضاء الأحزاب الموجودة


أما الإجابة الرابعة فقد تكون:

فاعلية الأحزاب الحالية محدودة للغاية و لا تقترب و تلامس المواطن أو تتفاعل مع  هموم الإنسان المصري البسيط .. و إلا لحدث بعض التغيير خلال ربع القرن المنصرم


و الخامسة .. أو السادسة و حني العاشرة .. أسباب كثيرة كانت السبب في الوصول لفكرة إنشاء حزب جديد

فهل تتفق معي


......  إذا اشترك معنا في صنع شئ عملي من أجل التغيير للأفضل

شئ نافع


http://www.egyptiantalks.org/invb/index.ph...topic=6820&st=0
أحمد باشــا
اقتباس (تصحيح @ Nov 19 2007, 07:20 AM)
اقتباس

إذا كنا نهتم بالعمل السياسي لماذا لم ننضم إلي حزب من الأحزاب القائمة؟

قد تكون الإجابة :

برنامج الحزب لا يفي بالحد الأدنى  لما أطمح أن تكون عليه مصر
و في الحقيقة هذه إجابة متسرعة فأنا شخصيا لم تتوفر لي الفرصة لقراءة 17 برنامج حزبي للأحزاب القائمة


و قد تكون الإجابة الثانية :

أسلوب عمل الأحزاب القائمة لا أقبله .. فكيف أعمل علي تحقيق دولة الديموقراطية الحقيقية من خلال حزب ذا قيادة ديكتاتورية
إيماني بوجوب التغيير و تداول السلطة علي مستوي رئاسة الجمهورية يصطدم بوجود قيادة للأحزاب القائمة لا تتغير إلا بوفاة زعيم الحزب .


و قد تكون الإجابة الثالثة:

القيادات الحزبية الموجودة ليس من بينها ما أعتبره قدوة في العمل السياسي .. بحثت كثيرا عن الإخلاص لله و العمل المتجرد في سبيل رفعة الوطن و لم أجده .. الفساد و السعي وراء المصالح الضيقة طال كثيرا من قيادات و أعضاء الأحزاب الموجودة


أما الإجابة الرابعة فقد تكون:

فاعلية الأحزاب الحالية محدودة للغاية و لا تقترب و تلامس المواطن أو تتفاعل مع  هموم الإنسان المصري البسيط .. و إلا لحدث بعض التغيير خلال ربع القرن المنصرم


و الخامسة .. أو السادسة و حني العاشرة .. أسباب كثيرة كانت السبب في الوصول لفكرة إنشاء حزب جديد

فهل تتفق معي


......  إذا اشترك معنا في صنع شئ عملي من أجل التغيير للأفضل

شئ نافع


http://www.egyptiantalks.org/invb/index.ph...topic=6820&st=0

ده ملخص جيد يفسر عزوف معظم الطبقه المثقفه عن العمل الحزبي

لكنه لا يفسر عزوف المصريين عامة عن العمل السياسي

ربما كان الأولى أن نبحث لماذا لا يشارك المصريون في العمل السياسي

و أبسطها ضعف المشاركات في أبداء الرأي أو التصويت في الأنتخابات

ربما لا أرى أي من الأحزاب القائمه يلبي طموحاتي .... لكن ماذا يمنعني من أبداء رأيي

ربما كان أسلوب القمع و تكميم الأفواه و التنكيل بمن يجاهر حتى بأبداء الرأي هو أصل المشكلة

للأسف معظم المثقفون لا يحملون حتى بطاقة أنتخابية
تصحيح
أخي الفاضل


اقتباس
ربما كان الأولى أن نبحث لماذا لا يشارك المصريون في العمل السياسي



انه سؤال مهم

mooode helal
جاء الحل
شوفو الاسطوره المصريه القادمه
كيف تتكلم
بسم الله الرحمن الرحيم
انى ارى فى موضوع الاخوان
المسلمين انهم اصحاب مصلحه
وان سعيهم هو وراء كرسى
السلطه لاجبار الشعب على
اهدافهم ومبادئهم دون النظر
الى مصلحه الشعب او الكيان
الخاص بالمواطن وسيعود ريمه
الى العاده القديمه انما اختلافت
الاسماء والمسميات والاهداف
واصبحت الحريه فى قبر العناء
من اتجاه الى ا تجاه اخر حول
مصلحه من له القوى انما من يريد
يفل شئ يفعله دون الانطزار الى
الحصول على شئ او مقابله لكى
يفعل وزلك يتم عن طريق عدم
اللجواء الى العنف او الاضربات
وزلك هى مصلحه الوطن العليا
فى احترمهيكله كيان المواطن
المصرى وانما يحتاج المصريون
الى من يخلق فكر لتقويه به فكر اخر
وليس من يهدم فكر لاجل فكر اخر
ان المجتمع المصرى ليس حقل تجارب
فهذا ملخص عن كلمه حق كن اريد ان
اقولها ابنكم

احمد فوزى هلال
والبقيه هنا ابحث عنها

===================
الفاضل موووودي هلال

عير مسموح بنشر إعلانات مجانية إلا بالتنسيق مع أو بموافقة الإدارة.
شكراً لتفهمكم

عن الإدارة
بروف
.
Invision Power Board © 2001-2014 Invision Power Services, Inc.