المساعدة - البحث - قائمة الأعضاء - التقويم
المشرفون
منتديات شئون مصرية > بوابة المنتديات > إستفسارات ـ إقتراحات ـ شكاوى
مصرية
user posted image
user posted image

المشرفين في المنتدى كثيرين
وفي الفترة الأخيرة كان أكثرهم تواجدا
أكرم
بروف
هشام
أسامة الكباريتي
جاتيتا
حشيش

وبعدين فجأة مفيش غير أسامة الكباريتي وبروف

وفي موضوع سابق تم حذفه أعلن أسامة الكباريتي عن رغبته في عدم العودة للمنتدى وبأن هذا هو الأسبوع الأخير له فيه ومن يريد مراسلته فعليه أن يرسل له عبر البريد الالكتروني الخاص به.

لذا وجب التساؤل
هو فين المشرفين أو ملاك المنتدى أو whatever ؟ أيا كانت التسمية التي يجب إطلاقها على هذه المجموعة المحترمة التي أثرت في المنتدى وكان لهم فيه بصمة.

فين هشام وأكرم وجاتيتا وحشيش الذي اختفى فجأة دون سابق إنذار.

أتمنى لو في أي خلافات بين المشرفين أن يحاولوا التعامل معها وتلافيها وأن يعودوا جميعا للمنتدى ليعود كما كان دوما له سحره الخاص. فأنا أشعر وكأنه الآن يسير بقوى الدفع الذاتية وبأن هناك مجهود يبذل من قبل الأعضاء والمشرفين الباقين لاستمراره.

أرجو أن تفهمونا ما يحدث وأن يعود الغائبون ليعود شئون مصرية لسابق زهوه.

السلام عليكم
ناصر الملك و الملكية الأول
لم ألاحظ أى شئ غير طبيعى فى تغييب بعض المشرفيين

قمر الليالي
كلام مصرية صحيح...

ميفعش مشرفين ومش متواجدين لفترات طويلة

مفروض يكون زي القانون المشرف يجب تواجده على الاقل يوم واحد في الاسبوع
ام منتدى من غير مشرفين ميفعش....

بس انا هقولك الرد الي هيجي من المشرفين من قبل ما يكتبوه
"مش مفروض يكون فيه مشرفين لانه الناس الي في المنتدى كبار " 1(()).gif

بالنسبه للغايبين

جاتيتا عندها ظرف طارئ وكل ما بتقدر بتدخل..
البقية كل واحد وعذره ...

..نوعا من الانصاف مش بيكون في مشاكل تذكر في حال تغيب المشرفين في الغالب ولكن الاصح تواجدهم على الاقل للمتابعة
واثراء المواضيع بشكل عام
Prof
أكرم
أجازة صيف واحتمال في مصر لكن أجازاته عادة ما تكون أجازة بكل معنى الكلمة لدرجة انه يختفي.. cool.gif

هشام
مشاغل تمنعه وضغوط وكذا..

حشيش
تقريباً والله أعلم مش في مود مناسب..

عم الكباريتي
منور..

أنا
كذلك.. 37.gif

الهيثم
مشرف من منازلهم.. أنا نسيت انه مشرف..

الهرم
جيش وما إلى ذلك.. برضه من منازلهم..

جاتيتا
بتلعب مع القطط..

مون
أجازة..
الهيثم
أنا جيت biggrin.gif

أنا و الله عارف إني مقصر جدا جدا جدا جدا جدا ........................................... جدا في حق هذا المنتدى .. ولكن لي اعذاري

إعتبروني رجعت كعضو
قمر الليالي
بروف لما كنا في المدرسة بيكون في يوم في السنه الحكم للطلاب يعني الطلاب هم الي بيقوموا بدور المدرسين والمشرفين والمدير ليوم واحد فقط...ايه رايك تمسكني المنتدى ....وانا افرجك العجب biggrin.gif ....مين يحب يمسك المنتدى ليوم واحد يرفع ايده... tututu.gif
Prof
فكرة كويسة cool.gif
مصرية
اقتباس (Prof @ Jul 4 2007, 08:04 PM)
أكرم
أجازة صيف واحتمال في مصر لكن أجازاته عادة ما تكون أجازة بكل معنى الكلمة لدرجة انه يختفي.. cool.gif

هشام
مشاغل تمنعه وضغوط وكذا..

حشيش
تقريباً والله أعلم مش في مود مناسب..

عم الكباريتي
منور..

أنا
كذلك.. 37.gif

الهيثم
مشرف من منازلهم.. أنا نسيت انه مشرف..

الهرم
جيش وما إلى ذلك.. برضه من منازلهم..

جاتيتا
بتلعب مع القطط..

مون
أجازة..

يسعدني إن قلقي طلع ملوش لازمة وإن كل شئ كويس والأمن مستتب.

لكن ومش عارفة إذا كنت متشككة زيادة عن اللزوم ولا إيه
بس مش عارفة ليه حاسة بالتصريحات الحكومية اللي بتقول كله تمام والاقتصاد حلو ومصر لها الزعامة والكلام الكبير اللي بيطمن لكن .....

محدش يزعل مني بس هو العشم والإحساس بإننا فعلا في أسرة هو اللي بيخليني عايزة الشمل دايما يتلم.
Prof
اقتباس
يسعدني إن قلقي طلع ملوش لازمة وإن كل شئ كويس والأمن مستتب

انا ماقصدتش أقول ان الأمن مستتب.. لسبب بسيط وواضح من وجهة نظري.. انه مش مستتب للدرجة دي.. wacko.gif
الغيابات دي كلها بالطبع لها نتائج سلبية منها ما تعرضنا له مثلاً في الموضوعين الخلافيين الأخيرين.
مصرية
اقتباس (Prof @ Jul 5 2007, 11:06 AM)
اقتباس
يسعدني إن قلقي طلع ملوش لازمة وإن كل شئ كويس والأمن مستتب

انا ماقصدتش أقول ان الأمن مستتب.. لسبب بسيط وواضح من وجهة نظري.. انه مش مستتب للدرجة دي.. wacko.gif
الغيابات دي كلها بالطبع لها نتائج سلبية منها ما تعرضنا له مثلاً في الموضوعين الخلافيين الأخيرين.

طيب معلش استحملني شوية shishi__.gif

معنى كده إن حد من المشرفين انسحب من المنتدى؟
ولا مجرد اختلاف في وجهات النظر وكله حيرجع لسابق عهده؟
ولا اختفاء غير مسبب لبعض المشرفين؟

Prof
يا فندم مستحملك عادي ما فيهاش حاجة..
بالنسبة للخلاف في وجات النظر فده حاصل بشكل مستمر ودائم وقليلاً ما كان فيه اجماع على قرار ما إلا في القليل النادر لدرجة إني لا أذكر موقف بعينه.. ولم يحدث قطا ان تسبب الخلاف في عدم سير الأمور أو اتخاذ قرارات ما بشأن ما.. مهما كان دفاع كل واحد عن رأيه شرس في داخل غرفة المشرفين.. أحيانا كون أشرس بكثير من أي خلاف يحدث في أبواب المنتدى..
فهو وبكل وضوح لا يعني شئ محدد حالياً.. إلا إذا كان فيه معنى آخر وده لم يصلني الحقيقة.

حد من المشرفين أعلن انسحابه لا مش بالضبط كده.. هو هشام كان طلب اعفائه من مهامه وحصل رفض من الباقين كلهم ونعتبر انه في أجازة بالنظر لمشغولياته وظروفه وهو لم يعلن ما يضاد ذلك..
لو تقصدي حشيش تحديداً برضه لا.. حشيش لم يعلن انسحابه وآخر حديث بيننا كان عادي ولا ينبئ بانسحاب.. فهو كان ابتعد لظروف حالة الوفاة ورجع ثم ابتعد تاني..

مش واضح ايه المقصود بـ
اقتباس
ولا اختفاء غير مسبب لبعض المشرفين

لأن كما أوضحت في المداخلة السابقة.. كل واحد له أسباب نتفهمها ونقدر احتياجه لهذا الوقت في شئونه الخاصة.

2!!-_0.gif
أسامة الكباريتي
اقتباس (قمر الليالي @ Jul 4 2007, 09:30 PM)
بروف لما كنا في المدرسة بيكون في يوم في السنه الحكم للطلاب يعني الطلاب هم الي بيقوموا بدور المدرسين والمشرفين والمدير ليوم واحد فقط...ايه رايك تمسكني المنتدى ....وانا افرجك العجب biggrin.gif ....مين يحب يمسك المنتدى ليوم واحد يرفع ايده... tututu.gif

قمر 14
مش غزل

قصدي على الفكرة يا بنتي

جوابي
الساعة المباركة
بس يوم واحد ما يصلح
خليها شهر
سنة
العمر كله

عقلي الباطن .. هوبسان هيقوووووول
اقتباس
اييييييييييييه هو احنا حنغنّي



طيب نبتدي فيكم
لو اقتراح
يبقة
صاحبة الفكرة
تتفضل وتضع تصورها لإدارة مرشحين والا تلاتة للمنتدى لمدة شهر
ويكون دورنا فني واستشاري في غرفة مداولات خاصة بذلك
وحضرات المشرفين/ات المتطوعين/ات يكونوا في بوز المدفع
هما الوجهة
واحنا وراء الكواليس

هاتسي التفاصيل يا قمر




أسامة الكباريتي
أختنا الغالية مصرية
مين قال اننا مش نكدين
وعصبيين
على بعض
بس وراء الستار
مش على المسرح

القاعدة عندنا اننا نقطع هدوم بعض في الكواليس
ونروح نشتري لبعض هدوم جديد وميكياج
ونطلع ما أمكننا ذلك في صورة مقبولة جماهيريا

مش تمثيل
بس ده الأصول
ألا نختلف أمام الجمهور
وألا نتفق عليه في نفس الوقت

حاليا زي ما قال بروف
لا خلافات بيننا كإدارة
ولكن انشغال البعض منا في بعض الأوقات تجعل زيارته للموقع شحيحة نسبيا
ويمكن فيه حد مقموص وواخد جنب بينه وبين نفسه
واحنا مش عارفين بالتأكيد

البعض الآخر قد يكون على سفر
وهذا سيحدث معي بنهاية الأسبوع القادم بإذن الله

أما عن إعلاني عن تركي للمكان (خلال الأسبوع المنصرم انسحبت من منتديين عزيزين على قلبي)
فقد كان بلا رجعة

لكن
حكم القوي على الضعيف
رضخت لابتزاز قهري


لكن أعدكم بعدم المشاركة في أي جدل أرى أنه لمجرد الجدل

لو وجدتم عدم ارتياح في عودتي
فأرجو الإفصاح عن ذلك بلا مواربة
وسأكون ممتنا لكم في ذلك
قمر الليالي
الغالي علينا كلنا اسامة....انا كنت بهزر بس...هو انا اقدر ادير منتدى blink.gif
البركة فيكم طبعا حضرتك وبقية المشرفين والغايب عذره معاه والمشاكل بتحصل سواء
رب البيت موجود والا مش موجود...الي فهمت من مصرية والي هو رايي انا كمان ان
تواجد المشرفين ضروري على الاقل عشان المشورة مابين اكثر من مشرف
لو حصل خلاف عشان ميكونش الحمل على مشرف واحد فقط.....
وفي نفس الوقت اثراء للمنتدى بمداخلات المشرفين والاخذ والرد مع بقية الاعضاء
فالكل بيفيد وبيستفيد وبتعم الفائدة على الكل nerddd.gif
غير الاحساس ان المنتدى مفيهوش حد من الادارة بمعنى محدش مهتم بيه حتى اصحاب المكان مش متواجدين
ده الايحاء الي بيوصل unsure.gif




Akrum
ازيكم جميعا ..
تساؤلاتكم جميعها في محلها .. وشاكر لإهتمام الاعضاء بالسؤال، وكما شرح بروف بان اعراض الأجازات الصيفية قد تكون لها عامل مهم في اختفاء البعض وانشغالهم .. وانا منهم بالطبع .. biggrin.gif وان كنت اتابع المنتدي كزائر ولكني كسرت القاعدة وتواصلت لتأكيد ما فسره بروف .. ولي عودة قريبا ان شاء الله .. وعذرا لإنشغالي .
01!!8.gif
قمر الليالي
سؤال :

لما مشرف يقرر يغيب وميدخلش المنتدى لفتره من الزمن ؟؟

هل بيبلغ البقية؟
هل بيكون في تنسيق؟
الحج اسامة اعلن انه بعد اسبوع هيكون في اجازة....

يعني مش هيكون غير بروف متواجد؟؟؟

هيحصل ايه لما بروف نفسه يضطر انه ياخذ اجازة لاي سبب كان 14((()(.gif

هيحصل ايه في المنتدى هيبقى من غير مشرفين...

هشام لا حس ولا خبر..ومش اكيد تواجده لانه في الفتره الاخيره ملوش مواعيد وغير متواجد لفترات طويلة جدا
جاتيتا عندها ظروفها ومشاغلها واكيد مش هتدخل المنتدى في الفترة دي
منى موون نفس الشىء
الهرم كذلك....
الهيثم اعلن انه راجع كعضو فقط
واكرم في اجازة...

بروف مفيش اجازات لك الفترة دي ,&,.gif الاعتماد كله عليك 18().gif
Prof
ايوة بس خلينا ف موضوعنا.. ما تتوهيش الكلام..
قمر مشرف لتلاتين يوم..
آدي واحد.. عايزين كمان واحد.. أو اتنين أفضل..
قمر الليالي
اقتباس (Prof @ Jul 6 2007, 05:45 PM)
ايوة بس خلينا ف موضوعنا.. ما تتوهيش الكلام..
قمر مشرف لتلاتين يوم..
آدي واحد.. عايزين كمان واحد.. أو اتنين أفضل..

انا.. ,&,.gif انا في اجازة لمدة شهر --_.gif
farida
مصرية تيجي نعمل موضوع ونتخيل المشرفين في اجازة rolleyes.gif

ونتخيل برضه ان اعضاء اتبرعوا للمساعدة blink.gif

يا تري هيكون حوار شكله ايه بين اعضاء مشاكسة ومشرفين تحت التمرين wacko.gif

اكيد هيكون موضوع بجد جديد في جديد wacko.gif

انا بتكلم جد يا مصرية ويا سلام لو سما وهوبسن يبتدوا الحوار cofe(((.gif
واحنا وراهم ..هيجروا ورانا المخرجين
علشان ينتجوه فيلم سينمائي shishi.gif

اولا يا اسامة تسافر وترجع بالسلامة وتجادل وتدخل شمال
وتخضع دائما للابتزاز للتحفظ عليك دائما بداخل الحوارات
ودهاليز شئون ghetet.gif

اكرم متنساش شوية اجازة وفتفوتة اشراف
اعتدنا تواجدك وياريت فتفوتين مشاركة sleep.gif

سؤال لهشام اين انت ..مشاغلك وغيابك طالوا
نتمني ان تعود ولو علي فترات يا عدساوي
ومتنساش العدس علي النار --_.gif

حشييييييييييييييييييش ممنوع عدم تواجدك من اساسه
وجودك بيعمل توازن في الميزان nerddd.gif

بروف اكيد الحمل عليه كبير الفترة دي
وبيحاول يشارك في اغلب المواضيع thumb.gif

ومش بينسي يشاغب في الزمالكاوية 2))).gif

ومطلوب منه كمان يمر علي كل الابواب ويراقب
ويفتش علي الرخص ..ويحد من السرعات
فاكيد الضغط عليه كبير ..ومحتاج نمشي بالقواميس 016.gif
بس قمورة بنت شطورة ومش هتزوغ من التفتيش
وهتمر بين الابواب وتساعد الاستاذ ..

فكرة قمر حلوة زي ايام ما كنا في الكشافة user posted image
يعني يعني ممكن
نجيب كام مساعد مشرف احتياطي
من منازلهم اي صوريا nerddd.gif ..يتمشي بين المداخلات
يشارك ويتواصل مع مواضيع الاعضاء
وممكن التنسيق بين اعضاء الكشافة

تحت رعاية مشرفين المنتدي الاساسيين
فلا غني عن اي منهم البتة من اول البنا 01!!8.gif

بس يكون فيه التزام الي حد ما من المساعدين
لتحريك وتنشيط المواضيعuser posted image


لان غياب المشرفين سواء في اجازة او حاضرين fi&h.gif
مع كسل بعض الاعضاء _.-.gif
بيخلوا المواضيع محلك سر ..وبيضيع مجهود مبذول
والنتيجة زوغان اعضاء من المنتدي نتيجة الاحباط ..
حقيقي فيه مواضيع بجد رائعة
عن نفسي ناوية ارجعلها واعمل مارش اريير واشارك فيها thumb.gif
بس الوقت يسعفني والاسعاف تسعفلي الكمبيوتر 051.gif

اصلي في الشروق والكمبيوتر ساعفني هنا wiwiwi.gif

مصرية عليكي مواضيع icon_deal.gif
خلتنيني انكش فيها
لو قالولي غمضي عينك واتذنبت هتبقي السبب fi&h.gif




ragab
بصراحة
العزيز بروف سادد
ومش مخلينا عاوزين حاجة
بس الحمل تقيل عليه
واتشوقنا لباقى الإخوة المشرفين
وحشنا غيابهم
01!!8.gif
farida
فعلا يا رجب بروف بيحاول يتابع كل المواضيع
ومفيش شك ده بيحمله مسئولية كبيرة
ونتمني تواجد جميع المشرفين والاعضاء جمعاااااااء wub.gif

علي فكرة حددت سما وهوبسن
لان سما بتتمتع بخفة ظل رهيبة
وهوبسن شاطر في انه يشدنا نكمل معاه بداية القصة.

خيالي واسع شوية rolleyes.gif
فتخيلت حوار بس عايزة تشجيعة بداية خصوصا من سما shishi.gif

أسامة الكباريتي
اقتباس (قمر الليالي @ Jul 6 2007, 04:58 PM)
اقتباس (Prof @ Jul 6 2007, 05:45 PM)
ايوة بس خلينا ف موضوعنا.. ما تتوهيش الكلام..
قمر مشرف لتلاتين يوم..
آدي واحد.. عايزين كمان واحد.. أو اتنين أفضل..

انا.. ,&,.gif انا في اجازة لمدة شهر --_.gif

أن تشعلي بيتا لتشوي خنزيرا
يبقى لازم تاكلي منه ياقمورة القمامير
دخول الحمام مش زي طلوعه
ولا حتى لما تشوفي نجوم الظهر
اقتباس
هعهعهع القمر لا يرى النجوم عادة
خصوصا البدر


نرجع لموضوعنا اللي ما طلعناش منه أصلا
أنا في إجازة اعتبارا من يوم الخميس اللي جاي 21/07
مسافة الطريق وراحة يوم والا اتنين
ثم تواصل متقطع حسب التساهيل

قمر صاحبة الاقتراح
مطلوب منها أت تقدم مثلا في العطاء والتطوير الذي تختزنه
اقتباس
وكاتمة في نفسك .. فضفضي .. مصريات صدرها واسع


يعني في إجازة في إزازة مانفهمش
نفذي ثم اعترضي

مصرية
من أثارت الموضوع
مسؤولة عن كلامها
وهي اللي وضعت اصبعها فوق الجرح

تتفضل كمان وتاخذ موقعها الريادي


اللهو الخفي
إيجابي في تناوله للمسائل
وعطاء محترم

يتفضل ويتحمل المسؤولية وأمره لله

مين قال كمان

لو ان القبوطان هوبسان مش واخد جانب
كنا قلنا انه في مقدمة من أرشحهم لريادة هو أهل لها
فهو يعرف كيف يحسب ويخطط لمواطئ القدم وبكل عناية
يعني خطواته مسؤولة
اقتباس
ياريته يتنازل عن ركوب الدماغ ويرد عليا


فريدة
لا تصلح
حنينة فوق العادة
مترددة
وأجدع مين يفلسع biggrin.gif






أسامة الكباريتي
اقتباس (ragab @ Jul 7 2007, 01:43 AM)
بصراحة
العزيز بروف سادد
ومش مخلينا عاوزين حاجة
بس الحمل تقيل عليه
واتشوقنا لباقى الإخوة المشرفين
وحشنا غيابهم
01!!8.gif

إحم إحم يا مان
نحن هنا
لساتنا ما فلسعناش

بس بدل ما انت قاعد في شرفة التنظير
بكل خبراتك اللي بنغبطك عليها
اتفضل وانزل عالساحة يا دكتور
ولو كبير المستشارين 1(()).gif
أحمد باشــا
أنا أتصور أن المفروض أن يكون فيه مشرفين أحتياط
بحيث لو حدث شد عضلي في المباراة
حد من الأحتياطي يسد
و ممكن في ظروف الطوارئ يتم أستدعاء الأحتياط
ده من مبدأ أن الأحتياط واجب
farida
فريدة
لا تصلح
حنينة فوق العادة
مترددة
وأجدع مين يفلسع


كده كده .. biggrin.gif سمعتها في فيلم مش فاكرة اسمه sleep.gif

افصصها معاك
هقولك ليه لا اصلح nerddd.gif
بس مش للاسباب اللي قلتها ,&,.gif

لكن هحاول افسر الكلام ghetet.gif

حنينة دي يمشي حالها كطبيعة لكن مينفعش امشيها مثلا
في ادارة بيت ..
والبيوت تعتبر كتير لان التواجد في العمل ده بيت من البيوت
علشان ينجح لازم اتقان العمل من غير حنية ..
البيت اي الهوم الحنية مع الحزم لازم يتوجدوا
علشان البيت يتبني ويصمد قدام حاجات كتير..

اما الحنية اللي هنا لانه باين مني الجانب الحسي
وده اللي الكل بيعتبروه عاطفي بس --_.gif
لكن الحنية شاملة الجزء الحدسي واحساسي بالمصداقية..
واصراري ان الاحساس بالعقل ده الصائب ..

ويمكن ده الجزء اللي استحالة هيتغير فيا
اني دايما هفترض حسن النية من غير تشكيك
وتمحيص في الشخصية ..لكن بعتمد علي احساسي في التعامل
وعلي فكرة جوايا فيه رادار بيوجهني للصدق وبيصدق غالبا ..
بس مش بظهرالنتايج ..لاني مصرة اتعامل بطبيعتي حتي مع غير الصادق..
وده بعتبره تحدي ليا لان كل انسان جواه حتة صادقة
لازم نعافر ونوصلها ..

يبقي طبعا هكون فاشلة في الاشراف
لاني مش هطلع اي كروت صفرا او حمرا 016.gif

مترددة لا لاااااااااااااااااااااااا

لكن حريصة وفيه حاجات بقراها بين السطور بتزود حرصي
فيمكن بيبان تردد cofe(((.gif

وأجدع مين يفلسع

افلسع ازاااااي بس wacko.gif
طيب اوكل ليا مهمة هخلص عليها كما ينبغي blink.gif
وده بيبان من التزامي الي حد ما في المواضيع بس مشكلة وقت صيفي 15()).gif

لكن بمنتهي الامانة وعن طريق خبرة شوية من مشاركاتي
ان الاشراف محتاج ناس متخصصة جدااااااا
لكن ممكن اكون مساعدة لقمر واطير اشارك في المواضيع
علي اد ما اقدر ..

طيب اسال عم اسحق علي ادارتي هيقولك قواااااالة sillly.gif

حد من الأحتياطي يسد

صح يا خفي طيب انزل في الاحتياطي wiwiwi.gif


أسامة الكباريتي
اقتباس (قمر الليالي @ Jul 5 2007, 07:06 PM)
الغالي علينا كلنا اسامة....انا كنت بهزر بس...هو انا اقدر ادير منتدى blink.gif
البركة فيكم طبعا حضرتك وبقية المشرفين والغايب عذره معاه والمشاكل بتحصل سواء
رب البيت موجود والا مش موجود...الي فهمت من مصرية والي هو رايي انا كمان ان
تواجد المشرفين ضروري على الاقل عشان المشورة مابين اكثر من مشرف
لو حصل خلاف عشان ميكونش الحمل على مشرف واحد فقط.....
وفي نفس الوقت اثراء للمنتدى بمداخلات المشرفين والاخذ والرد مع بقية الاعضاء
فالكل بيفيد وبيستفيد وبتعم الفائدة على الكل nerddd.gif
غير الاحساس ان المنتدى مفيهوش حد من الادارة بمعنى محدش مهتم بيه حتى اصحاب المكان مش متواجدين
ده الايحاء الي بيوصل unsure.gif

لا للتراجع
الفكرة ممتازة متيييييييييييييز

يبقى نجربها

وتوصيفك للحالة رائع جدا
يبقى تسدي في خانة مهمة ولو جزئيا

أسامة الكباريتي
فريدة أفحمتني
لو قعدت 100 سنة مش حاعرف أفتح بُقّي معاها

جيبتي الكلامده منين يا أبله
كل اللي قلتهم تلات كلمات

حضرتي مذكرة الدفاع دي ايمتى

أكيد عندك نصوص جاهزة
من طراز كاتم صوت من غير مرتجع


مرافعتك يا مودام من طراز قسم التدبير المنزلي
إلى ربات البيوت

وانا ما كنتش أذم في فريدة لما قلت التلات كلمات
بالعكس
طيبتها
وذوقها الرفيع
ورهافتها
لا تتماشى مع مواقف تتطلب قرارات صارمة وفورية

هذا ما كنت أريد الوصول معكم إليه


اقتباس
طيب اوكل ليا مهمة هخلص عليها كما ينبغي

هو احنا بنوَكِّل الناس هنا!!!
ماعندناش حتى ولا العدس
العدساوي الله يعينه
آخر مرة .. خد الشوال معاه
مصرية
إيه اللي بيحصل ده surpsurp.gif

أغيب يوم ونص أرجع ألاقي نفسي مشرفة 23)))).gif

بس بجد سعيدة بشفافية المشرفين ومشاركتنا كأعضاء في وجود بعض الخلافات أو تغيب بعض المشرفين. wub.gif

أكرم الحمد لله عرفنا إنك بخير أجازة سعيد وترجع بالسلامة 01!!8.gif
اقتباس
هو هشام كان طلب اعفائه من مهامه وحصل رفض من الباقين كلهم ونعتبر انه في أجازة بالنظر لمشغولياته وظروفه وهو لم يعلن ما يضاد ذلك

هشام بالرغم من ابتعاده قليلا في الفترة الماضية لكن مشاركاته لها تأثير وثقل في المواضيع من وجهة نظري، اتضح السبب وراء استخدامه لإسم آخر في الفترة الأخيرة، وبصراحة حزنت جدا وتاثرت جدا برضه لما عرفت إنه طلب إعفائه من مهامه وارجو يراجع نفسه تاني وياريت ميسيبش المنتدى اللي كلنا بنحبه.

نداء إلى كل من هشام وحشيش 18().gif
ارجعوا بسرعة وحشتونا وأكيد المنتدى وحشكوا 01!!8.gif
اقتباس
أما عن إعلاني عن تركي للمكان (خلال الأسبوع المنصرم انسحبت من منتديين عزيزين على قلبي)
فقد كان بلا رجعة

لكن
حكم القوي على الضعيف
رضخت لابتزاز قهري

الحمد لله شكرا لللابتزاز القهري biggrin.gif
اقتباس
لكن أعدكم بعدم المشاركة في أي جدل أرى أنه لمجرد الجدل

لو وجدتم عدم ارتياح في عودتي
فأرجو الإفصاح عن ذلك بلا مواربة
وسأكون ممتنا لكم في ذلك

يا حاج أسامة يعني كلامك هو السبب في فتحي للموضوع وبعدين تقول عدم ارتياح لعودتي unsure.gif
إزاي بس ممكن حاجة زي كده؟! cool.gif
اقتباس
مصرية
من أثارت الموضوع
مسؤولة عن كلامها
وهي اللي وضعت اصبعها فوق الجرح

تتفضل كمان وتاخذ موقعها الريادي

شفت بقى يعني أنا فتحت الموضوع علشان قلت إنك حتسيب المنتدى لاقيت نفسي فجأة مشرفة. biggrin.gif
شكرا على ترشيحي 2!!-_0.gif
أنا مخضوضة جدا ومش عارفة أعمل إيه وبصراحة خايفة مكونش أد المسئولية. unsure.gif
ربنا يعين. praying.gif
farida
فريدة أفحمتني
لو قعدت 100 سنة مش حاعرف أفتح بُقّي معاها


يا فندم مش قصدي وفاهمة انه مش ذم طبعا unsure.gif

بس بجد يا اسامة ادتني فرصة ارد علي تساؤولات
اتسالتها قبل كده ليه انا مش مشرفة في شئون مصريةbiggrin.gif

حبيت اوضح ازاي ممكن اجيب درف باب الاشراف sillly.gif

هو احنا بنوَكِّل الناس هنا!!!

نو بتشربوهم قهوة زهيرة ghetet.gif

مصرية انتي الشخص المناسب في المكان المناسب
بس بليييز بليييييييز بلاش تطلبي مني قاموس praying.gif

نفسي امشي فري في المنتدي كام يوم 051.gif

Hesham
قمر الليالى ..

كفاية دلع a-my-07.gif

انت صاحبة الفكرة .. وانت مشرفة قديمة فى منتديات أخرى .. يعنى انت (رغم خلافى معك فى كثير من الآراء) wacko.gif تصلحى بجدارة للمهمة nerddd.gif

أنا خارج دلوقت .. وحأرجع بالليل متأخر إن شاء الله ... وأول ما أرجع بإذن الله حتتسلمى مهمتك الجديدة cool.gif

.. ربنا يعينك عليها. smile.gif
oskasan
ايه ده surpsurp.gif

الكباريتي
هشام
بروف
اكرم
حشيش
جاتي
منىمون
مصرية
اللهو
واحد جديد اسمه سيستم
والشخصية الاعتبارية شئون مصرية
الهرم
قمر

لما كل دول يبقوا مشرفين

امال مين الأعضاء


قالوا عد غنماتك يا جحا



فاضل مين wacko.gif

2 مشرف لكل عضو biggrin.gif


))3((.gif ))3((.gif ))3((.gif ))3((.gif
قمر الليالي
اقتباس (Hesham @ Jul 23 2007, 11:34 PM)
قمر الليالى ..

كفاية دلع a-my-07.gif

انت صاحبة الفكرة .. وانت مشرفة قديمة فى منتديات أخرى .. يعنى انت (رغم خلافى معك فى كثير من الآراء) wacko.gif تصلحى بجدارة للمهمة nerddd.gif

أنا خارج دلوقت .. وحأرجع بالليل متأخر إن شاء الله ... وأول ما أرجع بإذن الله حتتسلمى مهمتك الجديدة cool.gif

.. ربنا يعينك عليها. smile.gif

هشام انت فين الفتره دي كلها ...لعل المانع خير 2!!-_0.gif

ما انا جربت ابقى مشرفة ..اسبوعين بحالهم...والا اسبوع ونص..منفعش.. blink.gif
تحب اجرب تاني tututu.gif

هنا رابط الموضوع الي رديت فيه ليه انسحبت من المشرفين.. مع تبريري لو لسه شايف ان ممكن ابقى مشرفة...ولايهمك ابقى مشرفة cool.gif
أسامة الكباريتي
اقتباس (oskasan @ Jul 24 2007, 01:14 AM)
ايه ده surpsurp.gif

الكباريتي
هشام
بروف
اكرم
حشيش
جاتي
منىمون
مصرية
اللهو
واحد جديد اسمه سيستم
والشخصية الاعتبارية شئون مصرية
الهرم
قمر

لما كل دول يبقوا مشرفين

امال مين الأعضاء


قالوا عد غنماتك يا جحا



فاضل مين wacko.gif

2 مشرف لكل عضو  biggrin.gif


))3((.gif  ))3((.gif  ))3((.gif  ))3((.gif

منى مون خطفها يحي ربنا يديله الصحة وطولة العمر
اعتذرت عن الإشراف من قبل ما تنزل مصر
لكننا ولأننا نعرف قدراتها
فضلنا اعتبارها في إجازة

الهرم عقبال عند أمالتك
راح الجيش
ويادوبك زوروني كل سنة مرة

جاتيظروفها تضطرها للابتعاد عن النت ولفترات طويلة

الكباريتي
هشام
بروف
اكرم

دول بعيد عنك من مؤسسي الموقع
وفقا للخطة الخمسية الجديدة
نحاول جعل دورهم في الإشراف استشاري
ورقابي ..

وأن يتولى الأعضاء الإمساك بالدفة
وتنشيط الفعاليات
والحفاظ على اللظام

وضعنا الأسس للعمل في الإشراف
وأول متدربين على الإشراف هما مصرية واللهو الخفي
تمهيدا لتكوين الجيش الشعبي
اقتباس
عقلي الباطن
هما فاكرينها فترة شهر والا اتنين
مش عارفين انها تدبيسة
الكرسي من طبعه الالتصاق بمن يجلس عليه biggrin.gif



بعدين هو انت شايفنا عاملين أزمة مرور يا خي 13)()).gif
ده حتى من فترة غير بعيدة
تلقيت رسالة على الموبايل من محبط
وكنت في اجتماع عمل
بيقوللي الحق المنتدى
واحد خلبوص مبهدل الدنيا فيه

يعني الإشراف كان غير متوافر ساعتها
قمر القماميرات
وجودك في الإشراف متوافق عليه ونجده ضرورة ملحة
والإشراف مش عصاية وفلقة
نشاطاته متعددة
ونتوسم بك كل خير



هشام
نفذ
وعلى المتضررة الاعتراض مع ابداء الأسباب
على عرضحال دمغة وصورتين
وإحضار ولي أمرها
أحمد باشــا
اقتباس (أسامة الكباريتي @ Jul 24 2007, 01:05 PM)
اقتباس
عقلي الباطن
هما فاكرينها فترة شهر والا اتنين
مش عارفين انها تدبيسة
الكرسي من طبعه الالتصاق بمن يجلس عليه biggrin.gif




طيب حيث أن الموضوع كذلك فبرجاء أرجاع لقبي القديم عضو مميز

بدلا من مشرف لمدة
أسامة الكباريتي
biggrin.gif biggrin.gif biggrin.gif
016.gif 016.gif 016.gif
a-o--0.gif a-o--0.gif a-o--0.gif
h!!h.gif h!!h.gif h!!h.gif
مصرية
اقتباس (أسامة الكباريتي @ Jul 24 2007, 01:05 PM)
اقتباس
عقلي الباطن
هما فاكرينها فترة شهر والا اتنين
مش عارفين انها تدبيسة
الكرسي من طبعه الالتصاق بمن يجلس عليه biggrin.gif

إيه ده؟ blink.gif

يعني إيه؟ wacko.gif
زعلان
المكان ده زي العسل و مشرفينه ملزقين من كتر السكر و لشربات الي بنقط منهم wub.gif وهو ماشي مشرفين مش مشرفين ما دقوش parttttty.gif
farida
هشام
نفذ
وعلى المتضررة الاعتراض مع ابداء الأسباب
على عرضحال دمغة وصورتين
وإحضار ولي أمرها


انا ولية امر المشرفة القمورة user posted image

هي هتخلص لعب وجاية حاااااااالااااااااباااااااااااالااااااا sleep.gif
صح يا بنوتي wub.gif
Prof
اقتباس (زعلان @ Jul 25 2007, 07:12 AM)
المكان ده زي العسل و مشرفينه ملزقين من كتر السكر و لشربات الي بنقط منهم wub.gif وهو ماشي مشرفين مش مشرفين ما دقوش parttttty.gif

waittttin.gif
زعلان..
أنا حاسس كده ان انت تنفع مشرف.
thinkkkkk.gif
Hesham
قمر الليالى 18().gif

خواص الإشراف عندك من امبارح ... شفتيها والا لسه؟؟
قمر الليالي
شفتها ... 2!!-_0.gif شكرا 01!!8.gif
Hesham
طيب منتظرينك فى المطبخ ... بسرعة لو سمحتى يا فندم 18_-_)!.gif
.
Invision Power Board © 2001-2014 Invision Power Services, Inc.