المساعدة - البحث - قائمة الأعضاء - التقويم
ميلودى تتحدى الملل!
منتديات شئون مصرية > منتديات الآداب والفنون > فنون الدرامــا ـ الإعــلام
فانتوماس
طبعا كلنا عارفين قنوات ميلودى الشهيرة اللى عملت غزو اعلامى لمصر. اى مطعم او كافيه تروحوا مشغل ميلودى..كل الشباب بيتفرجوا على ميلودى...حتى العيال الصغيرة بتتفرج على ميلودى.
اقولكم بصراحة ..انا كنت بتفرج عليها كمان بس مؤخرا مبقتش اتفرج انا و جوزى عليها زى الاول و ده لان عندنا بنت صغيرة دلوقتى بتفهم و تركز وتتأثر باللى بتشوفه و تسمعه و بتتعلم الكلام, و رغم انها بس عندها سنتين الا انى اؤمن بأن السن ده الأطفال بيتاثروا فيه جدا باللى حواليهم و مش عايزة الاقيها بتقوللى العنب العنب العنب... واطبطب ادلع! فدلوقتى بنتفرج على spacetoon و MBC3 ! sillly.gif و بحاول انى احبب بنتى فى القراءة زى ما ابويا الله يرحمه عمل معايا , مكنتش اقدر اقضى وقت فراغى من غير كتاب اقراه, وده احسن حاجة ممكن نعمها لولادنا! nerddd.gif
المهم كل فترة كدة وبعد ما بنتى بتنام ساعات نقلب فى التلفزيون و نتفرج على ميلودى شوية و فوجئت مؤخرا بحملة اعلانية اسمها ميلودى تتحدى الملل. فيه شخصية محورية فى الاعلان ده عبارة عن واحد تخين كدة لابس لبس زى بتاع سوبرمان بس بالوان ميلودى و هى الأصفر و الأسود و هو البطل. اول اعلان شفته كان بتاع المذيعة المتخلفة التى تقدم برنامج فى الشارع و ياتى البطل و يضرب اللى بيتفرج عليها على قفاه و يشدها من شعرها و يجر المصور فى الارض...ويظهر الشعار ميلودى تتحدى الملل! استغربت الاعلان قوى و ضحكت شوية فى الاول بس لمل شفت الاعلان التانى اتضايقت اوى..
الاعلان التانى يجيبلك ثلاث اولاد فى درس خصوصى و معهم مدرس العربى مطلع عينهم و هو بيديهم الدرس و ياتى بطل ميلودى و يضرب المدرس و يبهدله و بعدين يسيب العيال تنهال ضربا على المدرس بالعصيان! هو ده اللى احنا بنعلمه لولادنا وكمان فيه اعلان بيضرب فيه البطل رجل كبير فى السن و ده لانه ممل و بطئ و قاعد بيلعب كروكيه بس ببطء شديد. برضه بطل ميلودى بيضربه و كله تحت شعار ميلودى تتحدى الملل 6(()).gif
حسيت بحجم المصيبة لما لقيت ولاد اختى و سنهم عشر سنين و ثمن سنين , لقيتهم عاجبهم اوى الاعلان و متاثرين بيه جدا.. و اكيد اولاد و بنات كتير غيرهم زيهم, و هى دى الرسالة اللى بنعلمهلهم. لا تحترم المدرس و لا كبار السن بل على العكس هم يستحقوا الضرب و الاهانة!! انا شايفة ان دى مصيبة كبيرة اوى مش عارفة انتوا حسينها زيى و لا لأ. انا عارفة انى مقدرش امنع عرض الحاجات دى There's nothing we can do about it! بس اللى اعرفه انى مش هتفرج على ميلودى تانى! يا ترى انا صح و لا لأ! ازاى أعلم بنتى الصح من الغلط فى زمن مهبب و المغريات حولينا من كل ناحية! امنع عنها الحاجات دى خالص و لا اخليها تشوف كل حاجة بس تعرف ان ده مش صح؟؟؟ 2)))(.gif
Akrum
اضم صوتي لصوتك .. فكم من المضحكات مبكيات ومنها تلك الحملة الصفراء .. فقدر ما اضحكتني بداية إلا انني انتبهت فعلا لمثل هذا الإنحطاط الخلاقي في التعامل مع كبار السن او المدرس الذي كاد ان يكون رسولا .. رغم انه ظاهر الحملة انه مدرس خصوصي ويكفي الدلالة علي ان يكون هذا المدرس يقتات دخلة من التلميذ الذي يفتقر لإحترام المدرس الي يمد له يده ليتلقي الظرف بعد نهاية الحصة !!!.

عامة اؤيد ملاحظتك بل وقد نحوت للتقليل من مشاهدة تلك القناة وابديت غضبي امام اطفالي حتي يعلموا ان هذه المادة ليست صحيحة وبها خطأ .. ولم اكتفي بالمنع لكونهم قادرين علي ان يشاهدوها في وقت لا اتواجد بالمنزل .. التوجيه وتنبيه الطفل لمثل تلك المثل المنحطة واجب علي كل رب اسرة وكذلك كل ام تعي مغزي المادة العلمية التي يتلقاها المشاهد ..

برافو عليك يا فنتوماس .. وياريت نقوم بحملة مضاده لمثل هذه الحملة المقززة التي تنال من اسس تربوية في احترام الكبير والمدرس ..
SATUTA
انا معاكوا طبعاً يا جماعة اننا لازم نمنع اولادنا عن الحاجات الى زى ميلودى دىو خصوصاً ان كل يوم فبه اسوء، بس المشكلة ان احنا ممكن نعمل دا طول ما اولادنا صغيرين فى السن و احنا المتحكمين فيهم، لاكن لاما يكبروا و يفهموا بئة حنمنعهم إزاى و ازاى ممكن نقنعهم ان دا غلط؟؟!! ماتنسوش ان الممنوع مرغوب و لو كنا حنقدر عليهم فى البيت فا ممكن ما نقدرش عليهم برة، يعنى ممكن يشوفوا الحاجات دى عند صحبهم مثلاً. عشان كدة انا رأيي ان احنا نعلمهم الصح من الغلط من وهما ضغيرين و لازم لاما تيجى حاجة زى كدة فى التيليفزيون ما تقلبش المحطة و خلاص لأ لازم ننقد و نعقب على الموجود دا و نكرهم فيه. و ربنا يستر praying.gif
فانتوماس
انا معاكى يا ستوتة ان الممنوع مرغوب...بس لما اخليها تتفرج على الحاجات دى ,,,هقول على ايه و لا ايه غلط....ده فيه حاجات كتير غير الاعلان ده...فيه اغانى مبتذلة و بلاوى سودة...يمكن اللى انت و اكرم بتقولوا عليه حل بس اعتقد برضه ان احنى لازم نشغل ولادنا بهوايات كتير علشان لا يقبلوا على مثل هذه القنوات..يعنى يلعبوا رياضة,يتعلموا آلة موسيقية, يا ريت نقدى وقت مع ولادنا فى الحوار عن كل شئ حولنا...يلا نعمل حملة ضد التلفزيون و البلادة التى تصيبنا من الفرجة عليه. انا بحاول ان احنى منفتحش التلفزيون الا للفرجة على برنامج معين فقط و ليس عمال على بطال كما فى معظم البيوت المصرية. باقضى بعض الوقت مع بنتى فى قراءة الكتب المصورة ليها او مجرد اللعب معاها باللعب من دون فتح التلفزيون حتى لا يكون امر مسلم به و احنا بالمنزل. ممكم نقعد نتكلم مع بعض و نسمع الراديو او CDs. ايه رايكم؟
ragab
يتم
تدمير الأخلاق بطريقة منظمة ومدروسة
وبدأت بمدرسة المشاغبين وابويا اتحرق والعيال كبرت
ثم أبويا عاوز يتجوزنى
عدا نشر حوادث الإبن الذى يقتل أبوه والأب الذى يقتل ابنه
فى الجرائد
وهكذا دواليك
banboty
اقتباس (فانتوماس @ Nov 7 2006, 09:14 PM)
ممكم نقعد نتكلم مع بعض و نسمع الراديو او CDs. ايه رايكم؟

و نسيتي ليه تحفيظ او قراءة القران بمدرس او بدون يا ست فانتو ,

و على فكرة , القناة اللى انتى بتتكلمي عليها دي اسمها ميلودي افلام و هي بتعرض افلام و بس

غير

ميلودي الاغاني اللى بيشغلوها في الكافيهات
فانتوماس
اقتباس (banboty @ Nov 8 2006, 01:46 AM)
اقتباس (فانتوماس @ Nov 7 2006, 09:14 PM)
ممكم نقعد نتكلم مع بعض و نسمع الراديو او CDs. ايه رايكم؟

و نسيتي ليه تحفيظ او قراءة القران بمدرس او بدون يا ست فانتو ,

و على فكرة , القناة اللى انتى بتتكلمي عليها دي اسمها ميلودي افلام و هي بتعرض افلام و بس

غير

ميلودي الاغاني اللى بيشغلوها في الكافيهات

منستش ولا حاجة يا بنبوطى...انا كنت بتكلم من الناحية الترفيهية ,,,احنا مش هنقعد طول الوقت نسمع اغانى,,و كنت بقول ان ممكن و احنا قاعدين كأسرة نسمع موسيقى مش لازم تلفزيون و ممكن نعمل حاجات تانية كتير و احنا بنسمعها. ده كان مجرد مثل من ضمن الامثال و ممكن كل واحد يضيف رأيه و يقول اللى شايفه صح. وللعلم سماع القرآن ده اول حاجة بنعملها الصبح. و بنتى بتسمعه و تنتبه له و تسمعنا و احنا بنقرأه.
اما عن قنوات ميلودى , فايوه الاعلان عن ميلودى افلام بس الاعلان يبث على قنوات ميلودى كلها و هى ميلودى آرابيا و ميلودى هتس و ميلودى أفلام. و تذاع بالخصوص على قنوات الأغانى بكثرة. المهم ان النتيجة واحدة ولا انت مش شايف كدة؟
banboty
اكيد شايف انها مسخرة طبعا و قنوات بيديرها شياطين من الانس اللى بتستبيح كل شئ من اجل الفلوس ,

و عاوز اقول كمان , ان اعلانات من النوع ده ,

دليل على ان الناس بدأت يجيلها زهق و ملل من كتر القنوات دي و زحمتها , و اصبحت مشاهدتها كمشاهدة القناة السابعة في التليفزيون المصري 31.gif


نحمد ربنا ..
mona moon
فيه اعلان لجديد لـ "ميلودي تتحدى الملل" طلعت فيه شخصية أنثوية جديدة بجانب شخصية الرجل الضخم ..

تعمل هيه إغراء للضحية وتستدرجة عشان التاني يضربه ...

نصيحة محدش يتفرج عليه لان لبسها والإغراء بتاعها شيء مقزز للغاية ويخلي الواحد يجيب اللي في بطنه 8(-_.gif 8(-_.gif
فانتوماس
عندك حق يا مونامون ...انا شفت الإعلان بالصدفة و مكنتش مصدقة نفسى....عايزة أعرف يعنى بعد كدة فيه ايه...ناقص ايه!!! surpsurp.gif
منهم لله التليفزيون كله عايز الحرق! 6(()).gif
.
Invision Power Board © 2001-2014 Invision Power Services, Inc.