المساعدة - البحث - قائمة الأعضاء - التقويم
أهى دى أول مرة أشجع الزمالك
منتديات شئون مصرية > منتديات ذات سمة > شئون رياضـــــــــية
El-Masri

انضم نادي الزمالك المصري لكرة القدم إلى جهود دعم الحكومة الفلسطينية التي تقودها حركة المقاومة الإسلامية حماس في مواجهة حملة الحصار الدولي، وأعلن اليوم أنه دعا رئيس الوزراء الفلسطيني إسماعيل هنية إلى حضور مباراة القمة ضد غريمه التقليدي النادي الأهلي التي تقام بالقاهرة الأحد المقبل.

كما وعد الزمالك بتقديم جزء من عائدات هذه المباراة للشعب الفلسطيني الذي يعاني أزمة مالية خانقة في الفترة الأخيرة بسبب قطع الدول الغربية مساعداتها للفلسطينيين ردا على انتخابهم لحركة حماس، حيث سيقرر مجلس إدارة النادي برئاسة مرتضى منصور النسبة المئوية التي سيقدمها من هذه العائدات.

وأعلن عضو مجلس إدارة الزمالك خالد لطيف أن هنية وجه الشكر للزمالك على هذه الدعوة دون أن يؤكد حضوره للمباراة، فيما نقلت وكالة الأنباء الفرنسية عن مصادر قريبة من رئيس الوزراء في غزة أنه سيجري مشاورات مع الحكومة المصرية قبل توجهه إلى القاهرة، مشيرة إلى أن الزيارة إن حدثت ستكون الأولى له منذ وصوله إلى منصبه.


ويتوقع أن يمتلئ ملعب القاهرة الدولي الذي يتسع لأكثر من 75 ألف متفرج مساء الأحد لهذه المباراة المهمة في الدوري العام المصري، وهو ما يعني أن عائداتها قد تصل إلى ما يعادل نحو 150 ألف دولار.

جدير بالذكر أن إسماعيل هنية لاعب كرة قدم سابق حيث لعب في التسعينيات مع فريق نادي الشاطئ الفلسطيني في قطاع غزة، وكان يعتبر من أفضل اللاعبين الفلسطينيين.
Prof
هي خطوة في حد ذاتها كويسة طبعاً.. موضوع الدعوة والدعم.. لكن غير مفهومة خالص من رئيس الزمالك مرتضى منصور.. شخص أقل ما يقال عنه انه غير سوي.. ثم لم يظهر له في سابق حياته أي اهتمام أو ادعاء متابعة حتى للشأن الفلسطيني..
كل ما يصدر عنه مفاجآت متسرعة وغير مدروسة ولا مبررة.. بالضبط كهذه الدعوة التي نتكلم عنها.

عموماً هايبان السبب.. يا خبر النهاردة بفلوس بكرة يبأة معروف..

إلا إذا كان نوع من الشعبطة في ديل القضية لتلميع الصورة المتربة.. على رسل الظواهري وبن لادن والزرقاوي ومن قبلهم سالف الذكر صدام..
أسامة الكباريتي
اقتباس (Prof @ May 11 2006, 01:57 AM)
هي خطوة في حد ذاتها كويسة طبعاً.. موضوع الدعوة والدعم.. لكن غير مفهومة خالص من رئيس الزمالك مرتضى منصور.. شخص أقل ما يقال عنه انه غير سوي.. ثم لم يظهر له في سابق حياته أي اهتمام أو ادعاء متابعة حتى للشأن الفلسطيني..
كل ما يصدر عنه مفاجآت متسرعة وغير مدروسة ولا مبررة.. بالضبط كهذه الدعوة التي نتكلم عنها.

عموماً هايبان السبب.. يا خبر النهاردة بفلوس بكرة يبأة معروف..

إلا إذا كان نوع من الشعبطة في ديل القضية لتلميع الصورة المتربة.. على رسل الظواهري وبن لادن والزرقاوي ومن قبلهم سالف الذكر صدام..

صحيح انك اهلاوي تعس
بئس القول يا فتى
ثكلتك أمك biggrin.gif
أكل هذا يأتي بسبب دعوة مشبوهة من واحد زلكاوي غير سوي 1(()).gif

يا سيدي ياما سمعنا عن تبرعاتبالملايين
وماشفناش منها ملاليم

مش يمكن تكون دي بادرة خير يا كابتن
El-Masri
اقتباس (Prof @ May 10 2006, 04:57 PM)
كل ما يصدر عنه مفاجآت متسرعة وغير مدروسة ولا مبررة.. بالضبط كهذه الدعوة التي نتكلم عنها.


يا حاج أسامة اللى ينتقد موقف زى ده مش ممكن يكون أهلاوى ، ولا حتى أهلاوى تعس، ده أكيد بيشجع برشلونه أو مانشيستر. biggrin.gif
Prof
يمكن فكرك مشغول شوية يا مصري عشان كدة المعلومة وصلتك غلط.. أو بمعني آخر مش عايزة توصلك..
المفروض الواحد بعد كده يكتب المداخلة ومعاها مذكرة تفسيرية icon_deal.gif
15()).gif
أسامة الكباريتي
اقتباس (El-Masri @ May 11 2006, 08:38 AM)
اقتباس (Prof @ May 10 2006, 04:57 PM)
كل ما يصدر عنه مفاجآت متسرعة وغير مدروسة ولا مبررة.. بالضبط كهذه الدعوة التي نتكلم عنها.


يا حاج أسامة اللى ينتقد موقف زى ده مش ممكن يكون أهلاوى ، ولا حتى أهلاوى تعس، ده أكيد بيشجع برشلونه أو مانشيستر. biggrin.gif


ايه الحكاية يا مولانا
انت احولّيت والا انا قلت ده وانا بحلم
تاخد كلام بروف وتلبسهولي تهمة unsure.gif

بس ولو
الزمالك هيتسك بلا أدنى شك

بس يعني
وده هيحصل
مرتضى أفندي حيعلق الخسارة على قفا هنية

انا من هنية
أطنش الدعوة
واشوف الماتش في التلفزيوووووون
بلا منها

خصوصا ان ناديهم بيجيب شبهة

والأهلي حديد
والزمالك على صفيح ساقع

مع الاعتذار لفريدة باشا
أصل الكلامده مافيهوش مجاملة


الفكرة في الموضوع ان مرتضى حنطور عارف ان غالبية سكان قطاع غزة زملكاوية 2))).gif
يعني ضامن ان مافيش قرش حيطلع بره biggrin.gif
Hesham
هم الغزاوية زملكاوية !!!!!!!!!!!! surpsurp.gif

إذن ... waittttin.gif

حأضطر أغير موقفى من القضية برمتها 1(()).gif

أنا من بكرة الصبح حأبقى مع السلام ومع أسلو ومع كامب ديفيد ومع مرتضى منصور كمان ,,,
وخلى الزمالك ينفعهم 8LLL.gif
ماركيز
يا والله يا زمالك فكرتنا بماتشات طالبان اييييييييييييييييه دنيا rollinnnnn.gif
El-Masri
الكلام واضح والإنتقاد لم يكن فقط لمرتضى بل أيضا للفكرة نفسها.
نفهم إيه لما نقول مرتضى بيتخذ قرارات خطأ مثل هذا القرار.
راجع قراءة الجملة.
أسامة الكباريتي
نفهم اننا واخدينها فكاهة
الا ماركيز
بيغمز من قناة
والا بلاش

اقتباس
وأوضح رئيس النادي أنه تلقي خطاب شكر من المنظمات العربية لمبادرته بتخصيص جزء من إيراد مباراة القمة للشعب الفلسطيني، مؤكداً أن الزمالك هو أول مؤسسة رياضية تتفاعل مع حملة المليار دولار لصالح الشعب الفلسطيني،

وأشار إلي أنه قام بدعوة محمود عباس «أبو مازن» لزيارة النادي وحضور لقاء القة مع الأهلي في الاستاد.

http://www.almasry-alyoum.com/article.aspx...ArticleID=16050


مش قلتلك
مصالح
مش وطنية

والأهلي حديد ستانلس ستيل
أصلي




Prof
اقتباس
الكلام واضح والإنتقاد لم يكن فقط لمرتضى بل أيضا للفكرة نفسها.
نفهم إيه لما نقول مرتضى بيتخذ قرارات خطأ مثل هذا القرار.
راجع قراءة الجملة.


حلوة.. تصدق !
مفروض أنا اللي أراجع الجملة.. عشان أفهم كلامي على مزاجك مثلاً smile.gif


El-Masri
اقتباس (Prof @ May 10 2006, 04:57 PM)
كل ما يصدر عنه مفاجآت متسرعة وغير مدروسة ولا مبررة.. بالضبط كهذه الدعوة التي نتكلم عنها.

طب نلونها.

وبعدين مش مشكلة لما تشجع مانشيستر، ما البلد ماليانه. biggrin.gif
Prof
اقتباس
هي خطوة في حد ذاتها كويسة طبعاً


طب وأول جملة تخرم عين التخين دي.. ماصادفتش وعينك وقعت عليها طول الوقت الي فات من ساعة ما اتكتبت؟
El-Masri
أول جملة (خطوة كويسه) وتانى جملة( خطوة غير مبررة ومتسرعة).

إيه، نسيت اللى كتبته فى أول جمله وللا غيرت رأيك؟ biggrin.gif
Prof
انت كمان بتألف كلام وتنسبهولي..
El-Masri
اقتباس (Prof @ May 10 2006, 04:57 PM)
هي خطوة في حد ذاتها كويسة طبعاً..




كل ما يصدر عنه مفاجآت متسرعة وغير مدروسة ولا مبررة.. بالضبط كهذه الدعوة التي نتكلم عنها.
..

الحمد لله المداخلة لسه متعدلتش ومقتبسة.

الكلام واضح والتناقض بين. إرسى على حل، الدعوة خطوة كويسه، وللا لأه؟

ألذ حاجه نهاية المداخلة بعد هذا التناقض الفاضح.
Prof
يا مصري لو حاولت تفهم... هاتفهم.
وطول مابس غرضك تلقح بلا على الناس.. فلن تزيد عن هذا.. ملقح بلا.
حقيقة بسيطة خالص.. بس غالباً برضه مش هاتستوعبها.
El-Masri
أكيد فهمت من التناقض إن حضرتك مش راسى على رأى.

خطوة كويسه فى حد ذاتها ولكنها متسرعة وغير مدروسة ولا مبررة. tututu.gif

إذا كان التناقض بيحصل فى مداخلة أربع سطور فما بالك بالمداخلات الطويلة. 1(()).gif
Hesham
المصرى وبروف ..

حقكم انتم الاثنين عليا أنا .. أرجوكم.
بس كفاية لحد كده لو سمحتم، لأن الكلام لو زاد عن كده حيقلب غم بينكم، وأكيد ماحدش منكم يتمنى هذا يعنى 1(()).gif

أرجو عدم الرد من أى منكما بعد مداخلتى هذا .. وشكراً مقدماً.





أسامة الكباريتي
وانت مالك يا حشري
ماتسيبهم يقطعوا هدوم بعض

مصري
انا منك ما حاسكتله
ايه اللي قاعد يلقح جتته عليك
ويقوللك مش عارف ايه
فتونة يعني
احنا مابنحطش واطي أبدا

وهشام جاي شايللي شومة وفال بيفزع
روح ياجدع
خليهم متلهيين
كلها شويتين والماتش يبتدي

ونشوف بهدلة الزمالك
ومكسور بيه بتاعهم


ولأهلي
بيركب الصعب
ويخش البحور
مايتبلش

اصله الأهلي ستانلس ستيل


user posted image
أسامة الكباريتي
مواقف فرق المقدمة في الدوري العام:

# الفريق لعب ف ت خ نقاط
1. الأهلى 23 20 3 0 63
2. الزمالك 23 17 4 2 55
3. انبى 22 12 4 6 40
4. الاسماعيلى 23 11 10 2 35
5 حرس الحدود 23 10 9 4 34

63-55=8 نقاط الفارق بين الأهلي والزمالك

عين الحسود فيها عود

016.gif
أسامة الكباريتي
الله حي والتاني جي


عماد متعب افتتح الجوال
بعد 7 دقائق من البداية


أسامة الكباريتي
ياسلام عليك يا أبو تريكة
يالعيب أوي

عملها وجاب التاني
الـنـديــم
>>

هو الماتش على أي قناة بيتذاع ... مشفر والا مفتوح rolleyes.gif


<<
أسامة الكباريتي
على الفضائية المصرية
ESC1
حدوته مصريه
اخر معلوماتي 2 صفر,,, في اخبار جديده؟؟
أسامة الكباريتي
معلوماتك أكيدة
وفضلت لآخر الماتش

بيب بيب آهلي
أسامة الكباريتي
الأخ المصري
ايه رأيك تفضل تشجع الزمالك
يمكن تنزل بيه للدرجة التانية biggrin.gif
El-Masri
اقتباس (أسامة الكباريتي @ May 14 2006, 09:47 PM)
الأخ المصري
ايه رأيك تفضل تشجع الزمالك
يمكن تنزل بيه للدرجة التانية biggrin.gif

biggrin.gif biggrin.gif biggrin.gif

لا أنا الحمد لله ربنا تاب عليا، لا بشجع لا أهلى ولا زمالك، المنتخب خللانى أبطل أتفرج على كوره. wacko.gif
الـنـديــم
>>

اقتباس
الفكرة في الموضوع ان مرتضى حنطور عارف ان غالبية سكان قطاع غزة زملكاوية



الكلام ده بيعتمد على أي معلومات أو إحصائيات ؟؟

الحمد لله ...

الأهلي كسب لأنه كان الأفضل طوول الوقت

مبرووك للأهلاوية وهاردلك ، حقيقي هاردلك، للزملكاوية .. rolleyes.gif


<<
أسامة الكباريتي
بيعتمد على مصادري الخاصة

لغاية الآن لم أقابل واحد (من نفسي) جاي من غزة مش زملكاوي
واللي مش زملكاوي
بيزملكوه قبل ما يطلع
تقدر تقول عيب خلقي
زي أكل الفلفل الحار وحاجات تانية فيهم biggrin.gif

ماعلينا
الأهلي كان الأفضل طوال ال 90 دقيقة
واستحق الدرع مبكرا

مبروك للأهلي

ونفضل كل سنة نقول خارد لك لإخواننا الزملكاوية a-my-07.gif
ربنا يتوب عليهم ويفوقوا 1(()).gif


.
Invision Power Board © 2001-2014 Invision Power Services, Inc.