المساعدة - البحث - قائمة الأعضاء - التقويم
رسالة عتاب للزميل المصري
منتديات شئون مصرية > بوابة المنتديات > إستفسارات ـ إقتراحات ـ شكاوى
1, 2
oskasan


العزيز المحترم المصري :



في آخر مداخلة بيني وبينك في موضوع أراكم على خير الخاص بالزميل أبو حميد

http://www.masreyat2.org/ib/index.php?show...pic=11378&st=15

وجدت أن ردك عل مداخلتي كان جافا بعض الشيء
كانت مداخلتي بالفعل موجهة إليك

ولكن لم اقصد بها أي إهانة
بل كان القصد مزاح من باب الفكاهة

وفوجئت بغضبك وردك الجاف
في الحقيقة لم اقرأها في حينها بل الآن

وللتذكرة . هذه مداخلتي :
اقتباس

اقتباس

و عليه أرجع إليكم أكثر عزما لإستكمال الطريق و أداء الرسالة


اقتباس
طالما حتبعد بغرض الإستجمام ولترى الصورة أوضح وأشمل يبقى خير إنشاء الله
بالتوفيق وترجعلنا مروق ومعاك مواضيع فى الجون.
.


مصري باشا

ميت مسا واربعتاشر

الراجل رجع

ومعاه شنطته

ودخل اوضته

وغير هدومة

ونام سعاتين

وقلقنا بشخيره

وصحي

وحلق دقنه

واستحمى

وقعد معانا


وحكي ليلنا مغامراته في بلاد الواق الواق


وشرب الشاي

والقهوة


وانت لسه بتقوله مع السلامة

صباح الفل


وكان هذا ردك :

اقتباس

وإنت مالك؟ 

هوه أنا كلمتك يا سيد. وياترى حتكلم الناس اللى كتبوا بعدى وتقولهم نفس الكلام وللا العملية شخصية. 

شكلك بتصطاد فى المية العكرة كالعادة؟


أولا :

اعتقد أن الأمر لم ولن يصل مني لحد الإهانة أو التجريح
حتى أقابل بمثل هذا الرد منك
وللأعضاء الحق في الحكم في هذا


ومع ذلك أعلن لك اعتذاري بشكل عام إذا كان في كلماتي ما ضايقك أو أشعرك بحرج
ولكن أؤكد لك أن نيتي كانت سليمة
وليس بيني وبين شخصك الكريم أي نوع من عدم الاحترام او ما شابه
ولم ارمي مطلقا لما ذكرته في الاصطياد بالمياه العكرة

ثانيا :

إذا كان الأمر نتيجة تراكمات قديمة ( وهذا الأرجح بدليل جملتك smile.gif
اقتباس
شكلك بتصطاد فى المية العكرة كالعادة؟

فذكرني بها واكتبها هنا على العام فليس في ذلك حرج
واذا كنت على خطأ
فعندي الشجاعة الكافية للاعتذار علنيا أمام الزملاء

الزميل الفاضل إذا كنت تريد أن أتجنب الحديث معك
فلا مانع لدي
ولكن اخبرني حتى لا أقع في هذا الخطاء مرة أخرى وتكون هناك بيننا ردود استفزازية لا سمح الله

وفي النهاية أوضح لك

انه ربما يوجد بيننا اختلاف
ولكن من ناحيتي لا يوجد خلاف


واقبل حكم الإدارة والزملاء أيا كان نوعه


وتقبل فائق احترامي وتحياتي

El-Masri
أهههه
حضرتك كنت بتهزر.

طيب
أنا برضه كنت بهزر.

بس طالما حضرتك مبتستحملش الهزار، يبقى أحسن متهزرش.
oskasan

اقتباس
أهههه
حضرتك كنت بتهزر.

طيب
أنا برضه كنت بهزر.

مش قد الهزار متهزرش.


ما فهمته من ردك غير ذلك


اذا كان الامر كذلك

فانا قبلته

واعتذر عن فهمي الخاطئ

اما عن الهزار
فمعلش انا لسه صغير وفهمي عن الهزار على قدي



sleep.gif
حدوته مصريه
بصراحه يا اخ مصري اوسكاسان مغلطش في حاجه انا كمان كنت عايزه اقولك صح النوم ابو حميد خلاص رجع
ومش عارفه فين الميه العكره اللي بيصطاد فيها دي

يا ريت يا اخ مصري تخف من حده ردك ..وتعكس اخلاق الاسلام في رودودك

وشكرا جزيلا
El-Masri
اقتباس (oskasan @ May 8 2006, 12:57 PM)
اما عن الهزار
فمعلش انا لسه صغير وفهمي عن الهزار على قدي

أنا برضه قلت كده لما رحت تشتكى للناس، "المصرى ضربنى، وااااااء" 2)))(.gif

ولا يهمك، حنستحملك لغاية ما تكبر بس بعد كده ملكش عذر. 1(()).gif
Abouhemeed Al Masry
خلاص يا جماعة ..
أنا اللي غلطان ..
و بصراحة يا مصري ردودك أصبح فيها عدوانية غير مبررة و هذا في الحقيقة لوحظ في الفترة الأخيرة
أقصد قبل كدا كنت بتوصل رأيك بطريقة أحسن ..
أوسكاسان أكيس و أكبر منك و خابر الدنيا
تقدم بإعتذار و بصورة جادة
رديت إنت بتهكم و إستفزاز
هو كدا يكسب ..

إتعلم علشان ما تفضلش على طول تخسر و تخسرنا معاك
كلامي مفهوم موش عايز ذكاء يا صاحبي
و الحق ما يزعلش
في مثل مصري بيقول شيل دا عن دا يرتاح دا من دا ..
و دا الحل الأخير إذا كان التحاور بينكما يستمر على هذا المنوال


El-Masri
حضرتك قلت إنك حتغيب لفترة للإستجمام، أنا لم أجد داع من الرد، فهذا شيئ طبيعى، ولكن كثير من الأعضاء أحزنهم هذا وصوروا الموضوع على إنك حتسيب المنتدى للأبد، وبدأت رسائل المجاملات من نوع "مش قادر على بعدك ثانية".
فأنا أرسلت رسالة توضيح إن غيابك كان بسبب شحذ القوى للعودة بمواضيع مثيرة تجدد دماء المنتدى.

يقوم طالعلك صاحبيكا، ويقولك إنت لسه فاكر دلوقتى تبعت لأبو حميد، تفتكر نيته سليمة؟
طب ليه مقالش الكلام ده للأعضاء اللى كتبوا بعدى؟

دى جملة كان هوه حدفها من شهر وده كان آخر إحتكاك معاه حتى هذا الموضوع.
"عندما يفتح أحد المسلمين موضوعا في مظهره بحثا عن مقارنة بين المسيحية والإسلام دادادادادادا"

الكلام إليك يا جاره، وده تانى إحتكاك وبيقولك إنه كان بيهزر ونيته سليمة، بس المرة دى ذكر الإسم، المرة اللى فاتت حدفها من بعيد.

أبوحميد إنت عارفنى، أنا مبحبش النفاق،ولذلك لن أعتذر عن خطأ لم أرتكبه من أجل المظاهر.
Abouhemeed Al Masry
ما حدش طلب منك إعتذار و لا نفاق
أنا بأقولك الكلام فن غايب عنك
فلما تحب تقول حاجة في كذا طريقة تقولها بيها
إنت بتختار الطريقة التصادمية
يعني لو حسيت إن حد بينبط عليك
ممكن تنبط عليه من غير ما يمسك عليك كلمة
و الحوار بيكون مشوق
أنا لا أقصد أن أحجر على أفكارك
دي إنت حر فيها
لكن بأقولك حكمة راجل عياله أكبر منك و لف الدنيا
و عاشرت ناس كتير و أدعي أني قابلت أكثر الناس عدوانية لي على الأقل بصورة شخصية و لم ينجح أحد في إستفزازي أبدا .. يعني قلت لهم رأيي الذي يخالف رايهم و سمعوه و لم يقدروا أن يهاجموني على رٍايي و كلماتي بل منهم من إعترف بصحة رايي
أطلب منك فقط
التروي و مزيد من الحكمة
هذا إذا قبلتها مني كوالد أو صديق أكبر
تحياتي
El-Masri
اقتباس (Abouhemeed Al Masry @ May 8 2006, 02:31 PM)
ما حدش طلب منك إعتذار و لا نفاق
أنا بأقولك الكلام فن غايب عنك
فلما تحب تقول حاجة في كذا طريقة تقولها بيها
إنت بتختار الطريقة التصادمية
يعني لو حسيت إن حد بينبط عليك
ممكن تنبط عليه من غير ما يمسك عليك كلمة
و الحوار بيكون مشوق
أنا لا أقصد أن أحجر على أفكارك
دي إنت حر فيها
لكن بأقولك حكمة راجل عياله أكبر منك و لف الدنيا
و عاشرت ناس كتير و أدعي أني قابلت أكثر الناس عدوانية لي على الأقل بصورة شخصية و لم ينجح أحد في إستفزازي أبدا .. يعني قلت لهم رأيي الذي يخالف رايهم و سمعوه و لم يقدروا أن يهاجموني على رٍايي و كلماتي بل منهم من إعترف بصحة رايي
أطلب منك فقط
التروي و مزيد من الحكمة
هذا إذا قبلتها مني كوالد أو صديق أكبر
تحياتي

إسلوبى كويس مع ناس كتير، حتى بعضهم لا أتفق معهم فى كثير من المواضيع، بس مش أى حد يبتسم فى وشى أقوم فاشخ بقى ومريل. جربناها وإتركبنا.
Prof
يا حاج مصري أنا شايف ان اللي انت بتعمله ده لا يصح.. وشايف انك أخطأت في حق المكان واللي فيه.. وتجاوزت ما كان يجب أن تراعيه.
فأرجو منك ومن كرم أخلاقك.. لو سمحت حاول بس ما تكررش ده تاني.. طبعاً ده بفرض كونك حريص على المكان وعلى مشاعر من فيه.
فإذا كان الأمر غير هذا.. فيمكن مواجهة هذه الحقيقة بشكل مناسب بحيث لا انت تتضايق ولا حد تاني كمان يتضايق.

شكراً لك.

ويا عم أوسكا..
أرجو أن تتقبل اعتذاري بشكل شخصي وأيضاً من واقع مسؤلياتي في المنطقة..

El-Masri
اقتباس (Prof @ May 8 2006, 03:37 PM)
يا حاج مصري أنا شايف ان اللي انت بتعمله ده لا يصح.. وشايف انك أخطأت في حق المكان واللي فيه.. وتجاوزت ما كان يجب أن تراعيه.
فأرجو منك ومن كرم أخلاقك.. لو سمحت حاول بس ما تكررش ده تاني.. طبعاً ده بفرض كونك حريص على المكان وعلى مشاعر من فيه.
فإذا كان الأمر غير هذا.. فيمكن مواجهة هذه الحقيقة بشكل مناسب بحيث لا انت تتضايق ولا حد تاني كمان يتضايق.

شكراً لك.

ويا عم أوسكا..
أرجو أن تتقبل اعتذاري بشكل شخصي وأيضاً من واقع مسؤلياتي في المنطقة..




وبعدين إيه سبب إنه جاى النهارده يفتح الموضوع بعد ما مداخلتى عدى عليها تلات أيام وإتكتب بعديها صفحتين.

طب مانا ممكن أجيبله من الأرشيف وأفتح مواضيع شكوى من الإضطهاد وكمان أطالب بقوات دولية لحمايتى. tututu.gif بس أنا مليش فى الهولوكست المصرى.

على العموم، طالما هوه بطل هزاره أنا حبطل هزارى.

حيرجع حنرجع.
أسامة الكباريتي
سلامات يا بُعَدا
هو فيه ايه
مين اللي مزعل ابو حميد بس ))11.gif

انا باقول يا ريس كارت أصفر
والا كاروهات
ويتوقف الماتش
خلي اللعيبة ترتاح شوية

يا أخ المصري
حساسيتك المفرطة بتتسبب بأرتيكاريا مالهاش لازمة
عندك دوا للحكة يا دكتور ابو حمد
صحيح حضرتك بتاع عظام
بس الناس العظام بنلاقي عندهم حتى فاليوم

طيب ماتدي للشباب قرصين من اياهم
يمكن يروقوا
ويهدوا

أخوكم أسامة الكباريتي
عضو عامل
مش هامل
banboty
نصيحة لوجه الله يا مصري

مش كل الناس زي بعضها ,,,

و اللى يعاملك بأدب و احترام , يستاهل انه يشوف الاحسن منه

فبلاش تخسر ناس محترمة ...


و ده حقيقي رايي في القضية cofe(((.gif


El-Masri
اقتباس (banboty @ May 8 2006, 11:49 PM)
نصيحة لوجه الله  يا مصري

مش كل الناس زي بعضها ,,,

و اللى يعاملك بأدب و احترام , يستاهل انه يشوف الاحسن منه

فبلاش تخسر ناس محترمة ...


و ده حقيقي  رايي في القضية  cofe(((.gif


أتفق معك تماما، راجع مداخلاتى مع كل من :
أسامة الكباريتى
هشام
النسر
أبوحميد
سي فود
الناصح
ناصر
على عينه
فريده
أكرم
حدوته
نورا
حشيش
جاتيتا
لينوكس

ودول ماشاء الله من أنشط الأعضاء، حد فيهم يا جماعة دخلت فيه شمال برغم إننا بنخلف فى حاجات كتير؟؟؟؟؟؟؟؟
ولو دورت فى قائمة الأعضاء حطلع أكتر.

هو اللى يسبق ويشتكى يبقى هو اللى على حق؟

ده حتى ماركيز اللى بنردح لبعض كل يوم معملهاش وراح إشتكى. biggrin.gif
banboty
اقتباس (El-Masri @ May 8 2006, 10:17 PM)
يقوم طالعلك صاحبيكا، ويقولك إنت لسه فاكر دلوقتى تبعت لأبو حميد، تفتكر نيته سليمة؟
طب ليه مقالش الكلام ده للأعضاء اللى كتبوا بعدى؟


افهم من كده انك بتحاسب اوسكا على النية

أو بتخمن انه يقصد حاجة وحشة !

و لا عندك دليل على انه خبط معاك في كلام مباشر قبل كده
El-Masri
اقتباس (banboty @ May 9 2006, 01:03 AM)
اقتباس (El-Masri @ May 8 2006, 10:17 PM)
يقوم طالعلك صاحبيكا، ويقولك إنت لسه فاكر دلوقتى تبعت لأبو حميد، تفتكر نيته سليمة؟
طب ليه مقالش الكلام ده للأعضاء اللى كتبوا بعدى؟


افهم من كده انك بتحاسب اوسكا على النية

أو بتخمن انه يقصد حاجة وحشة !

و لا عندك دليل على انه خبط معاك في كلام مباشر قبل كده

أمال إحنا بنقول إيه من الصبح. tututu.gif

إنت إقتبست سطرين وقررت تقرأ سطر واحد منهم؟ biggrin.gif

ده المنتدى كله صيادين بقى. rollinnnnn.gif
banboty
يعنى انت رزعت الراجل كام كلمة في وشه

بسبب ان ممكن تكون نيته فيها شك بالنسبة لك

El-Masri
اقتباس (banboty @ May 9 2006, 01:35 AM)
يعنى انت رزعت الراجل كام كلمة في وشه

بسبب ان ممكن تكون نيته فيها شك بالنسبة لك

طب قوللى إنت.
أنا وأسكاسان كنا بنتكلم فى الموضوع ده فى داخل الموضوع بتاع عبد الحميد فى حضور جميع الأطراف.

ليه أوسكاسان لما الموضوع هدى هناك قرر يفتحله فرع رئيسى لوحده هنا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

سؤال ساهل برغم إنه مش (صح/خطأ) أو (إختيارات).
يعنى ممكن تكتب سطر واحد بس فى صلب الإجابه.

وطبعا حنستبعد الإجابات التالية:
عشان يهدى الموضوع ــــــ لإن اللى عايز يهدى الموضوع ميفتحوش فى صفحة بعنوان لوحده.
عشان يعاتبنى ــــــــ لإنه عاتبنى هناك بالفعل.
عشان يعتذر ـــــــــ مفتكرش لإن العنوان عتاب.
El-Masri
بقولك إيه.

إنت فكر فى الإجابه لغايه الصبح، وعشان الصورة تبقى أوضح عندك، إفتح الأراشيف، وفكر بحياده بعد الإلمام بكافه جوانب الموضوع.

أنا الوقت متأخر عندى وداخل أنام.

وربنا يستر على اللى حيتكتب وأنا نايم، الواحد ملاحظ إن الصيادين كترو فى المنطقة وبقت قلق.
banboty
و لكن هذا لا يساوي , كلامك الناشف معاه يا هندسة

مش المفروض كل فعل له رد فعل مساو له في القوة و مضاد في الاتجاه

لا انت عملت دي و لا دي
El-Masri
قلقت فى النوم وقلت آجاى أبص، وعارف إنى أكيد مش حلاقى رد مباشر للسؤال.


وزى ما توقعت.


هوحضرتك تبع نيوتن؟ biggrin.gif

هو محدفش كوره وخبطت فى الحيطه يا أستاذ، دى مسألة أخلاقيه تقديرها بيختلف من واحد للتانى.

فيه ناس جتها منحسه ومبيأثر فيها خبط وناس تانيه عندها زوق ولما بتغلط ولو غلطه ضغنطوووطه تلاقيهم فى نص هدومهم.
وبعدين أنا كتبت قائمة طوييله بأعضاء زى الفل وكلامنا مع بعض على المستوى برغم إختلافنا فى القضايا محل النقاش، بس محدش فيهم بيحدف كلام من بعيد وبعدين يغطيه وبعدين ينشره بعد ما يذوقه. ويا ريت بعد أن أثبتنا فشل نظرية نيوتن فى الفيزياء للحكم على القضايا الأخلاقية منفتحش على أينشتاين ونخلط الكيميا بالفلسفه.

حروح أحاول أنام تانى، وربنا يستر وأرجع ألاقى هدومى مكانها. tututu.gif
Hesham
وكل من له نبى .. يصــــــــــــــــــــــــــلى عليه smile.gif (من الأقوال المأثورة لشويكار) tututu.gif


أعتقد أن المشكلة من أولها لآخرها .. ليست سوى سوء تفاهم "شخصى".
وأعتقد أن الإستمرار فى الكلام فيها، سيزيد من سوء التفاهم ولن يحله، وسيدخل أطرافه فى مشاكل أخرى لا داعى ولا معنى لها.

فبرجاء .. محاولة فهم الآخر، والإكتفاء بما قيل هنا حتى الآن، وتفادى هذا النوع من النقاشات مستقبلاً.


تحياتى للجميع 2!!-_0.gif
..... على عينه
اخونا الفاضل المصرى
كنت لا اريد ان اشارك فى هذا الموضوع ولكن قول الحق يوجب على ان اقوله واعتقد انك تؤيدنى فى ذلك...
انا قرأت مداخلة العزيز اوسكاسان ومما لاشك فيه انه من النوع الذى يميل الى المزاح المؤدب دون الخروج عن احترام الشخص الذى يتحاور معه..وانا اعتقد حسب رؤيتى انك كنت جاف معه الى حد كبير وهو كان يريد ان يفهمك انك دخلت الى الموضوع بعد ان تراجع اخونا ابوحميد عن قراره.اراد ان يقوله لك بطريقه فيها نوع من المزاح...
ياريت يامصرى تحاول ان تكون الى حد ما غير جاف فى الرد وانا سوف اقول لك خللى روحك رياضية ومش حا اقول يجب ان تتسم بروح الاسلام لانى واثق انك تتسم بهذه الروح وياريت نتسامح حتى مع الذين يغلطون فينا وكله بحسابه يا المصرى...وشكرا لك

كتبت هذه المداخله ولم تكن مداخله اخونا العزيز هشام قد كتبت بعد والا كنت قد توقفت عن كتابه مداخلتى..حصل خير وصلوا على النبى
El-Masri
اقتباس (Hesham @ May 9 2006, 03:53 AM)

أعتقد أن المشكلة من أولها لآخرها .. ليست سوى سوء تفاهم "شخصى".
وأعتقد أن الإستمرار فى الكلام فيها، سيزيد من سوء التفاهم ولن يحله، وسيدخل أطرافه فى مشاكل أخرى لا داعى ولا معنى لها.

تحياتى للجميع  2!!-_0.gif

مهو عشان كده أنا كنت بتساءل:

ليه أوسكاسان لما الموضوع هدى هناك بعد يومين وتلات صفحات قرر يفتحله فرع رئيسى لوحده هنا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
oskasan
الأخ العزيز هشام

اسمحي بصفتي طرف في الموضوع أن أضع آخر مداخلة لي في هذا الموضوع

عزيزي المصري أقولها من قلبي وليس مجاملة

مداخلتك بالفعل لم أقرأها في حينها وقرأتها بالصدفة صباح نفس اليوم الذي فتحت فيه هذا الموضوع

أولا :

لم أرد في وقتها لان الرد السريع في حينه - قد يجعلني وأنا في قمة انفعالي - يؤدي إلى مشادة كلامية لاداعي لها
ففضلت أن أهدأ قليلا وارد عليك .

ثانيا :

ليس من اللائق أن نحول موضوع أبو حميد إلى غير ما فتح من أجله .

ثالثا :

رأيت وهذا ما في نيتي والله يشهد بذلك
إن مجرد الرد لا يفتح بيني وبينك حوار راقي بل مبارزة وتنابز ليس بيننا غالب بل نحن الاثنان في جانب واحد وهو الهزيمة . ولا انوي ذلك مطلقا سواء معك او مع غيرك
فقررت أن افتح معك حوار عتاب وأبدا بالاعتذار حتى نكسب نحن الاثنان أول جولة .

فاعتذاري ليس هزيمة لي ولا نصر لك

بل هو اتجاه في الطريق الصحيح لبدء تفاهم واضح بيننا .

ثالثا :

لم اعمل بنظرية ضربني وبكى وسبقني واشتكى كما تحاول أن تشبهني .

بل مددت يدي للمصافحة أولا

وفي أول رد لك أعرضت وجهك عني وأغلقت الباب في وجهي وقطعت حبل التواصل بردود جافة مستفزة .

رابعا :

ويعلم الله أنني أول مرة اعلم أن هناك شيئا ما بصدرك من ناحيتي
فلماذا لم تواجهني بما ضايقك منى من قبل ؟

إذا كنت وقتها اعتبرت أن هذه تفاهة لا ينبغي الالتفات إليها

فلماذا أثرت عليك في علاقتك معي ؟

أما إذا كنت تعتبرها إهانة لا تغتفر

ويجب الحكم على صاحبها بالمقاطعة ولا تحتمل مني أي مزاح أو مناوشة
فلماذا تتركني استمر في ذلك ؟
وأنت في صدرك شيء ما يجعلك متحفزا من كل كلمة اذكر أو انوه عنك فيها !


عن نفسي لو كنت انوي شكوى لما عاتبتك واعتذرت عن سؤ فهم لم اقصده
وعن نفسي أيضا أول ما شعرت منك بشيء
ماسارعت وفتحت معك حوار لإزالة أي شائبة قد تشوه علاقتنا كأعضاء في مكان واحد
ولم اترك الوساوس والأفكار تتحكم في علاقتي معك كما فعلت أنت

ليس من المفروض أن اذكر ذلك لكنك أنت الذي اضطررتني إليه
عندما أرسلت لك رسالة خاصة في مناسبة المولد النبوي
أنا لا يهمني موضوع المناسبة بذاتها ( أرجو من الجميع أن يتفهموا ما أقوله )
هل هذا لا يوضح لك انه لا يوجد بداخلي شيئا ما تجاهك ؟
ومع هذا لم تكلف نفسك عناء الرد
مع العلم أن بعضهم رد بكل احترام انه لا يعتبر هذا عيدا أو مناسبة تستحق المعايدة ولكن شكرني على التواصل

هذا ما أردت إيضاحه يا عزيزي ..... التواصل فقط

حاولت أن أضع بيني وبينك حبل للتواصل في مواضع مختلفة
منها مثلا يوم ما رأيتك في موضوع صباح الخير يا شئون .. ألقيت عليك الصباح وكالعادة لم ترد
توقعت يومها انك لم ترى المداخلة
ولكن اليوم أنت تثبت عكس ذلك

في زمن ما كان هناك بيني وبين احدهم صداقة
وفي وقت استغل فيه الشيطان ضعفنا البشري فأوقع بيننا
واستمرت القطيعة فترة طويلة
ونسينا سبب الخلاف ولكن ما تذكرناه ان هناك حاجز بيننا
في يوم ما في مناسبة ما تقابلنا صدفة
وأخذنا بعضنا بالاحضان كما ولم يكن هناك بيننا شيئا ونسينا كل شيء
فكل ما فعلناه اننا اتخذنا فرصة لمناسبة ما لانهاء ما بيننا

بالمثل في موضوعنا
انا لم ارك وجها لوجه
ولا اعرفك
وما بيننا ما هو سوى افكار واطروحات وردود
لا تستدعي الخلاف او القطيعة
ففي اول مناسبة نتبادل فيها الحوار او التهاني او العتاب
كنت اتمنى ان يتم تناسي ما حدث ونبدأ من جديد في صفحة بيضاء

ولكن ومن خلال ردودك في هذا الموضوع يبدو انك ترفض ذلك


عموما وفي النهاية
اكرر ما قلته لك سابقا

ربما يوجد بيننا اختلاف
ولكن بالتأكيد عن نفسي ايضا لا يوجد من ناحيتي بيني وبينك خلاف





أشكر جميع الاعضاء والمشرفين لمداخلتهم ومحاولتهم التهدئة





تحياتي





El-Masri
اقتباس (oskasan @ May 9 2006, 04:08 PM)
فقررت أن افتح معك حوار عتاب وأبدا بالاعتذار حتى نكسب نحن الاثنان أول جولة .

عتاب وإعتذار مع بعضهم؟

يبقى مش إعتذار، يبقى حضرتك كإنك بتقول ، إن أنا الغلطان بس إنت أكبر وحتعتذر، وإلا فليس هناك داع للعتاب إن كنت حتعتذر.

أنا حقولك، أنا رجعت بصيت تانى على المداخلات وإكتشفت حاجه ، المداخلة اللى قبلى على طول، كانت أول مداخلة لفريدة وبدئتها بـ "مين رايح فين blink.gif ".
ومع ذلك طنشت مداخلتها مع إنها كانت مؤهلة أكتر لإنك تقولها ("صباح الخير بالليل، إنت لسه فاكر تبعت لأبو حميد") أكتر منى.
أنا مش ملزم أقولك ظروفى إيه حيث إن ده موضوع بينى وبين أبو حميد.

وبعدين حضرتك شفت المداخلة لأول مرة، وبرضه شفت المداخلات اللى إتكتبوا بعديها.

وكويس إن حضرتك فتحت موضوع مولد النبى، لإنك عارف كويس إنى كنت ضد إستحداث أعياد لم يسنها الرسول ورفضت إعتباره عيد، وحتى أنا قلت من ضمن الأسباب اللى تدعم رفض إعتبار المولد عيد، إن فيها تشبه بالنصارى وحضرتك رديت على النقطة دى، يعنى عارف موقفى ومع ذلك قررت تبعتلى تهنئة، ياترى صدفه وللا مزاح، ومع ذلك أنا طنشت وقلت كبر دماغك، مش مستاهله، وأدى النتيجه.

أنا لا أبحث عن إعتذار فهو لا بيودى ولا بيجيب ومعظمها إجتماعيات ومظاهر، كل اللى طالبه إنك لو حتتدخل بينى وبين أحد الأعضاء تكون محضر خير وتحاسب على كلامك مش أكتر، لإن برغم إن الإسلوب مهم لاكن الجوهر عندى أهم.
أسامة الكباريتي
ربما تكون الحسنة الوحيدة لهذا الموضوع هي في كونه "رابسو سوبر" أشعر بأنه قد أخرج الرواسب وعمل تزييت للقلوب

وكلاكما عضو نشط
مثلي smile.gif

ولن يتمكن أيكما من تحاشي الآخر عندما يلتقيه على ناصية موضوع أو في بقالة مناسبة

فكلاكما من النوع الإيجابي المؤثر في أعماله بالمنتدى

وكلاكما يكن لهذه الأرض الطيبة مودة وحرصا لن يصلح فيهما أن توجد على سطحهما جفوة لا أساس لها

لو كان كلاميهذا محض افتراء
وتخاريف
فيكفيكما ما قلتما هنا
وأعرضا عن كل ما قلت
وليدر كل منكما ظهره للآخر
خصوصا أن ماقيل أكثر بكثير مما يجب أن يقال

والتكرار فيه لن يفلح في رأب صدع
إذالم يكن قد افلح حتى الآن

بقي ان أقول
أنني قد احضرت معي 2 كيلو بن بالحب هال
يكفي لعمل قهوة لكل المنتدى

فتفضلا مشكورين
بارتشاف قهوتي
وألقيا على أكتافي
ما تحملان من عتب
والعتاب غسيل القلوب

ربما كنت لن أندم على تركي الإدارة
لو بقيت لدي خاصية واحدة
وهي شطب المداخلات
لذا
فإنني أستعيض عنها برابسو
لأغسل مافي قلبيكما
وأمسحهما بزيت "دهن العود"
ممزوجا بشئ من المسك

وليطيب خاطريكما



وصافي يالبن 2!!-_0.gif













Abouhemeed Al Masry
خلاص يا إخوانا ..
عمونا أسامة قال اللي فيها ..
نقفل الموضوع على كدا .. و حصل خير .. 01!!8.gif
روحوا إقروا النكت بتاعته .. نسيت موش عارف فين !! بس هي هنا دور يا مصري يمكن تلاقيها تحت الترابيزة اللي جنبك دي .. و إنت يا أوسكا .. عايزين نشرب من إيدك كوبايتين شاي من المستورد اللي إسمه عجل جاري دا .. بس إغسل إيديك قبل ما تحلبه ... rollinnnnn.gif
عمو أسامه ... شغل لنا شريط سلامات يا حبايب يا حبايب سلامات بتاع البنت شاكيرا دي .. بس أوع تقول للبروف أصله ح يفرض علينا إرادته و يقول فرجوني على أغنية ليه يا بنفسج .. و أنا صالح عبد الحي باعت لي إنذار على يد محضر علشان ما قلتلوش هو زعلان ليه .. لحد ما طلع عليه الصبح .. ما هو أنا لو كنت عرفت هو زعلان من إيه كنت قلت له .. دا أنا دايخ ما بين الزعلانين هنا .. ألا يا عمونا هما كانوا زعلانين ليه ؟
blink.gif
زعلان
اقتباس (Abouhemeed Al Masry @ May 10 2006, 08:42 AM)
...دا أنا دايخ ما بين الزعلانين هنا .. ألا يا عمونا هما كانوا زعلانين ليه ؟
blink.gif

نعم في حاجة حد هنا بيجيب في سيرتي sleep.gif
Abouhemeed Al Masry
اقتباس (زعلان @ May 10 2006, 09:08 AM)
اقتباس (Abouhemeed Al Masry @ May 10 2006, 08:42 AM)
...دا أنا دايخ ما بين الزعلانين هنا .. ألا يا عمونا هما كانوا زعلانين ليه ؟
blink.gif

نعم في حاجة حد هنا بيجيب في سيرتي sleep.gif

ما نستغناش ..
biggrin.gif
ماركيز
وم اساسيات الصلح ان يتجاوز الطرفان عما شاب العلاقة ولا اجد ذلك موجودا
فطرفا يتمادى فى غطرسة الخفاء ولا اظنه يقيم اعتبارا لاحد الا لسكان تور ا بورا فذلك صلح من طرف واحد اذا قبله الغير وشرعوه دستورا للعلاقات بين الاعضاء فذلك عفوا لا يليق
El-Masri
أهلا أهلا خروماتشوف. مأنس ومشرف.
Abouhemeed Al Masry
اقتباس (ماركيز @ May 10 2006, 06:51 PM)
وم اساسيات الصلح ان يتجاوز الطرفان عما شاب العلاقة ولا اجد ذلك موجودا
فطرفا يتمادى فى غطرسة الخفاء ولا اظنه يقيم اعتبارا لاحد الا لسكان تور ا بورا فذلك صلح من طرف واحد اذا قبله الغير وشرعوه دستورا للعلاقات بين الاعضاء فذلك عفوا لا يليق

يا عم ماركيز ..
الله يخليك ..
خليك محضر خير ..
تورا بورا إيه بس ..
ما ‘نت لما تقول كدا .. ح تلاقي اللي يرد عليك و نطلع بره الموضوع
و لا عشان الإسم موسيقي في ودنك
طيب إيه رأيك في الموسيقي اللي في نجازاكي و هيروشيما يا هيمه ..
و لا بلاش
فلسطين السليبة جاتنا الخيبة
و لا بلاش
فيتنام النام كونام ..
بلاش دي
البوسنه و في كسوفا البروفة
طب خد دي
حلابجة و الأهواز يا لذاذ
شوفت بقى طلعنا من هنا دخلنا هناك و مش ح نخلص
عمو أسامة واحد سباتس حياة والدك لأحسن الخوابير قصدي المنابير اللي أكلناها لسه ما فوقتناش .. و لا أقولك خليها لما تصرف لوحدها .. لأحسن تطلع سباتس دي من إنتاج الزرقاوي أصل قزازتها لونها أزرق ..
سلملي على الخواجة مانولي و إستناني عنده .. و نزل لنا إتنين زبيب .. خلينا نفوق .. لحسن الواحد خلاص ح ينسى إسمه ..
ألا .. كنا بنتكلم على إيه ؟ و مين دول اللي قاعدين .. ؟ و مالهم كدا مزركشين؟ و بيرطنوا كمان ؟!!!
أوعى تقول لي دول ولاد علي بمبه !!
23)))).gif
ماركيز
واذا الحالة يا ابو حميد وصلت للسكر اذن فاين الذين س........... عليهم
Abouhemeed Al Masry
اقتباس (ماركيز @ May 11 2006, 07:00 PM)
واذا الحالة يا ابو حميد وصلت للسكر اذن فاين الذين س........... عليهم

كلنا في الهم شرك
و في ناس بتقول شرق
إختار اللي يريحك biggrin.gif
El-Masri
متقولش كده على نفسك يا أبوحميد، خورماتشوف بعيد عندك من اليسار، يعنى من أهل الشمال. biggrin.gif
ماركيز
اللهم احينا من اهل اليسار وامتنا يساريين واحشرنا مع اهل اليسار praying.gif
gatita
ما خلاص


15()).gif
قمر الليالي
اقتباس (ماركيز @ May 12 2006, 08:57 PM)
اللهم احينا من اهل اليسار وامتنا يساريين واحشرنا مع اهل اليسار praying.gif

اللهم تقبل دعوته praying.gif
banboty
اللهم يخرب بيته
الناصح الأمين
اقتباس
اللهم احينا من اهل اليسار وامتنا يساريين واحشرنا مع اهل اليسار 

لم أر فى حياتى مثل هذا الدعاء ووالله حزنت جدا له
أتمنى من ماركيز أن يتوب وأن يستحضر عظمة الله وعزته
وأن يعلم أن الله عزيز لا يقبل مثل هذا القول من عبد فقير ضعيف يستطيع ربه أن يخسف به الأرض
ولكن لا بد أن أخبرك أيضا أن الله
غفور رحيم يقبل التوبة ويعفوا عن السيئات
فهل ترجع وتتوب أم تتكبر وتثبت على موقف لا يفيد إلا الشيطان ؟!!
ragab
على فكرة
اسلوب السخرية والصد
لا يتناسب مع تعاليم وروح وسماحة الإسلام
ماركيز
الى ان يدرك السادة الغيورين على الاسلام معنى الدعاء سأعود بمداخلاتى
banboty
يساري = شيوعي = ملحد


هل المعادلة مضبوطة ام هناك مستجدات لا نعلمها
Hesham
اقتباس (banboty @ May 13 2006, 10:52 PM)
يساري = شيوعي = ملحد


هل المعادلة مضبوطة  ام هناك مستجدات لا نعلمها

أخشى أنها معادلة خاطئة تماماً يا بمبو، وأنها نتيجة للتشويه الإعلامى والثقافى الموجه منذ بدء الحرب الباردة فى الخمسينات وإلى اليوم ..
وهى أشبه بتلك المعادلة:

نجيل = نبات = كرة قدم blink.gif
قمر الليالي
اقتباس (ماركيز @ May 13 2006, 10:06 PM)
الى ان يدرك السادة الغيورين على الاسلام معنى الدعاء سأعود بمداخلاتى

user posted image
banboty
اقتباس (Hesham @ May 14 2006, 01:17 PM)
أخشى أنها معادلة خاطئة تماماً يا بمبو، وأنها نتيجة للتشويه الإعلامى والثقافى الموجه منذ بدء الحرب الباردة فى الخمسينات وإلى اليوم ..

طب نّور اخوك يا اتش ما دام دغدغت المعادلة بتاعتى ,

عشان انا عارف ان اي رفيق بيبقى تبع ماركس الذي لا يعترف بالاديان ..




El-Masri
يمكن إتش قاصده يسارى إقتصاديا يعنى تأميم واللى بيشتغل زى اللى مبيشتغلش كله بيقبض زى بعضه وبيشتروا الهدوم بالبطاقة، تلاقى الناس كلها لابسه نفس الموديل ونفس الألوان، شفتهم فى كوبا حالهم يصعب على سمارتو.

أنا مقلتكوش، مش أنا طلعت على كوبا الصيف اللى قبل اللى فات. كانت عايزاك دى يا إتش، أصلهم بيتكلموا أسبانى وأخوك أبيض. ولقيت هناك متحف للإتحاد العربى الكوبى، أتارى لينا تاريخ طويل فى كوبا وإحنا مش داريين. من أيام الأسبان المسلمين اللى كانوا مخبيين إسلامهم وطلعوا مع كلومبوس ولما جت الفرصه حاربوا الأسبان ،وفيه أسماء كتير مشهورة للأسبان المسلمين وصور محطوطه فى المتحف، وشفت برضه مصحف ذهبى من العصر ده، كانوا مخبيينه وبيعدوه من جيل لجيل. تانى موجه من العرب كانت التجار اللبنانيين، بس كله طفش لما جاه كاسترو وطلعوا على البرازيل لإن كان بيأمم كله ومبيرحمش. 2))).gif
Hesham
اقتباس (banboty @ May 14 2006, 10:13 PM)
اقتباس (Hesham @ May 14 2006, 01:17 PM)
أخشى أنها معادلة خاطئة تماماً يا بمبو، وأنها نتيجة للتشويه الإعلامى والثقافى الموجه منذ بدء الحرب الباردة فى الخمسينات وإلى اليوم ..

طب نّور اخوك يا اتش ما دام دغدغت المعادلة بتاعتى ,

عشان انا عارف ان اي رفيق بيبقى تبع ماركس الذي لا يعترف بالاديان ..

El-Masri كتب:

اقتباس
يمكن إتش قاصده يسارى إقتصاديا يعنى تأميم واللى بيشتغل زى اللى مبيشتغلش كله بيقبض زى بعضه وبيشتروا الهدوم بالبطاقة، تلاقى الناس كلها لابسه نفس الموديل ونفس الألوان، شفتهم فى كوبا حالهم يصعب على سمارتو.



يا اخواننا الموضوع بسيط وسهل يتفهم لو نظرتم له بشكل جاد وبعين محايدة وغير متأثرة بوسائل الإعلام.

الإلحاد:
يعنى نبذ فكرة وجود إله خالق للكون وما فيه. يعنى القناعة بأن كل شئ أتى من العدم ويذهب إلى العدم، ولا يوجد حساب بعد الموت ولا قيامة ولا جنة ولا نار ولا أى شئ سوى العدم. يعنى هى نظرة فلسفية لوجود الإنسان وباقى الكائنات فى هذا الكون ومن أين أتوا وكيف أتوا وإلى أين ينتهوا. يعنى هى منافس للأديان والعقائد الدينية.

أما الشيوعية:
فهى فكر إجتماعى، يبحث فى كل ما يرتبط بحياة الناس من أمور إجتماعية وإقتصادية وخلافه، وينبذ وجود الفروق الطبقية الشاسعة، أى يسعى لتقريب تلك الفوارق لأقصى حد ممكن بين الناس. وهى فكرة قديمة قدم الأزل، قامت على أساسها معظم الثورات ضد الأنظمة الحاكمة فى كل الحضارات وكل الأمم، وتبنتها كل الأديان؛ وأبسط مثال على ذلك: (كلكم شركاء فى الماء والكلاً .. إلخ) حديث شريف* .. أى أن القاعدة الأساسية هى تساوى الناس فى كل الفرص، لا أن تكون الفرص متاحة لبعضهم دون غيرهم. ومن هنا كان اسمها المشتق من كلمة (الشيوع) أى التعميم.

والماركسية:
هى وجهة نظر كارل ماركس فى كيفية تطبيق الشيوعية، أى أن الماركسية ليست هى الشيوعية، وإنما هى إحدى وسائل تطبيقها. ولم يطبقها حرفياً إلا فلاديمير إيليتش لينين فقط فى روسيا، ومن خلالها أسس الإتحاد السوفييتى. لكن ماو تسى تونج مؤسس الصين الحديثة؛ وهو شيوعى الفكر، أخذ أجزاء فقط من النظرية الماركسية وليس كلها كما فعل الروس. وهكذا فى باقى الدول، فكل نظام ذو ميول شيوعية، قد يأخذ من الماركسية أو لا يأخذ.

إذن الشيوعية والماركسية ليسا مرادفين، ولكن الشيوعية هى المبدأ، والماركسية هى إحدى طرق تطبيقه، وهى طريقة مبنية على الفكر الإلحادى، لأن صاحبها وهو يهودى الأصل، فال بنفسه أنه درس التوراة والإنجيل فأوصلاه لما أسماه "بالمادية الجدلية" وهى الإلحاد بعينه.


أما موضوع التأميم والبطاقات .. فهى ضرورة تفرضها ظروف معينة فى أى مكان وفى أى زمن، وهى ليست من إختراع الشيوعية يا مصرى، بل كان أول من ابتكرها واستخدمها فى العصر الحديث هو أدولف هتلر فى ألمانيا، وهو الرأسمالى المتطرف كما تعرف، لكن ظروف الحرب العالمية فرضت نفسها عليه وأوصلته لفكرة البطاقات التموينية لضمان عدالة التوزيع على كل رعايا دولته، كما لجأ للزى الموحد لنفس السبب، وأيضاً كناحية معنوية لخدمة المشروع القومى الألمانى آنذاك والذى كان من ضمن شعاراته "شعب واحد لألمانيا واحدة".

وكوبا الحالية فى عهد كاسترو، لا شك أنها تعانى كثيراً، لكن لنكون عادلين؛ يجب أن نعرف أولاً أنها دولة تعيش حالة حرب وتهديد مستمر وتعانى حصاراً إقتصادياً دولياً فرضته عليها الولايات المتحدة منذ نصف قرن !!!!! فكيف بالله عليك يستطيع أى حاكم أن يفى بمتطلبات وإحتياجات شعبه ويحقق لهم الرفاهية فى مثل هذه الظروف دون اللجوء للبطاقات؟؟؟؟؟

إلا إذا كنت تريد لهم أن يركعوا ويخنعوا للولايات المتحدة مثل أشاوسنا العرب. 1(()).gif

banboty
مع انك مقلتش حاجة عن اليسارية و هل هي طريقة من احدى طرق الشيوعية كالماركسية !!

و لكن هنستنى اما يجي ماركيز و يقولنا هوا من انهى صنف من التلاتة اللى قلت عليهم يا اتش !



.
Invision Power Board © 2001-2014 Invision Power Services, Inc.