المساعدة - البحث - قائمة الأعضاء - التقويم
مواقع صديقه
منتديات شئون مصرية > بوابة المنتديات > إستفسارات ـ إقتراحات ـ شكاوى
1, 2
حدوته مصريه
سلام عليكم
انا لسه مسجله في منتداكم الموقر (هو البيه في الاتحاد الاشتراكي) امبارح بعد ما اشتد حنيني الي مقابله كل ما هو مصري بعد حوالي 7 شهور غربه في بلاد الفرنجه واتمني تقبلوني عضوه جديده معاكم
بس انا ليا عتاب ولا خليها استفسار احسن تقولوا من اولها دي باين داخله علي طمع blink.gif
انا وانا بشوف لينك مواقع صديقه لاقيت الدنيا قلبت ضلمه مره واحده الفاظ فظيعه عمري ما اتخيلت اني هسمعها ونوعيات من البشر بحمد ربنا اني ما قابلتهومش في حياتي واتمني اني ما اقابلهمش
انا متاكده ان اللي حط اللينك دي مايعرفش اللي فيها قلت انوره hughug.gif
سلام موقتا



..... على عينه
الاخت حدوته مصريه
اهلا وسهلا نورتى المنتدى....
تتصورى سنين واحنا هنا فى المنتدى عمرى مادعبست فى المكان دة.تصدقى اول مرة ادخل عليه وبالاخص منال وعلاء فعلا مليئ بالكلمات والالفاظ البذيئة ارجوا حذفه ان امكن وياريت احد الاخوة القائمين على الاشراف يوضحولنا من هو علاء ومن هى منال اذا سمحتم
نعتذر للاخت حدوته مرة اخرى واهلا وسهلا بك داخل منتدانا ونأسف لما حدث

01!!8.gif 01!!8.gif 01!!8.gif
حدوته مصريه
شكرا يا اخ علي عينه علي ترحيبك والمنتدي منور باصحابه
انا فعلا قصدي اللي ميتسموش دول 13)()).gif
معلش بقي انا بحب الدعبسه قوي cool.gif
ياريت فعلا الموقع يتمسح حتي لا تروجوا لموقع مشبوة زي ده
..... على عينه
اقتباس (حدوته مصريه @ Mar 31 2006, 02:47 AM)
شكرا يا اخ علي عينه علي ترحيبك والمنتدي منور باصحابه
انا فعلا قصدي اللي ميتسموش دول 13)()).gif
معلش بقي انا بحب الدعبسه قوي cool.gif
ياريت فعلا الموقع يتمسح حتي لا تروجوا لموقع مشبوة زي ده

يا افندم لا شكر على واجب دة كويس ان سعادتك نبهتينا لذلك ربما سها عنا جميعا ذلك والفضل يرجع اليك ... وانا ارسلت رسالة الى الحاج اسامة الكباريتى وباذن الله سوف يتم معالجة الامر باسرع مايمكن...
شكرا لك مرة ثانية
حدوته مصريه
هو ده العشم برده
انا اللي متشكره مره تانيه
rolleyes.gif
Prof
أهلاً يا أخت حدوتة .. نورتينا حقيقي .. 01!!8.gif

بالنسبة لموقع علاء ومنال .. هو فعلاً فيه شوية ألفاظ خارجة .. وده ناتج عن كون اصحاب الموقع والمشاركين فيه معظمهم شباب متحمس ومفعم بالنشاط والغضب والثورة على الأوضاع الغير مرضية التي نعايشها جميعاً في البلد .. وحتى بره البلد ..

وبخلاف هذه الكمية من الألفاظ التي يمكن تفهم اسبابها .. فالموقع حقيقةً به كمية من الموضوعات والطروحات شديدة الجدية لا يحركها ولا يثيرها سوى شخص موجوع حقاً من أحداث حياتنا اليومية ...

هنا مثلاً عينة من المواضيع:
موقع جديد لمناهضة و توثيق التعذيب في مصر
A Brief History of Blogging in Iran
خطاب مفتوح الي الحركة المصرية من أجل التغيير "كفاية"
دعوة للإعتصام حتى الصباح في حب مصر..تضامنا مع أنبل ما أانجبت.
....
....
إلى آخره من مواضيع وأحاديث جادة وغنية ..
شوفي الوصلة دي مثلاً وقوليلي مين في مصر بيتكلم عن الموضوع ده وآخر مرة قريتي عنه كان إمتى:
http://www.manalaa.net/remembering_derenka
إذا كنتي قريتي عنه يعني قبل كده ..

الموقع غني جداً ... وجاد جداً جداً .. ربما يعيبه بعض الشئ كون كتابه مندفعين نوعاً ما ويعبرون عن غضبهم بدون تنميق أو تزويق .. نعم قد لا يصح هذا لكن هناك نقطتين يجب أن نلحظهم:
1- سمات سنهم كده .. حماس شديد لما يؤمنون به ..
2- نمط الحرية ونمط الكتابة التي يختارونها لموقعهم ولعرض نتاج فكرهم كده ..

ايضاً شكراً للتنبيه أن موقع الوصلة مش ظاهر ..
بس خلاص.
حدوته مصريه
شكرا يا برف المنتدي منور بيك
بس معلش مش قادره ابلع وجود لينك للموقع ده فيه كميه قذاره ممكن تكفي الكره الارضيه وتفيض
وبعدين مش علشان بيعارضوا نبقي نستحمل الانحطاط ده
وبعدين يا عني ايه شباب مانا برده شباب cool.gif ومعظم اللي اعرفهم شباب محدش فيهم سب الدين اوسب ربنا او وصل للمستوي الدنئ ده
وبعدين عايزين نتكلم في اي موضوع ليه لا طالما هنتكلم فيه بادب واحترام مفيش مانع ابدا

وشكرا
حشيش
اقتباس (..... على عينه @ Mar 30 2006, 11:35 PM)
وياريت احد الاخوة القائمين على الاشراف يوضحولنا من هو علاء ومن هى منال اذا سمحتم

أهم .... إرتحت blink.gif

user posted image
Prof
أختلف معاكي في تقدير كمية القذارة الموجودة هناك .. لا أدافع عنها لكن كل شئ يمكن وزنه وتقدير حجم الاستفادة من حجم ونوع الضرر ..
ومافيش هناك سب دين ومافيش سب لربنا .. أو على الأقل لم انتبه لهذا السب بسبب انشغالي بمواضيع أخرى تستحق الاهتمام ..
سعادتك ماحدش طالبك بإنك تستحملي .. محتوى الموقع هناك مش هنا .. واللي بيروح هناك بيروح على مسئوليته ..

رايك بخصوص طريقة الكلام .. سبق وقلته لهم هناك وممكن أقوله كمان وكمان .. من أجل المنفعة العامة .. وكذلك من أجل المنفعة العامة باروح هناك عشان فيه حاجات مفيدة .. هي مسألة موازنة زي ما قلت لك.
حشيش
على عينه ..... كده نسيتى أرحب بالأخت حدوتة مصرية wacko.gif ..... مرحباً بحدوته مصرية فى شئون مصرية 01!!8.gif 2()(5.gif
Prof
يا عم طب وانا مالي .. هو انا مسئول عن تنقيح مواقع البشرية والا ايه؟ 15()).gif
حدوته مصريه
اقتباس (Prof @ Mar 31 2006, 11:15 AM)
أختلف معاكي في تقدير كمية القذارة الموجودة هناك .. لا أدافع عنها لأكن كل شئ يمكن وزنه وتقدير حجم الاستفادة من حجم ونوع الضرر ..
ومافيش هناك سب دين ومافيش سب لربنا .. أو على الأقل لم انتبه لهذا السب بسبب انشغالي بمواضيع أخرى تستحق الاهتمام ..
سعادتك ماحدش طالبك بإنك تستحملي .. محتوى الموقع هناك مش هنا .. واللي بيروح هناك بيروح على مسئوليته ..

رايك بخصوص طريقة الكلام .. سبق وقلته لهم هناك وممكن أقوله كمان وكمان .. من أجل المنفعة العامة .. وكذلك من أجل المنفعة العامة باروح هناك عشان فيه حاجات مفيدة .. هي مسألة موازنة زي ما قلت لك.

الحقيقه انا مش معترضه علي وجود الموقع واللي يدخله هو حر انا معترضه علي وجود وصله ليه علي موقع محترم زي شئون والحقيقه انا مكنتش واخده خوانه وانا بدخل اللينك لان زي ماقلت قبل كده اني داخلاها من موقع محترم
وبعدين سب الدين دي موجوده بس يمكن علشان مقرتهاش او يمكن اختلاف مفاهيم الله اعلم

سؤال هو حضرتك من المشرفين علي المنتدي؟
حدوته مصريه
اقتباس (حشيش @ Mar 31 2006, 11:17 AM)
على عينه ..... كده نسيتى أرحب بالأخت حدوتة مصرية wacko.gif ..... مرحباً بحدوته مصرية فى شئون مصرية 01!!8.gif 2()(5.gif

شكرا يا حشيش
rolleyes.gif
حشيش
اقتباس (حدوته مصريه @ Mar 31 2006, 02:30 AM)
سؤال هو حضرتك من المشرفين علي المنتدي؟

هوه الحقيقة كان مشرف لحد ما كتب إن منال وعلاء دول ميه ميه blink.gif ... بس أنا رفدته من دقيقة ومش حتشوفيه هنا تانى wacko.gif
Prof
اقتباس
الحقيقه انا مش معترضه علي وجود الموقع واللي يدخله هو حر انا معترضه علي وجود وصله ليه علي موقع محترم زي شئون والحقيقه انا مكنتش واخده خوانه وانا بدخل اللينك لان زي ماقلت قبل كده اني داخلاها من موقع محترم
وبعدين سب الدين دي موجوده بس يمكن علشان مقرتهاش او يمكن اختلاف مفاهيم الله اعلم

سؤال هو حضرتك من المشرفين علي المنتدي؟


طيب إذن لدينا -فيما يخص حضرتك- مشكلتين:
الأولى .. وجود الموقع ومحتوياته .. ودي حلها مش بإيدينا .. دي تتحل بالتفاهم معاهم ...
الثانية .. حضرتك دخلتي عن طريق هنا وما كنتيش واخدة خوانة .. دي ممكن مثلاً نحلها بإضافة تنويه جنب اللينك أن هناك موقع محل خلاف .. وبالنسبة لي أعتذر عن الخطأ -من وجهة نظرك- الغير مقصود بوضع اللينك بشكل أدى إلى "توريطك".

جواب: نعم .. لغاية ما حشيش بيه قطع عيشي.
حدوته مصريه
اقتباس (Prof @ Mar 31 2006, 12:01 PM)
اقتباس
الحقيقه انا مش معترضه علي وجود الموقع واللي يدخله هو حر انا معترضه علي وجود وصله ليه علي موقع محترم زي شئون والحقيقه انا مكنتش واخده خوانه وانا بدخل اللينك لان زي ماقلت قبل كده اني داخلاها من موقع محترم
وبعدين سب الدين دي موجوده بس يمكن علشان مقرتهاش او يمكن اختلاف مفاهيم الله اعلم

سؤال هو حضرتك من المشرفين علي المنتدي؟


طيب إذن لدينا -فيما يخص حضرتك- مشكلتين:
الأولى .. وجود الموقع ومحتوياته .. ودي حلها مش بإيدينا .. دي تتحل بالتفاهم معاهم ...
الثانية .. حضرتك دخلتي عن طريق هنا وما كنتيش واخدة خوانة .. دي ممكن مثلاً نحلها بإضافة تنويه جنب اللينك أن هناك موقع محل خلاف .. وبالنسبة لي أعتذر عن الخطأ -من وجهة نظرك- الغير مقصود بوضع اللينك بشكل أدى إلى "توريطك".

جواب: نعم .. لغاية ما حشيش بيه قطع عيشي.

والله انا قلت قبل كده ان وجود الموقع ده ميهمنيش ماهي المواقع اللي من العينه دي اكتر منها مفيش
وبعدين انا متورطش في حاجه بس ياتري سيادتك ممكن تفتح الموقع ده للست والدتك او لاختك علشان تستفيد من محتواه العظيم
انا اللي الظاهر دخلت غلط ومعلش كمل حضرتك الاستفاده العظيمه انا متاسفه
Prof
أجاوبك مافيش مانع ..
الست والدتي والست أختى عندهم من الوعي ما يكفي لتحمل مسئولية تصفح النت وعندهم قدرة على استخلاص ما هو جاد وقيم وترك ماهو غث ورديئ.
ولست وصي عليهم .. وعادة لا أقوم بتوجيهم إلى مواقع معينة ..
بشكل عام دخولهم هذا الموقع لن يسبب لي قلق من اي نوع كما أستطيع أن أتوقع خط سيرهم في هذا الموقع واي المواضيع سيلفت نظرهم وايها سيتاجهلونه.

من جانب آخر .. لو حضرتك بتدوري على موقع تفرضي رأيك فيه على الآخرين وتمارسي التسلط .. فتقريباً انت دخلتي غلط .. والقرار لك.
حدوته مصريه
وحضرتك بتعتبر ابداء الراي والمناقشه تسلط وفرض راي لا والله ماشاء الله على المرونه
ومتاسفه اني مش قادره ادور في ال..ولا بلاش خليها صفيحه الزباله علي كل ماهو جيد وقيم اصل ريحتها وحشه قوي
وان كنت احييك انت وعائلتك علي هذه المقدره
وانا عارفه طبعا ان القرار ليا يعني حضرتك مش محتاج تاكد
Prof
لا مش باعتبرهم كده ..
بس من جانبي قدمت لحضرتك حلين من عندي لحل مشكلتك وحضرتك رفضتيهم والظاهر من آخر مداخلة هو إصرارك على رغبتك بإزالة اللينك .. !!
وده اسمه تسلط وفرض رأي وعدم تقديم مبررات واضحة ..

وحضرتك تماديتي وسألتي سؤال مش من شأنك ورغم كده جاوبتك .. ورغم كده برضه تحييني أنا وعائلتي على ما تسمينه "تدوير في صفيحة الزبالة" .. بنبرة إهانة مقصودة.

عيب يا آنسة .. لك حدود فاحترميها من فضلك .. وجربي تلتزمي بالفضيلة التي تدعين الدفاع عنها.
حدوته مصريه
انا ما تمديتش يا استاذ لما بسالك علي عيلتك هو سؤال شخصي ممكن حضرتك ترد او لا ده من حقك بس كده
اما تشبيهي للموقع بصفيحه الزباله فده رايي وكل واحد حر في راييه ولم اقصد اهانتك
وحضرتك شايف اني تجاوزت حدودي لكن الافاضل في الموقع القيم والجاد لم يتجاوزوها
وبعدين يا سيدي الفاضل انا ملتزمه جدا بالفضيله فوفر نصايحك لنفسك
والعيب ده تروح تقوله لاهل العيب وانا كان العيب منهم ما يبقاش عيب
Hesham
أولاً وقبل أى شئ ... أهلاً وسهلاً بحدوتة مصرية 2!!-_0.gif

حللت أهلاً ونزلت سهلاً فى منتدى عدسيات الشهير بمصريات2.أورج cool.gif

حشيش .. انا اللى حأرفدك انت وبروف وعلى عينه كمان عشان ماجبتولهاش العدس لحد دلوقت 2))).gif

اتفضلى يا حدوتة .. صحن عدس بجبة حدوتة هو كمان smile.gif

user posted image


يا بروف .. بصراحة أنا زى على عينه .. عمرى ما دخلت عند أمل وعمر بتوعك دول rolleyes.gif وطبعاً وبدون جدال، واثق فى رأيك فى الموقع تمام الثقة .. لكن طالما الموضوع فيه إحتمالات مضايقة للبعض، فالأفضل هو كتابة تنويه واضح وضوح الشمس بجانب اسم الموقع، ليكون دخوله على مسئولية صاحبه 100 % وبعلمه المسبق لما هو مقدم عليه.

وبكده نرضى جميع الأطراف ونرجع لترحيبنا بحدوتة مصرية 2()(5.gif

وماحدش ياخد عدسها، كل واحد يخليه فى عدسه 2))).gif
الـنـديــم
>>

حدوتة مصرية .. اهلا بيك في المنتدى واتمنى ان يكون وجودك معنا إضافة ومكسب للمكان .. ده اولا :

ثانيا : في موضوع مواضيع صديقة ...

اشكرك للتنبيه

اتذكر أني مرة زمااان قوي فتحت المواقع دي بس بدون تصفح معمق ويمكن وقتها مكانش لسه الموقع محل الخلاف اتعمل ..

عموما ..

رأيك في نوعية الموقع حق من حقوقك بكل تأكيد وكمان المناقشة فيه ..
من حقك تشوفي الموضوع من زاوية معينة ..
بس مش من حقك تحاولي تفرضي وجهة نظرك خصوصا وإنه إحنا مش متأكدين راي الأغلبية حايكون إيه ؟؟

أنا تصفحت الموقع لأول مرة اليوم بفضل تنبيهك ..

طبعا آراء الناس ووجهات نظرهم بتختلف حسب طريقة تفكيرهم وتقديرهم لما هو " أخلاقي " وما هو غير كده ..

وجهة نظرك فهمتها وإن كنت غير متفق معاها تماما ..

انا شفت أن طريقة فهم عمنا بروف " ناضجة " أكتر للموضوع وتقريبا هي دي وجهة نظري ..

مضمون الموقع وما يتبناه من قضايا أهم بكثير من قشور وشكليات هي بالنهاية محل خلاف لغوي ومجتمعي ..
وحتى لو إعتبرنا أن لا مضمون ولا قضايا في هذا الموقع فهو في أبسط الأحوال موقع عادي جدا لشباب بيحاول يعبر عن نفسه بطريقته ...

وسواء إختلفت معه أو إتفقت في هذه الطريقة فلا يمكن الا أن أحترم شجاعته في الطرح لأنه على الأقل بيقول ببساطة ما يفكر فيه في الوقت الذي أعرف كثيرين يرتدون رداء الفضيلة والإستقامة وهم من الداخل أوسخ من أنبوب وابور جاز مسدود !

أيضا أنا لا أسمح لنفسي بأن أقيم من فيه او احكم عليه وفقا لمنظوري الأخلاقي .. لسبب بسيط ان منظوري الأخلاقي شيء خاص بي لوحدي ..
وما أراه انا صحيحا وجائزا ومقبولا قد لا يراه غيري كذلك والعكس بالعكس ..


أتمنى تكون وجهة نظري واضحة ... تحياتي لك على أي حال

<<
الـنـديــم
>>

اقتباس
وانا ارسلت رسالة الى الحاج اسامة الكباريتى وباذن الله سوف يتم معالجة الامر باسرع مايمكن...



على حد علمي مفيش تقسيم للتخصصات بين المسؤولين وكلهم عندهم صلاحيات
ودي في حد ذاتها مشكلة في رايي ... بس ده مش موضوعنا

عندنا على الأقل دلوقتي إتنين مسؤولين على الخط ...

يبقى نروح للبعيد ليه ؟

وبعدين إيه المقصود بمعالجة الأمر ؟ وبأسرع ما يمكن كمان ؟؟

هل هي على طريقة اخوانا في مباحث لاظوغلي ؟؟

إحنا هنا في منتدى حواري وإلا فين بالزبط ؟؟

أوقات بنسخن بسرعة وبننسى "شوية مبادىء" وقيم مهمة ..

منها مثلا إن معالجة الأمر ، اي أمر ، تكون بإتفاق الأغلبية ...

ومحدش حايمد إيده على الرابط الا لما نتفق على أحسن حل ممكن ..

هي حاجة من تلاتة :

يا إما يزال الرابط ...
يا إما يظل كما هو ...
يا إما يظل مع إضافة تنويه ..

انا مع الخيار الثالث ... يظل مع تنويه


<<
حدوته مصريه
اقتباس (Hesham @ Mar 31 2006, 01:31 PM)
أولاً وقبل أى شئ ... أهلاً وسهلاً بحدوتة مصرية 2!!-_0.gif

حللت أهلاً ونزلت سهلاً فى منتدى عدسيات الشهير بمصريات2.أورج cool.gif

حشيش .. انا اللى حأرفدك انت وبروف وعلى عينه كمان عشان ماجبتولهاش العدس لحد دلوقت 2))).gif

اتفضلى يا حدوتة .. صحن عدس بجبة حدوتة هو كمان smile.gif

user posted image


يا بروف .. بصراحة أنا زى على عينه .. عمرى ما دخلت عند أمل وعمر بتوعك دول rolleyes.gif وطبعاً وبدون جدال، واثق فى رأيك فى الموقع تمام الثقة .. لكن طالما الموضوع فيه إحتمالات مضايقة للبعض، فالأفضل هو كتابة تنويه واضح وضوح الشمس بجانب اسم الموقع، ليكون دخوله على مسئولية صاحبه 100 % وبعلمه المسبق لما هو مقدم عليه.

وبكده نرضى جميع الأطراف ونرجع لترحيبنا بحدوتة مصرية 2()(5.gif

وماحدش ياخد عدسها، كل واحد يخليه فى عدسه 2))).gif

شكرا يا هشام علي كرم الضيافه و علي طبق الفول اللي عايز توكلهول علي انو عدس 2))).gif
مش ده فول برضه ولا قعدتي في بلاد الفرنجه نستني شكل الفول
1(()).gif
حدوته مصريه
اقتباس (الـنـديــم @ Mar 31 2006, 01:38 PM)
>>

انا شفت أن طريقة فهم عمنا بروف " ناضجة " أكتر للموضوع وتقريبا هي دي وجهة نظري ..

مضمون الموقع وما يتبناه من قضايا أهم بكثير من قشور وشكليات هي بالنهاية محل خلاف لغوي ومجتمعي ..
وحتى لو إعتبرنا أن لا مضمون ولا قضايا في هذا الموقع فهو في أبسط الأحوال موقع عادي جدا لشباب بيحاول يعبر عن نفسه بطريقته ...

وسواء إختلفت معه أو إتفقت في هذه الطريقة فلا يمكن الا أن أحترم شجاعته في الطرح لأنه على الأقل بيقول ببساطة ما يفكر فيه في الوقت الذي أعرف كثيرين يرتدون رداء الفضيلة والإستقامة وهم من الداخل أوسخ من أنبوب وابور جاز مسدود !

أيضا أنا لا أسمح لنفسي بأن أقيم من فيه او احكم عليه وفقا لمنظوري الأخلاقي .. لسبب بسيط ان منظوري الأخلاقي شيء خاص بي لوحدي ..
وما أراه انا صحيحا وجائزا ومقبولا قد لا يراه غيري كذلك والعكس بالعكس ..


أتمنى تكون وجهة نظري واضحة ... تحياتي لك على أي حال

<<

شكرا جزيلا يا نديم علي الترحيب
اوعدك المره الجايه هسيب طريقتي علي الشجره تستوي (تنضج) شوية قبل ماجيبها المنتدي
smile.gif
حدوته مصريه
علي فكره انا شايفه ان من حقي اقيم حسب مفهومي الاخلاقي امال هقيمهم حسب مفهوم مين اما تقويمهم فدا انا مجبتش سيرته
وبعدين الاستاذ سمح لنفسه انه يقيمني وعايزني احاول اتمسك بالفضيله علشان بقول علي الموقع صفيحه زباله
واضح ان فضيله بتاعتي غير فضيله بتاعته غير فضيله بتاعت البيه صاحب الصفيحه علشان كده كل واحد يتمسك بفضيلته ويادار مادخلك شر
وتخلوا اللينك ولا تشلوه انتم احرار انا قولت رايي اللي هتحاسب عليه وبس عايزين تعملوا تصويت ماشي انا اول اللي هيصوتوا عايزنها دكتاتوريه علشان انتو المسؤلين انتم حريين
وشكرا
Hesham
اقتباس
شكرا يا هشام علي كرم الضيافه و علي طبق الفول اللي عايز توكلهول علي انو عدس  2))).gif 
مش ده فول برضه ولا قعدتي في بلاد الفرنجه نستني شكل الفول
  1(()).gif


طب وربنا ........... ده عدس مش فول unsure.gif بس كبير شوية sleep.gif

والمهم ......... انه كده thumb.gif وأنا بأجربه 9 أيام فى الأسبوع cool.gif


والأهم ..... مين مدام فضيلة اللى بتتكلموا عنها لا مؤاخذة؟؟ thinkkkkk.gif
معانا هنا فى المنتدى وأنا ما أعرفش؟ blink.gif
حدوته مصريه
اقتباس (Hesham @ Mar 31 2006, 03:26 PM)
اقتباس
شكرا يا هشام علي كرم الضيافه و علي طبق الفول اللي عايز توكلهول علي انو عدس  2))).gif 
مش ده فول برضه ولا قعدتي في بلاد الفرنجه نستني شكل الفول
  1(()).gif


طب وربنا ........... ده عدس مش فول unsure.gif بس كبير شوية sleep.gif

والمهم ......... انه كده thumb.gif وأنا بأجربه 9 أيام فى الأسبوع cool.gif


والأهم ..... مين مدام فضيلة اللى بتتكلموا عنها لا مؤاخذة؟؟ thinkkkkk.gif
معانا هنا فى المنتدى وأنا ما أعرفش؟ blink.gif

معلش العتب علي النظر
ايوه يا سيدي مدام فضيله قاعده جنبي اهي وطلعت بغتت عليها وعايزه امسك فيها بالعافيه
thinkkkkk.gif
حدوته مصريه
نسيت اسالك يا هشام بتعمل ايه في اليوم العاشر والتلتاشر
18_-_)!.gif
Hesham
اقتباس (حدوته مصريه @ Mar 31 2006, 04:39 AM)
نسيت اسالك يا هشام بتعمل ايه في اليوم العاشر والتلتاشر
18_-_)!.gif

بأصبر نفسى بطبقين عدس لحد الأسبوع ما يخلص wacko.gif

..... على عينه
الاخ الفاضل النديم شوف سعادتك
[quote]على حد علمي مفيش تقسيم للتخصصات بين المسؤولين وكلهم عندهم صلاحيات
ودي في حد ذاتها مشكلة في رايي ... بس ده مش موضوعنا

عندنا على الأقل دلوقتي إتنين مسؤولين على الخط ...
يبقى نروح للبعيد ليه[/quote]

؟اولا عندما كتبت الاخت حدوته مصريه هذا الموضوع لم يكن هناك اى اخ على الخط الا الحاج اسامة الكباريتى وبالتالى كان من اللازم ارسال رسالة خاصة له لتعريفه بهذا الموضوع....يعنى لم يكن على الخط اى من المشرفين الآخرين وعندما وجدت ان الحاج اسامة خرج من النت دون ان يدرى بهذة الرسالة دخل اخونا بروف ووجهت اليه نفس الرسالة...واخيرا دخل الاخ اكرم ووجهت له نفس الرسالة يعنى لا هو تقسيم اختصاصات زى ماسعادتك قلت .....وبعدين إيه المقصود بمعالجة الأمر ؟ وبأسرع ما يمكن كمان ؟؟

هل هي على طريقة اخوانا في مباحث لاظوغلي ؟؟

إحنا هنا في منتدى حواري وإلا فين بالزبط ؟؟[/quote]
شوف ياسيدى
اتفاق وجهه نظر الاخت حدوته مصريه وبينى فعندما دخلت الموقع وجدت به ماوجدت من سب للدين والفاظ غايه فى السوقية مما جعلنى اكتب هذة العبارة وبعدين سعادتك لا تفرض انت وجهه نظرك على الآخرين نحن جميعا فى المنتدى ملتزمون باسلوب حضارى فى الحوار والتخاطب بيننا وبذلك نرفض هذا الاسلوب فى طريقة حوار الآخرين خاصة انهم مثل ابنائنا علينا ان نوجههم الى الاسلوب الامثل فى التعبير عن وجهه النظر وسؤالى الى الاخ النديم
هل تسمح سعادتك داخل منزلك لابنائك ان يكتبوا على النت بهذا الاسلوب المنحرف 360(طبعا لسعادتك كل الحق فى رفض او الاجابة على السؤال) ...
يعنى اذن الموضوع لا هو مباحث امن دولة ولا يحزنون..انت اللى سعادتك دخلت سخن اكتر من اللازم....

[quote]أوقات بنسخن بسرعة وبننسى "شوية مبادىء" وقيم مهمة ..[/quote]
انهى قيم وانهى مبادئ ونحن نتكلم عن سب للدين واذا اردت سعادتك ان ارسل لك رسالة شخصية بما يحتويه هذا الموقع من فظاعة فى كم قلة الادب وقلة الحياء فسوف ارسل لك ذلك وانت تحكم بعد ذلك ان كان هناك بعض من القيم والمبادئ ام لا...سوف اترك الامر للاخوة فى المنتدى للتعليق على مابداخل المنتدى وانا عن نفسى ارفض رفضا قاطعا الموقع المشبوه ضمن المواقع الصديقة لانه بما يحتويه فهو من المواقع العدوه بما يفرزه من سموم وكم كبير من القذارة ...

.....
banboty
تنبيه ببنط واضح جنب الموقع , زي ما اقترح بروف في البداية ....
حل بسيط و مريح ,

بس برضوا محدش عنده فكرة , مين هما منال و علاء ...

شكلهم مش و لا بد , blink.gif

لانه باين في الصورة بتاعت حشيش

حشيش
اقتباس (Prof @ Mar 31 2006, 02:19 AM)
يا عم طب وانا مالي .. هو انا مسئول عن تنقيح مواقع البشرية والا ايه؟ 15()).gif

أنا معاك إن منال حشمة ولابسة بنطلون wacko.gif .... بس علاء بيستهبل بصراحة blink.gif
حشيش
اقتباس (banboty @ Mar 31 2006, 02:51 PM)
بس برضوا محدش عنده فكرة , مين هما منال و علاء ...

شكلهم مش و لا بد , blink.gif

لانه باين في الصورة بتاعت حشيش

إن بعض الظن إثم wacko.gif ..... مش جايز خطيبها blink.gif
حدوته مصريه
اقتباس (..... على عينه @ Mar 31 2006, 06:47 PM)
انهى قيم وانهى مبادئ ونحن نتكلم عن سب للدين واذا اردت سعادتك ان ارسل لك رسالة شخصية بما يحتويه هذا الموقع من فظاعة فى كم قلة الادب وقلة الحياء فسوف ارسل لك ذلك وانت تحكم بعد ذلك ان كان هناك بعض من القيم والمبادئ ام لا...سوف اترك الامر للاخوة فى المنتدى للتعليق على مابداخل المنتدى وانا عن نفسى ارفض رفضا قاطعا الموقع المشبوه ضمن المواقع الصديقة لانه بما يحتويه فهو من المواقع العدوه بما يفرزه من سموم وكم كبير من القذارة ...

.....

لا سب الدين ايه يا علي عينه وبذاءات ايه كله يهون
لكن سيادته لما تهياله ان مسيت عيلته وده مش صحيح فقد اعصابه مع اني علي حد علمي ان حتي الناس المحترمه اللي بتدخل الموقع ده تقول عيب تتشم بالام با فظع الشتايم واللي سيادته شايف برضه انه مش مهم وكله يهون علشان خاطر احلي عيون
وعلي فكره انا مفيش حد وصي عليا وبيقولي ادخلي ايه وانا برضه مش وصيه علي حد لكن ما يطلق عليها حمره الخجل بتمنتعي ان ادل امي اواختي او اخوي اواي حد علي موقع بذئ
الـنـديــم
>>

اقتباس
علي فكره انا شايفه ان من حقي اقيم حسب مفهومي الاخلاقي امال هقيمهم حسب مفهوم مين


أكيد حقك تقيمي حسب مفهومك الأخلاقي ...
بس لأنه مفهومك الأخلاقي خاص بيك ومش ضروري يكون هو نفسه مفهوم الآخرين أو ملزم ليهم .. يبقى تقييمك ليهم برضه خاص بيك والمفروض تحتفظي بيه لنفسك .. عايزة تعلنيه للملأ .. إعلنيه ده حقك
بس ما تحاوليش تفرضي رايك ووجهة نظرك وماتهدديش بمغادرة المكان لأنه ما إتفقناش معاك في الرأي !!

اللينك يفضل او يتشال ...
ده يتوقف على إتفاق الأغلبية العاقلة هنا في المكان لا على رأيي الخاص ولا رأيك الخاص ..


اقتباس
طب وربنا ........... ده عدس مش فول  unsure.gif


هشام مش عارف ... بس أنا شفته فول برضه rolleyes.gif
هو العدس عندكو ... غير اللي عندنا ..

عموما مش غريبة ع الأسبان .. blink.gif


اقتباس
اقتباس (حدوته مصريه @ Mar 31 2006, 02:47 AM)
شكرا يا اخ علي عينه علي ترحيبك والمنتدي منور باصحابه
انا فعلا قصدي اللي ميتسموش دول 
معلش بقي انا بحب الدعبسه قوي 
ياريت فعلا الموقع يتمسح حتي لا تروجوا لموقع مشبوة زي ده 

يا افندم لا شكر على واجب دة كويس ان سعادتك نبهتينا لذلك ربما سها عنا جميعا ذلك والفضل يرجع اليك ... وانا ارسلت رسالة الى الحاج اسامة الكباريتى وباذن الله سوف يتم معالجة الامر باسرع مايمكن...
شكرا لك مرة ثانية



شوف حضرتك الموضوع حصل إزاي من أوله ... عشان توصللك فكرتي ...
بمعنى أنا هنا بإعترض على كلامك ... ليه ؟؟!!

أختنا حدوتة دخلت تنبه عن موضوع معين محل خلاف وكثير مننا مكانش واخد باله منه ... وطالبت ، وده من حقها، إنه الموقع يتمسح ... كويس ؟

دخلت إنت بعدها على طول ... وإتفقت معاها في رأيها ... كويس ؟؟

طبعا أنا هنا بناقش اللي حصل بعد كده ..

اللي مش كويس في رأيي ...

أن إنت إعتبرت رايك وقرارك هو رأي أعضاء ومشرفي المنتدى كلهم ..
( زي ما هو واضح من كلمات " نبهتينا و سها عنا " )

وبالتالي أخدت القرار ونفذته ، برضه لوحدك ، بإنه "سيتم معالجة الأمر وباسرع ما يمكن "

مع إنه هنا إحنا في منتدى حواري والمفروض ما نصادرش رأي الأعضاء اللي معانا أو لا نأخذ قرارتنا زي ما بيعمل الحزب الوطني في مجلس الشعب " اللي موافق يرفع إيده ... موافقون ... إجماع ... إجماع " وخلصت الحكاية على كده

فهمت يا صديقي انا كنت باتكلم عن إيه في إعتراضي على كلامك؟

أنا متأكد إن أنت اتصرفت بشكل طبيعي وبدون نية سيئة ..

بس إحنا محتاجين نغير طريقة تفكيرنا وطريقة تصرفاتنا شوية ..

ونبتدي نفكر بطريقة مختلفة فيها إعتبار للآراء الأخرى وإحترام لقواعد الشراكة في هذا المكان ..

دي البداية الصحيحة عشان فعلا ربنا يغير ما حل بقومنا من بلاء .. واظن إنت فاهمني


اقتباس
واذا اردت سعادتك ان ارسل لك رسالة شخصية بما يحتويه هذا الموقع من فظاعة فى كم قلة الادب وقلة الحياء فسوف ارسل لك ذلك وانت تحكم بعد ذلك ان كان هناك بعض من القيم والمبادئ ام لا



على فكرة انا مليش دعوة بالموقع المذكور لا بدافع ولا باهاجم ..
تقييمي له بأحتفظ بيه لنفسي ...من تصفحي للموقع ..
وجدت إنه لموقع لشاب مصري عادي عامله هو مراته وبيكتبوا فيه عن نفسهم
وحاطين صورهم ... وإنه بيكتب بلهجته العادية اللي بيتكلم بيها ناس كتير في بلدنا ... وإنه أغلب الشتايم المنشورة من ناس تانية (مصريين برضه) داخلين على السايت بتاعه يشتموه وهو بينشر ما بيحجبش حاجة وطبيعي إنه الرد يجي من مستوى الكلام اللي بيتوجهله ... يعني من الآخر بيحاول يكون محترم مع المحترمين وسافل مع السفلة ...


بيعمل كده ازاي وليه ؟ مليش دعوة ... ما يهمنيش بصراحة
ما دام ما بيضربش أي واحد على إيده إنه يكتب في الموقع بتاعه ...
الناس هيا اللي بتروحله وبكثافة بدليل إنه موقعه قريب أخد جايزة أحسن مدونة من جهة تحكيم دولية عشان عليه إقبال ..

بمعنى آخر الناس سواء اللي بتنتقده أو اللي بتأيده هي اللي خلت موقعه" ناجح " في الوقت اللي مواقع تانية كبيرة ومصروف عليها وكلها كلام عن "الفضيلة" و" الأخلاقيات " فاضية وبتنش ...
ملحوظة : خللي بالك من الأقواس في الفقرة اللي فاتت لأنه ليها معنى

برضه الكلام ده بياخدنا على موضوع آخر ونقاش آخر ...

موضوع " المدونات " أو البلوغرز اللي إنتشرت من فترة على النت ...

انا وإنت واي حد أصبح سهل جدا يعمل مدونة خاصة زي ما الأخ علاء وغيره عاملين يحط فيها أي كلام هو عايزه ..
هزار ... جد ... أدب ... صياعة .. هلفطة .. اي حاجة ..

التطور التكنولوجي الخطير ده على قد ما فيه من معاني ...
فأخطر حاجة في الموضوع في رأيي إنه بينقل الناس لدائرة حرية أوسع بكتير من اللي اتعودوا عليه ...

الناس في منطقتنا بتأثير عقلية الرقابة والوصاية والحجب اللي كانت مفروضة على عقول وألسنة الناس على مدى العقود الطويلة اللي فاتت لسه مش مستوعبه الدائرة اللي هي فيها..!!

خلاص ... بح ...
معادش في رقيب ولا وصي على ما يُنشر الا ضمائرنا وعقلنا المسؤول
صاحب الموقع بيحاول يقولنا عن همومه ومشاكله وإيه اللي بيعمله من نشاط سياسي وإيه اللي بيفكر فيه بطريقة مباشرة ..

الموقع ده واللي زيه بيديك فكرة قد إيه عندنا شيزوفرينيا حقيقية

بنتعامل مع مكونات القرن الواحد والعشرين بعقلية متأخرة جدا ...

عقلية مش عارفة تستنبط مفاهيم وقوانين جديدة تتعامل بيها مع مفردات العصر ومش لاقية قدامها الا مفاهيم قديمة جدا جايز قوي إنها خاصة بزمنها وإستعمالها دلوقتي في الزمن ده في ظلم ليها وفي ظلم للتطور الحاصل في زمننا دلوقتي ...

معنى الكلام ده إيه .... بصراحة مش عارف !!

بس أهي هي دي قضايانا ومشكلتنا مع عصر جديد غريب حط علينا فجأة بالبراشوت ولسه بنلف حوالين نفسنا ونسأل : هو في إيه ؟؟

ما كنا نايمين في العسل ومفيش أحلى من كده ..

إيه اللي صحانا ؟؟ rolleyes.gif


<<
..... على عينه
شوف سعادتك مرة تانية وتالتة
انا هنا عضو زى زيك لا فرق بينى وبين اى عضو وكونى عضو فى المنتدىكان من الواجب على ان اقوم بمساندة احدى الاخوات تم خدش حيائها من موقع مثل الذى تدافع عنه وتقول انه واخد جايزة دولية...طب ما احنا نقدر برضه ناخد نفس الجايزة عملية بسيطة ننحدر الى اقصى درجة فى اسلوب الحوار المتدنى وناخد جايزة احنا كمان عملية سهلة وبسيطة...
يافندم احنا تحكمنا عادات وتقاليد واديان سماوية تنظم طريقة حياتنا وكيف تكون لغة الحوار بيننا...اما المبادئ اللى سعادتك بتكلم عنها فحتى الشواذ فى دول اوروبا لهم مبادئهم الخاصة بهم والمتعلقة بالحرية الشخصية...هم بالنسبة لهم مبادئ ونحن بالنسبة لنا لا نعتبره كذلك لاسباب كثيرة لن اناقشها الآن لانها لا تتعلق بصلب الموضوع

اقتباس

وبالتالي أخدت القرار ونفذته ، برضه لوحدك ، بإنه "سيتم معالجة الأمر وباسرع ما يمكن "

نفذت ايه واخدت قرار ايه انا كل مافعلته ارسال رسالة الى الاخ اسامة الكباريتى لانه الوحيد اللى كان اون لاين
اقتباس

فأخطر حاجة في الموضوع في رأيي إنه بينقل الناس لدائرة حرية أوسع بكتير من اللي اتعودوا عليه ...


انهى حرية اللى سعادتك بتنادى بيها دى فلتذهب الحرية الى الجحيم اذا كانت الحرية بالنسبة لك تعنى ماتعنيه انت بذلك وانا متأكد ان الحرية لا تعنى ذلك حتى فى دول اوروبا وانا ادخل على منتديات اوروبية واجد فيها كل احترام وكل ادب وليس معنى ذلك اننى ادافع عن الغرب فى ذلك ولكننا لا نفهم معنى الحرية بشكلها الصحى والمتعارف عليه على مستوى العالم
العجيب ان اسمع هذا الكلام من مثقف مصرى..ولولا الحياء لعملت لك بعض الاقتباسات بالاسلوب الحر المتبع فى المنتدى او السايت الذى حاز على جوائز دولية كما تقول سعادتك ولا تنسى انك شرقى وتحكمنا كثير من الاشياء ولن نتخلى عن هذة الاشياء بدعوى رياح التغيير ورياح الحرية يجب ان تفهم معنى التغيير ومعنى الحرية باالمفهوم الشرقى والذى منه نبتت اغلب الاديان السماوية ولله حكم فى ذلك ...

اقتباس
ما كنا نايمين في العسل ومفيش أحلى من كده ..


ياريت نفضل نايمين ولا ييجى اليوم الاسود اللى نشوف هذا النوع من الحرية اللى الاستاذ النديم بيدافع عنها

وقبل ما انسى سعادتك اهديك هذا اللينك وتقرأ فيه شوية(ولا افضل اى من الاخوات الفاضلات ان يدخلن لهذا اللينك لما فيه من خدش كامل وفظيع للحياء) ولا حول ولا قوة الا بالله العلى العظيم يوم لا ينفع مال ولا بنون الا من اتى الله بقلب سليم...

تم حذف رابط الموضوع الذى وضعته لنا هنا كمثال بمعرفتى، وأرجو أن تتفهم موقفى يا عزيزى "..... على عينه" .. لأنى زرت الرابط، وهالنى ما قرأت رغم أنى لم أكمل سوى بضعة سطور منه فقط.
وطالما كنت مسئول عن هذا المكان، فلا أسمح إطلاقاً بترك رابط لموضوع مثل هذا ولا حتى كمثال. فهو موضوع بلا أدنى موضوع سوى التفنن فى القذارة بكل معانيها ليس إلا.
عفواً .. وتحياتى.
Hesham


...........
حدوته مصريه
معلش غلطه مطبعيه
حدوته مصريه
mesh el mafrood quote and / qoute dol be3melo iktebas ?
حدوته مصريه
اقتباس
علي فكره انا شايفه ان من حقي اقيم حسب مفهومي الاخلاقي امال هقيمهم حسب مفهوم مين
أكيد حقك تقيمي حسب مفهومك الأخلاقي ...
بس لأنه مفهومك الأخلاقي خاص بيك ومش ضروري يكون هو نفسه مفهوم الآخرين أو ملزم ليهم .. يبقى تقييمك ليهم برضه خاص بيك والمفروض تحتفظي بيه لنفسك .. عايزة تعلنيه للملأ .. إعلنيه ده حقك




الحقيقه والله انت لخبطني يعني ايه راييك تحتفظي بيه لنفسك وبعدين اعلنيه ده حقك كلام سيادتك متضارب يعني انت من انصار يكميم الافواه والا العكس؟




اقتباس
بس ما تحاوليش تفرضي رايك ووجهة نظرك وماتهدديش بمغادرة المكان لأنه ما إتفقناش معاك في الرأي !!




الظاهر اني بنفخ في اربه مقطوعه انا قولت ياريت تشلوه ما قولتش عليا الطلاق بالتلاته لا انته شايلينه هو سيادتك كلمه يا ريت دي كلمه وحشه وبعدين انا رحبت انه يتعمل استفتاء بس الظاهر ان الدكتاتوريه هي الحل

..



اقتباس
بمعنى آخر الناس سواء اللي بتنتقده أو اللي بتأيده هي اللي خلت موقعه" ناجح " في الوقت اللي مواقع تانية كبيرة ومصروف عليها وكلها كلام عن "الفضيلة" و" الأخلاقيات " فاضية وبتنش ...
ملحوظة : خللي بالك من الأقواس في الفقرة اللي فاتت لأنه ليها معنى


جايز ده مش زمن الفضيله وبعدين اكيد في مواقع كتير من اللي بالي بالك برضه عليها اقبال شوف اي فلم تافه دلوقتي في السينما عليه اقبال اد ايه
...



اقتباس
الناس في منطقتنا بتأثير عقلية الرقابة والوصاية والحجب اللي كانت مفروضة على عقول وألسنة الناس على مدى العقود الطويلة اللي فاتت لسه مش مستوعبه الدائرة اللي هي فيها..!!

خلاص ... بح ...
معادش في رقيب ولا وصي على ما يُنشر الا ضمائرنا وعقلنا المسؤول
صاحب الموقع بيحاول يقولنا عن همومه ومشاكله وإيه اللي بيعمله من نشاط سياسي وإيه اللي بيفكر فيه بطريقة مباشرة ..

الموقع ده واللي زيه بيديك فكرة قد إيه عندنا شيزوفرينيا حقيقية

بنتعامل مع مكونات القرن الواحد والعشرين بعقلية متأخرة جدا ...

عقلية مش عارفة تستنبط مفاهيم وقوانين جديدة تتعامل بيها مع مفردات العصر ومش لاقية قدامها الا مفاهيم قديمة جدا جايز قوي إنها خاصة بزمنها وإستعمالها دلوقتي في الزمن ده في ظلم ليها وفي ظلم للتطور الحاصل في زمننا دلوقتي ...

معنى الكلام ده إيه .... بصراحة مش عارف !!

بس أهي  هي دي قضايانا  ومشكلتنا مع عصر جديد غريب حط علينا فجأة بالبراشوت ولسه بنلف حوالين نفسنا ونسأل : هو في إيه ؟؟

ما كنا نايمين في العسل ومفيش أحلى من كده ..

إيه اللي صحانا ؟؟  rolleyes.gif




يا ريت بقي تشيل الحجب وتتبني طريقه صاحب الموقع ده طالما انت معجب بيها وميبقاش في حسيب او رقيب لو حد سب الدين او دخل لعن جدود كل اعضاء الموقع (امال سيادتك انت والمشرفين بيعملوا ايه هنا؟)
وعلي فكره كل الناس في البلد اللي انا عايشه فيها بيقولوا لبعض شكرا ولو سمحت وحضرتك وعمري ما سمع من اي حد كلمه قذره مهما كانت المبررات يعني العصر اللي بتتكلم عليه لاينطبق علي الدول اللي بيقولوا عليها متقدمه 1(()).gif










قمت بتعديل الإقتباسات لك يا حدوتة مصرية، فلم تكن ظاهرة بشكل طبيعى.
إن كنت تستخدمين I. Explorer فعليك بتظليل الكلمات التى تضعيها كإقتباس، ثم تضغطى على أيقونة الإقتباس الصفراء مرة واحدة.
إن كنت تستخدمين NetScape OR FireFox فعليك بالضغط على أيقونة الإقتباس قبل وضع الكلمات وبعدها، ليظهر بالشكل الصحيح.
تحياتى
Hesham
..... على عينه
اقتباس
تم حذف رابط الموضوع الذى وضعته لنا هنا كمثال بمعرفتى، وأرجو أن تتفهم موقفى يا عزيزى "..... على عينه" .. لأنى زرت الرابط، وهالنى ما قرأت رغم أنى لم أكمل سوى بضعة سطور منه فقط.
وطالما كنت مسئول عن هذا المكان، فلا أسمح إطلاقاً بترك رابط لموضوع مثل هذا ولا حتى كمثال. فهو موضوع بلا أدنى موضوع سوى التفنن فى القذارة بكل معانيها ليس إلا.
عفواً .. وتحياتى.
Hesham


اخى العزيز هشام
والله انا متفهم سعادتك 100%
وانا عارف انك حاتعمل كدة وهذا حق بل انه واجب...
انا ما اردت الا ان الفت نظر السيد الفاضل النديم الى هذا الاسلوب المتدنى والذى جعلنى اهب لنجدة اخت طلبت منا التدخل ...انا لم اقوم الا بارسال رسالة شفوية للحاج اسامة ....وتقريبا المفروض من السادة الاعضاء فى المنتدى يعملوا ودن من طين وودن من عجين ونخليها كلها طين من منطلق الحرية والديموقراطية واللى حتى السادة المتعلمين والمثقفين فى منطقتنا العربية مش عايزيين يفهموا المعنى الصحيح لكل هذة المفردات...
آسف لما حدث واترك الامر لاصحاب الشأن ليقرروا مايريدوا ان يفعلوا وهذا حقهم اولا واخيرا...
شكرا للاخ هشام مرة ثانية وآسف للازعاج
Prof
"صاحب الصفيحة" .. المفروض ان ده تعبير مهذب .. مش كده برضه .. أشكرك عليه .. بس يا ريت بلاش من كده ..
Prof
عزيزي على عينه
أتصور ان الموضوعية والعدالة عند التقييم -التي من صالح المتكلم قبل القارئ طبعاً- تقتضي الحديث عن السئ أو المستهجن بنفس قدر الحديث عن الجيد والمحبذ .. بحيث تتضح كامل ابعاد الصورة ..

وأتصور أنه كما أوردت وصلة عن موضوع ربما يمكن اعتباره غير موفق .. فبالمقابل يجب لفت الانتباه لما يمكن اعتباره موفق والاستدلال به على ما يحتويه الموقع من قيمة في مقابل ما يحتويه من سوء.
شوف مثلاً هذا جزء من موضوع بعنوان (اللوبي الصهيوني القادم):

اقتباس
الثابت في الانترنت هو أن المعلومات عايزة تبقى حرة. أي حد متابع هيشوف أزاي تقريبا كل حكومات العالم (بما في ذلك حكومات الدول الغربية الديمقراطية) بتحاول تقلص حرية التعبير على الانترنت و بتستغل فزاعات زي بورنو الأطفال و الارهاب و انتشار الفايروسات كحجج، و بيشاركهم الرغبة دي شركات و مؤسسات مالية ضخمة متضررة من أولا الخطر الحقيقي في تقليص دور شركات التوزيع و الانتاج فيما يخص المنتجات الثقافية و الاعلامية (المحتوى الحر، الانتاج المستقل، البرمجيات الحرة، الأطر الاقتصادية الجديدة على الانترنت) و ثانية متضررة من اعادة توزيع منتجات تلك الشركات بشكل غير قانوني على الشبكة (ما يطلقوا عليه القرصنة)، و أخيرا الشركات المذعورة من قدرة التجمع البشري الانترنتي على البحث و التقصي وراء ممارسات تلك الشركات و كشف عيوب منتجاتهم، روابط الشركات ببعض، روابط الشركات بالسياسيين، التأثيرات البيئية السيئة لعمليات الانتاج أو المنتجات نفسها، وقائع استغلال العمالة الخ الخ الخ

التكنولوجيا دي من أهم الحاجات اللي بتمكن الشعوب الواعية النتعلمة الناشطة و تتيح لها تقرير مصيرها و ممارسة ديمقراطية مباشرة و رقابة كاف السلطات بما في ذلك السلطات المالية، التكنولوجيا دي اتولد منها حركات سياسية في كل حتة في العالم مسببة صداع لكل الحكومات، التكنولوجيا دي عنصر أساسي في تجديد شباب حركات سياسية بتاخد خطوات ثورية/تقدمية مهمة في أفريقيا و أمريكا اللاتينية.


وهذا جزء من موضوع بعنوان (حد فاكر الدرنكة):

اقتباس
المهم و أحنا بنتكلم قعدنا نفتكر، الزلزال و القطر اللي ساب مساره و دخل البلد و الأتوبيس اللي وقع من الكوبري و قتل اللي جواه و اللي كان تحتيه، و قطر الصعيد اللي اتحرق و نعدد في العمارات اللي وقعت و و و و

و قعدت أقوله كان في قرية في الصعيد في مجري السيل في التسعينات و السيل لما جه شال معاه بنزين كان متخزن في مجرى السيل و الناس غرقت و أتحرقت في نفس الوقت، مقدرتش أفتكر القرية ولا أسمها، حسيت أني بحكي أسطورة توراتية، حاجة على مستوى من العبث و الضخامة و الفظاعة بحيث أن لازم يكون فيه اله غاضب وراها (و أن كان اله الغلابة رحيم و حنين)، و كالعادة ملقيتش حد فاكر، سألت الناس حوالية، سألت سواق التاكسي و أنا مروح، لحد ما شكيت في نفسي (زي ما ساعات و أنا بحكي عن السلعوة بشك أني بتكلم عن فيلم خيال علمي بايخ عن كلاب تحولت وراثية بسبب تلوث المدينة و رجعت تنتقم و تبث الرعب في قلوب أهل المدينة).

أنا متشكر جدا يا أستاذ أحمد عمر أنك ما نسيتش أهلك الغلابة في الدرنكة و أن ذاكرتك طلعت أحسن من ذاكرتي و كل اللي أتكلمت معاهم، أقرأوا التدوينة دي و افتكروا، أظن حتى لو هنفضل عجزة على الأقل نحاول نفضل فاكرين ضحايا أبطئ و أطول و أفظع هولوكوست في التاريخ، هولوكوست الغلابة المصريين، اللي بيحصل حبة حبة كل شهرين و كل ست شهور كام دستة و كل سنة كام مئة.

و المصيبة أني فاكر كأس العالم 1994 كويس قوى بس افتكرت القرية المنكوبة بالعافية، و المصيبة أننا هنفتكر كأس الأمم 2006 كويس قوى و دي مش حاجة وحشة، كل الناس بتحب الكورة، لكن المشكلة مش في أننا هنفتكر الكورة المشكلة في أننا هننسى العبارة.


وحزء من موضع تالت (رسالة مفتوحة الي حركة كفاية):

اقتباس
خطاب مفتوح الي الحركة المصرية من أجل التغيير "كفاية"

من منتصف 2005 و أنا مشارك فعال نوعا في تظاهرات و فعاليات الحركة و من أحسب نفسي من أشد مؤيديها و المتحمسين لها.

من حين لأخر كنت أرصد مشاكل في الحركة و أعترف أني في أوقات كنت أظن الحركة غير قادرة على الاعتراف بتلك المشاكل و أبرر هذا بكلام عن الأجيال و عدم ممارسة الديمقراطية داخليا، و في كل مرة تذهلني و تسعدني الحركة بتدارك المشاكل و مواجهتها بصراحة و تقديم محاولات جادة لضمان عدم تكرارها. و من بعدها اعتبرت أي مشكلة تنظيمية أرصدها جزء من ألام المخاض ففي النهاية لا يملك أي منا خبرة حقيقية في الممارسة الديمقراطية فبلادنا في حالة قمع مستمر دام طويلا و لا أظن أن أحد منا يعرف أو يتذكر كيف كانت الحياة بدون قمع.

باختصار أفخر بانتسابي للحركة و تعلمت منها الكثير و أرجوا أن أكون قد قدمت لها القليل.

و لكن أقلقني ما قرأت اليوم على موقع الحركة  ............


هناك كمية ضخمة أخرى من المقالات والوصلات -إلى مواقع أو مواضيع أخرى قيمة- المنتقاة بعناية موجودة هناك في الصفحة الرئيسية والصفحات الداخلية كذلك .. ضخمة لدرجة أن يصعب نقلهم أو حتى الإشارة إليهم هنا ..
واخدلي بال سعادتك .. ما اقصده هو أن السيئ هناك يمكن حصره وتجميعه والإشارة إليه .. هنا .. ويمكن أن نقول فيه أكثر مما قال مالك في الخمر .. أما الجيد .. فيزيد جداً عن إمكانية حصره أو التعليق عليه.

أرجو أن أكون أوضحت ما اقصد ..

تحياتي
..... على عينه
شوف يابروف واسمحللى اخاطبك بدون اىرسميات حتى لا تعتقد ربما اننى اتملقكم لاسمح الله....
انا احترم وجهه نظرك كاملة ولكن ان يأتى الكلام من اصحاب المكان وهم من يطلق عليهم منال والسيد زوجها علاء يعنى الخروج عن العرف والتقاليد يخرج من اصحاب المكان وبالتالى اصحاب المكان هم الذين اعطوا المثل للباقين ان يحتذوا حذوهم يعنى ينطبق عليهم المثل الذى يقول
اذا كان صاحب البيت بالدف ضارب.....فشيمة اهل البيت الرقص
الاخ بروف
ارجوا ان تكون قد فهمت وجهة نظرى انا ايضا....
Prof
متهيألي فاهم .. وصحيح ومعاك حق .. ممكن نقول يوجد غلط في جزئية من أداء اصحاب الموقع .. في اسلوب أو سلوك ما يتبعونه .. ولكن ليس كل الأداء .. لا يمكن ان نعتبر أن كل هذا المجهود - التطوعي- وكل هذا المحتوى -الواعي جداً- هو من قبيل فرز السموم أو "صفيحة زبالة" كما قيل !

بالنسبة لنقطة الخروج عن العرف ..
يا عزيزي الأعراف والتقاليد في هذا الزمن تتغير بشكل مروع وبشكل يومي .. واتصور أنه يجب الانتباه إلى التشابك والارتباط بين النتائج ومسبباتها جيداً ..
يعني انا مثلاً لا استطيع إخلاء مسئوليتي بشكل كامل من اي شئ يحدث في هذا المجتمع .. طبعاً لأني أشكل جزء منه .. وفي أي احوال هذا المجتمع لابد ان تجدني أقف على واحدة من هاتين الضفتين .. إما ضفة النتائج أو ضفة المسببات .. قس على ذلك .. ولا تنظر إليه كنوع من التبرير .. إطلاقاً .. أرجو ذلك.

أعتقد يمكن أن يكون هناك مقترح أكثر إيجابية لمحاولة دفعهم إلى تحسين هذه الجزئية الغلط في أدائهم ..
يعني ليه مثلاً ما نحاولش نتواصل معاهم شخصياً إما عن طريق الموقع أو عن طريق بريدهم؟
حدوته مصريه
اقتباس (Prof @ Apr 1 2006, 08:34 AM)
"صاحب الصفيحة" .. المفروض ان ده تعبير مهذب .. مش كده برضه .. أشكرك عليه .. بس يا ريت بلاش من كده ..

ده اكثر الالفاظ تهذيبا لوصيف الفاظ اقل ما يقال عنها انها قذره
هو حضرتك مرحتش هناك ولا ايه..يا تري وصف سيادتك للالفاظ دي ايه
ولو الصفيحه خدشت حياء سيادتك امال بتروح هناك ازاي؟ ))3((.gif
وبعدين بلاش ليه انتو مش قولتوا هتشيلوا الحجب بصراحه انتو حيرتونا 1(()).gif
والعفو يا سيدي لاشكر علي واجب smile.gif
حدوته مصريه
شكرا يا هشام علي التعديل
smile.gif
Prof
بلفظ آخر .. اسلوبك عدواني .. يمكن الرد عليكي بنفس الطريقة أو أسوأ .. فبلاش لو سمحتي.

بالنسبة للحجب .. تقصدي ايه بالحجب ومين قال هايشيل الحجب؟
حدوته مصريه
اقتباس (Prof @ Apr 2 2006, 12:49 AM)
بلفظ آخر .. اسلوبك عدواني .. يمكن الرد عليكي بنفس الطريقة أو أسوأ .. فبلاش لو سمحتي.

بالنسبة للحجب .. تقصدي ايه بالحجب ومين قال هايشيل الحجب؟

والله ده رايك في ناس تانيه شايفه ان اسلوبك انت اللي عدواني مش انا
واتفضل رد بالطريقه اللي تريحك وبلاش اسلوب التهديد ده
وراجع المداخلات السابقه علشان تتعرف علي الحجب دي اصل بصراحه انا برده مش فاهما ها قوي
..... على عينه
ياجماعة
ياحدوته مصريه
يا بروف
ياريت تصلوا على النبى ونبدأ صفحة جديدة واللى فات مات ..
انا جيت اسألكم هو المكان كله بتاع مواقع صديقة اختفى .باين عندى عمى الوان ومش شايف اى اثر له....خطوة كويسة والله دة ان لم يعود مرة تانية ...المنتدى هنا منتدى محترم منتدى 5 نجوم وبالتالى لازم يكون عنوان للسادة الاعضاء الموجودين بداخله لاننا بوضع سايت من هذا القبيل ربما يشجع امثال هؤلاء للدخول لمكان محترم مثل مكاننا ويصبح مرتعا ينشرون فيه سمومهم تحت بند الدنيا اتغيرت والزمن اتغير والحرية والديموقراطية والجوايز الدولية
.
Invision Power Board © 2001-2014 Invision Power Services, Inc.