المساعدة - البحث - قائمة الأعضاء - التقويم
الشللية !
منتديات شئون مصرية > بوابة المنتديات > إستفسارات ـ إقتراحات ـ شكاوى
Abouhemeed Al Masry
كتبت هذا في منتدى آخر ...

اقتباس
شوفوا يا جماعة
صلوا على النبي ..
أنا ملاحظ أن هناك شللية في المنتدى ..
يعني إيه ؟
يعمي مجموعة عامله لنفسها شلة .. منهم اللي يغني و التاني يطيب له ..
و لو حصل إن حدث إختلاف في وجهة نظر إنضم بقية الشلة للي منهم و هات يا تبرير و أحيانا هجوم على الطرف اللي موش من الشلة ..
حتى في المواضيع .. يا دوب فلان اللي من الشلة يكتب له كلمتين إلاو إتلمت بقية الشلة و هات ... إيه الحلاوة دي .. إيه الطعامة دي .. حتى لو كان الكلام ريان يا فجل و أتفه من التفاهة
على النقيض عندما يكتب أحد من غير الشلة زبد الزبد .. فالمطالعة قليلة و الردود أقل و الرد كلمتين غالبا من طاقم الضيافة علشان بار و عتب و الجدع صعبان عليهم إن ما حدش بيعبره ..
ح يطلع اللي يقول دا موش صح .. و دا موش مظبوط .. و ندخل في النحليل النفسي و عقدة الإضطهاد و البارانويا و الأستحكص في الحمبلاظ .. 
اقول له ادخل الإحصائيات في كل باب و شوف بنفسك .. شوف مين بيرد على مين ؟ و بيقول له إيه ؟ شوف عدد الزيارات و قارن بنفسك ..
على كل دا موش جديد علينا يا عرب .. دا هو حالنا و ثقافتنا اللي جابتنا ورا ..
أعتذر مقدما لمن لا يعجبه كلامي .. 


فهل هذا موجود في منتدانا هذا ؟
أعتقد .. نعم
oskasan
blink.gif
ماعتقدش يابوحميد
الا لوكنت انا مش واخد بالي
لان عددنا في المنتدى هنا مش كبير لدرجة الشللية
انت واخد بالك من الجملة اللى مابتتغيرش في صفحة البداية
أكبر عدد لتواجد للمستخدمين كان 39 في Jun 8 2005, 02:29 PM
مش هانعمل زي الاتنين الصعايدة اللى بيتخانقوا مين يقف في النصف


Abouhemeed Al Masry
أنا أنهي صعيدي فيهم ؟ rollinnnnn.gif
Akrum
تلك الظاهرة متواجدة بالفعل بالمنتديات وبالطبع نحن لسنا استثناء من القاعدة .. وعانينا منها في فترات سابقة .. وقد يلحظها العضو نفسه .. ويبدو انالعامل الاجتماعي وعلاقة العضو بمن في المنتدي عن طريق التعرف بواسطة مسينجر او ايميل او مراسلات بالمرسال الخاص تولد نوع من التقارب فيما بينهم .. مما يولد بعض الواجبات الإجتماعية والمجاملة في الرد علي موضوعات زميله او زميلته .. وإلا يعتبر نوع من المجافة او الإهمال خاصة انو تواجد الكل ع الخط في وقت واحد .. كما ان هناك نوع من تنسيق الأدوار او طلب المشاركة من عضو لتنشيط موضوع ما وذا معلوم ومتعارف في المنتديات .. ولكن يبدو ان سلبية الشق الإجتماعي هذه .. قد ينزلق فيها الموضوعات إلي غير الموضوعية .. بل واحيانا تصل لحد النفاق الإجتماعي .. فتفسد الموضوع او اصل الهدف من الحوارات .. لتتحول لموضوعات تهاني ويعطيك العافية ..إلخ

الموضوع ده لا صلة له بكثرة او قلة الاعضاء .. يا اوسكاسان .. ولكنها فعلا ظاهرة في المنتديات بالفعل .. لا يجب ان نقلل من تأثيرها السلبي احيانا كثيرة علي طبيعة النقاش في اي موضوع ..



oskasan
بالعكس يا اكرم

منتدانا ده غير كل المنتديات فعلا

الواحد هنا بيحس بدفا مختلف عن اي منتدى اشترك فيه حتى لما بيكون فيه خلافات فكرية وعقائدية جذريه

مش عايز اقول اني لما بكون بره البيت بحب ارجع بسرعة علشان اشوف كل الاعضاء هنا حتى لوكانوا اشخاص اعتباريين او متخفيين تحت افكار او اسماء وهمية

انا اشتركت في منتديت كثيرة وكانت كلها زي مانت بتقول يعطيك العافية ومبروك وتسلم ايدك

لكن هنا ومع قلة او كثرة عدد الاعضاء.. المنتدى ده مختلف بكل المقاييس

فعلا بحس انه بيت دافي الناس فيه بتعرف بعض من غير مايشوفوا بعض

بيختلفوا احيانا وبيزعلوا احيانا

لكن في النهاية اخوات بجد

ولو كان فيه شيئ من الشللية زي ما بتقول فهو نوع من المجاملة سرعان ما بتتغير عند اول كلمات جادة لاظهار الرأي

يعني قد اختلف مع ابو حميد في بعض المناقشات الدينية لكن نتفق في موضوعات كثيرة اخري بدون اتفاق مسبق على الماسنجر
لم اتقابل مع زعلان او الهرم على الماسنجر او الرسائل البريدية

ولكن اتفقت معهم في بعض افكارهم واختلف في بعضها


اتفق مع سمارت ونبيل دينيا واعجبت بحماسهم وقرائتهم المتنوعة والكثيرة واختلفت في بعض طرق محاورتهم

احترمت النسر في 90% من مداخلاته بل واقتبست منها بدون ان نتفق سويا




mona moon
أبو حميد يا مصري ...

لو دلوقت فيه شللية في المنتدى ، أمال من سنة أو أقل تقريبا كان فيه ايه ؟؟

مش فاكرة اذا كنت حضرتك موجود أياميها والا لأ ..

بس أياميها كان فيه "لولي" و "دولفين" و "زهرة برية" و "جميل" و"سكر أخضر" و "تيتووووو" ووووو........... لو فضلت أعد مش هخلص ..

أياميها كان فعلا فيه شللية .. (فريدة وقمر الليالي أعتقد يفتكروا الكلام دة)

وكنا أحيانا كتير بنعمل زي ما انت بتقول ويمكن أكتر كمان ، كتير كنا بنتصيد مداخلات عضو معين cool.gif ونستناه لما يكتب عشان نروح نتخانق معاه ونبهدله devidevi.gif وأحيانا تانية نستفزه لما يكون ساكت عشان يتكلم ونتخانق معاه تاني بسبب آراءه الغريبة .. (إقرأ موضوع القصو في أوله وانت تعرف مين tututu.gif )

انما دلوقت الأحزاب اتفرقت ولا بأه فيه شللية ولا غيره (أو على الأقل مش زي الأول) sleep.gif
Abouhemeed Al Masry
مونا موون ..
أنا عضو من زماااااان و فاكر الأسماء اللي قولتيها و في فترة ما عجبنيش الحال فقاطعت المنتدى و رجعت تاني ..
أنا عن نفسي ما أحبش الشللية لأني بأعتبر أن أعضاء المنتدي هم في نفسهم شلة يعني أسره .. ما يصحش عضو في الأسرة يتحالف مع عضو فيها ضد عضو آخر .. لكن زي ما قال أوسكاسان اللي بأعزه جدا على الرغم من إختلافاتنا ممكن يختلفوا و يتحاوروا و يتناقشوا و يعاكسوا و يتخانقوا لكن قلبهم على بعض ..
الحمد لله ربنا وفقني لأكتسب مجموعة من الأصدقاء الذين أتمنى أن ألتقي بهم في يوم من الأيام .. طبعا و حضرتك منهم .. 2()(5.gif 01!!8.gif
oskasan
اقتباس
  الحمد لله ربنا وفقني لأكتسب مجموعة من الأصدقاء الذين أتمنى أن ألتقي بهم في يوم من الأيام .. طبعا و حضرتك منهم ..
 


وانا وانا كمان بحبك وعايز اشوفك (( علشان تعزمني على اكلة سمك ))
Abouhemeed Al Masry
ح أعزمك على ديك رومي ... devidevi.gif
أسامة الكباريتي
أنا من شلة اللي يصلي على النبي
من شلة أبو حميد لما يفقعنا قصيدة نتمخمخ عليها

من شلة كل كاتب يشعرني بأنني أمام لوحة أو لوحات إبداعية

مش من شلة اللي بيكتب وفاكر انه اتظلم وقلشوه وراحوا بنوبل لبيت نجيب محفوظ

نعم كان وما يزال وما انفك وماسئم الشلليون من التشلشل
فهؤلاء لا يقدرون على العيش منفردين

الزعيم
بحاجة إلى مطبلين ومزمرين من حوله

والمطبلين مش معقول انهم يقرعوا الطبول لأنفسهم

اللي بيحترم قلمه لا يحتاج إلا إلى إبداعاته
ليستقطب بها الناس من حوله

أضرب هنا مثلا
أسامة ياسين = عز الدين سابقا
أحيانا يكتب
وكأنه يكتب لنفسه
فالصورة في ذهنه بأبعادها الثلاثة
لكن ماخطه لم يترجم الصورة
ما افهموش
لكنه وفي معظم الأحايين يستقطبني بإبداعاته
هو يريد أن يقول شيئا
وتصلني الفكرة
بلمح البصر
فقد تواصل قلمه مع خياله الخصب
فأبدع
فوجدتني لا شعوريا قد انضممت إلى شلتة مريديه

هو في كلا الحالين
قد أبدع
المشكلة في الحال الأول
أن الاتصالات معنا لم تكن منتظمة

كذلك الكثيرين من كتابنا
يظنون بأن ما أبدعوه
سوف ينال الريشة الذهبية
لكنهم كانوا يبدعون لأنفسهم
وطارت الريشة

ولا أستطيع التصفيق
لمن لم يتواصل معي
فعجزت عن فهمه







Hesham
أينما وجد تجمع إنسانى .. وجدت الشللية. ولا سبيل للقضاء عليها كظاهرة.

كل ما نملكه هو التمنى، بأن تكون شلليه فى الخير وللمصلحة العامة وألا تضر.

شللية مثل ما ذكرتها منى موون ,,, كانت من ألذ الشلليات smile.gif أفرزت موضوعات ممتدة إلى اليوم، مثل موضوع القصر بما فيه من نقد لنماذج من المجتمع بأسلوب ساخر ومن خلال شخوص منتدانا .. وأفرزت موضوعاً مثل آخر حرف الذى استقطب هواة الشعر العربى قديمه وحديثه .. وهكذا.

أما الشللية البغيضة، والتى تصادفنا من حين لآخر على فترات، فهى ما تفرز موضوعات ليس فيها سوى البغض والمشاكل والخلافات الشخصية التى لا تهم سوى أطرافها، لكنهم يجعلون منها موضوعات عامة تربك الجو العام للمنتدى دون داع. وتظهر من آن لأخر هكذا فجاًةً، ونتمنى ألا تعود أبداً أو على الأقل .. أن تغيب عنا لأطول فترة ممكنة praying.gif




شخصياً .. أنا من شلة تشاخد ليبانة يا كابتيشن؟ parttttty.gif
gatita
انا عندي شلة قطط ورايا في كل حرف اكتب يجو بيوحو عليا

افكار

و بيشجعوني biggrin.gif
Abouhemeed Al Masry
آخر مقالة لجاتيتا ...

مياو .. مياو .. 01!!8.gif
ميييييياو 1(()).gif
مياو blink.gif
تخيششششششششش 2))).gif
مياو a-o--0.gif
gatita
user posted image
mona moon
هشام

على سيرة الموضوعات القديمة (انت اللي جبته لنفسك) devidevi.gif

فين موضوع "انها الثورة (.. مش عارف ايه..) لنحيا بلا عدس حياة كريمة" ؟؟؟

ياريت تدور على الموضوع دة عشان دة تاريخ المنتدى اللي لازم يتدرس للأجيال الجديدة المنضمة حديثا للمنتدى ...

لازم يعرفو تاريخ النضال في المنتدى 13)()).gif 1-history.gif

(شكلنا هنرجع للعدس بعد انفلونزا الطيور والحمى الشوكية بتاعة السمك والسي فود وجنون البقر) 23)))).gif
mona moon
افتكرت "انها الثورة المجيدة لنحيا بلا عدس حياة سعيدة"

فين بأة الموضوع سعادتك sleep.gif
Hesham
دور عليه .. تلقاه .. دور عليه دور --_.gif
ياللى عينيك .. شايفاه .. ولسه بتدور 005.gif

هشام
(شادية وكمال الشناوى بعد الضهر) cool.gif

oskasan
اقتباس (Hesham @ Mar 3 2006, 10:20 AM)

شخصياً .. أنا من شلة تشاخد ليبانة يا كابتيشن؟ parttttty.gif

ممكن تضمني معاك يا كابتشن
banboty
اقتباس (Hesham @ Mar 3 2006, 10:20 AM)

أما الشللية البغيضة، والتى تصادفنا من حين لآخر على فترات، فهى ما تفرز موضوعات ليس فيها سوى البغض والمشاكل والخلافات الشخصية التى لا تهم سوى أطرافها، لكنهم يجعلون منها موضوعات عامة تربك الجو العام للمنتدى دون داع.

دي اسمها عصابة مش شلة


ناس بتبقى ليها ذمتين
motaz
اقتباس
دي اسمها عصابة مش شلة


والله يا بنبوطي لفظ عصابه لا يليق احيانا بل الامر اوسخ يعني .. يعني تقول رداحات.. تقول شلة شتم ..
ففي بعض المنتديات الامر استفحل بجد.. فيجتمع عليك منتدى باكمله لمجرد ان مزاج معلمه اتعكر لما رديت رد طبيعي على الصبي الي بيجيب الولعه sleep.gif
والي بيخلي الواحد يتضايق بجد .. هو اولا انه مش بتاع ردح وتفاهات من دي..
وكمان انه يكتشف سخافة الاحترام السابق لمثل هؤلاء بل والوقوف محامي دفاع عنهم دون ادنى معرفة..تحترم وتحفظ غيبات الاخرين وتحرج محدثك .. ثم ياتي الغائب ليجمع لك منتدى شتم وينعتك بقليل ادب وفوقها انذار wacko.gif


.
Invision Power Board © 2001-2014 Invision Power Services, Inc.