nabil shokri
Jan 13 2006, 03:22 AM
هشام انت admin غير حيادي!
| اقتباس |
اولا سأرد بهزار يعنى محدش يزعل منى والا يزعل ...
علشان يا سيدى عيشتهم سوداة
طيب ليه الشيوخ بيلبسوا ككولة و عمة حمراء ؟؟؟ |
ديه جملة ذكرت في موضوع
كان الرد عليه:
| اقتباس |
انا اللى بسأل ( راجع عنوان الموضوع ,) يعنى عارف الرد تقوله ,
مش عارفه , يبقى تقعد لنا في حتة ناشفة كده على جنب
لغاية اما اوسكسان يرد ,,,, |
السيد هشام دخل بعد المداخلة الثاية لصاحب الجملة الاولي رد كلأتي:
| اقتباس |
سان
بأكملها بس وانتوا كمان اتفضلوا كملوا |
دون ادني اعتبار لكاتب الجملة الاولي اساس المشكلة.
انا مبشتكيش من الجملة انا بشتكي من سلبية الادارة و بالذات هشام.
و عموما سلبية كل الاعضاء بعد الجملة و كأنه عادي ان احنا نجرح بعض.
banboty
Jan 13 2006, 03:25 AM
شكري
انت قرات اخر جملة انا كتبتها بعد ما اخونا الفاضل ابو حميد تدخل
nabil shokri
Jan 13 2006, 03:30 AM
علي فكرة لأن الموضوع ذاد عن حده و لأن تكراره بقي حقيقة مؤلمة فأنا هتصيد عدم الحيادية في كل المواضيع و هطها هنا
و اتمني ان الاعضاء يجوا و يشوفوا و يحكموا يمكن انا الغلطان.
nabil shokri
Jan 13 2006, 03:35 AM
| اقتباس (banboty @ Jan 13 2006, 03:25 AM) |
شكري
انت قرات اخر جملة انا كتبتها بعد ما اخونا الفاضل ابو حميد تدخل |
اسمي نبيل شكري و الموضوع هنا عن عدم حيادية الادارة و موضوعك مثل علي ذلك لا اكثر ولا اقل.
و هنا هفضل اكتب كل الاهانات اللي بتعدي عليها الادارة و معظمها بدوافع دينية و هفضل لازقها هنا.
عن موضوعك هو انتهي بفاصل الردح البولاقي و لو نيتك سليمة هتعتذر لصاحب الشأن.
Abouhemeed Al Masry
Jan 13 2006, 03:53 AM
حقك عليا بقى يا أستاذ نبيل خليك إنت الكبير ..
بس وحياة العزيز عندك بلاش توعد أصل دا يستنفر ناس كتير و دا ما لوش لزوم
في مانع كلنا نبقى حلوين مع بعض
واحد يحرت و التاني يزرع أرض
تطرح لينا خير بالطول و العرض
بدل ما نشمت أعادي فينا ...
و روحنا يقبضوها قبض
banboty
Jan 13 2006, 03:54 AM
يا بني انت مش اد الكلام الكبير ده
و مش في صالحك و لا عمره هيبقى في صالحك في يوم من الايام
صدقنى
احلفك لك بأيه عشان تصدق
nabil shokri
Jan 13 2006, 03:59 AM
| اقتباس (banboty @ Jan 13 2006, 03:54 AM) |
يا بني انت مش اد الكلام الكبير ده
و مش في صالحك و لا عمره هيبقى في صالحك في يوم من الايام
صدقنى
احلفك لك بأيه عشان تصدق |
و الله العظيم انت ما عارف انا بتكلم علي ايه.
banboty
Jan 13 2006, 03:59 AM
| اقتباس (nabil shokri @ Jan 13 2006, 03:35 AM) |
| عن موضوعك هو انتهي بفاصل الردح البولاقي |
و نسيت اقولك انى صعيدي اوي
مع احترامي لاهل بولاق و اللى منها
Abouhemeed Al Masry
Jan 13 2006, 04:02 AM
أهالي بولاق يستنكرون و يشجبون و يلجئون لمجلس الأمن و محكمة العدل الدولية .....
Abouhemeed Al Masry
Jan 13 2006, 04:05 AM
يا أستاذ بنبوطي علشان خاطر الناس الحلوة اللي هنا .. كفايه بقى على كدا ..
و إنت كمان يا أستاذ نبيل قلنا الخاص بينكم و بين بعض أحسن ..
nabil shokri
Jan 13 2006, 04:05 AM
| اقتباس (banboty @ Jan 13 2006, 03:59 AM) |
| اقتباس (nabil shokri @ Jan 13 2006, 03:35 AM) | | عن موضوعك هو انتهي بفاصل الردح البولاقي |
و نسيت اقولك انى صعيدي اوي
مع احترامي لاهل بولاق و اللى منها |
هههههه كلنا صعايدة و كلنا من بولاق.
بس في اللي بيكونها بجد و اللي بيكونها كلام.
بصرف النظر عن موضوع هشام.
نفسي اعرف انت رديت عليه كده ليه و ده كده في نظرك صح.
banboty
Jan 13 2006, 04:05 AM
| اقتباس (nabil shokri @ Jan 13 2006, 03:35 AM) |
و هنا هفضل اكتب كل الاهانات اللي بتعدي عليها الادارة و معظمها بدوافع دينية و هفضل لازقها هنا.
|
انت عندك عقدة اضطهاد مكلكعة
ابعد عن السمك و البيض
banboty
Jan 13 2006, 04:07 AM
| اقتباس (Abouhemeed Al Masry @ Jan 13 2006, 04:02 AM) |
| أهالي بولاق يستنكرون و يشجبون و يلجئون لمجلس الأمن و محكمة العدل الدولية ..... |
شكل الواد نبيل خبط في الحلل يا ابو حميد
Abouhemeed Al Masry
Jan 13 2006, 04:07 AM
إنتوا حرين ... إياكش تولع ...
)).gif)
banboty
Jan 13 2006, 04:08 AM
| اقتباس (nabil shokri @ Jan 13 2006, 04:05 AM) |
بس في اللي بيكونها بجد و اللي بيكونها كلام.
|
الحمد لله من عتاولة الصعايدة
banboty
Jan 13 2006, 04:11 AM
| اقتباس (Abouhemeed Al Masry @ Jan 13 2006, 04:07 AM) |
| إنتوا حرين ... إياكش تولع ... |
متخفش يا ابو حميد
انا اكبر و اهدى من كده بكتير ,
و مش شايف بصراحة انه غلط
هوا حشري حبتين
nabil shokri
Jan 13 2006, 04:12 AM
| اقتباس (Abouhemeed Al Masry @ Jan 13 2006, 03:53 AM) |
حقك عليا بقى يا أستاذ نبيل خليك إنت الكبير ..
بس وحياة العزيز عندك بلاش توعد أصل دا يستنفر ناس كتير و دا ما لوش لزوم
في مانع كلنا نبقى حلوين مع بعض
واحد يحرت و التاني يزرع أرض
تطرح لينا خير بالطول و العرض
بدل ما نشمت أعادي فينا ...
و روحنا يقبضوها قبض
|
استاذ احمد انا مش تخانق
كل ما في الامر ان هنا الفكر اتجاه واحد بس
و المختلف بيبقي زبون زي ماهم عاملين حفلة علي ماركيز
في موضوع تاني.
كل واحد يقول كلمة و تلاقي هشام بيعبر عن انشكاحه و
ابتهاجه بالكلمة رغم بواختها.
أما عن موضوع الاستفزاز دوت فمش هعلق عليه اصلا.
هنا لمختلف يعاقب اخلاقيا من حزب الهمبكة و من السنيور هشام
اللي علم الفشة العوم و فرحان بيها.
صحيح يا هشام بذمتك مبتضحكش لما بتقرا مداخلاتي
والا انت عندك الضحك اتجاه واحد الفشة بتعوم علي هوا
حزب الهمبكة.
banboty
Jan 13 2006, 04:14 AM
ماركيز كمان
يا الهي
Abouhemeed Al Masry
Jan 13 2006, 04:21 AM
| اقتباس |
| أما عن موضوع الاستفزاز دوت فمش هعلق عليه اصلا. |
أستاذ نبيل الإستفزاز غير الإستنفار دا بس علشان لا تحملني قول أنا ما قولتوش ..
على كل شكلكم كدا شا يلين من بعض قوي .. استهدوا بالله و كملوا بكره علشان كل واحد فيكم يفكر شويه في اللي قاله و اللي مالوش دعوه بالنقاش الأصلي و حتى لو كان له دعوه ما يستاهلش النرفزه دي كلها ... قلنا خليكوا حلوين بقى
(5.gif)
nabil shokri
Jan 13 2006, 04:23 AM
مسمهاش حشري اسمها واحد مش هيوافق علي الغلط و هنا الغلط ان هوشااااام غمض عينيه و حسس علي النضارة.
| اقتباس |
| الحمد لله من عتاولة الصعايدة |
ما انا قلت مصر كلها فكهانية كلام و الصعايدة عارفين الاصول لكن اللي بيهرتل و يتمسح في الصعايدة بيبقي عامل زي الفرغة المبلولة و بيهبش في اي حاجة.
| اقتباس |
| انا اكبر و اهدى من كده بكتير |
كبير العقل مبيغلطش و لو غلط بيعتذر.
| اقتباس |
| انت عندك عقدة اضطهاد مكلكعة |
احتمال برده بس لما حزب الهمبكة اللي انت منه يخلص مشاكله
ابقي تعال عرفني عقدى.
و اي واحد مختلف حتي لو في الكورة ماهو بعيد عنك الجليطة
و قلة الذوق مبتفرقش كله بيبقي كافر و كخة.
Hesham
Jan 13 2006, 04:25 AM
فى الموضوع السابق، كتبت مداخلة أرجو أن يقرأها الطرفين جيداً قبل أن يتطور الأمر بينهما هنا من جديد.عزيزى نبيل ..
كعادتى أرد على كل رأى بقولى:
(هذا رأيك وأنت حر فيه بالطبع) وسأحميه لك إن دعت الحاجة لذلك.
ولست هنا الآن لأدافع عن نفسى أو عن باقى المشرفين فى المنتدى ..
لكن فقط أحب أن أوضح لك بأنى عندما رديت وقلت: "سان" .. كان تعليقاً سريعاً على جملة قرأتها لمن سبقنى، قرأتها بسرعة ورديت عليها بسرعة، دون حتى أن أقرأ اسم الموضع الذى أكتب فيه .. (صدق أو لا تصدق .. انت حر) .. رابط الموضوع وصلنى على البريد، ضغط عليه، وكعادتى أذهب مباشرة لآخر صفحة، فقرأت التعليق ورديت عليه، وخرجت من المنتدى .. (مرة أخرى صدق أو لا تصدق انت حر) .. ولأساعدك فى التصديق، راجع تاريخ المداخلة وراجع تاريخ مداخلاتى التى سبقتها والتى تلتها .. وستتعرف بنفسك على طول الوقت الذى قضيته فى المنتدى ساعتها.
ثانياً .. انت بالذات لست غريباً عن أسلوب البنبوطى فى الكلام، هذه هى طريقته، بيتكلم بعشم كبير مع الناس ولا يضع حواجز بينه وبينهم، لكن من العشرة وكثرة التعامل معه، عرفنا انه لا يقصد أى شئ سخيف مثلاً فى حق غيره إلا لو كان هناك مشكلة ما كما حدث بينكم وبينه منذ قليل .. صح الكلام والا غلط؟؟
ثالثاً .. هو كان يتحدث لسمارت، وسمارت لم يشكو .. فلماذا تدخلت أنت بهذا الأسلوب؟؟ (أحتفظ بكل الكلام المحذوف)
تعرف انك لو كنت مثلاً .. عملت نفسك ما شفتش الكلمة اللى ضايقتك .. رغم انها مش موجهة لك أساساً .. ما كانش حيكون فيه أى مشكلة، وكانت الأمور حتعدى على خير، ولو كان هو مثلاً غلط، كان حيتكسف وما يكررهاش تانى .. مش كده والا انت شايف غير كده؟؟
مش المفروض نكون عاقلين شوية يا نبيل؟؟ والا الصح هو ان اللى يبصلنا بصة نجيب أجل بلده كلها؟؟
انت باين عليك قضيت عيد أى كلام، ما اتبسطش فيه وراجع تطلعه على الناس هنا .. بس ده بعينك يا بلبل
مش انت بتقول انى مش حيادى !!! ماشى .. أديك ناكتشفت السر يا عم وما حدش أدك .. فامشى بقى جنب الحيط بدل ما أكلك بقشرك
!.gif)
توقيع
مش حيادى بعد الضهر
oskasan
Jan 13 2006, 04:27 AM
فيع ايه يا جدعان
صوتكوا عالي كده ليه
صحيتوني من النوم
يا فتاح ياعليم يارزاق ياكريم
Abouhemeed Al Masry
Jan 13 2006, 04:32 AM
هو العيد خلص ؟ فاكر انه لسه له بكره ... كل سنه و انتوا طيبين يا جماعة .. أستاذ نبيل أتفضل معايا منبار و كباب ... يا أستاذ بنبوطي تاخد الليه ؟
خليكوا حبايب أحسن يا جماعة .. أستاذ هشام .. علق لهم انت على براد الشاي بالقرنفل يعدلوا دماغهم بيه
Abouhemeed Al Masry
Jan 13 2006, 04:36 AM
إنت السبب يا أوسكاسان ..
يعني لازم كدا تنام للفجر ؟ آديك يا سيدي خليتها موقعة كتابية بالحبر الشيني ...
كل واحد دلق داوايته على التاني .. مبسوط كدا ؟
banboty
Jan 13 2006, 04:36 AM
يا عم صح النوم
انت فين ؟
كل ده بسببك ,
الواد عامل فيها مرتضى منصور , مرة سامي حبيب و مرة ماركيز
و مرة متضايق عشان انا قلت لك ا وسكا
ايه رايك بقى يا اوسكا
Abouhemeed Al Masry
Jan 13 2006, 04:41 AM
لا بقى هي وصلت لدرجة أنك تقول له يا أوسكا .. ناقص تقولي يا .. أبو .. حاف من غير حميد .. أخرجوا السيوف من أغمادها ... دقوا طبول الحرب .. على نغمة ......
(.gif)
حلاوتها أم حسن ...
في حد اسمه حسن هنا ؟ وش واحد خايف تقلب بنكد
banboty
Jan 13 2006, 04:43 AM
يا اخي ابو حميد
اخوك واكل فتة و لحمة تلات ايام بحالهم فأعفيني المرة دي ,
ادي منابي كله لشكري يعمله سندوشتات
, و مش عايزين نتعب هشام كفاية الحلفانات اللى قاعد يحلفها عشان شكري يصدقه
Abouhemeed Al Masry
Jan 13 2006, 04:49 AM
أيوه يا عم بنبوطي مين قدك ؟ قضيت العيد كله مع البنت الحلوة دي اللي عماله تنطط جنب اسمك .. و تقولي موش محتاج لليه ؟!!!
oskasan
Jan 13 2006, 04:50 AM
انا دخلت نمت الساعة 3 وماكنش فيه حاجة
ايه اللى حصل
ايه ده
وكمان بتقولي يا اوسكا
طب اطلعلي بره
يا قوم
انزلوا الاعلام البيض
ارفعوا الرايات الحمر
اعلنوا الحداد في جميع اركان المنتدى
اوسكاسان ابن المعلم الزناتي اتهزاْ يا Men's
وبالابسطروف كمان
banboty
Jan 13 2006, 04:53 AM
| اقتباس (Abouhemeed Al Masry @ Jan 13 2006, 04:49 AM) |
| أيوه يا عم بنبوطي مين قدك ؟ قضيت العيد كله مع البنت الحلوة دي اللي عماله تنطط جنب اسمك .. و تقولي موش محتاج لليه ؟!!! |
مستهون انت بكل بساطة كده باللوجو بتاعي
ده ديكومنت عشان اثبت بس ان الايروبيكس
كان من ايام الفراعنة
Abouhemeed Al Masry
Jan 13 2006, 04:54 AM
لا بقى إنتوا خليتوها خل ..
هو إنتوا كمان ح تدخلوا الأبسطروف فيها ؟
طيب نبره على الييه بقى ئ ئ ئ ..
و أياكم حد يقرب من الشده ً ً ً
).gif)
banboty
Jan 13 2006, 04:55 AM
| اقتباس (oskasan @ Jan 13 2006, 04:50 AM) |
انا دخلت نمت الساعة 3 وماكنش فيه حاجة
ايه اللى حصل
ايه ده
وكمان بتقولي يا اوسكا
طب اطلعلي بره
يا قوم
انزلوا الاعلام البيض
ارفعوا الرايات الحمر
اعلنوا الحداد في جميع اركان المنتدى
اوسكاسان ابن المعلم الزناتي اتهزاْ يا Men's
وبالابسطروف كمان |
حنفي في المعمل بيحضر الذرة
Abouhemeed Al Masry
Jan 13 2006, 04:56 AM
| اقتباس |
| مستهون انت بكل بساطة كده باللوجو بتاعي |
يا عم اللهم لا حسد ، حد استهون بحاجه ؟ ربنا يوعدنا و يبقى عندنا لوجو زيه
Hesham
Jan 13 2006, 04:56 AM
أستاذ نبيل شكرى
هناك فرق بين الشكوى من عدم الحياد (وهذا رأيك وانت حر فيه) .. وبين الخطأ والسخرية والتجاوز.
و
| اقتباس |
المختلف بيبقي زبون زي ماهم عاملين حفلة علي ماركيز
في موضوع تاني.
كل واحد يقول كلمة و تلاقي هشام بيعبر عن انشكاحه و
ابتهاجه بالكلمة رغم بواختها. |
وسعت منك جداً هنا على فكرة .. وده لمعلوماتك فقط ..
تعرف ليه؟؟
لأن ماركيز يسارى، وأنا أميل جداً لليسار وكل الدنيا تعرف هذا عنى .. فمن غير المعقول ان أنا بالذات أسخر من كلامه .. شوف حد تانى، انما أنا ما اظنش
لما أعبر عن "انشكاحى" و"ابتهاجى" فده بيكون لأنى فعلاً بأضحك من التعليق، بغض النظر مين قاله وقاله على مين. أنا باحب الضحك يا نبيل بك، وما ليش فى الغم .. إلا لو اضطريت له زى ما هو واضح انى قريب حأضطر له
| اقتباس |
هنا لمختلف يعاقب اخلاقيا من حزب الهمبكة و من السنيور هشام
اللي علم الفشة العوم و فرحان بيها. |
هذا الأسلوب حسب سلو بلدنا، وفى عرف المنتدى .. اسمه قلة أدب ولا مؤاخذة.
تفتكر التصرف الطبيعى من إدارة المنتدى يكون إيه مع قائله؟؟ 
| اقتباس |
صحيح يا هشام بذمتك مبتضحكش لما بتقرا مداخلاتي
والا انت عندك الضحك اتجاه واحد الفشة بتعوم علي هوا
حزب الهمبكة. |
موضوع "الفشة والهمبكة" عندك محتاج دراسة على فكرة ..
ومرة تانية .. هذا الكلام أيضاً اسمه قلة أدب يا نبيل. وبأمانة لا أرضاه لك.
وعن سؤالك ان كان كلامك بيضحكنى أو لا .. بصراحة يعنى .. مش دايماً. وما تزعلش .. دى مسألة أذواق.
| اقتباس |
| هنا الغلط ان هوشااااام غمض عينيه و حسس علي النضارة. |
رغم انى احتمال أكون من سن والدك .. لكن الحمد لله نظرى سليم وما بألبسش نظارة علشان احسس عليها.
| اقتباس |
و اي واحد مختلف حتي لو في الكورة ماهو بعيد عنك الجليطة
و قلة الذوق مبتفرقش كله بيبقي كافر و كخة. |
للأسف .. الألفاظ هنا أيضاً لا تصلح لأن تكون ألفاظ محترمة من شخص محترم وفى مكان محترم رواده محترمين.
تفتكر المفروض على المشرفين انهم يتصرفوا إزاى مع هذا الكلام؟؟
كمان مرة .. وهى المرة الأخيرة .. من فضلك يا نبيل شكرى يا عزيزى .. تهتدى بالله وتحترم غيرك ليحترموك، واستمع لنصائح الغير بأن تكف عن الخطأ. انت كاتب موضوع لفضح عدم حيادية هشام وباقى المشرفين على حد قولك .. فافضح كل ما تراه دون تعليق خارج منك .. لو سمحت.
أما ما نراه جميعاً الآن، فأنت تفضح نفسك فى الحقيقة، ولا تفضح أحد سواك.
ونصيحة منى لك أن تقبلها أو ترفضها .. ان كنت تريد فضيحتى أنا والمشرفين، فلا تتحدث عنا بهذا الأسلوب، اعرض على الناس كل مساوئنا بمنتهى الأدب كى تكسب عطفهم وتصديقهم لكلامك .. أما بأسلوب الشتيمة والسب والسخرية والتهكم والإهانة، فستخسر الكثيرين، وستفاجأ بمن يطالبون المشرفين بطردك فوراً من المنتدى .. وهو ما لا أريده أنا شخصياً لك. (والا أنت عاوز تنطرد علشان تبقى حجة تهرب بيها من موضوعنا إياه) 
اعقل يا نبيل ... وهذه هى آخر إشارة لك.
banboty
Jan 13 2006, 05:01 AM
صلوا عالنبي يا جماعة
ايه يا اتش
مالك يا بلبل
خلونا حبايب و اسمعوا الكلام و عيب كده , و اللى هيغلط هديله انذار و اشوطه بره المنتدى لغاية اما البوكس ياخده و ابقوا شوفوا مين اللى هيطلعه
Abouhemeed Al Masry
Jan 13 2006, 05:05 AM
هشام الراجل سكت خلاص مافيش داعي الموضوع يكبر عن كدا ..
| اقتباس |
| وأنا أميل جداً لليسار وكل الدنيا تعرف هذا عنى |
و دا بييجي من ايه يا أستاذ هشام ؟
وسع صدرك يا هشام
| اقتباس |
| موضوع "الفشة والهمبكة" عندك محتاج دراسة على فكرة .. |
الفشه لقيتها في الخروف بس قعدت أدور على الهمبكة ما لقيتهاش .. يظهر الجزار أخدها ... ))(.gif)
| اقتباس |
| رغم انى احتمال أكون من سن والدك .. لكن الحمد لله نظرى سليم وما بألبسش نظارة علشان احسس عليها. |
على كدا انت من سني بقى .. بس لأنا بألبس نظاره قعر كوبايه بس بتخلي الدنيا بمبي ..
Hesham
Jan 13 2006, 05:07 AM
نعم يا أخويااااااااااااااااااااا
ايه يا اتش ... مالك يا بلبل !!!!!!!!!!!!!!!!
برئ انت أوى يا حبيبى .. ولا كأنك انت سبب المصايب ولا أى حاجة
تأخدلكش وردة
روح نام يا بمبوطى الساعادى
oskasan
Jan 13 2006, 05:07 AM
خلاص يا هشام
خلاص يابوحميد الجماعة خرجوا
ممكن نرجع ننام بقى
Abouhemeed Al Masry
Jan 13 2006, 05:10 AM
لا يا عم إنت بتشخر ..
.gif)
Hesham
Jan 13 2006, 05:11 AM
banboty
Jan 13 2006, 05:11 AM
انا لاقيت الفشة عند هشام يا ابو حميد
الحقها بقى
Abouhemeed Al Masry
Jan 13 2006, 05:12 AM
اللهم إجعله خير ...
هشام بيكركع يا جماعة .. كله يخش بيته و يقفل الحنفيات ..
Hesham
Jan 13 2006, 05:15 AM
بس المهــــــــــــــــــــــــم .....
انى بأكركع على الحياد
oskasan
Jan 13 2006, 05:16 AM
| اقتباس |
| لا يا عم إنت بتشخر .. |
كده يابوحميد انا برضه اللى بشخر
وانا اللى كنت هاخيطلك كم القميص اللى اتقطع وانت بتحجز بينهم
ماشى
هاعلنها حربا بيني وبينك
فويلا لك مني وويلك
banboty
Jan 13 2006, 05:18 AM
هتشوف شغلك لما يجيلك
بلبل
هادم اللذات و مفرق الجماعات
هوا راح اتخمد و لا ايه
Abouhemeed Al Masry
Jan 13 2006, 05:18 AM
يا عم بنبوطي أنا لا بأتكلم تركي و لا بربري .. أنا بأتكلم على الهمبكة .. بيقولوا هي تحت الفشة .. دورت في الخروف بتاعنا و بتاع الجيران إني ألاقيها أبدا ... قلت أنزل إعلان في الجورنال .. قالوا لي الخروف مالهوش همبكة دا له فشه و حلويات .. روحت جري على تريانون ما لقيتش .. روحت على لابوار لقيت عنده جاتوه انما عجب اشتريت دسته و حطيتها في الخروف ... أصل أنا ما أحبش الخروف ينقص منه حاجه قبل ما أوزعه على الغلابه .. قلت أهم يتغدوا و يحلوا ... بس على فكره لسه شايل لك ال ....
ليه ....
banboty
Jan 13 2006, 05:23 AM
اللية
ماشي يا ابو حميد
طلَع اللى في قلبك طلَع
و تقولي هدي اخلاقك و عامل لي فيها عماد حمدي
ماشي ماشي
اما يجي بلبل هاضربه كفين ونشعللها تاني
---------
oskasan
Jan 13 2006, 05:24 AM
| اقتباس |
| هوا راح اتخمد و لا ايه |
بنبوطي .......
ماتتكلمش عن حد في غيبته
الموضوع هدي ماتشعللهوش تاني
صباح الفل
Abouhemeed Al Masry
Jan 13 2006, 05:27 AM
عزيزي أوسكاسان
| اقتباس |
وانا اللى كنت هاخيطلك كم القميص اللى اتقطع وانت بتحجز بينهم
ماشى
هاعلنها حربا بيني وبينك
فويلا لك مني وويلك |
قميص ايه ؟ دا موش بتاعي ..
أنا لما بأدخل أسلك بألبس المايوه بس و أدهن جسمي بزيت زتون علشان ما حدش يعرف يمسكني .. دي إتعلمتها من واحد حكم في مصارعة الأتراك ..
آخر زفلطه .. جرب كدا
ح تدعيلي ..
لا البنبوطي يمسكك و لا هشام يعفصك و لا أبو حميد يسلكك
يظهر القميص اللي معاك دا بتاع حد تاني ...
على كل أقبله منك تذكار الموقعة دي ..
ويلا ايه يا عم أوسكاسان خليك محضر خير ..
دا أنا حبيبك برضك
بمبوطي قالي كدا حتى عم دومه بتاع الجرايد قال انه قراها في الجورنال ..
يااااااااااااااااااااااااااااعم دووووووووووووووووووووووووومه ... تعالى احضرنا ربنا يخليك
oskasan
Jan 13 2006, 05:28 AM
الله يسامحكم
ساعتين بس تخلصوا 4 صفحات
انزل يا هشام هاتلنا كشكولين من المكتبة لحسن مش هنلاقى حتة نكتب فيها غير اكمام البيجامات
Invision Power Board © 2001-2013 Invision Power Services, Inc.