تصميمات و رسومات و ديكورات و اشياء اخرى , خيارات

[banboty]

بصراحة يا ام اية مش فاهم حاجة يا ريت توضحي اكتر ...

-------------

نكمل بقى رسومات الزجاج
















تم تحرير المشاركة بواسطة banboty: Mar 20 2006, 02:59 AM

[banboty]

و دي بقى شوية رسومات تنفع للشبابيك

غرف النوم او الاطفال او الحمامات

[banboty]

المرة الجاية بأذن الله

ننزل شوية تصميمات من السيراميك و البورسلين لارضيات الهول او للحمام او المطبخ .....

[banboty]

عدنا بحمد الله ..


هناك قواعد عامة للصق السيراميك و لا تختلف غالبا من صنايعي لاخر الا اذا كان الشخص المنفذ غير مؤهل و بمعنى اخر مش صنايعي و نص تذكرة


من اهم تلك القواعد هي : تنظيف المكان المراد لصقه و تغطيته بالرمال الناعمة قبل اللصق لان وجود بواقي اسمنتية او حجر او زلط , من الممكن ان تكون ذات طرف مدبب , الامر الذي يجعل البلاطة غير مستقرة و لا تدوم طويلا و مع كثرة الاستعمال تتحرك البلاطة من مكانها . يراعي ايضا عدم وجود بواقي من الجبس لانه مع احساس الجبس بالرطوبة البسيطة التى تتسرب من السيراميك بيتمدد و ممكن ان يخلع البلاطة مع الوقت ..

عند تقطيع البلاطة نصفين او حتى جزء منها للتكملة , تسمى ( غلايق )
يجب ان يقوم الصنايعي بصنفرة الجزء المقطوع بحجر صنفرة حتى لا تكون هناك حواف مدببة للبلاطة و التى تمنع فيما بعد ان يستقر بها الاسمنت الابيض الذى يغلق جميع الفتحات الطولية و العرضية للبلاط ليمنع تسرب المياه الى اسفل البلاطة و منها الى السقف .

لصق البورسيلين غير لصق السيراميك لان به برادة حديد بنسبة عالية و لا يوجد به نسبة من الفخار المخلوط بالطفلة كالسيراميك العادي ,
مما يجعل البلاطة اكثر صلابة و تحتاج الى اسمنت مضاف اليه المياه بكثرة و يسمونها مونة لباني .... و تملئ البلاطة بنسبة متساوية قليلة تجعلها تتحرك حتى يتم ضبطها بالميزان من الجهات الاربع .

و يحتاج ايضا الى سكينة خاصة بماكينة التقطيع ثمنها مرتفع قليلا عن سكينة التقطيع العادية حتى يتم قطعه بطريقة مستوية و بدون تشوهات و تهدير له لانه مرتفع الثمن

و الان مع بعض الرسومات

part I















بورسلين







تم تحرير المشاركة بواسطة banboty: Mar 23 2006, 10:53 AM

[banboty]

[oskasan]

هو فيه بورسلين خشن يابنبوطي علشان الريسبشن

اصلي خايف اركبه واتزحلق

فقالولي ركب بورسلين في الحمام وسيراميك في الحمام افضل

بس الوان البورسلين اجمل

[banboty]

طبعا انا هكلمك على البورسلين الحر يا اوسكا , اللى بينتجهم مصنع الجوهرة و كيلوباترا لاني معنديش خلفية عن المستورد !!

لا يوجد في البورسلين سطح محبب او مخشن لانه الاصل فيه ان يكون مصقول ليعطى هذا اللمعان العالي , انما لو هتركبه في الريسبشن ممكن تدخل فيه منظر او صرة او برواز من الوزر و هي ممكن تخفف من حدة الزحلقة ..


و لكن عيب البورسلين او السيراميك بصفة عامة عند وجود مياه عليه انه بيزحلق , لهذا عند تنظيف السيراميك يجب ان نمسحه بفوطة مندية او مبللة بالماء حتى نتفادى هذا الموضوع لهذا يجب ان تتأكد ان يكون السيراميك جاف طوال الوقت ...


بارت 2

[oskasan]

يعني لو ركبنا السيراميك كشكل صرة او برواز داخل البورسلين مش هايقلل من قيمة البورسلين او بمعنى اصح يرخصه شوية ؟
سؤال تاني معلش هازهقك
طيب الافضل اننا نركب السيراميك او البورسلين على البلاط القديم ولا نشيله احسن ونركبه على الارضية المسلح على طول خصوصا ان فيه بلاط قديم عندي

[banboty]

مش هيقلل قيمته طبعا لانك بتختار صرة بتتركب خصيصا للبورسلين , يعنى هتلاقيه لاصق البلاط و جواه الصرة بتاعته على الاسلايد اللى بتتفرج عليه , يعنى بيبقى مركب الحاجتين على بعض ... و يبقوا في منتهى الشياكة و بلاش اختراعات لانك مش هتعرف تتخيل الشكل النهائي الا بعد ما يركبوا و ممكن ساعتها ميعجبكش فتبقى مشكلة

اما تركيب البورسلين على البلاط القديم بدون خلع فده شئ قاتل و جهد مضاعف للسقف .

و تأثيره مش مباشر و لكن بعد كام سنة ممكن السقف يشرخ و عمره الافتراضي يقل ,

يعنى تخيل ان كرتونة السيراميك المتر و ربع او نص وزنها حوالي 25 او 27 كيلو , و بتوصل الى 30 كيلو بالمونة ( الاسمنت و الرملة ) بتاعتها

و انت هتلصق حوالي نقول متوسط 120 متر , فلو ضربته في 30 ك هتلاقي الوزن الزائد على الاسقف و الكمرات و الاعمدة حوالي 3 طن و ممكن تكون شقتك اكبر من كده , فالحمل هيزيد ..

تم تحرير المشاركة بواسطة banboty: Mar 24 2006, 06:53 PM

[banboty]

دلوقتى ننزل شوية تصاميم وو اجهات للى عاوز يبنى فيلا او عمارة