IPB

مرحبا بالضيف ( دخول | التسجيل )





33 الصفحات V  « < 2 3 4 5 6 > »   
Reply to this topicStart new topic
> مطبخنا يا مطبخنا ....
Hesham
المشاركة Dec 19 2002, 10:08 AM
مشاركة #31


عضو دائم
*****

المجموعة: Members
المشاركات: 10,504
التسجيل: 12-January 02
رقم العضوية: 7



يا نــــــــــــــاس

فين الطرشـــــى
:roll:


--------------------
user posted image
الله ثم الوطن

Go to the top of the page
 
+Quote Post
Guest_itsme_*
المشاركة Dec 19 2002, 02:32 PM
مشاركة #32





Guests






سندريللا ضرسها واجعها و بتعمل علاج جذور و مش قادرة تاكل حاجة خالص و لا حتى بسبوسة :(
علشان كده ماردتش على موضوع الطورشى ده ..امرك لله بقه يا هشام اشترى برطمانين تصبيرة كده على بال لما ترجع سندريللا :roll:
Go to the top of the page
 
+Quote Post
Helwa
المشاركة Dec 24 2002, 10:47 AM
مشاركة #33


عضو نشيط
***

المجموعة: Members
المشاركات: 135
التسجيل: 1-November 02
البلد: Egypt
رقم العضوية: 277



آه يا ضرسي 000 يا أخواني ماحدش يجيب سيرة الاكل خالــــــــــــــــص 000 :evil: :twisted:

هو احنا لازم ناكل 000 ماينفعش ناخد أجازة من الاكل 000 آه الحل ان احنا نصـــــــــــــــــــوم 0000 :) :) :)
Go to the top of the page
 
+Quote Post
Hesham
المشاركة Dec 25 2002, 03:29 AM
مشاركة #34


عضو دائم
*****

المجموعة: Members
المشاركات: 10,504
التسجيل: 12-January 02
رقم العضوية: 7



والطرشى ..........؟؟؟؟؟؟؟ :cry: :cry: :cry: :cry: :cry:


--------------------
user posted image
الله ثم الوطن

Go to the top of the page
 
+Quote Post
elbana
المشاركة Dec 25 2002, 05:20 AM
مشاركة #35


عضو مميز
****

المجموعة: Members
المشاركات: 1,714
التسجيل: 12-January 02
رقم العضوية: 6



شوف يا هشام

بالنسبة للبنتجان (الباذنجان) بالعربية :
تسلقه من غير ما تهريه ، ويكون من نوع العرايس اللي هو صوابع يعني .
وتطلعه من الميه وتصفيه .
وتكون سعادتك يا افندم داقق كام فص توم معتبرين (حسب كمية البنتجان) مع حبة ملح وكمون وشطة حمرة (أو فلفل أخضر حامي أحمر اللون) وتحط معاهم شوية خل وليمون ، وممكن تضيف ورقتين نعناع أخضر مقطعين صغنن .

إعمل شق طولي في(المتشنجان) أو (الباذنجان) بالعربية بواسطة سكين ، ثم قم بحشو كل متشنجاناية بالخليط ورصها في وعاء بمكن غلقة ، ثم قم برش ما يزيد من الخليط على وش المتشنجان اللي رصيته جنب بعضه . وممكن تضيف برضه شوية زيت زيتون للخليط قبل رشه على الباذنجان المرصوص علشان يحفظه وما يتهريش .

كل بالهنا والشفا ، ويستحسن ما تقابلش إلا بعدها بشهر .
Go to the top of the page
 
+Quote Post
Guest_itsme_*
المشاركة Dec 26 2002, 03:20 PM
مشاركة #36





Guests






واللهى يا اخ بنا إنت بتحرج الجنس اللطيف فى المنتدى بذوقك وبتثبت لنا دايما قد أيه احنا شاطرين فى شغل المطبخ بس إيه :D مدكنين :twisted:
طريقة بقية المخلل بقة و النبى :D
Go to the top of the page
 
+Quote Post
elbana
المشاركة Dec 29 2002, 12:00 PM
مشاركة #37


عضو مميز
****

المجموعة: Members
المشاركات: 1,714
التسجيل: 12-January 02
رقم العضوية: 6



أوعدك أحط وصفة باقي المخلل قريب إن شاء الله .

بس عايز أحط هنا وصفة لحاجة اسمها الحباش ، وهو عبارة عن نوع من سلطة الطحينة (المطورة) ، نخش في الموضوع :
ندق توم مع ملح وشطة خضراء حراقة وكمون ، وبعدين نحطهم في طبق غويط ونحط عليهم كام ملعقة طحينة حسب الكمية ، ونحط شوية خل ، ونقلب المزيج كويس لحد ما يبدأ يجمد ، نضيف ميه دافية شوية بشوية ونقلب لحد ما نوصل لقوام سلطة الطحينة المناسب .

كويس ؟ :o

وبعدين نبشر قلب طماطماية أو اتنين (حسب كمية سلطة الطحينة) ، ونفرم شوية بقدونس (مش قليلين) فرم ناعم ، نضيف الطماطم المبشورة والبقدونس على سلطة الطحينة ونقلب كويس ، وندوق ، ونقدر نعدل الطعم بحيث تبقى حراقة شوية ، بإضافة الشطة ، وممكن إضافة الخل أيضاً لو حسينا إنه قليل ونرجع نقلب ، المهم نظبط الطعم .

في الآخر نضيف شوية زيت زيتون على الوش .

دي بقى بتبقى رائعة مع السمك والجمبري ، وكمان مع المشاوي ، ومع الفول والطعمية ، يعني ما بتقولش لأ ، جربوها وادعوا لي .
Go to the top of the page
 
+Quote Post
elbana
المشاركة Dec 31 2002, 02:14 PM
مشاركة #38


عضو مميز
****

المجموعة: Members
المشاركات: 1,714
التسجيل: 12-January 02
رقم العضوية: 6



مخلل الزيتون

نجيب زيتون أخضر تفاحي أو عزيزي ، وده في مصر ، أما في أي مكان تاني فنجيب زيتون أخضر كبير ، حوالي كيلو ، ومعاه عصير كيلو ليمون ، أيوه كيلو بحاله ليمون ناخد عصيره ، وبعدين نجيب شوية شطة خضراء لونها أحمر حراقة وندقها كويس ، ونجيب شوية ملح .

ندق على الزيتون بحيث يتفتح أو نشرطه بسكين واحدة واحدة ، وننقعه في مياه لمدة يوم ونرمي ميته بعد كده علشان نسحب مرارته ، وبعدين نغسله تاني ونضيف له عصير الليمون ، ونضيف الشطة المدقوقة والملح (مش كتير) ، ونضيف شوية زيت زيتون علشان يحفظه .

وممكن على فكرة نحط معاه شطة خضراء سليمة للتخليل أو جزر مقطع .
Go to the top of the page
 
+Quote Post
Guest_itsme_*
المشاركة Jan 16 2003, 02:04 PM
مشاركة #39





Guests






الله و اكبر تسلم افكارك يا شيف منى :D أثبتى فعلا ان إحنا عارفين كل حاجة بس مدكنيين wink.gif wink.gif wink.gif wink.gif المطبخ ده لعبتنا و الاهم من الوصفات و الذى منه النفسسسسسسسس .نفس الجنس الناعم الى بيخللى الاكل عسل و سكر و الصوابع تتاكل اكل معاه ... :twisted: :twisted: :twisted:
Go to the top of the page
 
+Quote Post
نسمه
المشاركة Jan 17 2003, 04:17 AM
مشاركة #40


عضو جديد
*

المجموعة: Members
المشاركات: 8
التسجيل: 6-January 03
رقم العضوية: 327



اسمحو لى أتضامن مع الجنس الناعم وأشارك معاكم بالوصفه دى بمناسبه قرب حلول العيد وكل سنه وأنتم طيبين


الفخذ المحمر
طبق فخد غنم محمر


المقادير :
فخذه ضأنى صحيحه بعظمها
أو فخذه ضأنى مقطعه قطعًا كبيرة.
زعفران .
ملعقة صغيرة من كل من : ملح، فلفل أسود مطحون، بهار ، هيل.
4 بصلات مفرومة فرمًا ناعمًا.
4 حبات طماطم مفرومة ناعمًا.
سمن للتحمير.




الطريقة :
- يغسل اللحم بالماء وينشف جيدًا.
- يتبل اللحم بالعصفر ويفرك به من جميع الجهات ثم يتبل بالملح والفلفل الأسود والبهار والهيل.
- يحمر اللحم بالسمن الحامى على جميع الجهات، ثم يرفع من السمن.
- تترك كمية قليلة من السمن فى القدر ويحمر بها البصل إلى أن يذبل. تضاف الطماطم وتقلب مع البصل وتترك على نار متوسطة إلى أن تذوب.
- يعاد اللحم إلى القدر ويضاف إليه كوبان من الماء ويترك على نار متوسطة إلى أن ينضج. يراعى إضافة قليل من الماء كلما نقص المرق.
- يصفى المرق ويترك منه القليل فى القدر لتسخين اللحم عند التقديم.

وبالهنا والشفا
Go to the top of the page
 
+Quote Post

33 الصفحات V  « < 2 3 4 5 6 > » 
Reply to this topicStart new topic
1 عدد القراء الحاليين لهذا الموضوع (1 الزوار 0 المتخفين)
0 الأعضاء:

 



RSS نسخة خفيفة الوقت الآن: 26th July 2014 - 11:09 AM