مفاجآت ما بعد الزواج!!!!!!! خيارات

[oldman]

:oops: :oops: :oops:
أخجلتم تواضعنا , و أنا أيضا آسف لأنى أسأت الفهم
والآن دعينى أكمل لك بقية كلامى بهذه الايات من سورة الأحزاب وقد أجمل الله تعالى صفات المرأة الصالحة في أعلى صورها في هذه الآيات التي وجه إليها نساء نبيه صلى الله عليه وسلم، وهن قدوة نساء المؤمنين، قال تعالى:
{يَا أَيُّهَا النَّبِيُّ قُل لِّأَزْوَاجِكَ إِن كُنتُنَّ تُرِدْنَ الْحَيَاةَ الدُّنْيَا وَزِينَتَهَا فَتَعَالَيْنَ أُمَتِّعْكُنَّ وَأُسَرِّحْكُنَّ سَرَاحًا جَمِيلًا * وَإِن كُنتُنَّ تُرِدْنَ اللَّهَ وَرَسُولَهُ وَالدَّارَ الْآخِرَةَ فَإِنَّ اللَّهَ أَعَدَّ لِلْمُحْسِنَاتِ مِنكُنَّ أَجْرًا عَظِيمًا * يَا نِسَاء النَّبِيِّ مَن يَأْتِ مِنكُنَّ بِفَاحِشَةٍ مُّبَيِّنَةٍ يُضَاعَفْ لَهَا الْعَذَابُ ضِعْفَيْنِ وَكَانَ ذَلِكَ عَلَى اللَّهِ يَسِيرًا * وَمَن يَقْنُتْ مِنكُنَّ لِلَّهِ وَرَسُولِهِ وَتَعْمَلْ صَالِحًا نُّؤْتِهَا أَجْرَهَا مَرَّتَيْنِ وَأَعْتَدْنَا لَهَا رِزْقًا كَرِيمًا * يَا نِسَاء النَّبِيِّ لَسْتُنَّ كَأَحَدٍ مِّنَ النِّسَاء إِنِ اتَّقَيْتُنَّ فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَّعْرُوفًا * وَقَرْنَ فِي بُيُوتِكُنَّ وَلَا تَبَرَّجْنَ تَبَرُّجَ الْجَاهِلِيَّةِ الْأُولَى وَأَقِمْنَ الصَّلَاةَ وَآتِينَ الزَّكَاةَ وَأَطِعْنَ اللَّهَ وَرَسُولَهُ إِنَّمَا يُرِيدُ اللَّهُ لِيُذْهِبَ عَنكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا * وَاذْكُرْنَ مَا يُتْلَى فِي بُيُوتِكُنَّ مِنْ آيَاتِ اللَّهِ وَالْحِكْمَةِ إِنَّ اللَّهَ كَانَ لَطِيفًا خَبِيرًا * إِنَّ الْمُسْلِمِينَ وَالْمُسْلِمَاتِ وَالْمُؤْمِنِينَ وَالْمُؤْمِنَاتِ وَالْقَانِتِينَ وَالْقَانِتَاتِ وَالصَّادِقِينَ وَالصَّادِقَاتِ وَالصَّابِرِينَ وَالصَّابِرَاتِ وَالْخَاشِعِينَ وَالْخَاشِعَاتِ وَالْمُتَصَدِّقِينَ وَالْمُتَصَدِّقَاتِ وَالصَّائِمِينَ وَالصَّائِمَاتِ وَالْحَافِظِينَ فُرُوجَهُمْ وَالْحَافِظَاتِ وَالذَّاكِرِينَ اللَّهَ كَثِيرًا وَالذَّاكِرَاتِ أَعَدَّ اللَّهُ لَهُم مَّغْفِرَةً وَأَجْرًا عَظِيمًا} [سورة الأحزاب: 28-35].
صدق الله العظيم

[dolphinsmile]

انا معاك يا اولد مان واؤيدك في هذا وطبعا كلام الله لا يوجد اكثر منة صدقا وموعظةُ

بس انا عايزة استفسر منك انتا بالذات عن شىء يا مستر اولدمان :?: :?: :?:

يا تري اية هيا نصايحك بالنسبة للفتاه اللي بتختار زوج (شريك حياتها) في مراحل الاختيار الاولي ثم في مرحلة الخطوبة
ونفس الكلام بالنسبة للشاب في اختيارة للزوجة في نفس المراحل فماذا يجب ان ندقق علية حتي لا نقع في مشاكل كبيرة

وانا عارفة ان اي تدقيق مش حيكون شىء يبعدنا عن اننا نلاقي اختلافات لكن علي الاقل تكون اقل القليل :?: :!:

[قمر الليالي]

[quote]
معاك يا اولد مان واؤيدك في هذا وطبعا كلام الله لا يوجد اكثر منة صدقا وموعظةُ
[/quote]

انا لسه معاكي على الخط.. :mrgreen: :mrgreen:

بص يا دولفين .....انا اعتقد الخطا الي نقع فيه اثناء الخطوبه هو تصور شكل الخطيب بصورة مثاليه
وكانه مش بشر....وبنمشى على كده اول ما يحصل حاجه يمكن عاديه بس تصورنا بيضخمها فبنخاف ونتراجع عن الخطبه ......ولو استمرينا ووصلنا لمرحلة الزواج وبان ان الانسان عادي جدا..يعني ممكن يطلع صوت وهو بيشرب او اي حاجه بيشخر مثلا :roll: بننصدم وبنعتبره انهيار احلامنا الورديه......وبكده تنتهي مؤسسة الزواج.....بسبب تصورات خياليه.......

او العكس ....بنعرف العيوب وبنعطيها حجمها الصح بس بنقنع نفسنا انه هنقدر نغير منها بعد الزواج وده خطا اخر..........كان جدي رحمة الله عليه بيقول ......لو عايزه تعرفي اذا الراجل كويس...شوفي مع اهله ازاي ومع اصحابه ازاي .....لو كان مع اهله كويس ومع اصحابه كويس يعني هو تمام ومفيش تناقض فيه

لانه في ناس مع اصحابه يا سلام سلم ومع اهله الله لايوريكم :evil: :evil:

[tytuuuuu]

[quote]
ولو استمرينا ووصلنا لمرحلة الزواج وبان ان الانسان عادي جدا..يعني ممكن يطلع صوت وهو بيشرب او اي حاجه بيشخر مثلا بننصدم وبنعتبره انهيار احلامنا الورديه
[/quote]

حلوه دي يا قمر

اولا الخطيب والخطيبه اكيد بيتجملم لنيل رضا الطرف الاخر :: لكن في حاجتين
الاولي : ان التجمل له حدود اذا تخطاها اصبح ليس تجملا ولكن نصب واحتيال ففي واحده تلاقيها مثلا اول ما تتخطب
يجي خطيبها يخبط تفتح الباب وهيه بتبربش عنيها ومبتسمه وهيه خايفه سنانها تبان (ال يعني عشان المنظر العام ) واول ما يدخل خطيبها اتفضل ييجي يقعد لا لا هنا ( ال يعني الاهتمام زايد _ وكان ماله الكرسي الاولاني) يجي يقولها كلمه حلوه تقوله ( ميرسي يا ميدو )
يادوب تجوز بقه من هنا وتلاقي الوش المكرمش ظهر يجي من شغله تعبان وارفان ويادوب بيخبط وهيه في المطبخ مش معاك مفتااااااااااح افتح مش فضيالك
يادوب دخل تلاقي صوتها ااااااااد كده ومش سنانها بقه الي باينه لا ده المريء نفسه طالع كله بره وهيه بتقوله ما جبتش ليه معاك الجمييز لي انا بحبه انا مش قايلالك وانته جاي هاتلي
يعني واخدين بالكم
مالوش لزمه التصنع والتكلف الزياده عن الحد لي بيساعد في ان الصوره لي الواحد او الواحده يبنيها في خياله عن العصفور الي هيعيش معاه في عش الزوجيه تكون اقرب منها لخيال عنها للواقع

ثانيا يا جماعه مافيش حد فينا ملاك كلنا بشر وكلنا لنا اخطائنا فملوش لزمه انه الواحد يفضل حاسس انه الي معاه ملااااااااااااك ما بتغلطش اوما بيغلطش
ولازم يفهم انه كون الطرف التاني متحمله وما بيتعصبش عليه انه ليس هذا مطمع في صبره وهدوءه والا سيثور البركان :: والاقوال في هذا الموضوع كثيره منها اتقي شر الحليم اذا غضب

فيجب ان يكون الطرفان اقرب للواقع منه للخيال سواء في الصوره لي بيحاول يظهر بيها للطرف الاخر او في الصوره لي بيحاول يرسمها في خياله للطرف الاخر

[قمر الليالي]

[quote]
يجي خطيبها يخبط تفتح الباب وهيه بتبربش عنيها ومبتسمه وهيه خايفه سنانها تبان (ال يعني عشان المنظر العام ) واول ما يدخل خطيبها اتفضل ييجي يقعد لا لا هنا ( ال يعني الاهتمام زايد _ وكان ماله الكرسي الاولاني) يجي يقولها كلمه حلوه تقوله ( ميرسي يا ميدو )
[/quote]

لازم ترمش بعينها لسه مكسوف منه :oops:

هههههههههه :mrgreen: :mrgreen:

[quote]
فيجب ان يكون الطرفان اقرب للواقع منه للخيال سواء في الصوره لي بيحاول يظهر بيها للطرف الاخر او في الصوره لي بيحاول يرسمها في خياله للطرف الاخر
[/quote]

[A5]
[A5] [A5] ....اؤيدك وبشدة......

هو فين بقى الضحيه عشان اطبق فيه نظرياتي في الزواج [img]http://www.sadauae.com/vb/images/smilies/2aa.gif[/img]

[tytuuuuu]

[quote]
هو فين بقى الضحيه عشان اطبق فيه نظرياتي في الزواج
[/quote]

ههههههههههه
ما تستعجليش
خدي الكورس كامل الاول

[سكر أخضر]

[quote]
بص يا دولفين .....انا اعتقد الخطا الي نقع فيه اثناء الخطوبه هو تصور شكل الخطيب بصورة مثاليه
وكانه مش بشر....وبنمشى على كده اول ما يحصل حاجه يمكن عاديه بس تصورنا بيضخمها فبنخاف ونتراجع عن الخطبه ......ولو استمرينا ووصلنا لمرحلة الزواج وبان ان الانسان عادي جدا..يعني ممكن يطلع صوت وهو بيشرب او اي حاجه بيشخر مثلا بننصدم وبنعتبره انهيار احلامنا الورديه......وبكده تنتهي مؤسسة الزواج.....بسبب تصورات خياليه.......
[/quote]
أؤيدك 100% يا قمر
المشكلة تتلخص في كلمتين
اننا بنتوقع صفات الملايكة من البشر
و الصدمة بتيجي بعد الجواز ان الملاك بقى انسان
و بيتصرف زي باقي الناس
يقوم الطرف التاني يرجع لتصرفاته البشرية و يمكن يزودها شوية
و يخليها تصرفات شيطانية
و كتير ملايكة اتحولوا شياطبن بسبب فاصل التمثيل الملائكي
اللي بيسموه رسمياً الخطوبة

يمكن احنا اتربينا غلط يمكن فكرة الخطوبة اصلاً غلط
تعالوا نسأل نفسنا احنا البنات خاصة
لو أي واحدة اتصرفت بطبيعية مع خطيبها
هيكون ايه رد الفعل 8O 8O
طبعا هتبقى في نظر العيلة مجنونة
و عايزة تطير العريس من ايدها
طيب لو الخطيب اتصرف بطبيعية مع خطيبته؟
البنت هتقول انه مش رومانسي و مش رقيق و ماخدوش يا بابا :mrgreen:
و امه تقوله اتلحلح كده و قول لخطيبتك كلمتين حلوين
مالك كده طالع قفل زي ابوك :twisted:
احنا عايزين ايه في علاقة الخطوبة
بأمانة احنا مش عارفين عايزين ايه و عشان كده بنتصرف غلط
و الى اللقاء في الموضوع القادم

[img]http://www.arabic.arabia.msn.com/pidl/1509177/monsters_inc2004.gif[/img]

[Hala3ami]

[quote]
الى اللقاء في الموضوع القادم احنا عايزين ايه
[/quote]

انا عن نفسي عايز اتجوز واقعد في العربية قصدي في البيت :mrgreen:

[mona moon]

[quote]
تعالوا نسأل نفسنا احنا البنات خاصة
لو أي واحدة اتصرفت بطبيعية مع خطيبها
هيكون ايه رد الفعل
طبعا هتبقى في نظر العيلة مجنونة
و عايزة تطير العريس من ايدها
[/quote]

الموقف دة حصل معايا

في بداية تعارف أسرتي على أسرة خطيبي ( والمفروض إني أظهر قدام حماتي بمظهر البنوتة المكسوفة الخجولة اللي صوتها ما بيطلعش :evil: ) أنا عملت العكس تماما :twisted: :twisted: :twisted:
( بس كان الموقف قدام حماتي بس مش قدام العريس :mrgreen: :mrgreen: )

وطبعا ماما عفاريت الدنيا اتنططت قدامها :roll: :roll: ومع ذلك ما حصلش حاجة بالنسبة لحماتي 8) 8)

وحصلت مواقف برضة بيني وبين خطيبي كانت أحيانا ( لو سكتنا عليها وعديناها ) كانت ممكن تتفهم غلط على انها قلة ذوق مني أو جليطة منه :roll: :roll:

لكن كان الاساس اللي اتفقنا عليه من البداية هوه الصراحة في التعامل والوضوح ومش مهم الناس ونظرتهم لينا :roll: ومع ان كلام الناس كتير وأوقات كتير أنا بتعب وأحيانا بتوصل لدرجة البكاء بسبب كلام جارح لكن الحمد لله انه الموضوع بيعدي على خير ( بينا علىالأقل ) لأننا متفقين على كدة من الأول وما بنسمحش لحد يتدخل في أي موضوع خاص بينا لوحدينا .......

وبيتهيألي دة أهم حاجة : الثقة في النفس والوضوح والصراحة والبعد عن التكلف وتجاهل تدخل الناس [A5] [A5] [A5]

[سكر أخضر]

رغم إعتقادي إني كتبت الرد و فجأة مات مش عارفة ليه لكن هكتب تاني
[quote]
وطبعا ماما عفاريت الدنيا اتنططت قدامها :roll: :roll: ومع ذلك ما حصلش حاجة بالنسبة لحماتي 8) 8)
[/quote]

الحمدلله يا مون انه ماحصلش حاجة
لأنه الطبيعي ان الحماة كانت تعدي الموضوع ببساطة قدام البنت
بس تعالي بقى شوفيها في البيت مع إبنها
لا يابني لأ البنت دي جريئة خالص
لو من دلوقتي بتتصرف بالطريقة دي امال بعد كده هتعمل ايه
و ممكن تصرف تلقائي يفركش الجوازة كده ببساطة

[quote]وبيتهيألي دة أهم حاجة : الثقة في النفس والوضوح والصراحة والبعد عن التكلف وتجاهل تدخل الناس[/quote]

أكييد بس تفتكري ممكن