IPB

مرحبا بالضيف ( دخول | التسجيل )





2 الصفحات V   1 2 >  
Reply to this topicStart new topic
> حالة من الزهق ...الخنقة...الضيق...الزهد....الامبالاه.!, بدوادر اكتئاب .!!!
Badroora
المشاركة Jul 31 2008, 05:18 PM
مشاركة #1


ناقدة قصصية وإنزياح بنيوي .
***

المجموعة: Members
المشاركات: 750
التسجيل: 12-June 08
البلد: Two Seas
رقم العضوية: 3,713



بدون مقدمات لاقيت نفسي مخنوقة وزهقانة وزهده كل حاجة ولامبالاة بشكل غير طبيعي ,تقريبا مرحلة تبلد مشاعرى مهنى مستقبلي مش عارفه اسميه ايه.
تكون بتحلم حلم ويكون صعب المنال وفجأة تشوف الحلم قدام عنيك بودار خير ونور جاى من بعيد وسكك بتتفتح قدامك عشان تحقق حلمك بقي اللى كنت بتتمناه ونفسك تحقق وفجأة تلاقى نفسك واقف قدام كل دا ومش عارف تبدأ منين ولا تعمل ايه ومشاعر مخطلته تفرح ولا تزعل تجتهد ولا تكسل تنتح زى كدا ولا تعمل ايه فى نفسك ,زمان او مش زمان اوى يعنى كان عندى اصرار شديد على تحقيق اى حلم احلمه .
يعنى اقعد اتخيل نفسي لما مشيت فى اجراءات المعادلة الامريكية وكنت متحمسة جدا وقطعت مشوار مش بطال ونجحت فى الاختبارات والانترفيو وفجأة لاقيت نفسك بتتخير عن السفر لامريكا العظمى مقبال التنازل عن الحجاب حتى ولو كان مجرد غطاء للرأس .وطبعا بلاتفكير كان الرفض هو اسرع اجابة طويت بها حلم استهلك من وقتى وجهدى 2 سنه أحبطت لمدة 3 ايام وحسيت انى ضايعة مش عارفه اعمل ايه وابدأ منين انا طبيعتى لا استطيع العيش بدون احلام او هدف اسعى لتحقيقه ولذلك قبل انتهاء الاسبوع كنت فكرت فى الخطة البديلة وبدأت فى التنفيذ فيها وكنت متحمسة جدا وقوية جدا واصرارى كان اكثر من المحاولة الامريكية هنا حسيت انى انسانة قوية مش فاشلة قادرة على تحقيق احلامى وانى عضمى ناشف غير قابل للكسر امام اى مشكلة واى خطبة تقوينى مش تكسرنى .
قدمت على الهجرة لكندا ورغم صعوبة جمع البيانات ومليء الملف وانى لوحدى وكل حاجة باعملها لوحدى ومع ذلك لا مليت ولا زهقت ولا حتى اتمنين انى اكون مسئولة من زوج يشيل عنى بالعكس كنت فخورة بنفسي جدا وانا بأعافر لوحدى وبانجح .خلصت الهجرة قولت الشهادة ضرورى لازم اعادلها عشان مروحش كندا لوحدى اتبهدل واشتغل اى شغلانه لازم اروح مرتاحة وعلى ارض صلبة انا مش وش بهدلة والحمدلله بحثت عن الجامعات فى كندا وراسلت منها اللى اخترتهم وردوا على واخترت منهم جامعة البرتا وسجلت فيها وطبعا الورق اخد منى سنه بسبب غلطة اسم مرة تصلحها اخدت شهور وتانية وزارة الصحة بمصر اللهى يسترهم بيكتبوا كلام بدون استعناء واهتمام ودى عملتها بتاع 4 مرات كل اجازة لى مواريش غير وزارة الصحة والكلية بسبب غباء الموظيفين لا بيفهموا انجليزي ولااى حاجة ومفهمش حطنهم فى اوضاع حساسة زى دى ليه .
المهم رغم المحاولات فى تخليص الورق وفشلها كذا مرة وحدوث مشاكل فى النص الا انى لم أيأس وكملت وكنت دايما باحمس نفسي واقوى عزيمة نفسي عشان محبطتش .
وعشان ربنا كريم وعدنى بشيء غير متوقع ولا عمرى فكرت فيه وكمان نادر الحدوث وحسيت ان ربنا فعلا بيساعدنى لاقيت اعلان عن شركة كندية هتيجي البحرين تعمل انترفيو لممرضات يشتغلوا فى كندا خدت الاعلان وراسلتهم وتحدد ميعاد الانترفيو وحضرت ونجحت فيها والحمدلله وطبعا شغلانه ورق رايح ورق جاي ولازم اسجل فى جامعة غير اللى سجلت فيها وهما اللى هيدفعولى مصاريفها وكل شيء وهيساعدونى فى المعادلة وفى كل المطلوب وهيتابعوا ورق الهجرة بتاعى وكمان ورقى فى الجامعتين اللى سجلت فيهم.
لحد هنا كنت زى مانا والحلم بيتحقق واحدة واحدة بس كان فى دماغى ع المدى البعيد وكنت متوهمة انى مستعدة لاى لحظة .
وفجأة من يومين وصلنى اميل من الجامعة بقبولى وانى Eligible to write the Registered Nurse Canadian exam وبعتولى الاوراق المطلوبة اخلصها وكمان مواعيد الامتحان اللى اخرها السنة دى فى اكتوبر وطبعا لازم قبل كل دول ال IELTS واحضر نفسي لانترفيو فى التليفون خلال الشهر القادم وطبعا بناءا على المواعيد المناسبة لى واللى المفروض ارسلها لهم وكمية حاجات اذاكرها و.............الخ
اول ماقرأت الاميل كنت سعيدة جدا وفرحت وشكرت ربنا وبدأت بقي افكر هاعمل ايه نمت صحيت الصبح وكأنى انسانة تانية لامبالاه , متنحه مش عاوزة اعمل حاجة مع ان الوقت بيعدي ووقت الاستعداد انتهى وجاء وقت العمل والكد من اجل تحقيق الحلم.
ولكنى حاسة انى 2 شخصية فى بعض واحدة بتحلم ونفسها تحقق الحلم والتانية متنحه ومافيش حماس وتايها ومش عارفه اعمل ايه وحصلي بلوك من كل شيء وزهدت وبقيت يسلام وبعد كدا ايه اللى هيحصل, وايه الجديد. وسلسة افكار كلها محبطة وحاسة انى كنت وهم كبير وانى عاجزة حاليا عن تحقيق حلمى وانى عندى فرصة قليلة لما تصادف حد وخصوصا المهاجرين ولكنى امامها متنحه وباردة ولامبالاه ودا مزعلنى اوى من نفسي بس حسه انى مش بقيت زى الاول اقدر اقوى نفسي تانى واحمس نفسي .
تعمل ايه لو كنت مكانى
المحبطة جدا والمحنوقة للغاية والتايهة
بدرية مكاوى smilpleure1.gif


تم تحرير المشاركة بواسطة Badria Mekkawy: Jul 31 2008, 06:10 PM


--------------------

.
Go to the top of the page
 
+Quote Post
أحمد باشــا
المشاركة Jul 31 2008, 05:50 PM
مشاركة #2


عضو مميز
****

المجموعة: Admin
المشاركات: 4,036
التسجيل: 11-March 06
البلد: مصـــر
رقم العضوية: 2,520



إقتباس(Badria Mekkawy @ 31 Jul 2008, 06:18 PM) *

تعمل ايه لو كنت مكانى
smilpleure1.gif


حاجتين

الأولى : أجازة تخلعي نفسك من كل قيود روتين الحياة اليومية لمكان تاني هادئ منعزل عن أي شئ يفكرك بالروتين الحالي

الثانية : و ربما تكون متزامنة مع الأولى قراءة القرآن بتأني و تمعن بدون اللجوء لتفاسير و أقامة الليل


--------------------
Go to the top of the page
 
+Quote Post
finetouch
المشاركة Jul 31 2008, 06:20 PM
مشاركة #3


عضو مميز
****

المجموعة: Members
المشاركات: 1,465
التسجيل: 26-November 06
رقم العضوية: 2,650



شوفى بقى يا بدريه هانم
كل خطوة صغيرة او كبيرة او اى قرار او حتى رايحه تشترى منطلون تعملى ايه..تصلى ركعتين استخارة. لو حتى نسيتى وانت رايحه تجيبى المنطلون ابقى قولى دعاء الاستخارة
ودايما ادعى واسالى ربنا..اللهم دبر لنا فانا لا نحسن التدبير.,. و كل ما تدعى كل ما تلاقى نفسك منشرحه وحاسه انك بتعملى الصح
وربنا يوفقك الى ما يحب ويرضى


--------------------
والذين جاؤوا من بعدهم يقولون ربنا اغفر لنا ولاخواننا الذين سبقونا بالايمان ولا تجعل في قلوبنا غلا للذين امنوا ربنا انك رؤوف رحيم
Go to the top of the page
 
+Quote Post
Nonna
المشاركة Jul 31 2008, 09:13 PM
مشاركة #4


عضو
**

المجموعة: Members
المشاركات: 11
التسجيل: 24-July 08
رقم العضوية: 3,834



اولا فرج الله همك يا بدورة
ثانيا احمدي ربنا ان في جديد بيحصل في حياتك بتكسري الرتابة و الروتين
و التكرار
ثالثا فعلا الذكر يا بدورة
استغفري الله كثير
وقولى اللهم لا اله الا انت سبحانك انى كنت من الظالمين

رابعا قراءة القران بجد و قيام الليل زي ما قال استاذ اللهو الخفي
بالذات في رايي سورة البقرة
وواظبي عليها بعد صلاة الفجر
و ادعي ربنا يرزقك بركتها ان شاء الله

خامسا اشغلي الوقت الفاضي بأي حاجة بتحبيها
و طبعا مش انا اللى هقولك الكلام ده يعني
بالذات الرياضة
و بالذات بقى رياضة البنات
يا عيني blush.gif
وإلهي وهمية
جربي انتى بس

مستنية تقوليلي النتيجة

تم تحرير المشاركة بواسطة Nonna: Jul 31 2008, 09:13 PM
Go to the top of the page
 
+Quote Post
Badroora
المشاركة Aug 1 2008, 06:56 AM
مشاركة #5


ناقدة قصصية وإنزياح بنيوي .
***

المجموعة: Members
المشاركات: 750
التسجيل: 12-June 08
البلد: Two Seas
رقم العضوية: 3,713



الأخوة الاعزاء اللهو الخفى ..فاين تاتش والغالية نونا ..

ميرسي جدا على نصايحكم الغالية وربنا ما يحرمنى منكم ابدا يا رب .

ان شاء الله احاول اعمل بها وربنا المستعان .

شكرا لكم

بدرورة

vjiysx.gif


--------------------

.
Go to the top of the page
 
+Quote Post
El-Masri
المشاركة Aug 1 2008, 08:12 AM
مشاركة #6


عضو مميز
****

المجموعة: مناظرات
المشاركات: 3,062
التسجيل: 17-December 04
رقم العضوية: 1,253



خير الأمور الوسط، إنتى بتتحمقى أوى على هدف معين وطول الليل والنهار بتفكرى فيه وتكلمى الناس عنه وتحلمى بيه على إنه كل حاجه فى حياتك، فلما بتفكرى بإمكانية إنه ممكن ميتحققش بتحصل حالة اللامبالاه دى.
فإنتى ذاكرى للإمتحان من غير ما تسبقى الأحداث، هوه مجرد إمتحان، جت جت مجتش يبقى حييجى أحسن منها. خلى دى شخصيتك عموما حتلاقى إنك شخصية سعيده ومرحة فى كل حال، إنما لو إستمر الحال على كده، حتشترى عربية وحتروحى الخليج وحتيجى كندا وبعد كدا يطلعلك حلم تانى وبعدين تالت وحتقضى عمرك كله كده. وعلامات التكشير حتبقى جزء من السحنه. فخللى بالك.


--------------------
user posted image
Go to the top of the page
 
+Quote Post
مصري جدا
المشاركة Aug 1 2008, 09:30 AM
مشاركة #7


عضو
**

المجموعة: Members
المشاركات: 24
التسجيل: 22-July 08
رقم العضوية: 3,827



العزيزه بدريه
أعتقد أن حاله التناحه والزهق وعدم المبالاه اللي بتشتكي منها دي ممكن ترجع أن عقلك الباطن رافض مبدأ أو موضوع الهجره....... وأنك بتسعي للهجره من باب تحقيق السعي للأفضل يعني علشان قدام نفسك يبقي عملتي أحسن شئ ولكن عقلك الباطن أو من داخلك رافضه ده .......أقعدي مع نفسك وحاولي تناقشي الموضوع بصراحه أكتر وقبل كده أستخيري ربنا .......وبعدين كملي طريقك اللي مفروض تمشيه ....ذاكري وأدخلي الأمتحان .......وربنا يوفقك ويعملك اللي فيه الخير لك
دعواتي الصادقه لك بالتوفيق والخروج من هذه الحاله سريعا


--------------------



قوم يامصري وأكسر تابوتك........وكفايه نوم
قوم وأصرخ بعلو صوتك.............ومتخافش يوم
طالب بأرضك وماتسيبش حقك للنهابين ...دول مهما أخدوا مش شبعانين
ومش حيسيبولك حتي الهدوم
وعجبي
أحمد جلبي
Go to the top of the page
 
+Quote Post
امانى
المشاركة Aug 1 2008, 12:28 PM
مشاركة #8


عضو نشيط
***

المجموعة: Members
المشاركات: 116
التسجيل: 15-June 08
رقم العضوية: 3,723




اوعى يا بدارة الملل والزهق يتملك منك حاولى تغيير اسلوب حياتك اليومى
كسر روتينه واستخيرى الله فيما انت مقدمه عليه واعملى ما عليك زاكرى
وامتحنى واتركى امرك لله فهو المستعان اذا نجحت وابتدت رحلة حياتك الجديدة
فعلى بركة الله وان لم يكن كى نصيب فاعلمى ان الله ييحمل لكى ماهو احسن منه
ربنا يقدر لكى الخير اينما كان وفى اى وقت. ربنا يوفقك لما هو صالح لكى امين يارب
العالمين . دعواتى القلبية لكى بالخروج من هذه الحالة والرجوع لطبيعتك والتوفيق من عند ربنا سبحانه وتعالى

Go to the top of the page
 
+Quote Post
Badroora
المشاركة Aug 1 2008, 03:41 PM
مشاركة #9


ناقدة قصصية وإنزياح بنيوي .
***

المجموعة: Members
المشاركات: 750
التسجيل: 12-June 08
البلد: Two Seas
رقم العضوية: 3,713



الاعزاء المصري , مصري جدا امانى ...شكرا على كلامكم ونصايحكم بجد والله ريحتونى كتير وانا دلوقتى مبسوطة جدا جدا لسه حالا جالى اتصال من كندا من الشركة اللى مسجلة معاهم واتكلمت معاهم وطمنونى وقالولى براحتك مش لازم تدخلى الامتحان فى اكتوبر ذاكرى لل IELTS وبعدين اقدمى على الخطوة اللى بعدها مش لازم كله مع بعضه زى ماكانوا كاتبين فى الاميل وبصراحة انا دلوقتى سعيدة الدنيا كانت متكركبه على دماغى ومش عرفه ابدأ منين لكن الحمدلله كدا الدنيا بقت منظمة نوعا ما ,هبدأ بال IELTS واول ماخلص منه على خير ادخل فى المعادلة وان شاء الله ادخل الامتحان فى اول ميعاد فى السنة الجديدة على يناير كدا هيكون فى وقت كافي انى اذاكر كويس واكون مستعدة .
بجد متشكرة جدا جدا لكم كلكم كل الى خفف عنى واللى دعالى ونونا القومر دعائك استجاب يا عسل.
شكرا لكم جميعا وادعولى بقي اخلص من ال IELTS ويا رب ما نجيلكم فى ضيقة ابدا ويسعد ايامكم كلها
بدرورة smile030.gif


--------------------

.
Go to the top of the page
 
+Quote Post
finetouch
المشاركة Aug 1 2008, 05:29 PM
مشاركة #10


عضو مميز
****

المجموعة: Members
المشاركات: 1,465
التسجيل: 26-November 06
رقم العضوية: 2,650



اللهم اشرح لى صدرى ويسر لى امرى

شدى حيلك وعقبال ما تاخدى العداديه ( زرار طلخان )


--------------------
والذين جاؤوا من بعدهم يقولون ربنا اغفر لنا ولاخواننا الذين سبقونا بالايمان ولا تجعل في قلوبنا غلا للذين امنوا ربنا انك رؤوف رحيم
Go to the top of the page
 
+Quote Post

2 الصفحات V   1 2 >
Reply to this topicStart new topic
2 عدد القراء الحاليين لهذا الموضوع (2 الزوار 0 المتخفين)
0 الأعضاء:

 



RSS نسخة خفيفة الوقت الآن: 21st November 2014 - 07:49 PM