IPB

مرحبا بالضيف ( دخول | التسجيل )





3 الصفحات V  < 1 2 3  
Reply to this topicStart new topic
> فيلم " الريس عمر حرب " نقطة سوداء فى تاريخ المخرج خالد يوسف .!
Badroora
المشاركة Jul 30 2008, 02:12 PM
مشاركة #21


ناقدة قصصية وإنزياح بنيوي .
***

المجموعة: Members
المشاركات: 750
التسجيل: 12-June 08
البلد: Two Seas
رقم العضوية: 3,713



عودة مرة اخرى مع أبطال الفيلم وادوارهم ..

هانى سلامة وكان اسمه فى الفيلم " خالد "
مبدئيا شكل هانى سلامة بدون شنب ودوجلاس "عِرة" خالص بصراحة وطول الوقت كنت حسه انه بيمثل مش طبيعي .
دوره كان Dealer فى الكازينو وطبعا كان شريف ومكافح ومثالى كما صوره لنا "خالد يوسف "
فى ممثل عراقي معرفش اسمه كان من ضمن الزبائن المترددين على الكازينو وكان بيخسر كتير حب يعمل اتفاقيه مع هانى سلامه على انه يخليه يكسب وطبعا هانى سلامة شريف وبيحافظ على شرف المهنة والقسم اللى حلفه يوم التعيين فرفض بشدة التعامل معه , وفى الكازينو العراقي دا كان رايح يعلب على التربيزة اللى واقف عليها هانى سلامة فقاله no more pls. راح الممثل العراق ضربه بالقلم وباصق فى وشه وقلع لمؤاخزة الشوز بتاعه وكان هيضرب به هانى سلامه لولاش الناس حاشوهم. طبعا بقي هنا المشهد اللى يوجع القلب ومقهر فعلا هو محاولة هانى سلامة الدفاع عن نفسه ولكن الريس وقف قدامه وقاله امسح دموعك وكمل شغل الزبون على حق يسلام بقي ع المأساه والاحساس بالقهر والظلم والتحمل من اجل لقمة العيش ,كمل هانى سلامة الدور وهو بقي يا حول الله دموعه نازله وبيكمل شغله (العمل عبادة صحيح )
من هنا بقي فكر هانى سلامة انه يكبر ويكافح ويتعب من اجل تحسين مستواه المهنى عمل ايه اشترى تربيزة قمار فى البيت عنده وقعد يتدرب عليها ويحاول ويحاول ومينمش الليل ويعرق وينهج ويتعصب المهم خالد يوسف عيشنا بتاع 5 دقايق مع محاولات هانى سلامة المستميته عشان يبقي محترف وكأننا بالظبط فى مشهد من فيلم الطريق الى ايلات ونبيل الحلفاوى لما كان بيحفر مكان لل لغم والكل منتظر لحظة الانتصار او الانفجار . طبعا مع اختلاف المشهدين ولكن خالد يوسف حسسنا اننا المفروض نتعاطف مع هانى سلامة ومع محاولاته المشرفه ليصبح بروفيشونال فى مهنته .

وكمان شهامته واخلاقه النبيلة ومحاولاته مساعدة سمية الخشاب فى علاج جوزها المريض بسرطان المخ رغم انه بيحب سمية الخشاب ولكن شهامته واصله وجدعنته جعلته يضحى ويساعد.مش فاهمة يعنى عاوز يقنعنا بانه حتى لما خان وكان بيتفق مع ناس يكسبهم مقابل نسبه انه كان بطل وبيضحى.
بصراحة هانى سلامة مضفش لرصيده حاجة فى الفيلم دا هو شكله سايب نفسه لخالد يوسف واى قصة يحشرله فيها دور يمثله وخلاص كمجاملة دوره كان سيء ومكنش مقنع والبرائه اللى كانت فيه مكنتش لايقه شخصية الديلار ماهو يا ديلار ديلار يا مش ديلار لكن ديلار وشهم ويحلل الخيانة لاء والف لاء وعلى الرغم انه ذكر ان اصحاب ليه تركوا المهنة عشان حرام .

دا ملخص سريع لشخصية خالد اللى اداه هانى سلامة فى الفيلم .

الى اللقاء مع شخصية ودور جديد

نجفة الضب ناقدة سينيمائية وانزياح بنيوي


تم تحرير المشاركة بواسطة Badria Mekkawy: Jul 30 2008, 02:30 PM


--------------------

.
Go to the top of the page
 
+Quote Post
قائد المدفعيه ال...
المشاركة Jul 31 2008, 07:39 AM
مشاركة #22


عضو
**

المجموعة: Members
المشاركات: 27
التسجيل: 23-July 08
رقم العضوية: 3,830



إقتباس(Badria Mekkawy @ 30 Jul 2008, 09:19 AM) *

العزيز النديم . اكيد طبعا كلا منا يرى الفيلم من منظروه وتحليله الشخصي وبالطبع تقيمنا

بيختلف طبقا لاختلاف البنيوية التفكيكة ومقدار الانزياح النصي الذى من خلاله نستطيع ان نستجلى قصة ومضمون الفيلم.

فى انتظار تحليلك البنيوي بعد رؤيتك الفيلم
القائد ... اختلف معك فى حكمك على يوسف شاهين الله يرحمه وخالد يوسف .

افلامهم معظمها هادف وبس هذا لا يمنع ان لهم هفوات بس منقدرش ننكر انهم بيناقوش قضايا هامة.

كل او معظم افلام الراحل يوسف شاهين يا اما سياسية او بتناقش قضايا اجتماعية .

خالص تحياتى.


يوسف شاهين فى الفتره الاخيره كان بيعمل افلام ليها هدف واحد بس الغتتاته على الناس و محدش فاهم منها حاجه خالص و على سبيل المثال و ليس الحصر فلم الفنانه لطيفه(دمها تقيل اوى) و معاها روبى على ما اتذكر اسمه سكوت هنغنى .... فلم ليس له قصه و لا هدف و لا اى حاجه
بس ده ميمنعش ان فى افلام قديمه قويه جدا زى باب الحديد و حدوته مصريه
Go to the top of the page
 
+Quote Post
ينسون
المشاركة Jul 31 2008, 01:04 PM
مشاركة #23


عضو
**

المجموعة: Members
المشاركات: 31
التسجيل: 27-June 08
رقم العضوية: 3,759



إقتباس(Badria Mekkawy @ 30 Jul 2008, 12:12 PM) *
من هنا بقي فكر هانى سلامة انه يكبر ويكافح ويتعب من اجل تحسين مستواه المهنى عمل ايه اشترى تربيزة قمار فى البيت عنده وقعد يتدرب عليها



طيب كان اشترى له ترابيزة بنج بونج أفيد له و أفيد للشباب الضايع على الأقل تبقى شغلانه شريفه و يشغل وقت فراغ الشباب بدل اللطعه على القهوه و المرازيه فى خلق ربنا 47_1135972443.gif



إقتباس(Badria Mekkawy @ 30 Jul 2008, 12:12 PM) *
وكمان شهامته واخلاقه النبيلة ومحاولاته مساعدة سمية الخشاب فى علاج جوزها المريض بسرطان المخ



هى مش كانت بطلت موضة الست اللّى بتشحت على أهلها بالرقص و العربده من أيّام "شاديه" و "مفاتن حمامه" الله لا يرجعها أيّام !! بقت بلدى اوى حكاية باشحت قصدى بازنى على زوجى المريض و أمّى الضريره و إخواتى كوم اللحم .. دلوقت الست بقت حرّة نفسها يعنى بترتكب الفواحش عشان هى عاوزه كده مش عشان ضغط الظروف عليها !! فين بتوع المجلس القومى للمرأه eh_s(5).gif
Go to the top of the page
 
+Quote Post
أحمد باشــا
المشاركة Jul 31 2008, 01:53 PM
مشاركة #24


عضو مميز
****

المجموعة: Admin
المشاركات: 4,036
التسجيل: 11-March 06
البلد: مصـــر
رقم العضوية: 2,520



إقتباس
دلوقت الست بقت حرّة نفسها يعنى بترتكب الفواحش عشان هى عاوزه كده مش عشان ضغط الظروف عليها !! فين بتوع المجلس القومى للمرأه


و بتخلع نفسها و هناك دعوات للتخلص من العذرية و هيزيدوا من سن الزواج لها حتى يفوتها القطار و تظل في الرذيلة للأبد

ربنا يخيب ظنهم ....


--------------------
Go to the top of the page
 
+Quote Post
Badroora
المشاركة Aug 2 2008, 03:59 PM
مشاركة #25


ناقدة قصصية وإنزياح بنيوي .
***

المجموعة: Members
المشاركات: 750
التسجيل: 12-June 08
البلد: Two Seas
رقم العضوية: 3,713



اعزائي المشاهدين نعتذر عن تأخر قطعة فاروة باقي الممثلين .

سمية الخشاب ... سمية الخشاب من ساعة ما طلقت وهى معرفش ايه اللى جرالها ولبسها كان خليع جدا وادئها فى الفيلم مكنش على مستوى القاعدة (يعنى ايه القاعدة) اظن يعنى لما ممثلة تعمل دور كبير المفروض اللى بعد كدا يكون على نفس مستوى اخر دور لكن تقريبا هى كمان سايبة نفسها لخالد يوسف وبتشتغل معاه نظام اهى سبوبة والسلام بغض النظر عن نوع القصة ودورها هل هيضيف لتاريخها الفنى شيء ام لاء .
كانت طبعا زوجة لزوج مريض بالسرطان وبتشتغل فى الكازينو من اجل الحصول على المال لتوفير نفقة علاج زوجها المريض وطبعا الفاظ مع لبس كانت سيئة للغاية وممثلتش هى الشهادة لله كانت بتستعرض مش بتمثل وبردوا خالد يوسف مطلعها المضحية والمغلوبة على امرها كالعادة والمفروض نتعاطف معاها blush.gif
الدلعادى غادة عبد الرازاق ..الست دى فى بدايتها كانت محترمة اتذكر اخر حاجة محترمة شوفتها لها كانت عائلة الحج متولى بعد كدا بقي افلام لا تذكر
فيلم حين ميسرة كانت شاذة والفيلم دا كانت بروستتيوت يعنى ماشاء الله اختارت لنفسها نطاق كويس تسير فيه ع البركة
والغريب بقي فى لقائها مع عمرو اديب هى وخالد يوسف والكونتيسة سمية الخشاب قالت لعمرو اديب انها كانت فى نص هدومها من الدور وكانت خايفة الجمهور هيستقبل الدور دا ازاى تقريبا اول الطريق بيبقي صعب لكن بعد كدا كله عادى (طريق الالف ميل يبدا بخطوة) الفاظ متدنية وعلاقة محرمة والمفروض انها مثل اعلى لبنتها وبعد كل دا بقي المشهد الماساوى لما بنتها تعرضت لمحاولة اغتصاب ياه مشاعر الامومة كانت تقطع القلب وفعلا اقنعتنا انها شريفة وخايفة على بنتها wub.gif
كفاية كدا النهاردة عشان تعبت بجد
باقي خالد صالح ودا دوره كان يتلخص فى الكام مشهد اللى ذكرتهم فى بداية النقد.وبكدا انتهيت من نقد فيلم الريس عمر حرب
اعتذر عن عدم الذهاب الى السيما فى الويك اند دا نظرا لانى صديقتى عندها شغل ومافيش حد يجي معايا السيما وانا مروحش السيما لوحدى 36_1_34.gif
تتعوض الويك ان القادم ان شاء الله لو بقي لينا عمر
بس يعنى لو تحبوا توصوا بفيلم معين حاضرين.
كانت معكم الناقدة البنيوية التفكيكية الانزياحية نجفة الضب 3dlunettesbf2.gif


تم تحرير المشاركة بواسطة Badria Mekkawy: Aug 2 2008, 04:03 PM


--------------------

.
Go to the top of the page
 
+Quote Post

3 الصفحات V  < 1 2 3
Reply to this topicStart new topic
1 عدد القراء الحاليين لهذا الموضوع (1 الزوار 0 المتخفين)
0 الأعضاء:

 



RSS نسخة خفيفة الوقت الآن: 31st October 2014 - 09:03 AM