IPB

مرحبا بالضيف ( دخول | التسجيل )





 
Reply to this topicStart new topic
> "هى فوضى" العبقري يوسف شاهين .!
Badroora
المشاركة Jul 19 2008, 02:45 PM
مشاركة #1


ناقدة قصصية وإنزياح بنيوي .
***

المجموعة: Members
المشاركات: 750
التسجيل: 12-June 08
البلد: Two Seas
رقم العضوية: 3,713



الفيلم باختصار بيبدأ بتساؤل ( هى فوضى ) وتقريبا السؤال دا موجه للحكومة بتاعتنا المصونة .

مضمون الفيلم كان حول ثلاثة اشياء ( الحب , الحرية , القهر)

نبدأ بالحرية


لان احداثها مختصرة عن باقي الاحداث

العبقرى يوسف شاهين اعطانا فى الفيلم نموذج لفتاة منحرفة لاب ثري جدا وذو منصب ومكانة فى المجتمع.

البنت مدمنة مخدرات ... بتحمل وتجهض بدون جواز .. عادى جدا محدش دارى بحاجة .

الغريب ان خطيبها (وكيل النيابة ) ذهب الى بيتهم بيسأل عليها قابل باباها وقاله اطلعلها فوق فى غرفتها.

اصلها بترسم تاتو .!!! طبعا لا تعليق .

المهم البنت دى دورها انتهى لما حملت واجهضت نفسها دون اذن خطيبها وكيل النيابة اللى كان بيحبها ومصر يتجوزها.

نيجي بقي عند القهر.

القهر ... كان متجسد فى اقسام البوليس وعن تعذيب المساجين فى السجن والقسم.

الافتراء والصاق التهم بالابرياء , عدم الافراج عن المساجين بالرغم من ان النيابة امرت بالافراج عنهم .

ولكن عشان المأمور شايف انهم خطر على امن البلد فلم يفرج عنهم وطبعا بما ان النيابة افرجت عنهم

يبقي يعتبروا مفقودين واهلهم بقي يدوروا عليهم فى حته تانية بعيدا عن القسم.

فساد هيئة الشرطة من اول امين الشرطة لحد رئيس القسم الشهادة الزور من اجل حماية مجرم .

الحلفان كذب استغلال النفوذ اسواء استغلال وطبعا من خلال الفيلم تم عرض نماذج كتيرة عن التعذيب داخل اقسام البوليس .

تقريبا الفيلم كله كان مركز على الشرطة والاقسام وما يتم بداخلها من احداث.


الحب

صحيح ومن الحب ما قتل .!!!

الفيلم دا بجد خلانى اكره الحب نفسه .. الحب اللى يذل صاحبه ويجعله يعمل اللا معقول واللا مقبول فى سبيل المحبوب .

أمين الشرطة (خالد صالح ) كان مفترى جدا وكان بيستغل نفوذه اسواء استغلال من تعذيب داخل القسم .

تلفيق قضايا وتهم ... بيع او استبدال عهده المهم عمل كل شيء مشين سواء من ناحية الامانة او الاخلاق .

ولكنه على النقيض الاخر كان بيحب منة شلبي لدرجة الجنون .

وهى مش بتحبه عمل كل شيء راح زار .. راح الكنسية ... راح للدجالين ... عمل كل كل حاجة

عشان تحبه ومافيش فايدة اخيرا اغتصبها وفى نهاية الفيلم قتل نفسه وهو بيحبها .

تابعونا استراحة قصيرة واجى اكمل بقي اداور االابطال مين عمل ايه ومين معملش ايه

كانت معكم

المحللة للبنيوية التفكيكية


نجفة الضب 3dlunettesbf2.gif



تم تحرير المشاركة بواسطة Badria Mekkawy: Jul 19 2008, 02:52 PM


--------------------

.
Go to the top of the page
 
+Quote Post
Badroora
المشاركة Jul 19 2008, 06:58 PM
مشاركة #2


ناقدة قصصية وإنزياح بنيوي .
***

المجموعة: Members
المشاركات: 750
التسجيل: 12-June 08
البلد: Two Seas
رقم العضوية: 3,713



عودة الى الفيلم مرة اخرى .

القصة والاخراج

القصة كانت مش ماثرة اوى بالدرجة التى كنت اتوقعها من مخرج عالمى كيوسف شاهين وابنه بالتبنى العبقري خالد يوسف ايضا.

تعودنا عند سماع اسم يوسف شاهين كمخرج للفيلم يبقي توقعاتنا بتكون دائما عالية جدا ولكن المرة دى للاسف توقعاتى كانت اكبر مما رأيته.

مقارنة بفيلم "حين ميسرة الوضع مختلف تماما "




الابطال ...

هالة صدقى ... كان دورها مش قوى اوى ولكن ادته بجداره وكانت رائعة حقا .

هالة فاخر ... طبعا دورها فى الفيلم مكنش على درجة دورها فى فيلم حين ميسرة ولكن اللقطة الوحيدة التى اظهرت عبقرية هالة فاخر وبانت فيها بصمة يوسف شاهين وخالد يوسف .

عندما عادت ابنتها منة شلبي بعد ما تم اغتصابها وكانت طبعا شكلها وملابسها بيحكى الموقف دون تفاصيل .

اللقطة دى بقي كانت خطيرة لهالة فاخر حسرة ام على ضياع شرف بنتها فى مشهد صامت

تعبيرات وجهها مع دموع عينها ( عجبنى جدا من فيلم حين ميسرة موضوع الدموع دا )

لحظة خلق الدموع او رؤيتها وهى بتتولد بتخلينى اعيش احساس صادق مع المشهد وحتى دموعى كمان دون مبالغة بتتولد

مع المشهد فى نفس التزامن بالظبط..

المشهد الوحيد لهالة فاخر وادتها بجدارة ( الاحساس من هذا المشهد بالظبط كأن لو بس شالت اديها من على بؤها هتنفجر كالبركان ) ودا بالمناسبة من اصعب اللحظات .

افتكر نفس الاحساس جالى لما كنت اروح عند دكتور الاسنان واصرخ ويقولى متصرخيش وافضل اكتم غيظى جوايا واوصل لمرحلة عدم القدرة على الاحتمال واروح عضاه من ايده ومصرخة وارجع استرخى تانى واقوله كمل 3dlunettesbf2.gif



منة شلبي .. كانت عادية جدا واقل من العادية كنت متوقعه ادائها يكون اعلى من كدا ولكن خاب ظنى .
لانها مستغلتش الفرصة صح ولم تبدع فى هذا الدور .

الشاب يوسف الشريف .. كوجه جديد للاسف متركش بصمة جوايا مقارنة بفيلم حين ميسرة البطل كان وجه جديد

بس كان ممتاز وترك بصمة قوية جدا فى عالم السينيما اما يوسف شريف كانت كل مؤهلاته شكله الوسيم اما دوره

كان كويس بس مكنش صادق طول الوقت كنت حساه بيمثل مش طبيعي .


خالد صالح ... دا بقي أسطورة .. هاتكلم عليه المرة القادمة لانه حكاية كبيرة

استراحة قصيرة

ابقوا معنا 3dlunettesbf2.gif


تم تحرير المشاركة بواسطة Badria Mekkawy: Jul 19 2008, 07:04 PM


--------------------

.
Go to the top of the page
 
+Quote Post
Badroora
المشاركة Jul 20 2008, 04:54 AM
مشاركة #3


ناقدة قصصية وإنزياح بنيوي .
***

المجموعة: Members
المشاركات: 750
التسجيل: 12-June 08
البلد: Two Seas
رقم العضوية: 3,713



خالد صالح ... على الرغم انه ظهر على كبر كممثل الى انه عبقري بالفعل .. انا مش من متابعى التليفزيون اوى

بس باحب السيما blush.gif فى رمضان اللى فات دا بالصدفة فتحت التليفزيون شوفت مسلسل

تقريبا كان اسمه سلطان الحب او الغرام حاجة زى كدا شوفت حلقة واحدة من المسلسل وكانت اول مرة اشوف خالد صالح .

على الرغم ان كان دوره سواق تريلا ولغته لغة سواقين بس كانت تعبيراته وشه فظيعة وخصوصا لما كان بيكلم حبيبته روجينا.

الراجل دا فظيع بيعبر كويس اوى بوشه وملامحه بتتغير على حسب نوع المشهد.

عودة مرة اخرى للفيلم .

خالد صالح .. اولا اسم حاتم مكنش لايق عليه الاسم مكنش مطابق خالص مع شخصيته .

كان فظيع تقريبا الفيلم كله هو اللى قام به ..

امين شرطة .. بلطجى متسلط بيستغل نفوذه اسواء استغلال ماشي بالدراع فى المنطقة اللى ساكن فيها .

ولكن ... ضعفه كحبيب كان النقيض الاخر لشخصيته كامين شرطة .

التنقل بين المشاهد المختلفة لخالد صالح كان فى منتهى الروعة مثلا

فى القسم واحد مات شوف الجبروت بقي يأمرهم بحفظة فى التلاجة لحد ما يحدد موعد الوفاة وسببها.

وطبعا يشاور اللى اكبر منه فى الموضوع دا وهما بقي يقرروا امتى توفى وسبب الوفاة بصراحة مافيش قسوة اكتر من كدا

فى تعامل الاموات قبل الاحياء .

مشهد اخر لما يراقب حبيبته ويبتنقل وراها من مكان لمكان وبس مستنى نظرة منها تحن عليه او حتى كلمة .

جميل هنا انك تلاقى رجل قوى جبار وضعيف وحنين امام من يحب wub.gif

وخفة الدم طبعا مغبتش عنه لما راح الجامع وقال للشيخ يدعيله بانه منة شلبي تحبه

ولقى زار وراح رقص معاهم وبقي يدعى .. وبعدين ملقاش فايدة

راح الكنسية وطلب من القسيس يعملوا حجاب او يصليلوا صلاة عشان نور تحبه

وبعدين راح لدجاله واديته مايه من قدام البط اللى كان بيشرب منها وخدها وراح

يرشها قدام بيت منة شلبي بصراحة رغم الحزن فى الفيلم الى ان الداعابة ايضا لم تفارقه .

حسرة الحبيب لما حبيبته راحت لغيرة دفعته لفعل اللامعقول واللامقبول تعرض لها وتم تحرير محضر ضدة ومضي تعهد بعدم التعرض لها .

وبردوا لم تهدا ناره حبس ابو زميلة لها وطلب منها لو قابل منة شلبي هيفرج عن باباها

راحت قبلته تشوفه بقي وهو لابس بروكة عشان يدارى الصلعة بتاعته والعزومة اللى عملهلها بمناسبة عيد ميلادها.

المشهد الوحيد اللى كان بريء فيه وصعب على بجد لما حكالها عن ظروف طفولته .

اتربي فى ملجأ واتمرمط بين بيت قرايبه عم قاسي يضربه ويقوله متعيطش

خالته الاكل عندها بمواعيد وتفرقة فى المعاملة هذا الجزء ممكن يكون عدى على الجميع حتى صديقتى نفسها ضحكت لما حكى الجزء دا .

ولكنه كان كلام مهم جدا بيقولنا فيه ان النشأة ليها عامل مهم جدا فى سلوك الفرد منا.

اللى اتعود على القهر والحرمان اكيد يوم ما يتمكن هيكون انسان فظيع هيكفر بكل شيء حولة وهتنتزع من قلبه الرحمة

حتى برغم حبه لمنة شلبي الى انه قضي عليها واغتصبها فى العادى او فى حالات الاغتصاب بيكون مجرد نزوة او شهوة

لكن هنا كان حبيب مقهور وحاسس ان دا حقه مغتصب واخده بالطريقة اللى يعرفها او اللى متعود عليها .

بالغصب والافتراء انا المنى المشهد جدا مش على منة فقط بل وعليه هو الاخر لانه مكنش مجرد واحد بيغتصب واحدة عشان نزوة .

نهاية الفيلم .. على الرغم انه قتل نفسه الى ان حنيته وعاطيفته خليتنا بكينا عليه مش منه.

يوسف شاهين جعل منه هو الاخر ضحية لظروف نشأة وتربية خطأ وبيئة مساعدة .

يعنى كان عاوز يقولنا محدش بيتولد مجرم او بيرضع اجرام الاجرام دا شيء مكتسب من البيئة المحيطة

ودوافعه بتكون ناتجة من نفس البيئة والظروف .

على الرغم ان الفيلم مكنش على قد المستوى اللى كنت متوقعاه ولكنى استمتعت جدا بالقصة والرسالة اللى اراد يوسف شاهين يوصلها لنا.

الله يشفيك يا جو وترجع بالف سلامة

كانت معكم الناقدة السنيمائية

والمحللة التفكيكة للبنيوية الانزياحية

نجفة الضب

يا رب تكونوا استمتعتم ويكون عجبكم الفيلم من خلال وصفى الدقيق له bonne_nuit_tweety_tuque.gif

نحن ننقل لكم الحدث بالصوت والصورة eh_s(8).gif


تم تحرير المشاركة بواسطة Badria Mekkawy: Jul 20 2008, 05:03 AM


--------------------

.
Go to the top of the page
 
+Quote Post
هبة الله
المشاركة Jul 20 2008, 08:40 PM
مشاركة #4


عضو نشيط
***

المجموعة: Members
المشاركات: 301
التسجيل: 14-June 08
رقم العضوية: 3,720



والله يا بدرية انا بكره ام الافلام بتاع السينما دى مفيش قلة الادب يتاجروا بيها
و خالد يوسف كانت فرصته يتعرف كويس على منة شلبى و بعدين يخطبها

و الله عالم×××××
حقيقى مش عارفة اقول ايه
ربنا يهديهم


--------------------


*•.¸.•* *•.¸.•* *•.¸.•**•.¸.•* *•.¸.•* *•.¸.•*

ذقت الهوى مرا و لم اذق الهوى يارب حلو قبل ان اهواكا

*•.¸.•* *•.¸.•* *•.¸.•**•.¸.•* *•.¸.•* *•.¸.•*

Go to the top of the page
 
+Quote Post
الـنـديــم
المشاركة Jul 20 2008, 11:20 PM
مشاركة #5


معادتش تفرق معايا !
****

المجموعة: Members
المشاركات: 1,145
التسجيل: 3-February 02
البلد: حيث ألم
رقم العضوية: 118



>>

إقتباس(Badria Mekkawy @ 20 Jul 2008, 04:54 AM) *


ولكنه كان كلام مهم جدا بيقولنا فيه ان النشأة ليها عامل مهم جدا فى سلوك الفرد منا.

اللى اتعود على القهر والحرمان اكيد يوم ما يتمكن هيكون انسان فظيع هيكفر بكل شيء حولة وهتنتزع من قلبه الرحمة


يوسف شاهين جعل منه هو الاخر ضحية لظروف نشأة وتربية خطأ وبيئة مساعدة .

يعنى كان عاوز يقولنا محدش بيتولد مجرم او بيرضع اجرام الاجرام دا شيء مكتسب من البيئة المحيطة

ودوافعه بتكون ناتجة من نفس البيئة والظروف .


على الرغم ان الفيلم مكنش على قد المستوى اللى كنت متوقعاه ولكنى استمتعت جدا بالقصة والرسالة اللى اراد يوسف شاهين يوصلها لنا.

الله يشفيك يا جو وترجع بالف سلامة

eh_s(8).gif



مش بس الإجرام هو اللي وليد البيئة المحيطة وظروف النشأة ... تقريبا كل أشكال العنف


متفق معك إجمالا وأحي فيك هذه الروح ...

لكن تقييمي لخالد صالح أقل من تقييمك .. لأنه خالد صالح "نمطي" في الأداء

ولو سمحتي لي سأقول أنه الإتجاه العام في صناعة السينما المصرية هذه الأيام صعب تظهر معاه مواهب سينمائية شاملة كما كان يحدث زمان ...

اسمعيهم في المقابلات تجدين ان الفكر العام متجه الى تحقيق السهل والمضمون على حساب جودة الفن نفسها ...

يقولون لك : فلان أو فلانة قوي في هذا النمط من الأداء والتعبير ... فتكون النتيجة "إغراقنا" بكم من الأدوار يقوم بها هذا الممثل في وقت كثير وكلها على نمط واحد حتى يحدث الإشباع السريع ثم الملل القاتل عند الجمهور من أم الممثل smile.gif


كيف يعالجون هذا الملل ؟

بسيطة ... ممثل آخر مغمور ومستعد يرضى باقل أجر يتم تلميعه بسرعة وأيضا "قوي في منطقة درامية معينة " يتم صنع أفلام مخصوص على مقاسه وهكذا

من يهتم ... ما دام العجلة دايرة والأرباح تسجل ... والجمهور المدفوع بغرائز وهموم لا يزال يدفع ليشاهد ؟!!

مين في الحياة ما تولدش برىء ... خالد عجاج


تحياتي


<<


تم تحرير المشاركة بواسطة الـنـديــم: Jul 20 2008, 11:45 PM


--------------------


الحــريــة لأســرانـا

حدث العاقل بما لا يعقل .. فإن صدّق .. فلا عقل له
Go to the top of the page
 
+Quote Post
Badroora
المشاركة Jul 25 2008, 12:46 PM
مشاركة #6


ناقدة قصصية وإنزياح بنيوي .
***

المجموعة: Members
المشاركات: 750
التسجيل: 12-June 08
البلد: Two Seas
رقم العضوية: 3,713



إقتباس(هبة الله @ 20 Jul 2008, 09:40 PM) *
والله يا بدرية انا بكره ام الافلام بتاع السينما دى مفيش قلة الادب يتاجروا بيها
و خالد يوسف كانت فرصته يتعرف كويس على منة شلبى و بعدين يخطبها

و الله عالم×××××
حقيقى مش عارفة اقول ايه
ربنا يهديهم


انتى يا هوبا دايما تبوصي لكوز الماية اللى نصه فاضي ليه 3dlunettesbf2.gif


--------------------

.
Go to the top of the page
 
+Quote Post
الـنـديــم
المشاركة Jul 25 2008, 01:17 PM
مشاركة #7


معادتش تفرق معايا !
****

المجموعة: Members
المشاركات: 1,145
التسجيل: 3-February 02
البلد: حيث ألم
رقم العضوية: 118



>>

إقتباس(Badria Mekkawy @ 25 Jul 2008, 12:46 PM) *
انتى يا هوبا دايما تبوصي لكوز الماية اللى نصه فاضي ليه 3dlunettesbf2.gif



سؤال جيد ..

وبشكل عام ؛ من المهم أن ندرب أنفسنا باستمرار ان نكتشف مواطن الجمال حتى في الأشياء القبيحة ...

لو فقدنا هذه القدرة فمعناها أن روحنا ميتة ..


<<


--------------------


الحــريــة لأســرانـا

حدث العاقل بما لا يعقل .. فإن صدّق .. فلا عقل له
Go to the top of the page
 
+Quote Post
Badroora
المشاركة Jul 25 2008, 02:22 PM
مشاركة #8


ناقدة قصصية وإنزياح بنيوي .
***

المجموعة: Members
المشاركات: 750
التسجيل: 12-June 08
البلد: Two Seas
رقم العضوية: 3,713



العزيز النديم ....اهلا وسهلا بك هنا clear44.gif

مما لا شك فيه بأن البيئة التى ينمو ويتربع فيها الشخص منا بتأثر فيه تأثير جذرى وكلى سواء بالسلب او بالايجاب.

والعنف والاجرام والكذب والخيانة والظلم ..........الخ كل دى اشياء مكتسبة من النشأة والتربية .


خالد يوسف .. اتفق معك تماما انه نمطى ومعظم مواضيعه مكررة وبيركز على

نجم واحد قليل لما يغير او يظهر وجوه جديدة

ودا لمستة فى مجموعة افلامه مع هانى سلامة ومنه شلبي تقريبا مكنش

فى فيلم هما مش موجودين فيه.ودا بيولد ملل لدى المشاهد لما تلاقي نجم

تقريبا موجود فى كل الافلام مش بتحس انه بيوحشك ومتلهف على انك تشوف عمل جديد له .

اما الكويس فى خالد يوسف ودا اللى بيعجبنى فيه ان افلامه بتكون محبوكة كويس يعنى الادوار تلاقيها قريبة من الواقع .

ودا لمسته اكتر فى حين ميسرة كان اكثر من رائع .

فى هى فوضي كان كويس بس فى هفوات عدت عليهم ورسالة كان عاوز

يوصلها بس كانت الطريقة ساذجة جدا.

الجزئية دى كانت لما الموجه العام عمل زيارة للمدرسة وكان بيمر ع الفصول وبعدين دخل فصل منه شلبي

(مدرسة انجليزي ) سأل بنت من البنات على حاجة بالانجليزي ومعرفتش قام انزعج قوى

سأل المدرسة نفسها معرفتش وبعدين ذهب مع الناظرة هالة صدقى مكتبها

وقالها ابقي دوسي على المدرسين شوية

عشان مستوى الاولاد وحش دخلت منه شلبي باندفاع وقالت له

( حضرتك انا المدرسة نفسها ومبعرفش انجليزي عشان نظام التعليم غلط واحنا درسنا الانجليزي على كبر )

وكمان معلموناش كويس اثناء الدراسة ف ازاى نعلم الطلبة واحنا اساسا كمدرسين مش عارفين .

طبعا المقصود بالرسالة هنا او موجه لوزارة التربية والتعليم وسوء تنظيم المناهج

وان النظام لازم يتطور ويتغير عشان المدرسين مستواهم يرتفع وبالتالى يدرسوا كويس.

الطريقة كانت ساذجة جدا لان المسئولية لسيت على عاتق وزراة التربية والتعليم فقط .

المدرس نفسه عليه مسئولية انه يعلم ويطور نفسه احنا مش بنتعلم كل حاجة فى المدرسة

انا اعتبر ان دور المدرسة هو فتح افق وتمهيد وتأسيس والباقية تقع علينا من استيعاب لبحث لتطوير .

الجزء دا معجبنيش ابدا فى الفيلم لانه كما قولت كان ساذج ومباشر .


بخصوص صناعة السنيما

انا شايفة ان السينيما المصرية فى تطور والافلام اللى ع الساحة بتقول كدا مقارنة بزمان.

يعنى معظمها بقي بيهدف لقضية معينه .

شكرا على اعادة المناقشة حول الفيلم مرة اخرى

نجفة الضب

ناقدة سنيمائية ..وتحليل انزياحى بنيوي 3dlunettesbf2.gif



--------------------

.
Go to the top of the page
 
+Quote Post
هبة الله
المشاركة Jul 25 2008, 03:17 PM
مشاركة #9


عضو نشيط
***

المجموعة: Members
المشاركات: 301
التسجيل: 14-June 08
رقم العضوية: 3,720



ما هو يا بدرية لو فيه نص مليان كان ماله دا حتى نقطة مفيش
صراحة افلام السينما الايام دى ضررها اكتر من نفعها

طب فاكرة عادل امام لما قال فى فيلم ان الافلام يا قصة يا مناظر

هو فعلا كده فى نظرهم يا قصة يا مناظر و بما انه مفيش قصص و كله تم استهلاكه حتى تقليد الافلام الاجنبيه بقى مستهلك فمعادشى غير المناظر و يا سلام على دى مناظر

بالنسبة لفيلم يوسف شاهين ده الفكرة نفسها بتاعت تسلط ساطات الامن و قهرها للشعب استفدنا ايه احنا من عرضها فى السينما
كل ما فى الحكايه هى قضية ساعه و المخرج او المؤلف لطشها عشان يجذب الناس للشباك
و لازم يحبكها بشوية مشاهد مخلة و فبركة من نوع الاغتصاب و الحمل السفاح


تم تحرير المشاركة بواسطة هبة الله: Jul 25 2008, 03:21 PM


--------------------


*•.¸.•* *•.¸.•* *•.¸.•**•.¸.•* *•.¸.•* *•.¸.•*

ذقت الهوى مرا و لم اذق الهوى يارب حلو قبل ان اهواكا

*•.¸.•* *•.¸.•* *•.¸.•**•.¸.•* *•.¸.•* *•.¸.•*

Go to the top of the page
 
+Quote Post

Reply to this topicStart new topic
1 عدد القراء الحاليين لهذا الموضوع (1 الزوار 0 المتخفين)
0 الأعضاء:

 



RSS نسخة خفيفة الوقت الآن: 26th November 2014 - 11:30 PM