IPB

مرحبا بالضيف ( دخول | التسجيل )





3 الصفحات V  < 1 2 3  
Reply to this topicStart new topic
> رحلتى إلى الأقصر وأسوان .!
Badroora
المشاركة Jul 13 2008, 06:06 PM
مشاركة #21


ناقدة قصصية وإنزياح بنيوي .
***

المجموعة: Members
المشاركات: 750
التسجيل: 12-June 08
البلد: Two Seas
رقم العضوية: 3,713



سواق التاكسي ونجفة

هو مش تاكسي الظبط هى عربية ملاكى وعملها تاكسي العربية جاجوار موديل 1976 ولونها ارزق وفرشها عبارة عن

كراسي جار عليها الزمن مغطاه بكليم والتابلوه عبارة عن هيكل لخرابة والاجمل فى كل دا ان الباتش بتاع العربية ماركة جاجوارر جديد

وبصحته .المهم انا ركبت قدام قولت عشان ابقي اصور اى شيء يعجبنى فى الطريق .السائق بقي قصير اوى وليه شنب

ولابس جلابية وعليها عمة كبيرة اوى خافية وشه تحتها ,الميزة فى السواق بقي انه عنده عزة نفس ومتكبر اوى .

المهم واحنا ماشين عدي من جنب مطعم ريحة الطعمية كانت قوية جدا قولته وقف وروح جيب لنا ساندويتشات قالى لاء

انتى من اولها بقي ولا ايه استغربت قولتله خلاص استنى وهانزل انا قالى لا يا ستى انا هاروح مش عشان سواق التاكسي
لا انا هاروح عشان انت ست وفى بلدنا وميصحش قولت ماشي هات لنا كذا وشوف انت عاوز ايه قالى ملكش خاص فينى

اتغظت من لامضته بس قولت ماشي .

جاب الساندويتشات واكلنا وهو ماشي كان فى سوبرماركت على يمينى قولتله وقف هنجيب ماية وبيبسي قالى بقولك ايه

يا مُدام شكلنا كدا مش هنخلص انتى كل متشوفى حاجة هتشتريها ماوديكي السوق تتسوقي بالمرة ,قولتله ومالوا بفلوسي وانا
حرة هو طبعا غظنى المهم مشينا قولته على فكرة انا مش بستعبدك ولا حاجة الطبيعى اننا اكلنا واكيد محتاجين مايه قالى

ماشي ولا يهمك .

وهو ماشي كل راجل مرور واقف فى الشارع يشاورله ويسلم عليه وهو ماشي شكلهم كلهم عارفين بعض .

هو بقي ماشي على سرعة 30 او 40 بالكتير ,انا قولتله هو انت بتزحف ليه مفهمش الكلمة قولتله ماشي براحة ليه قالى

لا السياقة مزاج ومحبش حد يعكر مزاجى هتضيقينى هاوقف وانزلك واوقفلك اجدع عربية ,قولت يسلام انت بتهددنا

المهم قولتله طيب امشي براحتك ,عربيتك دى نوعها ايه قالى جوكر (جاجوار) ماشاء الله موديل كام قالى 1976 قولتله

ياه عربيتك دي اكبر منى بسنه ولسه شغالى لدلوقتى قالى اه قولتله ماشاء الله وجايبها جديدة ولا مستخدمة قالى جديدة قولتله

ياه ومغيرتهاش خالص قالى واغيرها ليه قولتله يعنى لا حادث ولا مخلفة ولا اى حاجة خالص قالى لا المرور واد عمنا .

المهم بفتح الميم والهاء وتسكين الميم .انتى منين قولتله من الجيزة قالى اه باين على شكلك وصحبتى لسه هاقوله قال من

الصومال صح شبههم ,طبعا صحبتى انزعجت وكبسته . قولتله بقولك ايه انا حسه انى راكبه جمل متزود شوية عن ال 40 دي .
قالى طيب حطى الحزام قولتله لاء انت خايف ولا ايه مش بتقول المرور واد عمك قالى طبعا وانا مخفش واصل من اى حد

المهم سرع شوية ومشي ع ال70 واذا بلجنة مرور اوقفته على جنب طبعا هو بقي من بعيد اهلا يا عمنا يا صباح الفل

ورايح للظباط عمله مخلفة وسحب منه الرخص , وقعد يحاول معاهم شوية وبعدين رجع وعليه غضب ربنا تصورى انا من
25 سنه باسوق وعمرى ماخدت مخالفة وانت قريتى على وسحبوا منى الرخص
قولتله يسلام مش المرورواد عمك ايه المشكلة بقي مانتم اهل فى بعض .

المهم اخدت منه الوصل لاقيت مخالفة عشان ماشي على سرعة 70 والطريق كان فاضي ومافيش حد غيرنا ع الطريق

المهم قالى روحى كلمى الظابط وخليه يدينى الرخص ,قولتله عييب انتم اهل وانا ميصحش اتدخل بين الاهل اصطفوا مع بعض .

الراجل فكرنى انى باحسد وقالى انتى منين ليكي اقرايب فى منطقة كدا فى الاقصر مشهورين بالحسد قولتله لاء انا اصلي من الجوزيرة قالى اللى وقعوا القطر قولتله اهم دول بقي واد عمى اللى قلب القطر .

قالى ان المنطقة اللى فى الاقصر دى كانوا بيستدعوا ناس منهم فى متشات الكورة يركزوا عنيهم على الكورة واللعيبة

يجيبوا اجلهم ولو الكورة هتدخل الشبكة يقروا عليها تخرج وتتحسب اوت .

هو بقي كل مايحكى حاجة يقول الله اكبر ويخمس فى وشي .

بس هو كان ظريف ودمة خفيف
روحنا وادى الملوك والمقابر ومعبد خشتبسوت ورجعنا الفندق اخدنا شناطنا

وروحنا ركبنا الميكروباص ووصلنا اسوان.

قبل مانروح البيت عند قرايب صحبتى روحنا المحطة حجزنا قطر النوم والناس كانوا متساهلين ومسالوش على بطاقة زميلتى .
روحنا البيت قعدنا وريحنا شوية وعلى بالليل ركبنا قطر النوم .

القطر كان غريب بالنسبة لى فكرنى بالافلام الهندية

صديقتى طلعت الدور التانى وانا فى الارضي .

المهم طبعا القطر كان معقول دخلنا وقفلنا الباب وقولنا للمضيف لو عاوز يشك ع التذاكر يجي وميصحناش مش عاوزين العشاء

المهم قال ماشي جه فرد لنا السراير ومشي
صحبتى كالعادة نامت وانا التكتكة بتاعة القطر معرفش انام

بس من التعب ريحت شوية وصحبتى نامت بتاع ساعتين وصحيت قولتلها تعالى زورينى قالتلى لاء مكسلة انزل اطلعى انتى
المهم كان معنا شنطة فيها عصائر وشيبسي خدتها وطلعتلها فوق وجتلنا هيسترية ضحك اننا قاعدين على رف ويسلام لو الرف اتكسر او وقع بينا وقعدنا ننكت وجينا عند النزول

باعدل السلم اتزحلق بعيد وانا اتشعلقت ومن كتر الضحك اعصابي سابت ووقتعت بس الخبطة كانت بسيطة

وقعدنا نتريق على نفسنا شوية وبعدين على الصبح كدا الساعة 11 ص وصلنا محطة الجيزة .




--------------------

.
Go to the top of the page
 
+Quote Post
Badroora
المشاركة Jul 13 2008, 06:15 PM
مشاركة #22


ناقدة قصصية وإنزياح بنيوي .
***

المجموعة: Members
المشاركات: 750
التسجيل: 12-June 08
البلد: Two Seas
رقم العضوية: 3,713



مقابر وادى الملوك ومعبد حشتبسوت وبعض صور منوعة من معبد الكرنك والاقصر .







اعلى مسلة فى العالم



معبد الكرنك من الداخل



مين الشاطر اللى هيقولى انا مين فى دوووووووووول 3dlunettesbf2.gif



رجله ضاعت فى حرب الاستنزاف بين الكفار والفراعنه .!!



40 حرامى معبد الاقصر

البر الغربي

معبد حشتبسوت من الخارج





من الداخل



مدينة العمال والكيوبك الصغيرة دى بيوتهم .



--------------------

.
Go to the top of the page
 
+Quote Post
Badroora
المشاركة Jul 13 2008, 06:27 PM
مشاركة #23


ناقدة قصصية وإنزياح بنيوي .
***

المجموعة: Members
المشاركات: 750
التسجيل: 12-June 08
البلد: Two Seas
رقم العضوية: 3,713



المقبرة دى بصراحة نسيت اسمها بس اللى غيظنى انى طلعتها بتاع 6 ادوار فى المرتفع ودخلتها وما محنية لما جالى أتب ومن جوة

خنقة ومافيش اكسجين والجو فظيع وكانوا بياخدوا مننا الكاميرا قبل ما ندخل عشان ممنوع التصوير داخلها انا بقي راسي والف .... انى لازم اصور الممنوع مرغوب بقي
قولت مقبرة اكيد هلاقي جثث محنطة جوة المهم الراجل عطيناه 20 جنية فسمح لنا بالكام ودخلنا لوحدينا وحجز الاجانب برا لحد مانخلص .

المقبرة فعلا اسم على مسمي مقبرة مقبرة يعنى ,عبارة عن مستطيل والسقف سدادى الشكل طولها مترين فى العرض متر

وفاضية وكل اللى فيها شخبابيط ع الحيطة والله كنت هتشل جواها بقي بعد البهدله دي كلها وطلوع جبل ما يعادل 6 ادوار وانحنى وانا عمرى منحنى ابدا غير لله سبحانه وتعالى

وبعد كل دا اتفرج على روسومات ع الحيطة

المهم بعد المقبرة دى رفضت ادخل باقي المقابر انتظرت صديقتى برا وهى دخلت وصورتهم وانا اتفرجت ع الصور واخدتهم بدون بهدله وانحناء

بردوا اجدادنا القدماء كان فيهم هيافة زينا بالظبط حتى احنا ورثينها منهم







اله الطب او الطحنيت او المساج والله اعلم wacko.gif







دول تمثالين كدا عطرنا فيهم واحنا مروحين قولنا نصورهم شكلهم كانوا اهلهم متبريين منهم فاستقروا هنا بمفردهم 13.gif



صورة للبر الغربي جنب المقابر .

سورى يا جماعة على وجود بعض الصور بدون شرح والله نسيت كل حاجة مسامحة 1045.gif


وبكدا اكون ختمت رحلتى

على فكرة وانا بعيد احدثها معاكم حسيت انى كنت باتفسح بجد وكانى لسه فى الاقصر ومروحة بيتنا

يا رب تكونوا انبسطوا ومتكونوش مليتم من الشرح التفصيلي .

ويا ريت بقي كل واحد زار اسوان يكتب لنا اهم المواقف اللى صادفها هناك والنوادر بتاعته

لانى واثقة ان مافيش حد مرحش اسوان الا وقابل مواقف عجبته او زعلته .

واهو دا يكون مرجع ودعاية لاسوان فى نفس الوقت .


اشكركم جميعا على تشجيعكم لى وعلى حسن متابعتكم .

تمت بحمدالله
بدرية 311sx2.gif


تم تحرير المشاركة بواسطة Badria Mekkawy: Jul 13 2008, 06:31 PM


--------------------

.
Go to the top of the page
 
+Quote Post
أحمد باشــا
المشاركة Jul 13 2008, 06:43 PM
مشاركة #24


عضو مميز
****

المجموعة: Admin
المشاركات: 4,036
التسجيل: 11-March 06
البلد: مصـــر
رقم العضوية: 2,520



حمد لله على السلامة يا بدرية و عقبال الرحلات القادمة

سردك تلقائي و ممتع

smil001.gif


--------------------
Go to the top of the page
 
+Quote Post
Badroora
المشاركة Jul 13 2008, 11:54 PM
مشاركة #25


ناقدة قصصية وإنزياح بنيوي .
***

المجموعة: Members
المشاركات: 750
التسجيل: 12-June 08
البلد: Two Seas
رقم العضوية: 3,713



الله يسلمك يا هندزة ميرسي كتير ع المتابعة

ان شاء الله ربنا يكتبلي واروح راس البر واجى اسرد لكم تفاصيل الرحلة هنا بردوا ان شاء الله

شكرك لئلك vjiysx.gif


--------------------

.
Go to the top of the page
 
+Quote Post
Prof
المشاركة Jul 14 2008, 02:00 AM
مشاركة #26


عضو مميز
****

المجموعة: Admin
المشاركات: 8,166
التسجيل: 11-January 02
رقم العضوية: 1,000



بدرية لأ الللأ يا بدرية..
ما تتريقيش على أجدادنا عشان كانوا ناس محترمين جداً وما يصحش.. 4.gif

لو قريتي شوية معلومات بسيطة عن اللي قاعدين لوحدهم أو عن الصور التانية ما اعتقدش انك كنتي هاتتريقي كده.. كنتي هاتحسي بالقشعرينة تسري في الجسد من كتر الاحترام..
مش لدرجة انك تغني نشيد بلادي بس فيه حاجات كتير محترمة بدرجة لافتة للنظر..
Go to the top of the page
 
+Quote Post
Badroora
المشاركة Jul 14 2008, 07:25 AM
مشاركة #27


ناقدة قصصية وإنزياح بنيوي .
***

المجموعة: Members
المشاركات: 750
التسجيل: 12-June 08
البلد: Two Seas
رقم العضوية: 3,713



انا اقدر اتريقك على اجدادى دى حتى اللى مالوش تاريخ يدورله على تاريخ 12.gif

وعلى راى المثل اللى ميعرفش يقول عدس

ممكن بقي يا مستر بروف تعطينى نبذة صغيرة ايه اللى عمل فى جدينى دول كدا وليه معزولين كدا ومتبهدلين

وشكرا

الحريصة على تاريخ اجدادها وبنت ال7000 حضارة

بدرورة السابعة عشر 3dlunettesbf2.gif


--------------------

.
Go to the top of the page
 
+Quote Post

3 الصفحات V  < 1 2 3
Reply to this topicStart new topic
1 عدد القراء الحاليين لهذا الموضوع (1 الزوار 0 المتخفين)
0 الأعضاء:

 



RSS نسخة خفيفة الوقت الآن: 21st August 2014 - 08:16 AM