 رحلتى إلى الأقصر وأسوان .! |
  Jun 29 2008, 01:35 PM
مشاركة
#1
|
|
 ناقدة قصصية وإنزياح بنيوي .  المجموعة: Members المشاركات: 750 التسجيل: 12-June 08 البلد: Two Seas رقم العضوية: 3,713  |
قررت انا وصديقتى شريكتى فى السكن بمناسبة اننا اول مرة ننزل اجازة مع بعض
لازم نروح نزوراى مكان وحددنا اختيارتنا ما بين سانت كاترين وشرم او الاقصر واسوان رسي الاختيار على اسوان قولنا خلينا نبدا من اسوان زحف على باقي مصر يعنى مش كلة مرة واحدة لاء . المهم هى نزلت قبلي بشهر وانا حصلتها وقررنا نروح محطة مصر نحجز التذاكر .للسفر ذهبا انا وهى وعرفنا ان فيه قطار نوم قولنا يسلام حيث عبد الحليم حافظ وفاتن حمامة وفريد الاصم وهندرستم وشادية لطفى والحركات دي . توجهنا الى شباك التذاكر وانا بقي فتحت تحقيق عن القطر ها لو سمحت القطر دا امان ايوة يا فندم طبعا امان اه طيب هو عبارة عن ايه قالى عبارة عن غرفة فيها 2 سرير قولتله طيب مش ممكن حد يهاجم الغرفة دي بسكينة ولا سلاح قالى لاء دا امان ومتخفيش فيه قفل من جوة ابقي سكي الباب قولتله طيب مستوي النضافة ايه قالى ممتاز دا فندق متحرك مش قطر قولتله وايه الامكانيات قالى بطاطين ووجبة و.........الخ قولتله طيب هات تذكرتين قالى البطايق قولتله انا معى بطاقة وصديقتى لاء قالى ليه قولتله مش مصرية معاها باسبور قالى لاء يبقي هتقطع تذكرة اجانب فرق بينى وبينها 100 جنية هى طبعا انزعجت جدا انه متربية ومولودة فى مصر وبتتكلم مصري افضل من لغتها الاصلية وهو يقولها كدا طبعا صحبتى وانا عرفاها لو بس قولتلها كلامه صح مش هنخلص وهبوظ الرحلة قولتله دي اختى قالى ازاى قولتله من اب تانى !!! هى طبعا من بلد افريقية تقع بين ليبيا ونيجيريا ( افتحوا الخريطة وهترفوها على طول ) هو طبعا لن تخيل عليه انها اختى المهم هى قالتلى مش مسافرة قولتلها فى عرضك يا شيخة قوليلي ايه اللى يريحك وانا اعمله الراجل اقترح علينا نقطع درجة اولى مكيف ومش هيسالونا على بطايق قولنا ماشي توجهت انا الى شباك التذاكر وقولتله تذكرتين اولى مكيف بكل فخر وكانى باقطع تذكرتين على طائرة بزنس كلاس المهم طريقتى معجبنتس الراجل اوى وحس انى بتكبر عليه انا بقي قريت الغدر فى عنية قولتله لو سمحت هو القطر دا هيبقي نضيف ومريح قالى طبعا فيه تلفزيون وتكيف وبوفيه قولتله متكلمش من الفرحة والاكسيتيشن مش بقيت حبه انه يحرقلى المفجأة قولتله طيب بليز بلاش المقاعد تكون فى النص ولا فى اخر القطر قالى ماشي قولتله هو القطر المكيف دا زي اللى بيجي فى التليفزيون فى افلام محمد فوزى وفريد قالى دا انت هتلاقي محمد فوزى نفسه جوة فى القطر اخدنا التذاكر وودعت صحبتي على موعد لقاء غدا الساعة 7 ونص على رصيف 7 او 5 والله ما فكره . المهم ذهبت الى منزلى حيث اتى كل اخواتى واولادهم لتوديعي وصباح اليوم السفر اتت امى غرفتى واحتضنتنى وظلت تبكي حسستنى انى رايحة كندا مش اسوان بينى وبينها 15 ساعة وبس المهم طمنتها وقلتلها اكل العيش يا امه بقي هنعمل ايه خالى بالك من اخواتى لو مت حلال عليهم منابي المحشي اللى فى التلاجة امى ياعينى ضمتنى اكتر ليها وقعدت تبكي .امى على فكرة بتحب العياط زى عنيها اى حاجة تفرح تعيط اى حاجة تبكي تعيط بردوا . المهم ظُهر يوم السفر توجهت الى غرفتى كى اجهز امتعتى حضرت امى لى سائلة مش هتخدى سندويشتات معاكى قولتلها لاااااااااااء مش عاوزة اشيل اكل قالتلى لاء الطريق طويل قولتلها هو احنا مسافرين على جمل دا قطر درجة اولى وفيه بوفيه كمان قالتلى لاء الامر ميسلمش انا هاعمل سندويشتات قولتلها طيب زى مانت عاوزة بس بليز متكتريش كفاية بس عشرة من كل نوع وبعد امى ما خرجت من غرفتى تذكرت ايام الرحلات المدرسية ومدرسة النجع المشتركة بينين والسندويشتات اللى كانت بتعملها لى ....ياااااااه ايام . عصر يوم السفر حضر اخواتى تانى وسلموا على وودعونى و قالولى تصحبكي السلامة بعد عصر يوم السفر بساعتين توجهت الى محطة مصر لكى اقابل صحبتيى هناك وطبعا فى محطة مصر عالم تانى تهنا بين الارصفة وبعد عناء ولف بين جميع الارصفة تلاقينا قبل طلوع القطر بمافيش . وركبنا القطار والحمدلله يُتبع,,,, --------------------  . |
 |
 
|
المشاركات داخل هذا الموضوع
Badria Mekkawy رحلتى إلى الأقصر وأسوان .! Jun 29 2008, 01:35 PM
Badria Mekkawy الرحلة داخل القطار .........
اول شيء على باب القط... Jun 29 2008, 01:39 PM banboty فعلا ادب الرحلات ليه ناسه
متابع معاكي يا بدرية Jun 29 2008, 05:09 PM
Badria Mekkawy إقتباس(banboty @ 29 Jun 2008, 03:09 PM) ف... Jun 29 2008, 05:16 PM finetouch تحيات وفى الانتظار Jun 29 2008, 06:58 PM Badria Mekkawy إقتباس(finetouch @ 29 Jun 2008, 04:58 PM)... Jun 29 2008, 07:21 PM Badria Mekkawy وصلنا الفندق وحطينا شناطنا وغيرنا هدومنا وقولنا نر... Jun 29 2008, 07:32 PM Badria Mekkawy وصلنا لحد فين اه .....متحف النوبة............
خرج... Jun 29 2008, 07:35 PM Badria Mekkawy عودنا .........
انا بقي كنت اكسسيتد مثل الاطفال و... Jul 1 2008, 04:58 PM Badria Mekkawy هنا صور السد العالى وبحيرة ناصر وبعض الصور لاسوان ... Jul 1 2008, 05:02 PM Badria Mekkawy بعد الاحباط الفظيع الذي انتابنى عن السد العالى بقت... Jul 1 2008, 05:04 PM finetouch فسحه جميله بالنسبه لى علشان مارحتش اسوان خالص مالص... Jul 1 2008, 09:41 PM Badria Mekkawy إقتباس(finetouch @ 1 Jul 2008, 07:41 PM) ... Jul 1 2008, 10:10 PM Badria Mekkawy مرسي المراكب المتجه الى معبد فيلة
اثناء سير ا... Jul 5 2008, 01:06 AM Badria Mekkawy عودنا ,,,,,,,
بعد ما ركبنا التاكسي واتجهنا الى ال... Jul 5 2008, 01:12 AM Badria Mekkawy الجوزيرة اشتاتا اشتوت
منطقة الجوزيرة ........ يا ... Jul 5 2008, 03:07 PM Badria Mekkawy الاقصر بلدنا بلد سياح فيها الاجانب تتمخطر.!!!
ذهب... Jul 5 2008, 03:10 PM Badria Mekkawy حاولنا مع الفندق وكل محاولاتنا بائت بالفشل الذريع ... Jul 13 2008, 05:43 PM Badria Mekkawy صور معبد الكرنك ومعبد الاقصر ....
1- معبد الاقصر
... Jul 13 2008, 05:56 PM Badria Mekkawy معبد الكرنك ,,,
يقولون دا حمام سباحة اجدادنا
... Jul 13 2008, 06:02 PM Badria Mekkawy سواق التاكسي ونجفة
هو مش تاكسي الظبط هى عربية ملا... Jul 13 2008, 06:06 PM Badria Mekkawy مقابر وادى الملوك ومعبد حشتبسوت وبعض صور منوعة من ... Jul 13 2008, 06:15 PM Badria Mekkawy المقبرة دى بصراحة نسيت اسمها بس اللى غيظنى انى طلع... Jul 13 2008, 06:27 PM اللهو الخفي حمد لله على السلامة يا بدرية و عقبال الرحلات القاد... Jul 13 2008, 06:43 PM Badria Mekkawy الله يسلمك يا هندزة ميرسي كتير ع المتابعة
ان شاء... Jul 13 2008, 11:54 PM Prof بدرية لأ الللأ يا بدرية..
ما تتريقيش على أجدادنا ع... Jul 14 2008, 02:00 AM Badria Mekkawy انا اقدر اتريقك على اجدادى دى حتى اللى مالوش تاريخ... Jul 14 2008, 07:25 AM  |
1 عدد القراء الحاليين لهذا الموضوع (1 الزوار 0 المتخفين)
0 الأعضاء:
|
نسخة خفيفة | الوقت الآن: 19th June 2013 - 05:48 AM |
powered and devolped by:arabips.com
Powered By IP.Board © 2013 IPS, Inc.
Powered By IP.Board © 2013 IPS, Inc.