يوسف شاهين فى غيبوبة خيارات

[حشيش]

[Badroora]

يااااااااااه يوسف شاهين يا رب يخف ويقوم بالسلامة . .

اخر مرة شوفت يوسف شاهين كانت سنه 2000 كنت اثناء الدراسة شغالة فى مستشفي فى العناية المركزة .

وكان يوسف شاهين زبون دائم لانه كان بيعانى ايضا من هبوط فى عضلة القلب .

فكان كل شهر تقريبا يجلنا شوية . كان انسان لذبذ جدا مثقف , كنت اقوله افلام

حضرتك مش بتفهم عاوزة ترجمة بالعربي عشان تتفهم .

كان يبتسم ويقولى افلامي فوق مستوى عقل المشاهد العادي ..طبعا كان بيهزر .........

كنا فى رمضان وقت المغرب كان يجي ويتحايل علينا نروح نفطر ونسيب الكونتر وهو يقعد يراقب المرضي لحد ما نخلص .

والمرافقين اللى كانوا معاه كانوا مسلمين فكان يجيب لهم السحور وكان والله

يصاحيهم قبل الفجر ويترك لهم غرفته ويجي يقعد معانا فى الكونتر لحد ما يصلي ويتسحر

ومش ممكن انسي يوسف شاهين انه اول واحد نزل لى شكر خاص باسمي فى جريدة الجمهورية وكنت وقتها هانفجر من الفرحة

والنجومية اللى حستها بنشر الشكر دا فى الجريدة .

بصراحة زعلت اوى من الخبر دا وقلبي مش مطمن لانه يوسف شاهين تقدم فى السن وكمان مشاكلة الصحية كثيرة .

لا يسعنى سوى الدعاء له بالشفاء التام ان شاء الله فهو من اجمل الشخصيات التى تعاملت معها عن قرب وهو انسان بمعنى الكلمة .

شكرا استاذ حشيش على الموضوع الذي رجعنى لاجمل ذكريات من 8 سنوات .

يعطيك العافية خوى .

تم تحرير المشاركة بواسطة Badria Mekkawy: Jun 16 2008, 07:59 PM

[موحد]

من أواخر العمالقة في الفن.. خفف الله عنه يوسف شاهين .. أثرى السينما العربية .. بل أيضاً العالمية و قد كسبت أفلامه جوائز عالمية عديدة في اباريس وأمريكا وبريطانيا...

كل ما ندعوه من اله له إما الخروج من الأزمة بسلام أو السلام .. لأن النزيف الدماغي والسكتات الدماغية قد تترك أثراً سلبياً سيئاً لو لا سمح الله أتلفت جزء من خلايا الدماغ...

عافاهالله آمين

[حشيش]

برغم أن العديد من أفلامه كانت رمزية وكانت موجهة لفئة قليلة من المثقفين وللمهرجانات الدولية وليست للسواد الأعظم من الجمهور المصرى إلا أنه يكفيه أنه قد أخرج فيلم (الأرض) ... لو لم يخرج غيره لكفاه

[حشيش]

[موحد]

وبتقولوا عن عكّا وخمه (دي كلمة مش حا يفهمها إلا أسامة الكباريتي) حبيبي . أهو سيد الجدعان بص علاج يوسف شاهين على نفقة الدولة.......الله يحييه خطوة ممتازة ويا رب يشفيه آمين

[هبة الله]

الصراحة بقى
لم احبه يوما و لم احب افلامه


و مستحيل يتعالج على نفقة الدولة .....خليه يروح يبيع السعفة الذهبية

[أخت]

إلا أنه يكفيه أنه قد أخرج فيلم (الأرض) ... لو لم يخرج غيره لكفاه

وأين فيلم صلاح الدين الأيوبي ؟

وجميله بو حريد ؟

أيضاً المصير ؟

وافلامه الخفيفه في بداياته مثل

صراع في الميناء وصراع في الوادي وأنت حبيبي

ليوسف شاهين أعمال رائعه

( لكن روعتها تقتصر على الإخراج فقط في أغلب أعماله بدون اقحام فكره الخاص ومعتقداته الغير خاصه بالعمل الإخراجي)

عفاه الله وأحسن خاتمته وخاتمتنا

تم تحرير المشاركة بواسطة أخت: Jun 17 2008, 07:59 AM

[Badroora]

العزيزة هبة عدم حبك ليوسف شاهين كمخرج حقك الدستورى ومحدش يقدر يغلطك فى كدا.

لكن كمريض يستحق مننا الدعاء بالشفاء فقط بغض النظر عن اتجاهاته .

انا تعاملت مع يوسف شاهين الانسان وبحبه جدا لانه عبقري وذكى وحنون .

بغض النظر عن كل دا بردوا اخوكى الانسان فى محنه فهل تبخلى عليه بالدعاء.

[حشيش]

و مستحيل يتعالج على نفقة الدولة .....خليه يروح يبيع السعفة الذهبية

بالنسبة للسعفة الذهبية أنا اشتريت ... أخوكى شيشو مزنوق الأيام دى فى سعفة ياهبة ... لو قدرتى تخلصى معاه على باكو حقك فى العملية محفوظ

بالنسبة لعلاجه على نفقة الدولة فدى بقى فيها كلام ... لسه من كام يوم كان منشور خبر عن وفاة قاضى شاب رفضت الدولة دفع تكاليف عملية زراعة كبد له بالخارج ... أيهما أولى بالعلاج على نفقة الدولة ؟ ... فنان ومخرج كبير كيوسف شاهين عنده عشرات الملايين ويستطيع كما فعل الإنتقال بطائرة ألمانية خاصة مجهزة طبياً للعلاج بفرنسا أم مواطن فقير ؟