IPB

مرحبا بالضيف ( دخول | التسجيل )





 
Reply to this topicStart new topic
> جواز بالضمان!
aniD
المشاركة May 16 2007, 12:28 PM
مشاركة #1


عضو نشيط
***

المجموعة: Members
المشاركات: 130
التسجيل: 27-January 07
رقم العضوية: 2,713



لقيت الايميل ده ..و بصراحه استغربته جـــدا..أأقروه كده:
اقتباس
قررت أحط شرط فى قسيمة جوازى...آه وليه لأ مش حقى؟؟ دا بإعتبار ما سيكون إن شاء الله
تخيل انك رايح تشترى جهاز أو رايح تأجر أو تشترى محل او شقه مثلاً بتعمل إيه؟؟ أو مشارك حد فى مشروع؟؟
أكيد بتقَلِب فى العقد وتشوف الضمان والبايع والمشتري بيحطوا الشروط اللى هم عاوزينها وإللى تضمن حقهم.
دا كله على إيه؟ على شوية فلوس؟؟ وحاجه هتخرب أوتنكسر أو تجيب الأحسن منها بعدين؟ أو حتى مكان هتستعمله لفتره وبعدين تسيبه لما تزهق أو تيجيلك فرصه أفضل
...بذمتك مش صح؟؟
طب إيه رأيك بقا فى "عقد الجواز"؟؟
  أهم عقد فى حياة الإنسان كلها ..عقد مشروع العمر..حاجه كدا لا تعرف تغيرها ولا تجيب غيرها بسهوله، مش بردو اسمه "عقد"؟؟
.سواء شرعى بمأذون أو عرفى بشهود وإشهار أو حتى عقد جواز مدنى مُوَثَق فى الشهر العقارى ،كلها عقووووود،
. ،وزى ما بيقولوا "العقد شريعة المتعاقدين"
يعنى كلا الطرفين ملتزم ببنود العقد وأى إخلال بشرط منه يفسده ويبطل مفعوله
بص معايا بقا..
احنا ليه بنهتم  أوى بعقود الحاجات التافهه وبننسى نهتم بعقد الجواز ، أراهنكو لو حد من المتجوزين(وخصوصاً الزوجات) فكر يبص فى "القسيمه" بعد المأذون ما يبعت النُسَخ ، بيخدوها ويركنوها فى الدرج ومش بتتعاز بعد كدا إلا فى حالتين "الموت أو الطلاق"
وكمان ممكن تكون ضاعت ........آه والله العظيم بتحصل
طب يا متجوزين..مين كانوا شهود العقد بتاعكو ؟؟عارف الاسم بالكامل؟؟طب مين كان وكيلك؟؟عارف اسم المأذون وعنوانه؟؟ يا خبر...دول بس إللى فاكرين؟ومين إللى وشه إحمَّر ده؟؟
طب بذمتكوا دا كلام؟؟
مع إن القسيمه بتاعة اليومين دول حاجه فى منتهى الجمال وبتدى الزوجين أحلى فرصه علشان إللى بالى بالكو ما يلعب بديله (ليه بتفكرى ف جوزك؟؟أنا أصدى الشيطان يا بنتى)،،يعنى فيها مكان للصور والبصمات وخانه للحاله الاجتماعيه للعريس -وإياك يكدب ويشوف هيجراله إيه- والأهم من كل ده فى مكان كبييييييييير ومليان نقط وأرقام ،المكان ده بتاع "الشروط" يعنى ممكن كل واحد يشرط إللى هو عاوزه ...دا حقك .وعجبتنى أوى أوى الحكايه دى ،فكرتنى برفاعه الطهطاوى ومراته قسيمتهم كانت 80 صفحه ومليانه شروط...إيه الثقه دى كلها؟؟
كل إللى أعرفهم اتجوزوا جديد ولا فكروا فى الحكايه دى وكمان إيه كل ما أسأل حد "حطيت شروط إيه؟" يبصلى ببلاهه أو إستنكار متعرفش ؟!،البنات يشهؤوا ويقولوا "يا خبر! عيب دا حتى الناس يقولوا علىَّ بجحه ويمكن أتطلق قبل ما أتجوز" ،أمّا رد العرسان فكان" وأحط شرط ليه؟؟ما إللى أنا عاوزه أو مش عاجبنى وعاوز أغيره هعمله بمعرفتى بعد الجواز" وساعتها كنت بسمع سارينات الإسعاف والبوليس وكمان المطافى بتدوى جوا جدران الجمجمه.
مطولش عليكوا....أنا قررت أحط على الأقل شرط فى قسيمة جوازى -ان شاء الله من غير مقاطعه لمّا ألاقى حد بيتفاهم وبيفهم -ومهما كانت الإعتراضات أو الإستنكارات،،،،،دا حقى ولازم استخدمه. وكمان خلاص أنا جهزت الشرط ،ممكن يكون فى غيره بعدين بس دا هو المهم والأساسى. تحبوا تعرفوه؟ ماشى
"لو أن الطرف الأول -الزوج- توقف عن حب الطرف التانى -الزوجه- أو أحب غيرها أو شعر بفتور نحوها..يخبرها فوراً ،وإذا لم يفلح الإصلاح يتم الإنفصال المحترم الهادئ دون تردد أو على الأقل يترك لها حرية الإختيار،ولو علم الطرف الثانى بالأمر صدفه أو عن طريق أحد ...يقع الطلاق فوراً حتى بدون إذن أو موافقة الطرف الأول"
أرجوكم محدش يضحك علىَّ ،أنا بتكلم جد والله مش بهزر، أنا استخدمت كلمات مهذبه فى الشرط وما رديت أقول "خيانه" أصلها بتوجع أوى.



-أعرف أننا عندما نولد تُوهَب لنا الحياه بلا ضمانات وأن القلوب من التقلب


انا أختصرت شويه منه..بس تفضل الفكره..هل ده ممكن ؟؟
مين عنده الاستعداد يعمل ده ...و شروطه ممكن تكون ايه

و يا ريت لو حد قانونى يفتينا ..لو حصل و اتحط شرط و ما اتفذش ممكن يكون ده سبب للطلاق على اساس ان العقد شريعه المتعاقدين
Go to the top of the page
 
+Quote Post
moon
المشاركة May 16 2007, 03:09 PM
مشاركة #2


عضو
**

المجموعة: Members
المشاركات: 36
التسجيل: 7-January 07
رقم العضوية: 2,681



ده بقي تهريج ورسمي كمان
يعني ايه لما اكتشفت ولو بمحض الصدفه يقع الطلاق وبدن اذن الطرف الاول 2))).gif ....يعني كده كأنها بتحط المسدس في الشوربه لجوزها .... ))11.gif
وبتحكم علي بيتها و حياتها الزوجيه بالفشل الاكيد

مش علشان الرجاله كلها خاينه ولا حاجه لا سمح الله ...لكن علشان هما علي راي (الليمبي) بيني ادمين
وشئ وارد انه ممكن يمر بنزوه ....او حتي يكون متخيل انه فيه علاقه حب بينه وبين واحده وهيا مش حب اصلا
او حتي هيا نفسها تتخيل انه فيه قصه حب بينه وبين واحده وهو يا حراااااااااام بيكون بيشتغل مع سكرتيره يعني كده كويسه كده و يتظلم بقي هو
و الله ديه واحده مخها طاقق وما تعرفش يعني ايه بيت ومسئوليه وجواز واسره واطفال .....
لو هيا نفسها تضمن قلبها إنه ما يتغيرش ناحيه جوزها تبقي تطالب بيه غيرها

ممكن اوي الحب يقل بعد الجواز او نقدر نقول شكله بيقل لكن الحقيقه انه بيأخد شكل تاني او بمعني اخر اشكال تانيه غير الاشكال الرومانسيه اللي كانت قبل الجواز
هيا نفسها ممكن قلبها يتغير و يخرج منه الشكل الرومكانسي ده ....هااااااا .....هاتعمل ايه ساعتها
هاتجري تطلق نفسها وتروح تحب حد تاني وتجوزه من اول وجديد ......بالذمه مش ده تهريج .... 1(()).gif و مخ واحده مش لاقيه عرسان اصلا فبتعيش في الدور ....
Go to the top of the page
 
+Quote Post
hopsan
المشاركة May 17 2007, 11:16 AM
مشاركة #3


عضو مميز
****

المجموعة: Members
المشاركات: 1,408
التسجيل: 30-January 07
البلد: البلد اللى هى ماريه و ترابها زعفران
رقم العضوية: 2,716



اللى إيده فى الشوربه مش زى اللى إيده فى الميه الساقعه
المثل ده معناه إن كاتبه الميل تتحدث عن ما سيكون و هى لا تدرى طبيعه العلاقه الزوجيه بعد الزواج ولا خبره لديها بهذا ... أليس من الأولى أن يكون هذا كلام صادر من واحده شبعت جواز و تودكت و عرفت راسها من رجليها فى حال وجودها مع رجل فى بيت واحد و شركه متكامله الأطراف ... أليس من حقها أن تنادى بهذا لما لها خبره حياتيه فى علاقه زوجيه
أعتقد واثقا بأن كلامها هذا و مفهومها ذاك سيتغير تماما عندما تمارس هذا الدور أما أن تحكم هكذا لمجرد المشاهده فقط فهذا الحكم و هذه الخبره فاشله
إختصارا للوقت عندما تتدخل الورقه و القلم و الشروط فى علاقه حساسه مثل العلاقه الزوجيه فذلك سيحكم على تلك العلاقه الفشل التام و تهرب النخوه و المروءه و العاطفه من الشباك و سيكون ما هو موجود على الطاوله حقى و حقك فقط ولا مراعاه لأى شعور حينها .. ندعو الأخت بالزواج الطبيعى دون شروط فهو أسلم لها و ما ينتج عن اى زواج من سلبيات لهو أمر طبيعى و يمكن معالجتها بأمور وضعت و معروفه للجميع و العيب هنا سيكون فى الكمياء او الظروف الغير مواتيه او السلوك الإنسانى أو عدم الوفاق ...


--------------------
Go to the top of the page
 
+Quote Post

Reply to this topicStart new topic
1 عدد القراء الحاليين لهذا الموضوع (1 الزوار 0 المتخفين)
0 الأعضاء:

 



RSS نسخة خفيفة الوقت الآن: 20th April 2014 - 12:19 AM