صيد البحر يا جماله, هات بوصه و تعالى اقف جنبى .. بس مش جنبى خيارات

[dolphinsmile]

[gatita]

انا بحب الصيد


كنت بروح انا و فان مكان اسمه اجوادوو بنصطاد فيه كنت بصطاد بس سمك قليل و صغير مش كثير يمكن 2 او 3


قبل ما نروح كنا بنصحى بدري و نجهز نفسنا لبس و كل حاجة و بنروح نجمع حلزون علشان نصطاد بيه من غابة صغيرة موجودة قبل اجوادوو

[darker19]

الموضوع ده جه في وقته أنا غاوي صيد بس مش عارف هوا أنا حظي وحش ولا بصطاد في وقت غلط ولا ايه الحكاية, الشهر الي فات طلعت أصطاد خمس مرات كل مره بروح أعشي السمك وأرجع معايا بواقي طعم وأخر مره اصطدت سمكه أد الكف و ركنتها ولسه برمي الصنارة الرمية الي بعدها طلعت قطه خطفتها وجريت.....

بس فاتعقدت, بس نفسي أرجع أصطاد, وخايف من القطط تطلع تخطف السمك تاني (قال يعني كل مره بيبقى فيه سمك)

[gatita]

موضوع جميل يا اوبسان

[gatita]

[hopsan]

بادىء ذى بدء لازم اعرف السمك ده بيعيش على إيه و إيه الطعوم المناسبه له ... يعنى كل نوع سمك له الطعم المناسب له و توجد انواع كثيره من السمك تشترك فى طعم واحد و الطعوم انواع عديده جدا منها ما هو طبيعى و منها ما هو صناعى و ليكن حديثنا على الطعم الطبيعى هذه المره و عندما اتحدث مباشره عن كيفيه تركيب الطعم اذا انا فى الدرس الخامس او السادس ..لأن الدروس السابقه ما هى إلا تعريفات بالسمك و انواعها و اصنافها و اماكن الغالب تواجدها و اوقات تكاثرها و الأعماق التى تتواجد بها و درجات ملوحه الماء و هذا سنأتى له فى سياق الحديث
نقطه احب انا اشير إليها هى لست انا فقط الذى يتولى الشرح هنا فالمكان متسع لمن له الدرايه بأساليب الصيد و اخص هنا استاذى ابو حميد المصرى فى الرد على الإستفسارات التى سوف تورد من الساده الأعضاء فهو لن يبخل على احد ... ارحب بالسيدات و الساده الحضور و ارحب بصفه خاصه بأخى darker19 و سعيد بأن تكون اول مداخله له فى صفحتنا المتواضعه
من الآن و حتى اكون منصف سوف استعين بجانب الصور المتوفره لدى بصور من قام بالتصوير و طالما الغرض فى النهايه هو خدمه عامه و توضيح الشرح بالصور فأنا استسمحهم فى لطش بعضا من صورهم
نعود لموضوعنا وهو الطعم

علبه السنانير و بها انواع و احجام و مقاسات و لكل نوع او حجم سمك له رقم سناره



ده نوع فرنسى و هو معه الألمانى يعدان من الأنواع الجيده جدا
و هناك انواع صينيه من ابو بلاش .. بس تمشى



ده شعر مقاس 70 و معه ثقل يصل وزنه ل 15 جرام
و الشعر المناسب للشواطىء فى حدود ال 40





و ده الشعر و له مقاسات عده و يفضل النوع الفرنسى ايضا



اول خطوه فى تجهيز السناره



الخطوه الثانيه




يتبع

[hopsan]

ثالث خطوه و دقق فى الصوره و كبرها لو وجدت صعوبه فى التتبع

فى الخطوه الرابعه شد الشعر بقوه


فى الخطوه الخامسه ..اصنع عقده عند المسافه دى



سادس خطوة المسافة تعتمد على المنطقة التي تصيد بها اما ان تكون رميلة المسافة هذه جيدة
وجود شعاب مرجانية حاول تصغير المسافات المرفقة بلصورة


سابع خطوة اختر المقاس المناسب للبرغوته ( الجمبريايه ) الكاملة



ثامن خطوة مهمة للغاية بهذه العملية تدخل السنارة من البطن وتخرجها من الزيل وبهذه الطريقة تختبئ السنارة كلها في البرغوته وتكون غير ظاهرة


يتبع بحرفنه

[hopsan]

من آن الى آخر سأقوم بتحميل بعص صور الصيد سواء من ارشيفى او من بعض الأصدقاء زملاء الهوايه فى مصر او من الدول الأخرى

دى مجموعه اسماك عباره عن بطاطا ,براكودا,مرجان,وقار,و البورى الأصلى بتاع بلاده مش مزارع

[hopsan]

ميزه الصيد هى انها لا تحتاج لسن معين للتعلم ولا تحتاج لمجهود عضلى كبير ( لا اقصد صيد الجر ) و انما تحتاج فقط للنيه و الرغبه و ايضا نيه الصبر و لا اقول الصبر ذاته لأن الصبر سيأتى رغما عنك بعد اول سمكه تصيدها
حلل خبراء العلم النفسى بأن الصيد يدخل فى قائمه الإدمان نظرا للعائد الذى يأتى من الغيب و المكسب و الخساره وارده و كل صياد يمنى نفسه بالمكسب و هذا شىء اكيد
و الشىء الآخر لا يستطيع الصياد أن يحدد متى سيتوقف عن الصيد إلا اذا كان هناك سبب قهرى يمنعه من مواصله الصيد مثلا إنتصاف الشمس فى السماء او غروبها او نفاذ الطعوم او تغير حاله البحر او اى سبب آخر يمنعه من مواصله صيده.... الصياد فى النهايه طماع و كل ما زادت حصيلته زاد طمعه فى صيد اكثر
نلاحظ العامه من الناس عندما يمرون بجوار صياد اول شىء يفعلونه و بعفويه أن ينظرون فى جعبه الصياد و مشاهده ما صاده و يغبطون المنظر إذا كانت حصيله الصيد وافره و ذلك لإعتقادهم ان الصيد أتى عن طريق صياد محنك و ان ما يستخرج من البحر لهو طبيعى و طازج مائه فى المائه و لكن الصياد قد لا يعجبه هذا نظرا لإعتقاد ان ( السمك بيتنظر )الحسد قد يمنعه من الإستزاده فيقوم بتغطيه ما صاده .. و بعض الناس قد يتخطون عتبه الحرج و يسألون الصياد ( إصطدت إيه النهارده ) و لو كان معهم اطفال فتكون مهمتهم اسهل
ده حسن ... واد لهلوبه فى الصيد

عاده الصيادين عندما يصطادون بجوار بعضهم فإنهم يتصادقون بطريقه عفويه و كثيرا ما يساعدون بعضهم ( عدا المبتدئين منهم الذين يرفضون المساعده و يتمنون مغادره كل الصيادين ليلتهم الصيد كله بنفسه و نسى انها ارزاق )
الصياد ينقسم ذهنه لنصفين .. النصف الأول يوظفه لصيده و ما يصيده .... اما نصفه الآخر فيوظفه لمراقبه ما يصيده الآخرون فيما يصيدون و احيانا يقوم بوظيفه العداد ليعد رزقهم و هنا تطفو الخبايا الخبيثه للصياد و نسى ايضا انها ارزاق
اقول لأستاذى الذى لم يدلو بدلوه للآن ابوحميد المصرى أن صيد الصياد سهل جدا بمعنى أن اسرد مقوله خطأ او اخطأ فى تصنيف نوع سمك ليغلى الدم فى عروقه و يحمر وجه ليدخل الحلبه عصبيا متجهما ليصحح ما اخطأت فيه و ساعتها يكون تم صيده ...... فمن باب اولى ادخلها معزز مكرّم

[Abouhemeed Al Ma...]