كان نفسك تكون ليك هواية معينة ؟؟ خيارات

[ابو ايمان]

هوايتى كانت لعبة كرة القدم اعرف انها شائعة بين الاخوه المحاورين ولكنى كنت موهوب بكرة القدم ولعبت مع ناشئ فريق الشرقية تحت 15 سنه لدرجة اننى والحمد لله كنت مشهور داخل النادى بموهبتى .

ولكن للاسف هذه الموهبه قتلت

عندما تقدمت للعب مع فريق الشرقية تحت 18 سنه وذلك بسبب اصابه او بمعنى اصح عاهه مستديمة

حدثت نتيجة وانا طفل اخذت حقنه وابره الحقتنه دخلت فى عظم رجلى وعملت لى شلل للرجل اليمنى ومع العلاج والحمد لله خفت ولكن تركت اثر لان فتره العلاج جعلت الرجل اليسرى تنموا عن الرجل اليمنى وحصل فرق فى الطول والحجم وظهر هذا الفرق واثر على مع بمرور سنه وراء سنه

المهم عند الكشف الطبى طبيب الفريق قال لى لا يمكن ان تلعب كره القدم وذلك لانك كل سنه سيظهر هذا الفرق ويؤثر عليك وعلى مجهودك .

وللاسف دفنت عندى موهبه جميله كنت احبها واتفنن في مزاولتها

كل ما اقوله الان الحمد لله على كل شيئ .

[بنــ النيل ـت]

كان نفسى اتعلم الخط العربى والرسم وخصوصا الرسم على الزجاج

وسبب حبى لهذا راجع لحبيبى اخويا الكبير لانه مدرس زخرفه وكنت اقعد معاه واشوفه وهو بيرسم على الزجاج او بيقوم بتلوين احد الرسومات
وايضا الخط
فكنت اتعجب واتمنى ان استطيع فعل هذا العمل الرائع رغم اننى كنت امارس لعبه رياضيه كنت ايضا احبها كنت كابتن فريق كرة اليد لنادى بورسعيد
ولكنى للاسف دراستى كانت التجارة ولكن فى احد الايام قررت الالتحاق بمدرسة الخط لتعلم الخط العربى
وعلى بال ما فكرت وناويت كنت اتجوزت وحضرت الى الكويت ولكنى الى الان اتمنى التعلم

تم تحرير المشاركة بواسطة بنــ النيل ـت: Mar 7 2007, 04:49 PM

[finetouch]

الهوايه اللى كنت عاوز اعمل منها حاجه........... الفخار والخزف ولما كانت الاسكندريه بعيده عن هذا المجال كنت انتهز اى فرصه وانا فى القاهرة للذهاب الى منطقه الفواخير واترازل على الناس هناك شويه واقعد اتفرج واسال وقابلت ناس فنانين فعلا مثل مندور واخوة واقتنيت بعض قطع منهم .
دى الهوايه الوحيدة اللى كنت عاوز امارسها بس ما حصلش.
لكن مارست هوايات كثيرة منهم ما اندثر ومنهم ما استمريت فيه ومعظمها هوايات يدويه وتربيه نباتات واى حاجه حيه الا البراص والتعابين(كان عندى صاحب مربئ تعبان مرة رحت له لقيته محتاس ايه ياعم ..التعبان هرب..لقيناه فى الطرقه رايح ناحيه الحمام وتم اعتقاله ) ومره لقى بيض برص اخدة وحطه فى برطمان لغايه ما فقس .
وكان مربى جمبريتين كبار فى حوض والغريب فى الجمبرى انه لما يغير قشرته وقت النمو بيقلعها زى ما يكون واحد بيقلع بدلته ويترك القشرة بالكامل ويقعد فترة ضعيف و مستخبى لغايه ما القشرة الجديده تجمد وتبقى قويه .

[مشاعر]

من زمان
وانا نفسى اتعلم الرسم على اصولة
وخصوصا ان ايدى حلوة فى الرسم وييجى منى

ودلوقتى نفسى اتعلم تنسيق الزهور
وعمل الاكسسوار
بس ماعرفشى فين وازاى ممكن اخد الكورسات دة

[algnalbky]

طول عمرى بحب البحر و الصيد و كان نفسى اتعلم السباحة و الغطس
بس خلاص باه و مضى قطار العمر يا عمى

[finetouch]

اول خطوة لتعلم السباحه..............



ان تكون عندك الثقه بالنفس....................




وتقذف نفسك فى الماء مثل هذا الطفل..........................















تم تحرير المشاركة بواسطة finetouch: Jun 30 2007, 02:18 AM

[ragab]

كنت رسام أشخاص
مثل بروف أو تلميذ له
وبعض من بروفيلات الأهل
ورسمت كل أعضاء مجلس الثورة بالفحم

ثم اكتشفت أنه انقلاب فكرهت الرسم
وندمت

[algnalbky]

[قمر الليالي]

كان نفسي اكون مهندسة ديكور..
او محللة نفسية

[مشاعر]

بروف
الجن
اللهو
كل فنانى المنتدى الجامدين اوى اوى
انا بجد نفسى اخد كورسات رسم على بداية العام الدراسى
لانى عندى ثانوى واعدادى
يعنى لازم حاجة اطلع فيها طاقاتى
والا هموووووووووت


ينفع ولا لا
على فكرة انا مش ميح
انا تلميذة كويسة وعندى لمسة فنية حلوة واحساس فنى مش بطال
وكتير رسمت حاجات كويسة جدا
بس زمان
وعايزة ابتدى من الاول خالص

عايزة اعرف حقيقى
فى اماكن معينة متخصصة للتعليم ؟
او ممكن القسم الحر فى كلية فنون ؟
اللى عندة فكرة لمكان معين ممكن اتعلم فية
ياريت يقولى
وهدعيلة
يبقى احسن واشهر من بيكاسو