الشنطة دي فيها ايه خيارات

[gatita]

الشنطة دي فيها مفاتيح

[مصرية]

هي صاحبة الشنطة راحت فين سابتها هنا ومشيت؟


يبقى أكيد



فيها قنبلة

[Smart]

[farida]

هي صاحبة الشنطة راحت فين سابتها هنا ومشيت؟

امشاط ..موس..فوطة..كولونيا..توفي..دود..فيل
روب ابيض..قنبلة ..

سكينة ايييييييييييييييه الشطارة دي
صح برافو عليكي جاتي بجد

الشنطة دي فعلا فيها مفاتيح وكل مفتاح فيها هيفتح موضوع
ياريت تفتحوا انتو كمان مواضيع بالمفاتيح اللي فيها

ويلا بينا نشوف اول مفتاح يا تري هيفتح ايه

[farida]

نشوف المفتاح الاول دخلنا علي ايه
ااااااااه دخلنا علي موضوع بيفتح كلام عن المراة

كان فيه قول لكاتبنا العظيم نجيب محفوظ بيقول فيه:
" كلما رأيت امرأة ، رأيت الحياة تسير على قدمين "
وطبعا احنا عارفين ان المراة دايما بتمثل لغز للرجل
مرة يوصفها علي انها ملاك ومرة يوصفها بامنا الغولة
ودايما بيشعر ان المراة لغز ملوش مفتاح..
لكن ..
وانا بتمشي بين كتبي لقيت كتاب كنت اشتريته من سنين
لاديب اسمه خالد محمود صنف المراة فيه ل نوع
وكان بيحاول يحل لغز المراة مساعدة للرجل المقبل علي الجواز

وقال فيه :ان المراة مخلوق جميل لا يستطيع اي منا الاستغناء عنه ولكن
احترس..المراة ستة عشر نوعا ؟

لما نشوف النوع الاول هيوصفه ازاي وينصح الرجل بايه

تم تحرير المشاركة بواسطة farida: Oct 29 2006, 08:27 PM

[farida]

نبتدي نشوف حكاية اول نوع صنفه المؤلف

1- المرأة المسيطرة


بيقول انه نوع من المرأة منتشر كتير وانه خطر علي الحياة الزوجية
وانها عايزة تكون سيدة كل شيء حتي الشيء نفسه .
وبيقول انها لما بتوصل لسن الاربعين الحياة معاها لاتطاااق
وانها بتوقف سنها مدي الحياة علي الاربعين

و ان اسلحتها اللي بتتسلط بيها علي الراجل وتقيده عبارة عن
تحبيشة تشنجات علي شوية عصبية ومفيش مانع لحبكة درامية
محكمة من الاغماء..
يعمل ايه الراجل ساعتها مؤلفنا بيقول يضطر انه يلبي طلباتها
وينفذ اوامرها

وصفات هذه المرأة قبل الجواز بتكون كالاتي :
1- جريئة العينين.
2-عصبية الي حد ما قبل الخطوبة.
3-مدعية للمعرفة الزائفة.
4-جاحدة القلب.
5-غير غيورة لثقتها الزائدة بنفسها.
6-تحب اكثر من مرة وتجري وراء المال مهما كان الطريق.

وهنا بيوصفها المؤلف بعد الجواز

1- متسلطة الراي.
2-تكره اقارب زوجها وتفضل اصدقاءه.
3-ينتهي مفهوم الامومة عندها في الاربيعنات وتبدا في النظر
لشخصها.
4- تصبح ايضا في هذا السن انانية الي ابعد الحدود.
5-وتنفر بعد الاربعين من كل من حولها حتي اقرب الناس.

يظهر عقدة هذه المراة هو سن الاربعين ده انا اللي بقول

طبعا المؤلف بينصح الرجل انه يبتعد عن هذا النوع
اذا كان محتاج حياة هادية ..
لكن اذا ارتبط معاها مثلا بقصة حب المؤلف كتبله
علي شوية مسكنات

1- يجب ان تعاملها بحكمة وكل اتزان

2- لا تعطي لها الفرصة في تقرير شيء.

3-ضع لها حبك في كفةميزان وضع رايك في الكفة الاخري
وساومها ويعني لو فاصلت قلول يفتح الله..وانت الكسبان..

4-عليك ان لا تبرز حبك لها لانها سوف تصنع منه ثغرة
للوصول الي اهدافها.

5-لا تدع لها فعلا لم يرضيك بدون عقاب ساخن
لكن اوعي لازم تكون هادي لانها عصبية جدا.

6- هذا النوع يجب ان يكون مالكا لمرتبك
فلا تعطيه الفرصة لذلك ولا تغفر لها
ان حاولت في يوم التطفل علي حافظة نقودك.

7-اذا بدات معها حياتك الزوجية بالفعل فكن حريصا
فان هذه المراة تحب ان تكون كل قطعة اساس كبيرة وصغيرةباسمها.

شكل المؤلف عامل من البحر طحينة

[مصرية]

شوقتينا يا فريدة يلا كملي باقي الأنواع

[farida]

بكرة يا مصرية هكتب نوع اخر
علشان نشوف رد الفعل ايه علي الرجل
هيستوعب حل الالغاز قبل ما يقدم علي الجواز

لكن ايه رايك في المفتاح
المفتاح الجاي عليكي

[مصرية]

[farida]

قدامك فرصة تفكري براحتك
لسة احنا بنقول يا هادي في اول نوع
السكة طويلة لسة