IPB

مرحبا بالضيف ( دخول | التسجيل )





2 الصفحات V   1 2 >  
Reply to this topicStart new topic
> الأرض
Hesham
المشاركة Aug 12 2006, 01:46 AM
مشاركة #1


عضو دائم
*****

المجموعة: Members
المشاركات: 10,504
التسجيل: 12-January 02
رقم العضوية: 7



user posted image


للكاتب الكبير الراحل: عبد الرحمن الشرقاوى .. من فيلم "الأرض":

مشهد أرجو أن تؤثر كلماته، ولو حتى فى قليل من الناس:



ـــــــــــــــــــــــــــــــــــــــــــــــــــــــــــــــــــــــــــ


user posted image

محمد أبو سويلم: أيوة أيوة ..
حاربنا سوا أيام الإنجليز وايام السلطة
روحنا الشام فى عز البرد والتلج نحارب
شوفنا الموت بعينينا، لا خوفنا ولا ولينا
دفننا بإيدينا ناس فى التلج
ليه؟؟
لإننا كنا رجالة ووقفنا وقفة رجالة
وفى ثورة 19 حاربنا مرة تانية مع سعد باشا
حرقناغيطان، قطعنا السكة الحديد ضد الإنجليز
ضربونا .. حبسونا .. مات مننا أولاد
إنما كننا رجالة ووقفنا وقفة رجالة
وفى الإنتخابات اللى فاتت .. بلاش نتكلم عن النتيجة
إنما إحنا وقفنا معاك يا شيح حسونة، وسمعنا كلامك
كانت النتيجة إيه؟؟
إنضربنا .. إتهاننا
لكننا كننا رجالة ووقفنا وقفة رجالة
لما كانت حياتنا متعلقة بشعرة، وبيننا وبين الموت خطوة واحدة
ما خفناش .. هجمنا بصدورنا .. حاربنا عدونا
ليه؟؟
لأننا كننا رجالة وواقفين وقفة رجالة
وبعدين !! دلوقت بقينا فين؟؟
كل واحد راح لحاله .. كل واحد شق طريقه .. كل واحد افتكر نفسه ونسى الباقيين.
إنت!!
إنت يا شيخ حسونة!!
إنت سبت البلد ورحت البندر علشان تاكل العيش الأبيض المتمرغ فى تراب الميرى ..
والشيخ يوسف!!
يا عينى عالشيخ يوسف!!
فتحله دكان علشان يشد لقمة العيش من بصلة الفلاحين الغلابة ..
وأنا!!
أنا إيه؟؟
أنا راخر .. أنا راخر فضلت كافى خيرى شرى، فضلت عايش وساكت وصابر، وعايش على أيام زمان، على أمل تيجى فيه يا شيخ حسونة وتنفخ فى صدورنا علشان نصحى من جديد ..
نصحى من جديد ..
لكن فين!!
فين!!
كانت أيام .. أيام زمان اللى ما تتعوضش
كان عندنا مروءة
كان عندنا قلب
كنا رجالة
كنا فخر البلد
شرفها وزينتها
وأدى النتيجة اللى وصلنالها دلوقت!!
قاعدين نتكلم، ونشكى، ونولول زى النسوان
اتفضل يا شيخ حسونة .. أدى عبد الهادى، وأدى محمد، وأدى دياب، وأدى عبد الرحمن، وغيرهم كل أولاد البلد .. قاعدين يتفرجوا علينا وإحنا حاطين إيدينا على خدنا، وعمالين نتكلم ونلطم زى النسوان ..
اللى يقول بكرة تتعدل ..
واللى يقول الصبر طيب ..
واللى يقول كلام ..
واللى ما يعرفش يقول إيه ..
بقينا عايشين فى كلام
نايمين فى كلام
ساكتين فى كلام
كل حياتنا بقت كلام فى كلام .........


user posted image

الشيخ حسونة: آه يا راجل يا عجوز انت .. والله وقدرت تهزنى زى زمان ..

الشيخ يوسف: والله وفكرتنى بالشيخ حسونة ايام شبابه ..

الشيخ حسونة: [color=blue]أبو سويلم يا راجل يا أصيل، سامحنى .. أنا يمكن الدنيا غلبتنى، بس نعمل إيه دلوقت؟؟ يا ترى حنقدر نقف على رجلينا تانى؟؟ أنا عمال أقلبها فى دماغى يمين وشمال، مش لاقيلها حل!!


الشيخ يوسف: يا سيدى ايام شبابنا لا كنا بنقلبها ولا نحسبها ..

الشيخ حسونة: ولا دلوقت كمان ..
إسمع يا ابو سويلم، أنا حأفضل معاك هنا، حأفضل معاك لحد ما تاخد حقك، والبلد كلها تاخد حقها، ورجلى على رجلك ..
ومطرح ما تسرى!!


user posted image

عبد الهادى: يبقى نرمى حديد الزراعية فى الترعة.

الشيخ يوسف: عفارم عليك يا أبو سويلم ..

عبد الهادى: أيوة، نرمى الحديد فى الترعة.

أبو سويلم: عفارم يا عبد الهادى.

محمد أفندى: أحسنها فكرة، وما يجيبها إلا رجالها، أى كدة.

دياب: أيوة .. أيوة نرمى الحديد فى الترعة.

الجميع: أيوة ............


بعد رمى الحديد فى الترعة ...


عبد العاطى: العمدة سمع برمى حديد الزراعية .. طب مات.

العرباوى: أحسن، يبقى خلصنا من حديد الزراعية والعمدة فى يوم واحد.

user posted image


=====================


تعليق:

ما أشبه يومنا هذا بالبارحة وبكل أيام تاريخنا الحديث ..

الفارق بين أيامنا هذه، وبين أيام آباءنا الذين لازالوا يعيشون بيننا، وبين أيام اجدادنا وأجداد أجدادنا ..
أنهم كانوا رجالة ووقفوا وقفة رجالة ..
إنما إحنا .. إحنا إيه!!
كملوا انتوا .. wacko.gif

تحياتى
هشام ,,


--------------------
user posted image
الله ثم الوطن

Go to the top of the page
 
+Quote Post
فانتوماس
المشاركة Nov 22 2006, 06:24 PM
مشاركة #2


عضو نشيط
***

المجموعة: Members
المشاركات: 472
التسجيل: 1-November 06
رقم العضوية: 2,632



اقتباس (Hesham @ Aug 12 2006, 01:46 AM)

تعليق:

ما أشبه يومنا هذا بالبارحة وبكل أيام تاريخنا الحديث ..

الفارق بين أيامنا هذه، وبين أيام آباءنا الذين لازالوا يعيشون بيننا، وبين أيام اجدادنا وأجداد أجدادنا ..
أنهم كانوا رجالة ووقفوا وقفة رجالة ..
إنما إحنا .. إحنا إيه!!
كملوا انتوا .. wacko.gif

تحياتى
هشام ,,

والله هى دى الحقيقة فعلا....حاجة تكسف 8LLL.gif يعينى عليكى يا بلد!! كان عنك حق يا شحرورة:
اقتباس
"ايه شعورك و انت كيس جوافة"
....ده مش كيس ده قفص!

--------------------
Shine on you crazy diamond
Go to the top of the page
 
+Quote Post
Elsha7rora
المشاركة Nov 22 2006, 10:04 PM
مشاركة #3


عضو نشيط
***

المجموعة: Members
المشاركات: 143
التسجيل: 7-November 06
رقم العضوية: 2,633



أنا راخر .. أنا راخر فضلت كافى خيرى شرى، فضلت عايش وساكت وصابر، وعايش على أيام زمان، على أمل تيجى فيه يا شيخ حسونة وتنفخ فى صدورنا علشان نصحى من جديد ..
نصحى من جديد ..
لكن فين!!
فين!!
كانت أيام .. أيام زمان اللى ما تتعوضش
كان عندنا مروءة
كان عندنا قلب
كنا رجالة
كنا فخر البلد
شرفها وزينتها
وأدى النتيجة اللى وصلنالها دلوقت!!
قاعدين نتكلم، ونشكى، ونولول زى النسوان
اتفضل يا شيخ حسونة .. أدى عبد الهادى، وأدى محمد، وأدى دياب، وأدى عبد الرحمن، وغيرهم كل أولاد البلد .. قاعدين يتفرجوا علينا وإحنا حاطين إيدينا على خدنا، وعمالين نتكلم ونلطم زى النسوان ..
اللى يقول بكرة تتعدل ..
واللى يقول الصبر طيب ..
واللى يقول كلام ..
واللى ما يعرفش يقول إيه ..
بقينا عايشين فى كلام
نايمين فى كلام
ساكتين فى كلام
كل حياتنا بقت كلام فى كلام ......... 1-history.gif
بكره الارض تتباع علشان الناس ترتاح من المشاكل شفتوا بقا جنابوا بيحبكوا وعايز يريحكوا ازاى وانتوا شعب ناكرالجميل بردوا...


--------------------
[font=Courier][b]<span style='font-family:Optima'><span style='font-family:Impact'><span style='font-family:Courier'>"إن حظى كدقيق فوق شوك بعثروه ، وقالوا لحفاة يوم ريح أجمعوه ، فقالوا إن من أشقاه ربى كيف أنتم تسعدوه"</span></span>[
Go to the top of the page
 
+Quote Post
Hesham
المشاركة Nov 22 2006, 11:34 PM
مشاركة #4


عضو دائم
*****

المجموعة: Members
المشاركات: 10,504
التسجيل: 12-January 02
رقم العضوية: 7



يبقى نرمى حديد الزراعية فى الترعة

وبعدها أكيد أكيد أكيد .. العمدة حيطب ساكت

ونبقى خلصنا من حديد الزراعية والعمدة فى يوم واحد

هـــــــــــــــــــــا ... فين عبد العادى ومحمد وباقى ولاد البلد؟؟ thinkkkkk.gif



--------------------
user posted image
الله ثم الوطن

Go to the top of the page
 
+Quote Post
أحمد باشــا
المشاركة Nov 23 2006, 12:23 AM
مشاركة #5


عضو مميز
****

المجموعة: Admin
المشاركات: 4,036
التسجيل: 11-March 06
البلد: مصـــر
رقم العضوية: 2,520



اقتباس
ونبقى خلصنا من حديد الزراعية والعمدة فى يوم واحد


أنا في رأيي أننا نخلص من أبن العمدة يقوم العمدة يطب ساكت 1(()).gif


--------------------
Go to the top of the page
 
+Quote Post
Prof
المشاركة Nov 23 2006, 12:50 AM
مشاركة #6


عضو مميز
****

المجموعة: Admin
المشاركات: 8,166
التسجيل: 11-January 02
رقم العضوية: 1,000



اقتباس (اللهو الخفي @ Nov 23 2006, 01:23 AM)
اقتباس
ونبقى خلصنا من حديد الزراعية والعمدة فى يوم واحد


أنا في رأيي أننا نخلص من أبن العمدة يقوم العمدة يطب ساكت 1(()).gif

نرميه في الترعة؟ كلاوي وكبد الناس مش ناقصة..
نرميه في الرشاح؟
Go to the top of the page
 
+Quote Post
الـنـديــم
المشاركة Nov 23 2006, 01:53 AM
مشاركة #7


معادتش تفرق معايا !
****

المجموعة: Members
المشاركات: 1,145
التسجيل: 3-February 02
البلد: حيث ألم
رقم العضوية: 118



>>


مــــن ديـــــالــــوج : عن السلطة والمعارضة

- تغيير النظام الدكتاتورى ضروري، ويجب ان يحصل.
- تغيير نظام جاء على ظهر دبابة، بآخر يجيء على ظهر دبابة، ليس تغييرا. انه تكرار. والتكرار الذى جربناه مرارا لم يعلم الحمار. فما الحاجة الى تكراره مرة أخري. ألم يحن الوقت لكى نجرب شيئا جديدا؟
- ما هو الشيء الجديد الذى تقترحه؟
- لا شيء. اترك الحياة تأخذ مجراها الطبيعي. التغيير عن طريق سفك الدماء لن يوصل الا الى نتيجة واحدة: المزيد من سفك الدماء. لقد آن الأوان لدورة العبث هذه ان تتوقف.
- ما السبيل إذن، لازاحة الطاغية؟
- ياسيدي، وما فائدة ان تأتى بطاغية آخر، او حتى بمجموعة طغاة آخرين؟ ما نحتاجه هو ان نتخلى عن ثقافة الطغيان. ان نتخلى عن ثقافة التغيير بالقوة. الحياة هى قوة التغيير الأهم.

- اذن انت تريد ترك الأمر للصدفة وللزمن.
- للزمن نعم، ولكن ليس للصدفة.
- لا تتفلسف.
- حسن. لن اتفلسف.. ما اعنيه هو ان الزمن يتحرك وفق قوانين التراكم الطبيعية، فتتغير بموجب هذه القوانين ثقافة السلطة وثقافة المجتمع، الامر الذى يجعل التغيير هادئا وباردا وايجابيا، وفى الوقت نفسه عميقا، لانه سيكون صادرا عن تغيير فى المستوى العام للثقافة.
- المستفيد الوحيد من فلسفتك هذه هو الدكتاتور.
- دعه يستفيد. لا مانع لدي.
- هذه جريمة بحق الشعب.
- أى شعب؟
- الشعب المناضل من اجل الحرية والديمقراطية؟
- وماذا عن الشعب الذى يصفق للدكتاتور، أليس هذا شعب أيضا؟
- شعب، ولكنه خائف.
- وما فائدة ان تقف الى جانب شعب خائف ؟ الشعب الذى يخاف يستحق الدكتاتور الذى يتسلط على رأسه.. ببساطة لانه شعب عاجز. وكل حكومة مقبلة ستظل تعامله على انه كذلك. وستظل تقوده بوسائل الخوف والترهيب باستمرار. فما الفائدة؟

- انت لست معارضاً للسلطة، ولكن يبدو انك معارض للشعب نفسه.
- نعم، انا معارض للشعب.. الشعب الذى يرخى حباله للطغاة، والذى يتحول الى أداة لاستبدادهم، والشعب الذى يصمت على الجرائم التى ترتكب ضده، والشعب الذى يتحول الى شعب وشاة ومخبرين وجلادين، هذا الشعب يستحق كل ما يحصل عليه.
- بمعنى آخر انت تقول انه بدلا من تغيير النظام، يجب تغيير الشعب.
- إسم الله عليك.. نعم، هذا صحيح تماما. واود لو اتمكن من تشكيل حركة سياسية تخطط لتغيير الشعب.

- ومن سيدعم هذه الحركة؟
- لا أدري.. لا اعتقد ان احدا سيدعمها. ولكن المسألة تستحق المحاولة.
- كيف يمكن تغيير الشعب؟ هل تريد ان نستورد شعبا آخر؟
- سأكون ممتنا لو امكن طرد الشعب برمته الى البلدان المجاورة، والسعى للحصول على شعب سويسري.
- ولكن هذه المحاولة ستبوء بالفشل.
- نعم. بكل أسف. سويسرا سوف تحتج.
- ما العمل إذن؟
- يمكن اقامة دورات تأهيل جماعية مثلا، لمعالجة المصابين بلوثة العنف والقوة.
دورات لتعليم المجتمع بان ادارة السلطة لا تتطلب توترا زائدا عن الحاجة. وان الاختلاف فى الرأى ليس مصيبة. وان المعارضة الحرة يمكن ان تكون مفيدة للسلطة، لانها تحضها على تحسين أدائها. وهكذا...

اعنى أشياء من هذا القبيل يتلقاها الشعب فى دورات جماعية مثل دورات محو الأمية، يتعلم من خلالها معنى الحوار، ومعنى الإصغاء للطرف الآخر، وكيف يمكن النظر الى الأشياء من جوانب مختلفة.

- مع ذلك فان القضاء على سلطة الاستبداد يتطلب نضالا ومناضلين.
- نعم، ولكن النضال يتوجب ان يتوجه ضد الجهل والتطرف والعنف أولا.
لا تستطيع ان تهزم سلطة الاستبداد قبل ان تهزم ثقافة الاستبداد.

- ولكن ألا تلاحظ انك تضع العربة أمام الحصان؟
- لا أدرى ان كانت هناك عربة أو حصان أصلا.. وعلى أى حال لا العربة عربة ولا الحصان حصان.
- إفصح قليلا.
- اعنى ان ثقافة الاستبداد هى التى تنتج الطغاة، وليس العكس. لو كانت لدينا ثقافة سويسرية، ما كان من الممكن ان ننتهى الى ما انتهينا اليه.
- عمليا، انت تتستر على أفعال السلطة بالقاء اللوم على الشعب.
- إطمئن.. فاعمال السلطة فضيحة بجلاجل. وشعبك المناضل هو الذى يتستر عليها.
- المعارضة تعتبرك عميلا للسلطة، فماذا تقول؟
- شكرا.
- السلطة تعتبرك خائنا، فماذا تقول؟
- شكرا.
- ولكنك هكذا تخسر الجانبين معا.
- ومن قال انى اريد ان اكسب أى منهما أصلا؟
- ألا ترى انك بهذه الصورة تفقد دورك.
- عندما يكون لدورك معني، لن تفقده أبدا.
- وما المعنى فى ان تكون مُعاديا للسلطة والمعارضة فى آن واحد؟
- المعنى هو ان تقول لهما، انهما معا يجانبان طريق الصواب.
- ستخسر. وسيفوتك قطار التغيير المقبل.
- لا بأس. لن تكون هذه هى المرة الأولي..
لست ممن يلحقون بجميع القطارات. كما هو حال جماعتك من المعارضة.
- هذا يثبت انك متذبذب دائما.
- وهذا يثبت انك مناضل وطاغية.




<<


--------------------


الحــريــة لأســرانـا

حدث العاقل بما لا يعقل .. فإن صدّق .. فلا عقل له
Go to the top of the page
 
+Quote Post
مصرية
المشاركة Nov 23 2006, 08:42 AM
مشاركة #8


عضو مميز
****

المجموعة: Members
المشاركات: 2,041
التسجيل: 11-September 06
رقم العضوية: 2,604



استعنا على الشقا بالله

الموضوع ده له صلة بموضوع الأرض


--------------------
اللهم إني أعوذ بك من شر نفسي ومن شر الشيطان وشركه وأن أقترف على نفسي سوء أو أجره إلى مسلم
Go to the top of the page
 
+Quote Post
Anarchist
المشاركة Nov 29 2006, 09:45 PM
مشاركة #9


عضو نشيط
***

المجموعة: Members
المشاركات: 810
التسجيل: 7-August 06
رقم العضوية: 2,591



اقتباس (Hesham @ Aug 12 2006, 01:46 AM)
الفارق بين أيامنا هذه، وبين أيام آباءنا الذين لازالوا يعيشون بيننا، وبين أيام اجدادنا وأجداد أجدادنا ..
أنهم كانوا رجالة ووقفوا وقفة رجالة ..
إنما إحنا .. إحنا إيه!!
كملوا انتوا ..  wacko.gif

صحيح ..

احنا ايه !

8(-_.gif



تم تحرير المشاركة بواسطة Anarchist: Nov 29 2006, 09:46 PM

--------------------
عندما تدرك أنه بمقدورك أن تكون شجاعًا.........عليك أن تكون حكيما
Go to the top of the page
 
+Quote Post
Hesham
المشاركة Nov 30 2006, 04:31 AM
مشاركة #10


عضو دائم
*****

المجموعة: Members
المشاركات: 10,504
التسجيل: 12-January 02
رقم العضوية: 7



اقتباس
- تغيير نظام جاء على ظهر دبابة، بآخر يجيء على ظهر دبابة، ليس تغييرا. انه تكرار. والتكرار الذى جربناه مرارا لم يعلم الحمار. فما الحاجة الى تكراره مرة أخري. ألم يحن الوقت لكى نجرب شيئا جديدا؟


طيب .. شوف معايا يا نديم ..

تاريخ البشرية المدون، عمره حوالى 7000 سنة.

خلالهم، تغيرت أمم وحضارات وممالك وإمارات وجمهوريات بعدد السنين الـ 7000

هل تعرف واحدة منهم، قامت بدون القوة؟ أو حسب التعبير الشائع: بدون العسكر؟ smile.gif


عجبى عليك يا مثقفنا العربى .. لما السياسى الصهيوأمريكى يضحك عليك ويسخر منك، ويبيعلك شعارات وأفكار إستسلامية خنوعية مُذِلَة، على انها هى الحضارة، وهى التقدم، وهى الرقى، وهى المستقبل، وأنت بمنتهى الغشومية تصدقه وتاخدها منه وتروجها بين أهلك نيابة عنه .. وهو قاعد بعيد ميت من الضحك عليك وعلى سذاجتك .. ومستغرب انك لم تسأله وهو يبيعلك هذا الهراء عن أصل حضارته وعن أساس دولته وعن أصول تقدمه وعن جذور دولته بأفكارها!!!!!!

وبلاها أصوله وجذوره .. خلينا فى أقرب تاريخ .. لأ .. خلينا فى الحاضر، وبلاها تاريخ خالص ..
لماذا ذهبوا لينشروا الحضارة والديموقراطية والتقدم فى العراق .. على ظهر الدبابة؟ thinkkkkk.gif
مش واجب عليك يا مثقف يا عربى، تستفسر منه قبل ما تنشر أفكاره؟

حقيقى عجبى!



--------------------
user posted image
الله ثم الوطن

Go to the top of the page
 
+Quote Post

2 الصفحات V   1 2 >
Reply to this topicStart new topic
1 عدد القراء الحاليين لهذا الموضوع (1 الزوار 0 المتخفين)
0 الأعضاء:

 



RSS نسخة خفيفة الوقت الآن: 30th September 2014 - 01:50 PM