إحصائيات مذهله عن مصر في عهد مبارك, تقييمك لمن وضع مصر 25 سنة فى الديب فريز خيارات

[berri]

اذا كان الراجل هو رمز للتخلف والاستبداد والنهب فحصيلة وجودة الغير ورحب بة هي الجهل والفقر والمرض لغالبية ابناء الشعب ، لكن من يقرأ ويستمع لخنازيرة المرتشين (رشوة تصل حتي مليون جنية شهريا وهؤلاء صغار خنازير المرتشين ) في وسائل الاعلام وما يسمي بالبرلمان يعتقد ان مصر اصبحت تنافس الدول الكبري ..
عندك مليون شرطي يامفتري !! مليون عجل !! بتعلفهم منين ؟
من العزبة اللي سابها بابا باش كاتب المحكمة ؟
وحتحارب بهم مين ؟

[Akrum]

ايه يا حشيش نسيت النهضة الصناعية في العاشر و6 اكتوبر .. لتجميع فلاتر السيارات والغسالات والسيارات نفسها علي اسس احدث تقنية توفرت في العالم - فكيك ربيط او ربيط فكيك !!!. ولا نغفل ان برنامج الخصخصة نجم عنه ازدهار صناعات وطنية مثل بي تي ام وداليدريس !!!. وسجاد النساجون !!!. وصناعة التريكو وماكينات باساب !!!!. لكونهما نفس النمط الإنتاجي ..

كما لا يمكن ان ننسي محاربة علب اللبان الريجليز بتاعة بورسعيد واللي غرقت السوق المصري في فترة الإنفتاح .. مما اوعز لفخامة الرئيس بمحاربة المدينة واصدر اوامره لإعطاء صلاحيات واسعة لإنتاج اللبان والبنبون والتوفي وكل الحلويات بداية باشهر مصانع تلك الفترة وهو بم بم الشهيرة .. وبنبون سيما وكل الصناعات المعقدة والتي تعتمد علي السكر !!! لآننا شعب بيحب الحلو وزعيما راجل حلو ..

طبعا ولا يغفل للرجل غزوه السيراميك !!!! التي ازدهرت في عهده فكانت سيراميكا كليوباترا والجوهرة واخواتها .. لدرجة ان هناك بعض المنظرين وجدوا ان فرش ارضية وانفاق وجدران شوارع القاهرة بالسيراميك .. راح يخليها فله ..

وعفوا ان اكون نسيت اي انجاز آخر قبل ان احيل الكلمة لكم إلا ان ما لا يسع له المجال في ذكر ماثر النهضة الملموسة في صناعة البطاطس واشهرها شيبسي !!!!!. اللي اخر المتمة اشترتها شركة لايز الأمريكية وابقت علي الماركة المصرية لتفادي المقاطعة لمنتجاتها التي تصنعها في مصر....

[حشيش]

[قمر الليالي]

في الشركة عندنا بيفكروا يعملوا اعادة تصنيع للورق والمعلبات ..علب البيبيسي وعلب المياه
فالست بتتكلم بحماس وبتقول اتكملت مع معرفش مين ومعرفش مين بس في مشكله
اتكلمت مع فرعنا في مصر وقالولي معندهمش الكلام ده طب نعمل ايه في سياسة الشركه الجديده المسانده للبيئه ومشيت وهي بتكلم نفسها

[أسامة الكباريتي]

حتى أنت ياقمر
تبقى انت والزمان
والألسنة الحداد
عليهم

يعني تقصدوا ان مافيش صناعة في مصر


كل مافي بيتي من ادوات منزلية صناعة مصرية
فرشت البيت من 13 سنة
يعني السلع معمرة




ياعالم حرام عليكوووووووووووووا

[farida]

ازيكم ايها الاصدقاء الاعزاء

انتوا عارفني عيني بتروح لنص الكباية المليان
كويس اننا نكون نصين نص يشوف الفاضي علشان نتعلم نملاه
ونص يشوف المليان علشان يحفز ويدي شعاع امل ..

اكيد جميل ننقد علشان نشوف العيوب وجميل برضه اننا
نشيد بصناعات مصرية عن نفسي بفتخر جدا وبرفع راسي في السما
انها مصرية..لان زي ما فيه ناس طماعة وقلبها كل حقد بتنافس بد ون
شرف فتكيد المكائد لرجال اعمال مصر تفتخر بهم..
رجال اعمال مصريين فلوسهم في مصر وعايشين في مصر
بيعانوا من منافسات واحقاد وتلفيق اتهامات ..
لكن كان لهم صناعات مميزة بجد تنافس بجدارة صناعات خارجية..

بروح اغلب المعارض التي تقام في ارض المعارض او في قاعة المؤتمرات في مدينة نصر..

ولسة من اسبوع كنت في معرض للموبيليا قمة في الاتقان
وفي الذوق ..مش هوصف كم الاجانب اللي كانت في المعرض
ومبهورة بالصناعة..زي ما احنا بالظبط بننبهر بصناعة الخارج

في الخارج في صناعات مميزة وفيه صناعات برضه رديئة
الملابس الرجالي بالتحديد وبدون تحيز تنافس الماركات العالمية
اتفرجت علي الصناعات القطنية للتصدير رائعة التصنيع
انا بتكلم عن حاجات شفتها بعنياااااااااااااااااااااا..
هنيجي عند السيراميك وصنا عته لاني لسة بركب سيراميك
بشيل خشب علشان اركب سيراميك بالظبط شكله زي الباركيه
الصناعة اللي كانت بس بنشوفها في الصور او لما بنسافر
بقت موجودة وبجودة عالية في مصر

عيني بتروح اصل للجمال

[أسامة الكباريتي]

حاليا أتفاوض على توكيل صناعات كيماوية متخصصة وعالية الجودة
ماهي فرصة
وأنا مقعد في البيت
أطلع بحاجة مفيدة

[أسامة الكباريتي]

[Akrum]

يا جماعة اصل صناعة الموبيليا في مصر الدمايطة مش المنايفة ودي صناعة عمرها اكبر بكثير من عمر الجمهورية نفسها .. ما علينا ..

يا حاج اسامة .. نتمني ان نري صناعة مصرية ولكن ليس كل ما قلته صناعة مصرية 100 في 100 .. يعني ممكن افصص لك اي منتج من الأجهزة وانت تعرف ان مفهوم فكيك -ربيط ليس نتاج عهد مبارك بل كان موجود واستمر منذ الستينات .. ايام ما كنا بنجمع وليس نصنع السيارات الفيات الإيطالي والبولندي .. صناعات تجميعية ومافي احد يقدر يقول ان كان لدينا صناعة صرفة مصرية .. ماكنش غبور وباقي رجال الاعمال استوردوا خطوط تجميع السيارات لاكوري او غيرها من برة ..

يعني فكيك - ربيط هو شعار تجدد فقط في عهد مبارك .. ولا يبني صناعة ولا دياولو .. إلا اذا خلصت النية واستمرت المسيرة بداية بفكيك ربيط وبعدها زيادة معدل الإنتاج المحلي ليقفز إلي نسبة اعلي كهذا بنت الدول انفسها .. لكن لدينا كل مسئول بيبني نفسه من العمولات اللي بيحققها .. اتذكر في التسعينات ... استوردت شركة النصر لصناعة السيارات .. خط انتاج وتجميع سيارة 126 من بولندا .. ابحث عن تلك السيارة وشوف منظرها ولا قدرتها .. تهلك من الضحك !!!. ولا ادري كيف مر قرار مثل هذا .. ان نشتري خردة اوروبا .. ونقول لدينا صناعة مصرية !!!.

النهب المنظم في بلدنا امر معلوم للقاصي والداني يا فريدة باشا .. ونقدنا ليس كرها او اننا نري نصف الكوباية الفارغ .. ابدا .. اعلم ان هناك ناس شرفاء ولكن الطغمة والناس الزبالة طغت وافسدت الماء بالوحل وووو..

[Hesham]

التلوث فى القاهرة يا سيدات ويا سادة .. أسبابه عديدة، منها على سبيل المثال لا الحصر:

ـ سوء تخطيط المدن الصناعية:
حيث تتكدس المصانع فى أماكن واحدة، فتخرج كميات كبيرة من العادم (مداخن المصانع) بشكل مكثف فى منطقة واحدة.
وحيث تتكدس المصانع فى مناطق قريبة من مناطق السكن.

ـ سوء تخطيط المواصلات والمرور:
حيث لا توجد قواعد سليمة منظمة لنزول المركبات إلى الشوارع، وإن وجدت، فلا تطبق.

ـ إنعدام سياسات النظافة والحفاظ على البيئة:
حيث لا توجد وسائل مساعدة للحفاظ على البيئة ونظافتها كسلات المهملات وغيرها.
وحيث توجد ورش صغيرة وسط المناطق السكنية بدون روابط وبدون إشراف على وسائل الأمان بها.
وحيث لا توجد توعية ولا قوانين صارمة لمنع إلقاء المخلفات فى الشوارع وفى النيل نفسه.