 تيته فريده |
  |
 Dec 24 2005, 12:06 AM
مشاركة
#1
|
|
 عضو مميز  المجموعة: Members المشاركات: 2,776 التسجيل: 23-November 05 البلد: مصر رقم العضوية: 2,203  |
الزمان يوم من أيام صيف عام 2072
حفيدة في سن المراهقة (12 سنوات) تجلس مع جدتها فريده (113 سنة) ويدور بينهما هذا الحوار: الحفيدة: تيته فريده إزيك.. بقى لي زمان ما قعدتش معاكي فريده: وهو أنا عارفة أتلم عليكي خالص.. ده أنا قاعدة زهقانة قوي ومش لاقية حاجة تسليني الحفيدة: ومابتفتحيش الدش ليه يا تيته فريده: التليفزيون بقى ممل خالص مافيهوش غير 9700 محطة بس! وأنا كمان ما بعرفش أغير المحطات! الحفيدة: وإيه الحلاوة دي؟ حلو البادي اللي انتي لابساه ده..بس ده موضة قديمة قوي ياتيته ! فريده : يا بنتي أنا ست دقة قديمة وبالبس زي ما جيلنا الصاعد اتعود وحسب التقاليد القديمة بتاعتنا الحفيدة : أيوه بس مش حاسة إنك مخنوقة وانتي لابساه؟ فريده: أبداً ده هو ده اللبس المحتشم اللي مفروض الكل يلبسه ويحافظ عليه. فين أيام زمان لما كنا نلبس البادي اللي مبين البطن والظهر بس، مع البنطلون السترتش الجلد …كانت حاجة آخر روشنة الحفيدة : ياه يا تيته.. ده انتوا كان ليكم تقاليد غريبة خالص ! فريده : وهو انتي فاكرة إن أيامكم دي أيام؟ يا بنتي أيامكم دي ما يعلم بيها إلا ربنا .. فين أيام سنة 2005، هي الواحدة فينا كانت تستجري تشرب سيجارة البانجو ولا تسحب لها سطر بودرة قدام أبوها؟ طب ده الدنيا كانت تتقلب ساعتها وما تتعدلش .. أمال إيه .. كان فيه حاجة اسمها أخلاق الحفيدة: معقول يا تيته؟ للدرجة الفظيعة دي !!! فريده: أمال انتي فاكرة إيه .. وبعدين كانت الست من دول ما تلبسش اللبس الخليع بتاع اليومين دول..يعني الجيبة كان ما يقلش طولها عن شبر وربع .. وكانوا الستات يلبسوا فوقيها بلوزة باستمرار ..مش زي دلوقتي! حسبي الله ونعم الوكيل! الحفيدة : يا خبر .. وإيه كمان ياتيته فريده: ح أقول لك إيه ولا إيه يعني خدي عندك مثلاً .. زمان كنا نسمع الطرب الأصيل لمطربين حقيقيين زي مصطفى قمر وعمرو دياب وطبعاً كانت سيدة الغناء "شاكيرا" وكانت الأغنية مدتها أكثر من دقيقتين متواصلين من الطرب الأصيل والموسيقى الهادية الراسية اللي تعمر النافوخ بصحيح كانوا مطربين روشين وآخر طحن، حسبي الله ونعم الوكيل! الحفيدة : وبعدين ياتيته فريده : وبعدين كنا نسمع على حاجة اسمها اسطوانات ليزر، ودي صحيح انقرضت، بس كان ليها طعم عن دلوقتي يا سلام لما كنا نحطها في الووكمان ونعلقها في حزام البنطلون كده ونمشي في الشارع كده، كانت أيام جميلة حسبي الله ونعم الوكيل! الحفيدة : حكاويكى ممتعة قوي يا تيته .. ثانية واحدة بس لما أصحي سمسم صاحبي فى المدرسة لأنه بايت معايا في الأوضة من امبارح ..أصل الإنسان الآلي بتاع الصحيان بايظ ولازم نصلحه النهاردة |
 |
 
|
|
Dec 24 2005, 12:08 AM
مشاركة
#2
|
|
|
عضو مميز المجموعة: Members المشاركات: 2,776 التسجيل: 23-November 05 البلد: مصر رقم العضوية: 2,203 |
فريده: طيب ياحبيبتي روحي
(بعد عدة دقائق) الحفيدة: هيه يا تيته.. وبعدين فريده : أحلى أيام بقى كانت أيام الدراسة، الفصل كان على أيامنا رايق وعدد التلاميذ فيه ما يزيدش عن ستين سبعين تلميذة، وكنا ساعتها بنعرف نفهم الدرس كويس مش زي دلوقتي، وكانت الشوارع أيامها فاضية يعني كانت إشارة المرور تقعد ساعة إلا ربع بس لأن مصر كلها كان تعدادها 70 مليون مش أكثر، تخيلي بقى الروقان اللي كنا فيه؟ حسبي الله ونعم الوكيل! الحفيدة : 70 مليون بس؟!! فريده: أمال إيه .. عشان كده كانت كل حاجة رخيصة ، يعني مثلاً كيلو اللحمة يوم ما يضربه الدم كان يبقى بخمسة وعشرين جنيه أو بتلاتين جنيه، وكان أتخن جوز جزمة بـ 250 جنيه، وكان الواحد يقدر يشتري شقة تمليك بـ 150 ألف جنيه بس..وكان الدولار بخمسة جنيه بس تخيلي بقى؟ الحفيدة : ما هو علشان كده الجواز على أيامكم كان سهل خالص، إحنا بقى خلصنا من العُقد دي فريده : أُمال إيه .. ده احنا الواحدة مننا كانت بمجرد ما توصل سن 17 سنة تبتدي تفكر في الجواز العرفى على طول، وما كانش عندنا الأفكار الغريبة اللي بتعملوها دلوقتي، أنا شخصياً شايفة إن ده أوفر شوية، ده احنا يا بنتي على أيامنا كان لا يمكن البنت تتأخر بره البيت عن الساعة أربعة صباحاً، طب ده باباها كان ممكن ساعتها يخاصمها ! الحفيدة : ياي! ده انتوا كنتوا متزمتين خالص ياتيته !!! فريده : يا بنتي إحنا اتربينا على الأخلاق والفضيلة والعادات والتقاليد . يعنى كان أهل الفن محتشمين جداً وكانوا دايماً يطلعوا بالمايوهات البيكيني، والمذيعات كانوا يقعدوا جنب الضيف مش على ركبته زي دلوقتي.. هيـ يـ يـ يـ ـه الله يرحم دي أيام.. فكرتيني بالذي مضى حسبى الله ونعم الوكيل! (تمسك الجدة بتليفون محمول في حجم علبة الكبريت) الحفيدة : ح تكلمي مين يا تيته فريده : الحقيقة أنا كنت موصية الجزار على اتنين كيلو لحمة و اديته 600 دولار عربون وعايزة أطلبه أشوف إذا كانت اللحمة وصلت ولا لأ .. الحفيدة: (تنهض من مكانها) تشاو سي يو تيته! فريده: سي يو وبعد مرور عدة ساعات انتابت الجدة خلالها غيبوبة بسبب الشيخوخة و في المساء دار هذا الحوار بين الجدة والحفيدة: فريده: إنتي كنتي فين يا فتفت؟ الحفيدة :أصل إحنا أخدنا الولد من الحضانة .. فريده : ولد !! ولد إيه اللي أخدتوه من الحضانة؟ الحفيدة : آه صحيح أنا نسيت أقول لك .. أصل أنا جبت ولد من سمسم صاحبي فريده: يا بنتي مستعجلين على إيه مش لما تتجوزوا ؟ حسبي الله ونعم الوكيل! الحفيدة : يا سلام عليكي يا تيته.. إنتي عليك تحكيمات غريبة..طيب إيه اللي يمنع نخلف من غير جواز أنا شخصياً عملتها ونفعت فريده : مشكلتي إني ما باعرفش أزعل منك يا فتفت يا عكروتة ..وسميتوا المحروس إيه بقى الحفيدة : سميناه (دوت كوم) .. فريده : نعم . دوت كوم؟ نظام هاي تك بقى؟ يعني لما تعوزي تنادي له تدوسي (Enter) ولا إيه بالضبط ؟ الحفيدة : ها ها ها ها .. إيه الخفة دي يا تيته .. والله فكرة .. لما أعوز أنده له أدوس Enter .. ولما أحب أقول له روح أودتك أدوس (Alt+F4) ولما انيمه ادوس Esc. |
|
|
|
|
Dec 24 2005, 12:10 AM
مشاركة
#3
|
|
|
عضو مميز المجموعة: Members المشاركات: 2,776 التسجيل: 23-November 05 البلد: مصر رقم العضوية: 2,203 |
فريده: وأخدتوه من الحضانة وديتوه فين بقى؟
الحفيدة : وديناه النادي بتاع الحي فريده : النادي بتاع الحي؟ الحفيدة : أيوه .. ده نادي جميل معمول برعاية كبار رجال الأعمال .. وتحت رعاية وزارة الزراعة وده بيعلم الأطفال حاجات ظريفة خالص ومصاريفه رخيصة جداً وبعدين الولد الكويس ممكن يبعتوه يكمل تعليمه في المريخ على نفقة وزارة الزراعة أصل (سالى ميدو يوسف والي) وزيرة الزراعة دي ست متفتحة قوي. هه، أفتح لك التليفزيون يا تيته عشان تشوفي نشرة الأخبار الحفيدة تضغط الريموت كنترول لنرى شاشة كبيرة بطول وعرض حائط الغرفة، وتظهر صوت مذيعة مصحوبا بلقطات للأنباء تقول: المذيعة :هاي شلة إليكم عناوين الأخبار -أمريكا ترصد 25 مليار دولار لرأس تامر بن محمد بن أسامة بن لادن المتهم الأول في تفجير قصر السفير الأمريكي في أفغانستان -واشنطن تتهم ليبيا بتفجير سفينة فضاء فوق كوكب المريخ -وزير الاقتصاد د. فريد يوسف بطرس غالي يصرح: إعدام الفقراء هو الحل لخروجنا من عنق الزجاجة -موافقة مجلس الشعب أخيرا على خصخصة معبد الكرنك أخبار عربية: -فدوى ياسر عرفات تطالب بانسحاب إسرائيل حتى حدود عام 2030، وإعلان الدولة الفلسطينية في مايو المقبل - سيريلانكا والفلبين تطرد خمسة آلاف خادمة كويتية -إسرائيل ترفض الإنسحاب من البصرة إلا بعد ضمان أمن مستوطناتها في بغداد -اشتباكات على الحدود الإسرائيلية المغربية أخبار الفن -زفاف المطربة صباح على حفيد الفنان الراحل راغب علامة -رئيس قطاع الإنتاج لم يستقر بعد على بطلة فوازير رمضان ويعقد إجتماع مع السيدة توتي محمد صفوت الشريف وزيرة الإعلام الجديدة لمناقشة هذه القضية -الفنان محمد هنيدي يهاجم نجوم الكوميديا الجدد المذيعة: فينيش باي فريده: لأ بقى حسبي الله ونعم الوكيل فيكم فعلا! |
|
|
|
|
Dec 24 2005, 12:11 AM
مشاركة
#4
|
|
|
عضو مميز المجموعة: Members المشاركات: 2,776 التسجيل: 23-November 05 البلد: مصر رقم العضوية: 2,203 |
مع الاعتذار لفريدة ربنا يدينا ويديكي طولة العمر
|
|
|
|
|
Dec 24 2005, 12:32 AM
مشاركة
#5
|
|
 عضو دائم المجموعة: Members المشاركات: 11,367 التسجيل: -- البلد: بلاد الحريرة رقم العضوية: 1,051 |
 هو يعني مكانش فيه اسم ثاني غير ده؟؟؟  ريا جيبي الشربات حنريحوووووووووووووووووووووووه 
--------------------  رأس برأس و زيادة خمسمائة |
|
|
|
|
Dec 24 2005, 12:43 AM
مشاركة
#6
|
|
|
عضو مميز المجموعة: Members المشاركات: 2,776 التسجيل: 23-November 05 البلد: مصر رقم العضوية: 2,203 |
 |
|
|
|
|
Dec 24 2005, 02:54 PM
مشاركة
#7
|
|
 عضو مميز المجموعة: مناظرات المشاركات: 7,750 التسجيل: -- البلد: القاهرة رقم العضوية: 1,036 |
يا سلااااااااااااام سا ااسكاسان ياابني
 رجعتني لايام ما كنت حما  ومامتها كانت بتضحك عليا وتجيبلي مصاصة  يا تري المصاصة علي ايام حفيدتي ايه حاكم ايامهم وحسبي الله ونعم الوكيل فيها  -------------------- المحبة تستر العيوب
|
|
|
|
|
Nov 30 2007, 09:07 PM
مشاركة
#8
|
|
|
عضو مميز المجموعة: مناظرات المشاركات: 7,750 التسجيل: -- البلد: القاهرة رقم العضوية: 1,036 |
يااااااااااااا الزمن دااااار يا اونكل اسكاسان
فاكر لما كنت بتوصف ايام تيتا فريدة مع حفيدتها 
-------------------- المحبة تستر العيوب
|
|
|
|
|
Nov 30 2007, 09:46 PM
مشاركة
#9
|
|
|
عضو مميز المجموعة: Members المشاركات: 2,776 التسجيل: 23-November 05 البلد: مصر رقم العضوية: 2,203 |
ربنا يديلك الصحة وتفرحي بحفيدك من ابن كريم
وتفتكري أيام منتدى شئون وتشرحيلهم يعني ايه منتدى  |
|
|
|
|
Nov 30 2007, 11:17 PM
مشاركة
#10
|
|
 عضو مميز المجموعة: Members المشاركات: 2,808 التسجيل: 20-December 04 رقم العضوية: 1,265 |
إقتباس فاكر لما كنت بتوصف ايام تيتا فريدة مع حفيدتها إيه دا؟؟؟ يعنى صباح ح تتجوز حفيد الراحل راغب علامة فعلا؟؟؟؟؟  مبروك يا فريدة على الجدودية .. بس من فضلك تبلغى كريم وعروسته إنه لو البيبى كان ولد يسموه على اسمى .. سمارت .. ولو جت بنت يسموها على اسمى برضه .. سمارتة .. 
-------------------- إرم خبزك على وجه المياه فإنك تجده بعد أيام كثيرة
|
|
|
|
|
1 عدد القراء الحاليين لهذا الموضوع (1 الزوار 0 المتخفين)
0 الأعضاء:
|
نسخة خفيفة | الوقت الآن: 19th May 2013 - 11:44 PM |
powered and devolped by:arabips.com
Powered By IP.Board © 2013 IPS, Inc.
Powered By IP.Board © 2013 IPS, Inc.