 أبو حميد المصري, الأعمال الشعرية |
  |
 Sep 13 2003, 09:41 AM
مشاركة
#1
|
|
|
أبو حميد المصري  المجموعة: Members المشاركات: 3,826 التسجيل: -- رقم العضوية: 1,025  |
بسم الله الرحمن الرحيم
كلمتين في العضم قالهم عم عايدي بتاع الفـــول لو ما كنتش منه سمعتهم مكنتش فهمت معـانى القول احنا ناس دايما مطاوعينهم طابور ماشي حذا على طول بعد ما صرنا على قد ايدهم صار كل شيء عندنا مقبول واللي منزلين اديهم مننا ح يرفعوها لما... يغلى الفول قلك ايه عم عايدي ؟ قال اللي ف قلبنا كاتمين بعد ما شفنا أهلنا بتندبح و ديتهم كلمتين حامضين مره ف سته و خمسين و مره في سبعه و ستين حد سأل حد افتكر ليه راحوا الغلابه ف الحربين؟ دا حتى احنا نسيناهم و نسينا تارنا عند مين تارنا عند عدو الوطن و لا عند ال .. مسئولين؟ بعد ما مشينا وراهم بقيوا صحاب قوي لتنين حاضنين قوى بعضهم حبهم تنطق بيـه العين تقول يا دمهم .. كأنهم أصدقاء أوفياء يا زين ! و من ثقل ظلهم اتبادلــوا مع بعضهم بوستين زعق عليه جدع بيمســح في صحنه آخر لقمتين موش كلامك دا يا ..... عم عايدي دا كلام خاينين دي سياسه يا عمي ..... كنت انت من السياسيين ؟ العيش اللي بناكله ده من عندهم بدونه نبات جعانين بص له عايدي بقرف و حدف له حزمه جلاوين و من عبه طلع لفه فيها حجاب و ميداليتين واحده نجمة الشرف اللي كانت لأبوه حسنين اللي راح يحارب العدو و مرجعش من فلسطين و الثانيه قال دي بقى ليا .. ثمن رجليا الإثنين ساعتها عرفنا ليه عايدي دايما قاعد و احنا واقفين دق البروجي وقتها نوبه ندا قام الجدع و معاه نفرين يجروا على بوابة القشلاق اللي على جداره مسنودين بص لهم عايدي بأسى وقال و في عينيه باين دمعتين تاري معاكم إنتم .. بس فين اللي يرجعكم لنا سالمين؟ يحميكم لأهلكم ربنا و لا أشوفكم أبدا قعدتي قاعدين ! أبو حميد المصري [size=18][/size] |
 |
 
|
|
Nov 29 2003, 10:25 AM
مشاركة
#2
|
|
|
أبو حميد المصري المجموعة: Members المشاركات: 3,826 التسجيل: -- رقم العضوية: 1,025 |
يا ترى في حد عرف عايدي قاعد ليه ؟ و هل احنا حقيقي واقفين ؟
|
|
|
|
|
Dec 1 2003, 12:38 AM
مشاركة
#3
|
|
|
أبو حميد المصري المجموعة: Members المشاركات: 3,826 التسجيل: -- رقم العضوية: 1,025 |
بسم الله الرحمن الرحيم
نظرت لكفي في كحلة ليل أقرا ف خطوطه ما رئيت غير خط كثر ميله و زالت حدوده كان شديد العزم عميق و الشدة بتزيده بقبض اليد على السلاح يفرح و يغني لجدوده فيه الكرامة مرسومة بخط أحمر بلون الدم لا يزيله مال و لا خوف لا صوت ينكتم بحب الوطن على جلد الكف للعظم إترسم يسلمه جيل لجيل شاهد و ناطق بالقسم عرق الجباه و دم الوريد علينا فرض ليعود الحق لأصحابه و نحمي العرض البكاء و النوح لم في يوم تُحَرر أرض بهم يشمت العدو و كل من في قلبه مرض راح الخط و بنعومة اليد اختفى أو كاد لما نسينا نفسنا و نسينا وصية الأجداد من ترك سلاحه طمع في أرضه الأوغاد و من تسول قوته باع العرض و الأحفاد مس الأمل كفي بكف طفل دورت أقراها نور الفجر فيها نور يملا الكون و يشع حواليها فيها نفس الخط و بخطوط كتير تانيه ملياها مكتوب دي بلدي يا با بروحي أفديها أبو حميد المصري 30/11/2003 |
|
|
|
|
Dec 21 2003, 04:24 PM
مشاركة
#4
|
|
|
أبو حميد المصري المجموعة: Members المشاركات: 3,826 التسجيل: -- رقم العضوية: 1,025 |
بسم الله الرحمن الرحيم
يوم ميلادي كان ليا شمخة و زهوة مكسي ستان و في العيون فرحة شايلاني صبايا تتغمز بعيون إرحة و جدعان تزف شوار و تزغرد النسوة نسيت يا صاحبي و لا فاكر ليلة الدخلة ستر و غطا كنت فرحان ببداية الأسرة أضم الأحبة في حضني و لي في الغرام نظرة بالصلاة على النبي في عين الحسود حصوة كنت في الحلال و رضا الرب سوا وياك أفكرك تذكره و تحمده على ما أعطاك أسمع دعاك في الليل و دعايا معاك بالستر في الدنيا و الفلاح في أخراك قبل الفجر ما يشقشق أتزحلق من فوقك لأجل تصحى و صلاة الفجر لا تفوتك و تسعى لرزقك و تجري على قوتك و بعد العشا أنتظر و أفرح برجوعك سنه و الثانية و هلت الأنجال كل واحد فيهم نام علي و بال بسعادة و رضا في أغلب الأحوال ما هو دا نصيبي في تربية الأجيال في الفرح شاركتك فرحتك و في الطرح جففت دمعتك و دعيت يحرس لك سكتك و أفضل دايما في خدمتك قال المثل الدفا عفا و البرد لحاس القفا في المرض ضميتك و مشيت معاك للشفا بعد الشتا أسيبك بعد ما أترقع و أترفا فراق على لقا و جوه الدولاب أتنفى و يوم حسيت بأيد حد غريب ينفضني يفحصني بقسوة عن قريب يسموه بكيا أو بائع الكراكيب دا مخرم مرقع لا يسوى و لا يجيب أهانني و أنا عليه موش قادر أرد أجيب و رماني في بؤجته بدون طي و لا ترتيب ودارت بي ذكريات أمس بعيد و قريب شفت فيها مع صاحبي فرح و سمعت نحيب ساعتها بس عرفت إني مغادر الأحباب و بعد الهنا و الدفا رموني أمام الباب كتمت دمعي و إتقطعت بي الأسباب و استسلمت لقدري و نسيت كل عتاب شالني و مشيت مع صاحب ليا جديد سمعته يتمتم لحاف تمام يلزمه تنجيد تاخده لشوار بنتها الحاجة أم سعيد و أكسب لي قرشين حلال منه أكيد ساعتها لقيت الدنيا مهاش سيعانى بعد ما إترميت ح أرجع للحياة ثاني و أعيد الكره مع ناس شرياني أحمدك يا رب فاكرني لا بتنساني أبو حميد المصري 21/12/2003 |
|
|
|
|
Dec 21 2003, 08:27 PM
مشاركة
#5
|
|||
 عضو دائم المجموعة: Members المشاركات: 10,504 التسجيل: 12-January 02 رقم العضوية: 7 |
حلوة يابو حميد .. بس مش فاهم كلمة "بال" هنا:
تقصد إيه؟؟ --------------------  الله ثم الوطن |
||
|
|
|
||
|
Dec 21 2003, 11:23 PM
مشاركة
#6
|
|
|
أبو حميد المصري المجموعة: Members المشاركات: 3,826 التسجيل: -- رقم العضوية: 1,025 |
تحياتي يا هشام
الفعل الماضي بال المضارع يبول للإسم بول يعني عمل بيبي :wink: و لا مؤاخذه :oops: |
|
|
|
|
Dec 22 2003, 04:33 AM
مشاركة
#7
|
|
|
عضو دائم المجموعة: Members المشاركات: 10,504 التسجيل: 12-January 02 رقم العضوية: 7 |
تصدق .... فضلت ألفها يمين وشمال ... وجبت كل المعانى ومالقتش ولا واحد يمشى ... إلا المعنى بتاعك ... الوحيد اللى ما خطرش على بالى :? يالله حصل خير ....... فى الإجمال ... الله ينور عليك .. حلوة .. ومؤثرة بجد مش مبالغة ولا هزار ..
تصدق إنى كثير .. بأشوف نفس القصة بتمر أمام عينى كأنها شريط سينما؟ ياترى هى حالة عامة عند الناس؟ موضة مثلاً؟؟ :roll: والا مجرد تشابه أفكار بيننا؟ بالمرة .. ياريت تكمل جميلك وتشوفلى الكلمة الحمرا دى يعنى إيه: :oops: تاخده لشوار بنتها أصلها برضو مش راضية تيجى معايا :cry: -------------------- الله ثم الوطن |
|
|
|
|
Dec 22 2003, 07:39 PM
مشاركة
#8
|
|
 عضو مميز المجموعة: Members المشاركات: 3,790 التسجيل: 3-January 03 رقم العضوية: 322 |
ohhhhhhhhhhh god
شوار ..........يا سيدي يعني جهاز العروسة، يعني الحاجات اللي الأسرة بتشتريها وتشيلها بالسنين لحد البنت ما تيجي تتجوز ، من لبس وخلافه. من الفعل يشوّر ، والكلمة طبعا ليس لها اصل عربي.....  
ابو حميد ................................كلامك جميل اوي --------------------  كـفـايـة! |
|
|
|
|
Dec 23 2003, 12:21 AM
مشاركة
#9
|
|
|
أبو حميد المصري المجموعة: Members المشاركات: 3,826 التسجيل: -- رقم العضوية: 1,025 |
الله يفتح عليكي يا زهرة و عليك يا هشام ، و الله يا جماعه إنتم بترفعوا من معنوياتي كتير ، أنا واحد من جيل قديم اتربيت في حي شعبي من أحياء الإسكندرية و لذلك تجدوا في شعري كلمات شعبية صحيح ما زالت تستخدم في الأحياء الشعبية لكن بقى إستعمالها نادر في أوساط المتفرنجين و جيل الهامبرجر ، و الشيء الذي يدهشني أنني عشت الجزء الأكبر في إحدى الدول الغربية و لكن منذ عدت إلى مصر وجدت نفسي أعود للهجتي السكندرية و أصبحت أكثر إرتباطا بالطبقة الشعبية و أحب أن أتجول في شوارعها و لولا أنني لست ممن يشجع على إرتياد المقاهي لكنت جلست فيها أراقب و لكن عوض ذلك أن مهنتي تحتاج لمقر فإخترت أن يكون في حي شعبي لا يبعد كثيرا عن الحي الذي نشأت فيه و كنت أعلم أن ذلك قد يفوت علي فرصة كسب مادي أكثر و شهرة أكبر ، و لكن سعادتي كانت عوضا عن ذلك كله حيث بساطة إبن البلد و مكره الظاهر الساذج و ردود أفعاله المتوقعة و الغير متوقعة ، يعني أحب البلدي و لا تتعجبوا يا أصدقائي فأبناء البلد أكثر عمقا في التفكير و أكثر حصافة من أرقى الدبلوماسيين و أكثر صدقا مع أنفسهم و حساسية و إعتداد بالنفس و بالكرامة التي يعتبروها ثروتهم الوحيدة .
بالنسبة للقصيدة فصدقوني لقد دمعت عيناي عندما قرأتها لنفسي و أنا كاتبها ، فهي تثير لدي ذكريات زفة الشوار و فرحة أهل الحي و تسابق الفتيات و الشبان لفرش عش الزوجية لعروسيين جديدين و تمنياتهم الحقيقية بالرفاء و البنين ، و اللحاف جزء هام من هذا الشوار و اللحاف المصري المنجد بالقطن ثبت فعليا أنه أفضل و أصح من كل الأغطية الأجنبية و لكن ملعون أبو الكويلت المصنوع في الدول الأجنبية و ملعون أبو الهامبرجر الذي يصرون أن تستمر تسميته هامبرجر على الرغم أنه مصنوع باللحم البقري و ذلك لتتلاشى حساسيتنا للهام و الباكون و البورك و هذه قضية أخرى ، و لتحيا الكفته و الكباب و الفول أبو خلطه و الطعمية ( الفلافل ) و الكشري بدون مكرونه
أبو حميد المصري |
|
|
|
|
Dec 23 2003, 12:44 AM
مشاركة
#10
|
|||
|
عضو دائم المجموعة: Members المشاركات: 10,504 التسجيل: 12-January 02 رقم العضوية: 7 |
كده نفهم بعض أكثر ... وكده وبكل فخر أقدر أقولك: "مرحباً بيك فى شلتنا" :  : كل ما قلته حرفاً حرفاً، مع إختلافات فردية بسيطة .. يكاد يكون وصفاً دقيقاً لحال "الشلة". بروف ـ البنا ـ هشام ـ برين ويف ـ .... ـ ....... ومفيش داعى أقول كل الأسامى .. أسيبك تكتشفهم لوحدك، وعشان كمان ما أنساش إسم، فييجى صاحبه ويفضحنى : : بس معلهش يعنى .. كلمة (الشوار) مش منتشرة عندنا أوى فى القاهرة، جايز عن بتوع بحرى أكثر، إحنا بنسميها (الجهاز) زى ما انت عارف. أنا بأوضح بس، لتفتكرنى من المتفرجنين والا حاجة .. إن شاالله عدوينك.: : أنا مبسوط والله بوجودك معانا .. كده حنبقى أغلبية ساحقة ..... فينك يا أستاذ عزت عفيفـــــــــــــــــــى؟؟؟؟؟؟؟؟؟؟ إكتشفتلك شريك ..... إظهر وبان عليك الأمان :roll: -------------------- الله ثم الوطن |
||
|
|
|
||
|
2 عدد القراء الحاليين لهذا الموضوع (2 الزوار 0 المتخفين)
0 الأعضاء:
|
نسخة خفيفة | الوقت الآن: 25th May 2013 - 10:02 PM |
powered and devolped by:arabips.com
Powered By IP.Board © 2013 IPS, Inc.
Powered By IP.Board © 2013 IPS, Inc.