IPB

مرحبا بالضيف ( دخول | التسجيل )





2 الصفحات V   1 2 >  
Reply to this topicStart new topic
> " حين ميسرة " .!
Badroora
المشاركة Jun 29 2008, 01:45 PM
مشاركة #1


ناقدة قصصية وإنزياح بنيوي .
***

المجموعة: Members
المشاركات: 750
التسجيل: 12-June 08
البلد: Two Seas
رقم العضوية: 3,713



شاهدت مساء امس فيلم ( حين ميسرة) فيلم مؤلم جدا بكيت من بداية الفيلم الى اخره دون مبالغة

واكثر شيء ألمنى هو التناقض بين المشاهدين .

انا كمصرية قلبي وجعنى اوى على مصر وعلى حال الناس القانطين فى المناطق العشوائية وظروفهم الصعبة وقد ايه الحياة بتلطش فيهم .

صديقتى رغم انها ليست مصرية ولكن دموعها وبكائها لم يقل عنى بل احسست انها مصرية تتألم مما يتألم منه المصريين وكأنها عايشة وسطهم.

وعلى النقيض الاخر

قهقهة اهل الخليج على مشاهد مؤلمة وكأنهم لا يعانون من نفس المأساة او ليس لديهم مناطق عشوائية وأناس مستواهم تحت خط الفقر.

ولكن طالما القضية خارج وطنهم فلا بأس من الضحك والقهقهة على حال المصريين وظروفهم الصعبة .

قصة الفيلم .......تتلخص فى الاتى ...

فقر .........جهل .........ضياع .........خراب ..........دمار .... ارهاب.........سوء استخدام سلطة .....حكومة بلا كرامة

...والمقابل .......حب ........تماسك.........اصالة .........شهامة............الحكومة هيبة .

أتت فتاة (سمية الخشاب ) وكان اسمها ناهد الى القاهرة هاربة من زوج امها الذي بدأ ينظر اليها نظرة غير ابوية ولم تعد تتحمل ذلك فهربت منه .

بدأ المشهد وهى تصرخ لانها ركبت العربية مع شخص لانها لم تمتلك اى نقود لاخذ تاكسي او مواصلات عامة .

وكانت تصرخ لان الذي توهمت انه شهم وهيساعدها كان يحاول الاعتداء عليها , استنجدت ب عادل الشهير بحشيشة ( عمرو سعد )

وخلصها منه وركبت معه وبعد ذلك طارده الرجل الذي ركبت معه ناهد فى الاول وادى الى سقوطة فى النيل ودخل حشيشة السجن 6 شهور .

وعاشت ناهد مع ام حشيشة ( هالة فاخر ) فى منزلها لمدة 6 شهور حتى خرج عادل من السجن

وبعد ذلك قررت الام ان تبعد ناهد عن المنزل حفاظا عليها فى ظل وجود ابنها البالغ.

ولكن ....ناهد لم تذهب لانها ليس لديها اى مكان اخر تقيم فيه .....سوى منزل عادل المكون من غرفه واحدة فقط يسكن فيه امه و8 اطفال او اكثر .

وحدث ما لا كانت توده ام حشيشة وكانت بصدده تود رحيل ناهد من المنزل .............وانتهى الامر بحمل ناهد من حشيشة

ورفض ان يقبلها زوجه هى وابنها نظرا لظروفه المادية الصعبة .

اضطرت ناهد الى العودة الى منزل والدتها وزوجها الغير محترم .....الى ان وضعت جنينها ولم تترحم من لسان امها وزوج امها.

ذهبت الى عادل مرة اخرى ولكنه آبا ان يقبلها زوجه هى وابنها ........اثناء عودتها الى منزل والدتها تركت ابنها فى الاتوبيس لتتخلص منه.

وذهبت الى امها مرة اخرى ولكن حدث مشاكل تانى مع امها وزوجها.

ذهبت ناهد الى محطة الاتوبيس وسالت على ابنها الذى اخذه الكمسرى واعطاه لاسرة ثرية كانت ليس لديها اطفال انذاك.

وظل الزمن يلطش فى ناهد من ناحية الى ان ادى بها الامر الى راقصة فى كبارية ...........

هالة فاخر ........جسدت دور الام ببراعة انا لو على اديها جايزة كبرى على دورها فعلا فظيع لم اصدق هالة فاخر الفنانة

الكوميدية خفيفة الظل التى تضحكنى من قلبي فى افلامها انها هى نفسها هالة فاخر ام رضا.التى ابكتنى من اعماق قلبي .

ام صبورة .....ترعى ابناء ابنها الغائب فى العراق .......وبنات ابنتها التى قتلها زوجها .......هالة فاخر كانت رائعة .

وفاء عامر .........من اجمل الادوار التى شاهدتها لوفاء عامر ......زوجة تبان فى بداية الفيلم سليطة اللسان مستقوية على زوجها ابراهيم .

ولكنها بعد ذلك ظهر معدنها الاصيل .......زوجها كان عقيم وهى كانت بتخلف من زوجها السابق ومع ذلك تزوج عليها زوجها ظنا انها هى التى لم تنجب .

ولم تجرحه باى كلمة على رغم انه اهانها كثير ........وحتى زوجته الثانية كانت رائعه عندما هددهم انه سيتزوج عليهم زوجه ثالثة لينجب طفل .

ورغم انها تعلم ان العيب منه ولكنها لم تتفوه بكلمة تجرحه بها ......الا ان ادرك ان العيب منه وخيرهم

بين البقاء معه او الذهاب .....ولكنهم رفضوا الطلاق وفضلوا البقاء مع زوج عقيم رغم قلة اصلة .

ابراهيم ........معرفش اسمه الحققي ايه ...كنت حاسة انه بيحاول يقلد محمد سعد فى طريقة نطقه

الخاطيء للالفاظ زى اللمبي بالظبط .

بس كان ليه جملة ظريفة عجبتنى ويمكن دى الوحيدة اللى ضحكتنى .( كان بيعاكس جارتهم ويقولها يا روح الروح ) ايه بقي

روح الروح دى معرفش .

عمرو سعد ......او عادل ......او حشيشة ........الولد دا مستقبله هايل وامامة مستقبل كبير لو تعامل مع مخرج محترم يعرف يستخدم امكانياته صح .

عادل ........ولد صايع .........مؤدب ..........حنين............متحمل اسرة واطفال اخواته........شايل هموم فى قلبه .

من اكثر المشاهد التى ابكتنى بحرقه فى الفيلم له هو الاتى.

المشهد الاول .........لما االدنيا ضاقت به ذهب الى تاجر مخدرات لكى يعمل معه .. واعطاة حتة حشيشة يبعها ولكنه شربها مع اصحابة

ارسل المعلم صبيانة لاخذ النقود ......ولكن عادل كان ليس لدية اى فلوس .....واوهم الصبيان ان لدية نقود فى المنزل

واستاذنهم ليحضرها ... ذهب ولم يجد امامه غير غوايش امه اللى شيلاهم لجنازتها ......المشهد دا يقطع القلب بجد

ام تبكي لاغتصاب ابنها غوايشها .......وابن يبكي انه يفعل ذلك بامه مضطر .......ومنظر الدموع فى عين الام والابن

تبكي اى حد لو حتى دموعه عزيزة . الرائع هنا هو اننا اعتدنا على رؤية دموع عادية فى الافلام او المسلسلات .....لكن اول مرة اشوف

دمعة بتتولد .....انقباض الاوعية الدموية للعين ... واحمرارها .....ونزل الدمعة .. لم اصدق انها تمثيل ابدا


ودا اكتر شيء عجبنى فى الفيلم .....هو خلق دموع مش تصنيع دموع .بجلسرين او خلافة .

أيمن .....بن ناهد وعمرو ....نربي فى اسرة ميسورة الحال الى سن تقريبا 6 سنوات .. ثم آبا رب الاسرة على استضافته مبررا

ان امراته اصبحت حامل فلا داعى لو جود بن بالبتبنى ........ولحظة خروج ايمن من المنزل الذي ظن انه منزل ابوية

ودموع امه بالتبنى كانت فعلا مشهد يعور القلب ويبكي العين ...........

ذهب ايمن الى منزل اخر .......حيث العنصرية بين الابناء .........فهرب وانضم الى اولاد الشوارع القانطين على شط النيل

وتحت الكبارى ........اطفال ابرياء مشردين لا ولى ولا رقيب ولا اى حاجة

نتج عن ذلك حمل طفلة من ايمن الطفل ......وولادته بطريقة بشعة على شط النيل .......
وتكرر نفس الماساة .....طفل اب لطفل .!!!

الحكومة .......مالهاش كرامة .....كما وصفها اكبر رتبة فى الداخلية ........والحكومة هيبة ... مش كرامة

تعذيب فى السجون بدون حق

اقتحام بيوت الناس فى منتصف الليل دون اعتبار لاى حرمة المنزل او حتى اطفال ابرياء يستيقظون على صوت البوليس واقتحامه لمنزلهم .

دور البوليس ......كان فعلا فظ سوء استخدام سلطة واعطاء لانفسم صلاحيات وضع الناس فى السجن زور وتلفيق قضايا

وتعذيب كبار السن والبريء من الناس .!!

الارهاب ......دور الارهاب فى الفبلم ...لم يلفت نظرى كثير ا ......لانه ناتج من سيناريو الحياة البائسة

فقر .............. جهل .............مرض .........بالطبع سيكون الناتج ..........مدمنين .......ارهاب .........زنا

......تشرد........الخ

نقط ضعف الفيلم ...

هو الاطفال .....بدؤا اطفال فى الفيلم وحتى بعد مرور 12 سنه هما هما نفس الاطفال ... او الكبر مكنش

بالمعدل المتوافق مع الزمن الفعلى .

ناهد .........و عمرو ......ابنهم كبر واصبح اب وهما لسه بصورتهم زى مابدؤ بها الفيلم .

يعنى مخرج عبقري زى خالد يوسف مش عرفه عديت عليه ازاى النقطة دي .......يعنى عجبنى اوى ..

خلق الدموع ودى تعتبر اصعبهم .لكنه فاتت عليه موضوع السن دا.

النهاية طبعا مؤلمة ........هو القضاء على العشش والناس بداخلها . !!!

من الاخر روحت سينيما عشان انبسط واغير مودى .........رجعت حزينة وقلبي مهموم .......وكان نفسي

اصدق ان دا وهم مجرد دراما.

ولكن لاسف .......انا شاهدت وتعاملت مع أناس مثلهم فى الحياة وكانت ايام سودة بجد.

عندنا فى الكلية فى رابعة .......مادة اسمها community health ) صحة المجتمع .......وكان لينا 4 شهور تدريب فى مناطق عشوائية .

معظمها كانت بيوت فى المقابر .....تخيل طفل يصحى من النوم يرى امامه مقبرة ولا واحد بيندفن ........يااااااااااه صعب صعب.

9 افراد اسرة مقيمين فى بيت عبارة عن حجرة فيها كل حاجة .......مطبخ .....نوم ........وحمام صغير فى مدخل الباب

بجد جالى اكتئاب وكنت استغرب ان وقتها كنت احلم انى اجيب عربية وناس تانية تحلم حتى ......بسرير بمرتبة عدلة يعرفوا يناموا عليه.

مش هاقول غرفه خاصة مش هتكلم عن خصوصية الاب والام مش هتكلم عن خصوصية الابناء مش هتكلم عن خصوصية البنات.

كنت حاسة ان الظلم واقع على الجميع .........حضرت موقف ..فى منزل وكان احد افراد الاسرة التى كنت مسئولة عنهم حاب يغير ملابسه ولم يجد مكان يغير فيه .

نظر ا لوجودى غريبة بينهم .....استأذنت وخرجت خارج المنزل الى ان غير ملابسه وكنت باقول يعنى

البنات لو حبت تغير هدومها ولا تعمل اى حاجة هتروح فين فى ظل وجود الاب واخوانها.!!

بجد مأساة ......اسرة اخرى ....ابنها 10 سنوات مدمن .!!! طيب يا بنى انت الى بيدمن

دا عاوز يهرب من مشاكل الحياة انت بن 10 سنوات عندك ايه تهرب منه.

كنت وقتها مفكرة نفسي باتكلم مع طفل المفروض كل همه اللعب واللهو مش طفل بيتحمل مسئولية اسرته بعد وفات ابيه.

تتكلم مع طفل عنده 10 سنوات كأنه شاب فى الثلاثينات .....شايل الهم وعارف الاسعار والتموين والمشاكل .....

قولت فى نفسي معندوش اى سبب يمنعه من الادمان ......طالما طفل لا يتستمتع بطفولته وتحمل المسئولية فى هذا السن

وشال الهم بدرى ........

لدى .......اكثر من سؤال ........

من المسئول عن العشوائيات ؟

ما دور الصحة والحكومة فى القضاء على العشوائيات كمساكن وليست كأشخاص .؟

اين الجمعيات الحيرية وحماية حقوق الانسان ؟

هل سكان العشوائيات ........ينتمون للمنظمة المباركية المتحدة؟

اسئلة كثيرة تدور فى خاطرى ........ولكنى من مرراة حلقي ....والقهر .....لا اود ان اكتب اكثر من ذلك ........
لكى الله يا مصر ..........ويا ساكنى عشوائيات مصر.!!!


تم تحرير المشاركة بواسطة Badria Mekkawy: Jun 29 2008, 02:22 PM


--------------------

.
Go to the top of the page
 
+Quote Post
toota
المشاركة Jun 29 2008, 02:00 PM
مشاركة #2


عضو مميز
****

المجموعة: Members
المشاركات: 1,273
التسجيل: --
رقم العضوية: 1,023



فيلم حين ميسرة... بقالي فتره عايزه اشوفه...ومتردده ... يمكن بسبب الدوشه واللغط حواليه

وكمان الظروف مسمحتش اني اشوفه الا من يومين...


الفيلم فنيا يعتبر اكتر من الممتاز.. فعلا من احلى الافلام الي شفتها الموسم ده...اخراج ... قصه... سيناريو... تمثيل... رغم تحفظي على مشهد النهايه...

فاجأني الفيلم بشويه ممثلين مكنتش شايفاهم بالشكل ده... عملوا حاجه جديده.. وبرغم تحفظي على بعض المشاهد الخارجه...الا اني اعجبت بالفيلم ككل... بجد يعتبر فيلم الموسم بدون منازع

نصيحه : الي رايح يشوف سميه الخشاب ببدله الرقص... مش حيعرف يشوف حلاوة العشش الصفيح والمعنى المقصود بالفيلم ده...

ياريت الي شاف الفيلم يقول رأيه.......


ده تعليقي على الفيلم لما شفته في الشتا الي فات


--------------------
ورائحةُ العود المُعتقِ الذي يفوح
كيف لهُ بهذا الجمال !!
وهو مجردُ حطب !!
ومتى كانَ هذا الأمرُ يهمْ ...!!!
Go to the top of the page
 
+Quote Post
أحمد باشــا
المشاركة Jun 29 2008, 02:04 PM
مشاركة #3


عضو مميز
****

المجموعة: Admin
المشاركات: 4,036
التسجيل: 11-March 06
البلد: مصـــر
رقم العضوية: 2,520



بدرية طرحت قضايا كثيرة أهم و أخطر من موضوع الفيلم



--------------------
Go to the top of the page
 
+Quote Post
Prof
المشاركة Jun 29 2008, 02:47 PM
مشاركة #4


عضو مميز
****

المجموعة: Admin
المشاركات: 8,166
التسجيل: 11-January 02
رقم العضوية: 1,000



أنا ما شفتش الفيلم هاقول رأيي ازاي بأة دلوقت!
Go to the top of the page
 
+Quote Post
Badroora
المشاركة Jun 29 2008, 02:55 PM
مشاركة #5


ناقدة قصصية وإنزياح بنيوي .
***

المجموعة: Members
المشاركات: 750
التسجيل: 12-June 08
البلد: Two Seas
رقم العضوية: 3,713



إقتباس(Prof @ 29 Jun 2008, 12:47 PM) *
أنا ما شفتش الفيلم هاقول رأيي ازاي بأة دلوقت!


مانا كتر خيري وصفاه وصف دقيق اهو ........حتى بعض الزملاء اكتفوا بوصفى وقالولى مش هنتفرج عليه مرتين .


وعموما لو عاوز تتأكدا اكتر

اكتب على يو تيوب حين ميسرة هتلاقي مقاطع فيديو كتير حاول تجمعهم واتفرج عليهم مع وصفى

وتحليلي يبقي انت كدا حزمت الفيلم بالتحليل والشرح وتيجى تدلو بدلوك هون 3dlunettesbf2.gif


--------------------

.
Go to the top of the page
 
+Quote Post
هبة الله
المشاركة Jun 29 2008, 03:33 PM
مشاركة #6


عضو نشيط
***

المجموعة: Members
المشاركات: 301
التسجيل: 14-June 08
رقم العضوية: 3,720



هوالفقر فى عرف اهل الفن يبرر الرذيلة و الحمل الحرام angry.gif
مفيش حاجة اسمها فقراء مستعففين

ميغركمش القصة بتاعت الفيلم هو معمول اصلا عشان يجيب ايرادات مش عشان يناقش قضية

القضية لواتعملت مسلسل محبوك بدون مشاهد خارجة كانت فعلا حتاخد حقها من جذب الاهتمام


--------------------


*•.¸.•* *•.¸.•* *•.¸.•**•.¸.•* *•.¸.•* *•.¸.•*

ذقت الهوى مرا و لم اذق الهوى يارب حلو قبل ان اهواكا

*•.¸.•* *•.¸.•* *•.¸.•**•.¸.•* *•.¸.•* *•.¸.•*

Go to the top of the page
 
+Quote Post
Badroora
المشاركة Jun 29 2008, 04:21 PM
مشاركة #7


ناقدة قصصية وإنزياح بنيوي .
***

المجموعة: Members
المشاركات: 750
التسجيل: 12-June 08
البلد: Two Seas
رقم العضوية: 3,713



إقتباس(هبة الله @ 29 Jun 2008, 01:33 PM) *
هوالفقر فى عرف اهل الفن يبرر الرذيلة و الحمل الحرام angry.gif
مفيش حاجة اسمها فقراء مستعففين

ميغركمش القصة بتاعت الفيلم هو معمول اصلا عشان يجيب ايرادات مش عشان يناقش قضية

القضية لواتعملت مسلسل محبوك بدون مشاهد خارجة كانت فعلا حتاخد حقها من جذب الاهتمام


هبة قومى نا ميلك شوية .......... 10_1_121.gif


--------------------

.
Go to the top of the page
 
+Quote Post
banboty
المشاركة Jun 29 2008, 05:37 PM
مشاركة #8


عضو مميز
****

المجموعة: Members
المشاركات: 3,276
التسجيل: 23-January 05
البلد: مصر المحروتة المهروسة
رقم العضوية: 1,345



إقتباس(هبة الله @ 29 Jun 2008, 03:33 PM) *
هوالفقر فى عرف اهل الفن يبرر الرذيلة و الحمل الحرام angry.gif
مفيش حاجة اسمها فقراء مستعففين


في مجتمعنا المصري

الفقر ملوش هيبة و لا كرامة

الا من اتقى الله فيهم ...


--------------------
بلدنا في القلوب متشالة
مهما تضيق عليها الحالة





اكتوبر يا ريس صار عتيق ..
و انتصاره فينا عمال يضيق ..

و الشعب تحت الارض خايف يتسجن .
و التهمه انه عاش برىء


-------------------------------------------------------------------



--------------------------------------------------------------
عيوننا إليك ترحل كل يوم

Go to the top of the page
 
+Quote Post
Prof
المشاركة Jun 30 2008, 04:16 AM
مشاركة #9


عضو مميز
****

المجموعة: Admin
المشاركات: 8,166
التسجيل: 11-January 02
رقم العضوية: 1,000



طيب عموماً هم أكيد هايجيبوه على العيد الصغير.. لو سمحتي يا بدرية خليكي فاتحة الموضوع وقاعدة لغاية اما ييجي..
بشكل عام.. خالد يوسف من المخرجين اللي ممكن الواحد يلاحظ خط نموهم وتطور فكره وأسلوب عمله في السنوات الأخيرة، يمكن البداية ما كانتش موفقة أوي معاه لكن لاحظت انه في كل فيلم كان بيجرب أساليب جديدة وبيبان تعبه في أفلامه من حاجات فنية صغيرة بس مهمة في شغل السينما..
آخر حاجة شفتهاله كانت الفيلم بتاع هاني سلامة وسمية الخشاب والولد اللي جابه بعد كده في حين ميسرة.. لما هاني سلامة قتل أخوه ولفق أدلة بحيث يبان شكل القضية انها جريمة شرف.. ان كان فيه خيانة بين أخوه وزوجته وان هو ضبطهم في لحظة تلبس واضطر يقتله...
فيلم جميل والحبكة الدرامية فيه عالية جداً..
بس خلاص
Go to the top of the page
 
+Quote Post
أحمد باشــا
المشاركة Jun 30 2008, 12:54 PM
مشاركة #10


عضو مميز
****

المجموعة: Admin
المشاركات: 4,036
التسجيل: 11-March 06
البلد: مصـــر
رقم العضوية: 2,520



إقتباس(banboty @ 29 Jun 2008, 06:37 PM) *
في مجتمعنا المصري

الفقر ملوش هيبة و لا كرامة

الا من اتقى الله فيهم ...



يعني رأيك أن الفقر ده شئ محترم يا بنبو 4.gif



--------------------
Go to the top of the page
 
+Quote Post

2 الصفحات V   1 2 >
Reply to this topicStart new topic
1 عدد القراء الحاليين لهذا الموضوع (1 الزوار 0 المتخفين)
0 الأعضاء:

 



RSS نسخة خفيفة الوقت الآن: 21st October 2014 - 09:03 AM