IPB

مرحبا بالضيف ( دخول | التسجيل )





 
Reply to this topicStart new topic
> الاعلام الهادف ... والله اعلم
dolphinsmile
المشاركة Nov 24 2003, 10:51 AM
مشاركة #1


عضو مميز
****

المجموعة: Members
المشاركات: 1,766
التسجيل: 6-April 03
البلد: ارض الحب والسلام مصر
رقم العضوية: 368



الموضوع دة للي بيتفرج واللي مبيتفرجش علي تليفزيون biggrin.gif

حبيت اوصللكم موضوع مناقشة في احدي المنتديات عن احد الممثلين الذين ظهروا في الشهر الكريم علي قنوات التليفزيون واردت ان اعرف رايكم...

الاخ الممثل / احمد الفيشاوي

كممثل: ممثل كوميدي ناجح وقوي التاثير علي الشباب في سنة
كمخرج: مخرج بارع في مجال الفن ولة افكار جميلة

ظهر في السنة الاخيرة في برامج دينية علي قنوات الفضائيات ويقال انة التقي في برنامج مع الداعية عمرو خالد وطلب منة النصيحة لانة بدأ في ان يلتزم بالدين فهل يترك الفن فنصحة الاستاذ عمرو خالد بان لا يترك مجال الفن ويحاول ان يكون سبيلة فيما بعد هو الاعلام الديني الهادف والذي تنادي به قناة "إقرأ" الفضائية

وفعلا بدا في الظهور ببرنامج اسمة "ياللا شباب" وهو برنامج شبابي يضم مجموعة من الشباب المتدين من الجنسين ويدور حول المفكرين الاسلاميين من جميع البلاد ومحاولة تقريب فكرهم الي الشباب وكان برنامج اكثر من رائع ومؤثر للغاية وايضا كان يستضيف الممثلين الذين التزموا قريبا او من ارتدت الحجاب منهم

طبعا كدة الراجل عداه العيب

المشكلة بقة في اللي بعد كدة ........ بما انة مخرج فاصبح يخرج الاغاني الخاصة بالاطفال طبعا اغاني الي حد ما ظريفة... ونقول ومالة... لكن انة يبدا في اخراج اغاني فيديو كليب خليعة مليانة بالرقص والكلام الفارغ ... تناقض غريب وكلة بيتسائل عن السبب.

واللي يضايق بقة اكتر المسلسل اللي ظهر بية في رمضان "العمة نور" .. كممثل برضة هوا بيحاول يبين مدي تفاهة الشباب المرفه في زماننا هذا
ولكن هوا بيمثل مع مين ؟... وبيظهر في اي مناظر ؟... وطبعا عشان المسلسل يمشي لازم يبقي فية مناظر .. ناهيك عن محور المسلسل نفسة "نبيلة عبيد" واحدة جاية من امريكا عمالة تبهدل في بلدنا يمين وشمال .. محدش قال انها غلط بس مش بالشكل المستفز بتاعها... وحضرتها جاية مصر عمالة تنصح بالصلاه والتدين وحب الناس وطريقة جديدة للتدين علي الموضة .. دور المصلحة الاجتماعية بصراحة مش لايق عليها

طبعا المسلسل بيناقش مشاكل كتير لكن باسلوب مبتذل

نرجع لموضوعنا اخيرا يلتقي احمد الفيشاوي مع الداعية عمرو خالد في الخيمة الرمضانية التي تقدمها قناة اقرا "كنوز" ويظهر متاثرا جدا وعينة تترغرغ بالدموع من الدرس الذي القاه عمرو خالد.

هنا كان التساؤل ... الكل يحبة من الشباب وتاثيرة عليهم قوي
ولكن فية ناس بتعاتب الاستاذ عمرو خالد علي انة نصحة انة ميسيبش الفن

هل الاستاذ / عمرو خالد غلطان يعني كان لازم يقولة الفن حرام؟

وهل لو هوا فعلا قاللة كدة كان حيسيب الفن وميرجعش بعد كدة بانتكاسة زي ما كتير من الفنانات حصللهم قريب؟

وهل لو هوا حاول يكون ممثل في مجال الاعلام الديني الهادف ... حيكون دة مش حرام؟

هذا كان نطاق الحوار في احدي المنتديات
----
:?: :idea: :!:


--------------------
sending u a dOlPhIn sMiLe

Go to the top of the page
 
+Quote Post
Prof
المشاركة Nov 24 2003, 02:14 PM
مشاركة #2


عضو مميز
****

المجموعة: Admin
المشاركات: 8,166
التسجيل: 11-January 02
رقم العضوية: 1,000



واحد مرة قاللى إنه طلع مرة فى برنامج مش فاكر إيه كده وقال إنه مش هو أحمد الفيشاوى المخرج بتاع الكليبات الواقعة اياها .. ده واحد تانى غيره.
Go to the top of the page
 
+Quote Post
dolphinsmile
المشاركة Nov 24 2003, 02:47 PM
مشاركة #3


عضو مميز
****

المجموعة: Members
المشاركات: 1,766
التسجيل: 6-April 03
البلد: ارض الحب والسلام مصر
رقم العضوية: 368



لو كدة فعلا يا اخ بروف امال لية ابوة قال انة بيدرس الاخراج وكلام من دة

ما علينا لو مش هوا فعلا يبقي ... ان بعض الظن اثم بس تشابة اسماء

ولو كدة طب لية بيمثل في حاجات زي كدة


--------------------
sending u a dOlPhIn sMiLe

Go to the top of the page
 
+Quote Post
Prof
المشاركة Nov 24 2003, 03:04 PM
مشاركة #4


عضو مميز
****

المجموعة: Admin
المشاركات: 8,166
التسجيل: 11-January 02
رقم العضوية: 1,000



والله يا أخت دولفين أعتقد ... والله أعلم ... إن الموضوع مش بيكون تحت سيطرته بالكامل أول ما بيبدأ العمل .. هو بيستلم ورق مكتوب من كاتب السيناريو .. مجرد وصف للمشهد وما فيه .. أما المشهد نفسه وتنفيذه ومايجرى فيه من تغيير عن المكتوب وما إلى ذلك فبيكون مسؤلية المخرج مش مسؤليته هو .. ده طبعا فى حدود الفروقات البسيطة اللى يمكن التغاضى عنها ..
وبعدين المصدر بتاعى بيقول لحضرتك إنه طلع فى برنامج .. لا مؤاخذة يعنى إسهر معانا بتاع الفضائية المصرية ..
هذا والله أعلم ..
Go to the top of the page
 
+Quote Post
Hesham
المشاركة Nov 24 2003, 09:19 PM
مشاركة #5


عضو دائم
*****

المجموعة: Members
المشاركات: 10,504
التسجيل: 12-January 02
رقم العضوية: 7



مع إحترامى وتقديرى لعمرو خالد والمعجبين به، ومع تأكيدى على أهمية دوره وضرورته فى توعية الشباب وفى مجال الدعوة بصفة عامة، وتأييدى له فى صراعه مع السطات المصرية .. إلا أنى لست متفقاً معه عل طول الخط كغالبية أتباعه ومرتاديه .. ولى عليه عدد من المآخذ التى لا أستطيع إغفالها، وليس هذا الموضوع مجال لمناقشتها.

وبالتالى .. فلا أرى فى نصيحته للمثل المخرخ الشاب ـ والذى بالمناسبة، لم أسمع عنه إطلاقاً إلا فى هذا الموضوع ـ ما يلزمه أو يلزم غيره بشئ، ولا أعتقد أن نصيحته له مبنية على أى قاعدة دينية إسلامية متفق عليها. وليصححنى فى ذلك من هم أدرى منى بأمور الدين.

فمن المعروف أن هناك خلافاً فقهياً كبيراً بين العالمين بأمور الدين، حول شرعية فن التمثيل بالتحديد .. فكيف له أن ينصحه بالاستمرار فيه حتى ولو بشئ من التحفظ؟ :!: الطبيعى من وجهة نظرى .. أن يوضح له أوجه الاختلاف الفقهى فى الأمر، ويتركه يقرر بنفسه ماذا هو فاعل وعلى مسئوليته الشخصية .. أليس كذلك؟

أما عن الفنان الشاب .. وبفرض أنه هو نفسه الذى شارك فى كلٍ من تلك الأعمال .. الدينية والخليعة .. فهو مسئول عن مشاركته فى أى عمل .. فصحيح أنه قد لا يقوم بنفسه بأداء الدور الفاسد، لكنه قبل قبوله المشاركة فى العمل الدرامى .. يقرأ سيناريو العمل بالكامل، وليس فقط ورقة الدور المنوط به .. وعليه .. فإن وجد فى العمل ما قد يتعارض مع مبادئه .. فمن حقه رفض المشاركة فيه منذ البداية.

يعنى .. هو مسئول عن العمل بالكامل، حتى ولو كان دوره فيه ملتزماً ومحدوداً.

والله أعلم


--------------------
user posted image
الله ثم الوطن

Go to the top of the page
 
+Quote Post
Byte
المشاركة Nov 25 2003, 04:04 AM
مشاركة #6


عضو نشيط
***

المجموعة: Members
المشاركات: 830
التسجيل: 19-October 02
رقم العضوية: 271



نصيحة الأخ عمر خالد متماشية مع خطه الفكرى فى خطبه وهو انه لا مانع للشباب المسلم من مشاهدة مباريات الكرة وخلافه بنية التعرف على لغة شباب عصرهم ليكونوا أكثر تأثيرا فى مجال الدعوة.

وبرغم أن هناك نقاط لا أتفق فيها مع الأخ عمرو خالد، ولكنه لا شك داعية يجيد استخدام ادوات التأثير فى الشباب ويحسب له انه استغل ذلك فى هداية الالاف من الشباب وندعوا له بالتوفيق المستمر فى دعوته.

أما أحمد الفيشاوى فحكايته حكاية، هو مازال يمثل فى مسلسل عربى هو نسخة طبق الأصل من مسلسل friends الأمريكى!

أما برنامج يالا شباب ، فلا أعلم كيف يحسب على البرامج الدينية، اللهم ان كان موجها الى مدمنى المخدرات فهذا الفيشاوى لا شك من اسلوب كلامه انه يتعاطى بانجو عالأقل ، راسه خفيفة وتعبيراته ركيكة ويزيد على هذا تمثيله التأثر الى حد البكاء والشحتفة عند سماعه الى الدعاء شاهدت هذا المنظر فى احدى حلقاته وكان مادد ايديه بالدعاء على طريقة فيروز الصغيرة وهى بتقول انتى بابا وانتى ماما!

يا اخوانا الكلام ب.اسلوب يفهمه الشباب اصبح شعار جديد للتهريج فى الدين والخلط بين اراء العلماء وسفاهات الادعياء خلطا لايمكن معه افتراض حسن النية ابدا!

هل هذا جزءا من تطوير الخطاب الدينى

ربنا يستر ومايكونش ده نموذج البث التجريبى للبرامج الدينية 2003 :cry:

كده ممكن اتوقع ماذا تخبئ لنا 2004 sad.gif
Go to the top of the page
 
+Quote Post

Reply to this topicStart new topic
1 عدد القراء الحاليين لهذا الموضوع (1 الزوار 0 المتخفين)
0 الأعضاء:

 



RSS نسخة خفيفة الوقت الآن: 25th July 2014 - 01:19 PM