حبيبتى ياسمين خيارات

[finetouch]

حبيبتى ياسمين هى.....































هى ببغاء كوكاتو عشنا سويا اكثر من ثلاثه اعوام ونصف وكانت تتكلم بعض الكلمات وتلعب معى وتنادى على الاولاد ,,





]

وساكتب لكم عنها لاحقا

[hopsan]

ربنا يخليلك ياسمين و تتهنى بيها
شويه معلومات على هذا النوع و اسعار واين يباع و فى اى عمر و مواصفات والحاجات دى .... مش عارف قول و إحنا حنساعدك ده النت فيه بلاوى يا فاين ياخويا

[finetouch]

هوبسان بك
الكوكاتو موطنه الاصلى استراليا وكما تعلم سيادتك ان القوانين هناك تحظر دخول او خروج اى طيور او حيوانات او نباتات حفاظا على البيئه الطبيعيه هناك . ولكن احيانا تجد بعض الطيور تم تهريبها او تكاثرها فى الخارج وثكاثر هذه الطيور الكبيره متعب جدا وصعب لعدم وجود اعداد كبيرة منها وعدم سهوله وجود ذكر وانثى بسهوله واحتياجها لمكان معيشه خاص بها وكبير (للتزاوج ) لانها لاتبدا فى وضع البيض الا اذا عاشت مده طويله فى المكان واطمانت له بشرط عده ازعاجها بدخول اشخاص غرباء عليها المهم ان موضوع التكاثر ده له موال اخر.
اما الحصول عليها وتكون الحكايه دى عن طريق سماسرة !! وهم يدورون على الهواه ويعرفوا مين عنده ايه ومين عاوزايه , وانشاء الله نتكلم اكتر كمان توجد انواع اخرى كانت تهرب من تشاد الى ليبيا الى مصر مشل الببغاء الزنجبارى ودة كان اكتر نوع موجود ومن اكتر الانواع قدرة على التكلم ولكن يظل الكوكاتو اخفهم دما فى التدريب ثم المكاو (وهوجميل جدا وكبير وغالى جدا ) وهذا واحد زنجبارى كان بيتفسح مع صاحبه فى شاطى ستانلى قبا عمل الكوبرى والكورنيش الجديد .





تم تحرير المشاركة بواسطة finetouch: Apr 19 2007, 11:03 AM

[hopsan]

إضافه صغنونه للموضوع

إن عُرفه لونه ابيض من الداخل ومكتسي بريش ابيض
و أحيانا يكون عُرفه من الداخل البرتقالي أو ( السلموني )
نسبة الى سمك السلمون

لذلك يسمونه في بلد الفرنجة Salmon-crested cockatoo
والريش الذي يغطي جسمه عليه مسحه خفيفة ً من هذا اللون

مما يجعله في منتهى الجمال
وخفة الدم التى يتمتع بها جعلته محبوب الجماهير

مواصفات أخرى

طائر ضخم جميل ذو جاذبية عجيبه
ومحبوب ويحب اللعب والرقص غلى الموسيقي وهو شديد الذكاء
والكوكاتو الوحيد الذي يستطيع على نطق الكلمات والجمل
ولكن ليس لكل هاوي فانه يحتاج إلى شروط خاصة في تربيته ومعاشه
يبلغ طول جسمه 52سم والأجنحه لونها صفراء من الداخل
وكذلك تحت الذيل
أما المنقار والأرجل فهي سوداء
وله منقار قوي جداً
والعيون بنية غامقة
ينتشر الكوكاتو كما هو واضح من اسمه في جزر الملوكي في إندنونسيا
وكما هو الحال عند غالبية الببغاوات فإنه يعشش في فجوات الأشجار
ويضع عادة بيضتين والتي يرقد عليها الزوجان مدة 30يوم تقريباً
يتوجب على مربين الكوكاتو أن يؤمن له مكان واسعا أو على حامل ًحيث يفرد جناحيه ويطير

اشكرك يا فاين على المعلومات السريعه

[finetouch]

للكوكاتو انواع كثيره وهى تنتشر فى استراليا وجنوب اسيا. ومنها انواع صغيره الحجم تقريبا فى حجم الحمام الكنج (كان عندى زوج dwarf kokatoo) ومنها انواع ضخمه بل منها نوع اسوداللون .
وتغذيه الببغاوات لابد ان تكون متنوعه وليس كما يفعل البعض ويعتمدون على اللب السورى والسودانى.
كانت ياسمين تاكل :البيض المسلوق ,الخضروات الورقيه مثل الخس السلق الجرجيروكانت تصاب بلوثه عندما تشم رائحه الفلافل حيث كانت تمسك الفلافلايه وتقشر القشرة الخارجيه وتاكل القلب . كما كنت اعطيها احيانا دبوس الفرخه وكانت تستمتع به ..هيييه كانت ايام . ياترى انتى فين يا مونو
طبعا انا بعتها من زمن لكثرة الزن من السماسرة كل واحد ييجى يقول تبيع ؟ لغايه مابعتها و بعده بحوالى سته شهور بعد ما راحت من ايد لايد اكترمن ثلاث مرات وجدتها عند احد محلات الطيور وعملنا لها زيارة واخدنا لها لب اسمر وكانت تموت فيه .المهم عندما دخلنا المحل وجدت الراجل متعور فى راسه وياسمين فى القفص قلت له مالك قال لى كانت برة القفص وحاولت امسكها راحت ضاربانى فى راسى بمنقارها .وولما شاف بنتى الصغيرة بتديها اللب واحدة واحده فى بقها بقى مذهول انها مش خايفه وان ياسمين بتمسك منها اللبايه وتاخد غيرها .

وطريقه التعامل مع الببغاوات الكبيرة بتعتمد على اول لقاء الذى بناء عليه يطمئن الببغاء للشخص او يظل عدو له مدى الحياة نراكم قريبا

[مشاعر]

[hopsan]

[مشاعر]

[Prof]

عم فاين.. الله ينور..
هو الحاجات الجميلة دي ممكن تكون موجودة في سوق الجمعة بتاع السيدة عائشة؟
بافكر اروح اتفرج يمكن ارجع معايا حد... بافكر يعني.

[finetouch]

سوق الجمعه احد اماكن النصب الكبيرة . اولا كل اللى عنده حاجه مضروبه اوعجوزة او عيانه يروح يقلبها هناك. بالاضافه الى الخناقات المفتعله من النشالين لعمل زحمه وسرقه المترددين . واحسن شئ فى السوق ان الواحد يتعرف على هواة مختلفين من جميع النواحى وسماسرة ودة فى القهاوى المنتشرة هناك . اى نعم يوجد ناس امناء ولكن السمه الغالبه هى الاونطه . وشراء الببغاوات الكبيرة لايتم فى لحظه او فى الشارع و لابد ان يلاحظها الانسان عده مرات مثلا الارجل يظهر منها اذا كانت عجوزة ام صغيرة . البراز يظهر منه حالته الصحيه (مرة سمسار جاب لى واحد زنجبارى وعلى ماعملت له الشاى لقيت البغبغان عنده اسهال اخضر ودة مرض) طبعا ساعات الواحد يجد ان العيب ممكن معالجته اشتريت بغبغان مرة رجله مكسورة وعملت له جبيرة ولفيت عليها قطعه صاج علشان ما يشيلهاش.... تانى يوم لقيته شد قطعه الصاج وقطع الجبيرة و بعدها بايام بقى زى الجن.
الريش ايضا يظهر منه الحاله الصحيه.. الملمس واللون الزاهى .
الخلاصه لما تشترى بغبغان وكنت جديد انت و حظك واحسن يكون معاك واحد سبق له التعامل مع هذة الطيور واهم شئ عدم الاستعجال .
وكما قلنا اول مقابله البغبغان بيكون عن الشخص فكرة واحسن طربقه ان الواحد يبتسم له ويكلمه بهدوء ومايقبلش عليه مرة واحده لانه بيتخض وطبعا لو البغبغان كا فى بيت او محل لازم الواحد يطنشه وهو حا يحاول يقرب منك زى العيل الصغير الغريب اول ما تمسكه يعيط ولو طنشته هو ييجى من نفسه . و طبعا هدوء البغبغان واذا كان اليف ولا لاء دة هو الذى يحدد سعرة . طبعا ساعات تجد بغبغان غشيم لسه ما اترباش فى وسط ناس زى الزنجبارى اللى كانوا بيجيبوة من تشاد وده انت وحظك ممكن يبقى دمه خفيف و يقبل التعليم بسرعه وده غالبا بيكون سنه صغير وممكن يكون غبى ومش عاوز يتعلم ودايما يكون سنه كبر فى البريه .

ولابد من القراءة فى هذا الموضوع للاستفاده من خبرات من كتبوا .

تم تحرير المشاركة بواسطة finetouch: Apr 20 2007, 10:10 AM