النشره الجويه........ يقدمها لكم تامر البواب خيارات

[قلب يريد العقل ي...]

اعزائى المشاهدين ................


السلام عليكــم ورحمـة الله وبركاتــة ،،
غدا ان شاء الله سيكون مشمش نهارا وبرقوق ليلا كما أنوه يتوقع خبراءالارصاد انه قد يكون هناك احتمال لسقوط تفاحه معفنه من فم أحد الاغنياء للفقراء.

وعباد الله الصالحين سوف يقومون ان شاء الله لاداء صلاة الفجر (احلى جو فى اليوم كله).

هناك احتمال ظهور موجة غباء على وش الصبح وعلى الساده السائقين المسافرين عبر الطرق الزراعيه توخى الحذر وربط أحزمة الضمير وأرحموا من فى الارض يرحمكم من فى السماء.

كما أتمنى من الماره رسم الابتسامه على وجوههم وأبدا بيها يومك
فهو يوم مثل كل الايام فلما لا تبدأه بابتسامه وتحسن معاملتك وأبدأ بنفسك والمعامله الحسنه قابلها بمعامله حسنه مثلها أو تزيد ولا تلاقيها بكل جحود.

وبنقول للجماعه اللى بيظلموا كل يوم جرب متظلمش يوم خد أجازه يا جدع هتقوم تانى يوم فايق ورايق ومستعد أحسن استعداد للظلم كل واحد لازم يشوف شغله باردوه (مهى الايد البطاله.................)

نرجو من أى شخص يحتمل ظهور ثلاثة خطوط عريضه على قورتوه ميطلعش من بيتهم مش ناقصين خانقه.
والستات اللى بتنكد على أجوازها صبح وليل أول ما يروح الشغل وأول ما يرجع من الشغل أبوس أيدك خلى الراجل يروح شغله فايق من غير عكننه
وعلى الساده الرجال متصلبش يا عم وتتتقمص وتعلم زى العيال الصغيره .


واللى نازل رايح يصيف ينزل وعاوزوه يفرح أوى ويخلى بالوه أن فى قذائف بتطلق على شواطىءمثلما يحدث فى فلسطين ولا تضع ذلك فى بالك .
فأرجو منك الاستمتاع وطفلتنا الفلسطينينه تم احتسابها من الشهداء

فاليوم يومك ولن يعود أبدا ف أستغله أحسن أستغلال وأخيرا اكثر من ذكر الله

كان معكم تامر البواب من فوق الكشك حاجه ساقعه سفن أب


كتبها : تامر حجازى

أذعها على حضراتكم :الاستاذ الفاضل تامر البواب

تم تحرير المشاركة بواسطة قلب يريد العقل يستفيد: Aug 3 2008, 11:55 PM