IPB

مرحبا بالضيف ( دخول | التسجيل )





2 الصفحات V   1 2 >  
Reply to this topicStart new topic
> رؤية جديدة للحياة الزوجية السعيدة .!, دعوة عامة للمناقشة حول الرؤية .!!!
Badroora
المشاركة Aug 1 2008, 04:00 PM
مشاركة #1


ناقدة قصصية وإنزياح بنيوي .
***

المجموعة: Members
المشاركات: 750
التسجيل: 12-June 08
البلد: Two Seas
رقم العضوية: 3,713




اخواتى الاعزاء سواء المتزوجات او الانسات مثلي .
يعلم الله انى فتحت هذا الموضوع من اجلكن ومن حرصي الشديد على مصلحتكن blush.gif ,وما سوف اخطه اليوم هو حصيلة متابعة وترقب اكثر من 10 سنوات .
اخواتى الاعزاء انا لست ام ولست زوجة ولكنى ام بالتبني لاخواتى وصديقاتى والحمدلله اتعقدت رسمي رسمي من هول نتيجة التجربة . ohmy.gif
انا من النوع الذي لا يستفيد ابدا من خبرات الاخرين لانى مؤمنه جدا ومقتنعة بان لكل منا ظروفه الخاصة اذن ما يطبق على لا يصح ان يطبق على الاخرين نظرا للفروق الفردية سواء الاجتماعية او البيئية المحطية بنا .
دا مبدئي فى الحياة فى كل شيء ماعدا الزواج الى هنا وتوقفت. لا استطيع ان اخاطر بتجربة عشان اشوف يا تنجح يا تفشل .
لن اطيل عليكم ندخل فى الموضوع .
من خلال الخبرات المكتسبة من المحيطين سواء اخواتى ,اقاربي , اصدقائي .
ان كلنا تربينا على الاتى .
الطاعة العمياء للزوج
طلباته فى الدرجة الاولى
وفريله الاستقرار
اوعى صوتك يعلى على صوته
اوعى وهو راجع من شغله ومكشر تسأليه مالك او تكشري فى وشه 4.gif
لما تحبي تناقشيه فى حاجة اختارى الوقت المناسب والظرف المناسب ايضا .
اوعى تحمليه فوق طاقته
كونى ام
كونى اخت
كونى زوجة
لو فى ايدك ايه اوعى يرجع من الشغل يلاقي البيت مكركب وهدومك مش نظيفة
لازم تتزينى وتتعطرى وتبقي على سنجة 10 عند قدومه للبيت . 61.gif
الاولاد دايما تراعيهم ويبقوا متحميين ولابسين كويس .
البيت خليه المكان اللى يحب يرتاح فيه .
يعنى من الاخر كونى مسخرة لراحة سعادة جنابه وكونى جاريته ولبي كل طلباته
وانتى بقي الله معكى .
طبعا كلامى دا لا اعمم به كل الناس الا الفئات اللى تعاملت معها يعنى كلامى دا مش استاندر بيحصل مع كل الناس .
المشكلة هنا
ان الراجل لو استقر فى بيته بيتعب زوجته وينهار البيت ..!!!! ازاى الكلام دا ؟!!!!
الرجل عندما يثق فى رزوجته ويطمئن ان البيت عنده مستقر وولاده كويسين طبعا الفضل يرجع للزوجة مش ليه .
يقوم هو بقي يبدأ يفكر فى نفسه , زوجته خلاص اتعود عليها وبقي لا يطقها ولا يقدر على بعدها يعنى بقت جزء منه زيها زى امه او اخته ميقدرش يستغنى عن وجودها فى حياته لانها توفر له الامن والامان والاستقرار بالمنزل .
ولكن هو بقي حاسس ان حقه مهضوم محتاج اللى تدلعه وتكون فضياله مش مشغولة ب5 عيال وبيت ومسئولية
هنا يبدا الزوج يفكر فى زوجة تانية عشان تشبع حقه المهضوم فى ولاده .
ولو حد قالة ليه كدا هى قصرت معاك ؟
يقولك الشهادة لله لاء 15.gif
طيب فيها عيب ؟
يقولك الحق ينقال لاء
طيب مهملة فى نفسها ؟
يتنح وبعد تفكير عميق ويهرش فى راسه ويقولك ماهو اصل ..... 1019.gif
اذن هو خلاص مطمئن ان فى زوجة مستنياه فى البيت , وولاده فى احس حال يبقي ليه ميشوفش نفسه بقي ويعيشله يومين .
طبعا الكلام دا حقيقي ودا اللى لمساه ولمسته مع الفئة اللى تابعت حالتهم وعشت مشاكلهم والحمدلله شغالة مصلحة اجتماعية الايام بس لسه مخربتش بيوت يا مسهل 11.gif
المهم
لو الزوج لقي الاتى
زوجة مطلعه عنيه بس بلطافة مش بزهق وقرف ahhhhhhh.gif
لو حشرته فى كل كبيرة وصغيرة بالبيت عشان يحس انه اب وكبير ومسئول مش نوغه يغسل ايده من المسئولية ويروح يشوف نفسه .
ان كل مشكلة كبيرة وصغيرة لولاده تحطة هو قدام المدفع وتساعد من بعيد .
ملهاش دعوة بمصروف البيت هو اللى يفكر ويصرف وهى اللى عليها الباقي ,,,, كدا مافيش مشاركة ؟ لاء ليه فيه طبعا ماهى هتطبخ وهتكمل الباقي .
المهم بقي هو تنضيف جيوبه او باول ,,, دى طريقة بلدي ومش بروفيشونال الكلام دا فى اول التعامل لكن اى زوجة مثقفة ومتعلمة لما جوزها يفكر يتجوز عليها بتكون مجروحة زيها زى اى ست بغض النظر عن الفروق الاجتماعية بينهم الجرح جرج .
المطلوب من كل زوجه انها تقوم بدورها اللى ربنا وصاها به على اكمل وجه دون تقصير مع مراعاة حقوقها وتخلى عنيها على جوزها .
ونصيحة بقي اى ست متجوزة مافيش حاجة اسمها خصوصية بين الزوج وزوجته لازم تقلب المسنجر بتاعه وتفليه وكمان الموبايل لان صدقونى لو معظم الستات فجأة تخلت عن مبدا الخصوصية اللى بيحمى الازواج دا وعملت تفتيش مفاجيء هنلاقي معظم الستات فى المحاكم طالبين خلع .
لان كل رجل ديمقراطى عصري مودرن بينادى بخصوصيته فقط وتلاقي بلاوى على اميله وموبايله .
وطبعا الست المسكينه مافيش خصوصية وطبعا انا ديمقراطية اوبن مايند بس بردة ضد ان الزوجة يكون ليها اصدقاء رجال وهى متزوجة.!!
اصدقاء عمل اوك داخل العمل اصدقاء مشتركين بينها وبين زوجها اوك
لكن نظام خصوصيتى وخصوصيتك واصدقائي واصدقائك انا كشرقية لا اقبله ابدا ولا انادى به لا لنفسي ولا لاحد من المقربين لى ولكل منا قناعاته الخاصة بشأن هذا الموضوع .
انا اللى طلعت به من الموضوع دا
لازم الزوجة متكوش معتمده اعتماد كامل على الرزوج يعنى بالبلدى ميكنش ولى نعمتها اللى من غيره تضيع وتنهزم
لازم يكون لها ذاتها وتكون قوية سواء ماديا او اجتماعيا حتى لا تنهار من بعده
تكون ذو شخصية قوية ولا تقبل اى وضع فى سبيل البيت ووالاولاد وسمعة المطلقة والكلام الغريب دا
مافيش حاجة فى الدنيا تجبر اى سيدة انها تكون تحت رحمة زوج او تربي ولادها فى جو اسري غير صحي فى سبيل كلام لا يودي ولا يجيب
هى بقوتها وبفلوس ابو ولادها هتربيهم وهتكبرهم احسن بكتير من وجودهم فى جو اسري عقيم لا يخلو من المشاكل والشجار بين الزوجين
وكمان متنسيش انك بردوا اللى كنتى بتربي وانتى مع زوجك هو شغلته انه يجيب الفلوس ووقت الفراغ يا اما ماتش يا اما نت وانت بتخدمى عليه .
الزوجة لازم تكون متجدده بحيث متكونش عادية او روتينية بحيث كل مازوجها يدخل البيت يلاقيها بشكل جديد انا عارفه انه متعب بس معلش التغير شيء كويس
وهو بردوا يعنى لازم بردوا يتجمل لها ميقعدتش يعيب عليها وهو مكعبر وشعره منكوش ودقنه طويلة
ومن حقك تنتقديه زى ما بينتقدك مش هو يدي لنفسه الحق انه يقولك شعرك ابيض وهدومك معرفش ايه
وهو طبعا اجارك الله 70.gif
لا تتنزلى عن حقك فى الخروج والفسح طبعا على حسب ظروفه ولا تتنزلى عن حقك داخل البيت
يعنى ميشتغلش طول النهار ولما يرجع يبقي يا تليفزيون يا نت يا نايم وانت اخبطى راسك فى الحيط لاء طبعا كونى قوية ولازم يسمعك ويكلم معاكى وتشركيه فى كل مصيبة فى البيت
فى الزمن دا مبقاش حد يستاهل انك تخبي عنه حاجة عشان ميزعلش لاء نكدى عليه وانتى الكسبانه
وزى ماهو عاوز حنية الام خليه يحسسك برعاية الاب
وبالتوفيق ان شاء الله
مع تمنياتى بحياة زوجية سعيدة هانئه
ملحوظة
هذا مجرد راى ووجهة نظرى الخاصة
لا تعنى انى صح ولا تنادى بان هو دا اللى المفروض يكون
ولكلا منا ظروفه الخاصة وطريقته فى ادارة حياته
مع خالص تحياتى ...
بدرورة


تم تحرير المشاركة بواسطة Badria Mekkawy: Aug 1 2008, 04:26 PM


--------------------

.
Go to the top of the page
 
+Quote Post
finetouch
المشاركة Aug 1 2008, 05:42 PM
مشاركة #2


عضو مميز
****

المجموعة: Members
المشاركات: 1,465
التسجيل: 26-November 06
رقم العضوية: 2,650



تسجيل متابعه و تفكير وتمخيخ لكتابه تعليق .....


--------------------
والذين جاؤوا من بعدهم يقولون ربنا اغفر لنا ولاخواننا الذين سبقونا بالايمان ولا تجعل في قلوبنا غلا للذين امنوا ربنا انك رؤوف رحيم
Go to the top of the page
 
+Quote Post
Badroora
المشاركة Aug 1 2008, 09:25 PM
مشاركة #3


ناقدة قصصية وإنزياح بنيوي .
***

المجموعة: Members
المشاركات: 750
التسجيل: 12-June 08
البلد: Two Seas
رقم العضوية: 3,713



مخمخ وفكر وقرر وتعالى علق براحتك مش مستعجلة انا فى الانتظار واهى قاعدة smiley_rit_pleur_ani.gif


--------------------

.
Go to the top of the page
 
+Quote Post
زهرة الجبل
المشاركة Aug 2 2008, 04:41 PM
مشاركة #4


عضو
**

المجموعة: Members
المشاركات: 48
التسجيل: 19-June 08
البلد: مصريه
رقم العضوية: 3,733




يا خبر يا بدروره...

أقول لك سر ؟

في واحد صاحبي.. هاه؟ عارفاه إنتي صح؟

المهم يا ستي صاحبي ده كل ما يقعد عالنت و أسمعه بيضحك لوحده كده و بصوت عالي .. أعرف على طول إنه بيقرأ موضوع من موضوعاتك

إنهرضه بقى أنا بتخيل شكله لما يقرأ الموضوع ده هيتعكر خالص

هيقول بداره عامله حمله ضد معشر الرجال و شنت الحرب علينا

إقتباس
ان الراجل لو استقر فى بيته بيتعب زوجته وينهار البيت ..!!!!


روحي يا شيخه .. ربنا يطمن قلبك

إقتباس
احشريه فى كل كبيرة وصغيرة بالبيت عشان يحس انه اب وكبير ومسئول مش نوغه


الحقيقه في بعض الرجال أحياناً يضطروا آسفين يتحشروا في كل صغيره و كبيره ... مش علشان الزوجه عاوزه تحسسه بالمسؤوليه... بس لأنها منغيره بتحتاس و تغرق في شبر ميه


إقتباس
الزمن دا مبقاش حد يستاهل انك تخبي عنه حاجة عشان ميزعلش لاء نكدى عليه وانتى الكسبانه


و الله إنتي عسل يا بداره ... ماري منيب يا إخواتي؟

إقتباس
لازم بردوا يتجمل لها ميقعدتش يعيب عليها وهو مكعبر وشعره منكوش ودقنه طويلة


مش بقول لك و الله انتي عسل يا بداره!!


إقتباس
المهم بقي هو تنضيف جيوبه او باول ,,,


لا من الناحيه دي متقلقيش خااااالص ... الستات أساتذه في الموال ده ... مش محتاجين النصيحه

شوفي يا ستي

أنا وجهة نظري المتواضعه جداً إن الرجل هو في الأصل طفل صغير

ماعدا مصري أصيل طبعاً ... و الله شكلك هتوقعينا في الغلط

المهم يا ستي ... الطفل ده بكلمه حلوه تقدري تكسبيه ... و بنظره مش حلوه للأسف تخسريه

و إذا كان تنضيف جيوب الرجل أول بأول هي طريقة بلدي ومش بروفيشونال لكنها مضمونه فصدقيني مبدء الرجل الطفل ده مبدأ أقدم و أسلم و يثبت فعاليته مع مر الزمن

و عارفه كمان !! الرجل نفسه هو صاحب اليد الطولى في إثبات هذا المبدأ بصفاته و طبائعه

و ممكن بدون ما تنفضي جيوبه ينفضهم هو بين إيديكي منغير ما تنطقي بحرف

يعني إيه؟

يعني بصراحه كده لو قولتي كلمه حلوه هتاخدي عينيه برضاه ... ولو كشرتي في وشه هياخد عينك غصب عنك

هي كده و الله

نقول بإختصار ؟

إذا كانت الواجبات المطلوبه من الزوجه لإرضاء زوجها هي كثيره في رأي البعض ... فإن حصول هذه الزوجه على حياه سعيده و هادئه بلا نقص لأي حق من حقوقها كمقابل هو منوط بقدرتها على الوفاء بهذه الواجبات

كلامي طبعاً يكون سليم و واقعي في الظروف الطبيعيه .. يعني إمرأه سويه و رجل غير معقد

لأن الزوجه غير السويه سترى أن واجباتها عـِبء كبير من الظلم لها أن تحمله وحدها

و الرجل المعقد سيرى زوجته مقصره مهما بذلت لإرضاءه و قد لا يراها مقصره لكن لا يرى أن لها حقوق

أما الحياه الطبيعيه القائمه على الموده و الرحمه فهي أمر آخر

هي حياه يقدر كل طرف فيها اللآخر و يرغب في إرضاءه إكراماً له و لطيب عشرته

فيها تصبح واجبات المرأه هي أمر تحب المرأه القيام به أكثر مما يحب الرجل الحصول عليه حباً في زوجها و إمتناناً له

و فيها تصبح واجبات الرجل هي أمر يحب الرجل القيام به أكثر مما تحب المرأه الحصول عليه .. حباً في زوجته و إمتناناً لها

أخيراً يا بدروره أحيكي على الطرح الجميل

و أتمنى الحياه السعيده للجميع

تحياتي

أم كريم


تم تحرير المشاركة بواسطة زهرة الجبل: Aug 2 2008, 07:22 PM


--------------------

إن خَـلَـت الأرض من الدورِ... بيتي في عينه يأويني

لــو كـل الدنـيـــا لــي داراًَ ... عينــاهُ أحب عنــاويني


أهلاً بكم في مدونتي..همس القلوب
Go to the top of the page
 
+Quote Post
أحمد باشــا
المشاركة Aug 2 2008, 06:22 PM
مشاركة #5


عضو مميز
****

المجموعة: Admin
المشاركات: 4,036
التسجيل: 11-March 06
البلد: مصـــر
رقم العضوية: 2,520



حاسس أني بأتفرج على مسلسلات تليفيزونية أو أفلام عربي

الحقيقة أن الحياة مختلفة بعض الشئ عن هذه الأنماط ألتي تتحدث عنها بدارة

و الواقع أن ما بين الزوجين يعتبر من الأسرار الغير قابلة للنشر

لكن ما يسمح به للنشر هو هذه الأفلام و المسلسلات الغير مشجعة

هناك جوانب مشرقة أخرى لا يحكى عنها بالطبع

الحكاوي في المشاكل بس


--------------------
Go to the top of the page
 
+Quote Post
زهرة الجبل
المشاركة Aug 2 2008, 07:58 PM
مشاركة #6


عضو
**

المجموعة: Members
المشاركات: 48
التسجيل: 19-June 08
البلد: مصريه
رقم العضوية: 3,733



إقتباس(اللهو الخفي @ 2 Aug 2008, 07:22 PM) *
حاسس أني بأتفرج على مسلسلات تليفيزونية أو أفلام عربي

الحقيقة أن الحياة مختلفة بعض الشئ عن هذه الأنماط ألتي تتحدث عنها بدارة

و الواقع أن ما بين الزوجين يعتبر من الأسرار الغير قابلة للنشر

لكن ما يسمح به للنشر هو هذه الأفلام و المسلسلات الغير مشجعة

هناك جوانب مشرقة أخرى لا يحكى عنها بالطبع

الحكاوي في المشاكل بس


إسمح لي أخي الفاضل أن أختلف معك في الرأي

الكلام اللي بدريه عرضته هو ليس غريب بالقدر الذي يجعله خيالي

قد أختلف معها قليلاً في طريقة التعامل مع تلك الظروف

لكن لا أعتبرها ظروف لا تحدث إلا بالأفلام و الخيال الدرامي

فهي للأسف نمازج موجوده و موجوده بشكل لا يصح معه التجاهل

بالطبع ليست هي الأساس ... لكنها موجوده

أتكلم هنا عن عدم القدره على التفاهم بشكل جيد بين الزوجين بما يضمن لكلاهما الرضى


و أرى أن المهم هنا هو الإعتراف بالمشكله و محاولة العثور على الطرق المثلى للتعامل معها

تقبل تحياتي

أختك أم كريم


--------------------

إن خَـلَـت الأرض من الدورِ... بيتي في عينه يأويني

لــو كـل الدنـيـــا لــي داراًَ ... عينــاهُ أحب عنــاويني


أهلاً بكم في مدونتي..همس القلوب
Go to the top of the page
 
+Quote Post
أحمد باشــا
المشاركة Aug 2 2008, 08:21 PM
مشاركة #7


عضو مميز
****

المجموعة: Admin
المشاركات: 4,036
التسجيل: 11-March 06
البلد: مصـــر
رقم العضوية: 2,520



أم كريم ربما فهنتي كلامي خطأ

إقتباس
لا أعتبرها ظروف لا تحدث إلا بالأفلام و الخيال الدرامي


فأنا قلت

إقتباس
الحقيقة أن الحياة مختلفة بعض الشئ عن هذه الأنماط ألتي تتحدث عنها بدارة


و سر هذا الأختلاف البسيط هو

إقتباس
هناك جوانب مشرقة أخرى لا يحكى عنها بالطبع

الحكاوي في المشاكل بس


--------------------
Go to the top of the page
 
+Quote Post
زهرة الجبل
المشاركة Aug 2 2008, 09:21 PM
مشاركة #8


عضو
**

المجموعة: Members
المشاركات: 48
التسجيل: 19-June 08
البلد: مصريه
رقم العضوية: 3,733



أخي الكريم اللهو الخفي

عذراً ... أسأت فهمك فعلاً

إعتقدت إن رأيك أن هذه المشكلات لا وجود لها إلا بالأفلام

على كل حال أتفق معك في أنه بطبيعة الحال هناك جوانب مشرقه كثيره في العلاقه بين الزوجين

أدامها الله على من أنعم عليه بها ... و أكرم من يفتقد إليها بها

و لعل طرح الأخت بدريه يهدف لتسليط الضوء على مواضع الخلل حتى نستطيع أن نحيلها كلها إلى جوانب مشرقه إن شاء الله

تقبل تحياتي

أختك أم كريم


--------------------

إن خَـلَـت الأرض من الدورِ... بيتي في عينه يأويني

لــو كـل الدنـيـــا لــي داراًَ ... عينــاهُ أحب عنــاويني


أهلاً بكم في مدونتي..همس القلوب
Go to the top of the page
 
+Quote Post
أحمد باشــا
المشاركة Aug 3 2008, 06:16 PM
مشاركة #9


عضو مميز
****

المجموعة: Admin
المشاركات: 4,036
التسجيل: 11-March 06
البلد: مصـــر
رقم العضوية: 2,520



وافر تحياتي لك يا زهرة الجبل

لكي أقرب الصورة لما أقول نأخذ مثالا أكثر وضوحا و هو العمل

لو نظرنا لموضوع العمل بقتامة أو تربص لقلنا أن في العمل مهانة و مذلة

و أن من يعمل هو عبدا للقمة العيش يتحمل الكثير ليقنع بما يحصل عليه

و الحقيقة أن ذلك كله صحيح ألى حد ما و لكن قيمة العمل و ما يضيفه للفرد يهون في سبيله كل ذلك و أكثر

و أيضا الزواج يضيف للمتزوج الكثير ... الأمان و الأستقرار و السعادة و الهناء ...و العفاف و الأحساس بالمسئولية

و به من الشقاء أيضا و التعاسة و خيبة الرجاء في الطرف الآخر الكثير

و طرح العيوب منفردة فقط يوحي بأنه لا طائل من فكرة الزواج من الأساس طالما الكل يشتكون

لذلك أردت أن أوضح لبدرية أن مصادرها أو مشاهداتها لم تتعدى سوى الجزء غير المشجع فقط

و هناك الكثير من السيدات المتزوجات يظللن يجأرن بالشكوى للغير ..... منعا من الحسد

يجب أن يكون مفهوما أن حقيقة العلاقات الزوجية هي سر من الأسرار ألتي لا يتاح لأي طرف آخر أن يعرفها بأجمال

أبدا .....حتى مما بدا له و ظهر


--------------------
Go to the top of the page
 
+Quote Post
El-Masri
المشاركة Aug 4 2008, 07:13 AM
مشاركة #10


عضو مميز
****

المجموعة: مناظرات
المشاركات: 3,062
التسجيل: 17-December 04
رقم العضوية: 1,253



حقا، إظفر بذات الدين، فهى تعرف واجباتها وحقوقها ،ولا تتزمر من لاشئ، وتشكك فى كل شيئ، وتكتئب بلا سبب،فعلا ده يبقى جحيم. الله يرحمنا.

تم تحرير المشاركة بواسطة El-Masri: Aug 4 2008, 08:22 AM


--------------------
user posted image
Go to the top of the page
 
+Quote Post

2 الصفحات V   1 2 >
Reply to this topicStart new topic
1 عدد القراء الحاليين لهذا الموضوع (1 الزوار 0 المتخفين)
0 الأعضاء:

 



RSS نسخة خفيفة الوقت الآن: 23rd November 2014 - 10:39 AM