IPB

مرحبا بالضيف ( دخول | التسجيل )





4 الصفحات V   1 2 3 > »   
Reply to this topicStart new topic
> مشاكسات تامر وبسمه, ( متضحكنيش يا تامر .... هتموتى يا سوسو)
قلب يريد العقل ي...
المشاركة Jul 14 2008, 02:32 AM
مشاركة #1


عضو نشيط
***

المجموعة: Members
المشاركات: 107
التسجيل: 6-July 08
البلد: طنطاوى
رقم العضوية: 3,793



rolleyes.gif [size="5"][/size] تامر كان عايز يعاكس واحده قدام صحابه ويعرفهم أنه مش واد خام وأنه بيعرف يعاكس زيهم فقالهم طب شاورولى على اى واحده كده وأنا أروح أعاكسها وأخليها تعجب بيه وتتكلم معايه.

هما شافوا واحده معديه وكانت زى العسل قالولوه بص شايف البنت الى هناك دى قالهم اه اوعوا تقولولى عاكس دى دى حلوه اوى هقولها ايه قالولوه احنا عاوزينك تثبت انك مش خام وبتعرف تعاكس قالهم طب اتفرجوا عليه بقا وشوفو واتعلموا منى هوه رايح ومش عارف هيعمل أيه.

كان اسمها بسمه بسمه كانت بتحاول توقف تاكسى مش عارفه ودايخه ومفيش تاكسى راضى يقف لها تامر قرب منها براحه ووقف وراها وهيه بتوقف التاكسى وراح قالها بخخخخ بسمه اتنفضت من مكانها واتخضت خضه جامده قالتلوه ايه ده انت اهبل قالها لا والله مش اهبل أنا عاوز اعاكسك والعيال واقفه هناك قاعدين يضحكوا عليه قالتلوه ايه عاوز تعاكسنى والله .
بسمه قاعده تضحك فى سرها قالتلوه طب انت بتعرف تعاكس عاكسنى ورينى كده قالها اصلى اول مره اعاكس بنت والله هتكون الاخيره
بس انا عاوز اخلى العيال دى تشيل فكرة اننا خام وماليش فى البنات قالتلوه طب عاكسنى ياله ورينى وانا مش هتكلم قالها بجد قالتلوه اه ياله عاكسنى بقا
قالها والنعمه انتى واحده هتتعاكسى وطيبه اوى قالتلوه هتعاكس والا مش هتعاكس
قالها هعاكس هعاكس استنى بس متحرجنيش مع العيال دى بس انتى تسكتى خالص قالتلوه انتا تعمل ان احنا بنمثل ماشى ومتخافش انا مش هتكلم قالها كمان هنمثل مش بقولك انتى طيبه اوى وحلوه وانا مبعرفش اعاكس بنات حلوه كده ومش بعرف اعاكس اصلا قالتلوه يعنى عاوز ايه اعلمك قالها ايه تعلمينى طبعا قولى انتى لازم اتعاكستى كتير ومجربه انا او ل مره انما انتى شكلك على طول قالتوه عاكسنى بقا وبسمه مستعبطه فيها قالها طيب انا هعاكسك
قالها يا خرابى على بوقك بوقك ده والا مش بوقك قالتوه بوقى والله
قالها منخيرك دى والا مش منخيرك قالتوه والله دى كمان منخيرى انت مالك ومال
منخيرى مش عاجباك 0وكانت لابسه طقم احمر قالها على فكره الاهلى بيكسب على طول وانا بقول هوه بيكسب ليه قالتلوه ليه قالها عشان انتى بتشجعيه
قالها هوه انتى اسمك ايه يا عسل يا قشطه يا لبن يخربيت الجموسه اللى جبتك قالتوه اسمى بسمه قالها بسمه الله اسمك طعمه حلووووووو.

وللحديث بقيه الى اللقاء smiley_rit_pleur_ani.gif


تـالـيـف : تـامـر حـجـازى
قـلـب يـريـد الـعـقـل يـسـتفيد


اعتذر لكم عن اسلوبى الغريب فى الكتابه ولكن انا لست كاتب سيناريو انا ضعيف جدا فى السيناريو وكتبت على قد ما قدرت ولكنى بحاول انى اعلى بمستوايه .

وشكرااااااااا 00000000000
Go to the top of the page
 
+Quote Post
Prof
المشاركة Jul 14 2008, 02:50 AM
مشاركة #2


عضو مميز
****

المجموعة: Admin
المشاركات: 8,166
التسجيل: 11-January 02
رقم العضوية: 1,000



رغم ان العمل اللي فات ما كانش على نفس الوتيرة.. لكن هنا بداية قوية.. 3dlunettesbf2.gif
يظهر عندنا منافسين لبدرية بدارة والمعنم حشيش...

Go to the top of the page
 
+Quote Post
كثرة الحب تميت ا...
المشاركة Jul 14 2008, 05:58 AM
مشاركة #3


عضو جديد
*

المجموعة: Members
المشاركات: 1
التسجيل: 14-July 08
رقم العضوية: 3,813



السلام عليكم ورحمة الله وبركاته
انا جديدة معاكم في المنتدي وسعيدة جدا باشتراكي وكنت عايزة اقول ان موضوع مشاكسات تامر وبسمه حلو جدا وانا في انتظار الموضوع الجاي علشان اعرف اللي هيحصل وياريت ياتامر متتاخرش علينا في الموضوع الجاي وشكرا لكل اللي في المنتدي
Go to the top of the page
 
+Quote Post
قلب يريد العقل ي...
المشاركة Jul 15 2008, 12:52 AM
مشاركة #4


عضو نشيط
***

المجموعة: Members
المشاركات: 107
التسجيل: 6-July 08
البلد: طنطاوى
رقم العضوية: 3,793



إقتباس(كثرة الحب تميت القلب @ 14 Jul 2008, 03:58 AM) *
السلام عليكم ورحمة الله وبركاته
انا جديدة معاكم في المنتدي وسعيدة جدا باشتراكي وكنت عايزة اقول ان موضوع مشاكسات تامر وبسمه حلو جدا وانا في انتظار الموضوع الجاي علشان اعرف اللي هيحصل وياريت ياتامر متتاخرش علينا في الموضوع الجاي وشكرا لكل اللي في المنتدي

وعليكــم السـلام ورحمة الله وبركاتـه..

والله أنا أسعد واحد باشتراكك بس فى الحقيقه اسمى تامر smiley_rit_pleur_ani.gif

حاضر مش هتاخر وسيكون الموضوع القادم ان شاء الله على احر من الجمر

وشكرااااااااا كتير ليكى . merci20.gif

Go to the top of the page
 
+Quote Post
قلب يريد العقل ي...
المشاركة Jul 15 2008, 01:02 AM
مشاركة #5


عضو نشيط
***

المجموعة: Members
المشاركات: 107
التسجيل: 6-July 08
البلد: طنطاوى
رقم العضوية: 3,793



إقتباس(Prof @ 14 Jul 2008, 12:50 AM) *
رغم ان العمل اللي فات ما كانش على نفس الوتيرة.. لكن هنا بداية قوية.. 3dlunettesbf2.gif
يظهر عندنا منافسين لبدرية بدارة والمعنم حشيش...



لاء والله يا بروف احنا مش قد الناس دى دول اساتذه يا عم اش جاب لجاب 10_1_121.gif

خلينا مستخبين فى الدره......... 10_1_117.gif محدش يقول بقا اننا هناك .
بشكرك اوى يا بروف.

Go to the top of the page
 
+Quote Post
أحمد باشــا
المشاركة Jul 16 2008, 11:29 PM
مشاركة #6


عضو مميز
****

المجموعة: Admin
المشاركات: 4,036
التسجيل: 11-March 06
البلد: مصـــر
رقم العضوية: 2,520



كثرة الحب تميت القلب

قلب يريد العقل يستفيد

بجد أنتم ناس عسل
withballoon2.gif


--------------------
Go to the top of the page
 
+Quote Post
قلب يريد العقل ي...
المشاركة Jul 17 2008, 12:25 AM
مشاركة #7


عضو نشيط
***

المجموعة: Members
المشاركات: 107
التسجيل: 6-July 08
البلد: طنطاوى
رقم العضوية: 3,793



إقتباس(اللهو الخفي @ 16 Jul 2008, 09:29 PM) *
كثرة الحب تميت القلب

قلب يريد العقل يستفيد

بجد أنتم ناس عسل
withballoon2.gif


اللهو الخفى( جمله اسميه) ...... حضرتك واسم حضرتك اللى بلاص عسل . smile030.gif

ــــــــــــــــــــــــــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــــ

ولكن احب ان اوضح حاجه يا جماعه بالنسبه لاسمى أنا مش مدرس لغه عربيه .
أنا قصدت رسالة من وراء الاسم وحاولت اوصلها فكتبتوه كده أنا مش هروح لمدرس لغه عربيه عشان يعملى أسم تفصيل اه انا عاوزه جمله اسميه وطولى المبتدأ وقصرلى الخبرمتنساش الفاعل يبقا فى النص.
( قلب يريد العقل يستفيد)
تلك هى الرسالهـ :

الشائع أو المعروف أو الراسخ أن الحب يبقا بالقلب لكن لو حضرتك حبيت بالعقل تقولى ازاى تحصل.
حضرتك ممكن تكون بتكلم حد مشفتهوش لكن حضرتك حبيت عقله طريقة تفكيره فمن هنا .
وظيفة العقل يقال انها التفكير بل هى التفكير وليس الحب وعلى ذلك فى بعض الاحيان قد يكون العقل غير مقتنع بالحب فمن هنا كان للقلب أن يتفضل عليه فيستفيد.
وأنا فى مره من المرأت حبيت بعقلى .

قد تكون وجهة نظرى غلط ولكن ارجو المناقشه فى وجهة النظر فى الفكر
مش فى الاسم ياريت منمسكش السمكه من ديلها.

دا كان مجرد توضيح لكل اللى كان بيتريق على الاسم وأحسبهم كثيرا.

شكراااااااا merci-ange.gif

تم تحرير المشاركة بواسطة قلب يريد العقل يستفيد: Jul 17 2008, 12:29 AM
Go to the top of the page
 
+Quote Post
رمضان
المشاركة Jul 17 2008, 01:00 AM
مشاركة #8


عضو نشيط
***

المجموعة: Members
المشاركات: 332
التسجيل: 3-March 07
البلد: ارض الله لخلق الله
رقم العضوية: 2,787



ربنا يسهلك
Go to the top of the page
 
+Quote Post
Badroora
المشاركة Jul 17 2008, 05:23 AM
مشاركة #9


ناقدة قصصية وإنزياح بنيوي .
***

المجموعة: Members
المشاركات: 750
التسجيل: 12-June 08
البلد: Two Seas
رقم العضوية: 3,713



قلب يريد العقل يستفيد ... اسم غريب جذاب هو عجبنى عشان جديد

لكن من ناحية من يستفيد من مين القلب هو المسئول عن التفكير وليس العقل

بخصوص المعكسات فكرتنى بموقفين اول مرة اتعاكست فيها واخر مرة اتعكست فيها

الاولى وانا صغيرة واحد عكسنى وروحت البيت باعيط وحكيت لابويا قولت ابويا بقي هيروح يقتل اللى عكسني

قام ابويا ابتسم وطبطب على وقال لامي البت كبرت وبقت بتتعاكس متخليهاش تطلع لوحدها برة وتلعب فى الشارع

طبعا ندمت انى قولت لابويا كدا ذنبي ايه اتحرم من اللعب n9.gif

التانية ... لما جيت الخليج جديد واتعاكست بلهجة تانية ومكنتش فاهمة فكرته بيسألنى على حاجة

وقفت وباقوله نعم عاوز حاجة قالى لا انا بس بغازل ..قولتله طيب مش تقول عشان كنت هزئتك
ومن ساعتها محدش عاكسنى 12.gif


تم تحرير المشاركة بواسطة Badria Mekkawy: Jul 17 2008, 05:24 AM


--------------------

.
Go to the top of the page
 
+Quote Post
أحمد باشــا
المشاركة Jul 17 2008, 10:00 PM
مشاركة #10


عضو مميز
****

المجموعة: Admin
المشاركات: 4,036
التسجيل: 11-March 06
البلد: مصـــر
رقم العضوية: 2,520



إقتباس(قلب يريد العقل يستفيد @ 17 Jul 2008, 01:25 AM) *
اللهو الخفى( جمله اسميه) ...... حضرتك واسم حضرتك اللى بلاص عسل . smile030.gif



موش عارف دي مجاملة بس بكلام يلطش منك

و لا محاولة للخطا في حقي و أيضا بطريقة ساذجة ؟؟؟

لو سمحت جاوب علشان أعرف أرد عليك بأللي تستحقه

و أعرف أديك حقك تمام


--------------------
Go to the top of the page
 
+Quote Post

4 الصفحات V   1 2 3 > » 
Reply to this topicStart new topic
1 عدد القراء الحاليين لهذا الموضوع (1 الزوار 0 المتخفين)
0 الأعضاء:

 



RSS نسخة خفيفة الوقت الآن: 17th September 2014 - 05:31 AM