IPB

مرحبا بالضيف ( دخول | التسجيل )





 
Reply to this topicStart new topic
> بابا يربح المليون
المتمرد
المشاركة Nov 2 2006, 11:35 PM
مشاركة #1


عضو جديد
*

المجموعة: Members
المشاركات: 5
التسجيل: 17-January 06
البلد: مصر
رقم العضوية: 2,374



2)))(.gif
user posted image

[align=center]بابا يربح المليون
[/align]

حدث في ثالث أيام عيد الفطر السعيد(حيث لا يصح أن يضاف كلمة مبارك إلى عيد بسبب الظرف السياسى) أن صحانى بابا من النوم الصبح و قال لي أنا كسبت مليون دولار يا ولد ( بابا دكتور غلبان و مش حرامي و ما بيخدش قروض من البنوك و جمال مبارك مش شريكه) في واقع الأمر أنا لم أصدق و رغم إن بابا كان يبدوا جادا إلا إنه لم يكن كذلك و رغم إن الأمر فيه شئ من الصحة إلا انه كان يخالطه رغبته فى أن يصحى شخص-أنا- ينام من 3 فجرا ليصحى 3 عصرا أما موضوع المليون $$ كان عبارة عن رسالة وصلت إلى البريد الإلكتروني بتاع بابا بيقول له ألف مبروك أحنا لوترية شركة مايكروسوفت العالمية(MICROSOFT CORPORATION WORLD LOTTERY) و يسعدنا أن نبلغك انك ربحت في اللوترية –السحب- التي تقام لاختيار مجموعة من الأشخاص (30 شخص) سعداء الحظ من خلال بريدهم الالكتروني و إن قيمة الجائزة مليــــــــــون دولار و في نهاية الرسالة رجاء أن نرسل لهم بعض البيانات الاسم ، العنوان الخ الخ

بعد قراءة الرسالة قلت لبابا "دى نصباية" فقالي "المليون دولار يستحقوا إننا نرد عليهم و بعدين إحنا مش خسرانيين حاجة "

كانت الساعة 9 صباحا و أنا بين النوم و الصحيان و أقرب للأولى فما كان عليا إلا أن قفزت على السرير و نمت لأترك المجال لأخي الذي قام بإرسال كل البيانات المطلوبة لنجد الرد يأتي سريعا مرفق معه صورة لشيك بمليون دولار تصرف لبابا من بنك (هس بس) HSBC ، و كتبت ملحوظة صغيرة في آخر الرسالة انه مطلوب منكم إرسال حوالة قيمتها 895 جنيه استرلينى فقط لا غير و هي عبارة عن مصاريف إرسال الشيك .

بمنتهى الأزبهلال قلت أما ناس عبيطه صحيح، عايزنا نبعتلهم 895 سترلينى عشان يبعتوا مليون دولار ما ياخدوا 1000 ولا حتى 10000 من المليون و يبعتوا بيهم الفلوس ولا يعنى عشان دول دولارات و دكها استرلينى يعنى هما معندهمش صرافة

المهم تانى يوم أتصل بينا رقم خاص (لا يظهر رقمه على شاشة أظهار رقم المتصل)

علي الموبايل لنجده شخص من الشركة يتحدث باللغة الإنجليزية بلكنة باكستانية او هندية و يقول أنة مستر باول و سألنا بمنتهى العجرفة لماذا لم يصل له المبلغ المطلوب لحد الآن , فقلنا له بمنتهى البساطه خد قد الى أنت عايزه عشر مرات من الفلوس الى أنت هتبعتهلنا فقال لنا انه مينفعش و إن الشيك أتعمل خلاص و إحنا استلمنا صورته

فقال له أخي أنا ايه يضمنى إن الحكاية دى مش نصبايه و بمجرد ان ذكر أخى كلمة النصب(scam) برطم الرجل بكلمتين غير مفهومين و أغلق الخط هكذا انتهت قصتنا مع شركة مايكروسوفت المزيفة الى بتحدف فلوس على الناس بدون سبب و الذي جعلنى أكتب هذه القصة أن هناك ضحايا بالفعل صدقوا هذه الخدعة و أرسلوا المبلغ أملا في المليون دولار و أدركوا بعد مده قصيرة إنهم شربوا اكبر مقلب في حياتهم .



أحمد حامد أحمد

Go to the top of the page
 
+Quote Post
..... على عينه
المشاركة Nov 4 2006, 03:28 AM
مشاركة #2


عضو مميز
****

المجموعة: Members
المشاركات: 1,764
التسجيل: --
البلد: الساحل الشمالى
رقم العضوية: 1,159



عزيزى المتمرد
اهى وسهلا بك داخل المنتدى ..
بخصوص هذا الموضوع فعمليات النصب اليومية موجودة على النت ودائما مايقع ضحايا لهؤلاء النصابين مجموعة من البسطاء وياريت نقوم بنشر ذلك فى جميع الاماكن لحث الناس على عدم التجاوب مع هؤلاء النصابين العالميين والذين يتخذون من النت مجالا لهم...
تحياتى لك لنشر هذا الموضوع وبارك الله فيك


--------------------
Go to the top of the page
 
+Quote Post

Reply to this topicStart new topic
1 عدد القراء الحاليين لهذا الموضوع (1 الزوار 0 المتخفين)
0 الأعضاء:

 



RSS نسخة خفيفة الوقت الآن: 28th November 2014 - 11:24 AM