IPB

مرحبا بالضيف ( دخول | التسجيل )





3 الصفحات V  < 1 2 3 >  
Reply to this topicStart new topic
> الكويت - مصر رايح جاي - 2008, السفر برا
finetouch
المشاركة Aug 20 2008, 07:17 AM
مشاركة #11


عضو مميز
****

المجموعة: Members
المشاركات: 1,465
التسجيل: 26-November 06
رقم العضوية: 2,650



ماشى اوزى زى بعضه ولو انك كنت على بعد 500متر منى .. هو دة سبب طلب الناقه.


--------------------
والذين جاؤوا من بعدهم يقولون ربنا اغفر لنا ولاخواننا الذين سبقونا بالايمان ولا تجعل في قلوبنا غلا للذين امنوا ربنا انك رؤوف رحيم
Go to the top of the page
 
+Quote Post
شينكاوي
المشاركة Aug 20 2008, 09:06 AM
مشاركة #12


عضو نشيط
***

المجموعة: Members
المشاركات: 165
التسجيل: 4-May 08
رقم العضوية: 3,667



آه طيب 3dlunettesbf2.gif وطالما العملية فيها أكل smiley_rit_pleur_ani.gif يبقي يا عم أكرم لو حابب ph34r.gif نظبط لقاء هنا في الكويت , انا وميزو موجودين ورمضان والمستشار القانوني هيكونوا هنا بعد العيد , بس أهم حاجة يكون في المقابلة اكل من اي نوع علشان ميزو لو اتقابلنا وما كنش في أكل احتمال يولع في انا sad.gif وانت ميرضيكش smilpleure1.gif smilpleure1.gif
Go to the top of the page
 
+Quote Post
oskasan
المشاركة Aug 20 2008, 07:36 PM
مشاركة #13


عضو مميز
****

المجموعة: Members
المشاركات: 2,776
التسجيل: 23-November 05
البلد: مصر
رقم العضوية: 2,203



انا شامم ريحة خل وتوم
ولا متهيالي ده شهر الصوم



فيها لأخفيها


اتورطت يا أكرم
لو مانفذتش وعدك
شنكاوي هايقيم عليك الحد ..........وبصراحة بقى ........... انا معاه ........ هاشتغل مسرور السياف

تم تحرير المشاركة بواسطة oskasan: Aug 20 2008, 07:39 PM
Go to the top of the page
 
+Quote Post
Akrum
المشاركة Aug 20 2008, 11:29 PM
مشاركة #14


عضو مميز
****

المجموعة: Members
المشاركات: 7,111
التسجيل: 11-January 02
البلد: بلاد الله واسعة
رقم العضوية: 2



شينكاوي .. اوسكاسان ..
شباب انا كنت بتكلم عن عزومة فاين تاتش في اسكندرية وللأعضاء من اهل اسكندرية .. لكن طبعا مش هتفرق والمصريين في الكويت اقرب برضه .. شوفوا امتي وفين وازاي وانا حاضر بس نتقابل ونتعرف ونرتب لها 3.gif

يا فاين تاتش هو انتوا كلكم ساكنين جنب سلطنة استانلي ولا ايه العبارة !!!. صحيح حظي وحش اني مقابلتش حد منكم لكن تتعوض ان شاء الله ..
Go to the top of the page
 
+Quote Post
هبة الله
المشاركة Aug 21 2008, 04:30 AM
مشاركة #15


عضو نشيط
***

المجموعة: Members
المشاركات: 301
التسجيل: 14-June 08
رقم العضوية: 3,720



إقتباس(شينكاوي @ 17 Aug 2008, 12:49 PM) *
حمدا لله علي سلامة الوصول والافول يا اكرم , وعلشان كل المشاكل دي لو هيدفعوا لي فلوس مش هسافر بالعربية ومش هسافر بري مهما يحصل , يا راجل دا احنا مرة رحنا الشاليهات الواحد ظهره انكسر وهو سايق تقوم تقولي سفر 3 ايام بري


اولا حمدا على السلامة يا اكرم و لو انها متأخرة
صراحة مغامرة حلوة بشكل رغم الصعوبات اللى واضح انك واجهتها

و بقول لشنكاوى انت ظهرت على حقيقتك....ايه هى حقيقتك بقى 3dlunettesbf2.gif

تم تحرير المشاركة بواسطة هبة الله: Aug 21 2008, 04:36 AM


--------------------


*•.¸.•* *•.¸.•* *•.¸.•**•.¸.•* *•.¸.•* *•.¸.•*

ذقت الهوى مرا و لم اذق الهوى يارب حلو قبل ان اهواكا

*•.¸.•* *•.¸.•* *•.¸.•**•.¸.•* *•.¸.•* *•.¸.•*

Go to the top of the page
 
+Quote Post
أسامة الكباريتي
المشاركة Aug 21 2008, 07:04 AM
مشاركة #16


ابن يافا
*****

المجموعة: Admin
المشاركات: 15,427
التسجيل: 12-January 02
رقم العضوية: 5



الرَبِع في الكويت رايحين جايين على الخط زي الفريرة
رِجل في السالمية والتانية في نويبع

أكرم بس اللي عملها لأول مرة
فكانت شيئا مهولا بالنسبة له

ياعم انت اتكل على الله
ومش كل سنة حتواجه صعوبات العقبة وزحمتها

في العادة ميناء الركاب في العقبة غاية في النظافة والترتيب
هي حكاية الصيانة والمباني الجديدة
الظاهر فيه توسعات
بس عادة بتكون المسائل أسهل


المهم ان اخواننا المصريين بيمروا من الحدود للميناء مباشرة
لو كلفت خاطرك ودخلت مدينة العقبة
كنا فكرت بطريقة مختلفة
من العقبة ممكن تاخد زاد الكريق من مناقيش وفطائر
وعيش خرافي ومنتجات المخابز الرائعة تكفيك اسبوعين تلاتة في مصر

الطريق إلى العقبة:
الطريق اللي سلكها أكرم هي الطريق المعتادة للمصريين
وفي مدخل الأردن من جهة حقل-الدرة تجد وجوه كريهة في عبوسها وسوء معاملتها ..
أنا حرمت امر منها من سنين
مرة قعدت على المدخل بين السعودية والأردن من الساعة 3:45 بعد الظهر حتى الساعة 1 صباحا
علشان يقوللي بتاع الجمرك خليك مع المصريين هنا بانتظار العبارة في الصبح
قلتله اني عاوز ادخل العقبة وأبات هناك يومين تلاتة
رد علي ببرود .. يازلمة سيبك من العقبة .. وخليك رايح على مصر .. أصلي لو بدك تدخل العقبة لازم أفتشك .. ولو مالاقيتش معاك حاجة رايح أجمرك هدومك اللي عليك ..
قلتله الله الغني عنك وعن عقبتك ..
وفعلا دخلنا الى ميناء العقبة 7 الصبح

طريقي هو الطريق المعتاد إلى عمان .. عبر مدخل العمري:
عرعر - طريف - الحديثة (المنفذ الحدودي السعودي) - الى الأردن (العمري)
بعد العبور بمسافة داخل الأردن (طريق سهل منفرد رايح جاي) يقابلك جسر قبل الوصول إلى الأزرق
اطلع على الجسر وانعطف شمالا لتجد نفسك تسلك طريقا غاية في الجودة ..
هذا الطريق تم تعبيده على نفقة العراق خلال الحرب العراقية الإيرانية .. حيث تسلكه الشاحنات المحملة بالبضائع من العقبة إلى العراق ..
ينتهي هذا الطريق بمدينة معان .. ومنها تسلك الطريق الدولي المزدوج الواصل بين عمان والعقبة ..
المشكلة التي كان يواجهها المصريون وسكان دول الخليج المنبسطة هي في منطقة رأس النقب حيث النزول كان قديما غاية في الانحدار ..
وربعنا معتادين القيادة في السهل .. ولا يعرفون كيفية استخدام الغيارات العكسية في الجير بدلا من الفرامل .. كله كان يحرق الفرامل على النزول ..

حاليا وبعد عمل مضني تم كسح نزول راس النقب وتبسيطة بشكل جعلنا ننسى وضعه القديم المخيف ..

باقي الطريق جبلي لكنه منظم بشكل رائع ..

المهم مع اقترابنا من العقبة (مدينة حرة مثل بورسعيد) قررت التوجه نحو الميناء مباشرة وعدم دخول العقبة رغم حاجتي لشراء مواد تموينية منها ..
كانت الزحمة اللي عملها اكرم ومن تزامنوا معه قد انتهت تماما ..
وصلنا الميناء بعد الظهر .. سيارات بتركب العبارة .. وسيارات بعديها انضممنا إليها حتى نركب العبارة في المساء ..
يعني غادرنا العقبة في نفس الليلة .. امضيت وقتي داخل سيارتي حيث الحرارة كانت شديدة جدا في الخارج .. هواء لاهب حتى في الليل

أصعب المراحل في المسيرة كلها هي ما نواجهه في الموانئ المصرية من تعقيدات وإجراءات لا تنتهي .. ومبالغ طائلة اعتبرها نوعا من الابتزاز للقادمين بسياراتهم سواءا أكانت في الرسوم الخرافية أو الرشاوى الإجبارية التي تعتبر نوع من الإتاوة ..هذا الشئ الكريه لا نراه في أي من الدول العربية الأخرى ..

أضف إلى ذلك مسألة التربتيك الذي يصر عليه الجمرك المصري فقط وتكاليفه التي لا لزوم لها ..
يعني السفر عبر السعودية - الأردن - سوريا - لبنان يكون ببطاقة تسجيل السيارة في بلدها الأصلي فقط ..
والإجراءات تكاد تكون شكلية .. ولو كان لديك تأمين خارجي موحد فإنك في الأردن تدفع رسم تسجيل السيارة فقط ..
ومسألة لوحات الجمرك المصرية !!!!!!!!!!!!!!!
اليوم باستخدام الحاسوب والنت والشبكات بين وزارات الداخلية العربية يمكن لموظف المرور أو الجمارك في حلايب الحصول على بيانات السيارة ومالكها وتاريخها بالكامل في بلد التسجيل على شاشة جهازه في ثواني ..

موظف التأمين السعودي يقرأ رقم لوحة سيارتي قبل وصولي إليه فيرحب بي باسمي ياجدعان!!!!!!!!!!!
ويطبع لي بوليصة التأمين بدون الاطلاع على اي ورقة أو بطاقة أبرزها له!!!!!!!!!!

ربنا ييسر طريقنا في العودة خلال رمضان المبارك





--------------------
الأقصى يستنجد فهل من مُنجِد




حسبنا الله ونعم الوكيل

Go to the top of the page
 
+Quote Post
Akrum
المشاركة Aug 22 2008, 03:25 PM
مشاركة #17


عضو مميز
****

المجموعة: Members
المشاركات: 7,111
التسجيل: 11-January 02
البلد: بلاد الله واسعة
رقم العضوية: 2



كلامك صح فيما يخص اجراءات التربتيك وتركيب اللوح في مصر !!.. حاجة مقرفة وتنم عن تخلف واضح في الاجراءات التي تحتاج بالفعل للتيسير كما هي مطبقة في باقي الدول العربية ... صراحة انا كل اللي قرفني الراجل بتاع البصمة وسلوكه القح البذئ في ابتزاز القادمين !! بعد عناء سفر طويل !!!.
Go to the top of the page
 
+Quote Post
Akrum
المشاركة Aug 4 2009, 11:00 PM
مشاركة #18


عضو مميز
****

المجموعة: Members
المشاركات: 7,111
التسجيل: 11-January 02
البلد: بلاد الله واسعة
رقم العضوية: 2



صيف 2009 ..

لم الحظ جديد او فاتني الكثير .. لازالت بلد بلا حكومة .. او تدار وفق مصالح قلة من الاثرياء الجدد .. هناك حكومة ولكن لا تحس بها وانما تحس بتعثرها .. واختفاءها كما تلاحظ اختفاء الرئيس منذ فترة .. .. تدركه العين وقد يؤكده خبر هنا او هناك عن الرئيس الموازي - المقتحم بصورة غير مبررة علي صحف الجرائد !!!.

في الشارع المماليك الجدد - رجال الشرطة الهمامين في جبي مخالفات المرور !!!. او الرشاوي الجبرية !! المهم انك لازم هتدفع !! في شوراع يختلط فيها الحديد ياللحم البشري في منظومة مرورية لاينفع معها قواعد غير كلاكس ينعق به السائق بمبرر او دون مبرر .. ليخترق جحافل تسير في عرض الطريق غير عابئة بسيارات او قواعد مرور !!!. التي لازالت غير ظاهرة او موجودة .. ولكن المهم ان تجد كمين مختفي في طريق جانبي يتصد اي سيارة غريبة يجهل سائقها ان الطريق اتجاه واحد ولايعي ذلك إلا عندما يعترضه كمين او امين شرطة ليحرر له مخالفة عكس سير !!! ..
فعلا عسكر وحرامية في جني مخالفات بطريقة مبتذلة ..

نرجع لتاكسي العاصمة .. الذي احال التاكسي القديم للمقبرة ليحل محله عربات غبور ومنصور وابوالفتوح ويمكن اباظة كمان .. لتصريف الراكد من انتاج سيارات التجميع في مصر .. ويصبح مجمعي السيارات شركاء سائقي التاكسي في الدخل وضمان سبوبة جيدة من بيع قطع الغيار ...

تاكسي القاهرة يخدم مصالح حفنة او عصابة - مثل المافيا - لاترعي مصلحة عامة للمواطن ولكن تامن مصالح رجال اعمال يحتموا او يعملوا بامر السلطان او من ينوب عنه بلا شرعية !!!.

في مرور عين الصيرة سألني .. السيارة فيها طفاية !! قلت له بتاعة بلدها والسيارة موديل 2008 .. فرد رد بليغ ينم عن نظام حكومي يدار كعصابة ومافيا احتكارية !! الطفاية زي الفل وسليمة لكن لازم تشتري طفاية بافاريا او بتاعة مصنع 99 الحربي - لم تكن متاحة وقتها - قلت له لكن السيارة فيها طفايتها .. تاعة برة .. وحالتها اوكيه !! قال لي هناك قرار اي والله ومعلق صورة القرار بانه لازم تكون بافريا او 99 الحربي !!!! قلت له الحمد لله الصناعة المصرية في الطفايات تفوقت علي طفيات بلاد بره !!! رغم ان القرار الغبي يقع في مخالفة صريحة وهي تحديد النوع بالإسم !!!! مما يجعل الداخلية تسهم في ترسيخ احتكار بافاريا او 99 الحربي لسوق الطفايات !!!.

لكن هنقول ايه لموظف .. يصر علي عدم الترخيص إلا طفاية بافاريا وإلا لايمكن ان ترخص .. طيب بكام .. 121 جينية .. قلت له ليه مش كانت السنة اللي فاتت ب 100 جنية بس .. صمت ولم يرد .. المضحك اني دفعت له المبلغ وقام دوره بحركة عجيبة وهي دق شاسية السيارة علي الطفاية !!! وكأن الطفاية يجب ان لا تستخدم إلا مع السيارة نفسها !!!!! وكلها طرق لمنع الناس من ان يتبادلوا الطفاية والالتفاف علي تلك القرارات اللصوصية .. حتي يجد لنفسه مبرر رفض اي طفاية عند الترخيص .. ليزيد من مبيعات الطفايات لصالح بافاريا وصاحبها وصاحب صاحبها .. مش بأقول مماليك جدد ..


الخلاصة اوعي تشتري سيارة بره .. العملية كلها خسارة في خسارة كانت السيارة جديدة او قديمة هتلاقي سعرها جوة البلد ارخص !!!. .. ده غير ان الواحد هيوفر علي نفسه حكاية تتخطفه الطير - ولاادري هل الناس معذورة حتي اصبحت الرشوة شاي واكرامية تطلب بلا حياء ولو اضطررت ودفعت ممكن يطلب زيادة كمان عادي يعني الصورة مقلوبة في الشارع المصري واصبح الغير مرتشي اصبح عمله نادرة ... الناس تحل مشاكلها بالاكراميات التي تطلب عيانا جهارا .. بلا خجل او مواربة !!!!. طعا بعد ان ينعتوك الباشا رغم انفك .. لحد ما زهت وقلت والله العظيم انا مش باشا !!!!

سياسة برضه... خللي الناس تاكل بعض .. والكلاب تنهش في فلوسهم ولحمهم كمان .. ماهم عايزين يعيشوا كمان !! الغلاء اصبح لا يحتمل والصورة المقلوبة التي شاهدتها الشارع المصري في التعاملات لا تنم بان الحال سوف يستمر كثيرا علي هذا الحال !!!!. طبعا صرف مرتبات تحفظ كرامة الموظف وتحميه من مد يده لرشوة او اكرامية او غيره .. امر بعيد المنال ... صدقت يا شيخ شعراوي عندما قال بان الموظف المصري يجوز عليه الزكاة .. واصبحت احد اوجهه صرف الزكاة !!!!

امضيت ليلتين واكثر في اسكندرية هذا العام .. كانت متنفس رطب عن القاهرة الخانقة .. التي لا تطاق زحمتها وعشوائيتها في كل حاجة ... نزلت في عمارات المحروسة في احد شققها كانت سيئة جدا ولكنني اضطررت لوصولي بعد منتصف الليل لقولها ..
عمارات المحروسة عبارة عن حائل قبيح من الكتل الخرسانية علي الكورنيش تكسوها عفونة علي جدرانها .. الخارجية .. كما ان استخدام الموايل هناك في هذه البقعة كان مشروع فاشل فلا يلقط وان لقط فالصوت لا يسمع !!.

نقلت بعدها لفندق قاعود .. معقول ولقيت فيه غرفة فاضية معقولة .. افضل من حكاية الشقق المفروشة دي .. اتمشيت بتاكسي داخل منطقة سموحة ووجدت عمارات تحفة من الخارج في تصميماتها .. عوضتتني عن قبح عمارات المحروسة اللي علي الكورنيش !!!

اما علي ذكر المماليك فيجب ذكر حفنة من الدنانير .. بعد ان انسخط الجنيه المصري في عملة معدنية تشبه القرش بتاع زمان في قيمته .. وانسخطت الخمسين جنيه لتصبح خمسة جنيه والمائة والمائتين لقيمة العشرة والعشرين بتاعة زمان ... وخراب يامصر !!!!.
Go to the top of the page
 
+Quote Post
Prof
المشاركة Aug 5 2009, 01:57 AM
مشاركة #19


عضو مميز
****

المجموعة: Admin
المشاركات: 8,166
التسجيل: 11-January 02
رقم العضوية: 1,000



حمد الله عالسلامة رايح.. حمدالله عالسلامة جاي.. وكان ودنا نشوفك..
إحنا ما عادش عندنا رشوة لامؤاخذة.. مفهومها تغير وسار كما تقول (إكرامية-شاي) تقريبًا لم يعد هناك من يتأذي منها أو يتردد سواء في دفعها أو قبولها.. ولكن هناك أماكن أصبح الواحد يدركها -بالسينس كده- أنه لا يوجد هنا اكرامية.. ادفع ما هو مطلوب بالضبط وخلاص.. بعض هذه الأماكن حكومية رسمية وبعضها خاص.. وبالطبع هي كوادر خاصة من ناحية الدخل.

حابب بس أستفسر منك عن شئ.. هو انت كنت متوقع تحسن في الأحوال مثلاً ثم صدمت بما رأيت؟
ربما يعني المفروض بحكم ما تعاينه سنويا كنت تندهش لعدم حدوث التحلل الكامل هذه السنة..!

رأيي في تاكسي العاصمة أنه مفيد للشعب كمان.. بالتأكيد مفيد.. واحد من الأشياء القليلة اللي فيها نسبة كبيرة من الإفادة المشتركة لكل الفئات.. حكومة وشعب ومستثمرين.. مش عايز أطيل بس أعتقد لو حللت جدواه الاقتصادية هاتجد فيه الكثير الإيجابي..


إقتباس
الخلاصة اوعي تشتري سيارة بره .. العملية كلها خسارة في خسارة كانت السيارة جديدة او قديمة هتلاقي سعرها جوة البلد ارخص !!!

مش فاهم المقصود.. تقصد شراء سيارة بغرض القيام بالرحلة ذهاب وعودة والا تشتري بغرض تتركها في البلد؟
فيه فرق طبعاً.. كمان مش فاهم ازاي سعرها جوه البلد أرخص!
هي السيارة في أي دولة خليجية بيكون سعرها أقل من مصر ده معروف.. مش فاهم المقصود..!

القرارات الألتفافية اللصوصية.. زي موضوع الطفاية.. أنا فعلاً مندهش لكونك اتفاجئت!
طب انت كنت متوقع ايه من مجموعة منتفعين يحكموا من أجل مصالح وكراسي وبقاء.. ووتحتهم جيش من المهصورين بالظروف المعيشية وإمكاناتهم البشرية المحدودة!

المحروسة..
طب وإيه اللي وداك هناك؟ وبرضه السؤال.. كنت متوقع تلاقي إيه؟ وسؤال تاني.. ماسألتش ليه على مكان يكون مناسب أكثر؟
فيه الساحل الشمالي.. فيه شرم.. فيه الغردقة.. وفيه برضه المحروسة وسيدي بشر وجمصة وبلطيم.. مع احترامي لناس هذه المناطق كافة وللمناطق نفسها.. بعضها يغيب عنها التنظيم والإدارة الاستثمارية المناسبة والبعض الآخر تتوفر له هذه الميزة..

ما تفهمنيش غلط أنا مش بالومك.. بس أنا متصور أن كان هناك سبيل لتخطيط وتمضية أجازة ألطف وأجمل من كده بكتير لولا افتراضك حسن النية المسبق في المسارات اللي سرت فيها.. لكن القدر كان بالمرصاد 1108277416.gif

المهم حمد الله عالسلامة..

وبناءاً على ما عاينته.. اسمح لي أسألك وأنا لست مذيع وإنما محاور.. 3dlunettesbf2.gif
شايف ايه في بلورتك للسنة أو السنين القادمة؟

Go to the top of the page
 
+Quote Post
Prof
المشاركة Aug 5 2009, 02:13 AM
مشاركة #20


عضو مميز
****

المجموعة: Admin
المشاركات: 8,166
التسجيل: 11-January 02
رقم العضوية: 1,000



بمناسبة الإكرامية.. عندي إضافة..
كان وقع في إيدي كتاب لأحد الرحالة مش فاكر جنسيته لمصر وحوض النيل في ثمانينات القرن ال 19 أو سبعيناته تقريبا.. وفيه يتشكى من البقشيش الذي يجده في كل مكان..
الكلام ده كان في أيام ملك فيها أسطول محمد على البحر المتوسط وهدد الدولة العثمانية وناطح انجلترا وفرنسا وامبراطور النمسا.. وقبل أن ييفوق الجنيه المصري الجنيه الذهبي..
ما أقصد الإشارة إليه ان الفقر بسبب الطغيان قدييييييييييييم.. وأنه مر على هذا البلد من سجل شكواه بالحبر ومضى وكذلك مر عليه من أمكنه أن يصنع تغيير في حياة الفقراء..
الواقع يقول ان لكل مرحلة ناسها..
ولا تلمني إن بدا في كلامي تحيز للمهصورين الفقراء المغلوبين على أمرهم..
Go to the top of the page
 
+Quote Post

3 الصفحات V  < 1 2 3 >
Reply to this topicStart new topic
1 عدد القراء الحاليين لهذا الموضوع (1 الزوار 0 المتخفين)
0 الأعضاء:

 



RSS نسخة خفيفة الوقت الآن: 21st April 2014 - 01:28 AM