عن اسماك الزينه.. خيارات

[finetouch]

اول شئ يجب ان نقوم به فى اى هوايه هو القراءة عنها وسؤال الهواة الاقدم مننا فى هذه الهوايه لجمع اكبر قدر من المعلومات والخبرات .
وعن اسماك الزينه فننا بعد ان احضرنا الحوض و موتور الهواء و الفلتر والسخان وباقى المستلزمات من خراطيم وحجارة هواء
فانه بعد فرش ارضيه الحوض بالرمل الخشن وملء الحوض بالمياه ووضع النباتات به يجب ترك الحوض مده حوالى يومين قبل وضع اى سمك به حتى يتبخر الكلور الموجود بالمياه.ثم يجب ان تكون درجه الحرارة مابين 20 الى 22 وهى المثلى لجميع الاسماك وذلك باستخدام سخان مناسب لحجم الحوض (يجب الحرص من ملامسه السخان لزجاج الحوض والا سينكسر الزجاج)
كما يجب ان تكون الاضاءة مناسبه حتى تعيش الاسماك والنباتات فى وضع ملائم كبيئتها اوقريبا منها .
اما الاسماك وحيث ان معظمها من مناطق استوائيه( ولذلك نقوم برفع درجه الحرارة)
فانها تنقسم الى عائلات وفصائل متنوعه . واحيانا كثيرة لايمكن وضع انواع مختلفه مع بعضها لاختلاف الطبائع او التغذيه اودرجه الحرارة.
ومما يذكر ان اسماك الجولد فيش بانواعها من اسماك المياه البارده التى لايجب ان نرفع لها درجه الحراره ومن المستحسن عدم وضعها مع التروبيكال(معذره للانجليزى بالعربى) لانها تحتاج الى تغذيه مختلفه (نباتيه اكثر)
كما ان هناك اسماك صغيره الا انها شرسه تجاه بعض الاسماك الاخرى مثل بعض انواع التترا والباربوس السريعه تهاجم زعانف الانجل .
كما نلاحظ ان هناك انواع تاكل فى منطقه سطح الحوض واخرى تاكل فى منتصف العمق وهذة تحب خطف الاكل والاكل الحى مثل الدود و يرقات البعوض والاسماك الصغيرة؟ وهناك من يحب الاكل من قاع الحوض مثل بعض انواع الشارك. والثعابين الملونه .
و لابد من تغيير جزء من مياه الحوض دوريا وذلك لتغير تركيبه الكيميائى من فضلات السمك و بقايا التغذيه.
وانشاء الله نراكم قريبا.
الاخ اوسكاسان: غالبا التايجر مات عندك اما من المياه كانت جديده اودرجه الحرارة كانت منخفضه .













0

[حشيش]

[hopsan]

إضافه صغيره الغرض منها الإفاده لا أكثر
يفضل عند إستعمال حوض السمك لأول مره و عند كل تجديد جذرى للحوض يجب غلى الحصى او الرمل الخشن لمده لا تقل عن ساعه
بالنسبه للماء و خاصه فى فصل الصيف يفضل تعبئه الماء المغلى مسبقا بحيث تطرد الروائح و الكلور و تعقيم الماء تماما و ترك سكريه الهواء تعمل 48 ساعه بدون سمك ثم زرع النباتات و تركها ايضا 48 مع زياده شده الإضاءه فى تلك الفتره
ثم إحضاء الكيس الذى به السمك و شطفه من الخارج بالماء الفاتر ووضعه بعد ذلك فى الحوض لمده نصف ساعه لأكثر من سبب
أولهما حتى تتجانس درجه حراره الحوض المهيئه سابقا مع درجه حراره الكيس
ناثيهما حتى يتآلف السمك مع الحوض و الوسط الجديد
لا يفضل وضع أسماك الجولدفيش بأنواعه مع أسماك أخرى فى حوض واحد
عاده يفضل وضع أسماك تقتات على ما يتبقى من فضلات الأكل مثل الكات فش و الأسماك الثعبانيه التى تقضى معظم الوقت تحت الرمال
يجب إحتساب وضعيه حراره الماء مع حراره الغرفه مع حراره الإضاءه الباعثه للحراره بالكشف على الترمومتر المثبت على الحوض و التعامل مع ضابط الحراره
عدم وضع أشياء فى الحوض على سبيل الديكور فتلك يحتمل أن تكون بها نسبه الرصاص او الزئبق او الجير او أى ما يتأثر و يتفاعل مع الماء فتلك الأشياء قاتله
عدم الخبط على الحوض الأمر الذى يسبب إزعاج للسمك و تتأثر حالته النفسيه
إعطاء فتره راحه للسمك يوميا مساءا لأنه ينام أيضا و يصحو مبكرا
للحديث بقيه لمن يرغب

[farida]

فاين تتش ايام بقي ما كان عندي سمك
كنت بشتري شبة من في شكل حبوب شفافة بيضاء او زرقاء اللون
كانت بتتحط في الحوض ويفضل لمدة ساعتين
و كان بيساعد علي تنقية الحوض برضه من الكلور
وده كان بيسرع عملية نقل السمك في الحوض
وفيه نوع من النبات الطبيعي خواصه بتساعد
علي نقاء الحوض فترة ..
اكيد بتشوف لما المية تبتدي تتعكر
ميتشفش الحوض بصراحة
وفيه كمان برضه لتنضف ازاز الحوض توه سمكة مخصوص
طول النهار تفضل تنضف الازاز ..لهلوبة

بصراحة انا عمري ما غليت المية يا هوبسن
اول مرة اعرف المعلومة دي ..مع ان عاشلي سمك
و فضلت مع الهواية دي لفترة طويلة ..
وكنت بستمتع اراقب بطن السمكة علشان انقلها في حضانة
ومع طول التعايش مع السمك كنت كتير بشوف السمك النونو
وهو بيتولد ..ده حسب طبعا نوع السمكة ..
وكان فيه اكل للنونو ونوع للكبار ريحته صعب
بس المهم انه مش كل شوية حد يقرب من الحوض
ويلاقي السمك مندفع علي وش المية يقول حرام السمك جعان
كده بيعجل بنهايته

دي خبرتي الصغننة مع هذه الهواية الجميلة
لكن كنت بشيل هم تنضيف الحوض
لانه لازم افضي شوية مية منه واصطاد بالشبكة
السمك وانقله في طبق المية ..وبعدين ابتدي عملية
النضافة والتطهير ..عملية الغسيل دي مهمة جدا تكون دقيقة..
لكن كنت في النهاية بستمتع بشكله جدا بعد تنضيفة..

انته بتربى سمك قرش فى حوض السمك

فعلا يا حشيش شكلها بالظبط شارك منياتير خالص
بس مكنتش بحبها كنت بشتري ام مروحة
فيه سمك بكرانيش في ديله
لذيذ جدا وهو بيعوم برتقالي اللون

طبعا انا نسيت اسامي الانواع دلوقت

متابعة معاكم

[finetouch]

حشيش باشا الشارك اللى عندنا فى الاحواض مالهوش دعوة بالشارك بتاع البحر الاحمر اللى بياكل ركاب العبارات .دة حاجه صغنونه وبتاع مياه عذبه .
فريده هانم لا افضل استخدام الكيماويات للاسراع فى استخدام المياه الجديده ولا غلى الماء ولكن ااخذ مياه سبق تخزينها وذلك عند الاحتياج لتغيير معظم الحوض اما اذا كان حتى ربع الحوض ممكن من الحنفيه مباشره بس نراعى درجه الحرارة .طبعا حكايه ان الواحد يشيل السمك علشان ينضف الحوض دى غير صحيحه وانما نسحب المخلفات من القاع ثم نزود المياه .
ولابد من وجود فلتر لنقاء المياة . وبالمناسبه الجولد فيش اجدع سمك يعكر المياة ويقلب الحوض فلابد من وجود فلتر قوى عند تربيته .

[farida]

فاين انا كان صغنن مش كبير علشان كده كان اسهل في تنضيفه
وشيله
لكن احواض باحجام كبيرة كنت بشوف اخويا بيعمل زيك طبعا

ايووووة هي الجولدن فيش دي

رهيبة صح في شقلبة الحوض

معاك يا فندم سمعاك

[gatita]

انا كان عندي سمك بالوان جميلة و اجنحة رائعة


لكن بقو بيموتو واحد تلو الاخر

فمنيومها مجبتش سمك