IPB

مرحبا بالضيف ( دخول | التسجيل )





2 الصفحات V   1 2 >  
Reply to this topicStart new topic
> فريق الحب والسلام .. ودندنة الماضى
أمير العشاق
المشاركة Jan 5 2005, 10:54 PM
مشاركة #1


عضو نشيط
***

المجموعة: Members
المشاركات: 434
التسجيل: 19-December 04
البلد: ترنيمة حزن منسية !!
رقم العضوية: 1,263



تكون فريق "الحب و السلام" عام 1975 على يد الملحن السكندري " نبيل البقلي " بهدف تقديم أغنية عربية جديدة و قد تعاون معه في البدايات الشاعران أحمد يسري و حسن عبد السلام ....

و تم طرح أول ألبوم للفريق عام 1978 بأسم " أسكندرية ..أذكريني " ....

و في عام 1980 حصل الفريق على المركز الثاني في مهرجان البحر الأبيض المتوسط للأغنية ...

و في عام 1984 قدم الفريق ألبومه الثاني - و الأخير - بعنوان " الحب تحت العشرين " ...

و بعد توقف الفريق لمدة طويلة - بسبب أنشغال نبيل البقلي بأعماله الخاصة - أعيد تكوين الفريق عام 1998 و ضم إليه عدد من الشباب القادر على تقديم نوعية من الأغنية تستطيع مخاطبة جيل الشباب الذي يمثل القطاع الأعظم من جمهور الفريق ...

و في نفس العام - عام 98 - أشترك الفريق في مهرجان " برسوبر " في فرنسا بدعوة من المركز الثقافي الفرنسي ....

و في أغسطس 1999 أشترك الفريق بأغنية " الأقصر " في مهرجان القاهرة الدولي للأغنية ( و كانت هذه الأغنية صرخة أحتجاج و أستنكار لحادثة الاقصر الأرهابية الشهيرة ) ....و أختيرت هذه الأغنية لتكزن الأغنية الرئيسية لحفل ختام المهرجان ..

و شارك الفريق في نفس المهرجان عام 2000 و أستطاعت أغنية " مدرستي القديمة " أن تحصل على المركز الثالث في مسابقة الاغنية الغربية ..

و أستمرت مشاركة الفريق للعام الثالث على التوالي في مهرجان القاهرة الدولي للأغنية و أستطاعت أغنية " ابن الجنوب " أن تحصل على المركز الأول في مسابقة الأغنية الغربية ....

هذا و رغم وفاة نبيل البقلي مؤسس الفريق منذ عدة السنوات ....لازال الفريق يقدم حفلاته في مكتبة الاسكندرية و في القلعة و في مسارح الاوبرا المختلفة في القاهرة و الاسكندرية ....



--------------------
تكمُن خطورة المشكلة .. والمسألة المُعضلة .. فى العولمة .. واللحظات المؤلمة .. والبشرية الحالمة .. بيوم تصحى فيه الدنيا .. متبسمة
Go to the top of the page
 
+Quote Post
أمير العشاق
المشاركة Jan 5 2005, 11:08 PM
مشاركة #2


عضو نشيط
***

المجموعة: Members
المشاركات: 434
التسجيل: 19-December 04
البلد: ترنيمة حزن منسية !!
رقم العضوية: 1,263



وهذه باقة من كلمات اغنيات فريق الحب والسلام

إبن الجنوب

تبيع ماضيك ؟؟‍‍‍‍

تبيع ملامح عايشة فيك ؟؟

و تشتري كدب الحياة ؟؟

لكن السؤال

يا ابن الجنوب

يا ابن القلوب الطيبين

هي المدن بالنسبة ليك تنفع وطن ؟؟

أيه الوطن ؟؟


قطر الصعيد بيرمي ناس

كل يوم فوق الرصيف

بيشدهم صوت الرغيف

و أنت واحد منهم

العود نحيف

و الخطوة في زحام المدن

لازم تضيع

مكتوب عليك قبل حتى ما تشتري

لازم تبيع


تبيع ماضيك ؟؟‍‍‍‍

تبيع ملامح عايشة فيك ؟؟

و تشتري كدب الحياة ؟؟

لكن السؤال

يا ابن الجنوب

يا ابن القلوب الطيبين

هي المدن بالنسبة ليك تنفع وطن ؟؟

أيه الوطن ؟؟


أغنية : ابن الجنوب
كلمات : احمد يسري
ألحان : نبيل البقلي


_____________________

عصفورين
--------



لما الطيور تطوي الجناح
قرب الشطوط .. ترتاح
عصف الرياح بيهزها
ويلون الريش بالجراح

حتى الطيور ممكن تخاف م البراح
حتى الطيور ممكن تخاف م البراح

مشهد جميل شفته ياما فى الصباح
مشهد جميل شفته ياما فى الصباح
عصفوريــــــن بيلقطوا ورق الشجر
وبيبنو عش ..
شىء مؤكد ماكنش فيه بينهم خداع
وماكنش غش ..

الوطن !! راحة القلوب لو مبني طوب
أو مبني قش
إيـــــــــــه الوطن .


اغنية : عصفورين
كلمات : احمد يسرى
ألحان : عمرو جلال


_______________

هنتقابل

هانتقابل مجرد صدفة
بلا أشواق ولا لهفة
وهانطوّح عيونا بعيد
عشان ما نشوفش بعضينا
مافيش بينا خلاص مواعيد
ولا أحلام تنادينا
مادام الإيد ماهيش فى الإيد
مادام السكة مش لينا
هانتقابل وهانحاول .. نتوه عن بعض فى الزحمة

وننسيى ملامة الذكرى
وننسى الكلمة والنغمة
وننسى فرحة الأمسَ
وننسى حلاوة اللمسة
وهانحاول أنا وإنتا
عشان الناس كمان تنسى
ونرسم صورة الأحزان
فى آخر سطر فى الدفتر
هانتقابل أنا وإنتا
مجرد صدفة مش أكتر

_________________


أغنية عملة
----------



حتة عملة
لما بتلمس وش الأرض .. ليها رنين
بتفكرني بطول البعد .. وبعد سنين
بتفرّق أخ عن إخواته
بتنسيه البني آدمين

حتة عملة .. عملة .. عملة
__________________

بعد سنين
--------



نفسي حقيقى أقابلك مرة بعد سنين
وأشوف أنا فين .. وإنتا بقيت فين

لسه فاكرني ؟؟ .. يا ترى مبسوط ولا حزين
لسه فاكرنى؟؟ .. فاكر لسه شقاوتي وضعفي وحزني وفرحي
لسه فاكرني؟؟ .. لسه ملامحي بتيجى فى بالك .. وبقيت إيه بالنسبالك
حلم وغاب .. ولا حقيقة لقيتها سراب
ولّا مجرد كلمة قريتها يوم فى كتاب
بتمنالك .. كل الخير أنا بتمنالك
بتمنالك .. كل الخير أنا بتمنالك

أنا نفسي مرة حقيقى أقابلك
مرة ..
مرة ..
بعد سنين


حلم وغااااااااب .. ولا حقيقة لقيتها سراب
ولّا مجرد كلمة قريتها يوم فى كتاب

أغنية : بعد سنين
كلمات :رحاب إبراهيم
ألحان :نبيل البقلي


تحياتى
ولى عودة مرة آخرى ان شاء الله rolleyes.gif


--------------------
تكمُن خطورة المشكلة .. والمسألة المُعضلة .. فى العولمة .. واللحظات المؤلمة .. والبشرية الحالمة .. بيوم تصحى فيه الدنيا .. متبسمة
Go to the top of the page
 
+Quote Post
gatita
المشاركة Jan 5 2005, 11:40 PM
مشاركة #3


عضو دائم
*****

المجموعة: Members
المشاركات: 11,367
التسجيل: --
البلد: بلاد الحريرة
رقم العضوية: 1,051



ياريت لينك لسماع الاغاني


و شكرا للمجهود

نحن في انتظار المزيد



--------------------
user posted image

رأس برأس و زيادة خمسمائة
Go to the top of the page
 
+Quote Post
أمير العشاق
المشاركة Jan 6 2005, 12:33 AM
مشاركة #4


عضو نشيط
***

المجموعة: Members
المشاركات: 434
التسجيل: 19-December 04
البلد: ترنيمة حزن منسية !!
رقم العضوية: 1,263



عذراً لا يوجد لينكات
سأحاول قد الاستطاعة تنزيل الاغانى



--------------------
تكمُن خطورة المشكلة .. والمسألة المُعضلة .. فى العولمة .. واللحظات المؤلمة .. والبشرية الحالمة .. بيوم تصحى فيه الدنيا .. متبسمة
Go to the top of the page
 
+Quote Post
banboty
المشاركة Jan 24 2005, 07:23 PM
مشاركة #5


عضو مميز
****

المجموعة: Members
المشاركات: 3,276
التسجيل: 23-January 05
البلد: مصر المحروتة المهروسة
رقم العضوية: 1,345



ياه زمن و ذكريات sad.gif



الشريطين دول كانوا عندي , سنة 84 , بس للاسف ضاعو

و فعلا كانت ليهم اغاني جميلة ,

و انا فاكر بعض كلمات من اغنية اذكرينى

اذكرينى يا حبيبتي , يا حبيبتي اذكرينى

لو نادانك الشوق و نساكي , لو مش قادرة على حناني

ابقى افتكرى الماضى اللى كان ,,

--------

تقريبا الكلمات كانت كده و ممكن تكون قريبة منها

ياريت فعلا تنزيل اي اغاني منها يا امير او لو تقدر تقولي , مين اللى ممكن يكون بيبيع الشرايط بتاعتهم blush.gif


--------------------
بلدنا في القلوب متشالة
مهما تضيق عليها الحالة





اكتوبر يا ريس صار عتيق ..
و انتصاره فينا عمال يضيق ..

و الشعب تحت الارض خايف يتسجن .
و التهمه انه عاش برىء


-------------------------------------------------------------------



--------------------------------------------------------------
عيوننا إليك ترحل كل يوم

Go to the top of the page
 
+Quote Post
Hesham
المشاركة Jan 25 2005, 03:48 AM
مشاركة #6


عضو دائم
*****

المجموعة: Members
المشاركات: 10,504
التسجيل: 12-January 02
رقم العضوية: 7



banboty كتب/

اقتباس
ياه زمن و ذكريات   sad.gif



الشريطين دول كانوا عندي , سنة 84 , بس للاسف ضاعو

و فعلا كانت ليهم اغاني جميلة ,

و انا فاكر بعض كلمات من اغنية اذكرينى

اذكرينى يا حبيبتي , يا حبيبتي اذكرينى

لو نادانك الشوق و نساكي , لو مش قادرة على حناني

ابقى افتكرى الماضى اللى كان ,,



وأنا شرحه sad.gif

وفاكر كمان انى اشتريت الشريط من كشك سجاير على ناصية شارع فى العصافرة. smile.gif


بس الكلمات مش كده يا بنبوطى biggrin.gif

كانت كده:

لو ناداكى الشوق فى مرة
لو حتحتاجى لحنانى
اسألى الشوق اللى .... (مش فاكر الشوق اللى ايه) blink.gif
راح يقولك عن مكانى
smile.gif

يااااااه .. فعلاً كان شريط تحفة فى وقته .. وكنت قد كتبت منذ شهور فى أحد الموضوعات عن الثورة فى الذوق والقوالب الموسيقية التى تزامنت مع ظهور فريق الحب والسلام ومن قبله فريق المصريين، وفريق الجيتس، وحسين ومودى الإمام، وأخيراً فريق الأصدقاء .. حيث كانت تلك الفرق، والتى بدأت فى الظهور بعد وفاة عبد الحليم حافظ .. أول الفرق المصرية، ومن أوائل الفرق العربية، فى تغيير قالب الغناء التقليدى للمغنى الفردى، من عينة عبد الحليم وفريد ونجاة وشادية وغيرهم .. ليتحول إلى القالب الجماعى السريع نوعاً، ويستخدم بشكل كلى لأول مرة، كل الآلات الغربية كالأورج والجيتار الكهربى، وتركوا الآلات التقليدية بشكل كامل. فأعطوا إيحاءً ما بمجاراتهم لحركة التطور السريعة فى العالم، ونجحوا نجاحاً فائقاً، فى جذب الغالبية العظمى من الشباب الذى كان قد اتجه فى ذاك الوقت لمغنو الديسكو الأوروبيين والأمريكيين من أمثال بونى ام، وتينا تشارلز، وباكارا، وأببا، وبى جيز وغيرهم.

حقيقةً كانت تلك الفرق المصرية الشابة آنذاك، مميزة جداً .. ولاقت نجاحاً قلما يتكرر.

وأكثر ما ميزهم، هو كونهم طلائع المرحلة الإنتقالية، وأجادوا كلهم فى حفاظهم على الروح المصرية فى أغنياتهم رغم إستخدامهم الكامل للآلات الغربية وإيقاعاتها، رغم أنهم كانوا فى مرحلة التجربة ليس إلا. ولا يستثنى من تلك النقطة الأخيرة، سوى فريق حسين ومودى الإمام، الذى كان تقليداً صريحاً لفريق البيتلز البريطانى الشهير. ولهذا لم يلق رواجاً كبيراً بين الناس.

كذلك، فقد عرفت كل فرقة منهم كيفية الحفاظ لنفسها على طابعها المميز، الذى يميزها عن غيرها من الفرق فكان لكل منهم لونه المميز، بحيث لا يمكن لأى مستمع أن يخلط بين فريق وآخر. وليس كما نسمع الآن من المنتشرين على الساحة الغنائية بكل أسف.

فى رأيى الشخصى .. فريق الحب والسلام، وهو أحد هؤلاء الرواد السابق ذكرهم، يعد أكثرهم شاعرية وجدية فى تجربته، فسواء نظرنا لكلمات أشعارهم أو لألحانهم أو لأدائهم الغنائى، لا نملك إلا أن نحبهم ونحترمهم. ومن استمع إليهم .. لابد وأنه يحن لتلك الأغانى، حتى وان كانت ستعد اليوم (موضة قديمة ومالهاش طعم).



أمير العشاق ...
فى انتظار تحميلك لأغانيهم .. فلا تنسى .. wub.gif

--------------------
user posted image
الله ثم الوطن

Go to the top of the page
 
+Quote Post
banboty
المشاركة Jan 25 2005, 05:03 PM
مشاركة #7


عضو مميز
****

المجموعة: Members
المشاركات: 3,276
التسجيل: 23-January 05
البلد: مصر المحروتة المهروسة
رقم العضوية: 1,345



ماشاء الله ذاكرتك حديد يا هشام


يعنى فاكر الكلام من حوالي 20 سنة ohmy.gif


و لا كان فيه سبب ساعتها biggrin.gif


--------------------
بلدنا في القلوب متشالة
مهما تضيق عليها الحالة





اكتوبر يا ريس صار عتيق ..
و انتصاره فينا عمال يضيق ..

و الشعب تحت الارض خايف يتسجن .
و التهمه انه عاش برىء


-------------------------------------------------------------------



--------------------------------------------------------------
عيوننا إليك ترحل كل يوم

Go to the top of the page
 
+Quote Post
Hesham
المشاركة Jan 25 2005, 05:30 PM
مشاركة #8


عضو دائم
*****

المجموعة: Members
المشاركات: 10,504
التسجيل: 12-January 02
رقم العضوية: 7



الله أكبر على النق blink.gif

biggrin.gif

لأ هو مش ساعتها ... cool.gif

بس تقدر تقول بأحب على روحى tongue.gif


--------------------
user posted image
الله ثم الوطن

Go to the top of the page
 
+Quote Post
banboty
المشاركة Jan 25 2005, 07:58 PM
مشاركة #9


عضو مميز
****

المجموعة: Members
المشاركات: 3,276
التسجيل: 23-January 05
البلد: مصر المحروتة المهروسة
رقم العضوية: 1,345



و مالوا كلوا بثوابه


و قول الزمان يرجع يا زمان biggrin.gif



و دلوقتى يا ريت الاستاذ user posted image


يفتكر و يسال فينا




--------------------
بلدنا في القلوب متشالة
مهما تضيق عليها الحالة





اكتوبر يا ريس صار عتيق ..
و انتصاره فينا عمال يضيق ..

و الشعب تحت الارض خايف يتسجن .
و التهمه انه عاش برىء


-------------------------------------------------------------------



--------------------------------------------------------------
عيوننا إليك ترحل كل يوم

Go to the top of the page
 
+Quote Post
أمير العشاق
المشاركة Jan 30 2005, 11:58 AM
مشاركة #10


عضو نشيط
***

المجموعة: Members
المشاركات: 434
التسجيل: 19-December 04
البلد: ترنيمة حزن منسية !!
رقم العضوية: 1,263



عذراً .. تغيبت لفترة
ظروف صحية ولمشاكل فى الدى اس ال .

بالنسبة للأغانى سأحاول قدر الامكان تنزيل الاغانى ولكن ياريت بس شوية صبر عليا على ما الدى اس ال ينصلح حاله wacko.gif

اما بخصوص الالبومات .. الالبومين انتاج صوت القاهرة
تقريبا على ما اتذكر فى فرع صوت القاهرة ( الاوبرا ) فى نسخ من الالبومات .
وممكن فى شارع الشواربى .. واحد قاللى كده rolleyes.gif

تحياتى ..
وعذراً على التأخير




--------------------
تكمُن خطورة المشكلة .. والمسألة المُعضلة .. فى العولمة .. واللحظات المؤلمة .. والبشرية الحالمة .. بيوم تصحى فيه الدنيا .. متبسمة
Go to the top of the page
 
+Quote Post

2 الصفحات V   1 2 >
Reply to this topicStart new topic
1 عدد القراء الحاليين لهذا الموضوع (1 الزوار 0 المتخفين)
0 الأعضاء:

 



RSS نسخة خفيفة الوقت الآن: 23rd October 2014 - 05:01 AM