IPB

مرحبا بالضيف ( دخول | التسجيل )





42 الصفحات V  < 1 2 3 4 > »   
Reply to this topicStart new topic
> أبو حميد المصري, الأعمال الشعرية
Hesham
المشاركة Dec 23 2003, 12:50 AM
مشاركة #11


عضو دائم
*****

المجموعة: Members
المشاركات: 10,504
التسجيل: 12-January 02
رقم العضوية: 7



معلومة فوق البيعة .. تعليقاً على كلام زهرة برية:

اقتباس
من الفعل يشوّر ، والكلمة طبعا ليس لها اصل عربي


نفس المعنى باللغة الأسبانية يقال له: Ajuar وينطق ( أخوار )
وباللغة الكتالانية يقال: Aixovar وينطق (أيشوبا)
وهم (الأسبان والكتالان) يقولون أن أصل الكلمة عربى ...

لو إنت شايفة إنه مش عربى .. طب يبقى إيه؟؟؟

--------------------
user posted image
الله ثم الوطن

Go to the top of the page
 
+Quote Post
Abouhemeed Al Ma...
المشاركة Dec 23 2003, 10:49 AM
مشاركة #12


أبو حميد المصري
****

المجموعة: Members
المشاركات: 3,826
التسجيل: --
رقم العضوية: 1,025



عزيزي هشام
شكرا على ضمي للشله ، و سوف أراقب لأعرف من هم بالضبط ، أنا كثيرا ما أقرأ ما يكتبه الأعضاء في المنتدي ، و هناك الكثير مما لا أوافق عليه و لكن في الحقيقة هي وجهات نظر و يجب إحترامها طالما كانت في حدود اللياقة ، و على كل أنا لي كتاباتي في إحدى الصحف القومية تذيل بإسمي الحقيقي و هي تعبر عن وجهة نظري ( غير شعرية ) ، لم أحاول أن أنشر شعري في الصحف أو المجلات أو الحلقات الشعرية لأن أكثرها يودي في ستين داهية :roll: و لكن أنشره على الإنترنت في عدد محدود من قوائم البريد و مجلة أليكترونية ناشئة بإسمي الشعري ، و هناك قصائد لا أنشرها على الإطلاق نظرا لإعتبرات أخرى . :wink:
كلمة الشوار بكسر الشين معروفة في المغرب العربي و ربما أحضرها المهاجرين من المغرب العربي للإسكندرية معهم و هم يشكلون أصول أسر كثيرة من أبناء بحري و هو الحي الشعبي المعروف و منه إنتشرت الكلمة لوجه بحري و لكن الكلمة معروفة في الصعيد أيضا و تستخدم كما يلي شور بفتح الثلاثة حروف و تشديد خفيف للواو يشور بفتح الحروف وكسر الياء شوار بكسر الشين و تسكين الراء و من المعروف أيضا أن تجهيز بيت الزوجية كان يلزم العروس بشراء الأثاث و العريس بتجهيز المطبخ و السجاد و النجف و الستائر و الغريب أن بيجامة و روب العريس كانت العروس هي التي تشتريها ، و طبعا كل واحد على قدر مقدرته و قيمة المهر و كان الخطوبة تقام في منزل العروس على نفقتها أما كتب الكتاب على نفقة العريس مع أجرة المأذون و حفل الزفاف على نفقة أهل العروس أو مشاركة و النهارده أكيد الوضع إتغير ، و تغير الحال و الناس لا تتكلم على هذه الأشياء علانية و كل واحد بيحاول يظهر على قفا التاني :roll:
نهايته ... تحياتي لكم و عقبال عندكم 8)
أبو حميد
Go to the top of the page
 
+Quote Post
Abouhemeed Al Ma...
المشاركة Dec 23 2003, 11:04 AM
مشاركة #13


أبو حميد المصري
****

المجموعة: Members
المشاركات: 3,826
التسجيل: --
رقم العضوية: 1,025



بسم الله الرحمن الرحيم

قاعدين مبحلقين و عيونا كلنا ع الشاشة
سيما أو تليفزيون أو ورقة و قماشة
و جـمره مولعة ف قلبنا ممسوكة بالماشة
منتظرة الشجيع يظهر لتحبه ابنة الباشا
***
من صغرنا و من طهارة قلبنا حسبنا كلنا
اللي بنشوفه بعينا حقيقي ممكن يحصل لنا
صدقنا البطل و الشجيع و كل من حكي عننا
و إن الخير لازم ينتصر و ينصفه بطل من عندنا
***
نفسنا نسقف لما الشجيع يظهر نفسنا نشوف نفسنا و نفرح
نشوف كل العيال حولنا تمرح و لا يوم عين عندنا تدمع
لما تبص في الورق أو على الشاشة لا تخاف و لا تجزع
بطلها يكون معاها في كل مكان تروحه أو ترجع
***
أفلام و تسجيلي لأحداث حصلت لي أنا و جيلي
تاه منها الأمل و انهد بيها العزم ما بقي غير حيلي
أخبار كلها تغمنا عن حروب و جيوش و أساطيل_
تهدم كل اللي ما في طريقها من كابول ل جاليلي
***
من كتر ما شوفنا عينينا نست تدمع
و في الشوشرة السمع بطل لنا يسمع
أتحبس الكلام فينا و حبس الكلام يلسع
أيدينا اتكتفت لا عادت تطرح و لا تجمع
***
ران الصمت حوالينا حتى النفس إتكتم فينا
ما نشوف غير سواد الشاشة سواد بيعمينا
صف ورا صف و قفا قدام قفا يبحلقوا فينا
ما حدا جرؤ يندار يبص ع اللي حصل لينا
***
من وسط ظلام الذل جلجلت صرخة جبارة
طفل صغير مسلوع ساكن في آخر الحارة
سيما أونطه كنت أشوفه ماسك ف أيده دوباره
يشدها و تشده و في طرفها مربوطة طياره
***
راح ل قدام يجري قايل دول كلهم أهلي
لا هم فيلم ترسو و لا هم حزن يسري
الشاشة جابها الأرض لأدوسها أنا برجلي
و بأيده وحده علت هامته و فك لي أسري
***
سقطت الشاشة و نورت الدنيا حولنا
من كسوفنا ما قدرناش نبص لبعضنا
إيدنا على عيونا نحجب الضوء عننا
خجل و عار تعودنا نداريه عن نفسنا
***
ساعتها بس عرفنا كلنا إن شجيعنا في وسطنا
لا على شاشة و لا في ورقه و قماشه دا طفلنا
من جيلنا جايز أو جيل بعدنا قلبه أطهر مننا
بس الأكيد أنه من حينا أو من أي حي جنبنا
***
أبو حميد المصري ‏
Go to the top of the page
 
+Quote Post
زهرة برية
المشاركة Dec 24 2003, 08:51 PM
مشاركة #14


عضو مميز
****

المجموعة: Members
المشاركات: 3,790
التسجيل: 3-January 03
رقم العضوية: 322



يا هشام انا مقصدتش اي معنى من اللى خطر في بالك


بس الكلمة مش موجودة في المعجم
ذنبي ايه بقى؟ :?: :evil: :twisted:


ورحمة جدي انا مليش مشاكل مغ اللغة خالص ، دة انا بحبها جدا باعرف فيها اكتر من المتخصصين...........ومش متفرنجة خالص،،،،،،،،،ومش بانطق كلام بالانجليزي في حواري ابدا ........الكلمة الوحيدة اللي كنت بقولها بطلت اقولها خلاص........


--------------------
user posted image
كـفـايـة!
Go to the top of the page
 
+Quote Post
زهرة برية
المشاركة Dec 24 2003, 09:14 PM
مشاركة #15


عضو مميز
****

المجموعة: Members
المشاركات: 3,790
التسجيل: 3-January 03
رقم العضوية: 322



في ايه بس انا جيت جنبك وانا مش واخدة بالي؟؟؟؟؟؟؟؟
:twisted: :evil: :twisted: :twisted: :evil: :twisted: :evil: :twisted:


--------------------
user posted image
كـفـايـة!
Go to the top of the page
 
+Quote Post
Prof
المشاركة Dec 24 2003, 09:26 PM
مشاركة #16


عضو مميز
****

المجموعة: Admin
المشاركات: 8,166
التسجيل: 11-January 02
رقم العضوية: 1,000



user posted image

أبو حميد .. الله ينور الأول ..
:laugh.gif: :laugh.gif: 8) 8) ممكن سؤال ..
هو انت أخو أكرم ... ولا الشبه ده ازاى؟ :wink:
Go to the top of the page
 
+Quote Post
Abouhemeed Al Ma...
المشاركة Dec 25 2003, 08:34 AM
مشاركة #17


أبو حميد المصري
****

المجموعة: Members
المشاركات: 3,826
التسجيل: --
رقم العضوية: 1,025



زهره .. أصلي بأحب الحواري :!:
بروف .. شكرا ، أنا موش أخو أكرم بس هو اللي شبهي :roll:


--------------------
بني الحمى و الوطن من منكم يحبها مثلي أنا ؟؟
Go to the top of the page
 
+Quote Post
Abouhemeed Al Ma...
المشاركة Dec 25 2003, 08:50 AM
مشاركة #18


أبو حميد المصري
****

المجموعة: Members
المشاركات: 3,826
التسجيل: --
رقم العضوية: 1,025



[b]بسم الله الرحمن الرحيم

إلى أمتنا العربية مع تحياتي


الكلام في أصله أخد و رد
يعني نسمع الناس من غير صد
و يسمعوا بهداوة كلامنا الجد
نلقى باب المشاكل كله إنسد
و مع بعضنا نعيش مرتاحين

الناس بتزعل من بعض علاوله
من واحد قاله كلمه كده حلاوله
خفة دم أو قولة ما هياشي مجامله
أخدها التاني على إنها منه مطاوله
رد عليه بكلمتين ناشفين

كلمه منه هنا كلمه منه هناك
شبكوا في بعضهم و هات يا عراك
عليهم تتلم الناس و تبص من الشباك
يتفرجوا فرجة بلاش ما هي خطياك
و لا حد يصلح ما بين لتنين

الناس تجري بعيد و تقفل الدكاكين
لحسن ف عراكهم يكسروا الفتارين
ممكن تحصل و حصلت لعم حسين
لما حاول يصالح ما بين خصمين
كسروا دكانه و جروا هاربين

من يومها قالوا ما لناش دعوة
نبعدوا عن الشر و نغني له غنوة
ما ينوب المخلص غير تقطيع الهدمة
أو ياخد له في وشه كام كدمة
و في المستشفى يرقد له يومين

ما كان دا يحصل لو فيه أدب
و بطل الكلام من غير سبب
دا السكوت يا خلق من دهب
كتر كلامكم و حالكم عجب
و لسه برضه ف بعضكوا ماسكين

من بعيد نادي واد كداب حدق
الماتش بدا يا بخت من لحق
بمشروبه يقعد يشوف اللي سبق
بــهدف براسه الغرقان عرق
سابوا بعضهم و راحوا قاعدين

شافوا ناس أكابر قاعدين ف التليفزيون
مؤتمر قمة منتظراه ميه و خـمسين مليون
كلامهم كله فارغ و ما هوش موزون
و إطاولوا على بعضهم بكل مجون
بصوا الناس لبعضهم و راحوا باكيين

أبو حـميد المصري


--------------------
بني الحمى و الوطن من منكم يحبها مثلي أنا ؟؟
Go to the top of the page
 
+Quote Post
Prof
المشاركة Dec 25 2003, 02:54 PM
مشاركة #19


عضو مميز
****

المجموعة: Admin
المشاركات: 8,166
التسجيل: 11-January 02
رقم العضوية: 1,000



حلو أوى يا عم ابو حميد .. بجد ماشاء الله
فيه بس ملحوظتين ...
العرب مش ميه وخمسين مليون بس دول أعتقد فوق ال 220 مليون أو على الأقل فوق ال 200 (وكسة :wink: )
وبعدين حتة .. (بصوا لبعضهم وراحوا باكيين) .. مش واقعية اوى .. أنا ماشفتش حد بكى .. يعنى انا شفت ناس بتتشل وناس بتتنقط وناس خدت على كده ..
يمكن دول مش من هنا :!:
:!: :roll:
Go to the top of the page
 
+Quote Post
Abouhemeed Al Ma...
المشاركة Dec 25 2003, 07:15 PM
مشاركة #20


أبو حميد المصري
****

المجموعة: Members
المشاركات: 3,826
التسجيل: --
رقم العضوية: 1,025



يا بروف يا أستاذي السبعين مليون الباقيين أمريكان على صهاينه على عملاء على خونه على مأجورين على ناس في ركب الحكومات ماشيين على منتفعين يعني محسوبين علينا موش معانا ربنا ياخد بإيدنا و إيدهم كل واحد حسب نيته موش كده و لا إيه ؟!
ربنا يجعل كلامنا خفيف على اللي بالي بالك :roll:


--------------------
بني الحمى و الوطن من منكم يحبها مثلي أنا ؟؟
Go to the top of the page
 
+Quote Post

42 الصفحات V  < 1 2 3 4 > » 
Reply to this topicStart new topic
1 عدد القراء الحاليين لهذا الموضوع (1 الزوار 0 المتخفين)
0 الأعضاء:

 



RSS نسخة خفيفة الوقت الآن: 23rd April 2014 - 01:55 PM