IPB

مرحبا بالضيف ( دخول | التسجيل )





7 الصفحات V  « < 5 6 7  
Reply to this topicStart new topic
> محمد عبد الوهاب, اعظم الملحنين و أعذب المطربين اطلاقا
Mzohairy
المشاركة Dec 5 2007, 06:52 AM
مشاركة #61


عضو نشيط
***

المجموعة: Members
المشاركات: 147
التسجيل: 2-June 07
رقم العضوية: 2,957



إقتباس(Ahmad Farahat @ 5 Dec 2007, 05:54 AM) *
ولكن لي اعتراض خطير على هذه الأغنية
في جملة ((يا حبيبي هذه ليلة حبي)) الإشباع في هذه (هاذهي) لا يكاد يكون واضحا وكأن عبد الوهاب عنده كرشة نفس

فأكاد لأسمعه يقولها هذي

ولأن هذه الأغنية من بحر الرمل وتفعيلته فاعلاتن

فإن هذه هي الأولى في تلك القصيدة وليست هذى

فلماذا لم يغنها عبد الوهاب بالشكل المطلوب؟


smiley_rit_pleur_ani.gif
ملحوظه ذكيه يا فنان يا شاعر
بس في حاجه مهمه أوي لازم تاخد بالك منها
الغنا غير القاء الشعر
يعني كتير الملحن او المغني بيضطر يغير من نطقه للكلمه بالمد او التنقيص عشان ميكسرش الريتم الإيقاعي او اللحني
و دي عملها السنباطي كذا مره و عبد الوهاب و أم كلثوم كتير
على سبيل المثال
قصيدة أعجبت بي بتاعة عبد الوهاب كانت اصلا كده:

أعجبت بي أم سعد فمضت .........

وطبعا أم سعد دي متنفعش ابدا حد يغنيها في اغنيه عاطفيه!!!!!!

فراح مخليها:
أعجبت بي ذات حسن فمضت..........

يعني المنطوق اللفظي و الضرورات اللحنيه تضطر الملحن احيانا الى حتى تغيير الكلمه كلها مش مجرد مدها او تخفيفها


Go to the top of the page
 
+Quote Post
Ahmad Farahat
المشاركة Dec 5 2007, 07:24 AM
مشاركة #62


عضو
**

المجموعة: Members
المشاركات: 43
التسجيل: 12-November 07
البلد: وطن الكلمات
رقم العضوية: 3,392



إقتباس(Mzohairy @ 5 Dec 2007, 06:52 AM) *
smiley_rit_pleur_ani.gif
ملحوظه ذكيه يا فنان يا شاعر
بس في حاجه مهمه أوي لازم تاخد بالك منها
الغنا غير القاء الشعر
يعني كتير الملحن او المغني بيضطر يغير من نطقه للكلمه بالمد او التنقيص عشان ميكسرش الريتم الإيقاعي او اللحني
و دي عملها السنباطي كذا مره و عبد الوهاب و أم كلثوم كتير
على سبيل المثال
قصيدة أعجبت بي بتاعة عبد الوهاب كانت اصلا كده:

أعجبت بي أم سعد فمضت .........

وطبعا أم سعد دي متنفعش ابدا حد يغنيها في اغنيه عاطفيه!!!!!!

فراح مخليها:
أعجبت بي ذات حسن فمضت..........

يعني المنطوق اللفظي و الضرورات اللحنيه تضطر الملحن احيانا الى حتى تغيير الكلمه كلها مش مجرد مدها او تخفيفها




ماشي ماختلفناش برضه يا عمنا

ماهو الوزن واحد برضه

أعجبت بي أم سعد = أعجبت بي ذات حسن

تغيير الكلمة ملهاش مشكلة

بس عايز افكر حضرتك بحاجة

ودي من وجهة نظري ميزة السنباطي عن عبد الوهاب

مع كامل احترامي لعبد الوهاب طبعا


فاكرين أراك عصي الدمع طبعا


لما أم كلثوم بتقول

فقلت كما شاءت وشاء لها الهوى.....قتيلك قالت أيهم فهم كثر

هنا (فهم) من أجل الوزن لازم يبقى فيه إشباع فبتبقى كده (فهموا)

شوفوا السنباطي بقى مديها حقها في اللحن بحيث انها لازم تتغنى كده

انما عبد الوهاب في الأغنية دي عداها طبعا لاهتمامه باللحن على حساب الكلام في الحتة دي

الأستاذ عبد الوهاب أستاذ كبير مفيش شك


ولكن من رأيي أن هذه الكلمة تمثل سقطة وغير مغتفرة


تماما كسقطة شوقي الشهيرة

أنا من بدل بالكتب الصحابا*****لم أجد لي وافيا إلا الكتابا

طبعا معروف إن الباء بتدخل على المتروك

كقوله تعالى (أتستبدلون الذي هو أدنى بالذي هو خير......)


عموما.....

بتحصل في أحسن العائلات.....



بس سامحني

مش هاعديها smiley_rit_pleur_ani.gif


--------------------
Go to the top of the page
 
+Quote Post
Mzohairy
المشاركة Dec 5 2007, 09:09 AM
مشاركة #63


عضو نشيط
***

المجموعة: Members
المشاركات: 147
التسجيل: 2-June 07
رقم العضوية: 2,957



إقتباس(Ahmad Farahat @ 5 Dec 2007, 07:24 AM) *
انما عبد الوهاب في الأغنية دي عداها طبعا لاهتمامه باللحن على حساب الكلام في الحتة دي

الأستاذ عبد الوهاب أستاذ كبير مفيش شك
ولكن من رأيي أن هذه الكلمة تمثل سقطة وغير مغتفرة
تماما كسقطة شوقي الشهيرة

أنا من بدل بالكتب الصحابا*****لم أجد لي وافيا إلا الكتابا

طبعا معروف إن الباء بتدخل على المتروك

كقوله تعالى (أتستبدلون الذي هو أدنى بالذي هو خير......)
عموما.....

بتحصل في أحسن العائلات.....
بس سامحني

مش هاعديها smiley_rit_pleur_ani.gif


المهم هل اللي عمله عبد الوهاب غير حاجه في المعنى؟


اطلاقا

يعني هل في فرق جلي يخل في المضمون بين (هاذي هي) و (هذه)؟ smiley_rit_pleur_ani.gif

الراجل خففها عشان اللحن يبقى احلى بدون اي اخلال في المعنى ابدا




بالنسبه بقى لسقطة شوقي

في اوبريت قيس و ليلى في حته بتقول:
في الدار حتى خلت من نارنا الدار
و ممكن تتقال:
في الدار حتى خلت من دارنا النار


هل دي كمان غلطه ولا نوع من انواع التمكن الشعري؟

و هل معقول احمد شوقي مخدش باله من نقطة الاستبدال دي ؟
Go to the top of the page
 
+Quote Post
farida
المشاركة Dec 5 2007, 11:16 AM
مشاركة #64


عضو مميز
****

المجموعة: مناظرات
المشاركات: 7,750
التسجيل: --
البلد: القاهرة
رقم العضوية: 1,036



يا احمد اعتقد.. الجميلة ...علي لسان عبد الوهاب لكن الحسان احتمال علي لسان الشاعر


لاني نقلت بسرعة الجزء ده وانا نازلة ...

الاذن الموسيقية صعب مع الاوبريت تستوعب الحسان ...الجميلة فيها تناغم مع ليا ليكي


بس انا معجبة بالمشاغبة والمبارزة الفنية ما بينك وبين زهيري




--------------------
المحبة تستر العيوب
Go to the top of the page
 
+Quote Post
أحمد باشــا
المشاركة Dec 5 2007, 01:03 PM
مشاركة #65


عضو مميز
****

المجموعة: Admin
المشاركات: 4,036
التسجيل: 11-March 06
البلد: مصـــر
رقم العضوية: 2,520



أنا مستمتع جدا بهذا الصالون الثقافي الفني الراقي

متابع معكم

تحياتي
cool_md_wht6.gif


--------------------
Go to the top of the page
 
+Quote Post
Mzohairy
المشاركة Dec 5 2007, 03:26 PM
مشاركة #66


عضو نشيط
***

المجموعة: Members
المشاركات: 147
التسجيل: 2-June 07
رقم العضوية: 2,957



تلبية لطلب العزيز احمد شوقي اقصد احمد فرحات نقدم لكم الظلم ده كان ليه

محمد عبد الوهاب
واعتقد احمد رامي والله اعلم
المقام ماجير
القاهره 1937
غناها في فيلمه الثالث يحيا الحب امام الفنانه الرقيقه ليلى مراد
على فكره
اغاني الفيلم ده كله جميله اوي اوي وان لم يفت المكار عبد الوهاب في اغانيه الديو مع ليلى مراد ان يعطي لنفسه الحانا اكثر طربا و اشراق من التي تغنيها معاه ليلى مراد في نفس الغنوه
ومن اغاني الفيلم
يا وبور قولي
يادي النعيم اللي انت فيه يا قلبي

المهم نرجع لموضوعنا
المحبوبه كسرت له العود فيقوم برثاء العود في هذه الغنوه


الظلم ده كان ليه؟
هوا انت ذنبك إيه؟
ياما بكيت بين أحضاني...
ومدمعك لحن شاجي....
يا ما رويت من ألحاني....
وفضلت ويايا تناجي...
أنا كنت أشكي....ترحم أسايا
وكنت أحـــكي....تفهم لغايا

فين صوتك الحلو الرنان....يخــــــفف الأشجان عني
دانت السمير بين الخلان....يرتاح معاك بالي واغني

يا روضة من غير بلابل تشــــــجي الفؤاد العليل
يا غصن ع الأرض مايل...عدمت زهره الجميل

فين صوتك الحلو الرنان....يخــــــفف الأشجان عني
دانت السمير بين الخلان....يرتاح معاك بالي واغني

غير الاداء الجميل لعبد الوهاب نييجي عند اهم حتتين لحنيا وادائيا من وجهة نظري المتواضعه

فين صوتك الحلو الرنان....يخــــــفف الأشجان عني
دانت السمير بين الخلان....يرتاح معاك بالي واغني

اختار لها الاستاذ ايقاع الفالس الرشيق للتعبير عن نوعية المفقود و مكانته الموسيقيه مع موسيقى في غاية الرشاقه و الشياكه و يمكن نستغرب لوجودها اصلا سنة 37 !!!!

ثم يرجع الواعد المتألق لأصله الشرقي في حتة :

يا روضة من غير بلابل تشــــــجي الفؤاد العليل
يا غصن ع الأرض مايل...عدمت زهره الجميل

و يقوم بعمل موال جميل و يظهر فيه جليا تأثره بالشيخ رفعت و الشيخ علي محمود في القفلات الحراقه

ثم تعود الموسيقى الشيك وحدها بعزف قطعة فين صوتك الحلو الرنان بدون غناء ثم يليها غناء عبد الوهاب

يا عبد يا جامد أوي

لنستمع سويا بعد تفضل احمد شوقي فرحات بوضع الرابط
Go to the top of the page
 
+Quote Post
Ahmad Farahat
المشاركة Dec 5 2007, 05:46 PM
مشاركة #67


عضو
**

المجموعة: Members
المشاركات: 43
التسجيل: 12-November 07
البلد: وطن الكلمات
رقم العضوية: 3,392



أستاذي العزيز محمد زهيري

أنت تعرف جيدا أن غناء القصيدة ليس كغناء الزجل

فأنت لا ينبغي عليك أن تخل بالنحو أو أن ترفع المفعول وتنصب الفاعل

وكذلك الوزن عليك أن تحافظ عليه قدر ما تستطيع وغلا كسرت البيت


لو غناها (هذي) كما فعل عبد الوهاب يا صديقي فإنه قام بكسر بين

ويعاب

ويعد سقطة غير مغتفرة


أما بالنسبة للمثل الذي سقته فالمعنى لن يتغير

لكن الوزن لابد وأن يحافظ عليه

وتغيير الكلمة لابد من ألا يكون على حساب الوزن


من الآخر عبد الوهاب هنا قام بكسر ليس في النص الأصلي

ولكننا جميعا بشر


ولكنني ايضا مش هاعديها



آدي رابط الأغنية الجاية


وهي أغنية رائعة بالفعل



الظلم ده كان ليه


--------------------
Go to the top of the page
 
+Quote Post
Prof
المشاركة Jan 11 2008, 11:47 PM
مشاركة #68


عضو مميز
****

المجموعة: Admin
المشاركات: 8,166
التسجيل: 11-January 02
رقم العضوية: 1,000



^
Go to the top of the page
 
+Quote Post

7 الصفحات V  « < 5 6 7
Reply to this topicStart new topic
1 عدد القراء الحاليين لهذا الموضوع (1 الزوار 0 المتخفين)
0 الأعضاء:

 



RSS نسخة خفيفة الوقت الآن: 21st August 2014 - 10:14 AM