IPB

مرحبا بالضيف ( دخول | التسجيل )





42 الصفحات V  « < 2 3 4 5 6 > »   
Reply to this topicStart new topic
> أبو حميد المصري, الأعمال الشعرية
Abouhemeed Al Ma...
المشاركة Jan 2 2004, 12:26 PM
مشاركة #31


أبو حميد المصري
****

المجموعة: Members
المشاركات: 3,826
التسجيل: --
رقم العضوية: 1,025



[color=darkblue][/color]بسم الله الرحمن الرحيم


الأوله قالوا لنا شدوا الحزام
قلت ماله شدوه ما أنا عريان
و كسوتي يا مافيش .. يا قفطان
يعني أكترها .. ح تكتفوا الغلبان؟
*
كلنا شركا في الوطن
نوفر لك مأكل و سكن
و نصورك قدام المكن
و لينا تضرب تعظيم سلام
***
بقيت آخد كل يوم عليقه
و خوجة يحكي غير الحقيقه
و مكن ما يقف و لو دقيقة
إنتاجه مكتوب في البيان
***
كستوري آخذه على البطاقة
و ناس أساتذة في الحداقة
كفيار و ويسكي لجل الصداقة
في الإتحاد واخدين مكان
***
و سكن فخيم الله يديمه
عشش فراخ دفا و قيمه
و قصور و فلل لقطط سمينه
و ركوبه هايله آخر تمام
***
دربوني ع السلاح أشيل
و أقف هناك ف طابور طويل
محلك سر سري أنا و خليل
و رجعت أجري م الميدان
***
ما عَرٍِِفش ليه مات خليل
و الحمل عليا بات تقيل
مذله ف نهار و فكر ف ليل
و أخويا باصص عليْ شمتان
&&
الثانية قالوا علم و إيمان
كلام مستني له زمان
قلت ربي زدني كمان
و أملي أرجع للميدان
&&
عشت سنين متخندق
أسمع كلام كثير يخنق
و عدو هناك عمال يغنق
لما الحيا و الموت بقوا سيان
***
يوم الإشارة راحت جايه
رميت بنفسي في الميه
أعيش أموت موش قضيه
و طلعت سالم م النيران
***
احتفال كبير بنصر كان ليه
خدوه و قالوا ماليش ديه
تطرف و خروج ع المسرحية
خدوني و رموني ف اللومان
***
مصيبه تقيله و طبلت
على راسي حطت و كملت
بموت الراجل اللي حرت
في الصخر عايز سلام
&&&
الثالثة قالوا لازم نكون فاتحين
تكية لناس سَوْ لنا ظالمين
في بلدنا داخلين خارجين
لكل ما في أيدينا طامعين
&&&
يسلفونا قرش يرجع لهم ملايين
بجينز محزق و بجزم سارحين
لتاخدنا الدنيا و ننام و لا حاسين
و ننسى الوطن و شرف حطين
***
دنيا فيها مالناش مطرح
يعني بالعبارة نروح نسرح
و نمد ايدنا لكل من يدفع
مايهمش ايه نكون بايعين
***
طبوا علينا و عندهم نيه
ياكلوا لحومنا و لو نيه
بدوا بالعراق و الثانيه جايه
و قبلهم راحت مننا فلسطين
***
الكل بات للعدو يهادن و يمحلس
متردد يوطي و لا يقف أو يجلس
مسلم له ………..؟ و لو حسس
عليها و كل الناس شايفين
***
حتى بناتنا منهم ما سلموش
يا يقلعوا لهم يا ما يشتغلوش
عايزينهم يبقوا زيهم ما يختشوش
من عيب كلنا له عارفين
***
الخلاصة بقت حياتنا مسخرة
قَدرنا نمشي ما نبصش ورا
ننسى اللي كان و اللي جرا
ع المقصلة لدورنا منتظرين
***
الخيبة نداريها بمنظره و كلام حركشة
الضمير ادارى في ذممنا المكشكشة
غيبنا عن و عينا في الأنس و الفرفشة
ينقذنا مين من نفسنا و من الغازيين
&&&&
أبو حميد المصري ‏01‏‏/‏01‏‏/‏2004‏


--------------------
بني الحمى و الوطن من منكم يحبها مثلي أنا ؟؟
Go to the top of the page
 
+Quote Post
gameel
المشاركة Jan 2 2004, 09:35 PM
مشاركة #32


عضو مميز
****

المجموعة: Members
المشاركات: 1,118
التسجيل: 20-December 02
رقم العضوية: 309



اقتباس
تحياتي و كل عام و أنت بكل خير و صحة و سعادة بمناسبة العام الميلادي الجديد 2004  smile.gif


وأنت بخير وسعادة وفى حالة إلهام دائم smile.gif smile.gif

كل شعرك المعروض هنا جميل وراق وإن كان بنسب مختلفة بطبيعة الحال ، وبالنسبة لـ "مشكلة سواق" فلها وضع خاص جداً ، ورغم أننى تقريباً حفظتها عن ظهر قلب إلا أننى لم أتبين بعد سر جماليتها الفائقة وتأثيرها الساحر .

ويسعدنى دائما أن يكون لديّ ما يستحق أن أعلق به على شعرك smile.gif

--------------------
"هناك شىء فى نفوسنا حزيـن
قد يختفى ولا يبين..لكنه مكنون
شىء غريب .. غامض ...حنـون
"
-------(صلاح عبدالصبور)
Go to the top of the page
 
+Quote Post
Abouhemeed Al Ma...
المشاركة Jan 5 2004, 10:41 PM
مشاركة #33


أبو حميد المصري
****

المجموعة: Members
المشاركات: 3,826
التسجيل: --
رقم العضوية: 1,025



بسم الله الرحمن الرحيم

العمدة قال فضوها دي سيره
الكل لازم ينام على حصيره
و اللي موش عاجبه ليلته منيلة بستين نيله

ليه يا عمده ما كنا حبايب
كلنا يا اما غرمان يا تايب
ضربت المربوط خاف منك السايب

قلت عنده بتاع شامل
لازم له تفتيش كامل
قلب لك جيوبه و بطن بنته الحامل

دخلت داره لقيتهم جياع
و لسه برضه عاوز البتاع
دورت القتل فيهم بقسوة ما يعرفها السباع

و المنفوخ فيهم بنفخه ذليته
حفرت له حفره و حطيته
و بتدور لسه ع بتاع لعدوى أعطيته و نسيته؟

دورت عينك ع بتوع تانيين
منهم العاقل و منهم مجانين
هروا و عليا و على نفسهم راحوا بايلين

ما عندناش بتاع يا عمدة
حتي بص تحت الهدمة
يريحك كمان أقلع لك إيه ؟ أقلع لك العمه!

يا ناس بتاع إيه أنا في حيرة
لا عندي بتاع و لا نيلة
حتى اسألوا البتاع قريب أبو حصيره

أبو حميد المصري ‏05‏‏/‏01‏‏/‏2004‏


--------------------
بني الحمى و الوطن من منكم يحبها مثلي أنا ؟؟
Go to the top of the page
 
+Quote Post
Abouhemeed Al Ma...
المشاركة Jan 8 2004, 08:42 AM
مشاركة #34


أبو حميد المصري
****

المجموعة: Members
المشاركات: 3,826
التسجيل: --
رقم العضوية: 1,025



بسم الله الرحمن الرحيم

أهل الإسكندرية كانوا يستيقظون كل صباح منذ عدة سنوات ( 4 أو 5 سنوات )ليجدون من كتب سؤال غريب على الحوائط و خاصة على محطات الترام يسأل ... متر الوطن ب كام ؟و موقعة بإسم جمال الدولي ، مع عبارات أخرى مثل أحب ( فنانة مشهوره ) و أحب ( شخصية سياسية كانت تحتل منصب وزير الخارجية ) و تزال هذه العبارات لتظهر في الصباح التالي في مواقع أخرى حتى صارت حديث الناس و تساؤلهم من هو جمال الدولي ؟ و عرف فيما بعد أنه أحد مشجعي نادي سكندري شهير ويعرف أنه يتتبع مباريات فرق النادي في الرياضات المختلفة تقريبا في كل مبارياته ، و حدث أنه في إحدي المباريات خرج عن طوره و خلع كل ملابسه و نزل يجري عاريا تماما في أرض الملعب غير مبال بكاميرات التليفزيون التي كانت تنقل المبارة على الهواء مباشرة ، و ألقت الشرطة القبض على جمال الدولي و لم يعرف أحد ما حدث له و يشاع أنه أودع إحدي مستشفيات الأمراض العقلية ، و إختفت كتاباته من على الجدران ، و لكن بقي سؤاله العجيب ... متر الوطن ب كام ؟ و هل يمكن حقا بيع الوطن ؟ و هل له ثمن ، و مرت السنون و سؤاله يحيرني ... متر الوطن ب كام ؟ و هنا أعيد السؤال الذي سأله رجل أحب وطنه حتى الجنون ......


هو بصحيح متر الوطن ب كام ؟
كتبها واحد على حيط ما كتبش له عنوان
مجنون قالوا اتحبس بعد ما جري عريان
و كتب أحب فلانه و ما أحبش فلان
لكن يبقى السؤال الهام
متر الوطن ب كام؟

هو صحيح كل شيء صار عندنا ينباع
من الهوا و الكلام لموقف في صراع
و الشرف له مقياس بالمتر و الباع
لأجل نبيعة كلته أو نقسمه أرباع
لكن يبقى السؤال الهام
متر الوطن ب كام؟

سكت السكوت ع الدماء أنهار
عمي خرس الضمير و ب سكتته اختار
بهت ف ورق مكتوب و ف نشرة الأخبار
و يبقي السؤال على الأرض و الجدار
نفس السؤال الهام
متر الوطن ب كام؟

عولمة و معلمة تحت يدها أزرار
تضغط عليها تطير رقاب أينعت بجيش و دولار
يموت من يموت بفعل ناس وحوش أشرار
و الطفل الشريد يسأل فين الأخ ... أين الجار
و ب نظرته يسأل السؤال الهام
متر الوطن ب كام؟

لا أخ أجاب السؤال و الجار عنه بعد
ما تعرف خوف و لا شماته و لا حسد
حلم طفل بريء على حيطة مايلة اتسند
في اليقظ و النوم يتشاف منسي عن عمد
يسأل سؤاله الهام
متر الوطن ب كام؟

هو وحده عنده الجواب المنتظر
شهيد سقط و يمينه بقوة ماسكه حجر
شهيد وطن مجروح ف متر أرض منه اندفن
و طلع نخيل ضمه و ف حضنه سكن
أجاب السؤال الهام
متر الوطن ب كام ؟
مالوش تمن .....
مالوش تمن ....
مالوش تمن ....

أبو حميد المصري ‏06‏‏/‏01‏‏/‏2004


--------------------
بني الحمى و الوطن من منكم يحبها مثلي أنا ؟؟
Go to the top of the page
 
+Quote Post
Abouhemeed Al Ma...
المشاركة Jan 8 2004, 08:45 PM
مشاركة #35


أبو حميد المصري
****

المجموعة: Members
المشاركات: 3,826
التسجيل: --
رقم العضوية: 1,025



جرى ايه يا جماعه ؟ فتح المزاد !
ما حدش عايز يرد يقول متر الوطن بكام !
نقفل المزاد و لا نقفل باب الشعر طالما ليس شعر حب و غرام و لا ايه ؟


--------------------
بني الحمى و الوطن من منكم يحبها مثلي أنا ؟؟
Go to the top of the page
 
+Quote Post
Abouhemeed Al Ma...
المشاركة Jan 12 2004, 10:25 AM
مشاركة #36


أبو حميد المصري
****

المجموعة: Members
المشاركات: 3,826
التسجيل: --
رقم العضوية: 1,025



بسم الله الرحمن الرحيم

مال عليه و همس له في ودنه
أقولك سر بس في بير ترميه
لمعت عنيه و بسمة على فمه
ما هو صاحبة واثق دايما فيه
بير غويط ح حط سرك في قعره
و أقفل الغطا بقفل يل عليه
وشوش له بحمل كان على قلبه
و رجع لورا و الراحة باينه عليه

صاحبه سمع كلامه راح بلم
و غضب ظاهر ما بين حاجبيه
كلام موش معقول أنا ح أتجنن
مرسي ح يبقى اللي قلت عليه
أتاريه يا سيدي عدى و لا سلم
ما إحنا بقينا ما نلقش عليه
أوع تجيب سيره لحد و تتكلم
صاحبه قال و ف المكان دار بعينيه

و عرفت منين الكلام دا كله ؟
أنا قلبي برضه كان حاسس بيه
صاحبه انجعص و الذي منه
حس انه مهم و الكلام يرضيه
قال مرسي صاحبي و كمنه
كل شيء يحكي لي عليه
متربي معاه و كمان من سنه
و العيد اللي فات عيدت عليه

انت كمان لو ما كنتش صاحبي
ما كنت حكيت اللي قلت عليه
سلام بقى و قام قوام يجري
لما مرسي دخل و سجاده ف ايديه
ع الأرض فردها و بدا يصلي
الظهر قبل العصر ما يخش عليه
سلم و قام قعد على كرسي
و حس ان كل الخلق باصه عليه

حرما يا سيدي ... قال له بتهكم
و ضحكة مكر صفرا على شفتيه
رد مرسي جمعا و بقدرة راح متحكم
ف أعصابه لما لمح حسد في عنيه
مزعلش إن صاحبه بسره راح يفتن
لكل الناس اللي قاعدين حواليه
لأن هو ذاته لسره ما قدر يكتم
يلومه ليه على سر له دار يفشيه

أبو حميد المصري ‏12‏‏/‏01‏‏/‏2004‏


--------------------
بني الحمى و الوطن من منكم يحبها مثلي أنا ؟؟
Go to the top of the page
 
+Quote Post
motaz
المشاركة Jan 17 2004, 05:38 PM
مشاركة #37


عضو مميز
****

المجموعة: Members
المشاركات: 1,939
التسجيل: --
رقم العضوية: 1,066




اقتباس
لا نقفل باب الشعر طالما ليس شعر حب و غرام و لا ايه ?


لا يا استاذ تقفل ايه!! :evil:

انا مستمتع كتير باعمالك.. والامانه الادبيه تجبرك انا تكتب حتى لو ان القارئ (انا لوحدي) smile.gif

[A5] [A5] [A5]



اقتباس
حلم طفل بريء على حيطة مايلة اتسند
في اليقظ و النوم يتشاف منسي عن عمد
يسأل سؤاله الهام
متر الوطن ب كام؟

هو وحده عنده الجواب المنتظر
شهيد سقط و يمينه بقوة ماسكه حجر
شهيد وطن مجروح ف متر أرض منه اندفن
و طلع نخيل ضمه و ف حضنه سكن
أجاب السؤال الهام
متر الوطن ب كام ؟
مالوش تمن .....
مالوش تمن ....
مالوش تمن ....



[A5] [A5] [A5]

الفئه التي اخترتها في الاقتباس.. اجابتك شافيه ووافيه.. طبعا مالوش تمن..

ولكن هناك اوطان واوطان تقدم عربون صداقه .. خاصه في ايامنا هذه.. متر الوطن يساوي وطئة حذاء امريكي صديق ..


دمت استاذ ابو حميد ..

--------------------
لم أكن أتصور أن يصبح الحزن وطنا نسكنه ونتكلم لغته كبقية الاوطان
Go to the top of the page
 
+Quote Post
Abouhemeed Al Ma...
المشاركة Jan 18 2004, 09:17 AM
مشاركة #38


أبو حميد المصري
****

المجموعة: Members
المشاركات: 3,826
التسجيل: --
رقم العضوية: 1,025



صباح الخيرات يا أخي معتز
أشكرك على قراءتك لما أكتب
المحير هو أن إنحدار الفكر العربي الحالي ، لا أحد يهتم
لا أحد يشعر بما هو آت
الكل في غيبوبة
الكل يطبل و يزمر
الكل يرقص و يعري
الكل يضحك و يهزر
طيب الوطن ؟
من يقف له و يدافع عنه ؟
أنكتفي بالفرجة على التليفزيون ؟
أرجو قراءة قصيدتي عيون على الشاشة أو البطل المنتظر ، هل هناك حقيقي أمل ؟
من يرى أنه هناك أمل فليشاركنا الحوار , على الأقل حتى لا نموت كمدا ، كما في قصيدة آخرتها أنس و فرفشة ، و لا حول و لا قوة إلا بالله sad.gif


--------------------
بني الحمى و الوطن من منكم يحبها مثلي أنا ؟؟
Go to the top of the page
 
+Quote Post
drmsaber
المشاركة Jan 18 2004, 09:49 AM
مشاركة #39


dr
***

المجموعة: Members
المشاركات: 786
التسجيل: 13-April 03
البلد: المدينة المنورة
رقم العضوية: 377



من كثرة الهموم قليلاً ما تطاوع المرء نفسه ليشد على يد شاعر او كاتب و لكن هذا لا يعنى أنه لا يقرأ أو يعجب بالمكتوب
فسلامتك من الكمد ..جعله الله قدراً لأعداء الدين ثم اعداء الوطن
واصل الكتابة سلمت يداك
Go to the top of the page
 
+Quote Post
Abouhemeed Al Ma...
المشاركة Jan 18 2004, 09:57 AM
مشاركة #40


أبو حميد المصري
****

المجموعة: Members
المشاركات: 3,826
التسجيل: --
رقم العضوية: 1,025



آمين يا رب العالمين
نحن كمسلمين نؤمن بقيمة الدعاء لله سبحانه و تعالى
ولكن ...
ألا يستلزم مع الدعاء العمل ؟
ألا يستلزم مع الدعاء تقوى الله ؟
ألا يستلزم مع الدعاء التجرد و محاسبة النفس ؟
كلنا ندعو ... و نسأل ... لم لا يستجب لنا الله ؟
ألا يستلزم هذا أن نراجع أنفسنا و نعرف أين نقف من الله و من أنفسنا ؟
من يراجع نفسه يرفع يده !! :roll:


--------------------
بني الحمى و الوطن من منكم يحبها مثلي أنا ؟؟
Go to the top of the page
 
+Quote Post

42 الصفحات V  « < 2 3 4 5 6 > » 
Reply to this topicStart new topic
1 عدد القراء الحاليين لهذا الموضوع (1 الزوار 0 المتخفين)
0 الأعضاء:

 



RSS نسخة خفيفة الوقت الآن: 23rd November 2014 - 07:07 PM